ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ངག་རིག་འདོད་འཇོ། >> ལེཊ་རྩོམ།
 རྩོམ་ཡིག་ཀློག་པ།

ཨ་མའི་གཅེས་ཕྲུག་ཁྱོད་གང་ན་ཡོད།

  རྩོམ་པ་པོ:གསལ་ལེ་རྒྱལ་ཡོང་ཁུངས:ངེད་དྲ་བ།གཟིགས་གྲངས:2208ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2011/10/28 10:07:41ཚོགས་ཡར་སྤྲོད:admin
ཨ་མའི་གཅེས་ཕྲུག་ཁྱོད་གང་ན་ཡོད།
                               གསལ་ལེ་རྒྱལ་གྱིས་ཧྥ་རན་སིའི་རྒྱལ་ས་ཕ་རེ་སི་ནས་ཨ་མ་དགུའི་ཚབ་ཏུ་བྲིས།
 
   སུས་ཀྱང་ཚབ་བྱེད་མི་ཐུབ་པའི་ཨ་མའི་གཅེས་ཕྲུག་ཁྱོད་གང་ན་ཡོད། མི་ལ་ལས་བཤད་ན་ཁྱོད་ཀྱིས་སྟག་མོ་ལུས་སྦྱིན་གྱི་ལེའུ་གསར་བ་ཞིག་འབྲི་བཞིན་ འདུག་ཟེར། ཨ་མའི་ལོ་ལོ་ཡིན། ང་ལ་དགོས་བ་ནི་སྟག་མོ་ལུས་སྦྱིན་གྱི་ལེའུ་གསར་བ་དེ་མིན་ལ། སངས་རྒྱས་ཀྱི་གོ་འཕང་ཞེས་སེམས་ཅན་གྱིས་ཡིད་སྨོན་བྱེད་ས་དེའང་མིན། ང་ལ་མཁོ་བ་ནི་ཁྱོད་ཁོ་ན་ཡིན། ཨ་མའི་གཅེས་ཕྲུག ཁྱོད་གང་ན་ཡོད།
མི་ལ་ལས་བཤད་ན་ཁྱོད་ཀྱིས་མི་རིགས་དང་རང་དབང་གི་ཆེད་དུ་རང་ལུས་མེ་ལ་སྦར་ཟིན་ ཟེར། སྐད་ཆ་འདི་དག་མི་བདེན་པའི་གསོལ་བ་སྙིང་ནས་འདེབ་བཞིན་ཡོད། ང་ལ་མཁོ་པ་ནི་མི་རིགས་མིན་ལ་རང་དབང་ཡང་མིན། ང་ལ་མཁོ་བ་ནི་ཁྱོད་ཁོ་ན་ཡིན་པས། ང་ལ་བདེ་མོ་ཙམ་ཡང་མ་བཞག་པར་འདི་ལྟར་མི་རིགས་དང་རང་དབང་གི་ཆེད་དུ་འགྲོ་མི་ སྲིད། ཨ་མའི་གཅེས་ཕྲུག་ཁྱོད་གང་ན་ཡོད།
ཁྱོད་མེད་པའི་ལོ་ཟླ་རིང་མོ་དང་ངའི་ཚེ་འཇུག་གི་ཉིན་མཚན་འདི་དག་ངས་ཇི་ལྟར་ བསྐྱལ། ཁྱོད་ལ་དགོས་བ་ནི་མི་རིགས་དང་རང་དབང་ཡིན་ཡང་། ངས་མི་རིགས་ཞེས་པ་དེ་ཅི་ཞིག་ཡིན་མིན་དེ་མི་ཤེས་ལ། རང་དབང་ཞེས་བ་དེ་དེ་བས་ཀྱང་མི་ཤེས། ང་ལ་མཁོ་བ་ནི་ཁྱོད་ཁོ་ན་ཡིན། ཨ་མའི་གཅེས་ཕྲུག་ཁྱོད་གང་ན་ཡོད།
འུག་པའི་མཚན་མོ་རྫོགས་པའི་ཉིན་མོ་དང་ཨ་མའི་ཉིན་མོ་རྫོགས་པའི་མཚན་མོ་གཉིས་ དུས་མཉམ་དུ་ཤར་ནའང་། མུན་ནག་གི་ཀློང་ན་ངས་ད་དུང་མིག་ཟུང་ཆེ་ཆེར་ཕྱེས་ནས་ཁྱོད་རང་འཚོལ་གྱིན་ཡོད། ངས་ཁྱོད་རང་སྙིང་ནས་དྲན་གྱིན་ཡོད། ངས་ཁྱོད་རང་སེམས་ནས་འབོད་ཀྱིན་ཡོད། སུས་ཀྱང་ཚབ་བྱེད་མི་ཐུབ་པའི་ཨ་མའི་གཅེས་ཕྲུག་ཁྱོད་གང་ན་ཡོད།
ནམ་མཁའི་སྐར་མ་འོད་ཆེན་དེ་ཁྱོད་མིན་པའི་སྨོན་ལམ་ཡོད་ལ། ཁྱོད་ཀྱི་མཐའ་འཁོར་ན་འོད་དུ་འཚེར་བའི་སྐར་མ་གཞན་པ་དེ་དག ཁྱོད་དང་ལས་དབང་གཅིག་པའི་འགྲོ་རོགས་འདུག་རོགས་ཚོ་མིན་པའི་སྨོན་ལམ་ཡོད། ཁྱོད་ཚོ་རེ་རེ་ལ་ཨ་མ་རེ་རེ་ཡོད་ལ། ཨ་མ་རེ་རེ་ལ་སླར་མཇལ་གྱི་རེ་བ་རེ་རེ་ཡོད། ཤ་སྐྱིས་བཏུམ་པའི་རུས་གསེང་ན་དབུགས་ཀྱི་རྒྱུ་བ་འཆད་ལ་ཉེ་བའི་ཨ་མ་དགུའི་ སེམས་ངལ་བར་ན་སླར་མཇལ་གྱི་རེ་བ་ལྷག་མ་རེ་ད་དུང་འཕག་གིན་ཡོད།
སུས་ཀྱང་ཚབ་བྱེད་མི་ཐུབ་ལ་སྡར་མ་སྟོང་རུབ་ཀྱིས་སྡང་མིག་ཙམ་ཡང་ལྟ་མི་ནུས་ བའི་ཨ་མའི་གཅེས་ཕྲུག་གི་སྐུ་ལུས་ནད་མེད་དུག་མེད་དེ་མ་བསམ་ས་ནས་མེ་ལྕེ་ལ་འཐིམ་སོང་བར་ངས་ད་དུང་ཡིད་ཆེས་བྱེད་མི་ཐུབ་པས། ངའི་མིག་ཟུང་གཏན་དུ་མ་བཙུམས་བར་དུ་ངས་རེ་བ་ཆེན་པོས་ཁྱོད་ལ་བསྒུག་ངེས་ཡིན། སླར་མཇལ་གྱི་རེ་བ་གསོན་པོ་འདི་ང་རང་ཚེ་ཕྱི་མར་འགྲོ་བའི་ལམ་རྒྱགས་མིན་པའི་སྨོན་ལམ་དང་བཅས་ཨ་མའི་ཕ་ཡུལ་རྔ་ལྗོངས་དཔའ་བོ་མེ་འབར་ནས་བྲིས།
མ་མེད་གསལ་ལེ་རྒྱལ་གྱིས་གདུང་སེམས་དྲག་པོས།།
མ་དགུའི་ཚབ་ཏུ་བྲིས་བའི་འཕྲིན་འདི་བཀླགས་རྗེས།།
མ་གྱུར་འགྲོ་བའི་ཁོག་ན་སེམས་ཤིག་ཡོད་ན།།
མ་འདུག་ད་ལྟ་མྱུར་དུ་ཡར་ལ་ལངས་རོགས།།
དག་པའི་ཞིང་ལ་དུ་བའི་སྐས་འཛེག་བཙུགས་ནས།།
སྲེག་བྱེད་གཤོག་ལྡན་རྟ་ཕོའི་བང་ཁ་བསྒྱུར་བའི།།
བརྩེ་ལྡན་མིང་སྲིང་དགུ་ཡི་ཞབས་རྗེས་འཚོལ་ཕྱིར།།
བདག་འཛིན་སྐམ་པོའི་སྒྱེ་མོ་མེ་ལ་སྦར་རོགས།
རྒྱུ་ཆེན་ཚོང་བའི་རྒྱབ་ལ་དབང་ཆེན་ལངས་ནས།།
དབང་ཆུང་བོད་པའི་ཐོག་ལ་རྫིག་རྫིག་བྱས་ཀྱང་།།
དམར་བོ་མེ་དང་སྲོག་ལ་ཡང་ལྗི་མེད་པས།།
རྒྱུ་དང་དཔའ་སྙིང་བསྡུར་བའི་ལྟད་མོར་བལྟ་ཆོག།
གསེར་གྱི་ཁྲི་ལ་འགྱིང་བའི་འགྱིག་གི་ཁྱི་དང་།།
མེ་ཡི་དཀྱིལ་འཁོར་ལ་བཞུགས་རྡོ་ཡི་མི་གཉིས།།
དྲང་བདེན་ལྕགས་རི་རིང་མོའི་ཐོག་ནས་མཆོང་སྟེ།།
བདེན་རྫུན་རྩ་བ་སྔོག་དུས་སུ་རྒྱལ་བལྟ་ཆོག།
                             ༢༠༡༡ ལོའི་ཟླ་བཅུ་བའི་ཚེས་ཉི་ཤུ་ཉིན་ཕ་རེ་སི་ནས།
·རྩོམ་ཡིག་གོང་མ:གླིང་བྲོ་བདེ་ཆེན་རོལ་མོའི་སྟངས་སྟབས་དང་བྲོ་ཚན་སྐོར།
·རྩོམ་ཡིག་འོག་མ:གཞས་ཚིག བརྩེ་བའི་ཕ་དང་ཨ་མ།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·འགོ་ཁྲིད་དང་དཔོན་པོ་མ་ནོར་ཅིག 2016/9/30 16:16:26
·ཀུན་མཁྱེན་ཇོ་ནང་པ་ཆེན་པོའི་བསྟན་པ་རྒྱས་པའི་སྨོན་ལམ། 2016/9/30 16:11:32
·སྐད་ཡིག་དང་ནང་ཆོས་གཅིག་ཏུ་འཁྲུལ་མི་ཉན། 2016/3/7 18:08:42
·རླབས་ཆེན་གྱི་བཞུད་ལམ། 2016/3/7 18:03:51
·སྙིང་གཏམ་བཅོ་ལྔ་པ། 2016/3/7 17:51:57
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 3:17:14 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 5:07:37 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 7:51:13 [来自: 112.5.248.229]

འབྲེལ་ཡོད་དཔྱད་བརྗོད 53 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།27.34MS