ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་འདུ་ར། >> བློ་སྦྱོང་།
 རྩོམ་ཡིག་ཀློག་པ།

བློ་སྦྱོང་སྙན་ངག་སྒྲ་རྒྱན་བཞུགས་སོ།

  རྩོམ་པ་པོ:རྗེ་ཙོང་ཁ་པ།ཡོང་ཁུངས:རྒྱམ་ཕུན།གཟིགས་གྲངས:2059ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2009/12/15 9:21:35ཚོགས་ཡར་སྤྲོད:ངེད།
            རྗེ་བློ་བཟང་གྲགས་པའི་བློ་སྦྱོང་སྙན་ངག་སྒྲ་རྒྱན་བཞུགས་སོ།
                         རྗེ་ཙོང་ཁ་པ།
རྒྱལ་བ་སྲས་དང་བཅས་ལ་ཕྱག་འཚལ་ལོ། །
རྒྱལ་ཁམས་སེམས་ཅན་ཐམས་ཅད་བདེ་གྱུར་ཅིག །
རྒྱལ་སྲས་རྣམས་ཀྱི་སྙན་ངག་སྒྲ་རྒྱན་དང་། །
རྒྱལ་བའི་གསུང་རབ་ཆོས་ཀྱི་དགའ་སྟོན་བྱ། །
 
དར་དིར་འགྲོ་བའི་ཚོགས་རྣམས་མ་ལུས་ཀུན། །
བན་བུན་དད་གཞི་དྲག་པོའི་ཀུན་སློང་དང་། །
ཁྲལ་ཁྲོལ་བློ་གྲོས་ཡངས་པའི་ཤེས་རབ་ཀྱིས། །
ལྗན་ལྗིན་ལས་ཀྱི་སྡིག་སྒྲིབ་སྦྱང་བར་གྱིས། །
 
མྱུར་བར་མྱུར་བར་སྡིག་སྒྲིབ་མ་སྦྱངས་ན། །
རང་རེ་རང་རེའི་ལས་འདི་དབང་བཙན་པས། །
བདེ་བ་བདེ་བར་ཤེས་ཀྱང་འདམ་དབང་མེད། །
སྡུག་པ་སྡུག་པར་ཤེས་ཀྱང་འདོར་དབང་མེད། །
 
སྐྱེ་བོ་ཕལ་ཆེར་ཕལ་ཆེར་ལས་ཀྱིས་མནར། །
ཉན་ཐོས་འཕགས་པ་འཕགས་པ་སྒུར་ཆུང་སོགས། །
རྒྱལ་བའི་ཉན་ཐོས་ཉན་ཐོས་འགའ་ཞིག་ཀྱང་། །
ལས་འབྲས་བདེན་པ་བདེན་པས་མནར་བར་གསུངས་། །
ལས་འདི་བདེ་སྡུག་དུ་མས་བསྐྱེད་མ་བསྐྱེད། །
དུས་གསུམ་བདེ་བར་གཤེགས་པས་མཁྱེན་མ་མཁྱེན། །
སེམས་ཅན་དཔག་ཏུ་མེད་པས་མྱོང་མ་མྱོང་། །
རང་ཉིད་གར་སོང་མེད་པར་བྲལ་མ་བྲལ། །
 
དེ་ཕྱིར་ལས་འབྲས་བསླུ་བ་མེད་བསམས་ནས། །
ད་ནི་དཀར་ནག་ལས་ལ་འདམ་ག་འཚལ། །
དེ་རིང་ནས་བཟུང་སྡིག་ལ་འཛེམ་པར་བྱ། །
དོ་ནུབ་ནས་བཟུང་དགེ་ལ་འབད་པར་བྱོས། །
 
དཀར་ནག་ལས་རྣམས་བསམ་པ་བཟང་ངན་ལགས། །
བསམ་པ་བཟང་ན་ས་དང་ལམ་ཡང་བཟང་། །
བསམ་པ་དམན་ན་ས་དང་ལམ་ཡང་དམན། །
ཐམས་ཅད་བསམ་པ་དག་ལ་རགས་ལས་པས། །
 
མཉམ་མཉམ་འགྲན་འདོད་བསམ་ངན་འཆང་བ་དང་། །
ཕྱོགས་ཕྱོགས་ཆགས་སྡང་རུས་ཞེན་འཐེན་པ་ཡང་། །
རང་རང་སྡུག་བསྔལ་རྒྱུ་རུ་མི་འདུག་གམ། །
ཡང་ཡང་ལེགས་པར་སོམས་དང་ཤེས་ལྡན་རྣམས། །
 
ཆོས་མིན་མདུན་མའི་ལས་ལམ་བསླུ་བྲིད་མཁན། །
འདོད་སྲེད་ཡིད་ཀྱི་ཝལ་ཝལ་ཅོལ་ཆུང་པོ། །
བློ་སྣ་ཕར་ཕར་ཁྲིད་དུས་སྡུག་བསྔལ་འབྱུང་། །
ལྷ་སྦྱིན་ཆགས་སྡང་སྡང་ཞུགས་ཚུལ་ལ་ལྟོས། །
 
དེ་བས་བསམ་པ་བཟང་པོའི་སེམས་བསྐྱེད་བསྐྱེད། །
སེམས་འདི་དགེ་ན་དལ་འབྱོར་དོན་ཡོད་ཡོད། །
སེམས་འདི་མི་དགེ་དལ་འབྱོར་དོན་མེད་མེད། །
སེམས་འདི་དགེ་བར་གྱིས་དང་གྲོགས་ཀུན་ཀུན། །
 
དགེ་སེམས་ངང་ནས་གསུང་རབ་ཚིག་དོན་དེ། །
ཐོག་མར་ཐོས་དང་བསམ་པས་སྒྲོ་འདོགས་ཆོད། །
ཕྱིས་ནས་ཐོས་བསམ་སྒྲོ་འདོགས་ཆོད་བཞིན་དུ། །
དབེན་པར་སོང་སྟེ་བསྒོམས་ན་དོན་ཡོད་དོ། །
 
དེ་རྗེས་གཞན་ཕན་ཁོ་ནའི་སེམས་བསྐྱེད་དེ། །
མ་ལུས་སེམས་ཅན་ཀུན་གྱི་ཕ་དང་མ། །
དུ་མར་བྱས་པའི་དྲིན་ལ་སེམས་བཞིན་དུ། །
ཕན་ཐོགས་ཅི་ནུས་གྱིས་དང་ཀུན་ལ་ཕན། །
 
བྱས་པ་ཤེས་ཤིང་དྲིན་དུ་གཟོ་བ་འདི། །
འདི་དང་ཕྱི་མར་རང་གཞན་དོན་དུ་བཟང་། །
བཟང་གི་དྲིན་ལན་ངན་གྱིས་འཇལ་བའི་མི། །
མི་དེ་དུད་འགྲོ་ལས་ཀྱང་དམན་པར་གསུངས། །
 
འགྲོ་དག་སྙིགས་མའི་དུས་ཀྱི་སྐྱེས་བུ་ལ། །
བུ་ལ་མ་ལྟར་བརྩེ་བའི་ཕན་སེམས་ཅན། །
སེམས་ཅན་ཡོངས་ལ་དམ་པའི་ཆོས་སྟོན་པ། །
སྟོན་པ་སངས་རྒྱས་དེ་ཡི་རྗེས་སུ་སློབ། །
 
དད་པས་གཞན་ལ་ཕན་བྱེད་སེམས་འདི་བཟང་། །
བཟང་འདི་སེམས་བྱེད་ཕན་ལ་གཞན་པས་དད། །
རིགས་པར་བསྟན་པས་དགོས་དུས་སེམས་ལ་ཕན། །
ཕན་ལ་སེམས་དུས་དགོས་པས་བསྟན་པར་རིགས། །
 
བཟང་སེམས་སྦྱོང་དང་གནོད་སེམས་རིམ་གྱིས་འགྲིབ། །
ཏིང་འཛིན་སྒོམ་དང་སྒྲིབ་གཉིས་ཤུགས་ལ་འདག །
སྙིང་རྗེ་བསྐྱེད་དང་དགེ་བ་ངང་གིས་འཕེལ། །
གཉེན་པོ་བསྟེན་དང་ཉོན་མོངས་རང་སར་འཇིལ། །
 
དགྲས་ཀྱང་གཉེན་བྱེད་ཕན་བྱེད་གཉེན་ཀྱང་དགྲས། །
བྱེད་ལ་སུ་སེམས་སྡང་སེམས་སུ་ལ་བྱེད། །
བསམ་ན་ཐམས་ཅད་གཉེན་དང་ཕ་མར་འདུག །
མདོར་ན་སྡིག་སེམས་སྤོངས་ལ་དགེ་སེམས་བསྟེན། །
 
རྒྱུད་ལ་གནོད་སེམས་མ་འཆང་ཕན་སེམས་ཆོངས། །
ཐོས་དོན་སེམས་ཤིང་བསྒོམ་ལ་སེམས་རྒྱུད་འཐུལ། །
འཇིག་རྟེན་དོན་མེད་སྤོངས་ལ་དོན་ཡོད་བསྟེན། །
ཅིས་སྟེ་ཅིས་ཀྱང་འཇིག་རྟེན་མི་སྤོངས་ན། །
ཆོས་དང་ཆོས་མིན་བསམ་པའི་འཁྱེར་སོ་ཡིན། །
 
འདུ་འཛི་འདུ་ལོང་ཆོས་སུ་བསྒྱུར་ཐབས་གདའི། །
རང་གིས་རང་ལ་ཤ་ཚའི་གྲོས་འདེབས་ཀྱིས། །
དཀར་འབྲས་དཀར་ལ་ནག་འབྲས་ནག་གོ་ཞེས། །
ཕན་འབྲས་བདེ་ལ་གནོད་འབྲས་སྡུག་པར་གསུངས། །
 
བཤེས་དང་གྲོགས་ལ་གཉེན་དང་ཕ་མ་ལྟར། །
གཞན་ལ་ཐན་ཐུན་ཕན་ན་རང་ལ་ཕན། །
གཞན་བདེ་ཚང་ཚིང་བསྲེག་པའི་གནོད་སེམས་འདི། །
སྡིག་སྒྲིབ་ལྗན་ལྗིན་གསོག་པའི་གཞོང་པ་ཡིན། །
དོན་མེད་སྡིག་སྒྲིབ་གསོག་པ་རིང་དུ་སྤོངས། །
 
ཆོས་རྫས་འདུག་ཚད་རྣམས་ལ་མོས་གུས་བསྐྱེད། །
སེམས་ཅན་འདུག་ཚད་རྣམས་ལ་བྱམས་པ་སྒོམ། །
མཐོང་ཚད་བདེ་བར་གྱུར་ཅེས་ཁྱབ་པར་སེམས། །
སྤྲོ་དགའ་བསྐྱེད་དཔའི་ཆོས་ལ་རྟོག་དཔྱོད་དཔྱད། །
དད་ལྡན་ཡིད་ལ་ཆེས་ཆེར་ཆོས་འདི་འདུ། །
 
སྙམ་དུ་བསམ་ན་ཆོས་ཀྱི་དགའ་སྟོན་བསྟན། །
རྩ་བ་འདི་ནི་སྙན་ངག་གོ་བདེར་ཡོད། །
འགྲེལ་པ་གསུང་རབ་སྒྲབ་རྒྱུད་ཁོ་ནར་ཡོད། །
ཚིག་ལ་གཟིགས་དང་རྩོམ་པའི་ལྟད་མོ་ཡོད་། །
དོན་ལ་གཟིགས་དང་དམ་ཆོས་བྱེད་ལུགས་ཡོད། །
 
ཕུལ་བྱུང་གཞུང་ལུགས་གསུང་ཀུན་ཉུང་ངུར་བསྡུས།
མི་ཡི་རིགས་ཀྱིས་གཟིགས་ཕྱིར་ཚིག་འདི་བྲིས། །
ལེགས་ཤེས་ངེས་སེམས་བསྐྱེད་དེ་ཆེས་ཆེར་འཕེལ། །
བློ་གྲོས་ཡོད་ཚོས་དགོངས་མོད་དོན་གོ་ཆོངས། །
 
འགའ་ཞིག་དོན་མེད་ཚིག་གི་མདུད་པ་རྩོམ། །
གཞན་དག་འབྲེལ་མེད་བླུན་ཚིག་བབ་ཅོལ་སྨྲ། །
སྡེབ་ལེགས་གསལ་བར་རྩོམ་པའི་རྩོམ་མཁན་ནི། །
གངས་རིའི་ཁྲོད་འདིར་བློ་བཟང་གྲགས་པའི་དཔལ། །
 
ཕན་སེམས་གློག་ཕྲེང་རྒྱུ་བས་ཉེར་མཛེས་པའི། །
ཀུན་སློང་དགེ་སེམས་ཆར་སྤྲིན་འཁྲིགས་པ་ལས། །
ཕུན་ཚོགས་བདེ་སྐྱིད་རིན་ཆེན་ཆར་བཞིན་བབ། །
ཐམས་ཅད་དགའ་བདེའི་དཔལ་ལ་སྤྱོད་གྱུར་ཅིག །
 
བདག་དང་མཐས་ཡས་འགྲོ་བ་མ་ལུས་པ། །
ཡི་དམ་གསུང་གི་དངོས་གྲུབ་བརྟན་པར་བྱས། །
ཕན་དང་དཔག་ཡས་བདེ་བ་མ་ལུས་དང་། །
དོན་དམ་མཆོག་གི་དངོས་གྲུབ་ཐོབ་པར་ཤོག །
·རྩོམ་ཡིག་གོང་མ:གེ་སར་བླ་མའི་རྣལ་འབྱོར།
·རྩོམ་ཡིག་འོག་མ:གྲགས་ཅན་གསུང་ཚིག ༥
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·ལམ་རིམ་བདུད་རྩིའི་སྙིང་པོ།༧ 2012/12/2 13:48:26
·དུས་རབས་ཉེར་གཅིག་པའི་སྙིང་གཏམ།༦ 2010/8/9 15:14:18
·དུས་རབས་ཉེར་གཅིག་པའི་སྙིང་གཏམ།༥ 2010/7/15 8:21:49
·རང་གཤིས་ནི་འདོད་བློ་ལས་ལྷག 2010/2/7 16:02:18
·རྒྱལ་བ་བསྐལ་བཟང་པའི་ལྟ་མགུར་སྙིང་འདབ་བརྒྱད་མ། 2010/1/7 14:26:12
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/24 3:59:06 [来自: 112.5.248.152]

 评论者:a6TVn6te
https://www.bj-arts.com/index/cate/cid/8.html
https://www.bj-arts.com/index/cate/cid/9.html
https://www.bj-arts.com/article/index.html
https://www.bj-arts.com/index/cate/cid/10.html
https://www.bj-arts.com/index/cate/cid/11.html
发表时间:2018/11/15 15:04:56 [来自: 112.5.248.229]

 评论者:izyaXyHG
https://www.bj-arts.com/index/cate/cid/3.html
https://www.bj-arts.com/index/cate/cid/4.html
https://www.bj-arts.com/index/cate/cid/5.html
https://www.bj-arts.com/index/cate/cid/6.html
https://www.bj-arts.com/index/cate/cid/7.html
发表时间:2018/11/12 17:20:05 [来自: 112.5.243.142]

འབྲེལ་ཡོད་དཔྱད་བརྗོད 40 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།109.38MS