ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་འདུ་ར། >> བློ་སྦྱོང་།
 རྩོམ་ཡིག་ཀློག་པ།

འཇམས་དབྱངས་བློ་གྲོས་རིན་ཆེན་གྱི་ཞལ་ཏ་གྲོས་འདེབས།

  རྩོམ་པ་པོ:འཇམས་དབྱངས་བློ་གྲོས་ཡོང་ཁུངས:ཨེ་མ་ཧོ།གཟིགས་གྲངས:1765ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2012/5/2 21:48:27ཚོགས་ཡར་སྤྲོད:admin
༄༅། འཇམས་དབྱངས་བློ་གྲོས་རིན་ཆེན་གྱི་ཞལ་ཏ་གྲོས་འདེབས་རྐང་དྲུག་
གླུ་དབྱངས་བཞུགས།
 
ན་མོ་གུ་རུ། ཐུགས་དགོངས་རྒྱལ་བ་ཀུན་དང་མཉམ་གྱུར་ཀྱང་། །མཛད་སྤྱོད་ཐ་མལ་འགྲོ་ངོར་མི་ཡི་གཟུགས། །བཀའ་དྲིན་གཞལ་མེད་ནམ་མཁའི་རྗེས་སོང་བའི། །དཔལ་མགོན་བླ་མའི་ཞབས་ལ་ཕྱག་འཚལ་ལོ། །གང་གི་ཞལ་ལས་བྱུང་བའི་དམ་ཆོས་ཀྱི། །གདམས་ཟབ་བདུད་རྩིའི་ཆུ་ཀླུང་མང་མནོས་ཀྱང་། །དམན་པ་བདག་འདྲ་རྒྱ་མཚོའི་རྡོ་བ་བཞིན། །ཆོས་དྲེད་ཆོས་ཀྱིས་ཕོངས་ལས་གཞན་སུ་ཞིག །འོན་ཀྱང་རྒྱུད་ལ་ངེས་པར་འབྱོར་མིན་རུང་། །མིག་དང་རྣ་བ་ཚོགས་བསགས་ཆོས་གྲལ་འགར། །ཕྱིན་པའི་སྐལ་ཅན་ལྡན་འདི་སྔོན་རབས་སུ། །སྦྱངས་བརྩོན་སྨོན་ལམ་ཅུང་ཟད་བགྱིས་པའི་འབྲས། །བྱང་ཆུབ་ལམ་དང་མཐུན་པའི་ལྟ་སྤྱོད་ཚུལ། །གང་ནས་བསྟུན་ཀྱང་བདག་ལ་ཡིད་གཏད་མེད། །མདོ་མེད་བདག་འདྲར་ལེགས་བཤད་འདོད་པ་ནི། །འོ་མ་མེད་པའི་བ་ལས་ཞོ་འདོད་འདྲ། དེ་ལྟ་ན་ཡང་ལང་ཚོ་རྒས་གྱུར་སྟབས། །ཤེས་བྱའི་ཆོས་ཚུལ་སྣ་ཚོགས་མཐོང་གྱུར་པའི། །འདུན་མ་གཏན་ལེགས་གཏན་ཉེས་སྐད་ཅིག་ཙམ། །གྲོས་དེ་དྲི་ན་བློ་ཉེས་བུར་དྲིས་དཔེ། །དེ་ཕྱིར་གཞན་ཕན་ཞལ་ཏ་མེད་མོད་ཀྱང་། །རང་གིས་རང་ལ་གྲོས་འདེབས་ཚུལ་ཉིད་དུ། །དྲིན་ཅན་བླ་མའི་ཞལ་ལུང་བདུད་རྩི་ལས། །ཅུང་ཟད་སྐྲ་རྩེའི་ཟེག་མ་ཙམ་ཞིག་བརྗོད། །འཁོར་བ་འཇིགས་རུང་དུག་སྦྲུལ་གཟེབ་འདྲ་ཞིང་། །བསླུ་བྲིད་མི་སྡུག་སྲིན་མོའི་འཛུམ་དཀར་བཞིན། །འདོད་ཡོན་རྩེ་འཇོ་སྤུ་གྲིའི་སྦྲང་རྩི་ལྟར། །འཁོར་བར་ཞེན་པ་ལོག་པ་ཞལ་ཏ་ཡིན། །འདི་དང་གཏན་གྱི་བདེ་བ་ལེགས་པ་ཀུན། །ཐར་པ་བྱང་ཆུབ་བསྒྲུབས་ལས་འབྱུང་ཤེས་ཤིང་། །དེ་ཡང་བླ་མའི་མཐུ་ལ་རག་ལས་ཕྱིར། །དམ་པའི་བཤེས་གཉེན་བསྟེན་པ་ཞལ་ཏ་ཡིན། །མངའ་ཐང་སྟོབས་འབྱོར་ནམ་མཁའི་འཇའ་འདྲ་བ། །ཟླ་གྲོགས་གཉེན་འདུན་ཚོང་འདུས་མགྲོན་པོ་སྟེ། །སྒྱུ་ལུས་ཚེ་སྲོག་འདིས་ཀྱང་བསླུ་འགྱུར་བས། །ཅིས་ཀྱང་དགོས་མེད་བསྟེན་པ་ཞལ་ཏ་ཡིན། །སྟོན་དང་བསྟན་པར་འཕྲད་འདི་སྔོན་བསགས་འབྲས། །ཐོབ་དཀའི་རྟེན་བཟང་དུས་འདིར་ཡལ་བོར་ན། །ཕྱིས་ནས་རྙེད་པར་མི་འགྱུར་རིགས་ཀྱི་བུ། །བློ་ཕུག་ཆོས་ལ་གཏོད་ཅིག་ཞལ་ཏ་ཡིན། །གཏན་གྱི་སྐྱབས་དེ་དཀོན་མཆོག་གསུམ་ལ་ཞུས། །ཕུག་གི་བློ་དེ་དཔལ་ལྡན་བླ་མར་གཏོད། །འཕྲལ་གྱི་གྲོས་དེ་དམ་པའི་གསུང་ལ་དྲིས། །ནམ་ཡང་མི་བསླུ་ངེས་པ་ཞལ་ཏ་ཡིན། །བསྒྲུབ་རྒྱུ་གལ་ཆེན་གཏན་གྱི་བྱང་ཆུབ་ཡིན། །སྤང་བྱ་གནད་ཆེན་ཚེ་འདིའི་བྱ་བཞག་ཡིན། །དེ་གཉིས་གདམས་པ་ག་མ་ནོར་ཁྲ་སྤྱང་པོ། །དལ་འབྱོར་སྟོང་ལོག་ཡོང་ངེས་ཞལ་ཏ་ཡིན། །ད་རེས་འདུས་མ་གཏན་ལེགས་གཏན་ཉེས་དེ། །ཅི་བྱེད་རང་ལག་ཚུད་འདིར་རྡོག་འདྲེན་ན། །ཐར་མེད་ངན་འགྲོའི་གཏིང་རྡོར་བྱིང་ངེས་པས། །བསྐལ་བརྒྱའི་དུས་གཅིག་ཡིན་ནོ་ཞལ་ཏ་ཡིན། །ཚེ་ལ་ངེས་མེད་གློ་བུར་འཆི་བས་གཏུག །སྒྲུབ་ལ་བར་ཆད་བདུད་ཀྱི་གཡེང་བས་ཁྱེར། །ཀུན་ལ་འབྲས་མེད་འདུས་བྱས་ཆོས་ཀྱིས་བསླུས། །ལོང་མེད་བློ་སྣ་བསྟུངས་ཤིག་ཞལ་ཏ་ཡིན། །ད་ནི་ཚེ་འདིའི་བྱ་གཞག་ལིང་གིས་བོར། །བློ་སྣ་འཕྲལ་ཆོད་བླ་མའི་རྗེས་སུ་སྙེགས། །གཏན་བདེ་ཐར་པའི་དོན་ཆེན་རྙེད་པ་ཡིན། །འཆུགས་མེད་དེ་ལྟར་གྱིས་ཤིག་ཞལ་ཏ་ཡིན། །གསུམ་ལ་སྐྱབས་སོང་ནང་པའི་གྲལ་ཚུད་ཅིང་། །བྱང་ཆུབ་སེམས་བསྐྱེད་ཐེག་ཆེན་རིགས་སུ་སྐྱེ། །སྐྱབས་སོང་སེམས་བསྐྱེད་ཕན་ཡོན་བརྗོད་མཐའ་བཀླས། །སྐྱབས་འགྲོ་སེམས་བསྐྱེད་འབད་པ་ཞལ་ཏ་ཡིན། །ཅི་ཡོད་ཚོགས་བསགས་གནས་ལ་འགྲོ་བ་དང་། །ནུས་མེད་ཉམ་ཆུང་དམན་ལ་སྦྱིན་གཏོང་ཞིང་། །ལྟོ་གོས་ངན་ངོམ་ཙམ་གྱིས་ཚེ་ཕྱེད་པའི། །བྱ་བྲལ་ཆོག་ཤེས་རྟེན་པ་ཞལ་ཏ་ཡིན། །མཁའ་ཁྱབ་སེམས་ཅན་ཕ་མར་མ་གྱུར་མེད། །དྲིན་ལེན་འཇལ་ཕྱིར་འཕགས་པ་ཐུགས་རྗེ་ཆེའི། །བསྐྱེད་རིམ་ལ་གནས་སྟོང་ཉིད་སྙིང་རྗེའི་ངང་། །ཡི་གེ་དྲུག་མ་བགྲངས་པ་ཞལ་ཏ་ཡིན། །སྔོན་ཆད་བདེ་སྡུག་མདང་གསུམ་རྨི་ལམ་འདྲ། །ཕྱི་ཚེའི་བྱ་བཞག་གྲོག་སྟོང་ཉ་རྒྱ་བཞིན། །འཕྲལ་སྣང་རྣམ་རྟོག་བར་སྣང་སྤྲིན་གློག་ཚུལ། །དམིགས་མེད་རང་ངོ་སྐྱོང་བ་ཞལ་ཏ་ཡིན། །དུག་ལྔ་རང་གར་སྤྱོད་པ་འཁོར་བའི་རྒྱུ། །དུག་ལྔ་སྟོང་པར་རྟོགས་ན་ཡེ་ཤེས་ལྔ། །གཉེན་པོ་ལྡོག་སྒོམ་འབད་པ་ཉམས་ལེན་མཐིལ། །ཉོན་མོངས་དགྲ་བོ་འདུལ་བ་ཞལ་ཏ་ཡིན། །དུས་ཀུན་བདེ་སྡུག་མཐོ་དམན་གང་བྱུང་ཡང་། །བློ་གཏད་འགྱུར་མེད་ཡིད་གཉིས་ཀུན་བྲལ་བས། །རེ་ལྟོས་དཔལ་ལྡན་བླ་མར་ཁྱེད་ཤེས་ཀྱིས། །རྩེ་གཅིག་གསོལ་འདེབས་འབད་པ་ཞལ་ཏ་ཡིན། །འདུས་བྱས་འདུས་མ་བྱས་ཀྱི་དགེ་བ་གང་། །བདག་གཞན་འགྲོ་ཀུན་བདེ་བ་ཅན་ཉིད་དུ། །སྐྱེ་ཕྱིར་རྣམ་དག་བསྔོ་བས་ཡོངས་བསྔོ་ཞིང་། །སྨོན་ལམ་རྒྱུན་དུ་འདེབས་པ་ཞལ་ཏ་ཡིན། །གར་གནས་གར་འགྲོ་གང་དང་འགྲོགས་པ་ལ། །གཟེ་རེ་ཀུན་དང་འཁོན་པ་མི་བྱེད་པར། །དམན་ས་བཟུང་ཤིང་བཟོད་བསྲན་ཆེ་བ་ཡིས། །ཐམས་ཅད་གོང་དུ་ཁུར་ཅིག་ཞལ་ཏ་ཡིན། །མདོ་དོན་ཧྲིལ་གྱིས་དྲིལ་ན་རྣམ་པ་ཀུན། །ལྷག་བསམ་གངས་ཀྱི་རི་ལྟར་རབ་དཀར་བའི། །བྱམས་པའི་ལས་དང་ངག་དང་སེམས་ཀྱིས་ནི། །ཀུན་ལ་རང་མཁོས་དང་བསྟུན་སྲིད་ཞུར་བཅས། །ཕན་སེམས་བསམ་བཟང་བྱེད་པ་ཞལ་ཏ་ཡིན། །དེ་ལྟར་རང་ལ་མེད་པའི་ཆོས་ཀྱིགཏམ། །འབྲེལ་མེད་ནེ་ཙོའི་ཟློས་གར་ཇི་བཞིན་འདི། །སྙིགས་མའི་མཚན་མུན་སྤྲིན་ནག་འཁྲིགས་རུམ་ནས། །སྐད་ཅིག་བར་སྣང་གློག་གི་འཕྲེང་བ་ཡིན། །སྐལ་མེད་སྲིན་བྱ་ཕ་ཝཾ་རིགས་སོགས་ལ། །འདི་ཡིས་ཕན་པ་ཨ་ཅང་ཡང་ཆེ་སྟེ། །སྔོན་འབྲེལ་ལྡན་པ་ངང་ངུར་འཇོལ་བྱའི་ཚོགས། །ཐར་ལམ་སྣང་བྱེད་ཅུང་ཟད་གོ་འབྱེད་སྙམ། །ལེགས་བཤད་རྒྱ་མཚོའི་ཆུ་གཏེར་ལས་མང་ཡང་། །མདོ་དོན་བསྡུས་པ་ཞལ་ཏ་བཅོ་བརྒྱད་གྲངས། །མི་མང་མི་ཉུང་བསླབ་བྱ་གནད་ཆེ་བ། །རང་གི་རང་ལ་གྲོས་འདེབས་ཚུལ་དུ་བྱས། །ཞལ་ཏ་གྲོས་འདེབས་རྐང་དྲུག་གླུ་དབྱངས་ཞེས། །རྒྱལ་བའི་ཕྲིན་ལས་འགོག་མེད་སྣང་བའི་ཕྱིར། །ཐ་ཤལ་རང་འདྲའི་བསྟན་ཞབས་སྐྱེས་པ་འགར། །ཕན་པར་འགྱུར་སྙམ་འོན་ཏེ་ཅི་ཆ་ཡོད། །དགེ་འདིས་དམ་ཆོས་རིན་ཆེན་ཆེར་རྒྱས་ཏེ། །འགྲོ་བ་གཏན་བདེའི་ཕོངས་ལས་རབ་གྲོལ་ཕྱིར། །དཀོན་མཆོག་གསུམ་གྱི་མཚན་གྱི་དབྱར་ལྔའི་སྒྲས། །བྱང་ཆུབ་ཆེན་པོའི་ས་བོན་བསྐྲུན་གྱུར་ཅིག ། །སརྦ་མངྒ་ལཾ། །སྤྲང་པོ་འདུ་གསུམ་པ་རཏྣས་སོ། །སླར་སྨྲས་པ། དགེ་བར་རྒྱལ་བའི་ས་ཡི་ཕྱོགས། །ལེགས་པར་བྱས་པའི་ཆོས་ཀྱི་གཏམ། །ཕུན་སུམ་ཚོགས་པའི་དགའ་སྟོན་འདིས། །སྐལ་བཟང་གཞོན་ནུ་རྒྱལ་གྱུར་ཅིག །ཤུ་བྷཾ་ཛ་ཡ།
·རྩོམ་ཡིག་གོང་མ:འབུམ་པ་རྒྱ་ཚ་ཞལ་དཀར་དྲན་ཚུལ།
·རྩོམ་ཡིག་འོག་མ:སྨོན་ལམ་རྒྱ་མཚོའི་ཡང་སྙིང་ཀུན་བཟང་ཞིང་གི་ཉི་མ་བཞུགས།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
འབྲེལ་ཡོད་རྩོམ་ཡིག་མི་འདུག
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 5:30:19 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 7:47:39 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 11:41:32 [来自: 112.5.248.229]

འབྲེལ་ཡོད་དཔྱད་བརྗོད 52 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།23.44MS