ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ངག་རིག་འདོད་འཇོ། >> ལེཊ་རྩོམ།
 རྩོམ་ཡིག་ཀློག་པ།

རང་སྐལ་ཆད་སོང༌། །

  རྩོམ་པ་པོ:བུ་ལེགས།ཡོང་ཁུངས:ངེདགཟིགས་གྲངས:1876ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2012/10/4 8:52:51ཚོགས་ཡར་སྤྲོད:admin
༄༅། །རང་སྐལ་ཆད་སོང༌། །
དོན་དངོས་འཕྲལ་བྲིས་ཀྱི་རྩོམ་ཐུང༌།
 བུ་ལེགས།
  ཕྱི་གླིང་དང་བོད་མིའི་བྱ་བར་མེད་དུ་མི་རུང་བ་ལྟ་བུར་གྱུར་པའི་མཇལ་སྐོར་ནི་བདག་རང་ལ་མཚོན་ན་ཆེས་དགའ་བའི་བྱ་བ་ཞིག་རེད། འོན་ཀྱང་ཕྱི་གླིང་བ་ཕལ་ཆེར་དང་མི་འདྲ་ས་ནི་མཇལ་ཞེས་པའི་ཡིག་འབྲུ་འདི་ཡིས་བསྟན།
 ཟི་ལིང་དུ་སློབ་གཉེར་བྱེད་པའི་དུས་གསེང་ཞིག་ཏུ་ང་རང་གྲོགས་པོ་མོས་མཐུན་འགའ་དང་འགྲོགས་ནས་མཇལ་སྐོར་ལ་ཕྱིན་པ་ཡིན། ཡུལ་གྱི་བཀོད་པ་དང་བསྟུན་ནས་རིམ་བཞིན་དམར་གཙང་བྲག་དང༌། དགོན་ལུང༌། མཆོད་རྟེན་ཐང་སོགས་ལ་མཇལ་སྐོར་བྱས། མཐར་གྱིས་སྔོན་དུས་དཔའ་རིས་ཀྱི་ས་ཆ་ཡིན་ལ་དེང་དུས་མཚོ་སྔོན་ཞིང་ཆེན་ཧོ་ཀྲུའུ་ཧོར་རིགས་རང་སྐྱོང་རྫོང་གི་མངའ་ཞབས་སུ་ཡོད་པའི་ཡུལ་ཚོ་ཞིག་ཏུ་ཞག་མལ་ཕོག  དེའི་ཕྱི་ཉིན་སྔ་ལངས་བྱས་ནས་སོང་བ་ཡིན་མོད་ཕྱིར་རྫོང་དུ་ལོག་པའི་རླངས་འཁོར་དུ་མིས་གང་ཚར་འདུག  ཉིན་དེ་ལ་རླངས་འཁོར་དེ་ཁོ་ན་ལ་མ་བརྟེན་ན་རྫོང་དུ་སླེབས་མི་ཐུབ་པས་ང་ཚོ་ནང་དུ་འཚང་ཀ་བྱས་ནས་ཞུགས་པ་ཡིན། ལུས་ལ་བོད་ཆས་གྱོན་ཞིང་ཁ་ནས་བོད་སྐད་རྒྱག་པའི་ང་ཚོ་རླངས་འཁོར་དུ་ཞུགས་མ་ཐག་ཏུ་བསམ་ཡུལ་དུ་མེད་པ་ཞིག་ནི། ལོ་བཅོ་ལྔ་ཡས་མས་ཀྱི་བུ་མོ་ལྔ་དྲུག་ཙམ་རང་རང་གི་སྡོད་ས་ལས་ཡར་ལངས་ནས་ང་ཚོ་སྡོད་བཅུག་ཅིང་ཁོ་ཚོའི་ངོ་ནས་བཅོས་མིན་གྱི་འཛུམ་མདངས་ཤིག་ཀྱང་བསྟན། ཡིན་ནའང་ང་ཚོར་ཅེ་རེར་བལྟས་པ་ལས་གཏམ་གླེང་གང་ཡང་བྱེད་ཀྱི་མི་འདུག  ས་ཁོད་མི་མཉམ་པར་ཀྱག་ཀྱོག་གི་གཞུང་ལམ་བརྒྱུད་དེ་རླངས་འཁོར་གྱིས་ངར་སྒྲ་འབྱིན་བཞིན་མདུན་དུ་སྐྱོད་པའི་མཚམས་ཤིག་ལ། ང་ཚོའི་རོགས་པ་ཞིག་གིས་རྒྱ་སྐད་ཀྱི་ཐོག་ནས་བུ་མོ་ཚོ་དང་གཏམ་གླེང་བྱེད་པའི་སྒོ་ཕྱེ་བ་ན་གཟོད་རྟོགས་བྱུང་བའི་གསང་བ་ཞིག་ནི། ང་ཚོ་ཞག་མལ་བགྱི་ཡུལ་དེ་ཡང་བོད་སྡེ་ཞིག་ཡིན་ཞིང་ཡུལ་ཚོ་དེའི་མི་སེར་མང་ཤོས་ནི་བོད་རིགས་ཡིན་འདུག  འོན་ཏེ་དེང་སང་སྐྱེ་བོ་ཕལ་ཆེར་གྱིས་བོད་སྐད་མི་ཤེས་ཤིང་བོད་ཡིག་ནི་དེ་ལས་ཀྱང་ག་ལ་ཤེས། དེར་བརྟེན་བུ་མོ་དེ་དག་ཀྱང་བོད་མི་ངོ་མ་ཡིན་ཡང་རང་སྐད་བཤད་མི་ཤེས་པས་ངོ་གནོང་སྟེ། ང་ཚོར་གཏམ་གླེང་བྱེད་པའི་སྤོབས་པ་ཡོངས་སུ་ཉམས་ཀྱང་རིགས་ཞེན་གྱིས་འདུག་ས་སྤྲོད་པ་ཡིན་འདུག  ཧོ་ཀྲོའུ་རྫོང་དུ་འབྱོར་ནས་རླངས་འཁོར་ལས་བབ་དུས་བུ་མོ་དེ་ཚོས། ཁོ་ཚོ་ནི་རྫོང་ཐོག་གི་སློབ་འབྲིང་སློབ་མ་ཡིན། རྒྱུན་དུ་སེམས་ནང་ཡོད་ཀྱང་བོད་ཀྱི་སྐད་ཡིག་སྦྱོང་སྤྱོད་ཀྱི་གོ་སྐབས་མ་ཐོབ་ཅེས་བཤད། ཁ་བྲལ་དུས་སུ་ཨུ་ཚུགས་ཀྱི་སྒོ་ནས་ང་ཚོར་རྒྱའི་གདངས་དང་འདྲེས་པའི་བོད་སྐད་ཀྱིས་ད་བདེ་མོ་བྱོས་ཞེས་བརྗོད་པ་ལས་གཞན་པའི་རང་སྐད་ནི་ཚིག་གཅིག་ཀྱང་བཤད་ཤེས་ཀྱི་མི་འདུག་གོ །
 བཤད་མ་ཐག་པའི་འདུ་བྲལ་དེ་ལས་རང་སེམས་སུ་རྣམ་རྟོག་ཅིག་འཁོར་བྱུང་བ་ནི། དེ་ལྟ་བུའི་ལུང་ཁུག་ལོགས་བཀར་མི་རིགས་གཞན་དང་འདུས་སྡོད་བྱེད་པའི་བོད་ཕྲུག་གྲངས་མང་པོ་ཞིག་ནི་དངོས་གནས་བོད་ཀྱི་སྐད་ཡིག་གཤིས་སྤྱོད་བཅས་ཀྱི་སྐལ་པ་ཆད་མཁན་དང༌། མི་རིགས་སྲིད་ཇུས་དོན་འཁྱོལ་གྱི་འོད་ཟེར་མ་ཕོག་པའི་སྐལ་ཆད། གངས་ལྗོངས་ཀྱི་བདེ་སྐྱིད་མྱོང་མ་ཐུབ་པའི་སྐལ་ཆད། དེ་ལས་ཀྱང་དུས་རབས་ཀྱི་གོམ་འགྲོས་དང་མི་མཐུན་པའི་སྐལ་ཆད་ཀྱང་ཡིན་ནོ་ཞེས་པ་དེའོ། །དེས་ན་སློབ་གྲྭ་འདིར་འཁོད་ཅིང་གོང་རིམ་སྲིད་གཞུང་གི་ཐུགས་རྗེའི་གྲིབ་བསིལ་ཕོག་པའི་དགེ་སློབ་ཡོངས་ཀྱི་ཕྲག་གོང་དུ་འོས་འགན་ཞིག་བབ་པ་མ་ཡིན་ནམ། །
  ནམ་ཟླའི་དཔལ་དང་སྐྱེ་བོའི་བསམ་པའི་འཁྱེར་སོ་རིམ་གྱིས་འགྱུར་སོང་ཡང་མཇལ་སྐོར་ནི་ད་དུང་བདག་གི་ཡིད་དབང་འཕྲོག་བྱེད་གཅིག་ཡིན་ལ། སླར་ཡང་གནའ་དེང་མེ་ཆུ་ལྟར་གྱུར་པའི་བསིལ་ལྗོངས་མཐའ་ཡུལ་མང་པོར་མཇལ་སྐོར་ལྟ་དཔྱོད་དུ་འགྲོ་བའི་འདུན་པ་ཡར་རྒྱས་སུ་མཆིས་པའོ། །
·རྩོམ་ཡིག་གོང་མ:འཇམ་དབྱངས་བསྟོད་པ་གང་བློ་མ་བཞུགས་སོ།
·རྩོམ་ཡིག་འོག་མ:ཚེ་རིང་སྒྲོལ་དཀར། ལ་མོར་ཕྱིར་ཕེབས་ཤོག
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·འགོ་ཁྲིད་དང་དཔོན་པོ་མ་ནོར་ཅིག 2016/9/30 16:16:26
·ཀུན་མཁྱེན་ཇོ་ནང་པ་ཆེན་པོའི་བསྟན་པ་རྒྱས་པའི་སྨོན་ལམ། 2016/9/30 16:11:32
·སྐད་ཡིག་དང་ནང་ཆོས་གཅིག་ཏུ་འཁྲུལ་མི་ཉན། 2016/3/7 18:08:42
·རླབས་ཆེན་གྱི་བཞུད་ལམ། 2016/3/7 18:03:51
·སྙིང་གཏམ་བཅོ་ལྔ་པ། 2016/3/7 17:51:57
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 20:23:49 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/24 1:50:05 [来自: 112.5.248.152]

 评论者:a6TVn6te
https://www.bj-arts.com/index/cate/cid/8.html
https://www.bj-arts.com/index/cate/cid/9.html
https://www.bj-arts.com/article/index.html
https://www.bj-arts.com/index/cate/cid/10.html
https://www.bj-arts.com/index/cate/cid/11.html
发表时间:2018/11/15 11:42:56 [来自: 112.5.248.229]

འབྲེལ་ཡོད་དཔྱད་བརྗོད 37 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།31.25MS