ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་འདུ་ར། >> བློ་སྦྱོང་།
 རྩོམ་ཡིག་ཀློག་པ།

ལམ་རིམ་བདུད་རྩིའི་སྙིང་པོ།༣

  རྩོམ་པ་པོ:ཀོང་པོ་ཡོང་ཁུངས:ངེད་དྲ་བགཟིགས་གྲངས:3654ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2012/11/4 16:19:38ཚོགས་ཡར་སྤྲོད:admin
 ༄༅། ། བྱང་ཆུབ་ལམ་གྱི་རིམ་པའི་གདམས་པ་ཟབ་མོ་རྣམས་ཚིགས་སུ་བཅད་པའི་
སྒོ་ནས་ཉམས་སུ་ལེན་ཚུལ་དམ་ཆོས་བདུད་རྩིའི་
སྙིང་བོ་ཞེས་བྱ་བ་བཞུགས་སོ། །༣
 
 
  གསོལ་བ་འདེབས་པ་མན་ངག་བཞིན་བྱ་ཚུལ་ནི། དཔལ་ལྡན་རྩ་བའི་བླ་མ་རིན་པོ་ཆེ། །བདག་གི་སྤྱི་བོར་པད་ཟླའི་སྟེང་བཞུགས་ལ། །བཀའ་དྲིན་ཆེན་པོའི་སྒོ་ནས་རྗེས་བཟུང་སྟེ། །སྐུ་གསུང་ཐུགས་ཀྱི་དངོས་གྲུབ་སྩལ་དུ་གསོལ། །བསྐལ་བཟང་ཞིང་གི་འདྲེན་པ་སྟོང་གི་དབུས། །རྩོད་དུས་འགྲོ་ལ་ཐུགས་རྗེ་ཆེས་ལྷག་པ། །བླ་མ་ཐུབ་དབང་རྡོ་རྗེ་འཆང་ཆེན་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །གསང་ཆེན་ལྷ་ཡི་རྣལ་འབྱོར་ལ་བརྟེན་ནས། །སྐལ་ལྡན་ཚེ་གཅིག་ཟུང་འཇུག་སར་འཁྲིད་མཛད། །ཉམས་ལེན་བྱིན་རླབས་བླ་མའི་ཚོགས་རྣམས་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །ཤེར་ཕྱིན་སྦས་དོན་རྒྱ་ཆེའི་ལམ་གྱི་གནད། །ཐུགས་རྗེས་བསྐྱོད་ནས་འགྲོ་ལ་རྗེས་བསྟན་པ། །རྒྱ་ཆེན་སྤྱོད་བརྒྱུད་བླ་མའི་ཚོགས་རྣམས་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །མ་རིག་འཁྲུལ་བར་འཁྱམས་པའི་ལུས་ཅན་རྣམས། །ཟབ་ཞི་སྤྲོས་བྲལ་ལམ་དུ་ངེས་སྦྱོར་བ། །ཟབ་མོ་ལྟ་བརྒྱུད་བླ་མའི་ཚོགས་རྣམས་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །ཟབ་དང་རྒྱ་ཆེའི་གདམས་པའི་སྲོལ་བཟུང་སྟེ། །གངས་ལྗོངས་ཐེག་མཆོག་བསྟན་པ་རྒྱས་མཛད་པ། །བཀའ་གདམས་བརྒྱུད་པའི་བླ་མའི་ཚོགས་རྣམས་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །མདོ་རྒྱུད་དགོངས་འགྲེལ་མ་ལུས་གང་ཟག་གཅིག །འཚང་རྒྱའི་ལམ་དུ་སྒྲིལ་ནས་ལེགས་འདོམས་པ། །དགའ་ལྡན་བཀའ་བརྒྱུད་བླ་མའི་ཚོགས་རྣམས་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །གྲངས་མེད་རྒྱལ་བ་ཀུན་གྱི་ཐུགས་རྗེ་ཉིད། །ལམ་སྟོན་བཤེས་གཉེན་མཆོག་གི་སྐུར་ཤར་བ། །རྩ་བའི་བླ་མ་བཀའ་དྲིན་ཅན་རྣམས་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །དེ་ནས་ཡོན་ཏན་གཞི་གྱུར་མའམ། དེ་ལས་ཅུང་རྒྱས་ཙམ་བྱེད་པར་སྤྲོ་ན། མ་ནོར་ལམ་སྟོན་བླ་མ་མཆོག་རྣམས་ལ། །ཐ་མལ་སྐྱོན་རྟོག་སྐད་ཅིག་མི་སྐྱེ་ཞིང༌། །ཅི་མཛད་ལེགས་པར་མཐོང་ཞིང་བཀའ་དྲིན་ཆེར། །དྲན་ནས་བཀའ་བཞིན་སྒྲུབ་པར་བྱིན་གྱིས་རློབས། །དལ་འབྱོར་རྟེན་བཟང་དོན་མེད་ཆུད་གསན་བྱེད། །བག་མེད་སྙོམས་ལས་བློ་ངན་མྱུར་འགག་ཅིང༌། །རྙེད་དཀའ་དོན་ཆེ་སྙིང་ནས་དྲན་པ་དང༌། །དོན་ཆེན་སྙིང་པོ་ལེན་པར་བྱིན་གྱིས་རློབས། །ངེས་མེད་འཆི་བ་མཐོང་ཡང་ལོ་བརྒྱ་རུ། །སྡོད་པར་ཞེན་པའི་རྟག་འཛིན་དང་བྲལ་ཞིང༌། །མྱུར་དུ་འཆི་ཞིང་ནམ་འཆི་ངེས་མེད་པའི། །ངང་ཚུལ་སྙིང་ནས་དྲན་པར་བྱིན་གྱིས་རློབས། །མི་བཟད་གཡང་ས་གསུམ་ལ་ཅུང་ཟད་ཀྱང༌། །ཡ་ང་མེད་པའི་བསམ་སྦྱོར་རྩད་ཐོན་ཞིང༌། །ངན་འགྲོའི་ངང་ཚུལ་མཐོང་ཐོས་དྲན་ཙམ་གྱིས། །ཤིན་ཏུ་འཇིགས་པ་སྐྱེ་བར་བྱིན་གྱིས་རློབས། །འཇིགས་ཆེན་མཐོང་ཡང་སྐྱབས་མགོན་མི་འཚོལ་བའི། །བསམ་རླག་ཡིད་འདི་ཡོངས་སུ་བྲལ་གྱུར་ཅིང༌། །བསླུ་མེད་སྐྱབས་གཅིག་རིན་ཆེན་མཆོག་གསུམ་ལ། །སྙིང་ནས་སྐྱབས་སུ་བཟུང་བར་བྱིན་གྱིས་རློབས། །ལས་འབྲས་རྣམ་དབྱེ་བརྒྱ་ཕྲག་ཐོས་མཐོང་ཡང༌། །ཡིད་ཆེས་མེད་པའི་ཐ་རྒོད་བློ་འགག་ཅིང༌། །དཀར་ནག་ལས་་དང་འབྲས་བུའི་ཚུལ་རྣམས་ལ། །བཅོས་མིན་ཡིད་ཆེས་རྙེད་པར་བྱིན་གྱིས་རློབས། །འཁོར་བའི་གནས་ལུས་ལོངས་སྤྱོད་མཐའ་དག་ལ། །བདེ་བར་མཐོང་ཞིང་ཞེན་པའི་སེམས་བྲལ་ཞིང༌། །སྲིད་གསུམ་མ་ལུས་མེ་འོབས་ལྟར་རྟོགས་ནས། །ཐར་འདོད་དྲག་ཏུ་སྐྱེ་བར་བྱིན་གྱིས་རློབས། །ཐོག་མེད་དུས་ནས་འཁོར་བའི་བཙོན་ར་འདིར། །འཆིང་བྱེད་བདག་འཛིན་དགྲ་འདི་ཡུལ་ཐོན་ཞིང༌། །ཐར་པའི་ལམ་མཆོག་ཚང་ལ་མ་ནོར་བ། །བསླབ་གསུམ་ཉམས་ལེན་འབྱོངས་པར་བྱིན་གྱིས་རློབས། །འགྲོ་རྣམས་བོར་ནས་རང་ཉིད་ཞི་བའི་བདེ། །དོན་དུ་གཉེར་བའི་དམན་སེམས་མི་སྐྱེ་ཞིང༌། །གཞན་དོན་འཁུར་དུ་འཁྱེར་བའི་སེམས་མཆོག་ཆེ། །མྱུར་བ་མྱུར་བར་སྐྱེ་བར་བྱིན་གྱིས་རློབས། །འཁོར་འདས་རྒུད་པ་ཀུན་གྱི་རྒྱུ་གཅིག་པུ། །བདག་ཉིད་གཅེས་འཛིན་གཅོང་ནད་འདི་ཐོན་ཞིང༌། །རང་གཞན་ཕུན་ཚོགས་ཡོངས་ཀྱི་སྒོ་གཅིག་པུ། །བདག་པས་གཞན་གཅེས་འབྱོངས་པར་བྱིན་གྱིས་རློབས། །རྒྱལ་སྲས་སྤྱོད་པ་རྒྱ་མཚོར་འཇུག་པ་ལ། །སྐད་ཅིག་ཙམ་ཡང་ཞུམ་པ་མི་སྐྱེ་ཞིང༌། །སར་གནས་དཔའ་བོ་རྣམས་ཀྱི་རྣམ་ཐར་ལྟར། །ཕྱིན་དྲུག་སྤྱོད་ལ་སློབ་པར་བྱིན་གྱིས་རློབས། །རྣམ་དག་བསམ་གཏན་འགྲུབ་ལ་གེགས་ཀྱི་ཕུལ། །བྱིང་རྒོད་རྣམ་རྟོག་མཚན་མ་ཀུན་ཞི་ཞིང༌། །དམིགས་རྣམ་ཀུན་ལ་འདོད་དགུར་དབང་བསྒྱུར་བའི། །ཏིང་འཛིན་རྩོལ་མེད་སྐྱེ་བར་བྱིན་གྱིས་རློབས། །རྒྱལ་བའི་དགོངས་ཟབ་དོན་ལས་གཞན་གྱུར་པ། །རྟག་ཆད་ལོག་པའི་ལྟ་ངན་མི་སྐྱེ་ཞིང་། །སྣང་སྟོང་གྲོགས་འགྱུར་གདོད་མའི་གནས་ལུགས་ཆེ། །འཁྲུལ་མེད་མྱུར་དུ་རྟོགས་པར་བྱིན་གྱིས་རློབས། །རླབས་ཆེན་སྤྱོད་ལ་ཞུམ་སྟེ་མྱུར་བའི་ལམ། །འཚོལ་བའི་ཟོལ་ལ་བརྟེན་པའི་ཡིད་བྲལ་ཞིང་། །འགྲོ་ཀུན་སྒྲོལ་ལ་ཆེས་ཆེར་རིངས་པའི་བློས། །གསང་ཆེན་ཐེག་པར་འཇུག་པར་བྱིན་གྱིས་རློབས། །དབང་དུས་ཁས་བླང་བཅས་མཚམས་ཕྲ་རཊ་ལས། །འདས་པའི་ཉེས་ལྟུང་དྲི་མ་ཀུན་བྱང་ཞིང༌། །དམ་ཚིག་སྡོམ་པ་ལམ་གྱི་གཞིར་མཐོང་ནས། །སྲོག་བཞིན་གཅེས་པར་བསྲུང་བར་བྱིན་གྱིས་རློབས། །སྲིད་པར་ཡུན་དུ་སྡུག་བསྔལ་ལ་སྦྱོར་བ། །ཐ་མལ་སྐྱེ་ཤི་བར་དོའི་འཇིགས་བྲལ་ཞིང༌། །སྣོད་བཅུད་སྐུ་གསུམ་རྡོ་རྗེའི་རོལ་པ་རུ། །འཆར་བའི་རིམ་གཉིས་འབྱོངས་པར་བྱིན་གྱིས་རློབས། །གནས་སྐབས་སུ་ཡང་ལམ་བཟང་སྒྲུབ་པའི་གེགས། །ཕྱི་ནང་བར་གཅོད་མཚན་མ་ཀུན་ཞི་ཞིང༌། །ལེགས་ཚོགས་མཐུན་པའི་རྐྱེན་རྣམས་མ་ལུས་པ། །འབད་མེད་ལྷུན་གྱིས་གྲུབ་པར་བྱིན་གྱིས་རློབས། །ཚེ་རབས་ཀུན་ཏུ་འདི་ལྟའི་ལམ་སྟོན་པའི། །བཤེས་གཉེན་དང་མཇལ་དལ་འབྱོར་རྟེན་ཐོབ་ཅིང༌། །ཐོས་བསམ་སྒོམ་པས་ས་ལམ་མྱུར་བགྲོད་དེ། །ཀུན་མཁྱེན་ཐོབ་ནས་འགྲོ་ཀུན་སྒྲོལ་བར་ཤོག །ཅེས་གསོལ་བ་འདེབས་ཤིང་ཞིང་མཆོག་སྒོ་འབྱེད་དང་བྱིན་རླབས་སྤུངས་ཞུས་ཀྱི་དམིགས་རིམ་ཡང་མན་ངག་བཞིན་ཉམས་སུ་བླང་ངོ་། དེ་ནས་བདེ་ལམ་ནས་འབྱུང་བ་བཞིན་ཚོགས་ཞིང་བསྡུ་བ་སོགས་བྱ་བའམ། འཇམ་དཔལ་ཞལ་ལུང་ལས་འབྱུང་བ་ལྟར་དེ་དག་མ་བྱས་ཀྱང་རུང་བས་མོས་པ་དང་བསྟུན་ལ།    ༼མུ་མཐུད་འགོད་རྒྱུུ
·རྩོམ་ཡིག་གོང་མ:བོད་ཀྱི་དྲྭ་བར་བགྲོ་བའི་གཏམ་སྣ་ནག་མ།
·རྩོམ་ཡིག་འོག་མ:གཞས་ཚིག བླ་མ་ལགས། དུང་དཀར་རིན་པོ་ཆེ།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·ལམ་རིམ་བདུད་རྩི་སྙིངཔོ།༡༥ 2013/5/14 20:43:48
·ལམ་རིམ་བདུད་རྩི་སྙིངཔོ།༡༤ 2013/5/11 17:53:59
·ལམ་རིམ་བདུད་རྩི་སྙིངཔོ།༡༣ 2013/5/5 20:27:58
·ལམ་རིམ་བདུད་རྩི་སྙིངཔོ།༡༣ 2013/4/2 16:19:02
·ལམ་རིམ་བདུད་རྩིའི་སྙིང་པོ་ལས་༡༢ 2013/3/1 19:34:55
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 6:28:34 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 9:00:17 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 13:23:46 [来自: 112.5.248.229]

འབྲེལ་ཡོད་དཔྱད་བརྗོད 46 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།23.44MS