ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་འདུ་ར། >> བློ་སྦྱོང་།
 རྩོམ་ཡིག་ཀློག་པ།

ལམ་རིམ་བདུད་རྩིའི་སྙིང་པོ།༤

  རྩོམ་པ་པོ:ཀོང་པོ་ཡེ་ཤེས་བརྩོན་འགྲུས།ཡོང་ཁུངས:ངེད་དྲ་བ།གཟིགས་གྲངས:2066ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2012/11/11 15:30:24ཚོགས་ཡར་སྤྲོད:admin
༄༅། ། བྱང་ཆུབ་ལམ་གྱི་རིམ་པའི་གདམས་པ་ཟབ་མོ་རྣམས་ཚིགས་སུ་བཅད་པའི་
སྒོ་ནས་ཉམས་སུ་ལེན་ཚུལ་དམ་ཆོས་བདུད་རྩིའི་སྙིང་བོ་
ཞེས་བྱ་བ་བཞུགས་སོ། །༤
 
   དངོས་གཞི་བཤེས་གཉེན་བསྟེན་པའི་ཕན་ཡོན་ནི།  བྱང་ཆུབ་ལམ་མཆོག་ཚང་ལ་མ་ནོར་བ། །འདོམས་པའི་དགེ་བའི་བཤེས་གཉེན་དམ་པ་ནི། །བསམ་དང་སྦྱོར་བས་ཚུལ་བཞིན་བསྟེན་པ་ཡི། །ཕན་ཡོན་དེ་ནི་བསམ་གྱིས་མི་ཁྱབ་སྟེ། །གྲངས་མེད་བསྐལ་པ་རྒྱ་མཚོར་བརྩོན་པ་བརྒྱས། །བསྒྲུབས་ཀྱང་ཤིན་ཏུ་རྙེད་དཀའ་ཟུང་འཇུག་ཆེ། །བླ་མའི་མཐུ་ལ་བརྟེན་ན་སྙིགས་དུས་ཀྱི། །ཚེ་ཐུང་གཅིག་ལ་བདེ་བླག་འགྲུབ་པར་གསུངས། །བཤེས་གཉེན་དམ་པ་ཚུལ་བཞིན་བསྟེན་བྱས་ཚེ། །འདི་ནི་མྱུར་དུ་སྲིད་ལས་གྲོལ་འགྱུར་ཞེས། །བུ་ལ་ཕན་པ་སྒྲུབ་པ་མས་མཐོང་བཞིན། །རྒྱལ་བ་མ་ལུས་ཐུགས་ཡིད་གཏིང་ནས་དགྱེས། །སློབ་མས་བླ་མ་ཚུལ་བཞིན་བསྟེན་པའི་ཚེ། །རྒྱལ་རྣམས་སྤྱན་མ་དྲངས་ཀྱང་བླ་མའི་སྐུར། །དགྱེས་བཞིན་བཞུགས་ནས་མཆོད་ཚོགས་ཀུན་བཞེས་ཤིང༌། །དེ་ཡི་རྒྱུད་ཀྱང་བྱིན་གྱིས་བརླབས་པར་གསུངས། །དེ་ཚེ་སངས་རྒྱས་ཀུན་གྱི་བྱིན་རླབས་དེ། །དད་པའི་སེམས་ཀྱི་བུ་གར་ཞུགས་པའི་མཐུས། །བདུད་དང་ཉོན་མོངས་ཚོགས་ཀྱིས་མི་ཚུགས་ཤིང༌། །ས་ལམ་ཉམས་རྟོགས་མོད་ལ་སྐྱེ་ཞིང་འཕེལ། །དེ་ལ་ཏོག་ཏུ་གུས་པས་བརྟེན་བྱས་ན། །ཉོན་མོངས་ཉེས་སྤྱོད་ཐམས་ཅད་རང་ཤུགས་ཀྱིས། །འགག་ཅིང་དཀར་ཆོས་ངང་གིས་འཕེལ་འགྱུར་བས། །འདི་དང་ཕྱི་མར་བདེ་བ་རྒྱ་ཆེར་ཐོབ། །ཚེ་འདིར་བླ་མ་ཚུལ་བཞིན་མཉེས་བྱས་པའི། །རྒྱུ་མཐུན་འབྲས་བུས་ཚེ་རབས་ཐམས་ཅད་དུ། །དགེ་བའི་བཤེས་གཉེན་མཆོག་དང་མཇལ་འགྱུར་ཞིང༌། །ཚང་ལ་མ་ནོར་དམ་ཆོས་ཐོས་པར་འགྱུར། །མདོར་ན་བཤེས་གཉེན་བསྟེན་པས་གནས་སྐབས་སུ། །མི་ཁོམ་ལས་ཐར་ལྷ་མིའི་རྟེན་བཟང་རྙེད། །མཐར་ཐུག་འཁོར་བའི་སྡུག་བསྔལ་ཀུན་ཟད་དེ། །ངེས་ལེགས་གོ་འཕང་དམ་པ་ཐོབ་པར་འགྱུར།།
  མ་བསྟེན་པའི་ཉེས་དམིགས་ནི།  དེ་ལྟར་བཤེས་གཉེན་ཚུལ་བཞིན་བསྟེན་བྱས་པའི། །ཕན་ཡོན་བསམ་མི་ཁྱབ་པ་དེ་བཞིན་དུ། །མ་བསྟེན་པ་དང་བསྟེན་ཚུལ་ལོག་པ་ཡི། །ཉེས་དམིགས་དེ་ཡང་བསམ་གྱིས་མི་ཁྱབ་སྟེ། །དགེ་བའི་བཤེས་རྣམས་རྒྱལ་ཀུན་འཕྲིན་ལས་དེ། །རང་གི་བླ་མར་ཤར་བ་ཉིད་ཡིན་ཕྱིར། །དེ་ལ་མ་གུས་རྒྱལ་ཀུན་མ་གུས་པར། །གསུངས་ཕྱིར་དེ་ལས་རྣམ་སྨིན་ལྩི་བ་གང༌། །བླ་མར་ཁྲོ་སེམས་སྐད་ཅིག་གང་སྐྱེས་པ། །དེ་སྙེད་བསྐལ་པར་བསགས་པའི་དགེ་བཅོམས་ཏེ། །སྐད་ཅིག་དེ་ཡི་གྲངས་མཉམ་བསྐལ་པ་རུ། །དམྱལ་བར་སྐྱེ་ཞེས་དུས་འཁོར་རྒྱུད་ལས་གསུངས། །མཚམས་མེད་ལྔ་སོགས་སྡིག་པ་ཆེར་བགྱིས་ནའང༌། །སྔགས་ལ་བརྟེན་ན་ཚེ་འདིར་མཆོག་འགྲུབ་ཀྱང༌། །སྙིང་ནས་སློབ་དཔོན་སྨོད་པས་བསྐལ་པ་རུ། །བསྒྲུབས་ཀྱང་དངོས་གྲུབ་ཅི་ཡང་མི་འགྲུབ་གསུངས། །ལམ་སྟོན་བཤེས་ལ་བརྙས་སྨོད་ལྷུར་ལེན་པའི། །གང་ཟག་དེས་ནི་རྒྱུད་དོན་བསྒྲུབ་པའི་མཆོག །གཉིད་རྨུགས་འདུ་འཛི་སྤངས་ཏེ་འབད་གྱུར་ཀྱང༌། །དམྱལ་སོཊ་བསྒྲུབ་དང་འདྲ་བར་རྒྱུད་ལས་བཤད། །བླ་མ་མཆོག་ལ་གུས་པ་དང་བྲལ་ན། །ཡོན་ཏན་མི་སྐྱེ་སྐྱེས་པ་ཉམས་འགྱུར་ཞིང༌། །ཚེ་འདིར་ནད་གདོན་དུས་མིན་འཆི་སོགས་འབྱུང༌། །ཕྱི་མར་ངན་སོང་མུ་མཐའ་མེད་པར་འཁྱམས། །གལ་ཏེ་བརྒྱ་ལ་བདེ་འགྲོའི་རྟེན་ཐོབ་ཀྱང༌། །མ་གུས་པ་ཡི་རྒྱུ་མཐུན་འབྲས་བུ་དེས། །མི་ཁོམ་གནས་སུ་སྐྱེས་ནས་དམ་ཆོས་དང༌། །དགེ་བའི་བཤེས་ཀྱི་སྒྲ་ཡང་ཐོས་མི་འགྱུར། །མདོར་ན་བཤེས་གཉེན་བསྟེན་པའི་ཚུལ་ལོག་ན། །འཁོར་བ་སྤྱི་དང་བྱེ་བྲག་ངན་འགྲོ་རུ། །གཏན་འཁྱམས་སྡུག་བསྔལ་འབའ་ཞིག་མྱོང་བ་ལ། །མཐོ་རིས་ཐར་པ་ཐོབ་པའི་སྐབས་མེད་འགྱུར། །དེ་ལྟར་ཕན་ཡོན་ཉེས་དམིགས་བསམ་འདས་ཤིང༌། །བདག་གི་ལེགས་ཚོགས་རྩ་བའང་འདིར་སྣང་ཕྱིར། །ད་ནི་སྐྱོན་རྟོག་ཡིད་ཡུལ་མི་རྒྱུ་བར། །དད་ཅིང་གུས་པས་བསྟེན་པར་མི་བྱེད་རི། །  ༼འཕྲོ་མུ་མཐུད་འགོད་རྒྱུ།
·རྩོམ་ཡིག་གོང་མ:བོད་ཀྱི་ལྷ་མོའི་འཁྲབ་གཞུང་གི་དོནབསྡུས།༢
·རྩོམ་ཡིག་འོག་མ:གླུ་གཞས་ཁ་བཤད་ལག་བསྟར།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·ལམ་རིམ་བདུད་རྩི་སྙིངཔོ།༡༥ 2013/5/14 20:43:48
·ལམ་རིམ་བདུད་རྩི་སྙིངཔོ།༡༤ 2013/5/11 17:53:59
·ལམ་རིམ་བདུད་རྩི་སྙིངཔོ།༡༣ 2013/5/5 20:27:58
·ལམ་རིམ་བདུད་རྩི་སྙིངཔོ།༡༣ 2013/4/2 16:19:02
·ལམ་རིམ་བདུད་རྩིའི་སྙིང་པོ་ལས་༡༢ 2013/3/1 19:34:55
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/5 20:48:28 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/22 21:42:50 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/15 21:14:31 [来自: 112.5.248.229]

འབྲེལ་ཡོད་དཔྱད་བརྗོད 59 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།23.44MS