ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་འདུ་ར། >> རིག་དཔྱད།
 རྩོམ་ཡིག་ཀློག་པ།

དགའ་ལྡན་ལྔ་མཆོད།

  རྩོམ་པ་པོ:གཞུང་དབྱངས་བྷ།ཡོང་ཁུངས:དེགཟིགས་གྲངས:3101ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2012/12/8 4:35:06ཚོགས་ཡར་སྤྲོད:admin
དགའ་ལྡན་ལྔ་མཆོད།
 
བྱ་གཞུང་དབྱངས་བྷ།
 
       མར་མེའི་མེ་ལྕེ་སེར་པོ  གཉོམ་ལྷེམ་ལྷེམ
       ཅི་ཞིག་འཆད་རྩིས་ཀྱིས་འགུལ་ཙམ་འགུལ་ཙམ་བྱེད་པའི
       མཆུ་སྒྲོས་རེ་རེ་དང་འདྲ  ལྕེ་ལེབ་རེ་རེ་དང་འདྲ
       ཚག་ཚག་འཚིག་གིན་པའི་དལ་རྟེན་རེ་རེ་དང་འདྲ
       མཆུ་སྒྲོས་དག  ལྕེ་ལེབ་དག  དལ་རྟེན་དག
       ངའི་ཁང་པའི་བྱ་འདབ་འོག་དང་བར་སྐོར་དུ
       པོ་ཏ་ལའི་ཕྱོགས་སུ་འགུལ་ཙམ་འགུལ་ཙམ་བྱེད
       ངའི་མཆུ་སྒྲོས་ཀྱང  འགུལ་ཙམ་འགུལ་ཙམ་བྱས་པའི་མོད་ལ
       ངག་ནས་མ་ཐོན་པ་དག་མིག་ལས་ཤོར་སོང
 
 [ཕྲན་དཔྱད /བྱང་སྒྲ་སྙན།(རྨ་ལྷོ)]  སྙན་ཚིག་འདི་རུ་རྩོམ་པ་པོས་དགའ་ལྡན་ལྔ་མཆོད་དུས་ཀྱི་མར་མེའི་མེ་ལྕེ་སེར་པོ་མཐོང་བ་དང་མཉམ་དུ་སེམས་པའི་གཏིང་སར་ཉར་བའི་ཚོར་བ་རྣོན་པོ་དག་དབང་མེད་དུ་ཕྱི་རུ་འཕགས་ནས་བྱུང་བ་སྟེ། མར་མེ་རེ་རེ་སྲོག་ལྡན་གྱི་གཟུགས་སུ་མཐོང་བ་དང༌། སྲོག་ལྡན་དག་གི་མཆུ་སྒྲོས་དང་ལྕེ་ལེབ། དལ་རྟེན་་་་སོགས་ཀྱིས་མཚོན་པའི་གཟུགས་ཅན་གྱི་དངོས་པོ་དག་མིག་ལམ་དུ་བརྒྱུད་པ་ལྟ་བུའི་སྙན་ངག་གི་འདྲེས་ཚོར་དེས་བོད་མི་རིགས་ཀྱི་བླ་སྲོག་གི་དཔང་བོ་ཕོ་བྲང་པོ་ཏ་ལ་སོགས་དཔེ་དང་གབ་པའི་སྒོ་ནས་དད་པའི་རྟེན་ཡུལ་དུ་བཀོད་ཡོད་པ་རེད།  དེ་འབྲེལ་མར་མེའི་མེ་ལྕེ་སེར་པོའི་གཡོ་འགུལ་གྱི་བརྡ་བཤད་དང་འགྲོགས་ནས་རྩོམ་པ་པོའི་སེམས་རྒྱུད་དུ་སྐུང་བའི་སྨྲ་བསམ་བརྗོད་འདས་ཀྱི་གཏམ་རྒྱུད་མང་པོ་ཞིག་དངོས་ཤུགས་གང་རུང་ནས་བརྗོད་ཀྱིན་ཡོད་པ་ནི། ཕྱོགས་གཅིག་ནས་མེས་པོའི་རི་རབ་བཞིན་རྔམ་བརྗིད་ཀྱིས་བཏེགས་པའི་མཁས་མཛངས་ལ་དད་སྨོན་གྱི་དགའ་བ་རྒྱས་པ་དང༌།  ཕྱོགས་གཞན་ཞིག་ནས་ལོ་རྒྱུས་ཀྱི་ཕམ་ཉེས་ཀྱིས་བསྐྲུན་པའི་གོད་ཆག་ལ་ཞེ་གཏིང་ནས་མྱ་ངན་གྱི་ལྷག་བསམ་མཚོན་པ་ཅན་ཞིག་སྟེ། ལོ་རྒྱུས་ཀྱི་མི་སྣ་ཞིག་ལ་རྗེས་དྲན་བྱེད་པའི་མར་མེ་རྐོང་བུ་གང་བོ་དེ་ཡང་དུས་ཀྱི་བརྡབ་གསིག་ལས་བདེ་སྐྱིད་ཀྱི་སེམས་ངོ་འཕྲོག་པའི་མི་ཞིག་གི་མིག་མདུན་དུ་གཉོམ་ལྷེམ་ལྷེམ་དུ་གྱུར་བ་མ་ཟད། ཞེན་ཆགས་ཀྱི་ཕྱི་མིག་དང་འདོད་བརྩེའི་སེམས་ཁུར་གྱིས་ཅི་ཞིག་འཆད་ལ་ཁད་ཀྱི་གནས་སྟངས་དེ་བཤད་ནས་ཡོད།
  སྤྱིར་ན་སྙན་ངག་འདི་ལྟ་བུ་རྩོམ་པ་པོ་སྒེར་གྱི་རང་གྲུབ་བསྡུས་བརྗོད་ཀྱི་ཁོངས་སུ་གཏོགས་པས་ཀློག་པ་པོའི་ངོས་ཐད་ནས་བཤད་ན་མཐོང་སྣང་དང་དྲན་ཚོར་མི་འདྲ་བ་མང་པོ་ཞིག་གིས་བསྟན་དོན་ལ་གོ་བ་འཇུག་ཚུལ་ཤིན་ཏུ་ཐ་དད་ཡིན་སྲིད་མོད། ཕ་མེས་ཀྱི་མཚན་དཔེ་བཟང་བོའི་ཐུ་འོག་ནས་བསྐྱེད་པའི་རྩོམ་པ་པོའི་ཆེས་མཛེས་སྡུག་གི་སེམས་ཁམས་དེ་དགའ་ལྡན་ལྔ་མཆོད་དུས་ཀྱི་མར་མེའི་འོད་ཟེར་གྱི་ཀློང་ན་གཉོམ་དུངས་དུངས་སྒོས་མངོན་གྱིན་ཡོད་པ་དེས་འགྲོ་བ་མིའི་རིགས་ནད་མེད་ཚེ་རིང་དང་འཚོ་བ་བདེ་སྐྱིད་ཡོང་བར་སྨོན་འདུན་ཞུ་བའི་སྤྱི་མཐུན་གྱི་ཆ་ཞིག་མངོན་ནས་ཡོད་པའམ། ཡང་ན་འཛམ་གླིང་ཞི་བདེ་ཅན་དུ་སྐུལ་བར་ཅི་ཞིག་འཆད་རྩིས་ཀྱིས་མཆུ་སྒྲོས་འགུལ་ཙམ་འགུལ་ཙམ་བྱེད་པ་དང༌། གནོད་སྐྱོན་ཆག་འཇིག་ཞི་བའི་སྔོན་འགྲོའི་དལ་རྟེན་དུ་མར་མེ་འོད་སྣང་ལྟ་བུའི་ས་ལམ་ཞིག་སྙན་ཚིག་གི་དབྱངས་འགྲོས་སུ་འཁོར་ནས་ཡོད་པ་མ་ཟད། དབྱངས་འགྲོས་དེའི་ཁོངས་སུ་རྩོམ་པ་པོ་ཁོ་རང་འཚོ་བ་ལ་དུངས་ཞེན་ཆེ་བ་དང་བྱམས་བརྩེ་ལ་བརྩི་འཇོག་ཆེ་བའི་བློ་སྟོབས་དང་ལྡན་པའི་མི་ཕོ་ཞིག་ཡིན་པ་ཀུན་ལ་གསལ་བོར་བསྟན་ཡོད་པས་ན། སྙན་ཚིག་ཐུང་ངུ་འདིའི་བསྟན་དོན་གྱི་ཆ་དེ་ཅུང་ཁོངས་ཡངས་ཤིང་སློབ་སྟོན་གྱི་བྱེད་ནུས་དང་ལྡན་པ་ཞིག་རེད་སྙམ་མོ༌།
·རྩོམ་ཡིག་གོང་མ:དམྱལ་བ་ལས་ཐར་བའི་དགའ་སྟོན་གྱི་སྙན་ངག
·རྩོམ་ཡིག་འོག་མ:ཚངས་མགུར་གྱི་ལྷན་ཐབས་ཤོ་ལོ་ཀ་བརྒྱ་པ།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·འགོ་ཁྲིད་དང་དཔོན་པོ་མ་ནོར་ཅིག 2016/9/30 16:16:26
·ཀུན་མཁྱེན་ཇོ་ནང་པ་ཆེན་པོའི་བསྟན་པ་རྒྱས་པའི་སྨོན་ལམ། 2016/9/30 16:11:32
·སྐད་ཡིག་དང་ནང་ཆོས་གཅིག་ཏུ་འཁྲུལ་མི་ཉན། 2016/3/7 18:08:42
·རླབས་ཆེན་གྱི་བཞུད་ལམ། 2016/3/7 18:03:51
·སྙིང་གཏམ་བཅོ་ལྔ་པ། 2016/3/7 17:51:57
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 18:21:42 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 23:25:19 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/17 11:04:04 [来自: 112.5.248.229]

འབྲེལ་ཡོད་དཔྱད་བརྗོད 40 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།31.25MS