ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ངག་རིག་འདོད་འཇོ། >> ལེཊ་རྩོམ།
 རྩོམ་ཡིག་ཀློག་པ།

འཇིག་པ་དང་སྲུང་སྐྱོབ།།

  རྩོམ་པ་པོ:སོག་མདའ།ཡོང་ཁུངས:ddགཟིགས་གྲངས:1515ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2013/1/15 22:42:25ཚོགས་ཡར་སྤྲོད:admin
                     འཇིག་པ་དང་སྲུང་སྐྱོབ།
                                  སོག་མདའ།

འབྲུག་ཞགས་སྟོང་གི་ངར་སྐད་སྒྲོགས་ཞིང་གློག་དམར་འཁྱུག་ཞིང་མེ་སྟག་མཆེད།།
མུན་ནག་མཚན་མོ་ས་རྩ་རུབ་ཞིང་དཀར་འོད་མཆེད་པའི་འོད་མདངས་ཉམས།།
ཆུ་ཆེན་འཕྱུར་ཞིང་ས་གཞི་གཡོས་པའི་འཇིག་པའི་སྔ་ལྟས་གླིང་ལ་སླེབས་།།
ཚེ་སྲོག་གྲངས་མེད་འཇིགས་སྐྲག་ངོགས་ན་ཧ་ཅང་གཉོམ་པའི་བྱེའུ་ཆུང་འདྲ།།

རྒྱ་མཚོའི་་མཚོ་ཡོམ་ངར་གྱིས་སྐྱོམ་ཞིང་རྦ་རླབས་འཕྱུར་བའི་གྲོང་ཁྱེར་བསྣུབ།།
ཐོག་བརྩེགས་མཐོ་པོ་དགུང་ལ་སྙེགས་པ་ཤོག་བུས་བཟོས་པའི་ཤོག་གྲུ་བཞིན།།
སྣ་མང་རླངས་འཁོར་ཁྲི་ཕྲག་མང་པོ་རླུང་གིས་དེད་པའི་བ་མོ་བཞིན།།།
འཇིགས་རུང་མཚོ་ཡོམ་ཆེན་པོ་འཕྱུར་ཉིན་མི་ཡི་འཇིག་རྟེན་ཤུལ་མེད་བརླགས།།

སྐད་ཆེནའཇིག་པའི་ས་གཞི་ཁེངས་ཞིང་ཡོམ་ཡོམ་ལྡེམ་ལྡེམ་ས་གཞི་འགུལ།།
ཕ་ཁྱིམ་ཕྱུག་མོ་གཡང་ར་བཅོམ་ཞིང་གཡང་དཀར་སྒོ་བཞིའི་ལྷས་ར་གདུབ།།
ཕ་མའི་སེམས་ཀྱི་གཅེས་ལོ་འཕྲོག་ཞིང་བུ་ལོ་སེམས་ཀྱི་ཕ་མ་ཁྱེར།།
ཡོད་ཚད་ས་དང་རྡུལ་ལ་་བཏུམས་པའི་མི་ཡུལ་དག་ཞིང་ཁྱུར་མིད་བཏང་།།

སྒྱོགས་ཆེན་མེ་མདའི་ཆར་ཆེན་སྙིལ་བའི་དོན་མེད་ཚེ་སྲོག་ཐང་ལ་འཕང་།།
མེ་ཤུགས་འཕུར་མདེལ་དུག་གིས་མདའ་མོས་མི་ཡུལ་གཤེན་གྱི་བཤས་ར་བསྒྱུར།།
ཁྱོད་ཤི་ང་གསོན་འཐབ་རྩོད་ཁྲོད་ནས་དམར་བོ་ཁྲག་གིས་ལོ་རྒྱུས་བྲིས།།
ཡོད་ཚད་རང་གིས་རང་ཉིད་བརླགས་པའི་མི་ཡུལ་མི་ཡི་འཁྲུགས་ཞིང་གཏོར།།
 
འདུག་གནས་རྒྱུ་སྐར་གོ་ལ་འདི་ལ་སྲུང་པའི་སྐྱབས་ཞིག་མ་མཆིས་ན།།
བཞེས་པའི་བཅུད་ཟས་སྣུམ་ཤ་ཅན་དང་དྲོན་པོ་གོས་སྔོན་འཇམ་ཤ་ཅན།།
འགྲོ་བ་མི་ཡི་གང་ནས་ཁྱེར་ཡོང་རྣམ་དཔྱོད་རིག་པའི་བརྡ་རྟགས་ཐོངས།།
ཕྱག་ཟུང་འགྲམ་པ་ལག་པའི་སྐྱོར་ནས་ཕ་ས་འདི་ཡི་སྲོག་ཤིང་སྲུང་།།

བྱམས་དང་བརྩེ་བའི་ཐུགས་རྒྱུད་དྭངས་མོ་རེ་བའི་སྐྱབས་ཞིག་མ་བཅོལ་ན།།
བག་ལ་ཕེབས་པའི་ངང་རྒྱུད་གཤིས་དང་ཀུན་ལ་མཁོ་བའི་ཞི་བདེ་དཔལ།།
གཅིག་ཡུལ་གཅིག་གིས་བཙན་གྱིས་འཕྲོག་པའི་མི་ཡུལ་གཤིན་ཐང་སྐྱ་མོ་འདི།།
འགྲིག་མཐུན་དུང་གི་ཟླ་བ་ཚེས་པའི་རེ་བའི་རྨི་ལམ་རྒྱང་ལ་བཀྱེད།།

བསྲུང་ན་རང་ཡུལ་གཞི་ཁྱིམ་གོ་ལའི་ཕ་ས་སྣུམ་པའི་ཚེ་སྲོག་བསྲིངས།།
འཆམ་ན་ཚེ་་སྲོག་ཡོད་དོ་ཅོག་ལ་ཞི་བདེའི་བག་ཕེབས་བདེ་ལ་རོལ།།
མ་འོངས་ཕན་པའི་རེ་བཞག་སྟོང་གིས་འགྲོ་བ་མི་ཡི་བསམ་གཞིགས་ཐོང་།།
རང་གཞན་འགྲོ་བ་སྤྱི་ལ་ཕན་པའི་ཚོར་བ་རྣོན་པོ་སེམས་ཞིག་མཁོ།།

གླིང་བཞིའི་ཞིང་གི་ཁྱོན་ན་བཞུགས་པའི་རྒྱལ་སྤྱིའི་སྤྱི་ཚོགས་སྟོབས་ཆེན་པོ།།
གཅིག་འབྲེལ་གོ་ལའི་ཁྱིམ་ན་བཞུགས་པའི་རིགས་མཐུན་གཅིག་པའི་མི་ཡི་སྡེ།།
སྔོན་སོང་ལོ་རྒྱུས་བདེན་ལ་བཞག་ནས་མ་འོངས་གནས་པའི་བདེ་སྐྱིད་ཆེད།།
ཀུན་གྱིས་ཁྱིམ་གཅིག་འདུ་ཤེས་བཞག་ནས་འཆམ་མཐུན་ཞི་བདེའི་ས་བོན་བསྐྲུན།།
༢༠༡༣་༡་༧་ཉིན་རང་ཤག་ནས་བྲིས།
·རྩོམ་ཡིག་གོང་མ:སྙན་ཐུང་འགའ་བསམ་ཕྱོགས་དྲན།
·རྩོམ་ཡིག་འོག་མ:ཆུ་ལེན་བུ་མོ།།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·སློབ་དཔོན་དགྱེས་དཔལ་རྡོ་རྗེའི་གསོལ་འདེབས་ 2012/11/7 14:12:03
·མ་ཎི་འཁོར་ལོ། 2012/11/6 11:22:45
·རྗེ་བླ་མའི་རྩོམ་གྱི་ཆེ་བ་མདོ་ཙམ་གླེང་བ། 2012/10/23 18:17:41
·སྒྲོལ་མ་ཉེར་གཅིག་བསྡུས་པ་བཞུགས་སོ། 2012/10/14 9:58:08
·གབ་ཚིག་བཅུ་པ། 2012/8/23 18:02:15
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 6:10:44 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 8:38:01 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 12:53:00 [来自: 112.5.248.229]

འབྲེལ་ཡོད་དཔྱད་བརྗོད 47 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།23.44MS