ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་འདུ་ར། >> བློ་སྦྱོང་།
 རྩོམ་ཡིག་ཀློག་པ།

ལམ་རིམ་བདུད་རྩིའི་སྙིང་པོ་ལས་སྐྱབས་འགྲོ་ལས་འབྲས་སྐོར།

  རྩོམ་པ་པོ:ཡེ་ཤེས་བརྩོན་འགྲུས།ཡོང་ཁུངས:ངེད་དྲ་བ།གཟིགས་གྲངས:2166ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2013/2/2 10:17:08ཚོགས་ཡར་སྤྲོད:admin
༄༅། ། བྱང་ཆུབ་ལམ་གྱི་རིམ་པའི་གདམས་པ་ཟབ་མོ་རྣམས་ཚིགས་སུ་བཅད་པའི་
སྒོ་ནས་ཉམས་སུ་ལེན་ཚུལ་དམ་ཆོས་བདུད་རྩིའི་སྙིང་བོ་
ཞེས་བྱ་བ་བཞུགས་སོ། །༡༡
 
  སྐྱབས་འགྲོའི་ཉམས་ལེན་ནི།  དེ་ལྟར་དམྱལ་བ་ཡི་དྭགས་དུད་འགྲོ་ཡི། །མི་བཟད་སྡུག་བསྔལ་བཟོད་དཀའ་དེ་དག་ནི། །མཆོག་གསུམ་མ་གཏོགས་གཞན་ནི་གང་ཞིག་ལ། །སྐྱབས་སུ་སོང་ཡང་སྐྱོབས་པར་མི་ནུས་སོ། །དཀོན་མཆོག་གསུམ་གྱིས་ཇི་ལྟར་སྐྱོབ་པ་ནི། །ཆོས་ནི་འཇིགས་པ་དེ་སྐྱོབས་སྐྱབས་དངོས་ཏེ། །སངས་རྒྱས་རྣམས་ནི་ཆོས་དེ་སྟོན་པ་པོ། །དགེ་འདུན་ཆོས་དེ་བསྒྲུབ་པར་བྱེད་པའི་གྲོགས། །དེ་ཕྱིར་བསླུ་མེད་སྐྱབས་མཆོག་རྣམ་གསུམ་ལ། །སྙིང་གི་ཁོང་ནས་སྐྱབས་སུ་མ་བསྟེན་ན། །འཇིགས་རུང་ངན་འགྲོའི་གཡང་ས་སྤྱི་དང་ནི། །ཁྱད་པར་འཁོར་བའི་འཇིགས་ལས་གྲོལ་ཐབས་མེད། །དེ་ཡང་ད་ལྟ་ཉིད་ནས་སྐྱབས་བཟུང་ལ། །འབད་པར་བྱ་སྟེ་ངན་སོང་གནས་ལྷུངས་ན། །དེ་ཚེ་ངུ་ཞིང་འོ་དོད་བརྒྱ་བོས་ཀྱང༌། །དེ་དང་དེ་ན་སྐྱབས་མགོན་སུ་ཡང་མེད། །དེ་བས་དེང་ནས་བདག་གཞན་འགྲོ་བ་ཀུན། །སྟོན་མཆོག་སངས་རྒྱས་རྣམས་ལ་སྐྱབས་སུ་མཆི། །དེས་གསུང་དམ་ཆོས་རྣམས་ལ་སྐྱབས་སུ་མཆི། །དེ་བསྒྲུབ་དགེ་འདུན་རྣམས་ལ་སྐྱབས་སུ་མཆིའོ། །དེ་བས་དེང་ནས་ཞེས་སོགས་སྐྱབས་འགྲོའི་དངོས་གཞིའི་ཚིག་རྣམས་ལན་གསུམ་མམ་བདུན་ལ་སོགས་པ་བྱ།
    དེ་ལྟར་དཀོན་མཆོག་གསུམ་ལ་སྐྱབས་བཅས་ནས། །སྐྱབས་འགྲོའི་བསླབ་བྱར་ཚུལ་བཞིན་སློབ་དགོས་པས། །  སྟོན་པར་སྐྱབས་སུ་བཟུང་བས་སྟོན་གཞན་དང༌། །འཇིག་རྟེན་ལྷ་གཞན་དག་ལ་སྐྱབས་མི་འཆའ། །སྟོན་པའི་གཟུགས་བརྙན་ཙམ་ལའང་སངས་རྒྱས་སུ། །མོས་ནས་མ་གུས་སྤངས་ཤིང་མཆོད་པར་བྱ། །ཆོས་ལ་སྐྱབས་སུ་སོང་བས་ཆོས་མིན་ལ། །མི་བསྟེན་འགྲོ་ལ་གནོད་འཚེའི་བསམ་སྦྱོར་སྤངས། །དམ་པའི་ཆོས་ཀྱི་ཡིག་འབྲུ་ཙམ་ལ་ཡང༌། །འགོམ་ཡུགས་ལ་སོགས་སྤངས་ནས་གུས་པར་བྱ། །དགེ་འདུན་སྐྱབས་སུ་བཟུང་བས་མུ་སྟེགས་སོགས། །ལོག་ལྟ་ཅན་གྱི་གྲོགས་ལ་མི་བརྟེན་ཅིང༌། །ཆགས་སྡང་མི་བྱ་ངུར་སྨྲིག་རྟགས་ཙམ་ཞིག །འཆང་ལའང་འཕགས་པའི་དགེ་འདུན་དངོས་ལྟར་མོས། །མཆོག་གསུམ་ཕན་ཚུན་ཕྱི་ནང་ཁྱད་ཤེས་ནས། །ཡང་དང་ཡང་དུ་སྐྱབས་སུ་འགྲོ་བ་དང༌། །བཀའ་དྲིན་དྲན་པས་རྟག་ཏུ་མཆོད་བརྩོན་ཞིང༌། །བཟའ་དང་བཅའ་བའི་ཕུད་ཀྱང་དབུལ་བ་དང་། །སྙིང་རྗེ་རྗེས་སུ་དྲན་པས་འགྲོ་གཞན་ཡང༌། །མཆོག་གསུམ་སྐྱབས་སུ་འགྲོ་ལ་འགོད་པ་དང༌། །དུས་སྐབས་ཀུན་ཏུ་སྐྱབས་གསུམ་གུས་མཆོད་ནས། །གསོལ་བ་འདེབས་ལས་ཐབས་གཞན་སྤོང་བ་དང༌། །ཕན་ཡོན་ཤེས་ནས་ཉིན་མོ་ལན་གསུམ་དང༌། །མཚན་མོ་ལན་གསུམ་སྐྱབས་སུ་འགྲོ་བ་དང༌། །བཞད་གད་ཕྱིར་རམ་སྲོག་གི་ཕྱིར་ཡང་ནི། །སྐྱབས་གསུམ་མི་བཏང་སྤྱི་བོར་འཛིན་པར་བྱ། །སྐྱབས་སུ་སོང་ནས་རྒྱལ་བསྟན་སྒོར་ཚུད་ཅིང༌། །སྡོམ་གསུམ་རྣམ་དག་སྐྱེ་བའི་རྟེན་དུ་འགྱུར། །ལས་སྒྲིབ་སྲབ་ཟད་བསོད་ནམས་རྒྱ་ཆེན་ཐོབ། །ངན་འགྲོར་མི་ལྟུང་མི་མིན་གྱིས་མི་ཚུགས། །ཅི་བསམ་འགྲུབ་ཅིང་མྱུར་དུ་འཚང་རྒྱ་སོགས། །ཕན་ཡོན་བསམ་མི་ཁྱབ་པར་གསུངས་པས་ན། །སྙིང་ནས་སྐྱབས་སུ་བཟུང་ཞིང་བསླབ་བྱ་ནི། །ཀུན་ལས་བདག་གིས་འདའ་བར་མི་བྱའོ།།
  ལས་འབྲས་ལ་ཡིད་ཆེས་ཀྱི་དད་པ་བསྐྱེད་ཚུལ་ནི། ངན་འགྲོའི་སྡུག་བསྔལ་དེ་དག་ལ་འཇིགས་ན། །རང་གི་སྒོ་གསུམ་ལ་ནི་རབ་བརྟགས་ནས། །དཀར་ནག་ལས་ཀྱི་འཇུག་ལྡོག་ཕྲ་མོ་ལའང༌། །དྲན་ཤེས་བག་ཡོད་བརྟན་པོས་བསླབ་དགོས་ཏེ། །མི་བཟད་སྡུག་བསྔལ་དེ་དག་རང་ཉིད་ཀྱིས། །བསགས་པའི་ལས་ཀྱི་འབྲས་བུ་ཉིད་ཡིན་གྱི། །གཞན་གྱིས་མྱོང་དུ་བཅུག་པ་མིན་པས་ན།།ད་ནི་སྡིག་སྤོང་དགེ་སྒྲུབ་ལ་འབད་བྱ། །དེ་ཡང་དཔེར་ན་ཞིང་ས་གཤིན་པོའི་ངོས། །གྲོ་ནས་སྲན་མ་ཁྲེ་དང་འབྲས་ལ་སོགས། །ས་བོན་སོ་སོར་བཏབ་ལས་མྱུ་གུ་ནི། །མ་འཆོལ་སོ་སོར་འབྱུང་བ་དེ་བཞིན་དུ། །ལས་ནི་སྤྱི་ལས་བདེ་སྡུག་སྤྱི་འབྱུང་ཞིང༌། །སོ་སོའི་བདེ་སྡུག་ཕྲ་མོ་ཡན་ཆད་ཀྱང་། །དགེ་སྡིག་གཉིས་ལས་ནམ་ཡང་འཆོལ་མེད་འབྱུང་། །རྒྱུ་མེད་མི་མཐུན་རྒྱུ་ལས་འབྱུང་མི་སྲིད། །ས་བོན་ཆུང་ངུས་འབྲས་བུ་ཆེར་འཕེལ་བཞིན། །རྒྱུ་ཡི་དགེ་སྡིག་ཕྲ་མོ་རེ་རེས་ཀྱང༌། །ཚེ་རབས་གྲངས་མེད་བདེ་དང་སྡུག་བསྔལ་སོགས། །འབྲས་བུ་བདེ་སྡུག་ཤིན་ཏུ་མཐའ་ཡས་འབྱུང༌། །ས་བོན་མ་བཏབ་འབྲས་བུ་མི་འབྱུང་ལྟར། །དགེ་དང་མི་དགེའི་ལས་ནི་མ་བསགས་ན། །འབྲས་བུ་བདེ་སྡུག་གང་ཡང་མི་འབྱུང་ཞིང་། །མ་བྱས་ལས་དང་འཕྲད་པ་མེད་ཕྱིར་རོ། །ས་བོན་བཏབ་པ་གེགས་བྱེད་དང་བྲལ་ན། །འབྲས་བུ་གདོན་མི་ཟ་བར་འབྱུང་བ་བཞིན། །དགེ་བ་བསགས་པ་ཁོང་ཁྲོ་ལ་སོགས་པའི། །འཇོམས་བྱེད་རྐྱེན་གྱིས་བཅོམས་པར་མ་གྱུར་ན། །འབྲས་བུ་བདེ་བ་ཆུད་མི་ཟ་བར་འབྱུང༌། །དེ་བཞིན་མི་དགེ་བསགས་པའང་བཤགས་སོགས་ཀྱིས། །དག་བྱེད་རྐྱེན་གྱིས་དག་པར་མ་བྱས་ན། །འབྲས་བུ་སྡུག་བསྔལ་ཆུད་མི་ཟ་བར་འབྱུང༌། །དེ་ཕྱིར་ལས་ནི་སོ་སོར་ངེས་པ་དང༌། །འཕེལ་ཆེ་བ་དང་མ་བྱས་མི་འཕྲད་དང༌། །བྱས་པ་ནམ་ཡང་ཆུད་མི་ཟ་བའི་ཕྱིར། །དགེ་བའི་ལས་ནི་འབའ་ཞིག་ལྷུར་བླངས་ཤིང༌། །དེ་ཡང་ཕྲ་མོ་ཡན་ཆད་ལ་བརྩོན་དང༌། །འདོད་ཅན་ནོར་གསོག་ཇི་བཞིན་མི་ངོམས་བྱ། །བྱས་རྣམས་ཁོང་ཁྲོ་སོགས་ཀྱིས་མི་འཇོམས་བརྩོན། །མི་དགེའི་ལས་ནི་ནམ་ཡང་མི་བྱ་ཞིང༌། །དེ་ཡང་ཕྲ་མོ་ཡན་ཆད་སྤོང་བ་དང༌། །པང་དུ་དུག་སྦྲུལ་འོངས་ལྟར་འཇིགས་བྱ་ཞིང་། །བསགས་ཟིན་སྟོབས་བཞིས་འདག་ངེས་ཉིད་དུ་སྦྱང༌། །ཁྱད་པར་མངོན་མཐོ་་ཙམ་གྱིས་མ་ཚིམ་པར། །བྱང་ཆུབ་བསྒྲུབ་ལ་ས་ཆོད་འབྱུང་བའི་ཕྱིར། །རྣམ་སྨིན་བརྒྱད་ལྡན་རྟེན་མཆོག་ཐོབ་པའི་རྒྱུ། །ཀུན་ལའང་བདག་གིས་བརྩོན་པས་བསླབ་པར་བྱ། །དེ་ལྟར་ནུས་པར་བྱིན་གྱིས་བརླབ་ཏུ་གསོལ།། ༼འཕྲོ་མུ་མཐུད་འགོད་རྒྱུ།
·རྩོམ་ཡིག་གོང་མ:རེ་སྐུལ་སྙིང་ནས་མཆེད་པའི་ཅོང་བརྡ།།
·རྩོམ་ཡིག་འོག་མ:ཐང་ཀའི་རི་མོར་གཏོར་བརླག་བྱ་གིན་པའི་སྒྱུ་རྩལ་པ།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·ལམ་རིམ་བདུད་རྩི་སྙིངཔོ།༡༥ 2013/5/14 20:43:48
·ལམ་རིམ་བདུད་རྩི་སྙིངཔོ།༡༤ 2013/5/11 17:53:59
·ལམ་རིམ་བདུད་རྩི་སྙིངཔོ།༡༣ 2013/5/5 20:27:58
·ལམ་རིམ་བདུད་རྩི་སྙིངཔོ།༡༣ 2013/4/2 16:19:02
·ལམ་རིམ་བདུད་རྩིའི་སྙིང་པོ་ལས་༡༢ 2013/3/1 19:34:55
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 1:33:40 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 3:04:34 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 4:54:52 [来自: 112.5.248.229]

འབྲེལ་ཡོད་དཔྱད་བརྗོད 56 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།27.34MS