ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་འདུ་ར། >> བློ་སྦྱོང་།
 རྩོམ་ཡིག་ཀློག་པ།

ལམ་རིམ་བདུད་རྩིའི་སྙིང་པོ་ལས་༡༢

  རྩོམ་པ་པོ:ཀོང་པོ་ཡེ་བརྩོན།ཡོང་ཁུངས:ངེད་དྲ་བ།གཟིགས་གྲངས:2001ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2013/3/1 19:34:55ཚོགས་ཡར་སྤྲོད:admin
༄༅། ། བྱང་ཆུབ་ལམ་གྱི་རིམ་པའི་གདམས་པ་ཟབ་མོ་རྣམས་ཚིགས་སུ་བཅད་པའི་
སྒོ་ནས་ཉམས་སུ་ལེན་ཚུལ་དམ་ཆོས་བདུད་རྩིའི་སྙིང་བོ་
ཞེས་བྱ་བ་བཞུགས་སོ། །༡༢
 
ཀོང་པོ་ཡེ་ཤེས་བརྩོན་འགྲུས།
  སྐྱེས་བུ་འབྲིང་ལས་མིའི་སྡུག་བསྔལ་སྒོམ་ཚུལ་ནི།  དེ་ལྟར་སྡིག་སྤོང་དགེ་ལ་འབད་ན་མངོན་མཐོའི་རྟེན་ཞིག་རྙེད་མོད་ཀྱང༌། །འཁོར་བའི་སྡུག་བསྔལ་ཡོངས་སུ་ཟད་པའི་ཐར་པའི་གནས་དེ་མ་ཐོབ་ན། །སླར་ཡང་ངན་འགྲོར་འཁྱམས་པར་འགྱུར་ཕྱིར་ཡིད་བརྟན་མེད་པར་མ་ཟད་དེ། །རྟེན་དེ་ཉིད་ལའང་བདེ་བའི་སྐབས་མེད་སྡུག་བསྔལ་རང་བཞིན་ཉིད་ཡིན་ཏེ། །མི་རྣམས་མངལ་དུ་རྣག་ཁྲག་ལ་སོགས་རབ་ཏུ་མི་གཙང་དྲི་ང་ཞིང༌། །སྲིན་བུས་ཡོངས་གང་ཆེས་ཆེར་དོག་པའི་མུན་ཁུང་ཤིན་ཏུ་ཡ་ངའི་ཁྲོད། །ལུས་ནི་བཅིང་བ་བཞིན་དུ་བསྐུམས་ཤིང་ཤ་མའི་སྣོད་ཀྱིས་ཀུན་ནས་དཀྲིས། །མ་ཡི་སྤྱོད་ལམ་སོགས་ལ་བརྟེན་པའི་སྡུག་བསྔལ་དུ་མ་རིང་དུ་མྱོང་། །དེ་ནས་ལས་ཀྱི་རྣམ་སྨིན་ལས་སྐྱེས་རླུང་གིས་ཐུར་དུ་ཁ་བསྟན་ཏེ། །རུས་པའི་འཕྲུལ་འཁོར་ཤིན་ཏུ་དོག་ཅིང་མི་གཙང་དྲི་ངའི་སྒོ་དག་ལས། །དྲག་ཅིང་རྩུབ་པའི་ཚོར་བ་བཟོད་དཀས་ཉམ་ཐག་བཞིན་དུ་བཙས་ནས་ཀྱང༌། །མི་འདོད་སྡུག་བསྔལ་ཆར་བཞིན་འབབ་པའི་སྐྱེ་བའི་སྡུག་བསྔལ་འདི་རེ་འཇིགས། །སྔར་གྱི་ན་ཚོད་གཞོན་ནུའི་ལུས་དེ་རིམ་འགྱུར་རང་ལུས་འཕོས་པ་ལྟར། །ལུས་སྒུར་མདོག་ཉམས་སྐྲ་རྣམས་དཀར་ཞིང་བདེ་མོར་འགྲོ་ཡང་གོམ་འགྲོས་འཁྱོར། །ཤ་སྟོབས་བྲི་བས་གཉེར་མས་ཁེབས་ཤིང་པགས་པ་དག་ཀྱང་ལྷུག་ལྷུག་འཕྱང༌། །སོ་ཕྲེང་ཐོར་ཞིང་ཟས་ལ་ཡིད་སྨོན་སྨྲ་ལྕེ་ལྡིབ་ཅིང་བརྗེད་ངས་ཆེ། །མིག་གཟུགས་མི་མཐོང་རྣ་བ་མི་གསལ་ལྡང་འདུག་དཀའ་ཞིང་གཞན་གྱིས་བརྙས། །བཟའ་བཏུང་དག་ཀྱང་འཇུ་དང༌སྤྱོད་དཀའ་སྐྱེ་བོ་ཀུན་གྱི་ཡིད་མི་འབབ། །ད་ནི་ལང་ཚོ་འདི་ལྟར་མྱུར་བས་མྱུར་དུ་འཆི་བར་འགྱུར་སྙམ་པའི། །སྡུག་བསྔལ་ཆེན་པོས་ཉིན་བཞིན་གཟིར་བའི་རྒས་པའི་སྡུག་བསྔལ་འདི་རེ་སྐྱོ། །འབྱུང་བ་འཁྲུག་པའི་ནད་ཀྱིས་བཏབ་སྟེ་བསྒུལ་བསྐྱོད་དཀའ་ཞིང་མལ་དུ་ལུས། །ནད་ཟུག་དྲག་པོས་རྟག་ཏུ་འཁུན་ཞིང་ཉིན་མཚན་མི་འཁྱོལ་ངུ་ཞིང་སྨྲ། །ཡིད་དགའ་འོང་བ་སྤྱོད་པའི་དབང་མེད་མི་འདོད་བཟའ་བཏུང་སྨན་སོགས་སྟེར། །ནད་ཀྱི་ཟུག་རྔུས་རྟག་ཏུ་མནར་བཞིན་ད་དུང་གཏར་སྲེགས་ལ་སོགས་མྱོང༌། །སྤྱོད་ལམ་དག་ཀྱང་གང་དགར་བྱར་མེད་མདངས་ཉམས་སྐད་དམའ་ལྡང་མི་ཐུབ། །ནད་ཀྱི་དབང་གིས་གནས་ལུས་ལོངས་སྤྱོད་འཁོར་དང་གྲོགས་ཀུན་དགྲ་རུ་འཆར། །ཡིད་མི་བདེ་བའི་ཉིན་མཚན་འདའ་ཞིང་ནད་དེས་འཆི་བར་དོགས་པ་ཡི། །མྱ་ངན་ཤུགས་ཀྱིས་ཆེས་ཆེར་ནོན་པའི་ན་བའི་སྡུག་བསྔལ་འདི་རེ་མཐུ། །ལུས་ཀྱི་ནད་དམ་རྐྱེན་གཞན་དག་གིས་འཆི་བདག་ཁ་རུ་མངོན་ཕྱོགས་ཏེ། །གང་དུ་འཆི་ནད་དྲག་པོས་ཟིན་ནས་མལ་གྱི་ཐ་མར་འདྲེ་ལྡོག་ཅིང༌། །སྨན་པས་མ་ཕན་རིམ་གྲོས་མ་བཟློག་རང་གཞན་གསོན་པའི་རེ་ཐག་ཆད། །གཉེན་བཤེས་ངུ་བས་མཐའ་ནས་བསྐོར་ཞིང་རང་གི་གདོང་ཡང་མཆི་མས་བཤལ། །ཁ་ནས་ཐ་མའི་ཚིག་དག་སྨྲ་ཞིང་གཤིན་དགེ་དུར་གྱི་གཤོམ་ར་འདིང༌། །སྣ་གཞོམ་ཁ་བསྐམས་མིག་ནི་གྱེན་ལྡོག་ངར་ངར་དབུགས་བརྩེགས་ཅི་བྱར་གྱི། །གཉེན་ལུས་ལོངས་སྤྱོད་གྲོགས་ལ་ཆགས་པའི་མྱ་ངན་གྱིས་གདུང་སྡིག་པས་འགྱོད། །གནད་གཅོད་དྲག་པོས་རྐང་ལག་གཡོབ་སོགས་འཆི་བའི་སྡུག་བསྔལ་འདི་རེ་འཇིཊ། དེ་ལྟར་སྐྱེ་རྒ་ན་འཆིའི་དགྲ་བཞིས་འཁོར་ལོ་བསྐོར་བཞིན་མནར་བ་ཡི། །བར་སྐབས་སུ་ཡང་སྡུག་བསྔལ་མང་པོས་བདེ་བར་གནས་པའི་སྐབས་མེད་དེ། །ཞེ་འགྲས་དགྲ་དང་ཆོམ་རྐུན་གཅན་གཟན་མི་མིན་མེ་ཆུའི་འཇིགས་པ་སོགས། །ཤིན་ཏུ་མི་སྡུག་དག་དང་ཕྲད་པས་ཡིད་ནི་མྱ་ངན་ཁུང་དུ་འཚུད། །ཆེས་ཆེར་འཕངས་ཤིང་སྙིང་དུ་སྡུག་པའི་གཉེན་བཤེས་ལོངས་སྤྱོད་འཁོར་སོགས་དང༌། །རང་དབང་མེད་པར་བྲལ་བར་གྱུར་ཚེ་དེ་ཉིད་དྲན་པས་ཡིད་གདུངས་ཏེ། །ངག་ཏུ་སྨྲེ་ངག་ཅི་ཡང་འབྱིན་ཞིང་མཆི་མས་མནངས་ཏེ་བརྒྱལ་ཞིང་འགྱེལ། །ཡན་ལག་བརྡབས་ཤིང་སྐྲ་ཡང་འབལ་བྱེད་སྨྲ་བ་སྐྱུངས་ཤིང་ཟས་ཀྱང་གཅོད། །སོ་ནམ་བྱས་ཀྱང་སྟོན་ཐོག་མ་གྲུབ་འཚོ་སྐྱོང་བྱས་ཀྱང་ཕྱུགས་མ་འཕེལ། །ཚོང་ལ་ཞུགས་ཀྱང་ཁེ་སྤོགས་མ་ཐོན་སྐྱེ་དང་སློང་ཡང་རེ་བ་དེ། །མ་འགྲུབ་པ་སོགས་འདོད་པའི་དངོས་པོ་ངལ་བརྒྱས་བཙལ་ཡང་མི་རྙེད་ཅིང༌། །སད་ཐན་གྱོད་ཆགས་ཁ་མཆུ་ལ་སོགས་མི་འདོད་དངོས་པོ་ཐོག་ཏུ་འབབ། །འབྱོར་བས་ཕོངས་རྣམས་བཟོ་སོགས་ལས་དང་གཞན་གྱི་བྲན་དང་འཁོལ་བོས་མནར། །ལོངས་སྤྱོད་ལྡན་རྣམས་དེ་ཉིད་བསྲུང་དང་སྤེལ་བ་སོགས་ཀྱིས་རྟག་ཏུ་ངལ། །གཞན་ཡང་ཚ་་གྲང་བཀྲེས་སྐོམ་དབུལ་ཕོངས་ཕན་ཚུན་འཐབ་ཅིང་རྩོད་པ་སོགས། །མི་ཡི་གནས་ནའང་སྡུག་བསྔལ་མང་འཁྲུག་ངན་འགྲོའི་འཇིག་རྟེན་དག་དང་མཚུངས།།  ༼འཕྲོ་མུ་མཐུད་འགོད་རྒྱུ།
·རྩོམ་ཡིག་གོང་མ:སྒོ་ཁྱི།
·རྩོམ་ཡིག་འོག་མ:གླིང་གེ་སར་གྱི་སྐུ་ཚེའི་མཛད་པ་མདོ་ཙམ་བརྗོད་པ།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·ལམ་རིམ་བདུད་རྩི་སྙིངཔོ།༡༥ 2013/5/14 20:43:48
·ལམ་རིམ་བདུད་རྩི་སྙིངཔོ།༡༤ 2013/5/11 17:53:59
·ལམ་རིམ་བདུད་རྩི་སྙིངཔོ།༡༣ 2013/5/5 20:27:58
·ལམ་རིམ་བདུད་རྩི་སྙིངཔོ།༡༣ 2013/4/2 16:19:02
·ལམ་རིམ་བདུད་རྩིའི་སྙིང་པོ་ལས་སྐྱབས་འགྲོ་ལས་འབྲས་སྐོར། 2013/2/2 10:17:08
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/5 21:13:54 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/22 22:11:40 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/15 21:54:18 [来自: 112.5.248.229]

འབྲེལ་ཡོད་དཔྱད་བརྗོད 56 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།27.34MS