ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་འདུ་ར། >> བློ་སྦྱོང་།
 རྩོམ་ཡིག་ཀློག་པ།

ལམ་རིམ་བདུད་རྩི་སྙིངཔོ།༡༤

  རྩོམ་པ་པོ:ཀོང་པོ་ཡེ་ཤེས་བརྩོན་འགྲུས།ཡོང་ཁུངས:ངེད་དྲ་བ།གཟིགས་གྲངས:3806ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2013/5/11 17:53:59ཚོགས་ཡར་སྤྲོད:admin
༄༅། ། བྱང་ཆུབ་ལམ་གྱི་རིམ་པའི་གདམས་པ་ཟབ་མོ་རྣམས་ཚིགས་སུ་བཅད་པའི་
སྒོ་ནས་ཉམས་སུ་ལེན་ཚུལ་དམ་ཆོས་བདུད་རྩིའི་སྙིང་བོ་
ཞེས་བྱ་བ་བཞུགས་སོ། །༡༤
 
  བདག་གཞན་མཉམ་བརྗེའི་སྒོ་ནས་བྱང་ཆུབ་ཀྱི་སེམས་སྒོམ་པར་སྤྲོ་ན།   བཏང་སྙོམས་མར་ཤེས་དྲིན་དྲན་རྣམས་སྔར་བཞིན་སྔོན་དུ་བཏང་ནས་འདི་ལྟར།  དེ་ལྟར་འགྲོ་བ་འདི་དག་ཐམས་ཅད་ནི། །རང་གི་དྲིན་ཅན་ཕ་མ་ཉིད་ཡིན་ཕྱིར། །འདི་དག་ཡལ་བར་དོར་ནས་རང་ཉིད་ལ། །གཅེས་པར་འཛིན་པ་འདི་ནི་རིགས་མིན་ཏེ། །བདག་ཉིད་གཅེས་པར་འཛིན་འདི་རང་ཉིད་ཀྱི། །སྡུག་བསྔལ་ཀུན་གྱི་རྒྱུ་རུ་གྱུར་པ་དང༌། །གཞན་དག་གཅེས་པར་འཛིན་འདི་རང་ཉིད་ཀྱི། །བདེ་བ་ཀུན་གྱི་རྒྱུ་རུ་སྣང་ཕྱིར་རོ། །གཞན་ཡང་འཁོར་འདས་བདེ་བ་ཇི་སྙེད་པ། །དེ་ཀུན་གཞན་བདེ་འདོད་པ་ལས་འབྱུང་ཞིང༌། །སྲིད་དང་ཞི་བའི་རྒུད་པ་ཇི་སྙེད་པ། །ཀུན་ཀྱང་རང་བདེ་འདོད་ལས་འབྱུང་བར་གསུངས། །མདོར་ན་བྱིས་རྣམས་རང་ཉིད་གཅེས་འཛིན་པས། །སྡུག་བསྔལ་རྦ་ཀློང་འཁྲུག་པ་འདི་ལྟར་གྱུར། །ཐུབ་རྣམས་གཞན་དག་གཅེས་པར་འཛིན་མཛད་པས། །ཕུན་ཚོགས་བདེ་བའི་གོ་འཕང་བརྙེས་མིན་ནམ། །དེ་ཕྱིར་སྡུག་བསྔལ་ནམ་ཡང་མི་འདོད་ན། །རང་ཉིད་གཅེས་པར་འཛིན་འདི་བོར་དགོས་ཤིང༌། །བདེ་ལ་ཆོག་ཤེས་མེད་པར་སྤྱོད་འདོད་ན། །གཞན་དག་གཅེས་པར་འཛིན་ལ་འབད་དགོས་སོ། །དེ་བས་བདག་གི་མ་རྒན་འདི་དག་གི །སྡུག་བསྔལ་ཀུན་དང་དེ་ཡི་རྒྱུ་ཐམས་ཅད། །བདག་གི་སྟེང་དུ་སྨིན་ནས་དེ་དག་ཀུན། །སྡུག་བསྔལ་རྒྱུ་དང་བཅས་ལས་ཐར་གྱུར་ཅིག །བདག་ལ་གནས་སྐབས་དང་ནི་མཐར་ཐུག་གི །བདེ་བའི་ཚོགས་དང་དགེ་བ་གང་མཆིས་པ། །ཐམས་ཅད་འགྲོ་བ་འདི་དག་ལ་སྨིན་ནས། །དེ་ཀུན་བདེ་བ་མཆོག་དང་ལྡན་གྱུར་ཅིག །ཅེས་གཏོང་བའི་སྒོ་ནས་བྱམས་པ་དང༌། ལེན་པའི་སྒོ་ནས་སྙིང་རྗེ་སྒོམ་ཚུལ་དེ་ལྟར་བྱས་ནས།  དེ་ནས་ལྷག་བསམ་དང་སེམས་བསྐྱེད་སྔར་ལྟར་ཉམས་སུ་བླང་བ་ལ་ཕྱིན་དྲུག་མན་འདྲའོ། །
  ཕྱིན་དྲུག་ལ་སློབ་ཚུལ་ནི།  དེ་ལྟའི་སངས་རྒྱས་གོ་འཕང་ཐོབ་པ་ལ། །ཐོབ་པར་ཤོག་ཅིག་སྙམ་པས་མི་འགྲུབ་པས། །བྱང་སྡོམ་བཟུང་ནས་བསླབ་བྱ་ལ་འབད་ཅིང༌། །རྒྱས་སྲས་སྤྱོད་པ་རྒྱ་མཚོར་འཇུག་པར་བྱ། །དེ་ཡང་རྙེད་བཀུར་སོགས་ལ་མི་ལྟ་བར། །གང་འཚམས་ཆོས་སྟོན་ཆོས་ཀྱི་སྦྱིན་པ་དང༌། །མི་དང་མི་མིན་འབྱུང་བའི་གནོད་པ་ལས། །སྐྱོབ་པར་བྱེད་པ་མི་འཇིགས་སྦྱིན་པ་དང༌། །ལན་དང་རྣམ་སྨིན་ལ་ནི་མི་རེ་བར། །མཁོ་དགུ་སྟེར་བ་ཟང་ཟིང་སྦྱིན་པ་སྟེ། །སྦྱིན་པ་རྣམ་པ་གསུམ་གྱི་ཉམས་ལེན་ལ། །དེང་ནས་བདག་གིས་བརྩོན་པས་བསླབ་པར་བགྱི། །དེ་ལྟར་ནུས་པར་བྱིན་གྱིས་བརླབ་ཏུ་གསོལ། །རང་གི་ཇི་ལྟར་ཁས་བླང་སྡོམ་གསུམ་གྱི། །བསླབ་བྱའི་མཚམས་ལས་འདའ་བར་མི་བྱེད་པར། །སྡོམ་པར་བྱེད་པ་སྡོམ་པའི་ཚུལ་ཁྲིམས་དང༌། །ཕར་ཕྱིན་དྲུག་ལ་སོགས་པའི་དགེ་ཆོས་རྣམས། །རང་རྒྱུད་བསྐྱེད་ཅིང་བསྐྱེད་ཟིན་གོང་འཕེལ་དུ། །བྱེད་པ་དགེ་བའི་ཆོས་སྡུད་ཚུལ་ཁྲིམས་དང༌། །སེམས་ཅན་དོན་བྱེད་རྣམ་པ་བཅུ་གཅིག་གི །སྒོ་ནས་འགྲོ་བའི་དོན་རྣམས་ཚུལ་བཞིན་དུ། །བསྒྲུབ་པ་སེམས་ཅན་དོན་བྱེད་ཚུལ་ཁྲིམས་སྟེ། །ཚུལ་ཁྲིམས་རྣམ་པ་གསུམ་གྱི་ཉམས་ལེན་ལ། །དེང་ནས་བདག་གིས་བརྩོན་པས་བསླབ་པར་བགྱི། །དེ་ལྟར་ནུས་པར་བྱིན་གྱིས་བརླབ་ཏུ་གསོལ། །འགྲོ་ཀུན་དགྲ་རུ་ལངས་ནས་རབ་གཤེ་ཡང༌། །རྣམ་དཔྱོད་བློ་ཡིས་བརྟགས་ནས་མི་ཁྲོའི་སྟེང༌། །གནོད་པའི་ལན་དུ་ཕན་པ་བསྒྲུབ་བྱེད་པ། །གནོད་ལ་ཇི་མི་སྙམ་པའི་བཟོད་པ་དང༌། །ཟས་གོས་གནས་མལ་སོགས་ཀྱིས་ཕོངས་པ་དང་། །ནད་སོགས་མི་འདོད་པ་དང་ཆོས་ཕྱིར་དུ། །སྡུག་བསྔལ་བྱུང་བ་སྤྲོ་བས་བཟོད་བྱེད་པ། །སྡུག་བསྔལ་དང་དུ་ལེན་པའི་བཟོད་པ་དང༌། །དཀོན་མཆོག་གསུམ་སོཊ་མོས་པའི་ཡུལ་རྣམས་ལ། །ཡིད་ཆེས་མོས་པ་སྙིང་ནས་བསྐྱེད་བྱེད་པ། །ཆོས་ལ་ངེས་པར་སེམས་པའི་བཟོད་པ་སྟེ། །བཟོད་པ་རྣམ་པ་གསུམ་གྱི་ཉམས་ལེན་ལ། །དེང་ནས་བདག་གིས་བརྩོན་པས་བསླབ་པར་བགྱི། །དེ་ལྟར་ནུས་པར་བྱིན་གྱིས་བརླབ་ཏུ་གསོལ། །སེམས་ཅན་རེ་རེའི་དོན་ཕྱིར་བསྐལ་མང་དུ། །ངན་འགྲོར་གནས་དང་རྒྱལ་བའི་ཡོན་ཏན་རེ། །བསྒྲུབ་ཕྱིར་དུས་རིང་སྲིད་གནས་མི་སྐྱོ་བར། །སྤྲོ་བར་བྱེད་པ་གོ་ཆའི་བརྩོན་འགྲུས་དང༌། །ཕྱིན་དྲུག་ལ་སོགས་དགེ་ཆོས་རང་རྒྱུད་ལ། །སྡུད་ཕྱིར་བརྩོན་པ་དགེ་སྡུད་བརྩོན་འགྲུས་དང༌། །འགྲོ་བའི་དོན་བྱ་བཅུ་གཅིག་ལ་བརྩོན་པ། །སེམས་ཅན་དོན་བྱེད་པ་ཡི་བརྩོན་འགྲུས་ཏེ། །བརྩོན་འགྲུས་རྣམ་པ་གསུམ་གྱི་ཉམས་ལེན་ལ། །དེང་ནས་བདག་གིས་བརྩོན་པས་བསླབ་པར་བགྱི། །དེ་ལྟར་ནུས་པར་བྱིན་གྱིས་བརླབ་ཏུ་གསོལ། །ངོ་བོའི་སྒོ་ནས་འཁོར་འདས་བསམ་གཏན་གཉིས། །ཕྱོགས་ཀྱི་སྒོ་ནས་ཞི་ལྷག་ཟུང་འབྲེལ་གསུམ། །བྱེད་ལས་སྒོ་ནས་ལུས་སེམས་བདེར་གནས་དང་། །ཡོན་ཏན་རྟེན་བྱེད་པ་ཡི་བསམ་གཏན་དང་། །སེམས་ཅན་དོན་བྱེད་པ་ཡི་བསམ་གཏན་ཏེ། །བསམ་གཏན་རྣམ་པ་གསུམ་གྱི་ཉམས་ལེན་ལ། །དེང་ནས་བདག་གིས་བརྩོན་པས་བསླབ་པར་བགྱི། །དེ་ལྟར་ནུས་པར་བྱིན་གྱིས་བརླབ་ཏུ་གསོལ། །གནས་ལུགས་རིགས་པ་དོན་དམ་རྟོགས་པ་དང༌། །གནས་ལྔ་རིགས་པ་ཀུན་རྫོབ་རྟོགས་པ་དང༌། །འགྲོ་བ་རྣམས་ཀྱི་དོན་གཉིས་མ་ནོར་བར། །བསྒྲུབ་ཚུལ་ཇི་བཞིན་ཤེས་པའི་ཤེས་རབ་སྟེ། །ཤེས་རབ་རྣམ་པ་གསུམ་གྱི་ཉམས་ལེན་ལ། །དེང་ནས་བདག་གིས་བརྩོན་པས་བསླབ་པར་བགྱི། །དེ་ལྟར་ནུས་པར་བྱིན་གྱིས་བརླབ་ཏུ་གསོལ། །
  བསྡུ་བ་བཞི་ལ་སློབ་ཚུལ་ནི།   ཐབས་ཀྱིས་དྲངས་ཕྱིར་ཟང་ཟིང་སྦྱིན་པ་དང༌། །སྙན་པར་སྨྲ་བ་དམ་ཆོས་སྟོན་པ་དང༌། །བཤད་པའི་དོན་ལ་སྤྱོད་འཇུག་དོན་སྤྱོད་དང༌། །གཞན་དག་གང་ལ་སྤྱོད་དུ་འཇུག་པ་དང་། །མཐུན་པར་རང་ཡང་སློབ་པ་དོན་མཐུན་ཏེ། །བསྡུ་བའི་དངོས་པོ་བཞི་ཡི་ཉམས་ལེན་ལ། །དེང་ནས་པདག་གིས་ཚུལ་བཞིན་བསླབ་པར་བགྱི། །དེ་ལྟར་ནུས་པར་བྱིན་གྱིས་བརླབ་ཏུ་གསོལ། །  ༼འཕྲོ་མུ་མཐུད་འགོད་རྒྱུ།
·རྩོམ་ཡིག་གོང་མ:འབྲོག་མོ།
·རྩོམ་ཡིག་འོག་མ:རྗེ་བཙུན་མི་ལ་རས་པར་གསོལ་བ་འདེབས་པ་ངོ་མཚར་སྙིང་པོ་
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·ལམ་རིམ་བདུད་རྩི་སྙིངཔོ།༡༥ 2013/5/14 20:43:48
·ལམ་རིམ་བདུད་རྩི་སྙིངཔོ།༡༣ 2013/5/5 20:27:58
·ལམ་རིམ་བདུད་རྩི་སྙིངཔོ།༡༣ 2013/4/2 16:19:02
·ལམ་རིམ་བདུད་རྩིའི་སྙིང་པོ་ལས་༡༢ 2013/3/1 19:34:55
·ལམ་རིམ་བདུད་རྩིའི་སྙིང་པོ་ལས་སྐྱབས་འགྲོ་ལས་འབྲས་སྐོར། 2013/2/2 10:17:08
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 17:32:32 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 22:23:34 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/17 9:34:11 [来自: 112.5.248.229]

འབྲེལ་ཡོད་དཔྱད་བརྗོད 45 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།24.41MS