ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་འདུ་ར། >> བསྟོད་གསོལ།
 རྩོམ་ཡིག་ཀློག་པ།

གླུ་མ་དབྱངས་ཅན་མ་ལ་བསྟོད་པ་བླ་མའི་བྱིན་རླབས་མྱུར་འཇུག་

  རྩོམ་པ་པོ:ཨེ་མ་ཧོ།ཡོང་ཁུངས:ངེད་དྲ་བ།གཟིགས་གྲངས:7029ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2013/8/30 14:38:17ཚོགས་ཡར་སྤྲོད:admin
༄༅། །གླུ་མ་དབྱངས་ཅན་མ་ལ་བསྟོད་པ་དཔལ་ལྡན་བླ་མའི་བྱིན་རླབས་
མྱུར་འཇུག་ཅེས་བྱ་བ།
ན་མོ་གུ་རུ་པདྨ་ཀ་ར་ཡེ། །
ཀ་དག་གདོད་མའི་མགོན་པོ་ཀུན་ཏུ་བཟང་། །
ཁ་བའི་ཕན་བདེའི་བྱེད་པོ་སྤྱན་རས་གཟིགས། །
ག་སར་གང་འདུལ་མཛད་པའི་དབྱངས་ཅན་མ། །
ང་ཡི་མཐུན་པའི་གྲོགས་བཟང་རྒྱལ་གྱུར་ཅིག །
ཅ་དག་བོད་ཀྱི་བུ་མོ་མཛེས་མཛངས་མས། །
ཆ་ལུགས་ལེགས་པའི་གནའ་དེང་རྒྱན་བཟང་གསོལ། །
ཇ་རྩམ་བྲོ་བ་ངོམས་པའི་རིགས་བཟང་མ། །
ཉ་གང་ཟླ་བའི་སྲས་མོ་རྒྱལ་གྱུར་ཅིག །
ཏ་ཐྰ་ག་ཏའི་བསྟན་འཛིན་ཡོངས་ཀྱི་རྗེ། །
ཐ་དག་རིག་པའི་རྒྱན་གཅིག་པདྨ་འབྱུང་། །
ད་ལྟའི་མུན་པ་བསལ་བའི་བཤེས་གཉེན་ལ། །
ན་མོ་སད་དབྱངས་འདེབས་པར་རྒྱལ་གྱུར་ཅིག །
པ་ལགས་བཀའ་དྲིན་དྲན་པའི་གངས་ཅན་པ། །
ཕ་མེས་སྲོལ་རྒྱུན་འཛིན་པའི་རྣམ་དཔྱོད་ཅན། །
བཛྲ་གུ་རུ་ཛབ་དབྱངས་མགུར་མཁས་པའི། །
མ་སྨད་བསོད་ནམས་དཔལ་སྒྲོན་རྒྱལ་གྱུར་ཅིག །
ཙྭ་རི་ཀོང་པོར་འཁྲུངས་པའི་ཚེ་རིང་མ། །
ཚྭ་མཆོག་སྨན་བཟང་ཇི་བཞིན་ཀུན་མཐུན་མ། །
ཛ་ཡའི་བསྟན་པ་སྲུང་པའི་ཆོས་སྐྱོང་མ། །
ཝ་ལེར་འཛམ་གླིང་གླུ་མ་རྒྱལ་གྱུར་ཅིག །
ཞྭ་དམར་མཁས་གྲུབ་བརྒྱུད་པར་གསོལ་འདེབས་ཕྱིར། །
ཟ་ཧོར་མཁན་སློབ་ཆོས་རྒྱལ་དད་གུས་ཅན། །
འ་ཅག་དད་དམ་གཅིག་པའི་མཆེད་ལྕམ་མ། །
ཡ་མཚན་ཀུན་མཛངས་དབང་མོ་རྒྱལ་གྱུར་ཅིག །
ར་རི་བྲེད་མོ་གཏམ་འཆལ་དབེན་པའི་གསུང་། །
ལ་གཞས་སྙན་པའི་འགྱུར་ཁུག་སྟོང་ལྡན་ཁྲོལ། །
ཤ་ཞེན་དད་གུས་དག་སྣང་འོད་གསལ་མ། །
ས་སྟེང་གོ་ལའི་བདག་མོ་རྒྱལ་གྱུར་ཅིག །
ཨ་དབྱངས་གླུ་བྲོ་མཛའ་བརྩེའི་རྒྱན་དུ་བཞད། །
ཧ་ཅང་དགའ་བའི་རྣལ་འབྱོར་སྒེག་མཛེས་མས། །
དུས་གསུམ་སངས་རྒྱས་མགུར་བའི་དབྱངས་ཅན་མ། །
ལྷུན་གྲུབ་ཀུན་བཟང་ལྷ་མོ་རྒྱལ་གྱུར་ཅིག །
ཨི་ལྡན་དབྱངས་གསལ་རྒྱན་པའི་བསྟོད་པ་འདི། །
ཨུ་རྒྱན་པད་འབྱུང་འབོད་པའི་སྐལ་བཟང་ལ། །
ཨེ་མ་དཔལ་ཡོན་སྙན་པའི་ལེགས་སྐྱེས་འབུལ། །
ཨོ་ཌྰི་ཡ་ནའི་བསྟན་པ་རྒྱས་གྱུར་ཅིག །
རྒྱལ་ཀུན་སྤྱི་གཟུགས་མ་ཧྰ་གུ་རུ་རྗེར། །
ནམ་ཡང་འབྲལ་མེད་ཡང་གསང་བསྟན་པའི་དཔལ། །
ཕྱོགས་དུས་ཀུན་ཁྱབ་ཕན་བདེ་རིན་པོ་ཆེ། །
འཛམ་གླིང་འཛིན་མའི་རྒྱན་ཏུ་རྟག་འཆར་ཤོག །
ཅེས་ པ་འདི་ཡང་རབ་རྒྱན་ཆུ་སྦྲུལ་གྲོ་བཞིན་ཟླ་བའི་ཚེས་པ་བཅོ་ལྔ་ལ་དྲ་ཐོག་ནས་བོད་ གངས་ཅན་གྱི་གླུ་མ་དབྱངས་ཅན་མས་རྒྱ་ནག་སྤྱི་མཐུན་རིག་པའི་ཟློས་གར་གར་སྟེགས་ ཀྱི་གླུ་གར་འགྲན་རྩོད་ཨང་གཉིས་པ་ཐོབ་པའི་དགའ་ཚོར་དང་། ཁྱད་པར་གླུ་ཚིག་གི་ནང་ དོན་ལ། སད་པར་གྱིས། ནམ་མགྱོགས་པོར་ལངས་རན། ལམ་ལ་ཆས།  ལམ་ཐག་ད་རུང་རིང་། མཛའ་བརྩེའི་མི། ཁྱོད་སྐྲག་སྣང་མ་བྱེད། མུན་པ་ནི་འོད་ཟེར་འཆར་བའི་སྔ་རོལ་ཙམ། འོད་གསལ་བ་སྟེ། དུས་གསུམ་སངས་རྒྱས་གུ་རུ་རིན་པོ་ཆེ།། དངོས་གྲུབ་ཀུན་བདག་བདེ་བ་ཆེན་པོའི་ཞབས།། བར་ཆད་ཀུན་སེལ་བདུད་འདུལ་དྲག་པོ་རྩལ།། བར་ཆད་ཀུན་སེལ་བདུད་འདུལ་དྲག་པོ་རྩལ།། བསམ་པ་ལྷུན་གྱིས་འགྲུབ་པར་བྱིན་གྱིས་རློབས།། སད་པར་གྱིས། སད་པར་གྱིས། སད་པར་གྱིས། ཞེས་བླངས་པ་མཐོང་ཐོས་ཀྱི་མོད་ལ་གང་དྲན་དུ་ཤྲྰི་སྨྱོན་ཨེ་མ་ཧོས་དབྱིན་ཡུལ་ ཀུན་བཟང་དགའ་ཚལ་ལམ་ཨེ་ཝྃ་རྫོགས་ཆེན་ཆོས་ཚོགས་ཁང་ནས་དབྱངས་གསལ་རིག་པའི་སྣང་ ཆ་རྣམས་རྟེན་འབྲེལ་བརྡ་རུ་ཕུལ་བར་དགེའོ། །
·རྩོམ་ཡིག་གོང་མ:རི་དྭགས་དང་ཆོས་འཁོར་གྱི་འཕྲོས་མོལ།
·རྩོམ་ཡིག་འོག་མ:གཡུ་འབྲུག་ཚན་སྡེབ་གླེང་བ།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·འགོ་ཁྲིད་དང་དཔོན་པོ་མ་ནོར་ཅིག 2016/9/30 16:16:26
·ཀུན་མཁྱེན་ཇོ་ནང་པ་ཆེན་པོའི་བསྟན་པ་རྒྱས་པའི་སྨོན་ལམ། 2016/9/30 16:11:32
·སྐད་ཡིག་དང་ནང་ཆོས་གཅིག་ཏུ་འཁྲུལ་མི་ཉན། 2016/3/7 18:08:42
·རླབས་ཆེན་གྱི་བཞུད་ལམ། 2016/3/7 18:03:51
·སྙིང་གཏམ་བཅོ་ལྔ་པ། 2016/3/7 17:51:57
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 0:42:37 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 2:05:57 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 3:33:18 [来自: 112.5.248.229]

འབྲེལ་ཡོད་དཔྱད་བརྗོད 66 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།23.44MS