ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ངག་རིག་འདོད་འཇོ། >> ལེཊ་རྩོམ།
 རྩོམ་ཡིག་ཀློག་པ།

འབྲོག་ཁྱིའི་ལས་དབང་།

  རྩོམ་པ་པོ:འབྲུག་ཐར།ཡོང་ཁུངས:མཚོ་སྔོན་པོ།གཟིགས་གྲངས:3207ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2013/9/26 11:00:40ཚོགས་ཡར་སྤྲོད:admin
འབྲོག་ཁྱིའི་ལས་དབང་། 
 
སྟག་རིག་འབྲུག་ཐར།
 
གནམ་སྔོན་པོའི་འགྱུར་མེད་བགོ་སྐལ་ཞིག་གིས།།
ཚེ་སྐྱེ་བ་འདི་ལ་ཁྱི་ལུས་བླངས་སོང་།།
མི་མགོ་ནག་ཟེར་བའི་བྲན་གཡོག་གྱུར་སོང་།།
སྲ་ལྕགས་ནག་ཨ་ལོང་སྐེ་ལ་དཔྱངས་ཡོད།།
ཚེ་གང་བོའི་བསྟི་གནས་སྒོ་ཁར་བཅོས་ཡོད།།
དུས་ཉིན་མཚན་གཉིས་ཀར་འགན་འཁྲིའི་མནན་ཡོད།།
ངས་བདག་པོའི་བཀའ་གསུང་དང་དུ་བླངས་ཡོད།།
མགྲོན་ཆ་མེད་རྒྱུས་མེད་ཟུག་བརྡ་བཏང་ཞིང་།།
རྐུན་ཇག་པ་འཁྱམ་པོར་རྒོལ་ལན་སྤྲད་དེ།།
ཁྱིམ་བཟའ་ཚང་གང་བོར་བག་བདེ་བྱིན་ནས།།
དུས་རྣམ་ཀུན་བྱ་རའི་འགན་ཁུར་བརྗེད་མེད།།
ཚེགས་ལྗིད་ཀྱང་མཐའ་དམན་ཁྱི་རྒན་ཟེར་ཞོར།།
གན་བདག་པོ་སེམས་མེད་བྱམས་མེད་གན་གིས།།
ལྟོ་ངན་ངོན་ཟ་འཕྲོ་འཐུང་འཕྲོ་ལྡུད་གི།།
ང་ལྟོགས་དུས་སྐྱོ་ཞིང་རྒྱགས་དུས་སྐྱིད་ཡོད།།
སྐྱིད་མི་སྐྱིད་སྡུག་བསྔལ་རེས་མོས་མྱངས་ཀྱང་།།
ངའི་ཕྲག་གི་འགན་ཁུར་གཙིགས་སུ་བཟུང་ཡོད།།
བཙག་ལྷགས་རླུང་སྤུ་གྲིའི་དངོ་ཁ་བཙན་རུང་།།
བྱམས་སྙིང་རྗེ་གཅེས་སྐྱོང་བྱེད་མཁན་ང་མེད།།
ཆར་སེར་བའི་འབབ་རྒྱུན་ཇི་འདྲའི་དྲག་རུང་།།
བྱམས་བརྩེ་བས་སྐྱོང་མཁན་གཉེན་གཅིག་ང་མེད།།
ངས་ཕ་མེས་དྲན་པས་བཙལ་འདོད་སྐྱེས་རུང་།།
འགྲོ་གོམ་པའི་རང་དབང་ང་ལ་མི་འདུག།
ཉིན་གང་བོར་ཡར་མཆོངས་མར་མཆོངས་བྱས་རུང་།།
ངའི་དཀའ་སྡུག་མིག་གི་འཚོ་མཁན་སུ་ཡོད།།
སྨག་མཚན་མོར་ཟུག་སྐད་དགུང་ལ་བསྐུར་ཡང་།།
ངར་ཨ་ལན་འདེབས་པའི་ཟླ་བོ་སུ་ཡོད།།
འདི་བསམ་ཞིང་བསམ་ན་སྐྱོ་བའི་གཞི་རེད།།
འདི་ཡང་ཡང་ལྒིང་ན་སྡུག་བསྔལ་མཚོ་རེད།།
ལས་བཙོག་པས་དུད་འགྲོའི་གྲལ་རྔར་མི་ཐེ།།
ཉམ་ཆུང་བས་མཐེ་བོང་སྟོན་མཁན་མི་འདུག།
དུས་ཉིན་བཟང་སྐར་བཟང་འགྲིག་དུས་ཤིག་ལ།།
གཏམ་ཆ་མེད་མགྲོན་པོ་གལ་ཆེན་ཞིག་གིས།། 
འཕྲུལ་རླངས་འཁོར་རྒྱ་སྒོའི་འཁྲིས་སུ་སླེབས་ཏེ།།
ངར་འདྲིས་པའི་ཚུལ་གྱིས་ལག་བརྡ་སྟོན་གི།
ངར་དགའ་བའི་ཚུལ་གྱིས་ལྟོ་ཆས་འཕེན་གི།
ངའི་བདག་པོ་ཡོག་ལི་སེམས་མེད་གན་ཡང་།།
འགྲོ་གོམ་ཁ་ཡང་ལེན་ངའི་གམ་བསྒྱུར་ནས།།
ངའི་མགོ་ལ་བྱིལ་བྱིལ་ལན་འགའ་བྱས་རྗེས།།
འཛོམས་མི་འཛོམས་དགེ་མཚན་འུད་ལ་སྒྲོག་ནས།།
སྟོབས་ལྡན་པའི་ཟོལ་གྱིས་བསྟོད་བསྔགས་བྱས་ཐལ།།
རྒྱུས་མངའ་བའི་ཚུལ་གྱིས་མཛེས་ལུགས་སྒྲོག་ཐལ།།
འདང་ཆེ་བའི་ཚུལ་གྱིས་ཡང་ཡང་འཐམ་གི།
དུས་དེ་རིང་ཉིན་སྐར་བཟང་བོའི་བར་ལ།།
གཏམ་འདི་འདྲའི་སྙན་མོ་གོ་སྐལ་མ་བྱུང་།།
སྙིང་བརྩེ་བ་དྲོན་མོ་སྟོན་སྐལ་མ་བྱུང་།།
དུས་དེ་རིང་རྩ་ཆེན་ནོར་བུ་ཡིན་ཞེས།།
དུས་དེ་རིང་རྒྱུ་ཆེན་གོང་ཆེན་ཡིན་ཞེས།།
རྒྱུ་མཐོ་དམའི་རིན་གོང་ཡར་མར་གཅོད་གི།
གཏམ་ཁུངས་མེད་ཉ་ཉོག་མང་བོ་ལབ་ཐལ།།
གན་སེམས་མེད་བདག་པོར་འཛུམ་ཞིག་ཕྱུང་གི།
ངའི་ཕྱོགས་ལ་མིག་ཞགས་ལན་གཅིག་འཕེན་གི།
ཤག་དི་རེ་ཚོང་བས་སྒོར་མོ་བརྩིས་ཐལ།།
ལོ་བཅུ་ཕྲག་དཀའ་སྡུག་མྱངས་བའི་ཐ་མ།།
རྒྱུ་མི་རྟག་ཤོག་བུའི་སྒོར་མོར་བརྗེས་ཐལ།།
གནས་འདི་ནས་མི་བྲལ་རང་དབང་མེད་ཐལ།།
ཁྱིམ་གྲུ་བཞིའི་སྒོ་འགྲམ་ཕྱིར་མིག་འཕངས་ཏེ།།
སེམས་མི་བདེ་མིག་ཆུའི་ཕྲེང་ཐག་ཆད་རུང་།།
ཞེ་ཆགས་འདུག་སྒོ་ཁྱི་སྙིང་ལ་རྗེ་བོ།།
གནས་གཞན་ལ་མ་བཙོང་མ་སྐྲོད་ཟེར་ནས།།
ངའི་མཇུག་འབྲས་བསམ་གཞིགས་གནང་མཁན་སུ་ཡོད།།
ངའི་ཕྱོགས་ལ་སྙིང་རྗེ་སྐྱེས་མཁན་སུ་ཡོད།།
ངའི་བདག་པོའི་བསམ་སྤྱོད་ཚེར་མའི་རྩུབ་ཡིན།།
ངའི་བདག་པོའི་སྒྲུབ་ལུགས་སྲོལ་དང་མི་མཐུན།།
ཉིན་ཕྱེད་ཀའི་ལྒིང་མོལ་གྲོས་ཁ་བརྒྱུད་དེ།།
མདོག་ནག་པོའི་རླངས་འཁོར་གྲུ་བཞིར་བཅུག་སྟེ།།
ཉིན་ཁ་ཤས་ས་ཆ་མང་པོར་བརྒྱུད་ནས།།
མི་ཆ་མེད་རྒྱུས་མེད་མོད་པོར་སྟོན་གི།
རིན་མ་འཚམ་ལྕགས་ཐག་ཁྲོག་སེ་འཐེན་ནས།།
གནས་ངེས་མེད་ཡར་མར་ཤུགས་ཀྱིས་འདྲུད་གི།
ངའི་ལུས་སྟོབས་ཟད་ནས་དབང་ཤེས་ཉམས་ཐལ།།
ངའི་ཕོ་བ་ལྟོགས་ནས་ཚ་སྐོར་ལང་ཐལ།།
དོན་ངོ་མས་བདག་པོ་གང་ན་བཞུགས་ཡོད།།
གུས་ཞུམ་ཞུམ་བྱ་ར་སུ་ལ་བྱེད་དགོས།། 
 
·རྩོམ་ཡིག་གོང་མ:འཇམ་དབྱངས་བསྟོད་སྤྲིན་རྒྱ་མཚོ།
·རྩོམ་ཡིག་འོག་མ:གྲགས་ཅན་གསུང་ཚིག༣༠
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·འགོ་ཁྲིད་དང་དཔོན་པོ་མ་ནོར་ཅིག 2016/9/30 16:16:26
·ཀུན་མཁྱེན་ཇོ་ནང་པ་ཆེན་པོའི་བསྟན་པ་རྒྱས་པའི་སྨོན་ལམ། 2016/9/30 16:11:32
·སྐད་ཡིག་དང་ནང་ཆོས་གཅིག་ཏུ་འཁྲུལ་མི་ཉན། 2016/3/7 18:08:42
·རླབས་ཆེན་གྱི་བཞུད་ལམ། 2016/3/7 18:03:51
·སྙིང་གཏམ་བཅོ་ལྔ་པ། 2016/3/7 17:51:57
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 17:23:59 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 22:12:50 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/17 9:18:59 [来自: 112.5.248.229]

འབྲེལ་ཡོད་དཔྱད་བརྗོད 41 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།27.34MS