ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ངག་རིག་འདོད་འཇོ། >> མི་སྣ།
 རྩོམ་ཡིག་ཀློག་པ།

འཕྱོངས་རྒྱས་ཟླ་བ་སྒྲོལ་མ།

  རྩོམ་པ་པོ:མཁས་གྲུབ།ཡོང་ཁུངས:ཚངས་དབྱངས་དྲྭ་བ།གཟིགས་གྲངས:2231ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2010/1/2 12:05:24ཚོགས་ཡར་སྤྲོད:ངེད།
འཕྱོངས་རྒྱས་ཟླ་བ་སྒྲོལ་མ།  
མཁས་གྲུབ།

མཚན་གྱི་སྙན་པ་དམངས་ཁྲོད་ཡོངས་ཁྱབ་པའི། །  ཡིད་འོང་འཕྱོངས་རྒྱས་ཟླ་བ་སྒྲོལ་མ་ནི།  ། 

ཆུང་ནས་སྐྱེ་འབྲས་མཚར་ཞིང་གངས་ལྗོངས་ཀྱི།  ། དམངས་ཁྲོད་གླུ་ལ་རབ་ཏུ་དགའ་ཞིང་མཁས།  །  

ཆང་ཁང་ནང་དུ་གླ་པ་བྱེད་པའི་དུས།  །  མི་ཚོགས་བུང་བ་པད་མཚོར་འདུ་བཞིན་འཁོར།   ། 

ན་བཟའ་སྐྱོ་ཡང་མཚར་སྡུག་ལང་ཚོ་ཡིས།    ། གནམ་འོག་ཕོ་གཞོན་ཀུན་གྱི་བརྟན་པ་འཕྲོག    །

འཕྱོངས་རྒྱས་འཕྱོངས་རྒྱས་མ་ཟེར་བདག་སེམས་ལ།   ། ཟླ་བ་སྒྲོལ་མའི་ལང་ཚོ་དྲན་ནས་བྱུང་།  །    

ཟླ་བ་སྒྲོལ་མས་བསྐུར་བའི་མཆོད་ཆང་དེ།   །  འཐུང་ཐེང་རེ་རེར་སྤྱན་ཟུར་དྲན་ནས་བྱུང་།   །  

ལྷ་སར་གཞུང་ཁྲལ་འདམ་རྩ་བརྔ་བའི་དུས།  །  མིག་ཆུས་བྲིས་པའི་སྐྱོ་གླུ་བླངས་པ་ན།  ། 

རྒྱལ་མཆོག་ལྔ་པ་སྙིང་རྗེས་རྒྱུད་བརླན་ཏེ།  །  ལས་ཁྲལ་རྩ་ཆག་བཏང་ཞེས་ཀུན་ལ་གྲགས།  ། 

  གངས་ལྗོངས་ཀྱི་ས་ཆ་སྟོད་སྨད་ག་ས་གར་དམངས་ཁྲོད་དུ་འཕྱོངས་རྒྱས་ཟླ་བ་སྒྲོལ་མ་ཞེས་པའི་མིང་དེ་མ་ཁྱབ་པ་མེད་ཀྱང་ཁོང་གི་ལོ་རྒྱུས་ད་ཕན་ཡིག་ཐོག་ཏུ་བཀོད་པ་ནི་ཧ་ལམ་མེད་པའང་ཡང་ན་ཧ་ཅང་ཉུང་ཉུང་ཡིན།  དེ་ཡང་འཕྱོངས་རྒྱས་ཟླ་བ་སྒྲོལ་མ་ནི་སྤྱི་ལོའི་དུས་རབས་བཅུ་དྲུག་པའི་ནང་འཕྱོངས་རྒྱས་ཞོལ་གྱི་དཔལ་འབྱོར་ཁང་གསར་ཞེས་པའི་ཁྱིམ་དུ་སྐྱེས།  ཁོང་གི་ཁྱིམ་ཚང་གི་འཚོ་བའི་ཆུ་ཚད་ཧ་ཅང་དམའ་བོ་ཡིན་ནའང་ཟླ་བ་སྒྲོལ་མ་ནི་རབ་ཏུ་མཛེས་ལ་སྤྱང་གྲུང་དོད་པ།  ཕ་མར་གུས་ཤིང་དམངས་གླུ་ལའང་དགའ་བ་དང་མཁས་པ་ཞིག་ཡིན་པས་ཁྱིམ་ཚང་ནང་དགའ་དགའ་སྤྲོ་སྤྲོའི་རྣམ་པས་ཁེངས་ཡོད་ལ།  ད་དུང་ཟླ་བ་སྒྲོལ་མ་ནར་སོན་རྗེས་འཕྱོངས་རྒྱས་ཞོལ་གྱི་འབྱོར་ལྡན་པ་ཞིག་གིས་ཁོང་ཆང་ཁང་ནང་ཆང་མ་བྱེད་པར་གླས་པས་ཆང་ཁང་དེའི་ནང་མི་ཧ་ཅང་མང་པོ་འདུས་ནས་འབྱོར་བདག་དེར་ཚོང་ཧ་ཅང་ཡག་པོ་བྱུང་བ་དང་དུས་མཚུངས་ཟླ་བ་སྒྲོལ་མའི་སྙན་གྲགས་ཀྱང་དེ་བས་ཆེ་རུ་སོང་།  ཟླ་བ་སྒྲོལ་མ་ཆང་ཁང་དེའི་ནང་ཆང་མ་བྱེད་པའི་རིང་ལ་དམངས་གཞས་ཀྱང་ཧ་ཅང་མང་པོ་ཞིག་ཤེས་པ་དང་།  ངོ་ཤེས་པའི་ཕོ་གཞོན་ཡང་མང་པོ་བྱུང་བས་ཕོ་གཞོན་དེ་ཚོས་ཆང་དེ་ནས་ལམ་ཆང་ཉོས་ཏེ་འགྲུལ་ལ་ཞུགས་པ་དང་ལམ་བར་དུ་ཆང་འཐུང་དུས་ཆང་གཞས་གསར་རྩོམ་བྱས་པ་སྟེ།  འཕྱོངས་རྒྱས་འཕྱོངས་རྒྱས་མ་ཟེར།  ཟླ་བ་སྒྲོལ་མ་དྲན་བྱུང་།  འཕྱོངས་རྒྱས་ཟླ་བ་སྒྲོལ་མའི།  སྤྱན་གྱི་གཟིགས་ཕྱོགས་དྲན་བྱུང་། ཞེས་དང་།  ད་དུང་།  ཟླ་བ་སྒྲོལ་མས་བསྐུར་བའི།  སྦས་ཐང་(ཆང་སྣོད་)ནང་གི་མཆོད་ཆང་།  མཆོད་ཆང་འཐུང་ཐེངས་རེ་རེར།  ཟླ་བ་དངོས་སུ་དྲན་བྱུང་།  གོང་གསལ་གཞས་ཚིག་དུམ་བུ་དེ་གཉིས་གངས་ལྗོངས་ཀྱི་ཡུལ་གྲུ་ཀུན་ཏུ་ས་ཁྱབ་རྡོ་ཁྱབ་ཏུ་དར་ཡོད་ལ།   གཞས་ཚིག་དུམ་བུ་དེ་གཉིས་ཀྱི་ཐོག་ནས་ཟླ་བ་སྒྲོལ་མ་ནི་མཚར་སྡུག་བལྟ་ན་སྡུག་པའི་མཛེས་མ་ཞིག་ཡིན་པ་མཚོན་པ་དང་དུས་མཚུངས་ཁོང་ཉིད་ཆང་མ་ཞིག་ཡིན་པའང་ཟུར་བསྟན་ལེབ་མཐོང་གིས་ཤེས་ཐུབ།  གཞན་ཡང་སྐབས་དེར་འཕྱོངས་རྒྱས་ཞོལ་གྱི་བུ་མོ་རྣམས་ལོ་ལྟར་ལྷ་སའི་ཀླུ་ཁང་འདམ་རར་འདམ་རྩ་བརྔ་བར་ཉིན་གཅིག་འགྲོ་དགོས་པའི་ལས་ཁྲལ་རྒྱུགས་དགོས་ཤིང་། འདམ་རྩ་ཉིན་གཅིག་བརྔ་རྒྱུའི་ཆེད་དུ་ལམ་བར་ཕར་ཚུར་བསྡོམས་ཉིན་དྲུག་གོམ་པ་སྤོས་ཏེ་དཀའ་སྡུག་ཚད་མེད་སྤྱོད་དགོས་ཀྱི་ཡོད་པར་བརྟེན་ཟླ་བ་སྒྲོལ་མས་ཐེངས་ཤིག་འདམ་རྩྭ་བརྔ་དུས་སྐྱོ་གླུ་ཞིག་བཏང་བ་སྟེ།  ང་ཚོ་འཕྱོངས་རྒྱས་ཞོལ་གྱི་མི་སེར་ཡིན།  ཉི་མ་དུ་ཁུང་ནང་ནས་བསྲོ་མཁན་ཡིན།   རྩམ་པ་སྦང་རྩམ་ནག་པོ་ཟ་མཁན་ཡིན།  ཕྱུ་པ་མ་མེད་སྟོང་ཕྲག་གོན་མཁན་ཡིན།   ལས་ཁྲལ་འདམ་རྩྭ་ཉིན་གཅིག་བརྔ་མཁན་ཡིན།   ཉི་མ་དྲུག་གི་འགྲུལ་བཞུད་བྱེད་མཁན་ཡིན།  ཆུ་མོ་ཡར་ཀླུང་གཙང་པོ་གཅོད་མཁན་ཡིན།  ལ་མོ་རྒོད་དཀར་ལ་མོ་རྒྱག་མཁན་ཡིན།  ཟླ་བ་སྒྲོལ་མས་མིག་ཆུའི་ཡོན་ཆབ་འབུལ།  ལས་ཁྲལ་ཆག་ཡང་ཡོང་བའི་སྨོན་ལམ་འདེབས། ཞེས་པའི་གཞས་ཚིག་གོ་བདེ་ལ་ཤིན་ཏུ་སྐྱོ་བས་མི་ཚང་མས་ཤེས་པ་དང་།  རིམ་པར་བརྒྱུད་རྒྱལ་མཆོག་ལྔ་པ་ཆེན་པོས་ཀྱང་མཁྱེན་པས་ཁོང་གིས་སྙིང་རྗེ་གནང་ནས་འདམ་རྩྭ་བརྔ་བའི་ལས་ཁྲལ་དེ་མེད་པ་བཟོ་གནང་མཛད་པ་རེད་ཅེས་དམངས་ཁྲོད་དུ་ཤོད་སྲོལ་ཡོད་ལ།  དོན་དངོས་ཐོག་ནས་བལྟས་ནའང་རྒྱལ་མཆོག་ལྔ་པའི་འཁྲུངས་ཡུལ་འཕྱོངས་རྒྱས་ནས་ཡིན་པས་ཁོང་གིས་ལས་ཁྲལ་མེད་པ་བཟོ་གནང་སྲིད་པ་ཞིག་རེད།   ད་དུང་ཤོད་སྲོལ་གཞན་ཞིག་ལ་འཕྱོངས་རྒྱས་རི་བོ་བདེ་ཆེན་དགོན་པའི་ཉེ་འགྲམ་གྱི་མཆོད་རྟེན་དེའི་ནང་གི་གཟུངས་ཀྱི་གྲས་སུ་འཕྱོངས་རྒྱས་ཟླ་བ་སྒྲོལ་མའི་པང་གདན་ཡོད་པ་རེད་ཅེས་ཟླ་བ་སྒྲོལ་མ་ནི་དམངས་ཁྲོད་ལས་བྱུང་བའི་རང་བྱུང་ལྷ་མོའང་མཛེས་ལྡན་ལྷ་མོ་དཔེར་ན།  ཡུན་ནན་གྱི་་་ཨ་སི་མ་་་ལྟ་བུར་རྩིས་ནས་དད་པ་བྱེད་མཁན་ཡང་ཡོད།   མདོར་ན་ཟླ་བ་སྒྲོལ་མ་ནི་ལྷད་མེད་པའི་བོད་རིགས་བུ་མོའི་བརྩེ་དུང་དང་།   མཛེས་སྡུག་གི་ལང་ཚོ།  བབ་ཆགས་ཀྱི་འཚོ་བ།   ལྷུན་གྲུབ་ཀྱི་བློ་རིག  ཆགས་སྡང་གི་བློ་སྟོབས་སོགས་མཚོན་བྱེད་ཀྱི་རྟགས་མ་གསོན་པོ་ཞིག་ཡིན།   ད་དུང་མི་ཚོས་ཟླ་བ་སྒྲོལ་མའི་ཕ་ཡུལ་འཕྱོངས་རྒྱས་ཀྱི་མི་ནི་མི་སྤུས་ཤིན་ཏུ་དག་པོའམ་སྐྱེ་འབྲས་མཚར་པོ་ཡོད་པར་བརྩི་གི་ཡོད་པས་དམངས་གཞས་ནང་དུའང།   ལྷ་ས་མི་ཚོགས་མཐུག་ཀྱང་།  འཕྱོངས་རྒྱས་མི་སྤུས་དག་པ།  ང་ལ་དགོས་པའི་ཆུང་འདྲིས།   འཕྱོངས་རྒྱས་གཞུང་ལ་ཡོད་རེད། ཅེས་གཏོང་དང་གཏོང་བཞིན་ཡོད་དོ།  ། 
                                   ལྷོ་ཁའི་ཆོས་འབྱུང་སྐྱེས་མའི་ནུ་རིན་ལས་བཤུས།
·རྩོམ་ཡིག་གོང་མ:ལ་གཞས་དུང་ཟླ་དཀར་པོ།
·རྩོམ་ཡིག་འོག་མ:བུ་མོ་ངའི་ཕ་ཡུལ་ན་གཞས་རྙིང་འདི་འདྲ་མང་པོ་ཡོད།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
འབྲེལ་ཡོད་རྩོམ་ཡིག་མི་འདུག
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/5 21:21:08 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/22 22:20:14 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/15 22:06:35 [来自: 112.5.248.229]

འབྲེལ་ཡོད་དཔྱད་བརྗོད 59 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།23.44MS