ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་གླུ་ཁང >> ཚངས་མགུར།
 རྩོམ་ཡིག་ཀློག་པ།

ཚངས་དབྱངས་རྒྱ་མཚོའི་མགུར་གླུ། (གསུམ་པ།)

  རྩོམ་པ་པོ:ཚངས་དབྱངས་རྒྱ་མཚོ།ཡོང་ཁུངས:ངེད་དྲ་བ།གཟིགས་གྲངས:2278ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2009/11/8 10:09:47ཚོགས་ཡར་སྤྲོད:ངེད།
                                       ཚངས་དབྱངས་རྒྱ་མཚོའི་མགུར་གླུ།  (གསུམ་པ།)
 
                     རྩོམ་པ་པོ།  རྒྱལ་བ་ཚངས་དབྱངས་རྒྱ་མཚོ།
 
 
༤༦   ཁུ་བྱུག་མོན་ནས་ཡོང་བས། །  ནམ་ཟླའི་ས་བཅུད་འཕེལ་སོང་། །
       ང་དང་བྱམས་པ་ཕྲད་ནས། །  ལུས་སེམས་ལྷོད་པོར་ལངས་སོང་། །
 
༤༧   ཁྱི་དེ་སྟག་ཁྱི་གཟིག་ཁྱི།  །  ལྡག་ག་བྱིན་ནས་འདྲིས་སོང་། །
      ནང་གི་སྟག་མོ་རིས་འཛོམས། །  འདྲིས་ནས་ཐུ་རུ་ལངས་སོང་། །
 
 ༤༨  ཤ་འཇམ་ལུས་པོ་འདྲེས་ཀྱང་། །  བྱམས་པའི་གདེང་ཚོད་མི་ལོན། །
      ས་ལ་རི་མོ་བྲིས་པས། །    ནམ་མཁའི་སྐར་ཚོད་ཐིག་བྱུང་། །
 
༤༩    ང་དང་བྱམས་པའི་སྡེབ་ས། །  ལྷོ་རོང་མོན་པའི་ནགས་གསེབ། །
       སྨྲ་མཁན་ནེ་ཙོ་མ་གཏོགས། །  སུ་དང་གང་གིས་མི་ཤེས། །
       སྨྲ་མཁན་ནེ་ཙོས་ཨོ་ཤེས། །  གསང་ཁ་སྟོན་པ་མ་གནང་། །
 
༥༠    ལྷ་ས་མི་ཚོགས་མཐུག་ལ།  །  འཕྱོངས་རྒྱས་མི་སྤུས་དག་པ།  །
       ང་ལ་དགོས་པའི་ཆུང་འདྲིས།  །  འཕྱོངས་རྒྱས་གཞུང་ལ་ཡོད་དོ། །
 
༥༡    ཁྱི་རྒན་རྒྱ་བོ་ཟེར་བ། །  རྣམ་ཤེས་མི་ལས་སྤྱང་པ། །
       སྲོད་ལ་ཕྱིན་སོང་མ་ཟེར། །  ཐོ་རངས་ལོག་བྱུང་མ་ཟེར། །
 
༥༢    སྲོད་ལ་བྱམས་པ་བཙལ་བས།  །  ཐོ་རངས་ཁ་བ་བབས་བྱུང་། །
       གསང་དང་མ་གསང་མི་འདུག །  ཞབས་རྗེས་གངས་ལ་བཞག་འདུག །
 
༥༣    པོ་ཏ་ལ་རུ་བཞུགས་དུས། །  རིག་འཛིན་ཚངས་དབྱངས་རྒྱ་མཚོ། །
       ལྷ་ས་ཞོལ་ལ་སྡོད་དུས། །  འཆལ་པོ་དང་བཟང་དབང་པོ། །
 
༥༤   ཤ་འཇམ་མལ་སའི་ནང་གི །  སྙིང་ཐུབ་དུང་སེམས་ཅན་མས། །
       ཨོ་ལོའི་རྒྱུ་ནོར་འཕྲོག་པའི། །   གཡོ་སྒྱུ་བཤད་པ་མིན་འགྲོ། །
 
 ༥༥   དབུ་ཞྭ་དབུ་ལ་བཞེས་སོང་། །  དབུ་ལྕང་རྒྱབ་ལ་དབྱུགས་སོང་། །
       ག་ལེ་ཕེབས་དང་བྱས་པས། །  ག་ལེ་བཞུགས་ཤིག་གསུངས་བྱུང་། །
       ཐུགས་སེམས་སྐྱོ་ཡོང་བྱས་པས། ། མགྱོགས་པོ་འཕྲད་ཡོང་གསུངས་བྱུང་། །
 
༥༦    བྱ་དེ་ཁྲུང་ཁྲུང་དཀར་མོ།།   གཤོག་རྩལ་ང་ལ་གཡོར་དང་། །
       ཐག་རིང་རྒྱང་ལ་མི་འགྲོ། །  ལི་ཐང་བསྐོར་ནས་སླེབ་ཡོང་། །
 
༥༧    ཤི་དེ་དམྱལ་བའི་ཡུལ་གྱི། །  ཆོས་རྒྱལ་ལས་ཀྱི་མེ་ལོང་། །
       འདི་ནས་ཁྲིག་ཁྲིག་མི་འདུག །  དེ་ནས་ཁྲིག་ཁྲིག་གནང་ཞུ། །
 
 ༥༨   མདའ་མོ་འབེན་ལ་ཕོག་སོང་། །  མདེའུ་ས་ལ་འཛུལ་སོང་། །
       ཆུང་འདྲིས་བྱམས་པ་འཕྲད་བྱུང་། ། སེམས་ཉིད་རྗེས་ལ་འབྲང་སོང་། །
 
༥༩    རྒྱ་གར་ཤར་གྱི་རྨ་བྱ། །   ཀོང་ཡུལ་མཐིལ་གྱི་ནེ་ཙོ། །
       འཁྲུངས་ས་འཁྲུངས་ཡུལ་མི་གཅིག ། འཛོམས་པ་ཆོས་འཁོར་ལྷ་ས། །
 
 ༦༠   མི་ཚོས་ང་ལ་ལབ་པ། །  དགོངས་དག་ཡིན་པ་ཁག་ཐེག །
       ཨོ་ལོའི་གོམ་གསུམ་ཕྲ་མོ། །  གནས་མོའི་ནང་ལ་ཐལ་སོང་། །
 
 ༦༡   ལྕང་མ་བྱེའུར་སེམས་ཤོར། །  བྱེའུ་ལྕང་མར་སེམས་ཤོར། །
       སེམས་ཤོར་མཐུན་པ་བྱུང་ན། ། བྱ་ཁྲ་ཧོར་པས་མི་ཐུབ། །
 
 ༦༢   ད་ལྟའི་ཚེ་ཐུང་འདི་ལ།  །  དེ་ག་ཙམ་ཞིག་ཞུས་ནས། །
       རྟིང་མ་བྱིས་པའི་ལོ་ལ། །  མཇལ་འཛོམས་ཨེ་ཡོང་བལྟའོ། །
 
 ༦༣   བྱ་དེ་སྨྲ་མཁན་ནེ་ཙོ།  །  ཁ་རོག་བཞུགས་རོགས་མཛོད་དང་། །
      ལྕང་གླིང་ཨ་ལྕེ་འཇོལ་མོ། །  གསུང་སྙན་སྒྱུར་དགོས་བྱུང་སོང་། །
 
 ༦༤   རྒྱབ་ཀྱི་ཀླུ་བདུད་བཙན་པོ། །  འཇིགས་དང་མི་འཇིགས་མི་འདུག ། 
       མདུན་གྱི་ཀ་ར་ཀུ་ཤུ །   འཐོགས་སུ་དགོས་པ་བྱས་སོང་། །
 
༦༥   དང་པོ་མ་མཐོང་ཆོག་ཀ །  སེམས་པ་ཤོར་དོན་མི་འདུག །
      གཉིས་པ་མ་འདྲིས་ཆོག་ཀ།  སེམས་གཅོང་ཞུགས་དོན་མི་འདུག     དགེའོ།།
 
·རྩོམ་ཡིག་གོང་མ:གོམ་པ་རེ་རེ།
·རྩོམ་ཡིག་འོག་མ:གཞས་ཚིག ཨ་མའི་ཨོ་ལོ།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·ཚངས་མགུར་ལྷན་ཐབས། 2013/10/23 15:14:37
·ཚངས་མགུར་གྱི་ལྷན་ཐབས་ཤོ་ལོ་ཀ་བརྒྱ་པ། 2012/12/9 23:27:44
·ཚངས་དབྱངས་རྒྱ་མཚོའི་མགུར་གླུ། (གཉིས་པ།) 2009/11/1 14:01:58
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 11:32:29 [来自: 112.5.248.254]

 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 11:32:27 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 15:06:32 [来自: 112.5.248.152]

འབྲེལ་ཡོད་དཔྱད་བརྗོད 80 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།23.44MS