ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ངག་རིག་འདོད་འཇོ། >> ལེཊ་རྩོམ།
 རྩོམ་ཡིག་ཀློག་པ།

མཁའ་འགྲོ་དགྱེས་པའི་གད་རྒྱང་འདི་ན་ཡོད།

  རྩོམ་པ་པོ:ཨེ་མ་ཧོ།ཡོང་ཁུངས:ངེད་དྲ་བ།གཟིགས་གྲངས:1550ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2010/11/10 23:54:21ཚོགས་ཡར་སྤྲོད:admin

༄༅། །མཁའ་འགྲོ་དགྱེས་པའི་གད་རྒྱང་མི་རྐང་གླིང་བུ་ཞེས་བྱ་བ། །

ན་མོ་གུ་རུ་བུདྡྷ་ཛྙྰ་ན་པདྨ་ཀ་ར་ཡེ། །
ལྷན་སྐྱེས་ཆོས་སྐུའི་མཁའ་འགྲོ་ཀུན་བཟང་གི་བདག་མོ། ། 
སྔགས་སྐྱེས་ལོངས་སྐུའི་མཁའ་འགྲོ་བདེ་ཆེན་གྱི་རྒྱལ་མོ། ། 
ཞིང་སྐྱེས་སྤྲུལ་སྐུའི་མཁའ་འགྲོ་རྣམ་འདྲེན་གྱི་དབང་མོ། ། 
ཡེ་ཤེས་མཁའ་འགྲོའི་ཚོགས་ལ་སྒོ་གསུམ་གྱིས་འདུད་དོ། ། 
བཅོམ་ལྡན་ཐུབ་དབང་ཀུན་བཟང་ཆོས་མཆོག་གི་རྒྱལ་པོ། ། 
རྡོ་རྗེ་འཆང་དབང་ཕྱོགས་དུས་རྒྱལ་སྲས་ཀྱི་བདག་པོ། ། 
པདྨ་ཀ་ར་གསང་ཆེན་རིག་འཛིན་གྱི་དཔང་པོ། ། 
ཀུན་འདུས་བླ་མ་ཡིད་བཞིན་ནོར་བུ་ལ་འདུད་དོ། ། 
དཀོན་མཆོག་རིན་ཆེན་གསུམ་གྱི་སྣང་བ་དང་མ་བྲལ། ། 
ལྷར་བཅས་འགྲོ་བའི་མཆོད་གནས་སྡོམ་གཙང་གི་སྐྱ་སེར། ། 
ང་རྒྱལ་ངོམ་ཆོས་མེད་པའི་འདོད་ཆུང་གི་བླ་མ། ། 
གསུམ་ལྡན་རྡོ་རྗེ་འཛིན་རྣམས་སྙིང་དབུས་ནས་འདུད་དོ། ། 
ཉེར་གཅིག་ཏཱ་ར་ལ་སོགས་ཡེ་ཤེས་ཀྱི་མཁའ་འགྲོ། ། 
ཞིང་སྐྱེས་སྤྲུལ་པའི་ཚོགས་ལ་སྒོ་གསུམ་གྱིས་བཏུད་ནས། ། 
མཁའ་མཉམ་འགྲོ་བའི་ལས་ཉོན་གཞན་དབང་གི་སེམས་ཅན། ། 
མི་ཚངས་སྤྱོད་པའི་སྒྲིབ་གཉིས་རྣམ་དག་ཏུ་སྨོན་ནོ། ། 
ཉོན་མོངས་རང་མཚན་སྤངས་པ་མཁས་གྲུབ་ཀྱི་ཁྱད་ཆོས། ། 
དུག་ལྔ་ཅི་དགར་སྤྱོད་པ་སྤྱི་མཐུན་གྱི་འགྲོ་དྲུག ། 
ལྟ་བ་མ་རྟོགས་ཐོ་ཅོའི་སྤྱོད་པ་དག་མཐོང་ཚེ། ། 
ཐོལ་བྱུང་དོ་ཧ་མི་འཐེན་རང་དབང་ཞིག་མ་བྱུང་། ། 
ཐེག་ཆེན་སེམས་བསྐྱེད་འགྲོ་དྲུག་ཕ་མ་ཡི་རང་བཞིན། ། 
མར་ཤེས་དྲིན་དྲན་མན་ངག་བདུན་ལྡན་ཞིག་མཁྱེན་ན། ། 
མ་རྒན་མི་ཚངས་སྤྱོད་པ་དུད་འགྲོ་ཡི་ངང་ཚུལ། ། 
བསམ་ན་ཚངས་སྤྱོད་གནས་པར་དཀའ་ལས་རང་མེད་ཐལ། 
གསང་ཆེན་བསྟན་པར་མ་མོ་མཁའ་འགྲོ་ཞེས་སྣང་བར། །  
དག་མཉམ་བདེན་པས་སྣང་གྲགས་རིག་པ་རུ་གོ་བས། ། 
བསྐྱེད་རྫོགས་དམ་པས་སྣང་སྲིད་རྣལ་འབྱོར་ལ་སྤྱོད་པ། ། 
ཐབས་ལམ་ཟླ་བྲལ་སྤྱོད་ན་བླ་མེད་ཀྱི་བརྟུལ་ཞུགས། ། 
དངོས་རིག་ལས་ཀྱི་ཕྱག་རྒྱའི་གསང་ལམ་ཞིག་ཡོད་ཀྱང་། ། 
སྙིགས་དུས་བསོད་ནམས་ཟད་པའི་སྐལ་ངན་ཚོ་བསམ་ཚེ། ། 
བདུད་བཞིའི་གཞན་དབང་མ་གྱུར་འཕགས་ཆེན་རྣམས་མ་གཏོགས། ། 
བདེ་ཆེན་ཡེ་ཤེས་བརྙེས་པར་ཉིན་སྐར་ལས་དཀོན་ཐལ། ། 
འདུལ་ཁྲིམས་བསྟན་པ་ཉམས་པའི་དུས་ངན་གྱི་སྐབས་སུ། ། 
འདུལ་ལུང་སྡེ་བཞི་སྒྲུང་གཏམ་བཤད་ཡམས་ལ་བཞག་ནས། ། 
དགའ་བྲིད་བདུད་ཀྱིས་བསླུས་པ་ཉུང་ཉུང་ཞིག་མ་མཐོང་། ། 
རྒྱལ་འགོང་དམ་སྲིའི་བསླུས་པའི་རང་རྟགས་ཞིག་སྟོན་ཐལ། ། 
སྐད་ཅིག་ཟག་བདེའི་འདོད་པ་ཡིད་ཡུལ་ལ་བླངས་ནས། ། 
གྲངས་མེད་བསྐལ་བའི་ངན་སོང་སྡུག་བསྔལ་དེ་བརྗེད་ན། ། 
དྲན་ཤེས་བག་ཡོད་ཉམས་པའི་ཚུལ་འཆལ་དུ་ཐལ་བས། ། 
ལྷ་བདུད་གང་སྣང་རང་བློ་རང་ཉིད་ལ་དྲིས་ཞིག ། 
འཁོར་བར་དགྲ་བགེགས་མཐོང་བའི་ངེས་འབྱུང་ཞིག་མེད་ན། ། 
མྱང་འདས་སྐུ་ཆས་གྱོན་པ་རྟགས་ཙམ་གྱི་བསྟན་འཛིན། ། 
འདོད་སྲེད་མེ་ལྟར་འབར་བའི་ལས་ཉོན་ལ་བསམ་ཚེ། ། 
ཐབས་གྲོལ་ཡེ་ཤེས་ཡོད་མེད་ལྐོག་གྱུར་ཞིག་མིན་ཐལ། ། 
འདོད་ཆགས་ལས་ཀྱི་རྒྱ་མཚོ་ཆེས་ཆེར་རུ་འཕེལ་ནས། ། 
འདོད་རྔམས་ལན་ཚྭའི་ཆུ་བཞིན་ངོམས་མེད་དུ་སྤྱོད་ན། ། 
མུ་མེད་འཁོར་བའི་གནས་ལས་ཐར་ཐབས་ཞིག་མེད་པས། ། 
རང་ཉིད་རང་གིས་བསླུ་བའི་མགོ་སྐོར་དེ་མ་གནང་། ། 
ཞེན་འཛིན་ཆགས་པའི་སེམས་ཀྱི་ཨ་ལུང་གི་རྟེན་འབྲེལ། ། 
དགའ་བྲིད་བདུད་ཀྱི་ལྕགས་ཀྱུས་དབང་མེད་དུ་བཟུང་བས། ། 
གཟུང་འཛིན་ལྕགས་སྒྲོགས་དམ་པོས་གཞན་དབང་དུ་གྱུར་ནས། ། 
ཉེ་འཁོར་བཅུ་དྲུག་འདམ་དུ་དྲངས་བར་རང་འགྱུར་རོ། ། 
ཐར་མེད་འཁོར་བའི་རྒྱ་མཚོ་སྡུག་བསྔལ་གྱི་དོང་རིང་། ། 
མི་འདོད་རང་གིས་ཉོས་པའི་རྣམ་སྨིན་དེ་མྱོང་ཚེ། ། 
ཤུགས་དྲག་འགྱོད་པའི་བློ་ལ་ཡིད་ཆད་ཅིག་ཡོད་ཀྱང་། ། 
ལས་ཉོན་མནར་བའི་འགྲོ་བར་བཅོས་ཐབས་ཞིག་དཀའ་ཐལ། ། 
སྒྱུ་ལུས་འབྱུང་བཞིའི་དྭངས་མ་ལུས་བཅུད་ཀྱི་སྙིང་པོ། ། 
དབང་མེད་ཏིལ་ཙམ་ཤོར་བས་ཁམས་དབང་ཡང་ཉམས་ནས། ། 
གསང་ཆེན་མཁའ་འགྲོ་སྟོང་གི་ངུ་འབོད་ལ་སོམས་དང་། ། 
ཡང་གསང་ཧེ་རུ་ཀ་ཡང་དགྱེས་ཐབས་རང་མེད་ཐལ། ། 
ལས་ཉོན་བུད་མེད་བསྟེན་པའི་སྔགས་གཟུགས་ཀྱི་ཚོགས་རྣམས། ། 
གནོད་སྦྱིན་ཤ་ཟ་སྲིན་མོ་འགྲོག་པ་ལས་ཐུ་བ། ། 
འདི་ཕྱི་གཉིས་མེད་ངོ་ཚ་ཁྲེལ་མེད་དུ་གྱུར་ནས། ། 
ངན་སོང་སྡུག་བསྔལ་དགའ་བའི་བླུན་པོ་ཞིག་སྲིད་དམ། ། 
ཀུན་མཁྱེན་རྒྱལ་བའི་གསུངས་ལ་གུས་བཀུར་ཅིག་ཡོད་ན། ། 
འདུལ་ཁྲིམས་ཉིས་བརྒྱ་ལྔ་བཅུར་ཐུགས་བསམ་ཞིག་བཞེས་དང་། ། 
རྩ་བ་ཡན་ལག་ཉམས་པའི་ཕམ་ལྷག་གི་ཉེས་ལྟུང་། །   
སྡོམ་ཤོར་ཚུལ་ཁྲིམས་ཉམས་པ་ག་ཚོད་ལ་ཕྱིན་ཐལ། ། 
ཚུལ་འཆལ་ཉེས་པ་སྡེ་སྣོད་གསུམ་པོ་རུ་གསལ་ཞིང་། ། 
ཁྲིམས་ལྡན་དགེ་བར་བསྟན་འགྲོའི་ཕན་བདེ་རུ་གསུངས་ན། ། 
ལེགས་ཉེས་དཔྱོད་པའི་ཤེས་རབ་དྲི་མེད་ཅིག་བསྟེན་ནས། ། 
བླ་དོར་མ་ནོར་འབད་འབྲས་རང་དོན་ལ་སོམས་ཞིག ། 
སངས་རྒྱས་གཉིས་པའི་རྒྱལ་ཚབ་ཀུན་མཁྱེན་གྱི་ཡབ་སྲས། ། 
སྨིན་གྲོལ་ཡོན་ཏན་ལྡན་པའི་རྣལ་འབྱོར་ཞིག་ཡིན་ན། ། 
ཐབས་གྲོལ་ཡེ་ཤེས་གང་བསྟེན་བདེ་ཆེན་གྱི་མཁའ་འགྲོ། ། 
དམ་གཙང་ཨུ་དུམ་ཝྰ་ར་ཞིང་གཞན་དུ་མེད་ཐལ། ། 
འདི་སྨྲས་དགེ་བས་བདག་གཞན་མཁའ་ཁྱབ་ཀྱི་སེམས་ཅན། ། 
ཚེ་རབས་ཀུན་ཏུ་ཚུལ་ཁྲིམས་རྣམ་དག་ཏུ་གྱུར་ནས། ། 
ཏིང་འཛིན་གཡོ་མེད་ཤེས་རབ་དྲི་མེད་ཀྱི་སྣང་བ། ། 
ནམ་ཡང་མི་ཉམས་དམ་ཚིག་རྣམ་དག་ཏུ་སྨོན་ནོ། ། 
      ཞེས་པ་འདི་ཡང་རབ་རྒྱན་ལྕགས་སྟག་སྨིན་ཟླའི་རྫོགས་པ་དང་པོར་ཟིན་བྲིས་ཞིག་གིས་ རྐྱེན་ལས་ཅི་འཆར་དུ་ཤྲྰི་སྨྱོན་ཨེ་མ་ཧོས་དབྱིན་གླིང་ལྷག་ལྷའི་རི་ཁྲོད་ནས ཕུལ་བ་དགེའོ།  །ཤྲྰི་སརྦ་ལོ་ཀ་བི་ཛ་ཡནྟུ། །
·རྩོམ་ཡིག་གོང་མ:འབའ་གཞས། ང་བསང་གཏོང་མ་འགྲོ་བསང་གཏོང་འགྲོ
·རྩོམ་ཡིག་འོག་མ:གཞས་ཚིག ཉིན་དེར་ངས་པི་ཝང་བརྡུངས།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·སྟོན་མཇུག་གི་སྨྱུག་རིས། 2013/10/25 21:13:59
·ཕྱིར་མིག་ཁྲོད་ཀྱི་བདག་གི་མི་ཚེ། 2013/10/7 22:13:25
·ཕྱིར་མིག་ཐེངས་གཅིག 2012/10/28 22:17:20
·གངས་རིན་པོ་ཆེ་ལ་བསྟོད་གླུ་ཞི་བསིལ་ཟླ་བའི་འོད་ཟེར་། 2012/3/14 18:08:25
·གངས་རིའི་བུ་མོ་བདེ་གཡང་དྲན་གླུ། 2012/2/22 22:11:52
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 4:19:10 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 6:20:09 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 9:35:32 [来自: 112.5.248.229]

འབྲེལ་ཡོད་དཔྱད་བརྗོད 57 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།35.16MS