ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ངག་རིག་འདོད་འཇོ། >> ལེཊ་རྩོམ།
 རྩོམ་ཡིག་ཀློག་པ།

རྟགས་གླུ་འབྲས་བུའི་རྒྱལ་པོ།

  རྩོམ་པ་པོ:དཔལ་དགྱེས་པ་རྡོ་རྗེ།ཡོང་ཁུངས:ངེད་དྲ་བ།གཟིགས་གྲངས:1893ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2010/12/15 11:21:11ཚོགས་ཡར་སྤྲོད:admin

  ༄༅།།རྟགས་གླུ་འབྲས་བུའི་རྒྱལ་པོ་ཞེས་བྱ་བ། །

ན་མོ་གུ་རུ་པདྨ་ར་ཛ་ཡེ། །

དུས་གསུམ་སངས་རྒྱས་ཀྱི་ངོ་བོ། །

ལུང་རྟོགས་དམ་ཆོས་ཀྱི་འབྱུང་གནས། །

འཕགས་ཚོགས་དགེ་འདུན་གྱི་མངའ་བདག །

འདྲེན་མཆོག་བླ་མ་ལ་འདུད་དོ། །

འཁོར་འདས་ས་མཚམས་ཀྱི་བདེན་གཏམ། །

ལམ་རྟགས་འབྲས་བུ་ཡི་རྒྱལ་པོ། །

སྐལ་ལྡན་གཅེས་ནོར་དུ་གདམས་པས། །

གང་བསམ་ལྷུན་གྲུབ་ཏུ་སྨོན་ནོ། །

རྙེད་དཀའི་དལ་འབྱོར་ལ་བསམ་ནས། །

མི་རྟག་རང་རྒྱུད་ལ་འབྱོར་བས། །

འཁོར་བའི་སྡུག་བསྔལ་ལ་སུན་ཞིང་། །

ཐར་བའི་ལམ་བཟང་ལ་བརྩོན་ཡོང་། །

འཁོར་བ་ཞེན་ལོག་ཅིག་སྐྱེ་ན། །

ཐར་འདོད་ངེས་འབྱུང་གིས་བསྐུལ་ནས། །

དགེ་བ་སྣ་གཅིག་རེ་སྒྲུབ་ཀྱང་། །

ཐར་བའི་ལམ་བཟང་དུ་གྲོལ་རྟགས། །

སྡོམ་བཟང་ཚུལ་ཁྲིམས་ལ་བརྟེན་ནས། །

གཡེང་མེད་ཏིང་འཛིན་དེ་སྒོམ་དང་། །

ལྷག་མཐོང་ཤེས་རབ་དེ་མཇལ་བས། །

སོར་ཐར་དོན་ལྡན་དུ་ཕྱིན་རྟགས། །

རང་གཤིས་སྟོང་ཉིད་དེ་རྟོགས་ནས། །

སྙིང་རྗེའི་གཞན་དོན་ལ་བྱམས་པ། །

ཐབས་ཤེས་ཟུང་འཇུག་ལ་གོམས་ན། །

བྱང་སེམས་འཁྲུལ་མེད་ཀྱི་ལམ་རྟགས། །

སྒྲིབ་གཉིས་ཟག་ཟད་ཀུན་སྤངས་ཏེ། །

སྐུ་བཞིའི་རྒྱལ་ས་ལ་ཕྱིན་ནས། །

ཕན་བདེའི་རྒྱ་མཚོ་བཞིན་སྤྲོས་ན། །

རྒྱལ་སྲས་རྒྱལ་བ་རུ་གྱུར་རྟགས། །

ཐབས་ཆེན་གསང་སྔགས་ལ་འབད་ནས། །

སྣང་སྲིད་རྣམ་དག་ཏུ་མཐོང་བས། །

ཚེ་གཅིག་སངས་རྒྱས་ཀྱི་ལམ་བཟང་། །

སྣང་གྲགས་རང་རིག་ཏུ་གྲོལ་རྟགས། །

ཀ་དག་རང་ངོ་རུ་ཤེས་ན། །

ལྷུན་གྲུབ་རང་རྩལ་ནས་མཇལ་བས། །

དབྱེར་མེད་རང་རིག་གི་རྫོགས་ཆེན། །

རིག་འཛིན་རང་མལ་ནས་རྙེད་རྟགས། །

༡༠

ལྟ་བ་དབུ་མ་ཉིད་རྟོགས་ན། །

སྤྱོད་པ་འདུལ་དང་མཐུན་ཡོང་། །

སྒོམ་པ་ཕྱག་ཆེན་ཉིད་གོམས་ན། །

འབྲས་བུ་རྫོགས་ཆེན་ཉིད་ཐོབ་ཡོང་། །

༡༡

མདོར་ན་དམ་ཆོས་དང་འཇིག་རྟེན། །

བྱམས་བརྩེ་བཟོད་སྒོམ་གྱི་ཚུལ་ཁྲིམས། །

ཉམས་ལེན་རྣམ་དག་རེ་གནང་དང་། །

ཐེག་པའི་གོ་རིམ་བཞིན་གྲོལ་ཡོང་། །

༡༢

མ་ཀི་འཁོར་བ་ཡི་ས་ནས། །

ཡ་ཀི་རྫོགས་ཆེན་གྱི་བར་ལ། །

གོ་རིམ་ཐེག་པ་ཡི་རྣམ་གྲངས། །

རང་ནུས་ཅི་ཡོད་ཀྱིས་འབད་འཚལ། །

༡༣

འཁོར་འདས་ལྟ་སྒོམ་ཀྱི་སྤྱོད་འབྲས། །

མ་འདྲེས་རང་ཉིད་ཀྱིས་ཤེས་ན། །

ཨེ་སྒྲུབ་རང་ལག་ལ་ཡོད་པས། །

དམ་ཆོས་བདག་མེད་དེ་རྟོགས་རྟགས། །

༡༤

རང་དྲིན་རང་ཉིད་ལ་བསམ་ནས། །

རང་བདག་རང་ཉིད་ཀྱིས་གནང་ན། །

རང་ཆོས་རང་ཉིད་ཀྱིས་ཟིན་པས། །

རང་འབྲས་རྣམ་དག་རེ་ཐོབ་ངེས། །

༡༥

ལས་འབྲས་བསླུ་མེད་ལ་འབད་ནས། །

ཐེག་གསུམ་ལྟ་སྒོམ་གྱི་བོགས་འདོན། །

བསླབ་གསུམ་ཉམས་བཞེས་ལ་བརྩོན་དང་། །

ལྷར་བཅས་འགྲོ་བ་ཡི་སྐྱབས་གནས། །

༡༦

བསམ་པ་བྱང་ཆུབ་ཀྱི་སེམས་བསྐྱེད། །

སྦྱོར་བ་ཕྱིན་དྲུག་གི་དགེ་བས། །

འབྲས་བུ་འགྲོ་དྲུག་ལ་ཕན་བདེས། །

སྐུ་ལྔའི་རྒྱལ་ས་ལ་བཀོད་སྨོན། །

ཞེས་པའང་རབ་རྒྱན་ལྕགས་སྟག་སྲིད་གསུམ་རྣམ་པར་རྒྱལ་བའི་དུས་ཆེན་༢༠༡༠ ༤ ༢༨ ལ་ཁ་པར་བརྡ་དྲིལ་བཅས་གསེར་ཐང་ལྔ་རིག་ནང་བསྟན་སློབ་གླིང་གི་ཚ་བུ་འོད་གསལ་ མཐའ་ཡས་ཀྱིས་བསྐུལ་ངོར་དེ་མ་ཐག་ཏུ་རིག་འཛིན་དཔལ་དགྱེས་པ་རྡོ་རྗེས་ཤར་མར་ བྲིས་པ་དགེའོ། ། ཤྲྰི་སརྦ་བི་ཛ་ཡནྟུ། །

·རྩོམ་ཡིག་གོང་མ:བོད་ཀྱི་དཔའ་བོ་སེང་ཆེན་ནོར་བུ་དགྲ་འདུལ།
·རྩོམ་ཡིག་འོག་མ:འབའ་གཞས། སྐར་མ་ཁྲ་ཚོམ་རང་གཉིས།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·སྟོན་མཇུག་གི་སྨྱུག་རིས། 2013/10/25 21:13:59
·ཕྱིར་མིག་ཁྲོད་ཀྱི་བདག་གི་མི་ཚེ། 2013/10/7 22:13:25
·ཕྱིར་མིག་ཐེངས་གཅིག 2012/10/28 22:17:20
·གངས་རིན་པོ་ཆེ་ལ་བསྟོད་གླུ་ཞི་བསིལ་ཟླ་བའི་འོད་ཟེར་། 2012/3/14 18:08:25
·གངས་རིའི་བུ་མོ་བདེ་གཡང་དྲན་གླུ། 2012/2/22 22:11:52
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 6:33:32 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 9:06:48 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 13:33:10 [来自: 112.5.248.229]

འབྲེལ་ཡོད་དཔྱད་བརྗོད 50 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།31.25MS