ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ངག་རིག་འདོད་འཇོ། >> རིག་རྩེད།
 རྩོམ་ཡིག་ཀློག་པ།

གླུ་བསྐུལ་རྡོ་རྗེའི་ཐོལ་གླུའི་མཆན་ཟིན།༢

  རྩོམ་པ་པོ:དཔལ་དགྱེས་སོགས།ཡོང་ཁུངས:ངེད་དྲ་བགཟིགས་གྲངས:2073ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2011/5/26 18:07:54ཚོགས་ཡར་སྤྲོད:admin
གླུ་བསྐུལ་རྡོ་རྗེའི་ཐོལ་གླུའི་མཆན་ཟིན།༢
 
༄༅། །རྨི་ལམ་དབང་ཕྱུག་དཔལ་དགྱེས་པ་རྡོ་རྗེ་ལ་གསོལ་བ་བརྡ་གླུ་གྲིབ་ཐུར་མཛུབ་སྟོན།
མཁྱེན་པའི་ཡེ་ཤེས་རྒྱས་པའི་སྤྱན། །དཔྲལ་བའི་དབུས་ན་མི་འཛུམ་པའི། །རྨོངས་པ་ཀུན་སེལ་རྗེ་བཙུན་མ། །གཟུངས་སྤོབས་བློ་གྲོས་ཆར་ཏུ་སྙིལ། །དྲི་ཡི་བཞོན་པའི་འཕྲུལ་རྩལ་གྱིས། །བརྒྱ་ཕྲག་དཔག་ཚད་ཡུད་ཙམ་གྱིས། །སྡུད་པའི་སྒྱུ་མའི་རྩེད་འཇོ་ཡིས། །ཡིད་ཀྱི་ཞིང་ས་བརླན་པར་བྱས། །རྟ་བདུན་བཞད་པའི་འཛུམ་རླབས་ལ། །དུས་ཀྱི་བགོས་པའི་ཆ་ཤས་རེ། །མ་འཁྲུལ་ཚིག་ལ་མི་ལྟོས་པར། །རང་གཟུགས་གྲིབ་ཐུར་ཕྲ་མོས་སྟོན། །གློག་རྡུལ་འཁྲིགས་པའི་དྲྭ་བ་རུ། །སྐྱ་སེར་འདྲེས་མའི་ངག་སྒོ་ལས། །སྣ་ཚོགས་གཏམ་གྱི་རྡུལ་དམར་གྱིས། །བདེན་དོན་སྒེག་མོའི་བཞིན་རིས་སྒྲིབ། །འོད་གསལ་རྒྱུན་འབྱམས་གུཔྟ་པ། །གཙུག་གི་རྒྱན་ཏུ་མཆོད་ཤེས་ན། །ཉིན་མཚན་བར་མེད་བདེན་པའི་ལུང་། །ལོངས་སུ་སྤྱོད་པའི་སྤོབས་པ་འབར། །ཡི་དྭགས་ཟས་འཚོལ་རེ་བ་ཡིས། །བསླུས་པའི་ལོ་རྒྱུས་འདི་བདེན་པས། །གདུང་བའི་འབོད་པས་རྩ་གསུམ་ལྷ། །བསྐུལ་བ་མ་བཅོས་སྙིང་གི་བརྡ། །མི་ཡི་མིག་གིས་མ་བལྟས་ན། །ལྷ་ལ་རེ་བ་བོད་ཀྱི་ལུགས། །མཁས་ཀྱང་ཆོག་གི་བླུན་ཀྱང་རུང་། །བསམ་དཀར་ཙམ་ལས་ལྐོག་གཡོ་མེད། །རྨི་ལམ་དབང་ཕྱུག་ལུང་བསྟན་སྒྲ། །རྣ་བའི་བུ་གར་ཞུགས་མ་ཐག །འབྱོར་བས་ཕོངས་པའི་ཐབས་ལམ་དེ། །ཡིད་ལ་སྣང་སྟོང་ལྷ་སྐུ་བཞེངས། །ནོར་ལྡན་ཕྱུག་པོའི་་སྒྲ་འཛིན་ཏེ། །བདག་ལ་ཕྱོགས་ན་དགེ་བསྐུལ་བྱ། །མེད་པ་ཁོ་ན་དབང་བཙན་པས། །རེ་ཞིག་རྟེན་འབྲེལ་ཙམ་ཏུ་དམིགས། །གཞན་རྒྱུད་ཤེས་པའི་མངོན་ཤེས་མེད། །ལྟར་སྣང་དོན་དམ་རྟོགས་ཐབས་དཀའ། །དཀའ་བའི་ལས་འདི་ཁྱོད་ལ་གཏད། །བསྟན་ལ་དགོངས་ཏེ་བདག་གིར་བཞེས། །དམ་ཚིག་བཀོད་པའི་རྒྱུད་མཆོག་ལས། །ལོ་གསུམ་དག་ལས་འདས་པ་ནི། །དེ་ནས་གསོ་རུ་མི་རུང་སྟེ། །གལ་ཏེ་་བླངས་ན་གཉིས་ཀ་འཚིག །ངེས་པར་ས་སྤྱོད་སྡུག་བསྔལ་ལ། །རྒྱུན་དུ་སྤྱོད་པ་ཁོ་ནའོ། །ཞེས་པའི་དམ་གྲིབ་མི་གཙང་རིགས། །ཁྱབ་པར་ངེས་སོ་ཐུགས་རྗེས་གཟིགས། །རང་སེམས་མི་གཙང་མེ་ལོང་ལ། །རྣམ་རྟོག་ཤར་བ་དེ་ལྟ་སྟེ། །རྨི་་ལམ་དབང་ཕྱུག་བདེན་ཚིག་གིས། །བསྟན་འགྲོའི་དོན་ཆེན་འགྲུབ་པར་ཤོག། ཚངས་དབྱངས་མགུར་མ་ལན་གཅིག་གྱེར་བའི་མུར་ལྷག་བསམ་དྲི་མེད་ཀྱིས་ཤར་མར་བྲིས་ཏེ་ཕུལ། །
ཁ་བརྡ་ཁ་ལས་དགེ་ཐབས། །ཁ་ཅིག་དམིགས་བསལ་མེད་པར། །
ཁ་ཁོག་མི་མཐུན་ཀུན་པོ། །ཁ་བརྡས་ཕྱི་ལ་དོར་ཤོག །
ཆོས་འཁོར་ཆོས་ལ་ཁ་གཡར། །ལ་སྟོད་བུ་མིང་འོག་ནས། །
རྙིང་ཆོས་ཁ་ངན་གཏོང་བ། །རྒྱལ་བསྟན་ཕྱི་མོའི་ཕྱི་དགྲ། །
ཕྱག་རྫོགས་དབུ་མའི་ཟབ་ཆོས། །དཔེ་རྐུན་བོན་དུ་ཁྱེར་བ། །
བཀའ་པོད་ལམ་རིམ་ཚང་མ། །གྲུབ་མཐའི་རྫུན་རྐུབ་བུད་དོ། །
ཁྲེལ་མེད་དྲེད་གདོང་གྱོན་ནས། །འཇིགས་སྐྲག་བོད་ལ་ངོམ་པ། །
ཕ་མེས་ཤུལ་བཞག་ཡིན་ན། །བླ་བཙོང་རྒྱལ་རྔ་རྡུང་ཤིགས། །
དགྱེས་རྡོར་ར་ལོའི་སྤྲུལ་བརྫུས།སྔར་བྱས་ལས་ངན་འཕྲོ་འཐུད།
གསང་སྔགས་ཁ་ལ་འཁྱེར་ནས།ཐམས་ཅད་གསོད་པའི་གཤིན་རྗེ།
ར་ལོའི་རྣམ་པར་ཐར་པ།ཅུང་ཟད་ཙམ་ཞིག་གླེང་བར།
སྤྲོ་ཞིང་དྭངས་བས་མིན་ཀྱང།དགྱེས་རྡོར་དགྱེས་ཕྱིར་ཕུལ་ཡོད།
བྲེལ་ཟིང་གིས་རྗེས་སུ་འབུལ་ཆོག
ཀ་བ་རིང་ཐུང་བཟང་ངན་མ་རྩོད་ཨ་ཁུ་ལོ་ལོ། །
ཁ་ནས་གང་ཡོང་བཤད་རྐྱང་མ་གནང་ཨ་ཁུ་ལོ་ལོ། །
ག་ལེར་ཁྱེད་ཚོའི་རྩོད་མཚམས་འཇོག་རོགས་ཨ་ཁུ་ལོ་ལོ། །
ང་ཡིས་སྙིང་ནས་ཞུ་བ་འཐེན་ཡ་ཨ་ཁུ་ལོ་ལོ། །
མཁས་དབང་ལྷག་བསམ་དྲི་མེད་ཟླ་བས་འབྱེད་པའི་ཀུ་མུད་ཏའི་དྲི་བཟང་ཞེས་བྱ་བ། །
ན་མོ་གུ་རུ་དྷརྨྰ་ཙནྡྲ་ཡེ། །
ལྷག་བསམ་དུང་ཟླ་ཡི་བསིལ་ ཟེར་འདོད་འཇོ། །མཁྱེན་རབ་འོད་དཀར་གྱི་རིག་སྟོང་ཡེ་ཤེས། །དྲི་མེད་ལྷ་ལམ་དུ་རྒྱུ་བ་མཐོང་ཚེ། །དཔལ་ལྡན་ཀུ་མུད་ང་དགྱེས་འཛུམ་ཤོར་ཐལ། །འཁོར་ངན་ཁ་འཛིང་གི་དོ་ར་འདི་ནས། །སེམས་གཏམ་དྲོན་མོ་ཞིག་བཤད་འདོད་མེད་ཀྱང་། །ཡིད་མཐུན་ལྷག་བསམ་གྱིས་ནན་བསྐུལ་ཟབ་པས། ། སྒྱུ་མའི་བརྡ་རོལ་འདི་མི་དཀྲོལ་ཁག་མེད། །ཟ་འདྲེ་དྲི་ཟ་ཡི་བབ་ཅོལ་ལབ་རྡོལ། །ར་རྫི་སྐར་རྒྱལ་གྱི་ཀླུ་གདོན་ངག་ནུས། །རྒྱལ་འགོང་དཀོར་གཉེར་གྱི་འཇིག་རྟེན་མཆོད་ན། །དཀོན་མཆོག་རྩ་གསུམ་གྱི་བསླབ་བྱ་འགལ་འགྲོ། །སྟོན་པ་ལམ་གྲོགས་ཀྱི་སྐྱབས་འགྲོའི་གདམས་ངག །མི་ཕྱེད་དད་གུས་ཀྱིས་ཉིན་མཚན་བསྟེན་ན། །རང་ཆོས་ཉི་མ་ཡི་འོད་སྣང་དྲོན་པོ། །མ་འབད་རང་གཞན་ཚོས་སྤྱོད་པར་ཆོག་མོད། །སུམ་བརྒྱ་དྲུག་ཅུ་ཡི་གྲིབ་ཐུར་རྡུལ་ཕྲན། རེ་སྒུག་མཛུབ་རྩེ་ལ་ཅེར་རེ་བལྟས་ཀྱང་། །སྲིད་གསུམ་རྣམ་རྒྱལ་གྱི་ཀ་ལ་ཙཀྲ། །རིག་འཛིན་བླ་མ་དེ་སྨག་ཏུ་ཉལ་འདུག ། རྨི་ལམ་དབང་ཕྱུག་གི་ངག་ལ་ཉན་ན། །ཆགས་ལྡན་རང་འདོད་ལ་གསང་ཆེན་མ་ཟེར། །སྡང་རྩོད་བསྡུས་གྲྭ་ལ་ནང་ཆོས་མ་སྨྲ། །རྨོངས་དད་གཡམ་རྒྱུག་ཚོ་སྒོམ་ཆེན་མིན་ནོ། །གཟུངས་སྤོབས་བློ་གྲོས་ཀྱི་རྣམ་དཔྱོད་མེད་ན། །ཞྭ་མདོག་ལ་རྒྱ་རྣམས་རྙིང་ལྟ་མཁྲེགས་འཛིན། །ཕྱི་ནང་གྲུབ་མཐའ་དག་རྣམ་རྟོག་བསྟན་སྐྱོང་། །ཐར་ལམ་ཕྱོགས་ཞེན་ཚོགས་སྤེལ་ལ་མ་བྲེལ། །ཀླུ་རྒྱལ་སྤྱི་གཙུག་གི་ཡིད་བཞིན་ནོར་བུ། །ཐབས་མཁས་རྣམ་དཔྱོད་ཀྱིས་རྒྱན་དུ་མཆོད་ན། །རང་དབང་གང་འདོད་གྱི་བཞད་འཛུམ་འོད་ཟེར། །ཞི་བདེའི་རྒྱལ་ཁམས་ཀྱི་མྱོང་བར་ངེས་སོ། །རྒྱ་དམར་དབང་བཙན་གྱི་ལྕགས་སྒྲོག་ཁྲོལ་ཡོང་། །རྒྱ་གར་སྐྱབས་བཅོལ་གྱི་སྡུག་སྐད་མི་དགོས། །བོད་ཡུལ་ལུང་པ་དེ་དགའ་བདེའི་ཁེངས་ཡོང་། །དེ་མིན་བཟང་སྤྱོད་དང་ངན་སྤྱོད་ནོར་བ། །ཁ་ཟས་ལུས་འཚོ་ཡི་རེད་དུག་ནོར་ན། །ལྷ་མེད་འདྲེ་མེད་ཀྱི་ལ་རྒྱ་སྒྲུབ་པས། །དྲང་བདེན་རྒྱུ་འབྲས་ཀྱི་རྟེན་འབྲེལ་རྒྱབ་འགལ། ། རྒྱུ་མེད་འབྲས་བུ་ལ་རེ་བ་མ་ཆེ། །དོན་མེད་ལབ་གླེང་ལ་ནུས་པ་མི་ཐོན། །དྲི་མེད་ལྷག་བསམ་ཉིད་ཐུགས་དམ་གྱིས་དང་། །བདེན་ཆེན་ཉི་མ་ཡི་རང་སྣང་ངོམ་ཡོང་། །མཁས་བླུན་ཞེས་པ་དེ་དོན་ལ་ལྟ་དགོས། །འབྱོར་རྒུད་དབུལ་ཕྱུག་ཀྱང་སེམས་ཀྱི་ཚོར་བ། །དཀར་ནག་རྒྱུ་འབྲས་ལ་བསླུ་བ་མེད་པས། །དཀའ་བ་རྣམ་གསུམ་དེ་བདག་ལ་མི་འདུག །དམ་ཉམས་དམ་ལྡན་གྱི་འཛིན་མཚམས་དག་མ། །རང་བློ་དྲི་མེད་ཀྱི་མེ་ལོང་རྡུལ་བྲལ། །ངོ་ལྐོག་ཀུན་མཚུངས་དེ་ཀུན་ལ་མཛའ་བས། །ཐུགས་མཐུན་ཁྲིམས་གཙང་ལ་སྙིང་ནས་བསྐུལ་ལོ། རང་སྣང་གང་ཤར་གྱི་རྣམ་རྟོག་རི་མོ། །མ་བཅོས་གློག་ཀླད་དུ་ལེགས་སྐྱེས་ཕུལ་ན། །ངོ་མེད་དྲ་རྐུན་ཚོ་དགོངས་པ་མ་ཚོམས། །ལྷག་བསམ་དྲི་མེད་ཀྱི་དར་དཀར་འབུལ་ལོ། །སྙིང་གྲོགས་ལྷག་བསམ་ལ་སྙིང་གཏམ་འདི་ཀ ། སྙིང་བརྩེས་སྤྱན་རས་ཞིག་གཡོ་བར་གནང་དང་། །སྙིང་པོའི་ལྷ་ཆོས་ཞིག་མིན་ན་སྙམ་ཡོད། །སྙིང་དོན་ལྷུན་གྲུབ་ལ་སྨོན་ལམ་ཞུ་ཡ། །
ཞེས་པ་སྙིང་གྲོགས་ལྷག་བསམ་དྲི་མེད་ཀྱི་བརྡ་གླུ་གྲིབ་ཐུར་མཛུབ་སྟོན་མཇལ་མ་ཐག་ཏུ་ཤྲྰི་སྨྱོན་པས་གང་ཤར་ཡི་གེའི་གཟུགས་སུ་བགྱིས་པ་ཤྲྰི་སརྦ་ལོ་ཀ་བི་ཛ་ཡནྟུ། །
མགོན་ཕྱག་དང་ཀླུ་སྨྱོན། དགྱེས་རྡོར་ནི། ཁ་བརྡའི་དྲ་རྒྱན་ཡིན་ཡང་། ཁོང་རྣམས་ནས་གང་རུང་གཅིག   ཁ་བརྡ་ནས་ཁ་གྱེས་ན། ཁ་བརྡའི་ཟླ་བ་མར་ངོ་ལྟར་མཚུངས་པར་འདོད་ལགས།  ཀླུ་སྨྱོན་དགྱེས་ཕྱིར་བྲིས་ཐལ་ཤོར་སོང་། །
ར་ལོའི་སྤྲུལ་བརྫུས་དགྱེས་རྡོ།ལས་ངན་འཕྲོ་མཐུད་ཁྱོད་ལ།།
ར་ལོའི་རྣམ་ཐར་ཇི་བཞིན།ཅུང་ཟད་རྩོད་གླེང་བྱ་དགོས།
ད་ལྟ་བྲེལ་ཟིང་ཆེ་བས། །རྗེས་སུ་ལན་འདེབས་་་་་་་
ཀ་དག་གཞི་དབྱིངས་ཆེན་མོ།གདོད་ནས་རྣམ་པར་དག་ཀྱང།
ལྷུན་གྲུབ་གཞན་སྣང་བཟུང་བས།ཐམས་ཅད་བསྒྲལ་ཞིང་བསྒྱུར་སོང།
རང་ཤར་རང་རྩལ་མ་ཤེས།རང་བྱུང་རང་རིག་མ་མཁྱེན།
རང་གཞན་འཛིན་པའི་ནད་ཀྱིས།རང་མེད་མི་མེད་བཟོས་འདུག
གྲུབ་ཐོབ་ཆེན་མོ་རྭ་ལོ་ཙཱ་བའི་སྤྲུལ་པར་བརྫུས་པ་དཔལ་དགྱེས་པ་རྡོ་རྗེའི་སྔོན་བྱུང་གི་ལོ་རྒྱུས་རྣམ་པར་ཐར་པ་བདེ་བླག་ཏུ་རྟོགས་ཕྱིར་ཚིག་ལྷུག་པར་བཅད་དེ་མདོར་བསྡུས་ཤིག་འབྲི་བ་ལ།
༡༽གྲུབ་པ་ཐོབ་པ་ནམ་མཁར་བྱ་བཞིན་འཕུར་ལ་མཁས་པ་འཁོན་བལ་པོའི་སྲས་འཁོན་ཤཱཀྱ་བློ་གྲོས་བྱ་བས་རཱ་ལོ་ཙཱ་བར་ཕྲག་དོག་བྱས་པ་ལ་བརྟེན་ནས་དགུག་གཞུག་་མཛད་པས་བླ་མའི་གཟུགས་ལུག་འདྲ་བ་ཞིག་བྱུང་སྟེ་ལིངྒ་ལ་ཐིམ་པ་དང་ལིངྒ་རླངས་པ་ཕྱུར་གྱིས་བྱུང་བ་ཀུན་གྱིས་མཐོང།
སྦྱིན་སྲེག་གྲོལ་ནས་ཡུད་ཙམ་སོང་བ་ན། འཁོན་ཤཱཀྱ་བློ་གྲོས་སྐུ་གཤེགས་དེར་གནས་སྤར་གདམས་པ་ཟབ་མོས་འཇམ་དཔལ་དང་པོའི་སངས་རྒྱས་ཀྱི་ཐུགས་ཀར་འཕང།
༢༽ལ་སྟོད་སེ་ཐར་དུ་བྱོན་ཙམ་ན་ལང་ལབ་བྱང་ཆུབ་རྡོ་རྗེས་རཱ་ལོར་རྒྱབ་བསྟན་ནས་བཞུགས་པར་མ་མཉེས་ནས་རཱ་ལོས་མངོན་སྤྱོད་ཏིང་འཛིན་པས་བཀྲོངས་བ་དང་དེ་རྗེས་ཁོང་གི་འཁོར་གཡོག་སློབ་བུ་དྲག་མ་རྣམས་ཀྱང་རྐྱེན་ངན་སྣ་ཚོགས་པས་རིམ་གྱིས་རྐྱེན་འདས་སུ་སོང་བ་དང།་ ཟླ་བ་གཅིག་གི་ཁོངས་སུ་ལང་ལབ་འཁོར་བརྒྱ་དང་བཅས་པ་བསྒྲལ་ཏེ་འཇམ་དཔལ་དང་པོའི་སངས་སུ་བསྐྱལ་ལོ།
༣༽མཁའ་འགྲོ་སེང་གདོང་མ་ཡི་གྲུབ་ཐོབ་སེ་སྟོན་བསོད་ནམས་ཞེས་བྱ་བ་དང་འཁོན་པར་རཱ་ལོས་ནངས་པར་སོང་བ་ན་སེ་སྟོན་རྒྱུ་གཟེར་གྱིས་བསྙུན་ནས་གྲོངས་འདུག་སྟེ། མཁའ་འགྲོ་མ་རང་གཤེད་དུ་བབས་པ་ཡིན་གསུངས།
༤༽བོན་པོ་མང་པོ་རྫུ་འཕྲུལ་གྱིས་བཏུལ།
༥༽དེ་ནས་རཱ་ལོ་རྟ་ནག་ཏུ་བྱོན་ཏེ་སློབ་མ་རྒྱ་ཆེར་བསྐྱངས་པའི་རྟ་ནག་འགོས་ལོ་ཙཱ་བ་ཁུག་པ་ལྷས་བཙས་བྱ་བ་དང་འཁོན་འགྲས་བྱུང་བར་རཱ་ལོས་དཔལ་རྡོ་རྗེ་འཇིགས་བྱེད་ཏིང་འཛིན་དུ་བཞུགས་ཏེ་རྡོ་རྗེ་གྲི་ཁུག་ལས་སྦྱོར་མཛད་པས་ཟླ་བ་གཅིག་ནས་འགོས་ལོ་སྐུ་འདས་ཏེ་འཇམ་དཔལ་གྱི་ཞིང་དུ་དྲངས་ནས་བསྐྱལ་ལོ།
༦༽དེར་རྟ་ནག་གི་གྲོང་མི་རྣམས་ཀྱིས་རཱ་ལོས་ངེད་ཅག་གི་བླ་མ་བཀྲོང་བས་དམག་དྲངས་དགོས་ཟེར་ཏེ། དེར་གྲོང་ཁྱེར་བདུན་ཅུའི་མི་རྣམས་ཀྱིས་དམག་དྲངས་ནས་འོང་པ་ལ། བླ་མས་ཐུན་འཕངས་པས་ཐམས་ཅད་ཁྲག་སྐྱུགས་ཏེ་ཤི་ནས་གོ་མཚོན་ཐམས་ཅད་ཀྱང་དུམ་བུར་བཏངས།
༧༽དར་མ་མདོ་སྡེ་དང་འཁོན་འགྲས་བྱུང་བར་དར་མ་མདོ་སྡེ་འདི་མ་བསྒྲལ་ན་ཉིད་ཀྱིས་བསྒྱུར་བའི་ཆོས་རྣམས་བསྣུབ་པར་གཟིགས་ཏེ་མགོན་པོ་འཁོར་བཅས་བཀུག་ནས་མངོན་སུམ་དུ་བྱུང་བ་ལ། དར་མ་མདོ་སྡེའི་སྲོག་འཁྱེར་ལ་ཤོག་ཅིག་གསུངས་ནས། ཡུད་པ་གཅིག་ནས་ཐོད་པའི་ནང་དུ་སྙིང་གཅིག་བཅུག  གྲི་ཁུག་གིས་ཁ་བཅད་ནས་ཁྱེར་བྱུང་སྟེ། འདི་ལར་ནས་བསྟན་འཛིན་བཟང་པོ་ཞིག་འདུག་རུང་ཐུགས་རྒྱལ་ཆེ་བས་ཉིད་ཀྱི་བཀའ་རྒྱུད་ལ་གནོད་པར་འདུག་པས་འཁྱེར་ཡོང་བ་ཡིན། སངས་ཉིན་རང་དར་མ་མདོ་སྡེ་རྟས་བསྐྱུར་ནས་གྲོངས་ཏེ་འཇམ་དཔལ་གྱི་ཐུགས་ཁར་སྤར་རོ།
༨༽བོན་པོ་གཤེན་ཏེ་ཐུལ་གྱིས་བླ་མ་དཔོན་སློབ་ལ་ཐོག་འབེབས་སུ་བྱུང་བ་ལ། བླ་མས་སྡིག་འཛུབ་བྱས་པས་ཁོ་རང་ལ་སླར་ལོག་སྟེ་ཤི།
༩༽ཟངས་མཁར་ལོ་ཙཱ་བ་དང་འཁོན་འགྲས་བྱུང་ནས་མཐུ་རྒྱས་བྱས་པར་ཞག་བདུན་ནས་སྲོག་ཕྲ་མཚམས་སུ་ལྷོག་པ་བྱུང་ནས་ཟངས་མཁར་ལོ་ཙཱ་བ་གཤེགས་ཏེ་འཇམ་དཔལ་གྱི་ཞིང་དུ་སྤྱན་དྲངས་སོ།
༡༠༽དེ་ནས་སྟག་སྣར་བྱོན་ནས་བདེ་མཆོག་ལ་མཁས་ཤིང་ནུས་པ་ཐོན་པའི་ལོ་ཙཱ་བ་རྒྱུས་སྨོན་ལམ་གྲགས་ཞེས་བྱ་བ་དང་འཁོན་འགྲས་བྱུང་བར། བླ་མ་དཔལ་རྡོ་རྗེ་འཇིགས་བྱེད་དུ་བྱས་ནས་གྲི་གུག་གིས་བསྣུན་པས་མཐུ་སྒྲུབ། རྫས་དང་དཀྱིལ་འཁོར་ཐམས་ཅད་ཐལ་བར་སོང། རྒྱུས་ལོ་ཉིད་ཀྱང་ཚལ་པར་འཐོར་ནས་སྐུ་གཤེགས་ཏེ་རྗེ་བཙུན་འཇམ་དཔལ་དབྱངས་ཀྱི་ཞིང་ཁམས་སུ་དྲངས་སོ།
༡༡༽དེ་ནས་སྐྱི་འཕྲང་དུ་བྱོན་ནས་འབྲེ་ཤེས་རབ་བླ་མ། སུམ་པ་དབང་ཚུལ། རྐྱང་པོ་གྲགས་པ་སོགས་དང་འཁོན་འགྲས་བྱུང་བར་རཱ་ལོས་མཐུ་རྒྱབ་སྟེ་འབྲེ་སྨྱོས། སུམ་པ་འདས། རྐྱང་པོ་ལ་མཛེ་བྱུང་ངོ།
༡༢༽དེ་ནས་ལྷ་ས་ན་སྐྱོ་འདུལ་བ་འཛིན་བྱ་བའི་དགེ་བཤེས་ཚེ་བར་གྲགས་པས། རཱ་ལོར། ཁྱོད་རབ་ཏུ་བྱུང་བའི་མཁན་པོ་བྱེད་པ་ལ། མཁན་པོའི་ཡན་ལག་དགེ་སློང་འདུལ་བ་ཤེས་པ་གཅིག་དགོས་པས། ཁྱོད་ནུབ་རེ་བཞིན་ཤ་ཆང་ལ་ལོངས་སུ་སྤྱོད། སྐབས་སུ་མི་ལ་མཐུ་གཏང་ནས་གསོད། ལྐོག་ཏུ་བུད་མེད་བསྟེན། ཁྱོད་འདྲས་མཁན་པོ་བྱེད་པ་བསྟན་པ་ལ་གནོད་ཟེར། ཤ་ཆང་བཟའ་བ་ཚོགས་ཀྱི་འཁོར་ལོ་ཡིན། བུད་མེད་བསྟེན་པ་ལས་ཀྱི་ཕྱག་རྒྱ་ཡིན། དམ་ཉམས་སྒྲོལ་བ་སྔགས་ཀྱི་དམ་ཚིག་ཡིན། ང་ཡི་དེ་ལྟར་ཤེས་པའི་གནས་སྐབས་ལ། འདུལ་འཛིན་དགེ་སློང་དག་དང་འགལ་བ་མེད། དེ་བས་དམ་ཉམས་ལོག་ལྟ་ཅན་ཁྱོད་ཀྱང། ཞག་བདུན་ཐོ་རེངས་གཤེགས་སུ་གསོལ། ལས་སོགས་འཁོན་འགྲས་བྱུང་བར། ཞག་བདུན་གྱི་ཐོ་རེངས་སུ་སྐྱོ་འདུལ་འཛིན་གྱི་ལུས་ངག་ཡིད་གསུམ་རེངས་ཏེ་ཤི།
འདིར་ཁོང་གི་སྐྱེས་རབས་གོང་མས་ཇི་ལྟར་གནང་ཚུལ་གྱི་མཛད་པའི་ཆ་ཤས་ཤིག་ཡིན་པས་ཐམས་ཅད་འབྲི་དགོས་ན་རྣམ་ཐར་གྱི་དབུ་ནས་འཇུག་གི་བར་དུ་གྲུབ་ཐོབ་དང་མཁས་པ་ལས་སོགས་ཀྱི་སྲོག་དབུགས་འཕྲོག་པའི་འཕྲིན་ལས་ཤ་སྟག་ཏུ་ཡོད་འདུག་མོད་འོན་ཀྱང་དེང་གི་དུས་འདིར་འདི་ལྟའི་རྣམ་ཐར་སྒྲོག་ཚེ་ནང་པ་རྣམ་དག་སུ་ཡིན་མིན་དེ་ནས་ཤེས་ཐུབ།
ཁ་ནང་དུ་འཁོར་ནས་བསམ་གཞིགས་གཏོང་དགོས་པ་ནི་ཤིན་ཏུ་ནས་གནད་ཆེའོ།
《རྩོམ་ཡིག་འདི་ཁ་བརྡའི་དྲ་ལམ་ནས་ཐེངས་འགར་བསྐུར་ཀྱང་། ཕར་འཕྲོད་མི་འདུག་སྟབས། མཆན་བུའི་སྒེའུ་་ཁུང་ནས་ཕར་མི་རྫོངས་ཐབས་མེད་བྱུང་》
འདིར། ཁ་བརྡའི་རྩོམ་སྒྲིག་པ་མཆོག་གིས་གཙོས། དྲ་ཚིགས་ཀྱི་གླིང་ཀ་རུ་སྙན་རྩོམ་སྒྱུ་རྩལ་གྱི་དཔལ་ལ་རོལ་བའི་མཁས་དབང་རྣམ་པ་ཚོ་ལ་ཞུ་རྒྱུར། ཁོ་བོ་ནི། སྐྱེས་སྦྱངས་ཀྱི་ཤེས་རབ་དམན་ཞིང་། འཇོན་ཐང་མེད་པའི་སྐྱེ་བོ་ཐ་ཤལ་བ་ཞིག་ཡིན་པས། ལྷན་རྒྱས་ཚོའི་མཛད་སྤྱོད་ཀྱི་ཐད་ལ་ཇུས་གཏོགས་བྱེད་པ་ནི། འཇིག་རྟེན་གཏམ་དཔེར། ཐུབ་དབང་གི་དྲུང་ནས་ཤཱ་རི་བུས་ལུང་འདྲེན་། ཞེས་པའི་ཚུལ་ལས་མ་འདས་ཀྱང་། ལུགས་ཀྱི་བསྟན་བཅོས་ལས། ཕན་པའི་གྲོགས་དང་ཕན་པའི་གྲོས།།གང་ནས་འབྱུང་བའི་ངེས་པ་མེད།།ཅེས་གསུངས་པ་བཞིན། སྐབས་རེར་བླུན་པོ་བདག་ལྟ་བུའི་ངག་ནས་ཀྱང་། ཕན་པའི་སྐད་ཆ་རེ་འགའ་ཙམ་ཡང་འབྱུང་མི་སྲིད་པ་མིན་པས། གཤམ་དུ་རང་ཉིད་ཀྱི་བསམ་འཆར་འགའ་ཞིག་ཡིག་རིས་སུ་དགོད་པར་འདོད་པ་ལགས་ན། ཁྱེད་དྲན་དབང་རྣམ་པ་ཚོས། མན་ཤེལ་གྱིས་ཆུའི་རྙོག་མ་བགྲུང་བའམ། ངང་པས་ཆུ་དང་འོ་མའི་དབྱེ་བ་འབྱེད་པའི་ཚུལ་གྱིས་ཐུགས་བརྟག་གང་ལེགས་གནང་བར་རིགས། ཕྲན་ནམ་རྒྱུན་རྩོམ་ཡིག་གི་རིགས་བཀླག་རྒྱུར་སྤྲོ་བ་ཆེ་ལ། དེ་བས་ཀྱང་དཔྱད་རྩོམ་གྱི་སྐོར་ལ་བལྟ་བར་ཤིན་ཏུ་དགའ། ཉེ་ཆར་གྲོགས་པོ་འགའ་ཞིག་གི་ངག་ལས། དེང་སང་གློག་འཕྲིན་དྲ་རྒྱའི་ངོས་སུ། ༼ཁ་བརྡ༽ཞེས་པའི་གླེང་སྟེགས་གསར་པ་ཞིག་བཟོས་ཡོད་པའི་སྐོར་རྣ་བར་སོན་པས། མི་འགྱང་བར་ཁ་བརྡའི་གླེངས་སྟེགས་ཀྱི་གནས་ཚུལ་རྣམས་མཇལ་འདོད་ཀྱི་རེ་བ་མནན་ན་མི་ནོན་པ་ཞིག་བྱུང་། དེ་ནས་བཟུང་ཐབས་ཇུས་མང་པོ་ཞིག་བགྱིས་པར་བརྟེན། ད་ལྟའི་ཆར་ཁ་བརྡའི་མཆན་བུའི་སྐར་ཁུང་ནས་སྙན་རྩོམ་སྒྱུ་རྩལ་གྱི་ལྟད་མོ་ལ་ལོངས་སུ་སྤྱོད་རྒྱུའི་སྐལ་བཟང་གི་གོ་སྐབས་ཕྲན་བུ་ཞིག་བྱུང་བ་རེད། དངོས་གནས། ཁ་བརྡའི་གླེང་སྟེགས་སུ་སླེབས་པའི་སྙན་རྩོམ་མང་ཆེ་བ་ཞིག་ནི། ཚིག་སྦྱོར་གྱི་འགྲོས་དང་བརྗོད་བྱའི་ནང་དོན་སོགས་གང་ཅིའི་ཆ་ནས་བལྟས་ཀྱང་། ངོ་མཚར་བའི་གནས་འབའ་ཞིག་ལས་མི་འདུག འོན་ཀྱང་། སྙུག་ཐོགས་པ་འགའ་ཞིག་ནས་སྙན་རྩོམ་སོགས་འབྲི་བའི་ཚེ་ན། རང་ཡུལ་གྱི་གྲོང་སྐད་ཁོ་ན་བེད་སྤྱོད་བྱེད་བཞིན་འདུག་པ་ནི། ཆེས་མི་རུང་བའི་གནས་ཚུལ་ཞིག་རེད། ཇི་སྐད་དུ། འཇམ་མགོན་མི་ཕམ་པའི་ཞལ་ནས། གཙུག་ལག་ཤེས་པའི་བློ་གྲོས་ཅན།།ཉི་མ་བཞིན་དུ་འཇིག་རྟེན་རྒྱན།།ཞེས་དང་། དམུས་ལོང་སྟོང་གིས་བགྲོད་དཀའ་བའི།།ལམ་རྣམས་མིག་ལྡན་གཅིག་གིས་གཅོད།།ཅེས་གསུངས་པ་བཞིན།ཁྱེད་རྣམས་ནི། ངེད་ཅག་དམུས་ལོང་བག་འཁུམས་པ་ཚོའི་སྣེ་ཁྲིད་པ་ཤ་སྟག་ཡིན་པའི་ཕྱིར་ན། རྣམ་ཀུན་ཐུགས་རྒྱ་ཆེར་བསྐྱེད་དང་།གཟིགས་རྒྱང་རིང་ཙམ་གནང་རྒྱུ་གལ་ཆེ་བར་སེམས། གལ་ཏེ། ཁྱེད་རང་ཚོས། ད་དུང་ཡང་མུ་མཐུད་དེ་འདི་ལྟར་གནང་བ་ཡིན་ན། ཕྱིས་སུ་རིམ་བཞིན། ལད་ཟློས་འཁྲབ་མཁན་ཇེ་མང་དུ་ཕྱིན་ཏེ། མ་འོངས་པར་རང་རེའི་སྐད་ཡིག་གཉིས་ཀྱི་དབར་ལ་སྔར་བས་ཀྱང་། དཀའ་རྙོག་ཆེན་པོ་ཞིག་འབྱུང་རྒྱུ་ཡིན་པར་གོར་མ་ཆག འོན་ཏེ། ཁྱེད་ཅག་གིས། ང་ཚོས། བོད་ཀྱི་སྐད་དང་ཡི་གེའི་བར་གྱི་གནས་ཚུལ་ལ་ཅི་ཡང་མི་སེམས། ང་ཚོས། མུ་མཐུད་ནས་གྲོང་སྐད་ཁོ་ན་ལ་སྤྱད་པར་བྱའོ་ཞེས་ཨུ་ཚུགས་ཀྱི་གཡག་རྒོད་ལ་ཆིབས་རྐྱང་བྱེད་པར་མོས་ན། རང་རེའི་བོད་ནི་རང་དབང་མེད་པའི་མི་རིགས་ཤིག་ཡིན་རུང་། ཁ་བརྡའི་དྲ་རྒྱ་ནི། རང་དབང་གི་གླེང་སྟེགས་ཡངས་པོ་ཞིག་རེད་འདུག་པས། ཁྱེད་རྣམས་ཅི་དགར་མཛོད་ཅིག་དང་། གླེན་པ་བདག་ཀྱང་། ཅི་ཡང་མི་སྨྲ་བའི་བརྟུལ་ཞུགས་ཀྱི་ངང་བསྡད་རྒྱུ་ལས་གཞན་པའི་ཐབས་ཅི། གང་ལྟར། སླད་མའི་རེ་བ་ཆུང་ངུ་ཞིག་ལ། ཁྱེད་རང་ཚོས་སྤྱད་དང་སྤྱོད་བཞིན་པའི་ཕལ་སྐད་ཀྱི་མིང་ཚིག་དེ་དག་ལ། ཁ་བརྡའི་རྩོམ་སྒྲིག་འགན་འཁུར་བའམ། འབྲི་མཁན་སོ་སོས། བརྡ་སྤྲོད་སྤྱི་འགྲོས་ཀྱི་ལམ་ནས་ཁ་གསལ་གོ་བདེའི་འགྲེལ་བཤད་རེ་བགྱིས་ན་ཅི་འདྲ་འདུག་གམ། གལ་ཏེ། ཁྱེད་ཚོས་བྲིས་དང་འབྲི་མུས་ཀྱི་ཕལ་ཚིག་དེ་དག་རང་དགར་བཞག་པ་ཡིན་ན། ཁྱེད་རང་ཚོར། རང་ཉིད་ཀྱི་ཡིག་འཕྲེང་ཉག་ཉོག་དེ་ཚོས། སྤྲོ་བདེ་སྤུ་གཟེང་གི་ཚོར་བ་ཉི་ཚེ་བ་རེ་སྟེར་ལགས་ཀྱང་། དངོས་འབྱུང་གནས་ཚུལ་ལ། ཁྱེད་ཅག་གིས། ཡིག་ཉོག་དེ་དག་གི་ལམ་ནས་ཅི་ཞིག་མཚོན་གྱི་ཡོད་པ། རང་ཉིད་དང་གྲོང་སྡེ་གཅིག་པའི་མི་འགའ་ཞིག་མ་གཏོགས། ཡུལ་ལུང་གཞན་གྱི་མི་ཚོས་ཕྱོགས་ཙམ་ཡང་རྟོགས་མི་ཐུབ་པ་ནི་སྨོས་ཅི་དགོས། དེས་ན། ཁྱེད་ཅག་གི་ཡིག་ཉོག་དེ་དག་གིས། རིག་གཞུང་འཕར་འདེགས་དང་། མི་རིགས་ཀྱི་སྲི་ཞུར་འགྱུར་བ་ཕར་ཞོག རང་ཉིད་ཀྱི་ཆུ་ཚོད་ཀྱང་སྟོང་ཟད་དུ་འགྲོ་བར་ངེས། ད་ནི། སྨྲ་བ་མང་ན་ཉེས་པའི་རྒྱུ་རུའང་འགྲོ་སྲིད་པས། འདིར་མཚམས་བཞག་ན་ལེགས་སོ།།
ལ་སྟོད་བུ་འདིའི་ཚིག་ལ་ཚོད་འཛིན་མེད་ཀི།།ཀ་དག་རྫོགས་ཆེན་ཕར་རྩོད་ཚུར་རྩོད་བྱེད་དུས།།
གསར་མའི་གྲུབ་ཆེན་ར་ལོ་རྡོར་བྲག་གླེང་བ།།བསམ་བཞིན་ཆོས་བརྒྱུད་གཞན་ལ་ཅོ་འདྲི་ཨེ་ཡིན།།
རྣལ་འབྱོར་དབང་ཕྱུག་གྲུབ་ཆེན་ར་ལོ་རྡོ་བྲག།བཀའ་བརྒྱུད་ས་སྐྱ་དགེ་ལུགས་ཡོངས་ཀྱིས་དད་ས།།
ཁྱོད་ཚོས་རྩོད་པའི་ཐེག་པ་རིམ་པ་དགུ་ལ་སོགས།།ཕར་བཤུ་ཚུར་བཤུ་བྱེད་དང་འབྲེལ་བ་འདུག་གམ།།
༄༅། །རྨི་ལམ་དབང་ཕྱུག་དཔལ་དགྱེས་པ་རྡོ་རྗེ་ལ་གསོལ་བ་སྟོང་འཇུག་དུས་མེའི་འོད་སྣང་ཞེས་བྱ་བ། །
ན་མོ་གུ་རུ། །སྣང་བའི་ཆོས་སོ་ཅོག་གཅིག་ཏུ་བསྡུས་པའི། །མཛེས་པའི་སྐུ་མཆོག་ལ་བལྟས་པས་མི་ངོམ། །སྟོང་པའི་ཡེ་ཤེས་ལ་ཕྱོགས་འཛིན་ཞིག་པས། །ཆོས་དབྱིངས་ཀུན་ཁྱབ་ཀྱི་མ་དེས་སྐྱོངས་ཤིག །སེམས་བསྐྱེད་ལྷག་ཅན་ཞེས་ལྷ་ཡི་བུ་མཆོག །ས་སྐྱོང་མཉེས་པ་ལས་མཚན་ཏུ་གསོལ་བ། །རྨི་ལམ་དབང་ཕྱུག་གི་རྣལ་འབྱོར་ཆེན་པོ། །དགྱེས་པ་རྡོ་རྗེ་ཞེས་གྲགས་པ་མིན་ནམ། །ཆུ་བུར་མིག་ལམ་ཏུ་སྐུ་མཆོག་མ་མཇལ། །སྒྲ་འཛིན་བུ་ག་ལ་ཁྱོད་གསུང་མ་ཞུགས། །གློག་རྡུལ་རྩིས་འཁོར་ལས་རྩོམ་འགའ་མཇལ་བས། །མ་འདྲིས་གྲོགས་མཆོག་ཏུ་གྱུར་བ་རྟེན་འབྱུང་། །ཉི་་ཟླ་གཟའ་སྐར་སོགས་འབྱུང་བཞིའི་འགྱུར་བ། །རྩ་རླུང་ཐིག་ལེ་ཡི་བབས་དང་འགྲོགས་ཏེ། །ཚོགས་བརྒྱད་རྟེན་འབྲེལ་གྱི་སྒྱུ་འཕྲུལ་ཤར་བ། །ཐུགས་གསུང་སྐུ་མཆོག་གི་རྡོ་རྗེའི་རོལ་བ། །ཚུལ་ཁྲིམས་སྙིང་རྗེ་དང་བསྐྱེད་རྫོགས་ཉམས་ལེན། །ཕྱི་ནང་གསང་བ་ཡི་དད་པར་འབྲེལ་བས། །སྐྱབས་གསུམ་རྣམ་བཞག་བཞིས་ཐུགས་དམ་གཙང་ན། །ཐུབ་བསྟན་རྩ་བ་དེ་ཉིད་ཀྱིས་ཟིན་འདུག །རྒུད་པའི་རྩ་བ་དེ་བདག་འཛིན་འཆིང་བ། །ཐབས་མཁས་གཞན་གཅེས་ཀྱིས་ཆམ་ལ་ཕབ་ནས། །ཟུང་འཇུག་བཞི་སྦྱོར་ཀྱི་ཉམས་ལེན་གཙང་མ། །ཐེག་ཆེན་གཞུང་ཤིང་ལ་རང་བྱན་ཆུད་འདུག །སྣང་དང་མི་སྣང་དང་ཕྱེད་སྣང་གྲིབ་གཟུགས། །སྣང་བ་མཆེད་པ་དང་ཉེར་ཐོབ་བསམ་གཏན། །གཟུགས་ཅན་གཟུགས་མེད་དང་སྟོང་གཟུགས་ཕྱག་རྒྱ། །བདེ་ཆེན་སྟོང་ཉིད་དང་སྣང་སྟོང་ཟུང་འཇུག །གྲིབ་ཐུར་གཅིག་པུ་ལ་འཁོར་འདས་རྫོགས་པས། །དབྱངས་འཆར་གཡུལ་རྒྱལ་དེ་སྤྲོས་བཅས་ངག་དབེན། །དུས་མེད་དུས་འཁོར་ཀྱི་ཞལ་ལ་གཟིགས་དང་། །རྫོགས་ཆེན་འོད་གསལ་གྱི་གདམས་པ་སྦས་ཡོད། །རིགས་པས་རྙེད་དོན་གྱི་སྟོང་ཉིད་དགའ་མ། །བླ་མའི་གདམས་ངག་གི་བུ་དང་འབྲེལ་ནས། །མཉམ་རྗེས་རིས་མེད་ཀྱི་མལ་ས་གཙང་མར། །བདེ་སྟོང་ཁ་སྦྱོར་ཀྱི་སྒྱུ་རྩལ་ངོམ་འདོད། །ལས་ངན་ལྷག་བསམ་གྱི་ཁ་ཡི་འཇའ་ཚོན། །ཚ་རླབས་ལྷགས་སྐྱོབ་ཀྱི་གོས་སུ་མི་འོས། །སོ་ནམ་མ་བྱས་པའི་འབྲས་བུར་ཡིད་སྨོན། །རིང་ནས་གོམས་པ་ལ་བཅོས་ཐབས་མི་འདུག །རྨི་ལམ་དབང་ཕྱུག་གི་ལུང་བསྟན་མན་ངག །རེ་བའི་རྒྱ་མཚོ་ཡི་སྣོན་མ་ཆགས་ཡོད། །རྒྱ་བོད་ཞི་བདེ་ཡི་ཉི་མ་ཤར་ཚུལ། །རྣ་བར་གོ་ཙམ་ཡང་ཡང་བསྐལ་བ་བཟང ངོ། །ཆོས་མེད་ལྷ་རྒོལ་གྱི་མི་རིགས་ལྟ་བ། །དྲིན་ལན་ལོག་འཇལ་གྱི་བོད་དོན་གཉེར་ཐབས། །མུན་ནག་མདའ་འཕེན་གྱི་བོད་རིགས་ལ་རྒྱ། །ཐབས་ཟད་གཡང་མཆོངས་དེ་མཐོང་ན་སྐྱོ་འོ། །ང་ལ་རྗེས་འབྲང་གི་མཁས་པ་མེད་ཀྱང་། །དྲི་མེད་ལྷག་བསམ་གྱི་འོ་མའི་མཆོད་པ། །རང་ཕྱོགས་ཆེ་དགུ་ལ་འབུལ་སྣང་ཤར་སྟེ། །ཐལ་བ་གདོང་འདེབས་ལས་བཞེས་མཁན་མི་འདུག །སུ་དང་མི་མཐུན་པ་སྨྱོན་པའི་ལྷག་བསམ། །ནོར་མེད་ཚིག་སྟོང་དེ་ཁ་མཆུའི་སྣོན་མ། །རི་བོང་རྭ་ཅན་དེའི་་ཕྱོགས་སུ་ཆད་པས། །ཨུ་ཐུག་ཉམས་ལེན་ལ་བཙན་གྱིས་སྦྱར་སོང་། །ད་དུང་ལྷག་བསམ་གྱི་རྒྱ་མཚོ་མ་བྲི། །སྣང་བ་སྒྱུ་མ་ལ་བློ་ཁ་ཕྱོགས་ཏེ། །དམ་པ་ཆེ་དགུ་ལ་འབོད་བསྐུལ་ཞོར་ཏུ། །སྒྱུ་མའི་ཟློས་གར་ཞིག་རྩེ་བཞིན་ཆས་འགྲོ། །རྨི་ལམ་དབང་ཕྱུག་གི་ཐུགས་ཀྱི་དགོངས་ལ། །བསྟན་དང་འགྲོ་བ་ཡི་དོན་ཆེན་འགྲུབ་ནས། །མཚུངས་མེད་བླ་མ་ཡི་ཐུགས་དགོངས་རྫོགས་པའི། །བདེན་ཚིག་རྡོ་རྗེ་ཡི་ཕྱག་རྒྱས་སྐྱོངས་ཤིག ། ཞེས་གསུང་མགུར་ཀུ་མུད་ཏའི་དྲི་བཟང་མཇལ་མ་ཐག་དྲི་མེད་ལྷག་བསལ་གྱིས་ཤར་མར་བྲིས་ཏེ་ཕུལ། །
༄༅། །རེ་ཞིག་ངལ་གསོ་བ། ད་ནི་ཉིན་བདུན་ལ་འཕོ་སྐྱེས་བཏེགས་ནས། །ཡང་བསྐྱར་ཕྱིར་འཁོར་གྱི་དུས་ཤིག་བྱུང་ཚེ། །ཀླུ་སྨྱོན་དཔའ་བོ་ཡི་བདེ་ཆེན་འབོད་སྒྲས། །དྲ་གྲོགས་གདུང་སེལ་གྱི་སྨོན་པ་འཆའོ། །རྨི་ལམ་དབང་ཕྱུག་དེ་སྐུ་ཁམས་བདེ་མོ། །བན་བོན་གཞོན་ནུའི་ཚོགས་ཐུགས་སྣང་མཐུན་པོ། །བཀའ་རམས་ལ་སྟོད་རྣམས་གཟིགས་རྒྱ་ཡངས་པོས། །ཁ་བརྡའི་དྲ་བ་དེ་ཞི་བདེར་འགྱུར་ཤོག།
རྣམ་པ་ཚོས་ཐུགས་ཁྲལ་མ་བྱེད། ཀླུ་སྨྱོན་ནི་ས་སྐྱ་བདག་ཆེན་ཚང་གི་བདག་མོ་ཚོ་དང་ལྷན་དུ་བདེ་འཚམ་ངང་བཞུགས་འདུག་ཟེར།ཉིན་ཞིག་ལ་ཕྱིར་ཁ་བརྡ་ལ་མཉམ་ཞུགས་གནང་བའི་རེ་བ་ཡོད།
ཀ་དག་གཞི་དབྱིངས་ཆེན་མོ།གདོད་ནས་རྣམ་པར་དག་ཀྱང།
ལྷུན་གྲུབ་གཞན་སྣང་བཟུང་བས།ཐམས་ཅད་བསྒྲལ་ཞིང་བསྒྱུར་སོང།
དགྱེས་རྡོ་ཤི་སོང་མེད་ན་ད་ཤོག་དང་། །ལན་མེད་གཡག་གི་དམ་བཅའ་དགོད་རེ་བྲོ། ཧ ་ ཧ
ར་ལོ་ཙཱ་བ་ལག་དམར་བ་ཡིན་པ་རང་རྣམ་མམ་རྣམ་ཐར་གྱིས་བསྒྲུབས་ཐུབ་ཀྱང་། མཐུས་བསྒྲལ་ཚད་འཇམ་དཔལ་གྱི་གོ་འཕང་ལ་བཀོད་ཐུབ་པ་སུས་བསྒྲུབ་ཐུབ་བམ། དཔང་པོ་ཆོས་སྐྱོང་ལས། བླ་མ་སངས་རྒྱས་བྱང་སེམས་གཞན་སུ་ཡོད་དམ། བོད་ཀྱི་ནང་ཆོས། བླ་མའི་ཆོས། བོན་ཆོས་མཉམ་བསྲེས། མཐུ་རྟགས་སྟོན་པ་འདིས་། བོད་ཆོས་དར་རྒྱས་ཉམས་ལེན་ལ་ཕན་ཆེ་བ་བྱུང་ཡོད་དམ། གནོད་ཆེ་བ་བྱུང་ཡོད། དེས་ན། ཇི་སྐད་དུ། བྱང་ཆུབ་སེམས་དཔའ་མིན་ན་དཀྱིལ་འཁོར་ལྟ་བར་ཡང་མི་བྱའོ། །གསུངས་པ་འདི་ནི། དམ་ཚིག་ཅེས་པ་གནད་དོན་འདི་ལ་ཐུག་པ་མ་རེད་དམ། །དགེའོ། །
ངའི་མཆན་བུ་འདི་ནི། དགྱེས་རྡོར་ལགས་དང་འབྲེལ་བ་གང་ཡང་མེད་ལགས། །
བོད་ཀྱི་ར་ལོ་ཙཱ་བས་ལུག་ལོ་ཙཱ་བ་མང་པོ་གསད་པའི་རྣམ་ཐར་འདིས་བོད་ཀྱི་གསང་སྔགས་ཀྱི་བསྟན་པའི་ཞབས་འདེགས་ལས་ཞབས་འདྲེན་མང་བ་ཞུས་ཡོད་པ་སྨྲ་མི་དགོས་ཅིག་རེད་འདུག་པས་འབྱུང་འགྱུར་བླ་སློབ་ཀུན་གྱིས་གཟབ་པར་འཚལ། །ད་མཚན་དཀྱིལ་ཆགས་བགྱིད་གཟིམ་འཇམ་གནང་དགོས། །
ངས་བསམ་ན་དྲི་མེད་ལྷག་བསམ་དང་དཔལ་དགྱེས་གཉིས་མི་གཅིག་པ་རེད་སྙམས་སོང་། གང་ལྟར།
འཇམ་དཔལ་དགྱེས་པ་རྡོ་རྗེ་རིན་པོ་ཆེས། །ལྷག་བསམ་སྒྱུ་མའི་རོལ་མོ་རབ་དཀྲོལ་ཞིང་། །
ཚངས་དབྱངས་མགུར་མའི་འབྲུག་སྒྲ་སྒྲོག་པ་ལ། །གཟུར་གནས་བློ་ལྡན་རྨ་བྱས་ཟློས་གར་ངོམ། །
ལ་སྟོད་ལ་བུ་ལ་ཙི་དམར་པོ་ཁ། །བོན་ཕྲུག་ཆོམ་རྐུན་ལ་ཁྱི་ངོ་གཉིས་ཀྱིས། །
སྤྲང་ཁྱི་རྒྱག་ན་གནམ་གྱི་སྐར་མར་ཟུག །སྤྲེལ་ཕྲུག་བསོད་ཟད་འདི་ཚོ་ཤ་རེ་ཚ། །
༄༅། །སྙིང་གྲོགས་ལྷག་བསམ་དྲི་མེད་ལ་ཕུལ་བའི་གཉུག་མའི་ཐིག་ལེ་དཀར་པོ་ཁ་བཏགས་ཅེས་བྱ་བ། །
ན་མོ་གུ་རུ་ཀ་ལ་ཙཀྲ་ཡེ། །
ཨེ་མ་ཀུན་ཁྱབ་ཀྱི་སྟོང་གཟུགས་ཡེ་ཤེས། །ཝྃ་ཆེན་བདེ་རོལ་གྱི་སྒྱུ་འཕྲུལ་དྲ་བ། །ཟུང་འཇུག་གཉུག་སེམས་ཀྱི་ཐིག་ལེ་དཀར་པོ། །རྒྱལ་ཀུན་དགོངས་བརྒྱུད་ལ་མངོན་པར་བསྟོད་དོ། ། སྣང་སྲིད་དཔེ་ཆ་ཡི་འཇའ་ཚོན་རི་མོ། །བརྡ་བརྒྱུད་ལྷག་བསམ་གྱི་ཨེ་ཝྃ་མ་ཡ། །འོད་གསལ་སྙིང་པོ་ཡི་གཏེར་སྒོ་འབྱེད་པས། ། རྨི་ལམ་དབང་ཕྱུག་ང་སྐལ་བ་བཟང་ངོ་། ། མཚན་དཔེ་གསལ་རྫོགས་ཀྱི་སྤྲུལ་སྐུ་དམ་པ། །སྙན་རྒྱུད་མཐུན་སྣང་ལ་འདྲེན་པའི་དེད་དཔོན། །ལྷ་ཡི་ལྷ་མཆོག་གི་ལྷག་བསམ་དྲི་མེད། །དབྱངས་གསལ་རྣམ་དག་གི་རྟེན་འབྲེལ་འགྲིག་སོང་། ། སྟོང་རྐྱང་མེད་དགག་ལ་ཞེན་ཆགས་མ་བྱས། །སྦྱོར་དྲུག་རྫོགས་རིམ་ལ་གོམས་པ་མེད་ཀྱང་། །ཕྱི་ནང་གཞན་གསུམ་གྱི་ཀ་ལ་ཙཀྲ། །རང་བྱུང་རིག་པ་ཡི་རྒྱན་དུ་ཤར་འདུག །གབ་སྦས་གསང་བ་ལ་རེ་དྭོགས་མི་དགོས། །དད་བརྩོན་ཤེས་ལྡན་གྱི་སྐལ་བཟང་སྐྱེས་བུ། །གློག་ཀླད་རྩིས་འཕྲུལ་ལས་བརྡ་དོན་སྨིན་གྲོལ། །དྲི་མེད་ལྷག་བསམ་ལ་སྒེག་མོའི་མེ་ལོང་། །གདོད་མའི་མགོན་པོ་ཡི་ཀུན་བཟང་བླ་མར། །མཉམ་ཉིད་ཆོས་སྐུ་རུ་མོས་གུས་འཁྲུངས་ན། །དགོངས་བརྒྱུད་རིག་རྩལ་གྱི་དབང་ཆེན་ཐོབ་ཡོང་། །བརྡ་དོན་རྟགས་གསུམ་གྱི་གོ་མྱོང་རྟོགས་པར། །ཡེ་གྲོལ་མན་ངག་གི་གནད་གསང་མཁྱེན་ན། །ཞི་ལྷག་རྐྱང་དེད་ཀྱི་རྩལ་སྒྲུབ་མི་དགོས། །སངས་རྒྱས་ཕྱག་འཆང་འདི་ཙིཏྟ་མ་ཎི། །ཀུན་མཁྱེན་ཡབ་སྲས་དང་ཀླུ་སྒྲུབ་ཟླ་གྲགས། །འདྲ་འབག་བསྟན་བཅོས་ལས་ཆོས་རྒྱུད་འཛིན་བཞིན། །མིག་མཐོང་ལག་ཟིན་ཞིག་དངོས་སུ་མི་དགོས། །རྩ་གསུམ་རྒྱ་མཚོ་ལ་ཉེ་རིང་མི་འདུག ། སྣང་སྲིད་ཅོག་བཞག་གི་མཐོང་རྒྱ་ཆེན་པོ། །རྒྱ་མཚོ་ཅོག་བཞག་གི་ལྷག་བསམ་དྲི་མེད། །བྱང་ཆུབ་ཅོག་བཞག་གི་ཕྱིན་དྲུག་ལྡན་ན། །རིག་པ་ཅོག་བཞག་འདི་གཉུག་ཐིག་དཀར་པོ། །སྣང་སྟོང་དབུ་མ་ལ་ཕྱོགས་ལྷུང་མི་འདུག །བདེ་སྟོང་ཕྱག་རྒྱ་ལ་གསལ་སྒྲིབ་མི་འདུག །རིག་སྟོང་ཡེ་ཤེས་འདི་རང་ངོ་ཤེས་ན། །མ་འདྲིས་ལྷན་སྐྱེས་ཀྱི་སྙིང་གྲོགས་དམ་པ། །ཉི་ཟླ་གཟའ་སྐར་གྱི་འོད་སྣང་ཇི་བཞིན། །ཕྱག་རྫོགས་དབུ་མ་ལ་གསལ་རྒྱས་རྫོགས་ཚུལ། །ལྟ་སྒོམ་སྤྱོད་འབྲས་ཀྱི་གནད་འགག་རྟོགས་ན། །རིས་མེད་བསྟན་འཛིན་ཞེས་བཏགས་ན་ཆོག་གི །གསང་ཆེན་ཐབས་མཆོག་གི་འོད་སྟོང་བདག་པོ། །དམུས་ལོང་འབྱུང་བྱ་ལ་སྣང་བ་མེད་པ། །ཐ་སྙད་ཀུན་རྫོབ་ཀྱི་སྣང་ཚུལ་ཚད་མ། །ཕྱོགས་དུས་རྒྱལ་ཀུན་གྱིས་ཕྱག་གིས་མི་སེལ། །དཔལ་ལྡན་ཚོགས་གཉིས་ཀྱི་ཤིང་རྟའི་འཁོར་ལོ། །དུས་གསུམ་དུས་མེད་དུ་བསྐོར་བ་ཡིན་ན། །བོད་བརྒྱུད་བཀའ་གཏེར་གྱི་ཀ་ལ་ཙཀྲ། །གཉུག་མའི་ཡེ་ཤེས་ཉིད་འདི་ཀ་ལགས་སོ། །ལྷག་བསམ་ཁ་ཁྱེར་གྱིས་བན་བོན་རིས་མེད། །བརྩེ་གདུང་ཁ་ཁྱེར་གྱིས་གྲུབ་མཐའ་ཁྱད་མེད། །ལ་རྒྱ་ཁ་ཁྱེར་གྱིས་དགེ་མེད་སྡིག་མེད། །ཐུབ་བསྟན་ཆོམ་རྐུན་ཚོར་ཞེན་པ་ལོག་ཐལ། ། རྨི་ལམ་ལུང་བསྟན་ལ་ཡིད་ཆེས་ཡོད་ན། །ཞི་བདེའི་ཉི་མ་ཞིག་འཆར་རྒྱུ་ཡོད་ཀྱང་། །རྒྱུ་མེད་ས་བོན་ལས་འབྲས་བུ་མི་འབྱུང་། ། དོན་མེད་རེ་དྭོགས་ཀྱིས་སེམས་ལ་མི་ཕན། །རྩ་གསུམ་ཆོས་སྐྱོང་ལ་མི་ཕྱེད་དད་འདུན། །མཆོག་གསུམ་རྒྱལ་བ་ལ་སྐྱབས་འགྲོ་བྱས་ནས། །བསྟན་དགྲའི་ཆོམ་རྐུན་ལས་རྣམ་པར་རྒྱལ་ན། །རྒྱ་བོད་ཞི་བདེ་ཡི་དགའ་སྟོན་ཚེས་ཡོང་། །གཞོན་ནུ་དོན་གྲུབ་ཀྱིས་བསྐལ་ཆེན་གྲངས་མེད། །ལྷག་བསམ་རྒྱ་མཚོ་ལས་བྱང་ཆུབ་ཐོབ་པ། །དྲི་མེད་ལུང་རིགས་ཀྱིས་གྲུབ་པ་མིན་ནམ། །ལས་ངན་བསླུ་ཆོས་ཞིག་གཏན་ནས་མ་རེད། །ཐུགས་དམ་ཀུན་གཙང་གི་རྡོ་རྗེའི་མཆེད་པོ། །མཆོད་མེའི་མེ་འོད་དང་སྡོང་བུ་ཇི་བཞིན། །མི་འབྲལ་འགྲོགས་ཆོག་གི་ལྷག་བསམ་དྲི་མེད། །ཐུབ་བསྟན་རྩ་ལག་གི་ཕྱག་མཆོད་མཐར་ཐུག །ལྷ་མེད་ཆོས་མེད་ལ་ཆོས་ཀྱི་མཛད་སྒོ། །ཆོས་མཆེད་ནང་འཁྲུག་ལ་ཆོས་མཐུན་སྨྲ་བ། །མཆོད་འོས་བསླུ་བ་ཚོ་གྲལ་མགོར་བཞག་ན། །བསྟན་པ་ཉམས་རྟགས་ཀྱི་རྟེན་འབྲེལ་མིན་ནམ། །བདེན་ཚིག་རྡོ་རྗེ་ཡི་བརྡ་གླུའི་ཕྱག་རྒྱ། །བདེན་རྫུན་མི་ཤེས་པའི་ཁྲམ་པའི་དོ་རར། །བདེན་ཆེན་སྡུག་སྦྱར་གྱི་དམོད་ངན་གཟིགས་དང་། །བདེན་པ་རིན་ཆེན་ང་ཐབས་ཤེས་ཟད་ཐལ། །ཞི་བའི་སྨན་མཆོག་གི་བདུད་རྩི་ཆར་བཟང་། །པདྨ་གེ་སར་ལ་སྦྲང་ཆར་ཟིལ་མ། །ས་བོན་ཞིང་ས་རུ་གནམ་ལྕགས་སེར་བ། །དགྲ་གྲོགས་ངེས་མེད་ཀྱིས་ཁ་མཆུ་བརྡོལ་འདུག ། མ་ལུས་འགྲོ་བ་རྣམས་བདེ་ཐབས་བསམ་པ། །མ་བཅོས་སེམས་བསྐྱེད་དེ་སྙིང་གི་དམ་ཚིག །མ་གཟའ་དམ་གསུམ་གྱིས་དགོངས་པར་ངེས་པས། །མ་དག་འཁོར་བ་འདི་ད་ལྟ་སྒྲོལ་ཅིག །གཤིན་ཐང་སྐྱ་མོ་ལྟར་མུན་མཐའ་འདི་ནས། །ཡིད་མཐུན་སྙིང་གྲོགས་ཀྱི་ལྷག་བསམ་དྲི་མེད། །ཕྱི་ནང་ཀུན་གསལ་གྱི་དུས་མེའི་འོད་སྣང་། །མཇལ་བར་སྐལ་བཟང་གི་དགའ་སྤྲོ་བརྟས་ཡོད། །དོན་མེད་ཚིག་སྟོང་གིས་ཨུ་ཚུགས་མིན་པར། ། །བསྟན་འགྲོའི་དོན་ཆེན་ལ་སྨོན་འདུན་བདེན་ཚིག །རྩ་གསུམ་རྒྱལ་ཀུན་ལ་དབྱིངས་ནས་བསྐུལ་བས། །འབད་མེད་ལྷུན་གྲུབ་ཏུ་བྱིན་རླབས་སྩོལ་ཅིག ། ཅེས་པའང་ཡིད་མཐུན་སྙིང་གི་གྲོགས་པོ་ལྷག་བསམ་དྲི་མེད་ཀྱི་སྟོང་འཇུག་དུས་མེའི་འོད་སྣང་གི་ཚ་ཟེར་ལས་ཐོལ་བྱུང་དུ་བྱང་སེམས་བདུད་རྩིའི་ཐིག་པ་འདི་ཉིད་ཤྲྰི་ཨ་ནནྟ་བཛྲའི་དུང་ཁུངས་ཡིད་ཀྱི་ཆུ་འཛིན་འཁྲིགས་པའི་ལྡིང་ཁང་ནས་འཇོ་བ་དག་སུག་ལས་སུ་བགྱིས་པ་དགེའོ། །
ཨ་རོ་ཀླུ་སྨྱོན་གྱི་ཧེ་རུ་ཀ་པ། །ཨ་ལགས་དག་མ་ཡི་ལུས་རྟེན་ཡོད་ན། །ཨ་ལན་ཐང་གཅིག་ནི་སྟེར་ཚོད་མིན་ནམ། །
ཀླུ་སྨྱོན་ཚང་ས་སྐྱའི་ཆོས་ཚོགས་ཁང་དུ་ཆོས་འཁོར་བསྐོར་བའི་གནས་ཚུལ་ཐོན་བཞག །དགྱེས་རྡོར་མཁན་ཆེན་ཐུགས་ཁྲལ་མ་གནང་དང་། དེ་སྔོན་ཡན་ཆོད་ལ་ས་སྐྱ་ཚང་གི་གྲྭ་ལོག་དེ་ལ་གསེར་རྟ་མཁན་པོ་འཇིགས་མེད་ཕུན་ཚོགས་འཁྲུངས་ཀྱི་རེད་ལབ་ནས་འུར་བརྒྱབས་སོང་། ད་ཡིན་ན་སྟབས་མ་ལེགས་པ་ཞིག་ལ་བུ་མོ་གཉིས་སྐྱེས་བཞག ལམ་སང་བསྲིང་ལོག་པ་ལྟར་ངོ་ཚ་སྐྱེ་ནས་ཡེ་ཤེས་སྤྲུལ་སྐུ་ཟེར་བ་ཚོས་ཡག་བརྗོད་ཀྱིས་གསེར་རྟ་འཇིགས་མེད་ཕུན་ཚོགས་ཀྱི་ཡུམ་མཁའ་འགྲོ་མ་ཏཱ་རེ་ལྷ་མོ་རེད་ཟེར་ཀི་འདུག   ཁྲི་འདོན་ཡང་ཧ ཧ ཧ ཧ་ཧོ་་་་་
གངས་ལྗོངས་བསྟན་སྲིད་ཉི་ཟླའི་མཁས་གྲུབ་དག་གཤེགས་ཤུལ། །
གངས་ཅན་དཀར་པོའི་ཞིང་ཁམས་མུན་ནག་ཏུ་གྱུར་འདུག །
རྒྱ་ཡི་ནང་ཆོས་ཏོ་ལ་འཁྲུག་རྩོད་དག་མེད་པས། །
བོད་ཀྱི་བན་དང་བོན་ཡང་དེ་བཞིན་དུ་ཤེས་ན། །
ཕུ་ནུས་ཁ་རྩོད་འཁོན་འཛིང་དགོས་ས་ཞིག་མ་རེད། ། 
 མ་ཚར།
·རྩོམ་ཡིག་གོང་མ:ཀླུ་སྨྱོན་གླུ་བསྐུལ་རྡོ་རྗེའི་ཐོལ་གླུའི་མཆན་ཟིན།༡
·རྩོམ་ཡིག་འོག་མ:འདི་ཐོལ་གླུའི་མཇུག་བྱང་ཡིན།༣
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·ཀླུ་སྨྱོན་གླུ་བསྐུལ་རྡོ་རྗེའི་ཐོལ་གླུའི་མཆན་ཟིན།༡ 2011/5/26 17:58:37
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 6:20:54 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 8:50:41 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 13:10:03 [来自: 112.5.248.229]

འབྲེལ་ཡོད་དཔྱད་བརྗོད 55 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།39.06MS