༄༅། །སྐྱིད་གླུ་ཤར་གྲོལ་མ། །

ཨོྃ་ཨྰཿཧྰུྃ་ཧྲྰིཿ

སྤྱི་བོ་བདེ་ཆེན་ཞིང་ན། །

བླ་མ་ཡིད་བཞིན་ནོར་བུ། །

འབྲལ་མེད་རྟག་ཏུ་བཞུགས་པས། །

དྲན་ཤེས་བག་ཡོད་བརྟས་སོང་། །

 

མགྲིན་པ་ལོངས་སྤྱོད་འཁོར་ལོར། །

ཡི་དམ་འཇམ་དཔལ་ཡབ་ཡུམ། །

སྨྲ་བའི་དཔལ་དུ་དགྱེས་པས། །

ཚངས་དབྱངས་ངག་ལ་འབྱོར་སོང་། །

 

སྙིང་ཁ་ཆོས་ཀྱི་དཀྱིལ་འཁོར། །

སྐུ་གསུམ་རྒྱལ་བའི་མཁའ་འགྲོ། །

བདེ་ཆེན་ཁབ་ཏུ་སོན་པས། །

ཕྱག་རྒྱའི་དངོས་གྲུབ་ཐོབ་སོང་། །

 

ལྟེ་བ་སྤྲུལ་བའི་གླིང་ནས། །

ཆོས་སྐྱོང་དཔའ་བོ་དཔའ་མོ། །

བསྟན་སྲུང་ལས་ལ་ཆས་པས། །

གང་བསམ་ལྷུན་གྱིས་གྲུབ་སོང་། །

 

འདི་ཕྱི་བར་དོའི་སྣང་བར། །

ཐབས་ཤེས་རིག་པའི་མེ་ལོང་། །

མཆོག་ཐུན་ཕྲིན་ལས་ཕོ་ཉ། །

སེམས་ཉིད་འདི་ལ་རྫོགས་སོང་། །