ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ངག་རིག་འདོད་འཇོ། >> ལེཊ་རྩོམ།
 རྩོམ་ཡིག་ཀློག་པ།

རྗེ་བཙུན་རྡོ་རྗེ་རྣལ་འབྱོར་མ་ལ་བརྟེན་པའི་སྨོན་ལམ།

  རྩོམ་པ་པོ:ཚར་ཆེན་བློ་གསལ་རྒྱ་མཚོ།ཡོང་ཁུངས:མི་གསལ།གཟིགས་གྲངས:1677ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2011/7/12 16:12:41ཚོགས་ཡར་སྤྲོད:admin
རྗེ་བཙུན་རྡོ་རྗེ་རྣལ་འབྱོར་མ་ལ་བརྟེན་པའི་སྨོན་ལམ་དལ་འབྱོར་གྲུ་ཆེན་ཞེས་བྱ་བ་བཞུགས་སོ།
 
རྩོམ་པ་པོ།   ཚར་ཆེན་བློ་གསལ་རྒྱ་མཚོ།
༄༅།   །སྨོན་ལམ་དལ་འབྱོར་གྲུ་ཆེན་ནི།   །དལ་འབྱོར་གྲུ་ཆེན་མི་རྟག་དྲན་པ་ཡི།   །བ་དན་དཀར་པོ་བསྐྱོད་པའི་ལས་འབྲས་ཀྱི།   །བླང་དོར་མཐུན་པའི་རླུང་གིས་རབ་སྐུལ་ནས།   ། འཇིགས་རུང་འཁོར་བའི་མཚོ་ལས་སྒྲོལ་བར་ཤོག །  བསླུ་མེད་སྐྱབས་མཆོག་གཙུག་གི་ནོར་བུ་བསྟེན།   །སེམས་གྱུར་འགྲོ་བའི་དོན་ཆེན་སྙིང་ལ་ཞུགས་།   །རྡོར་སེམས་བདུད་རྩིས་ཉེས་པའི་དྲི་མ་འཁྲུད།   །རྗེ་བཙུན་བླ་མའི་ཐུགས་རྗེས་སྐྱོང་བར་ཤོག།  ཡིད་འོང་རྒྱལ་ཡུམ་ཕྱི་ཡི་རྣལ་འབྱོར་མ།   ། བཾ་ཡིག་ནང་གི་རྡོ་རྗེ་བཙུན་མོ་མཆོག   །མས་ཉིད་སྟོང་གསལ་གསང་བའི་མཁའ་སྤྱོད་ཡུམ།   །རང་ཞལ་མཐོང་ནས་རྩེ་དགས་རོལ་བར་ཤོག།  སྣོད་ཀྱི་འཇིགས་རྟེན་ཨེ་ཡིག་གཞལ་ཡས་ཁང་།   །བཅུད་ཀྱི་སེམས་ཅན་བཾ་ཡིག་རྣལ་འབྱོར་མ།   །ཟུང་འཇུག་བདེ་བ་ཆེན་པོའི་ཏིང་འཛིན་གྱིས།   །ཅིར་སྣང་དག་པའི་སྣང་བ་འཆར་བར་ཤོག  དེ་ལྟར་ཕྱོགས་དང་ཟླ་བའི་རྣལ་འབྱོར་གྱིས།   ། ནམ་ཞིག་དུས་ན་དགའ་མ་བྱི་རུའི་མདོག།  ལི་ཁྲིའི་སྐྲ་ཁྲོལ་དམར་སེར་མིག་གཡོ་བས།   །མངོན་སུམ་རིགས་འཛིན་གྲོང་དུ་འཁྲིད་པར་ཤོག།  སིན་ངྷུར་ལངྐ་ལི་ཡི་སྡོང་བུར་བཅས།   །རོ་ལྡན་གནས་སུ་བསྒྲུབ་ཅིང་ཡུལ་ཀུན་ཏུ།   །མྱུལ་པས་གང་གི་མཛོད་སྤུར་འཁྱུལ་རིས་ཅན།   ། འཕོས་པའི་མཛེས་མས་མཁའ་སྤྱོད་འཁྲིད་པར་ཤོག   །ནང་གི་ཕག་མོས་གཟུང་འཛིན་འཁྲི་ཤིང་བཅོམ།   །མཆོག་གི་ཏཱིར་ཞུགས་པའི་གར་མཁན་མ།   །ཚངས་བུག་སྒོ་ནས་སྤྲིན་ལམ་དབྱིངས་སུ་ཐོན།   །ཁྲག་འཐུང་དཔའ་བོར་འཁྱུད་ཅིང་རོལ་བར་ཤོག    །ལྟེ་བའི་བདྨོར་རླུང་ལྔའི་ཏི་ལཀ   །རྩེ་གཅིག་བསྒོམ་པའི་ཁ་སྦྱོར་རྣལ་འབྱོར་གྱིས།   །ལུས་སེམས་རྩལ་དྲི་གཞོན་ཞུགས་པ་ཡི།   །བདེ་བ་མཆོག་གིས་བདག་རྒྱུད་ཚིམས་པར་ཤོག།  ཐ་མལ་འོད་ཀྱི་གཏུམ་མོ་མཛེས་ལྡན་མ།   །ངྷཱུ་ཏཱིའི་འཛུམ་དཀར་བཞད་པའི་རོལ་རྩེར་གྱིས།   །ཧཾ་ཡིག་གཞོན་ནུར་ཡོངས་སུ་མཉེས་བྱས་ནས།   །ཟུང་འཇུག་བདེ་བ་ཆེན་པོའི་ས་ཐོབ་ཤོག    །སྐྱེ་འགག་གནས་གསུམ་བྲལ་བ་གདོད་མའི་གཤིས།   །སྟོང་གསལ་བརྗོད་དུ་མེད་པ་གཉུག་མའི་ངང་།   །ཟུང་འཇུག་བློ་འདས་རང་སེམས་རྣལ་འབྱོར་མ།   །རང་ངོ་ཤེས་ནས་རྟག་ཏུ་སྐྱོང་བར་ཤོག   །རྩ་རླུང་ཐིག་ལེ་ཨེ་ཝྃདབྱིངས་སུ་ཐིམ།   །སེམས་ཉིད་བདེ་ཆེན་ཆོས་སྐུའི་དཔལ་ཐོབ་ནས།   ། བགྲང་ཡས་གཟུགས་སྐུའི་རྣམ་རོལ་གྲངས་མེད་ཀྱིས།   །ནམ་མཁའི་མཐའ་ཀླས་འགྲོ་འདི་སྐྱོང་བར་ཤོག།  ཞེས་ཚར་ཆེན་གྱིས་གསུངས་སོ།   །༈ །   །མཁའ་སྤྱོད་ཞལ་བཟང་བལྟ་བའི་སྨོན་ལམ་ཞེས་བྱ་བ་བཞུགས་སོ།   མཐའ་ཡས་རྒྱལ་བའི་བདེ་སྟོད་ཟློས་གར་ནི།   །སྲིད་ཞིའི་མིག་འཕྲུལ་ཅིར་ཡང་འཆར་བ་ལས།   །དེང་འདིར་མཁའ་སྤྱོད་དཔའ་མོའི་ཡིད་འོང་མ།   །སྙིང་ནས་དྲན་ནོ་འཁྱུད་པའི་རྩེ་དགས་སྐྱོང་།   །འོག་མིན་ཞིང་ན་ལྷན་སྐྱེས་རྒྱལ་ཡུམ་མ།   །ཉེར་བཞིའི་ཡུལ་ན་ཞིང་སྐྱེས་ཊཱ་ཀི་མ།   །ནོར་འཛིན་ཁྱབ་པའི་ཀརྨ་མུ་ཏྲ་མ།   །རྣལ་འབྱོར་བདག་གི་སྐྱབས་མཆོག་རྗེ་བཙུམ་མ།   ། ཁྱོད་ནི་སེམས་ཉིད་སྟོང་པའི་རང་རྩལ་སྟེ།   །རྡོ་རྗེ་གྲོང་ནས་ཨེ་དབྱིབས་བཾ་གྱི་དངོས།   །སྒྱུ་མའི་གླིང་ན་འཇིགས་རུང་སྲིན་མོ་དང་།   །འཛུམ་དཀར་གཡོ་བའི་ལང་ཚོ་གསར་བའང་སྟོན།   །བདག་གིས་ཇི་ལྟར་བཙལ་ཀྱང་འཕགས་མ་ཁྱོད།   །བདེན་པར་གྲུབ་པའི་ངེས་པ་མ་རྙེད་ནས།   །སྤྲོས་པའི་དུབ་པའི་སེམས་ཀྱི་གཞོན་ནུ་དེ།   །བརྗོད་བྲལ་ནགས་གྱི་ཁང་བར་ངལ་གསོ་རྟེན།   །ཨེ་མ་དེ་ནི་ཊ་ཀི་དབྱིབས་ནས་བཞེངས།   ། ཧེ་རུ་ཀ་དཔལ་རྒྱུད་ཀྱི་རྒྱལ་པོ་ལས།   །རྡོ་རྗེ་བཙུན་མོའི་ཉེ་བའི་སྙིང་བོ་མཆོག།  ཀླག་པས་འགྲུབ་ཅིང་གསུང་པའི་བདེན་པའི་སྐྱོང་།   །ཨོ་ཊཱི་བི་ཤ་པས་མཐའི་ནགས་ཁྲོད་དུ།   །གྲུབ་པའི་དབང་ཕྱུག་རྗེ་བཙུན་དྲིལ་བུ་བ།   །འཁྱུད་དང་རྩུམ་བྷའི་བདེ་བས་ཉེར་བསྐྱངས་ཏེ།   །ཁ་སྦྱོར་མཆོག་གིས་རོལ་བཞིན་བདག་ཀྱང་སྐྱོངས།   །གངྒའི་གླིང་དུ་རྗེ་བཙུན་ཀུ་ས་ལི།   ། མངོན་སུམ་ནམ་མཁའི་དབྱིངས་སུ་འཁྲིད་པ་དང་།   །དཔལ་ལྡན་ནཱ་རོ་ཏ་པ་རྗེས་བཟུང་ལྟར།   ། བདག་ཀྱང་མཁའ་སྤྱོད་དགེ་བའི་གྲོང་དུ་འཁྲིད།   །འཕན་ཡུལ་ཨོ་ཧྲི་ཡ་ནའི་ཡུལ་ལྗོངས་སུ།   ། གྲུབ་དབང་ཚར་པ་ཆེན་པོ་རྗེས་བཟུང་ལྟར།   །བདག་ཀྱང་ཁྱོད་ལ་སྙིང་ནས་སྐྱབས་བཅོལ་ན།   །མཁའ་སྤྱོད་དགེ་བའི་གྲོང་དེར་མྱུར་དུ་འཁྲིད།   །གཞན་ཡང་མཁྱེན་བརྩེའི་དབང་ཕྱུག་ནས་བཟུང་སྟེ།   ། ཁྱབ་བདག་བཀའ་དྲིན་མཚུངས་མེད་བླ་མའི་བར།   །མཁས་དང་གྲུབ་པའི་ཚོགས་རྣམས་རྗེས་བཟུང་ལྟར།   །བདག་ཀྱང་མཁའ་སྤྱོད་དགེ་བའི་གྲོང་དུ་ཁྲིད།   །རྩ་རྒྱུད་བླ་མ་མཆོག་གི་ཐུགས་རྗེ་དང་།   ། རྒྱུད་ཆེན་གསང་མཐའི་མྱུར་ལམ་ཟབ་ཁྱབ་དང་།   །རྣལ་འབྱོར་བདག་གི་ལྷག་བསམ་དག་པའི་མཐུས།   །མཁའ་སྤྱོད་དཔའ་མོའི་འཛུམ་ཞལ་མྱུར་མཐོང་ཤོག   །ཅེས་པ་འདི་ནི་རྡོ་རྗེ་འཆང་ཚར་ཆེན་གྱི་རྗེ་བཙུན་རྣལ་འབྱོར་མའི་ཞལ་གཟིགས་དུས་སུ་མཛད་པ་ཞལ་བཟང་བལྟ་བའི་སྨོན་ལམ་བྱིན་རླབས་ཤིན་ཏུ་ཆེ་བ་ཡིན་པས་འདིའི་སྒོ་ནས་གསོལ་བ་ཤུགས་དྲག་ཏུ་བཏབ་བོ།   །   །བསྐྱེད་རིམ་ཟབ་མོའི་མཁའ་སྤྱོད་རྣལ་འབྱོར་དང་།   །རྫོགས་རིམ་དབུ་མའི་རྣལ་འབྱོར་སྒོམ་པའི་མཐུས།   །བདེ་ཆེན་ལྷན་སྐྱེས་ཡེ་ཤེས་སྐྱེ་བ་དང་།   །མཁའ་སྤྱོད་གོ་འཕང་ཐོབ་པར་བྱིན་གྱིས་རློབས།   །ཁ་བསྐང་འདི་ཡང་ཚར་ཆེན་གྱི་གསུངས། ། 
·རྩོམ་ཡིག་གོང་མ:ཨ་མ་ངོ་ཤེས་ཀྱི་བརྫུན་ཚིག་བྲག་ཆའི་སྒྲ་དབྱངས།
·རྩོམ་ཡིག་འོག་མ:ཞུ་འཕྲིན་ཕོ་ཉ་གཞོན་ནུ་དོན་གྲུབ།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
འབྲེལ་ཡོད་རྩོམ་ཡིག་མི་འདུག
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 12:40:32 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 16:28:03 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/17 0:57:04 [来自: 112.5.248.229]

འབྲེལ་ཡོད་དཔྱད་བརྗོད 46 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།39.06MS