ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་འདུ་ར། >> དུས་གཏམ་མྱོང་གླེང་།
 རྩོམ་ཡིག་ཀློག་པ།

ཇེ་མང་ཇེ་ཉུང་།

  རྩོམ་པ་པོ:བསེ་རུ།ཡོང་ཁུངས:ངེད་གཟིགས་གྲངས:1563ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2012/8/1 16:19:55ཚོགས་ཡར་སྤྲོད:admin
ཇེ་མང་ཇེ་ཉུང་།
 
 
བསེ་རུ།
 
ངག་གི་ལྷ་མོ་དབྱངས་ཅན་མ་ལ་ཕྱག་འཚལ་ལོ།།
སེམས་ལ་བསམ་ཚད་ཁ་ནས་འདོན་པ་དང་།།
ཁ་ནས་དོན་ཚད་ལག་གིས་བྲིས་པ་རྣམས།།
ཡིག་ནོར་སྟར་ཕྲེང་བསྒྲིགས་ཏེ་སྡེབ་མཁན་རིཊ།
རྩོམ་པ་པོ་རུ་རློམ་མཁན་ཇེ་མང་རེད།།
སེམས་ཀྱི་འཆར་སྒོ་འཚོ་བའི་ཉམས་མྱོང་རྣམས།།
ལྷན་ཅིག་བསྡེབས་ཏེ་སྤྱི་ཚོགས་ཕན་བདེའི་ཆེད།།
གོ་བདེ་དོན་ཟབ་རྩོམ་ལུས་འདྲ་མིན་གྱི།།
སྣ་ཚོགས་རྩོམ་རིགས་སྤེལ་མཁན་ཇེ་ཉུང་རེད།།
མཐོ་ལ་འཕྱ་སྨོད་དམའ་ལ་གཤེ་སྐུར་བྱེད།།
ཆོས་ལ་ལོག་མཐོང་སྲིད་ལ་འགྲེལ་ལོག་བྱེད།།
རང་ཕྱོགས་ལྷ་དང་གཞན་ཕྱོགས་འདྲེ་རུ་ལྟ།།
བདུད་ཀྱི་རལ་གྲིར་སྒྱུར་མཁན་ཇེ་མང་རེད།།
བྱས་པ་དྲིན་གཟོ་མཁས་པ་གོང་དུ་བཀུར།།
ཆོས་ཤེས་སྲིད་རྟོགས་སྤྱི་ཚོགས་དགེ་སྐྱོན་གླེང་།།
རང་གཞན་ཀུན་ཕན་སྣ་ཚོགས་བྱ་གཞག་གཉེར།།
གདོང་མཆོངས་དཔའ་བོའི་རྗེས་འགྲོ་ཇེ་ཉུང་རེད།།
གཞན་ལ་མཚོན་ཆ་འཕེན་པར་ཤིན་ཏུ་མཁས།།
རང་ལ་གོ་ཁྲབ་གྱོན་པར་དེ་བས་མཁས།།
རང་གཞན་ཕུང་ལ་སྦྱོར་བྱེད་དམག་དཔོན་རིགས།།
རྩོམ་པ་པོ་རུ་རློམ་མཁན་ཇེ་མང་རེད།།
མཁས་མང་གཤེགས་པའི་ཤུལ་ན་སྤྲོ་བས་འཇུག།
བཀའ་བསྟན་གཞུང་ལུགས་སྦྱོང་བར་བརྟུན་པ་བསྐྱེད།།
ཕྱི་ནང་རིག་གཞུང་ལྟ་བའི་བློ་མིག་བསྲིང་།།
རྣམ་དཔྱོད་ལང་ཚོ་དར་བ་ཇེ་ཉུང་རེད།།
གོ་ལོ་ཐོས་ལོས་བློ་ཡིད་ཚིམས་པ་དང་།།
འབྲི་ཀློག་ཁྱར་ཁྱོར་ཙམ་གྱིས་རང་སེམས་གསོ།།
རང་གི་ངོམ་རྒྱུ་གཞན་ལ་སྟོན་རྒྱུའི་འབག།
ཕྱི་རྫིག་ཁོག་སྟོང་གྱོན་མཁན་ཇེ་མང་རེད།།
ཕ་མེས་རིགས་གཞུང་སྙིང་གི་ཟུངས་སུ་སྨིན།།
དེང་རབས་རིག་གསར་ཕྱི་ཡི་རྒྱན་དུ་བསུ།།
གནའ་དེང་ཟུང་འབྲེལ་དུས་རབས་ལང་ཚོ་ཡི།།
སྒེག་ཉམས་ངོམ་མཁན་གླིང་འདིར་ཇེ་ཉུང་རེད།།
ཁྱོད་ཀྱིས་དབྱིན་ཡིག་སྦྱོང་གིན་རང་ལམ་འཚོལ།།
ང་ཡིས་རྒྱ་ཡིག་སྦྱོང་གིན་ཁ་ལྟོ་གསོ།།
ཁོང་གིས་ཧྤ་ཡིག་སྦྱོང་གིན་ངོམ་སོ་བྱེད།།
སྐད་ཡིག་སྣ་ཚོགས་སྦྱོང་མཁན་ཇེ་མང་རེད།།
བོད་སྐད་བོད་ཡིག་གླེང་གིན་འུར་སྒྲ་སྒྲོག།
བོད་དོན་བོད་སྐོར་སྒྲུབ་ཀྱིན་འདུར་རྒྱུག་བྱེད།།
བོད་མིས་བོད་མིར་འཕྱ་གིན་ལོ་ཟླ་སྦྲེལ།།
བོད་པ་བོད་ལ་ཞེན་མཁན་ཇེ་ཉུང་རེད།།
ཕྱོགས་བཞིར་ཚོགས་པ་ཆེ་མ་ཆུང་གསུམ་མང་།།
སྤྱི་དོན་སྒེར་དོན་སྒྲུབ་མཁན་ཤིན་ཏུ་མང་།།
འཛམ་གླིང་ཕྱོགས་བཅུར་ལག་པ་སྲིང་མཁན་མང་།།
དོན་དམ་རྩ་དོན་སྒྲུབ་མཁན་ཇེ་ཉུང་རེད།།
གཞིས་ཆགས་སློབ་གྲྭ་དགོན་སྡེ་ཤིན་ཏུ་མང་།།
ཞིང་ལས་སློབ་གཉེར་བྱ་བར་གཞོལ་མཁན་ཉུང་།།
རེ་བའི་འདུན་པ་སྲིད་པའི་རྩེ་མོར་བསྙེགས།།
དོན་གྱི་འབྲས་བུས་སྟོངས་པ་ཇེ་མང་རེད།།
ཡུལ་གྱར་ལས་དབང་ལོ་ཟླ་ཤིན་ཏུ་རིང་།།
བདེན་དོན་འཐབ་རྩོད་དབུགས་ཐག་ཤིན་ཏུ་ཐུང་།།
རིང་ཐུང་འགལ་ཟླ་མང་བའི་མེ་ལོང་ནང་།།
སེམས་ལ་བདེ་སྐྱིད་ཚོར་མཁན་ཇེ་ཉུང་རེད།།
ས་མཐའི་མགྲོན་པོ་ནུབ་ལ་འཚང་ཁ་ཆེ།།
ནུབ་ཀྱི་གཡོག་པོ་བོད་ལ་འཚང་ཁ་ཆེ།།
མགྲོན་པོ་གཡོག་པོ་རྒྱུ་ལ་འཚང་ཁ་ཆེ།།
འཚང་ཁ་ཆེ་བའི་གཏམ་རྒྱུད་ཇེ་མང་རེད།།
རིགས་པའི་བློ་མིག་ཞར་བ་གཅིག་གཉིས་མིན།།
ལྷག་བསམ་སོལ་བར་བསྒྱུར་བ་གཅིག་གཉིས་མིན།།
སེམས་ཤུགས་དར་ཁ་འགྲིགས་པའང་གཅིག་གཉིས་མིན།།
ལྷད་མེད་རྩམ་གཟན་གདོང་དམར་ཇེ་ཉུང་རེད།།
རང་གི་གཏམ་སྙན་སྟོང་གསུམ་ཁྱོན་དུ་སྒྲོག།
གཞན་གྱི་མཚང་རྡུལ་རི་རབ་ཟོལ་དུ་བཅོས།།
རང་ལྟ་མཆོག་འཛིན་ལྟ་བའི་སྲོག་ཏུ་གཅེས།།
དཔྱོད་ཤེས་བློ་མིག་བྲལ་བ་ཇེ་མང་རེད།།
ཕ་ཡུལ་ཕ་མའི་བཀའ་དྲིན་སྙིང་ནས་དྲན།།
ཕ་མེས་ཕ་སའི་ལོ་རྒྱུས་མིག་ལ་འཆར།།
ཕ་རྒོད་ཕ་མའི་ཞལ་ལུང་སེམས་ལ་ཉར།།
ཕ་ཡུལ་ཕ་མ་བསམ་ན་རིག་པ་སྒྲིམས།།
ཇེ་མང་ཇེ་ཉུང་གཏམ་རྒྱུད་ཐར་ཐོར་རྣམས།།
གོ་ལའི་རྣ་བས་ཐོས་ཤིང་མིག་གིས་རིག།
སེམས་ཀྱིས་བསམ་རྗེས་སེམས་ཀྱིས་ལེགས་པར་སོམས།།
སེམས་ངོ་འཕྲོད་རྗེས་སྙིང་གར་དོགས་ཟོན་མཛོད།།
ང་ཡི་བསམ་གཞིགས་ཀློང་ནས་ཐོལ་གྱིས་བྱུང་།།
ཁྱེད་ཀྱི་སྤྱན་ཟུང་སྤྱི་ཚོགས་སྟེང་དུ་གཟིགས།།
ཁོང་གིས་བསམ་ཚེ་དུས་གསུམ་ལུང་བསྟན་ཡིན།།
བསེ་རུ་སྨྱོ་བའི་སྨྱོ་གཏམ་ཡིན་མིན་གཟིགས།།
·རྩོམ་ཡིག་གོང་མ:སྙན་ངག་སྤྲིན་གྱི་ཕོ་ཉ།
·རྩོམ་ཡིག་འོག་མ:གངས་ལྗོངས་ངའི་ཕ་ཡུལ།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·འགོ་ཁྲིད་དང་དཔོན་པོ་མ་ནོར་ཅིག 2016/9/30 16:16:26
·ཀུན་མཁྱེན་ཇོ་ནང་པ་ཆེན་པོའི་བསྟན་པ་རྒྱས་པའི་སྨོན་ལམ། 2016/9/30 16:11:32
·སྐད་ཡིག་དང་ནང་ཆོས་གཅིག་ཏུ་འཁྲུལ་མི་ཉན། 2016/3/7 18:08:42
·རླབས་ཆེན་གྱི་བཞུད་ལམ། 2016/3/7 18:03:51
·སྙིང་གཏམ་བཅོ་ལྔ་པ། 2016/3/7 17:51:57
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 17:35:10 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 22:26:43 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/17 9:38:33 [来自: 112.5.248.229]

འབྲེལ་ཡོད་དཔྱད་བརྗོད 40 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།36.87MS