ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་འདུ་ར། >> དུས་གཏམ་མྱོང་གླེང་།
 རྩོམ་ཡིག་ཀློག་པ།

བོད་ཕྱི་ནང་གི་དྲ་འབུ་རྣམས་ལ་གདམས་པ་གསེར་རི་མ།

  རྩོམ་པ་པོ:སྣ་ཚོགས་གཟུགས་ཅན་ཡོང་ཁུངས:ངེད་དྲ་བ།གཟིགས་གྲངས:1647ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2013/7/18 11:38:29ཚོགས་ཡར་སྤྲོད:admin
༄༅༅༎ སློབ་དཔོན་སྣ་ཚོགས་གཟུགས་ཅན་གྱིས་བོད་ཕྱི་ནང་གི་དྲ་འབུ་རྣམས་ལ་གདམས་པ་
 
གསེར་རི་མ་བཞུགས་སོ༎

  ༡༽ བསམ་ནག་སྦྱོར་ནག་ཁ་ནག་ལག་ནག་ཅིང་༎ གྲིབ་མ་ནག་ཅིང་བྱེད་ལས་ནག་པ་ཡི༎ སྡིག་ཅན་དྲ་འབུའི་སྤྱོད་པ་རྒྱ་མཚོ་ལས༎ གཅེས་པར་བསྡུས་པའི་མདོ་འདི་བརྩེ་བས་གདམས༎ ༢༽ ཤཱཀ་ཐུབ་པད་འབྱུང་གཤེན་རབ་མི་བོ་སོགས༎ བན་བོན་སྟོན་པ་ཀུན་ལ་རྡོག་བརྫིས་ཐོངས༎ ས་དགེ་བཀའ་རྙིང་གཡུང་དྲུང་བོན་སོགས་ཀྱི༎ སྐྱེས་ཆེན་རྣམས་ལ་སྒྲོ་སྐུར་ཆར་དུ་ཕོབས༎ ༣༽ དོན་དག་ཡོད་མེད་ཀུན་ལ་ཇུས་གཏོགས་ཀྱིས༎ ཆ་རྒྱུས་ཡོད་མེད་ཀུན་ལ་ཟུར་ཟ་བྱོས༎ ཉམ་ཆུང་རི་བོང་བཞིན་དུ་ཙོག་ན་ཡང་༎ གླག་རྒོད་ལྟར་དུ་སྡེར་མོ་སྙིང་ལ་རྒྱོབས༎ ༤༽ འཚོ་བ་ཅུང་ཙམ་བཟང་བ་འགའ་མཐོང་ན༎ སྒོར་མོའི་རྗེས་ལ་རྒྱུགས་མཁན་ཟེར་ནས་སྨོད༎ གཞན་གྱིས་བརྩི་བཀུར་ཐོབ་པའི་མི་རྣམས་ལ༎ བླ་རྫུན་སྤྲུལ་རྫུན་ཟེར་ནས་དགྲ་བཞིན་བསྡིགས༎ ༥༽ རང་ལ་མ་ཐོབ་པ་ཞིག་གཞན་དག་ལ༎ ཐོབ་པར་མཐོང་ན་མགོ་སྐོར་གཏོང་མཁན་ཐོགས༎ རང་གིས་མ་འཇོན་པ་ཞིག་གཞན་དག་གིས༎ འཇོན་ན་གསང་ཉུལ་དོལ་ཚོགས་སོགས་སུ་བོས༎ ༦༽ བསྟན་འཛིན་རྣམས་ལ་བསྟན་དགྲ་ཟེར་ནས་སྨོད༎ བྱས་རྗེས་ཅན་ལ་རྒྱལ་བཙོང་ཟེར་ནས་བསྡིགས༎ དམ་ལྡན་རྣམས་ལ་དམ་ཉམས་ཞེས་སུ་བོས༎ འཇོན་ཐང་ཅན་ལ་རྒྱ་མིའི་རྒྱུགས་ཁྱིར་ཐོགས༎ ༧ ༽ གྲུབ་རྟགས་མ་མཐོང་ཆོས་ལ་ལོག་ལྟ་གྱིས༎ གྲུབ་རྟགས་མཐོང་ན་མིག་འཕྲུལ་རེད་ཅེས་ཤོད༎ ཆོས་སྤེལ་མཁན་ལ་ཆོས་ཚོང་མཁན་ཞེས་བསྡིགས༎ སྙིང་རྗེ་ཅན་ལ་ཟོག་པོ་ཞེས་སུ་བོས༎ ༨༽ ཉལ་ན་གཟེ་རེ་ཞིག་དང་ལྷན་དུ་ཉོལ༎ སད་ན་ཞེ་སྡང་ངང་ནས་སད་པར་བྱོས༎ ཆེ་སའི་རྒྱལ་ཁབ་རྩོད་རྒྱུ་མེད་ན་ཡང་༎ ཆུང་སའི་ཆོལ་ཁ་རྩོད་ནས་ཤི་གྲབས་ཀྱིས༎ ༩༽ ཡོན་ཏན་སྲན་མ་ཙམ་ལས་མེད་ན་ཡང་༎ ཁ་ཕོ་དབྱར་གྱི་འབྲུག་སྒྲ་ལྟ་བུར་སྒྲོགས༎ དགྲ་བོའི་མདུན་དུ་ཝ་བཞིན་སྡར་ན་ཡང་༎ ཕུ་ནུའི་ནང་ལ་སྟག་གི་མཆེ་བ་སྟོན༎ ༡༠༽ ཆོས་དང་ཆབ་སྲིད་གང་ཞིག་གླེང་ཡང་རུང་༎ ༧རྒྱལ་བའི་མཚན་གྱིས་གཞན་ལ་རྡུང་བྱེད་བྱོས༎ རང་གི་བློ་ལ་སུ་ཞིག་མ་བབ་ན༎ ༧རྒྱལ་བར་རྒྱབ་གཏོད་བྱེད་པའི་གྲལ་དུ་དེད༎ ༡༡༽ དམ་ཉམས་རྒྱལ་བཙོང་མགོ་སྐོར་ཇག་རྐུན་དང་༎ བླ་རྫུན་སྤྲུལ་རྫུན་ཁྲམ་པ་ཕུང་གསུམ་དང་༎ ཉུལ་མ་དོལ་ཚོགས་རྒྱུག་ཁྱི་བསྟན་དགྲ་སོགས༎ ཚིག་ངན་སྣ་དགུས་ཕུ་ནུའི་ཞེ་ཤ་ཆོད༎ ༡༢༽ ནུས་ཤུགས་ཡོད་དགུ་ནང་འཁོན་སྟེང་ལ་བཏོན༎ ཁ་ཕྱོགས་མེད་པའི་མི་ལ་དེ་འདྲ་དགོས༎ དུས་ཚོད་ནམ་ཁོམ་དྲ་འཛིངས་ཐོག་ལ་ཐོངས༎ མདུན་ལམ་མེད་པའི་མི་ལ་དེ་འདྲ་དགོས༎ ༡༣༽ གཞུང་གི་ཁྲིམས་ཀྱིས་ཉེན་རྟོག་མ་སླེབས་ན༎ གནས་ལུགས་རྒྱུ་འབྲས་ཁྲིམས་ལ་རྩིས་མེད་བྱོས༎ ཆ་རྒྱུས་མེད་ཅིང་བདེན་རྫུན་མི་ཤེས་རུང་༎ བག་ཚ་མེད་པར་སྐུར་འདེབས་སྣ་དགུ་གྱིས༎ ༡༤༽ གཞན་གྱི་ཡོན་ཏན་མ་གླེང་ཤི་སྐུང་གྱིས༎ སྐྱོན་རྣམས་ཡང་ནས་ཡང་དུ་བསྐྱར་ཏེ་སྒྲོགས༎ གལ་ཏེ་དེས་ཀྱང་ནུས་པ་མ་ཐོན་ན༎ ལོ་རྒྱུས་རྫུན་མ་སྣ་དགུ་བཟོས་ཏེ་ཤོད༎ ༡༥༽ རྒྱ་དང་ཕྱི་གླིང་བོད་ཡིག་ཤེས་མཁན་རྣམས༎ བོད་པའི་མི་ལ་ཞེ་མེར་ལངས་སུ་ཆུགས༎ གཞན་གྱི་ཚུལ་ཁྲིམས་ཏིང་འཛིན་ཤེས་རབ་ཀྱི༎ བསླབ་པ་གསུམ་ལ་གཏོར་བཅོམ་ཅི་ཐུབ་བྱོས༎ ༡༦༽ ཕ་མེས་རིང་ནས་འཁོན་པའི་ཚུལ་མེད་ཀྱང་༎ དོན་མེད་བཞིན་དུ་དགྲ་བོ་ཅི་གསོག་གྱིས༎ རང་རང་ས་ནས་སོ་སོར་འཚོ་ན་ཡང་༎ ཉིན་བཞིན་སེམས་ལ་ཕོག་ཐུག་གཏོང་རེས་བྱོས༎ ༡༧ ༽ ཁ་ཏྭའི་ལུས་སུ་སྐྱེ་འདོད་མེད་ན་ཡང་༎ ཕ་མའི་བྱིན་པ་ཁ་ཏྭའི་ལུས་ཡིན་ཞེས༎ ཧོར་གཙང་རྒན་པོས་དཔྱད་ནས་བྲིས་པའི་ཚིག། ཉིན་བཞིན་སེམས་ལ་ཡང་ཡང་ཤར་དུ་ཆུགས༎ ༡༨༽ དེ་ལྟར་བྱོས་དང་ད་གཟོད་བུ་གོ་ཆོད༎ བོད་ལུས་བླངས་པའི་ལེན་གོ་དེ་ཡིས་ཆོད༎ ཡིག་རྨོངས་སེལ་བའི་སེལ་གོ་དེ་ཡིས་ཆོད༎ ཡུན་ཐུང་མི་ཚེའི་སྙིང་པོ་དེ་ཡིས་ལོན༎ དྲ་འབུ་རྣམས་ལ་གདམས་པ་གསེར་རིན་མ་ཞེས་བྱ་བ་འདི་ནི། ཤེས་རྒྱུད་གདོན་གྱིས་ཟིན་པ་དང་འདྲ་བའི་དྲ་འབུ་འགའ་ཞིག་གི་ཚོད་མེད་ཀྱི་སྤྱོད་པ་མཐོང་བས་རྐྱེན་བྱས་ཏེ། མི་རིགས་ཀྱི་ལར་ཞེན་ལྕི་མོ་སྙིང་ལ་ཉར་བའི་སློབ་དཔོན་སྣ་ཚོགས་གཟུགས་ཅན་གྱིས། ཕྱི་ལོ་༢༠༡༣ཟླ་༧པའི་ཚེས་༨ལ་སྙིང་གཏམ་དམར་རྗེན་མ་ཡིག་ཐོག་ཏུ་བཀོད་ནས་སྤྲིངས་པའོ༎See more
·རྩོམ་ཡིག་གོང་མ:གྲུབ་མཐའི་སྡོམ་ཚིག་ཤེས་རབ་སྒོ་འབྱེད་༣
·རྩོམ་ཡིག་འོག་མ:ཕྱོགས་མི་འདྲ་བའི་ལྟ་ཚུལ་ཡང་བཀོད་ཡོད།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·སྙིང་གཏམ་སུམ་ཅུ་པ་ཞེས་བྱ་བ་བཞུགས་སོ། ། 2015/2/6 12:39:00
·དྲང་གཏམ་རྨ་ཐོག་གཙགས་འདེབས། 2014/4/5 23:03:42
·ཝ་ནག་ལུང་པ། ༡༠ ༡༡དང་བཀླག་ཐོ། 2013/12/25 21:18:54
·བདེན་པ་སྐྱོང་བར་སྐུལ་བའི་གཏམ། 2013/10/3 11:33:20
·ཆོས་སྡེ་ཁག་ཏུ་གློག་འཕྲུལ་སོཊ་འགོག་པ་མི་ལེཊ། 2012/9/3 22:57:12
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 1:54:25 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 3:28:08 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 5:30:34 [来自: 112.5.248.229]

འབྲེལ་ཡོད་དཔྱད་བརྗོད 55 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།37.11MS