ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་འདུ་ར། >> དུས་གཏམ་མྱོང་གླེང་།
 རྩོམ་ཡིག་ཀློག་པ།

བདེན་པ་སྐྱོང་བར་སྐུལ་བའི་གཏམ།

  རྩོམ་པ་པོ:མགོན་བསོད།ཡོང་ཁུངས:ངེད་དྲ་བ།གཟིགས་གྲངས:3405ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2013/10/3 11:33:20ཚོགས་ཡར་སྤྲོད:admin
བདེན་པ་སྐྱོང་བར་སྐུལ་བའི་གཏམ།
                                         ༼བདེན་པ་དོན་གཉེར་༽གྱི་གླེང་བརྗོད་དུ་བྲིས།
 
བྱམས་མེ་མགོན་བསོད།
 
ཀྱེ་མ་དེང་འདིར་ལྟར་སྣང་རིག་པ་ཡིས།། རབ་རྨོངས་སྨྲ་ངན་ཝ་ཚོགས་རང་དགར་རྒྱུགས།། བདེན་པའི་དཔལ་བརྙེས་ངག་ལ་དབང་འབྱོར་བ།།སྨྲ་བའི་སེང་ཆེན་དེ་ཉིད་གཟིགས་གང་ཁྱེན།། ལྟ་གྲུབ་ལུགས་སྲོལ་མངའ་ཁོངས་གང་ཡང་རུང་།། རྟེན་དང་དབང་ཐང་དཔུང་ཤུགས་སོགས་མི་གཙོ།།བདེན་ལུགས་བདེན་པར་སྐྱོང་བའི་སྐྱེས་བུ་གང་།། བཀའ་བཞིན་སྤྲོ་བས་སྒྲུབ་ཅིང་བཀུར་བའི་ཡུལ།། བདེན་པ་གཙུག་ཏུ་བཀུར་བྱེད་པ།།འཇིག་རྟེན་མཁས་པའི་སྐྱེས་ཀྱི་མཆོག། འཇིག་རྟེན་སྒྲ་དག་ཇི་སྙེད་ལས།།བདེན་པའི་སྒྲ་ལས་སྙན་པ་གང་།། གང་གིས་གང་ཞིག་བདེན་སྨྲ་བ།། དེ་ནི་འཇིག་རྟེན་མཛེས་པའི་རྒྱན།།བདེན་པ་ཐབས་ཤེས་དང་མི་འབྲལ།།ཐབས་ཤེས་བདེན་པའི་མཐའ་བརྙེས་ཕྱིར།། གང་ཞིག་བདེན་པ་ཆུང་ངུས་ཀྱང།།འཇིག་རྟེན་རྫུན་དག་བརླག་བྱེད་ཅིང་།། བདེན་དང་བདེན་པའི་སྟོབས་ཉིད་ཀྱིས།། ཡང་དག་ལམ་ལ་ཁྲིད་གྱུར་ཅིག།རང་བྱུང་བཅོས་མ་ལས་རྒྱལ་ཞིང་།། དཀར་ནག་རྣམ་བཞག་སྤུ་རིས་འབྱེད།།བདེན་གྲུབ་གནས་ལུགས་མཐུ་བོ་ཆེས།། གཡོ་སྒྱུའི་བསྟན་པ་ནུབ་གྱུར་ཅིག། དེང་འདིར་རྫུན་ལ་གོམས་ཆེས་པས།། བདེན་ཞལ་མཐོང་བའི་ཡུལ་བསྐལ་ཡང་།།བསླུ་བ་མེད་པའི་བདེན་སྟོབས་མཐའ།།བསྙེག་ལ་འཇིགས་མེད་གདེངས་བརྙེས་ཤོག། དངོས་
རྣམས་ཀུན་ལས་སྟོབས་ཀྱི་ཕུལ།། གང་ཞིག་དྲང་ཞིང་བདེན་པ་ཉིད།། བདེན་པའི་མགྲིན་པ་གཟེངས་མཐོ་ཞིང་།།རྫུན་གྱི་མགོ་འཕང་ཆུ་ལས་དམའ།།གང་ལ་བདེན་པའི་དཔུང་ཡོད་ན།།དཔུང་གཞན་གང་གིས་གནོད་མི་ཚུགས།།འཇིག་རྟེན་དག་ན་དཔུང་གི་མཆོག།བདེན་པའི་དཔུང་ཞེས་མཁས་རྣམས་གླེང་།། གང་ཞིག་ལོག་རྟོག་མཐར་ཐུག་དང་།། བསྒྲུབ་ཀྱང་འགྲུབ་ཏུ་མེད་པའི་དངོས།། བདེན་པ་རྫུན་མར་སྒྲུབ་པ་དང་།།བཅོས་མས་བདེན་པའི་ཚབ་བྱེད་པ།། རྗེས་འབྲས་བཟང་ན་ཐབས་ཡིན་ལ།། རྗེས་འབྲས་ངན་ན་གཡོ་སྒྱུར་ངེས།།ཐབས་དང་གཡོ་ཡི་ཁྱད་པར་གཞན།།བདེན་པའི་རྩིས་ཀྱིས་ཟིན་མིན་ཉིད།། མངའ་ཐང་རིགས་རུས་འབྱོར་བ་སོགས།། གང་ཡང་མི་ཆེ་བདེན་ཉིད་ཆེ།།གང་ལ་བདེན་པའི་ནོར་ཡོད་ན།།དངོས་གཞན་གང་གིས་མཚོན་དུ་མེད།།རྫུན་དང་གཡོ་སྒྱུར་བརྟེན་བྱས་ཏེ།། གོང་མར་གྱུར་ཀྱང་ཆེ་དགོས་ཅི།བདེན་པར་གནས་པའི་དཀའ་ཐུབ་ཅན།།སྤྲང་སོགས་ཉམ་ཆུང་ཚུད་ཀྱང་ཆེ།། གང་གིས་སྐབས་ཀྱི་དགོས་དབང་དང་།།འཕྲལ་སེལ་ཙམ་གྱི་རྐྱེན་ཕྱིར་ཡང་།།བདེན་ལ་སྐུར་བ་མི་འདེབས་པར།། བདེན་ཚིག་མན་ངག་བསྟེན་གྱུར་ཅིག། རྫས་སྦྱོར་སྣ་དགུའི་དུག་མཚོན་དང་།།དམག་དཔུང་བྱེ་བས་གཡུལ་བཤམ་ཡང་།།གང་ཞིག་བདེན་པའི་བཙན་ས་ཆེ།།འཇོམས་མིན་བསྐལ་བའི་བར་དུ་གནས།། རྫུན་གྱིས་སྡུག་དང་ངནའགྲོར་ལྟུང།། བདེན་པས་བདེ་དང་ཐར་ལམ་ཟིན།། བསླུ་མེད་གཤིས་ཀྱི་རྣམ་བཞག་ཆེས།།སྲིད་དང་ཞི་བའི་ངལ་ཚུལ་སྨིན།། བདེན་པར་སྨྲ་བའི་སྐྱེས་བུ་གང་།། འཇིག་རྟེན་ཁམས་ན་ཉི་ཟླ་བཞིན།། བདེན་པ་རྩིས་མེད་གཏོང་བྱེད་ལས།། ཉེས་ཆེན་མུན་ནག་གཞན་གང་ཞིག། ངན་གཡོའི་བསྟན་པ་ཁ་དར་བས།། གང་ཞིག་བདེན་མཐའ་མ་གསལ་ཡང་།། བདེན་ལ་གནས་པའི་དཀའ་ཐུབ་ཀྱིས།། རབ་དགའི་བདེ་བ་མཆོག་ཐོབ་ངེས།། བདེན་པ་ཆུང་ཡང་རྡོ་རྗེའི་ཟེགས།། རྫུན་དཔངས་རི་བོའི་གཏོས་མཉམ་ཡང་།།ལྦུ་བ་བཞིན་དུ་སྙིང་བོས་ཕོངས།།དེས་ན་སུ་ཞིག་སྙིང་པོ་འདོར།།གང་ལ་ཉེས་པ་གཞན་མེད་ན།། བདེན་པ་བསྟེན་པས་གནོད་མི་འགྱུམ། གང་ལ་ཉེས་པས་གོས་ན་ཡང་།། བདེན་པས་དག་ལས་གཙེ་མི་འགྱུར།། མཆོག་དམན་གྲལ་རིམ་བདེན་པས་འབྱེད།། བདེན་པ་བཞག་ན་གང་གིས་འབྱེད།། འཇིག་རྟེན་དག་ན་བདེན་པའི་གཤིས།།མཚོན་དུ་མེད་པའི་གནས་ལུགས་ཆེ།། བདེན་ལ་རྩིས་མེད་ལྟར་སྣང་རྣམས།།གཉེན་སོགས་སུས་ཀྱང་རྒྱང་དུ་འདོར།།བདེན་ལུགས་དགྲ་ཡིས་སྐྱོང་ན་ཡང་།།དགའ་བས་འཕྲལ་མར་དང་དུ་ལོངས།།གང་ལ་བདེན་པའི་གནས་ཡོད་ན།། ལྟོས་མིན་དེ་ཡི་ཕྱོགས་སུ་ལོངས།། གང་ཞིག་བདེན་པའི་ཕྱོགས་བྱེད་པ།། མི་སྐྱེས་རིན་ཐང་དོན་གོ་ཉིད།།སྐྱེ་བོ་གང་ཞིག་བཟང་ངན་དེ།། བདེན་པར་གནས་མིན་ཁོ་ནས་འབྱེད།། བདེན་མིན་སྐྱེ་བོས་གཞན་གང་གིས།།སྐྱོང་ཡང་མགུ་མིན་ནམ་ཞིག་བསླུ།།ཅི་འདྲའི་ཉམ་ངར་ཚུད་ཀྱང་བླ།།བདེན་པ་ནམ་ཡང་གཏོང་མིན་ཏེ།།བདེན་ཉིད་ཉམ་ངར་མི་ལྷུང་ཞིང་།།དེ་ཡིས་ཉམ་ངའི་གཡང་ལས་སྐྱོབ།། འགའ་ཞིག་རྫུན་དང་གཡོ་སྒྱུའི་ཕྱིར།། སྲོག་སོགས་གང་ཡང་བློས་ཐོང་ན།། བདེན་དང་བདེན་པའི་རྒྱབ་སྐྱོར་ཕྱིར།།མི་ཐོང་བ་ཡི་དངོས་དེ་གང་།།གང་གིས་བདེན་ལ་རྒོལ་བྱེད་པ།།སྒོ་ངས་བྲག་ལ་བཞུས་བ་བཞིན།། བདེན་ལ་གནས་ཤིང་སྐྱོང་བ་ནི།། ངོ་བོའི་གཤིས་ལུགས་བཀུར་བའོ། བདེན་འབྲས་སྨིན་ལ་མ་ལྟོས་པར། བདེན་ལ་གནས་བ་དམ་པའི་གཤིས།། བདེན་པར་གནས་པའི་དྲང་སྲོང་ཆེ།།འཇིག་རྟེན་ཤིས་པའི་རྒྱན་གྱི་ཕུལ།། མི་རྣམས་བདེན་ལ་བློ་ཕྱོགས་ཤིང་།། འཇིག་རྟེན་བདེན་པས་སྐྱོང་བ་དང་།། བདེན་པའི་དར་ཆ་མཐོ་ནས་མཐོར།།བསྒྲེང་ཞིང་བདེན་ལ་ངེས་རྙེད་ཤོག།
·རྩོམ་ཡིག་གོང་མ:གྲགས་ཅན་གསུང་ཚིག༣༠
·རྩོམ་ཡིག་འོག་མ:དགེ་བཅུའི་སྲོལ་ལ་རྒོལ་བའི་ལན་གཟུར་གནས་དགའ་བའི་གཏམ།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
འབྲེལ་ཡོད་རྩོམ་ཡིག་མི་འདུག
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 7:07:30 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 9:47:15 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 14:32:32 [来自: 112.5.248.229]

འབྲེལ་ཡོད་དཔྱད་བརྗོད 53 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།27.34MS