ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་འདུ་ར། >> དུས་གཏམ་མྱོང་གླེང་།
 རྩོམ་ཡིག་ཀློག་པ།

རྩེ་གཞུང་རྩྭ་ཐང་གི་འགྱུར་འགྲོས།

  རྩོམ་པ་པོ:སོག་མདའ།ཡོང་ཁུངས:ངེད་དྲ་བ།གཟིགས་གྲངས:2624ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2013/11/4 11:20:15ཚོགས་ཡར་སྤྲོད:admin
རྩེ་གཞུང་རྩྭ་ཐང་གི་འགྱུར་འགྲོས།
 
སོག་མདའ།

  རྩེ་གཞུང་རྩྭ་ཐང་ན་ཆགས་ཡོད་པའི་སྡེ་བ་འདི་ལ་དུད་ཁྱིམ་བརྒྱ་ལྷག་ཡོད་པ་དང་།མི་རབས་ནས་མི་རབས་རྟ་ནོར་ལུག་གསུམ་འཚོས་ནས་འཚོ་བ་རོལ་བཞིན་ཡོད། ལྷག་པར་སྡེ་བ་འདི་ཡི་རྟ་རྒྱུད་ནི་འབྲོག་ཡུལ་འདི་ཕྱོགས་སུ་ཧ་ཅང་སྐད་གྲགས་ཅན་ཞིག་ཡིན་ལ་སྡེ་བའི་མིང་དུའང་རྟ་རྫི་སྡེ་བ་ཞེས་ཐོགས་འདུག། དུས་རབས་ཀྱི་རླབས་དང་བསྟུན་ནས་འཕོ་འགྱུར་གང་འཚམས་འགྲོ་བཞིན་པའི་རྟ་རྫི་སྡེ་བར་རླངས་འཁོར་འགྲོ་སའི་ལམ་གང་སར་འཐེན་འདུག་ལ།ཁྱིམ་ཚང་སོ་སོའི་ཐབ་ཀ་ལས་འབར་བའི་མེ་ལྕེ་དགོང་དྲོ་མི་མཐོང་མོད། གློག་སྒྲོན་ཀྱི་འོད་ལས་སྦྲ་གུར་གསལ་ལྷང་ངེར་མཐོང་ཐུབ་པ་མ་ཟད།ལྷས་ན་བཏགས་ཡོད་པའི་རྟ་ནོར་ལུག་གསུམ་གྱི་མཐའ་ན་ཡང་།ཁྱིམ་ཚང་ལ་ལའི་གློག་སྒྲོན་ཆུང་ཆུང་རེ་བཀར་འདུག།སྔོན་མའི་མི་རྣམས་ཀྱིས་རྒྱུན་གོན་བྱེད་པའི་གོན་པ་ལུག་པགས་ཀྱིས་བཟོས་པའི་རྩག་པ་དེང་སྐབས་གོན་མཁན་ཇེ་ཉུང་དུ་སོང་ནས།འགྱིག་གིས་བཟོས་པའི་གོན་པ་སྣ་ཚོགས་གོན་གྱི་འདུག་ལ།ཁྱིམ་ཚང་རེ་རེའི་སྒོ་འགྲམ་ན་སྦག་སྦག་འཁོར་ལོ་གཉིས་གསུམ་རེ་ཕལ་ཆེར་མེད་མི་སྲིད།དེའི་སྟབས་ཀྱིས་སྔོན་མ་ཁྲི་རྟ་ཡོད་པའི་རྟ་རྫི་སྡེ་བ་འདིར་ད་ལྟ་ཕལ་ཆེར་རྟ་རྒོད་མ་བརྒྱ་ཕྲག་ཙམ་ལས་མེད་ལ། རྟ་རྒྱུགས་འགྲན་བསྡུར་གྱི་སྐབས་སུ་མ་གཏོགས་རྟ་རྣམས་བེད་སྤྱོད་མེད་པར་གྱུར་པས།ད་ནི་རྟ་རྒོད་མ་རྣམས་འབྲོག་མི་རྣམས་ལ་དེ་ཙམ་གྱིས་བེད་སྤྱོད་མེད་པའི་རྐྱེན་གྱིས།རྒྱ་དང་ཁ་ཆེ་མང་པོ་ཡོང་ནས་རླངས་འཁོར་རླངས་འཁོར་བྱས་ནས་རྟ་ཤའི་ཆེད་དུ་ཡུལ་གཞན་ཞིག་ལ་འདྲུད་ཀྱིན་འདུག། རྟ་རྫི་སྡེ་བའི་ཨ་ཁུ་མགོན་པོ་རྫོང་ཐོག་ལ་སོང་ནས།ཁོང་གི་བུ་གསུམ་ལ་ལྷམ་འདེབས་ལོག་རུལ་གྱི་བཏབ་པའི་ཕྱིང་མཐིལ་མ་ལྷམ་གསུམ་ཉོས་ཡོད་ཀྱང་།ཁོང་གི་བུ་རྣམས་ཀྱིས་ལྷམ་དེ་དག་གོན་རྒྱུ་ཕར་བཞག་མིག་གིས་ཀྱང་ལྟ་མཁན་མི་འདུག་པས།ཕ་རྒན་མགོན་པོ་དབུགས་རིང་དང་ལྷན་།རང་ཉིད་ཀྱི་ལྷམ་ལ་ལྟ་བཞིན་འདི་ནི་ངོ་མའི་ཀོ་ལྷམ་རེད།ལོ་དྲུག་གི་སྔོན་ལ་ལྷམ་འདེབས་ལོག་རིལ་གྱིས་བཏབ་པ་རེད་ཟེར། ལྷམ་འདེབས་ལོག་རུལ་ནི་ཡུལ་འདིར་སྐད་གྲགས་ཡོད་པའི་ལྷམ་འདེབས་མཁན་ཞིག་ཡིན་ལ།གཟུགས་ཧ་ཅང་ཐུང་བའི་རྐྱེན་གྱིས་མི་ཚང་མས་ཁོ་ལ་ལྷམ་འདེབས་ལོག་རུལ་ཞེས་འབོད་ཀྱི་ཡོད་འདུག།ཨ་ཁུ་མགོན་པས་ད་རུང་ཡིན་ཡང་ལོ་ལྔ་དང་དྲུག་ལ་གོན་ཐུབ་ཟེར་བཞིན།རྒན་མོ་དབང་མོ་ལ་ང་ལ་ཞག་ཅིག་ཕྱིན་ཟེར་པས། རྒན་མོས་ཀྱང་མར་རྒྱུད་ཀྱི་ཐགས་ཆའི་འོག་ནས།ཞག་ཧ་ཅང་རྙིང་བ་མདོག་ཕལ་ཆེར་ལྗང་ཁུ་ལོག་ཡོད་པ་ཞིག་ཁོང་ལ་སྤྲད་པས་ཞག་དེ་ལག་པར་ཅུང་བྱུགས་ནས་མེ་འོད་ལ་བསྲོས་ཏེ་ལྷམ་གྱི་སྟེང་ལ་བསྐུ་བཞིན་འདུག་ལ་ཁོང་ནི་རྩྭ་ཐང་གི་འབྲོག་མྱི་རྣལ་མ་ཞིག་ཡིན་པའང་ངང་གིས་ཤེས་ཐུབ།ལྷག་པར་ན་ནིང་ནས་བཟུང་འབྲོག་པ་གྲོང་བརྡལ་ཅན་ལ་བསྒྱུར་རྒྱུའི་སྲིད་ཇུས་ཏེ་མགོ་བརྩམས་པ་ནས་བཟུང་།རྟ་རྫི་སྡེ་བའི་ཁྱིམ་ཚང་ཁ་ཤས་ཀྱིས་ཕྱུགས་རིགས་རྟ་ནོར་ལུག་གསུམ་ཡོད་ཚད་རྒྱ་ཁ་ཆེ་སོགས་ལ་བཙོང་ནས།འབྲོག་པའི་སྦྲ་གུར་སོགས་བསྡུ་གསོག་བརྒྱབ་ཅིང་། རྒྱལ་ཁབ་ཀྱིས་སྤྲད་པའི་སྒོར་ཕྱེད་དང་རང་གིས་ཕྱེད་ཀ་ཕྱིན་ནས་ཉོས་པའི་རྫོང་ཐོག་ཏུ་ཡོད་པའི་ཁང་པའི་ནང་དུ་གནས་སྤོས་བྱས་འདུག ཡིན་ན་ཡང་རྒྱལ་ཁབ་ཀྱིས་བཟོས་པའི་ཁང་པ་དེ་དག་ཟླ་འགའ་ལས་འགོར་མེད་ཀྱང་ཆར་ཞོད་ཆེན་པོའི་སྐབས་སུ་ཁང་པ་དེ་དག་ལས་ཐིགས་ཆུ་ཕྱོགས་ཡར་མར་ནས་ཟགས་ཤིང་། ཁང་པ་བཟོ་བྱེད་ཀྱི་རྒྱུ་ཆ་ཧ་ཅང་ཞན་པས་འབྲོག་མི་རྣམས་ཀྱིས་སྲིད་གཞུང་ལ་ཐེངས་ཁ་ཤས་སྙན་ཞུ་ཕུལ་ནས།ཁང་པ་དག་བཟོས་བཅོས་རྒྱག་དགོས་པའི་སྙན་ཞུ་ཐེངས་ཁ་ཤས་བཏང་ཡང་ཡ་ལན་ཙམ་ཡང་མ་བྱས་པས།།འབྲོག་པ་རྣམས་ཀྱིས་རོགས་སྐྱོར་ཞེས་པ་ཁ་ཙམ་ལས་དོན་ལ་གང་ཡང་མེད་པའི་ངེས་ཤེས་སྐྱེས་འདུག་ལ། གསར་འགྱུར་གསར་བ་གཞན་ཞིག་ཡོད་པ་ནི་རྫོང་སྤོས་བསྟན་འཛིན་ཚང་གི་བུ་བློ་བཟང་དོན་འགྲུབ་ཀྱིས་གཡུ་ཉིན་སྡེ་བ་ནས་ཁྱིམ་ཚང་ཞིག་གི་འབྲི་གཡག་སྲོག་བླུ་ཁ་མཐོ་གཉིས་ཡོད་པ་བརྐུས་ནས་བཤུས་པ་དང་།དེ་མིན་གཡས་གཡོན་གྱི་ཁྱིམ་མཚེས་དང་། དེ་མིན་འབྲོག་ཁུལ་གྱི་ཁྱིམ་ཚང་ཚོས་དགུན་སའི་ཤུལ་དུ་བཞག་ཡོད་པའི་ཅ་ལག་གང་མང་རྐུན་ལ་ཤོར་བ་དེའང་ཁོ་ཡིན་པ་ཤེས་ནས།ད་ལྟ་རྫོང་མི་དམངས་ཁྲིམས་ཁང་དུ་ལོ་གསུམ་གྱི་ཁྲིམས་ཐག་བཅད་འདུག། དེ་མིན་ད་ལྟ་སྡེ་བ་འདིའི་གཞོན་སྐྱེས་རྣམས་ལས་མེད་དུ་ཆགས་ནས་རྐུ་འཕྲོག་བཅོམ་གསུམ་དང།རྒྱལ་འགུག་མ་ཅང་སོགས་ལ་མགོ་འཁོར་ནས་།རྒྱག་རས་དང་རྡུང་རས་བྱས་ནས་མི་གསོད་འཕྲོག་སྦྱོར་གྱི་དོན་རྐྱེན་མང་པོ་འབུད་ཀྱིན་ཡོད་པ་མ་ཟད།གསར་བུ་རྐྱལ་སྟོང་འགའ་རེ་རྒྱ་ནག་གི་གྲོང་ཁྱེར་འདྲ་མིན་ནང་སོང་ནས།གཞང་བཙོང་ཁང་གི་བུ་མོ་འདྲ་མིན་ལ་འགྲོགས་ནས་དྲག་རྒྱུ་མེད་པའི་ན་ཚ་དེ་འདྲ་བྱུང་སྟེ། ཉིན་གཉིས་ཀྱི་སྔོན་ལ་ནོར་དགའ་སང་གི་བུ་ཚེ་རིང་དང་དཔེ་ལེགས་ཚང་གི་བུ་ལོ་བཀྲ་གཉིས་སྨན་ཁང་གིས་ཀྱང་ཐབས་ཤེས་མ་རྙེད་པར་འདས་གྲོངས་སུ་གྱུར་པའི་གསར་འགྱུར་ཡང་ཁྱབ་བཞིན་འདུག ཉིན་འགའི་སྔོན་ལ་རྟ་རྫི་སྡེ་བའི་རྫོང་སྤོས་ཁྱིམ་ཚང་གི་རྒན་པོ་དག་མཉམ་གཅིག་ཏུ་འཚོགས་ནས།ཡང་བསྐྱར་རྫོང་མི་དམངས་སྲིད་གཞུང་ལ་སྙན་ཞུ་ཕུལ་ནས་ཁང་བ་ཞིག་གསོ་དང་རོགས་དངུལ་དུས་ལྟར་སྤྲད་དགོས་པའི་རེ་འདུན་ཞུས་ཀྱང་།རྫོང་སྲིད་གཞུང་ནས་དེ་ལ་ཡ་ལན་ཙམ་ཡང་བྱས་མེད་ལ།ད་དུང་དེ་ལས་ལྡོག་སྟེ་ཆབ་སྲིད་ཀྱི་གནད་འགག་ཡོད་ཚུལ་བརྗོད་སྟབས། རྟ་རྫི་སྡེ་བའི་རྫོང་སྤོས་ཁྱིམ་ཚང་རྣམས་རྫོང་ཐོག་ཏུ་གནས་སྡོད་མ་བྱས་པར་ཁྱིམ་ཚང་རེ་རེ་བྱས་ནས་ཕྱིར་རྩྭ་ཐང་གི་འབྲོག་ཡུལ་ལ་པྱིར་སྤོ་བཞིན་འདུག
·རྩོམ་ཡིག་གོང་མ:ཅོ་ནེ་བའི་ཡ་ང་བའི་ནང་འཁྲུག
·རྩོམ་ཡིག་འོག་མ:ཞབས་བརྟན་གསོལ་འདེབས་བཞེད་དོན་ལྷུན་འགྲུབ་བཞུགས།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·འགོ་ཁྲིད་དང་དཔོན་པོ་མ་ནོར་ཅིག 2016/9/30 16:16:26
·ཀུན་མཁྱེན་ཇོ་ནང་པ་ཆེན་པོའི་བསྟན་པ་རྒྱས་པའི་སྨོན་ལམ། 2016/9/30 16:11:32
·སྐད་ཡིག་དང་ནང་ཆོས་གཅིག་ཏུ་འཁྲུལ་མི་ཉན། 2016/3/7 18:08:42
·རླབས་ཆེན་གྱི་བཞུད་ལམ། 2016/3/7 18:03:51
·སྙིང་གཏམ་བཅོ་ལྔ་པ། 2016/3/7 17:51:57
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 10:41:38 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 14:07:08 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 21:08:42 [来自: 112.5.248.229]

འབྲེལ་ཡོད་དཔྱད་བརྗོད 48 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།23.93MS