ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་འདུ་ར། >> དུས་གཏམ་མྱོང་གླེང་།
 རྩོམ་ཡིག་ཀློག་པ།

ངའི་མིག་ནང་གི་སྒོ་ཤེར།

  རྩོམ་པ་པོ:མགོ་ཚ་བསོད་གྲགས།ཡོང་ཁུངས:མཚོ་སྔོན་པོ།གཟིགས་གྲངས:2421ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2014/1/22 15:18:00ཚོགས་ཡར་སྤྲོད:admin

             ངའི་མིག་ནང་གི་སྒོ་ཤེར།                                                                 

                                    མགོ་ཚ་བསོད་གྲགས།

   སྤྱིར་བསྟན་འཛིན་གྱི་སྐྱེས་བུ་ཞེས་པ་ནི་བྱམས་སེམས་དང་སྙིང་རྗེས་ཕྱུག་ཅིང་གནས་ལུགས་དང་དྲང་བདེན་ལ་དགའ་བ་ཞིག་ཡིན་དགོས་ཀྱི་བདེན་དོན་ཡོད་ཚད་དགྲ་རུ་བཟུང་ནས་རྡོག་བརྫིས་གཏོང་མཁན་གྱི་མི་རིགས་ག་གེ་མོ་དང་གང་ནས་མཚུངས། ལྷག་པར་དུ་རང་སྐྱོན་སེམས་ཀྱིས་བཅོས་ཏེ་གཞན་སྐྱོན་ཐབས་ཀྱིས་བཅོས་བྱེད་ཀྱི་དམ་པ་སངས་རྒྱས་ཀྱི་ཆོས་དང་ཉིན་མཚན་དབྱེར་མེད་དུ་འདྲིས་ཤིང་གོམས་པར་མ་ཟད་རང་སེམས་གྱོང་བོ་བརླན་བྱེད་ཀྱི་དམ་ཆོས་ཀྱི་བདུད་རྩི་ནང་སེམས་ཀྱིས་ལོངས་སུ་སྤྱད་ནས་ཚེ་གཅིག་ལུས་གཅིག་ལ་སངས་རྒྱས་ཀྱི་གོ་འཕང་རིན་པོ་ཆེ་འཐོབ་ཕྱིར་ཆོས་ཉམས་སུ་བླངས་ནས་མི་ཚེ་ཆོས་ལ་ཟད་པ་ཞིག་མིན་ནམ།  མདོ་སྔགས་རིག་གནས་ལ་མཁྱེན་དཔྱོད་ཡངས་ཤིང་བདེན་དོན་སྐད་ཆ་ལ་ངོ་སོ་མཐོ་བའི་ཨ་མདོ་རྔ་ཡུལ་ཀིརྟི་དགོན་གྱི་གྲྭ་རྐྱང་དཀྱུས་མ་སྒོ་ཤེས་རབ་རྒྱ་མཚོ་ནི་དྲང་བདེན་ལ་དགའ་ཞིང་སྐྱག་རྫུན་ལ་རྒོལ་བའི་སྐྱེས་བུ་ཞིག་ཡིན་པ་ངས་ཁོང་གི་བརྩམས་ཆོས་ཀྱི་གསའ་གསེང་ནས་ཤེས་ཡོང་།    

    དོན་ངོ་མས་བཤད་ན་ངས་སྒོ་ཤེར་ཞེས་པ་ངོ་མི་ཤེས་ལ་མཐོང་ཡང་མ་མྱོང་མོད།   ཁོང་གི་བརྩམས་ཆོས་ཏེ༼ང་ཚོ་སད་རན༽དང༼རྒྱུན་ཤེས་དང་ལམ༽ད་དུང་ཉེ་སྔོན་བརྩམས་པའི༼ཁ་ཞིག་མི་གྲག་ཀ་མེད་རེད༽དང༼དབང་མེད་ཐབས་མེད་དུ་ཕུལ་བའི་གྱེས་ཕྱག༽༼འགྱུར་ལྡོག་གིས་བསྐྱེད་པའི་སེམས་ཁྲལ་བཅས་པར་ཞིབ་མོས་བཀླག་སྟེ་སེམས་ཀྱིས་མྱངས་ཡོང་དུས་ཁོང་གིས་མི་རིགས་ལ་བཅངས་བའི་དུང་ཞེན་རྣལ་མ་དང་ས་གནས་ལ་བཟུང་བའི་ལྷག་བསམ་རྣམ་དག་ཞིག་གིས་ངའི་སེམས་ཀྱི་གྲོགས་པོ་བསླད་མེད་ཅིག་ལ་རིམ་གྱིས་འགྱུར་སོང་ལ་ང་དུང་སའི་རྩོམ་གྲོགས་དག་མ་ཞིག་ལ་རིམ་གྱིས་ལོག་སོང་། རྒྱུ་མཚན་ནི་དེ་རིང་ཁ་སང་གི་མཁས་པ་མང་ཆེ་བས་སྐྱ་སེར་གྱི་ལྟ་སྟངས་བཟུང་ནས་ཅིག་གིས་སངས་རྒྱས་ཆོས་ལུགས་ཀྱི་དགོངས་དོན་རྟོགས་གི་མེད་པས་དམ་པའི་ལྷ་ཆོས་ལ་རྨོངས་འདུག་ཟེར་བ་དང་། ཉིག་གིས་འཇིག་རྟེན་མི་ཆོས་ལ་ལག་བསྲིང་ཡོང་རབས་དང་མི་ཆོས་ལྷ་ཆོས་ཀྱི་ལམ་ཁ་ཁ་ཁ་ཡིན་པས་འཇིག་རྟེན་མི་ཆོས་ལ་རྨོངས་འདུག་ཟེར་ནས་ཕྱོགས་ལྷུང་དང་འཐེན་འཁྱེར་གྱི་བསམ་བློ་ལ་གཞོལ་ཅི་ཐུབ་བྱེད་པས་བོད་མི་རིགས་ཉམ་ང་ཞིང་ཉག་ཕྲ་བའི་དུས་འདིར་ཅི་འདྲའི་སེམས་གཉོམ་ཞིང་ཡིད་ཕམ་པའི་དོན་ངན་ཞིག་ཅིས་མ་ཡིན།

དུས་དེ་རིང་ཉི་མ་དང་ཟླ་བའི་འོད་སྣང་ལ་རེ་བའི་སྐར་ཚོགས་ཀྱང་ཕ་མ་མེད་པའི་དྭ་ཕྲུག་བཞིན་ལ་འཐོར་ལུང་འཐོར་བྱུང་ཁར་སྐྱིད་སྡུག་ཞུ་སའི་དཔོན་དང་འཁྱགས་ལྟོགས་བཤད་སའི་མ། དྲང་བདེན་བརྗོད་སའི་མི་ཞིག་ཉིན་མོའི་སྐར་མ་ལྟར་དཀོན་པའི་སྐྱབས་མེད་མགོན་མེད་ཀྱི་མི་རིགས་ཉམ་ཆུང་ཞིག་ཤི་མ་གསོན་གྱི་ངང་ནས་རང་རང་སར་ལྟ་བ་གསར་རྙིང་གི་རྩོད་གཞི་རེ་འཐུས་ཏེ་རང་ལྟ་མཁྲེགས་འཛིན་གྱི་ལྟ་ཚུལ་རེ་བཟུང་ནས་མཐུན་པའི་དཔུང་རྡང་འཐོར་ལ་ཁད། བསམ་བློའི་འཁྱེར་སོ་འགལ་ལ་ཁད་བྱས་ནས་ཕམ་ཁ་དང་བཙན་གནོན་གྱི་ཁུར་བོ་བརྩེགས་མར་ཁུར་ཏེ་ཉིན་ཞག་གི་ཕྲེང་རྡོག་རེ་རེ་རྨོངས་མུན་གྱི་ཀློང་དུ་དེད། ཨ་ཁ་ཁ  འདི་ལྟར་སྡོད་ཚུགས་སམ།  ངའི་སྙིང་ཁོང་གི་ཕུ་ནུ་མིང་སྲིང་། ངའི་སེམས་གཏིང་གི་རིགས་མཐུན་སྤུན་ཟླ།  ཁྱོད་ཚོས་ཡང་སྙིང་ཅི་ཞིག་རྩོད་འདུག  ཅི་ཞིག་འཚོལ་འདུག ངས་ངོ་མ་ཧ་མི་གོ་གི དོན་ངོ་མས་བཤད་ན་ཆོས་སྲིད་འགལ་འདུའི་རྩ་བ་རྙེད་དེ་རྩད་པ་འབལ་རུང་ང་ཚོ་གནམ་སྔོན་པའི་ཐུ་འོག་གི་ས་ཆེན་པོའི་བདག་པོ་ངོ་མར་འགྱུར་ཨེ་ཐུབ་བམ། བསམ་བློ་བཞི་གསུམ་བཅུ་གཉིས་ཀྱི་བློ་ཁ་ནང་ལ་ཕྱོགས་ཏེ་བློ་རྩེ་འདྲ་མིན་སྣ་ཚོགས་ཀྱི་ཇུས་གཞི་ཐང་ལ་བཀོད་དང་། ང་ཚོ་ལ་ཆེས་མཁོ་བ་ནི་རང་གི་སྐད་དང་ཡི་གེ་རེད་ལ།ང་ཚོས་སྐད་དང་ཡི་གེ་ལ་སྐྱབས་བཅོལ་ཏེ་མཐུན་སྒྲིལ་ལྷུན་པོ་ལ་རྒྱབ་ཁེན་ནས་གཅིག་མཐུན་གྱི་བསམ་བློ་མཁོ་བ་ལས་གཏོར་བཤིག་གི་ངན་ཇུས་ག་ལ་མཁོ།    བདེན་དོན་དང་གནས་ལུགས་མཁོ་བ་ལས་ངན་ལང་གི་མཁྲེགས་འཛིན་ཅི་ལ་མཁོ།   ངའི་མིག་ནང་གི་སྒོ་ཤེར་ནི་དེང་དུས་ཀྱི་ལྟ་བ་མཁྲེགས་འཛིན་ལ་དགའ་བའི་སྐྱ་སེར་དེ་དག་ལས་ལྡོག་སྟེ་དབུ་མའི་བགྲོད་ལམ་ལ་སྙེགས་ཅི་ཐུབ་བྱེད་མཁན་གྱི་ཤེས་ཡོན་པ་ཞིག་ཡིན་པ་ངས་མགྲིན་པ་གཟེངས་སུ་བཏེགས་ནས་སྨྲར་སྤོབས།  

དོན་ངོ་མས་བཤད་ན་ངས་ནམ་ཡང་འདི་ལྟར་སེམས་ཀྱིན་ཡོད།   མི་ཞིག་ཡིན་པ་ལ་ནི་མི་རིགས་ཀྱི་ འདུ་ཤེས་ཤིག   བསྒྲུན་མེད་ཀྱི་རྣམ་དཔྱོད་ཅིག    ཟོལ་མེད་ཀྱི་ལྷག་བསམ་ཞིག   བཅོས་མིན་གྱི་བརྩེ་བ་ཞིག  ལྷོད་མེད་ཀྱི་བརྩོན་པ་ཞིག   ཞུམ་མེད་ཀྱི་སྤོབས་པ་ཞིག    རིགས་ཞེན་གྱི་དུང་བ་ཞིག    ཚུགས་ཐུབ་ཀྱི་རང་ཚུགས་ཤིག    འཁྲུལ་མེད་ཀྱི་ཁ་ཕྱོགས་ཤིག  ཁོངས་བཙུན་གྱི་གནས་ལུགས་ཤིག   རང་ལུགས་ཀྱི་ལྟ་བ་ཞིག  བཤད་སྤོབས་ཀྱི་སྙིང་སྟོབས་ཤིག    འགྱུར་མེད་ཀྱི་ལ་རྒྱ་ཞིག      གསུབ་མེད་ཀྱི་སྲི་ཞུ་ཞིག་ཡོད་ན་དེ་ནི་མི་རིགས་དེའི་རིགས་རྒྱུད་གཙང་མ་ཞིག་ལ་རྩི་ཆོག་པར་མ་ཟད་མི་རིགས་དེའི་འཇོན་མིའི་གྲལ་དུ་བགྲང་ན་རུང་ངོ་སྙམ་འདུག་པས་སྒོ་ཤེར་དེ་ལས་མ་འདས་པའི་ངས་སེམས་ཀྱིས་དད་པ་འཇོག་ས་དང་ངས་ཡིད་ཀྱིས་སྨོན་པ་འཆོར་ས་ཞིག་ཅིས་མ་ཡིན།   

·རྩོམ་ཡིག་གོང་མ:གླིང་གི་དཔའ་བརྟུལ་སུམ་ཅུའི་མཚན་གྱི་རྣམ་གྲངས།
·རྩོམ་ཡིག་འོག་མ:སྙན་ངག་སྤྲིན་གྱི་ཕོ་ཉ།༼༡_༥༠
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·འགོ་ཁྲིད་དང་དཔོན་པོ་མ་ནོར་ཅིག 2016/9/30 16:16:26
·ཀུན་མཁྱེན་ཇོ་ནང་པ་ཆེན་པོའི་བསྟན་པ་རྒྱས་པའི་སྨོན་ལམ། 2016/9/30 16:11:32
·སྐད་ཡིག་དང་ནང་ཆོས་གཅིག་ཏུ་འཁྲུལ་མི་ཉན། 2016/3/7 18:08:42
·རླབས་ཆེན་གྱི་བཞུད་ལམ། 2016/3/7 18:03:51
·སྙིང་གཏམ་བཅོ་ལྔ་པ། 2016/3/7 17:51:57
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 8:50:29 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 11:52:30 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 17:38:44 [来自: 112.5.248.229]

འབྲེལ་ཡོད་དཔྱད་བརྗོད 53 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།31.25MS