ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་འདུ་ར། >> དུས་གཏམ་མྱོང་གླེང་།
 རྩོམ་ཡིག་ཀློག་པ།

བླ་མར་དབང་ཤུགས་ཆེ་ས་ན་དམངས་གཙོ་མེད།

  རྩོམ་པ་པོ:ལྷམ་ཀོགཡོང་ཁུངས:ན་གཞོན་གསར་པ།གཟིགས་གྲངས:1386ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2010/4/2 10:42:54ཚོགས་ཡར་སྤྲོད:ལྡོང་།
བླ་མར་དབང་ཤུགས་ཆེ་ས་ན་དམངས་གཙོ་མེད།
ལྷམ་ཀོག
      མི་ནི་འདུ་ཤེས་མཐོ་བའི་རིགས་སུ་གྱུར་བའི་སེམས་ཅན་ཞིག་ཡིན་ཞིང་། སྲོག་ལྡན་གཞན་ལས་སྔོན་དཔག་དང་གྲ་སྒྲིག་ཡོད་པ།ཁྱིམ་གཞི་དང་འཚོ་བར་གཏན་ཁེལ་ཡོད་པ་ཞིག་ཡིན་པ་ནི་འདས་མ་འོངས་ད་གསུམ་གང་ལ་བལྟས་ཏེ་ཡང་ཤེས་ཐུབ་པ་དེའོ།  དབྱར་ཁ་དང་དགུན་ཁ་གཙོས་གྱུར་བའི་དུས་གཞིའི་ནམ་ཟླ་དང་བསྟུན་ནས་ལྟོ་གོས་སོ་ཚིས་ལ་ཉེར་སྡོགས་རྩོམ་གྱིན་ཡོད།དེའི་ཕྱིར་མི་དང་མིའི་བར་ལ་རང་བྱུང་གི་བརྩེ་བ་དང་ཉེར་མཁོའི་བརྩེ་བ་སོགས་ཡོད་པར་གྱུར་བ་དང་།  དེའི་ལྡོག་ཕྱོགས་ནས་མི་མཐུན་པའི་སྡང་སེམས་དང་སྡང་ཡུལ་ཡང་ཤུགས་ཀྱིས་གྲུབ་པ་ཞིག་ཡིན་པ་སྨོས་མ་དགོས་པ་རེད།  སྣང་ཚུལ་འདི་རྒྱུན་ལྡན་གྱི་མིའི་འཚོ་བའི་ཁྲོད་ཀྱི་འཕེལ་རིམ་ཞིག་ཡིན་པས་ལྟོས་ངན་པ་ཞིག་བྱུང་བ་ལར་ནས་མ་རེད།མི་རྣམས་ཀྱིས་འཚོ་བའི་རྨང་འདི་ལྟ་བུ་ཞིག་གཞི་ལ་བཏང་ནས་ཆབ་སྲིད་དང་དཔལ་འབྱོར་རིག་གནས་དང་ཆོས་ལུགས་སོགས་ཀྱི་རིག་པ་སྣ་སྒོ་མོ་ནས་སྤེལ་ཞིང་།ལག་ལེན་དང་གཞུང་ལུགས་ཉམས་མྱོང་གང་མང་ཞིག་གི་ཐོན་འབྲས་ལས་གྲུབ་མཐའ་སྣ་མང་དང་སྲིད་ལུགས་སྣ་མང་གོམས་སྲོལ་སྣ་མང་དག་བྱུང་བ་རེད།  དེའི་ཕྱིར་རིག་གཞུང་གང་ཡིན་རུང་ཐོག་མར་མིའི་འཚོ་བ་སྐྱིད་དུ་གཏོང་བའི་ཐབས་སུ་དམིགས་པ་ཞིག་ཡིན་པར་སྙོན་དུ་མེད་མོད།འོན་ཀྱང་དུས་ཀྱི་འཕེལ་རིམ་ལ་བསྟུན་ཏེ་སྲོག་དབང་ཡོད་པའི་རིག་གནས་དག་མེད་པར་གྱུར་བ་དང་།  སྔོན་བྱུང་མ་མྱོང་བའི་རིག་གནས་གསར་བ་དག་འཚོ་བའི་ཁྲོད་དུ་བྱུང་བ་འང་རྒྱུན་ལྡན་ཞིག་རེད།  དེ་ལྟ་མོད་འཚོ་བ་འདྲ་མཉམ་དང་གོ་ཐོབ་འདྲ་མཉམ།  རང་དབང་འདྲ་མཉམ་སོགས་ཀྱི་ཐད་ན་ཤིན་ཏུ་ཁྱད་པར་བྱུང་ཡོད་པས་ང་ཚོ་མི་སུ་ཡིན་རུང་རང་གི་འདོད་བློ་དང་འཚམ་པ་ཞིག་ལར་ནས་ཐོན་ཐུབ་གི་མ་རེད།  དཔེ་ཆུང་ཆུང་ཞིག་གི་སྒང་ནས་བལྟས་ཀྱང་ཤེས་ནུས་པ་ཡིན།ཕ་བུ་གཉིས་ཀྱི་ངོར་གཅིག་མཐུན་དུ་གྲུབ་པའི་བདེ་སྐྱིད་ཅིག་མེད་ལ།ཕ་ཡིས་བུའི་འདོད་པ་ཡོངས་སུ་རྫོགས་པ་སྐོང་ཐུབ་པའི་འགན་ཡང་འཁུར་གྱིན་མེད།  བུ་ལ་མཚོན་ན་ཡང་རང་གི་ཕ་དེའི་འགྲོ་འདུག་སྤྱོད་གསུམ་ཡོངས་སུ་རྫོགས་པས་རང་གི་འདོད་པ་ཚིམས་ཀྱིན་མེད་པའི་ཁར།ད་དུང་ཕ་ཞིག་ཡིན་པའི་ངོས་ནས་བུ་རང་གི་མདུན་ལམ་གྱི་ཐད་ལ་བསམ་བློ་མི་གཏོང་བར་སྒེར་གཅོད་བྱེད་པའི་སྣང་ཚུལ་ཡང་འབྱུང་ངེས་རེད།  འདི་སྣང་ཚུལ་ཙམ་མ་ཡིན་པར་དོན་དངོས་ཡིན་པ་རེད།དཔེར་ན་ཕ་མས་བུ་དང་བུ་མོའི་འདོད་པར་མི་བསྟུན་པར་གནས་དང་དགོན་པར་བསྐྱལ་བའི་ཐད་ན་ཤིན་ཏུ་མང་།  ཕ་མ་རང་རང་གི་བློ་མཐུན་ས་དང་དད་པ་དབང་བཙན་པར་བྱས་པ་ལས་བུའི་ཕྲུག་ལ་འདང་བརྒྱབས་མེད།འདི་ལྟ་བུ་ནས་མགོ་བརྩམས་ཏེ་བལྟས་ན་སྒེར་གཅོད་ནི་ཡ་ང་ཞིང་གདུག་རྩུབ་ཅན་ཞིག་ཡིན་པ་མཐོང་ཐུབ་པར་མ་ཟད།དམངས་གཙོ་ནི་ཚུགས་དཀའ་ཞིང་ལག་ཏུ་ལེན་དེ་བས་ཀྱང་དཀའ་བ་ཞིག་ཡིན་པ་འང་གོ་འོང་ངོ་།སྤྱིར་དམངས་གཙོ་ཟེར་བ་དེ་མང་མོས་ཀྱིས་ཐག་གིས་གཅོད་དགོས་པས །དམངས་གཙོའི་རྒྱལ་ཁབ་བམ་དམངས་གཙོའི་མགོ་ཁྲིད་ཅིག་ལ་མཚོན་ན་རྒྱལ་ཁབ་དང་མགོ་ཁྲིད་ནི་དམངས་ཀྱི་ཆེད་དུ་ཡིན་པས་དམངས་ཀྱི་འདོད་བློ་དང་མི་མཐུན་ཚེ་བསྒྱུར་དགོས་པའི་གོ་རྟོགས་སྐྱེས་ཡོད།དེའི་ཕྱིར་དམངས་ཀྱིས་མང་མོས་ཀྱིས་བདམས་པའི་སྤྱི་འཐུས་ནི་ཁྲིམས་བཟོ་བ་རེད།རིམ་གྱིས་ཁྲིམས་འཛིན་པ་དང་།ཁྲིམས་སྐྱོང་བའི་ལས་ཀ་དག་ཀྱང་དམངས་ཀྱི་ལག་ཏུ་ཡོད།འདི་ནས་མང་མོས་ཟེར་བ་དེ་ག་འདྲ་ཞིག་གི་སྟེང་ནས་འཇོག་གམ་ཟེར་ན།བརྒྱ་ཆའི་ལྔ་གཅིག་ནས་འཇོག་དགོས་པ་ལྟ་བུ་དེ་རེད།དེ་ལྟའི་ཕྱིར་ན་ལྟོས་འཇོག་གིས་མི་རྣམས་ཀྱི་འདོད་བློ་དང་བསྟུན་གྱིན་ཡོད་པའི་སྲིད་ལུགས་ནི་དམངས་གཙོ་ཡིན་པས་ཀུན་པོས་དམངས་གཙོ་ལ་ཤུགས་བརྒྱག་པ་རེད།འོན་ཀྱང་ངས་བལྟས་ན་དམངས་གཙོ་ནི་ཆབ་སྲིད་སྡེ་ཁག་ལས་གཞན་དུ་མི་དགོས་པ་ཞིག་ལར་ནས་མ་རེད།མདོར་ན་ཁྱིམ་ཚང་ཞིག་ལ་ཡང་དམངས་གཙོ་དེ་དགོས་པར་སྣང་།ཕ་མ་གཉིས་ཀྱིས་རང་སྣང་གང་ཤར་གྱིས་བུ་ཕྲུག་དག་བཀོལ་སྤྱོད་བྱེད་པ་དེ་ཡང་གོམས་སྲོལ་གྱི་སྟེང་ན་མགོ་རྔ་ཡོད་པ་ཞིག་ཏུ་སྣང་རུང་།གནས་ལུགས་ཀྱི་སྟེང་ནས་སྐྱི་ཡ་བ་ཞིག་རེད།གོང་དུ་གླེང་ཟིན་པའི་བུ་དང་བུ་མོ་དགོན་པ་དང་གནས་ལ་བསྐྱལ་སྟངས་ཀྱི་ཐད་ནས་བལྟས་ཀྱང་ངོ་ཤེས་པ་ཡིན།དེང་གི་ཆར་ཁྱིམ་ཚང་ཞིག་ལ་མཚོན་ན་ཡང་གོམས་སྲོལ་དང་དམངས་གཙོ་གཉིས་ལས་ཆ་འགའ་རེ་ནས་དམངས་གཙོ་ལ་སློབ་སྦྱོང་བྱ་དགོས།ཆོས་སྒྲུབ་སའི་དགོན་པཡིན་ན་མི་མང་འདུས་སྡོད་བྱ་ས་ཞིག་ཡིན་པས་དམངས་གཙོ་མཁོ་བ་སྨོས་མ་དགོས་པ་ཞིག་རེད།དགོན་བདག་བླ་མས་ཁ་ལོ་གང་སར་དཀྱུས་ན་དེ་ལྟར་དུ་འགྲོ་དགོས་པའི་གོམས་སྲོལ་ངན་པ་འདི་ངེས་པར་དུ་བསྒྱུར་དགོས་པ་རེད།དགེ་བསྐོས་དང་ལས་སྣེ་སྐོ་འཇོག་དང་བསླབ་པ་སློབ་གཉེར་གྱི་རིམ་པ་གང་ཡིན་རུང་མང་མོས་མ་བྱས་པར་བཙན་དང་ཤུགས་ཀྱིས་མི་འདོད་བཞིན་དུ་འདེད་པ་ནི་སྒེར་གཅོད་ཁོ་ན་ཞིག་རེད།དགོན་བདག་བླ་མ་རང་ཉིད་ལ་དམངས་ཀྱིས་གུས་འདུད་ངེས་པར་དུ་བྱེད་དགོས་ཤིང་།དགོན་བདག་རང་ཉིད་ཀྱི་གམ་ན་གྲྭ་གཞོན་ཚོ་ནི་ལས་སྣོད་བྱ་སྤྱད་ཀྱི་ཐོ་བ་བཞིན་དུ་གྱུར་ཡོད་པ་དེ་ནི་ངན་རྟགས་མཐར་ཐུག་པ་ཞིག་རེད།སྒེར་གཅོད་ཀྱིས་དཔོན་པོ་དག་གིས་དམངས་ཀྱི་སེམས་ནམ་ཡང་རིག་མི་ཐུབ་པ་དང་།དམངས་ཀྱིས་ཀྱང་རང་གི་འདོད་མོས་མཐར་ཐུག་པ་བཤད་རྒྱུར་འཇིགས་སྣང་ཡོད་པ་བཞིན།དགོན་བདག་བླ་མ་དང་དགོན་པའི་གྲྭ་བའི་བར་དུ་ཡང་དེ་ལྟར་དུ་གྱུར་ཡོད་པ་ནི།ཆོས་སྲིད་གཉིས་ཀའི་ལམ་ནས་གཡང་དུ་ལྷུང་ངེས་པའི་སྔོན་འགྲོ་ཞིག་རེད།བཅའ་ཡིག་ཆེན་མོ་དང་དགེ་འདུན་འདུལ་བའི་ནང་ཁྲིམས་ཀྱང་མང་མོས་ཀྱི་སྒོ་དང་བསྟུན་དགོས་པ་ཞིག་རེད།བསྒྱུར་དུ་མེད་པ།གཟུར་དུ་མེད་པ་ཞིག་ཡིན་ཚེ་དེ་ནི་དཀྱེལ་མེད་པའི་རིག་གནས་ཤིག་ཡིན་པས་དུས་རབས་ཀྱི་རྗེས་སུ་ལུས་ངེས་པ་ཡིན་ཞིང་།ནམ་ཞིག་ལ་ལག་ཏུ་ལེན་མཁན་ཡང་མེད་འགྲོ་བར་ངེས།མེད་དགོས་པ་ཞིག་ཀྱང་རེད།མི་ལ་གནོན་བཙིར་བྱེད་པའི་རིག་གནས་ཤིག་ག་དུས་ཡིན་ཡང་ཡོད་ན་འོས་པ་ཞིག་མ་རེད།སྒེར་གཅོད་པ་ཞིག་ལ་མཚོན་ན་བཀོལ་འོས་པའི་ལག་ཆ་དམ་པ་རེད་མོད།དེ་ལས་གཞན་པའི་རིག་གནས་ཀྱི་རྩིས་ཐང་ཞིག་འཚོལ་དུ་མེད་པ་རེད།འདི་ནས་ང་ཡ་མཚར་བ་ཞིག་ལ་དགོན་བདག་བླ་མ་ནི་ཆོས་ཁྲིམས་དང་མི་ཆོས་གང་གིས་གཅུན་དུ་མེད་པ་ཞིག་ཡིན་པ་དེ་རེད།གལ་ཏེ་ཁྲིམས་ཀྱིས་གཅུན་དུ་མེད་པ་ཞིག་ཡིན་དུས་དེ་ནི་སྒེར་གཅོད་པ་མཐར་ཐུག་པ་ཞིག་ཡིན་པ་ལས་གཞན་དུ་ངོས་འཛིན་རྒྱུ་མེད།ཆོས་ཀྱི་གཞུང་ལུགས་དང་མི་མཐུན་པའི་ལྟ་བ་དང་སྤྱོད་པ་རྒྱུན་དུ་སྐྱོང་གིན་ཡོད་པར་མ་ཟད།མི་ཆོས་ཀྱིས་ཟིན་དུ་མེད་པའི་སྒྲོམ་གཞི་ཞིག་ཀྱང་བཟོས་འདུགདེ་བས་བླ་མ་ཁོ་ཚོའི་གདུལ་བྱར་བརྩི་བའི་ང་ཚོའི་དད་ལྡན་མང་ཚོགས་ཀྱི་ཁྲོད་དུ་འང་ཆོས་ཀྱི་གཞུང་ལུགས་རྣལ་མ་དེ་དར་མ་ཐུབ་པར།དགོན་བདག་བླ་མས་ཆོས་ལུགས་དེས་སྟངས་འཛིན་བྱས་འདུག དེའི་ཕྱིར་ང་ཚོའི་མང་ཚོགས་འདི་ནམ་ཡང་དམངས་གཙོའི་ལམ་ཁར་འགྲོ་རྒྱུ་ཤིན་ཏུ་ནས་ཐག་རིང་པོ་རེད།རྒྱུ་མཚན་ནི་དགོན་བདག་བླ་མས་ལྷ་སྡེ་དང་སྦྱིན་བདག་གི་མིང་སྙན་མོ་རེ་བཏགས་ཏེ་སྟངས་འཛིན་བྱས་པ་ཤུགས་དྲགས་པས།ཁོ་ཚོས་མགོ་ལུས་ཆ་ཚང་བ་བླ་མས་བདག་གེར་བཟུང་ཟིན་པས་ཁོ་ཚོའི་སྐྱིད་སྡུག་ལ་རང་མོས་ཀྱིས་བསམ་བློ་གཏོང་བ་ཤིན་ཏུ་ཉུང་།བླ་མ་དེས་ཅི་གསུངས་ལ་ཉན་པ་རེད།བླ་མ་དེ་འཁྲུལ་བར་གྱུར་ན་ཡང་།འདི་ལ་དོགས་པ་ཙམ་ཡང་ཟ་ཕོད་པ་མ་རེད།གལ་ཏེ་དོག་པ་ཟོས་པ་ཡིན་ན་ཁོ་ཚོས་ལས་འབྲས་ཁས་མ་བླངས་པ་དང་གནས་ལུགས་ཁས་མ་བླངས་པ།སངས་རྒྱས་དང་ཆོས་ཁས་མ་བླངས་པ་ལྟ་བུའི་འཇིགས་དངང་ཡོང་གི་ཡོད་པ་རེད།བསམ་བློ་དེ་འདྲ་ཞིག་རིམ་བསགས་ཀྱིས་སྡེ་དོན་དང་མི་དོན་གང་ཞིག་ཡིན་རུང་བླ་མ་དེའི་གསུང་ལ་ཁེན་དགོས་བྱུང་ཡོད།འགྲོ་སྟངས་འདུག་སྟངས་འདི་ལས་དཔགས་ཐུབ་པ་ནི་གང་ཡང་འཇོན་པ་དང་གང་ཡང་བདེན་པ་ནི་བླ་མ་དེ་ཡིན་པར་འདོད་པས།བླ་མ་དེར་འདེམས་ཤོག་བརྒྱ་ཆའི་བརྒྱ་ཐོབ་ངེས་པ་རེད།དོན་ངོ་མའི་བླ་མ་དེ་ནི་དམངས་ལ་སེམས་ཁུར་བྱེད་མཁན་ཞིག་དང་དམངས་ཀྱི་ལོ་རྒྱུས་སྐྲུན་མཁན་ཞིག་མ་ཡིན་པར་རང་དོན་ཙག་ཙིག་གི་ནང་ན་མགོ་འཁོར་ཏེ་ཡོད་པ་ཞིག་ཡིན་པས་འདེམས་ཤོག་བརྒྱ་ཆའི་སུམ་ཅུ་ཐོབ་འོས་པ་ཡང་ཉུང་ཉུང་ཡིན།འདི་ནས་ཀློག་པ་པོར་དོགས་པ་འོང་སྲིད་པ་ནི།བླ་མ་དེར་འདེམས་ཤོག་བརྒྱ་ཆའི་བརྒྱ་ཐོབ་པ་ཡིན་ན་དེ་ལ་ཁྱད་ཆོས་ཤིག་ཡོད་པ་ཡིན་པར་འདོད་པ་དང་།འདེམས་ཤོག་དེ་ཡང་དམངས་གཙོའི་ལམ་ནས་ཐོབ་པར་འདོད་པ་དེ་རེད།ངས་འདི་ནས་དབྱེ་ཞིབ་བྱས་པའི་དབང་དུ་བཏང་ན།བླ་མ་དེས་གང་ཡང་འཇོན་པར་འདོད་པའི་བསམ་བློ་ཆོས་ལུགས་ལ་བརྟེན་ནས་བྱུང་བའི་དྲི་ཙམ་འདྲེས་འདུག གང་རེད་ཅེས་ན་ཆོས་གཞུང་ན་བླ་མ་ནི་སངས་རྒྱས་སུ་བལྟ་དགོས་པ་འམ་སངས་རྒྱས་ཡིན་པ་དང་།སངས་རྒྱས་ནི་ཐམས་ཅད་མཁྱེན་པ་ཡིན་པར་བསྒྲུབས་པའི་རྒྱུ་མཚན་ལ་ཐུག་འདུག
  དམངས་ཚོགས་ལ་མཚོན་ན་ཆོས་གཞུང་གིས་བསྟན་པའི་བླ་མ་དེ་ཅི་ལྟ་བུ་ཞིག་ཡིན་པ་མ་ཤེས་པ་དང་།གོ་བ་རགས་རམ་ཙམ་ལ་བླ་མ་དང་སངས་རྒྱས་གཅིག་ཡིན་པས་གང་ཡང་མཁྱེན་པ་རེད་འདོད་ཅིང་།  གོ་སྐབས་འདི་དང་བསྟུན་ནས་དགོན་བདག་བླ་སྤྲུལ་གྱིས་རིག་པ་གྲིམ་པོ་བྱས་ཏེ་མོ་འདེབས་པ་དང་རྨི་ལམ་ལ་བསྒུགས་པ།  མཆོད་མེ་ལ་བརྟགས་པ་སོགས་ཀྱིས་ཆོ་ག་བསླབས་པར་མ་ཟད།  མིང་དུ་གྲགས་པའི་དབང་ལུང་མནོ་བར་ཕྱག་ལེན་བསླབས་པ་རེད།དེའི་ཞོར་དུ་ཁ་སྤྱང་བོར་གྱུར་བས་ཁོར་གཡོག་གིས་བླ་མ་དང་སངས་རྒྱས་གཉིས་ལ་ཁྱད་པར་མེད་ཚུལ།རྟགས་དང་མཚན་མ་མང་རབས་ལབ་ནས་དམངས་ཀྱི་སེམས་ངོར་གསེར་གྱི་སྐུ་ལྟ་བུ་ཡིན་པར་བཞག་པ་མང་དྲགས་པས།མི་མང་གིས་བླ་མའི་གཅིན་སྐྱག་ཡང་ཁ་རུ་འཁྱེར་བར་བློ་ཐག་རྦད་ཀྱིས་གཅོད་ནུས་པའི་བར་དུ་བག་ཆགས་བཞགཡོད་པ་རེད།ཀློག་པ་པོས་འདི་ལ་དཔྱོད་དེ་འོང་ན་ཆོས་གཞུང་གི་ལྟ་སྤྱོད་ཀྱི་ཐད་ན་གཅིན་སྐྱག་ཁ་རུ་ལེན་པའི་བྱིན་རླབས་ལ་རེ་བའི་རྣམ་གཞག་ཡོད་དམ།འདི་ཆོས་དང་མི་མཐུན་རུང་བླ་མའི་ཆོས་ལུགས་ཀྱིས་དམངས་ལ་བཞག་པ་དེ་རེད།  དམངས་ཀྱིས་བླ་མར་རྩིས་མཐོང་འདི་ལྟ་བུ་བྱེད་བཞིན་ཡོད་དུས་དམངས་རང་ཉིད་བླ་མའི་གམ་ན་མ་རུང་བ་དང་མི་ཤེས་པ་ཡོད་རྒུ་ཚང་མཁན་ཞིག་ཏུ་འདོད་པས་བླ་མར་འདེམས་ཤོག་བརྒྱ་ཆའི་བརྒྱ་འཕེན་པའི་ཆ་རྐྱེན་གྲུབ་པ་རེད།དེ་ལས་གཞན་བླ་མའི་བྲན་དུ་གྱུར་བའི་དམངས་ལ་མཚོན་ན་མིའི་གོ་རྟོགས་སད་མེད་པ་རེད།མིའི་གོ་རྟོགས་སད་མེད་དུས་དམངས་གཙོ་ཞེས་པ་དེ་ཅི་ཡིན་ཧ་གོ་གི་མ་རེད།དམངས་གཙོ་ནི་ཅི་ཞིག་གི་དོན་དུ་དར་སྤེལ་བྱེད་དགོས་པ་དང་།དམངས་གཙོའི་འདེམས་ཤོག་ཅི་ལྟ་བུ་ཞིག་གི་ལམ་ནས་འཕེན་དགོས་པའི་གོ་རྟོགས་ཡོད་མི་སྲིད།  དོན་དུ་དམངས་གཙོ་ནི་མི་དམངས་ཀྱི་ཆེད་དུ་མི་དམངས་ཀྱིས་བཙུགས་པའི།མི་དམངས་ཀྱི་གཞུང་ཞིག་ཡིན་པར་བསྟན་པ་དང་གཞུང་དེའི་མགོ་ཁྲིད་ཡང་དེ་ལྟར་དུ་འདེམས་དགོས་པ་ཧ་གོ་གི་མ་རེད།  དམངས་རང་ཉིད་ལ་རྐྱོང་སྐུམ་སྟེར་བའི་གཞུང་ཞིག་དང་དཔོན་པོ་ཞིག་འདེམས་རྒྱུ་ནི་རྩིས་ཆེན་དུ་འཛིན་པའི་གོ་རྟོགས་མེད་པའི་རྩ་བ་དེ་ལྟར་མཐུག་པས།འདེམས་ཤོག་དེ་བླ་མའི་ཕྱོགས་སུ་རྨོངས་དད་ཀྱིས་འཕངས་པ་ཞིག་ལས་ཅི་ཡང་མ་རེད།དེ་བས་བླ་མའི་མཛད་འཕྲིན་རྒྱས་ས་ན་མི་འཇོན་ཐང་ཅན་ལ་མི་དམངས་ཀྱི་སྣེ་འཁྲིད་དགོས་པའི་འདེམས་ཤོག་མེད་པ་རེད།  དེས་མཚོན་པའི་བླ་མ་སྤྲུལ་སྐུ་ཅི་ལྟར་ཤུགས་ཆེན་པོས་བཀུར་ས་ན་དམངས་གཙོ་མེད་པ་དང་།  དམངས་གཙོ་དར་ཡང་ཐུབ་གི་མ་རེད།དམངས་གཙོའི་བདག་དབང་ཡོད་རྒུ་བླ་མས་སྒེར་གཅོད་ཀྱིས་ཟིལ་གྱིས་མནན་ཡོད་པ་རེད།  ནམ་ནམ་ཞར་ཞར་ལ་ལུག་རྒྱབ་པགས་པའི་ངང་ཚུལ་གྱིས་ང་ཚོའི་བདག་དབང་ལ་བླ་མས་ཁ་ལོ་སྒྱུར་གིན་ཡོད་པས་ང་ཚོ་སྒེར་གཅོད་པ་གཉིས་པ་ཞིག་གི་གཞུང་ནས་ཀྱང་ནར་མུར་འདུག་པར་ཆགས་ཡོད།  འདི་ལས་ཐར་དགོས་ན་ང་ཚོའི་སྤྲུལ་སྐུའི་རིག་གནས་སམ་བླ་མའི་རིག་གནས་འདིའི་མགོ་རྟིང་སློག་དགོས།  ཁྲི་སྟེང་ན་འཁོད་པའི་སེར་ཙམ་པ་རེ་རེ་གཉིས་ལ་རྒོལ་བས་ཤུལ་གཅོད་ཐུབ་གི་མི་འདུག འོན་ཀྱང་སྤྲུལ་སྐུ་འམ་བླ་མ་འདི་དག་གིའི་རྒྱབ་རྩ་ན་གདུལ་བྱ་དང་རྩ་ཁྲིམས་ཡོད་པས་རེ་ཞིག་ང་ཚོའི་དམངས་གཙོ་ཕམ་སྲིད་མོད། ནམ་ཡང་མགོ་སྒུར་བར་མི་བྱའོ།།
ཟུར་བཤད།དགོད་གཏམ་ཞིག་བཤད་ན་དམངས་ཀྱི་འདེམས་ཤོག་བླ་མ་ཁོ་ནར་དབང་བར་མ་ཟད། བླ་མའི་གྲོགས་པོ་བློས་ཐུབ་དག་ལ་ཡང་དབང་བར་བཤད་དོ།། འདི་ནས་བླ་མ་ཞེས་པ་ནི་ལམ་རིམ་སོགས་ནས་གསུངས་པའི་ཚད་ལྡན་གྱི་བླ་མར་གོ་བ་མ་ཡིན་པར་དེང་སྤྲུལ་སྐུ་ཞེས་པར་འབོད་པར་དམངས་ཀྱིས་བླ་མར་འབོད་པ་དང་སྒོ་བསྟུན་ནས་བྲིས་པ་ཡིན། དེ་ལས་གཞན་རྩོམ་ཡིག་འདི་བོད་ཀྱི་སྤྱི་ཚོགས་གཞི་རུ་བཞག་ནས་བྲིས་པ་ཡིན།
 
·རྩོམ་ཡིག་གོང་མ:ངག་རིག་སྒྱུ་འཕྲུལ་ཕོ་ཉ།
·རྩོམ་ཡིག་འོག་མ:ཨེ་མ་ཧོའི་གླུ་བྲོ་དམ་ཆོས་སྦྲང་ཆར་ལས།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
འབྲེལ་ཡོད་རྩོམ་ཡིག་མི་འདུག
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 4:42:55 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 6:48:28 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 10:15:25 [来自: 112.5.248.229]

འབྲེལ་ཡོད་དཔྱད་བརྗོད 72 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།46.88MS