ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་འདུ་ར། >> བློ་སྦྱོང་།
 རྩོམ་ཡིག་ཀློག་པ།

ལམ་རིམ་བདུད་རྩིའི་སྙིང་པོ།།༡

  རྩོམ་པ་པོ:ཀོང་པོ་ཡེ་ཤེས་བརྩོན་འགྲུས།ཡོང་ཁུངས:ངེད་དྲ་བ།གཟིགས་གྲངས:1614ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2012/10/21 13:22:43ཚོགས་ཡར་སྤྲོད:admin
༄ ། །  བྱང་ཆུབ་ལམ་གྱི་རིམ་པའི་གདམས་པ་ཟབ་མོ་རྣམས་ཚིགས་སུ་བཅད་པའི་སྒོ་ནས་ཉམས་སུ་ལེན་ཚུལ་དམ་ཆོས་བདུད་རྩིའི་སྙིང་བོ་
ཞེས་བྱ་བ་བཞུགས་སོ། ། ༡
 
   དུས་གསུམ་རྒྱལ་བ་མ་ལུས་གཅིག་ཏུ་འདུས་པའི་བདག་ཉིད་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ལ་ཕྱག་འཚལ་ཞིང་སྐྱབས་སུ་མཆིའོ།  །ཚེ་རབས་ཐམས་ཅད་དུ་འབྲལ་བ་མེད་པར་རྗེས་སུ་བཟུང་དུ་གསོལ། དེ་ལ་འདིར་སྐལ་བ་དང་ལྡན་པའི་གདུལ་བྱ་རྣམས་ཀྱིས་བྱང་ཆུབ་ལམ་གྱི་རིམ་པའི་གདམས་པ་ཟབ་མོ་རྣམས་ཚིགས་སུ་བཅད་པའི་སྒོ་ནས་ཉམས་སུ་ལེན་ཚུལ་ཅུང་ཟད་བརྗོད་པར་བྱའོ།།
    དེ་ལ་དང་པོ་སྐྱབས་འགྲོའི་རིམ་པ་ནི་འདི་ལྟར།  རང་མདུན་རྨད་བྱུང་མཆོད་སྤྲིན་རྒྱ་མཚོའི་དབུས། ། གདོང་ལྔའི་དབང་པོ་བརྒྱད་ཀྱིས་ཉེར་བཏེག་པའི། ། རིན་ཆེན་གདན་ཁྲི་མཆོག་ཏུ་ཡངས་པའི་ཁར། །ཆུ་སྐྱེས་ཉི་ཟླའི་དཀྱིལ་འཁོར་རྒྱས་པའི་སྟེང༌། །མ་ནོར་ལམ་སྟོན་རྩ་བའི་བླ་མ་དང༌། །དབྱེར་མེད་བཅོམ་ལྡན་ཐུབ་པའི་དབང་པོ་ནི། །གསེར་གྱི་ལྷུན་པོའི་སྤོ་ལྟར་རབ་བརྗིད་ཅིང༌། །མཚན་དཔེའི་དཔལ་འབར་ཆོས་གོས་རྣམ་གསུམ་གསོལ། །ཕྱག་གཡས་ས་གནོན་གཡོན་པ་མཉམ་གཞག་སྟེང༌། །བདུད་རྩིས་རབ་ཏུ་གང་བའི་ལྷུང་བཟེད་བསྣམས། །བལྟ་བས་མི་ངོམས་གཟི་བརྗིད་ཕུང་པོའི་སྐུ། །འོད་ཀྱི་དྲ་བའི་དབུས་ན་ལྷམ་མེར་བཞུགས། །ཟླ་མེད་སྟོན་པ་མཆོག་དེའི་མཐའ་སྐོར་དུ། །བརྒྱུད་པ་གསུམ་གྱི་བླ་མ་མ་ལུས་པ། །རྒྱུ་སྐར་ཚོགས་ཀྱིས་ཟླ་བའི་དཀྱིལ་འཁོར་ལ། །ཀུན་ནས་བསྐོར་བ་བཞིན་དུ་བཞུགས་པར་གྱུར། །དངོས་དང་བརྒྱུད་པའི་བླ་མ་དེ་རྣམས་ཀྱི། །མཐའ་སྐོར་ཡི་དམ་ལྷ་དང་ཕྱོགས་བཅུ་ཡི། །སངས་རྒྱས་རྣམས་དང་རྒྱལ་སྲས་ཉན་རང་དང༌། །མཁའ་འགྲོ་ཆོས་སྲུང་ཚོགས་ཀྱིས་ཡོངས་སུ་བསྐོར། །སོ་སོའི་གཡས་གཡོན་བཀོད་ལེགས་སྟེགས་བུའི་ངོས། །རང་རང་ཞལ་གྱི་སྒོ་ནས་ཉེར་ཐོན་པའི། །རྣམ་དག་ལུང་གི་གླེགས་བམ་ཇི་སྙེད་པ། །ཡིག་འབྲུས་རང་སྒྲའི་ཆོས་དབྱངས་སྒྲོག་བཞིན་བཞུགས། །སྐྱབས་ཡུལ་དེ་དག་རྣམས་ཀྱི་སྐུའི་ཆ་ལས། །འོད་ཟེར་ཕྱོགས་བཅུ་ཀུན་ཏུ་འཕྲོ་བྱེད་ཅིང༌། །འོད་ཟེར་རེ་རེའི་སྣེ་ལས་གྲངས་མེད་པའི། །སྤྲུལ་པ་འགྱེད་ཅིང་སེམས་ཅན་སྨིན་པར་མཛད། །ཐུགས་རྗེའི་སྤྱན་གྱིས་བདག་ལ་རྗེས་གཟིགས་ཏེ། །རིགས་ཀྱི་བུ་ཁྱོད་འཁོར་བའི་སྡུག་བསྔལ་ལས། །ཐར་བར་འདོད་ན་ང་ཡིས་བསྐྱབ་བོ་ཞེས། །འཛུམ་ལྡན་ཞལ་གྱིས་དགྱེས་པའི་དབུགས་དབྱུང་མཛད། །རང་གི་མཐའ་སྐོར་ཕ་མ་སེམས་ཅན་རྣམས། །རིགས་དྲུག་སོ་སོའི་སྡུག་བསྔལ་གྱིས་གཟིར་ཞིང༌། །སྐྱབས་འཚོལ་རིག་རིག་མིག་དང་ཉམ་ཐག་པའི། །འོ་དོད་སྨྲེ་སྔགས་དང་བཅས་འཁོད་པར་གྱུར། །
ཀྱེ་མ་བདག་ནི་ཐོག་མེད་དུས་ཉིད་ནས། །ད་བར་རིགས་དྲུག་གནས་སུ་འཁོར་འཁོར་ནས། །སྡུག་བསྔལ་བརྒྱ་ཡིས་རྟག་ཏུ་མནར་མོད་ཀྱང༌། །དེ་ལས་ཐར་པའི་སྐབས་ནི་རྙེད་མ་གྱུར། །ད་རེས་སྟབས་ལེགས་དལ་འབྱོར་རྟེན་ཐོབ་ཅིང༌། །སྟོན་དང་བསྟན་པ་མཆོག་དང་མཇལ་གྱུར་ཀྱང༌། །ཐོག་མེད་གོམས་པའི་ཉོན་མོངས་བཟློག་དཀའ་བས། །གཏན་གྱི་བཙན་ས་ཟིན་པའི་རེ་དང་བྲལ །།ད་ནི་དེ་རིང་མི་འཆིའི་གདེངས་མེད་ཅིང༌། །གང་དུ་སྐྱེ་ལ་རང་དབང་མ་མཆིས་པས། །གལ་ཏེ་ངན་འགྲོའི་གཡང་སར་ལྷུང་གྱུར་ན། །དེ་ཡི་སྡུག་བསྔལ་སྐད་ཅིག་བཟོད་དམ་སོམས། །བརྒྱ་ལ་མངོན་མཐོ་ལྷ་མིའི་རྟེན་ཐོབ་ཀྱང༌། །སྐྱེ་རྒ་ན་འཆི་ལ་སོགས་སྡུག་བསྔལ་བརྒྱས། །བར་མཚམས་མེད་པར་མནར་ཞིང་སླར་ཡང་ནི། །ངན་འགྲོར་ལྟུང་ཕྱིར་མངོན་མཐོར་ཡིད་བརྟན་ཅི། །དེས་ན་ད་རེས་དལ་འབྱོར་རྟེན་ཐོབ་ཅིང༌། །ལམ་སྟོན་བཤེས་གཉེན་མཆོག་གིས་རྗེས་སུ་བཟུང༌། །འཁོར་འདས་སྐྱོན་ཡོན་རིག་པའི་དུས་སྐབས་འདིར། །འཇིགས་རུང་འཁོར་བ་འདི་ལས་མྱུར་ཐར་བྱ། །དེ་ཡང་རང་ཉིད་ཐར་བས་མི་ཆོག་སྟེ། །སྲིད་པར་འཁྱམས་པའི་འགྲོ་བ་འདི་ཀུན་ཀྱང༌། །རང་གི་ཕ་མ་ཤ་སྟག་ཉིད་ཡིན་ཕྱིར། །འདི་དག་ཀུན་ཀྱང་སྲིད་ལས་སྒྲོལ་བར་བྱ། །དེས་ན་རང་གཞན་སེམས་ཅན་མ་ལུས་པ། །མཐའ་མེད་འཁོར་བའི་རྒྱ་མཚོ་ཆེན་པོ་ལས། །སྒྲོལ་བའི་སྐྱབས་དང་སྐྱོབ་པ་གཅིག་པུ་ནི། །མཆོག་གསུམ་ཉིད་ལས་གཞན་དུ་མ་མཆིས་པས། །བདག་དང་་མཁའ་མཉམ་འགྲོ་བ་མ་ལུས་པ། །དེང་ནས་ཇི་སྲིད་བྱང་ཆུབ་སྙིང་པོའི་བར། །དངོས་བརྒྱུད་བླ་མ་རྣམས་ལ་སྐྱབས་སུ་མཆི། །སྟོན་པ་སངས་རྒྱས་རྣམས་ལ་སྐྱབས་སུ་མཆི། །ལུང་རྟོགས་དམ་ཆོས་རྣམས་ལ་སྐྱབས་སུ་མཆི། །འཕགས་ཚོགས་དགེ་འདུན་རྣམས་ལ་སྐྱབས་སུ་མཆིའོ། །བདག་དང་མཁའ་མཉམ་མན་ཆད་ལན་གསུམ་མམ་བདུན་ལ་སོགས་པར་བརྗོད།
དེ་ལྟར་སྐྱབས་སུ་སོང་བས་སྐྱབས་ཡུལ་ཀུན། །དགྱེས་བཞིན་སྐུ་ལས་བདུད་རྩིའི་རྒྱུན་བབས་པས། །བདག་གཞན་སེམས་ཅན་རྣམས་ཀྱི་སྡིག་སྒྲིབ་དང༌། །ནད་གདོན་ཚེ་ཡི་འགལ་རྐྱེན་ཡོངས་བྱང་ཞིང༌། །ཁྱད་པར་མཆོག་གསུམ་ལ་བརྟེན་ཉེས་ཀུན་དག །ཚེ་དང་བསོད་ནམས་ལུང་རྟོགས་ཡོན་ཏན་རྣམས། །ཆེས་ཆེར་འཕེལ་ཞིང་རང་གཞན་སེམས་ཅན་ཀུན། །མཆོག་གསུམ་རྣམས་ཀྱི་སྐྱབས་འོག་ཚུད་པར་གྱུར། །
  སེམས་བསྐྱེད་ནི།  རང་ཉིད་སྲིད་པའི་བཙོན་རར་ལས་ཉོན་གྱི། །ཞགས་པས་བཅིངས་ཏེ་མནར་བ་ཇི་བཞིན་དུ། །ཡང་ཡང་མར་གྱུར་དྲིན་གྱིས་བསྐྱངས་བསྐྱངས་པའི། །ཉམ་ཐག་འགྲོ་བ་ཀུན་ཀྱང་དེ་འདྲ་ཉིད། །འགྲོ་འདི་སྒྲོལ་བའི་ཁུར་ནི་བདག་ཅག་ལ། །བབས་ཀྱང་ད་ལྟའི་གནས་སྐབས་འདི་འདྲར་ནི། །གཞན་དག་སྒྲོལ་བ་ལྟ་ཞོག་རང་ཉིད་ཀྱང༌། །གར་འགྲོའི་གཏོལ་ཡང་ཅུང་ཟད་མི་སྣང་ལ། །དགྲ་བཅོམ་རྣམ་གཉིས་ཐོབ་ཀྱང་རང་དོན་ཡང༌། །མ་རྫོགས་གཞན་གྱི་དོན་ཡང་ཉི་ཚེ་ཙམ། །དེས་ན་རང་གཞན་དོན་གཉིས་མཐར་ཕྱིན་པར། །རྒྱལ་བའི་གོ་འཕང་ངེས་པར་ཐོབ་དགོས་ཏེ། །གོ་འཕང་མཆོག་དེ་ཐོབ་ན་རང་ཉིད་ནི། །རྒུད་པ་ཀུན་ཟད་ཡོན་ཏན་མ་ལུས་རྫོགས། །འབད་རྩོལ་མེད་པར་ནམ་མཁས་གར་ཁྱབ་པའི། །མ་རྒན་འགྲོ་བའི་དོན་བྱེད་ནུས་པའི་ཕྱིར། །དེས་ན་བདག་གིས་རྫོགས་པའི་སངས་རྒྱས་ཀྱི། །གོ་འཕང་མྱུར་བ་ཉིད་དུ་ཐོབ་པར་བྱ། །དེའི་ཕྱིར་སྦྱིན་སོགས་སྤྱོད་པ་རླབས་པོ་ཆེ། །ཀུན་ལའང་ཞུམ་མེད་རིམ་གྱིས་བསླབ་པར་བགྱི། །
དེ་ལྟར་བྱང་ཆུབ་སེམས་མཆོག་བསྐྱེད་པའི་མཐུས། །བླ་མ་རྒྱལ་བ་སྲས་བཅས་རབ་དགྱེས་ཏེ། །ཐུབ་པའི་དབང་པོའི་སྐུ་ལས་རང་འདྲ་ཞིག །བདག་ལ་ཐིམ་པས་སྡིག་སྒྲིབ་ཀུན་དག་ནས། །རང་ཉིད་ཐུབ་པའི་དབང་པོའི་སྐུ་རུ་གྱུར། །རང་གི་སྐུ་ལས་འོད་ཟེར་ཕྱོགས་བཅུར་འཕྲོས། །མ་དག་སྣོད་བཅུད་ཉེས་སྐྱོན་ཀུན་སྦྱངས་ཏེ། །དག་པ་རབ་འབྱམས་འབའ་ཞིག་ཉིད་དུ་གྱུར། །  ༼འཕྲོ་མུ་མཐུད་འགོད་རྒྱུ།༽
·རྩོམ་ཡིག་གོང་མ:རང་ཚུགས་མ་ཤོར། གཞན་སེམས་མ་དཀྲུག
·རྩོམ་ཡིག་འོག་མ:མི་ཚེ་དང་སྙན་ངག་ལ་ལྟ་ཚུལ།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·ལམ་རིམ་དམ་ཆོས་བདུད་རྩིའི་སྙིང་པོ། 2013/5/19 11:40:49
·ལམ་རིམ་བསྡུས་དོན་བཞུགས་སོ། 2012/10/5 22:13:13
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/5 21:20:01 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/22 22:19:07 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/15 22:04:56 [来自: 112.5.248.229]

འབྲེལ་ཡོད་དཔྱད་བརྗོད 59 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།23.44MS