ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་འདུ་ར། >> བློ་སྦྱོང་།
 རྩོམ་ཡིག་ཀློག་པ།

ལམ་རིམ་བདུད་རྩིའི་སྙིང་པོ།༦

  རྩོམ་པ་པོ:ཀོང་པོ་ཡེ་ཤེས་བརྩོན་འགྲུས།ཡོང་ཁུངས:ངེད་དྲ་བ།གཟིགས་གྲངས:2143ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2012/11/22 20:57:20ཚོགས་ཡར་སྤྲོད:admin
༄༅། ། བྱང་ཆུབ་ལམ་གྱི་རིམ་པའི་གདམས་པ་ཟབ་མོ་རྣམས་ཚིགས་སུ་བཅད་པའི་
སྒོ་ནས་ཉམས་སུ་ལེན་ཚུལ་དམ་ཆོས་བདུད་རྩིའི་སྙིང་བོ་
ཞེས་བྱ་བ་བཞུགས་སོ། །༦
 
  དལ་འབྱོར་ངོས་བཟུང་བ་ནི།  སྔོན་ཐོག་མ་མེད་ནས་ད་ལྟའི་བར། །གནས་ཁམས་གསུམ་འཁོར་བ་འདིར་འཁོར་ནས། །དམྱལ་བ་དང་ཡི་དྭགས་དུད་འགྲོ་ཡི། །ལུས་གྲངས་མེད་བླང་ནས་སྡུག་ཐག་བཅད། །རེས་བདེ་འགྲོའི་རྟེན་ཙམ་ཐོབ་ན་ཡང༌། །ཕལ་ཆེར་ནི་བཀའ་མེད་མུན་བསྐལ་སྐྱེས། །སྐབས་ལ་ལར་མཐའ་འཁོབ་ཡུལ་དུ་འཁྱམས། །སྐབས་འགའ་ནི་གླེན་ལྐུགས་སོགས་སུ་གྱུར། །ཡང་རེས་འགའ་ལོག་ལྟ་ཅན་དུ་གྱུར། །འགའ་ཞིག་ཏུ་ལོག་པའི་བཤེས་ཀྱིས་བསླུས། །རེས་འགའ་ནི་ལྟར་སྣང་ཆོས་ཀྱིས་འདས། །ལ་ལར་ནི་གཏི་མུག་རྨོངས་པར་གྱུར། །དུས་ད་རེས་བླ་མའི་ཐུགས་རྗེ་ཡིས། །གནས་ངན་སོང་གསུམ་གྱི་འཇིགས་ལས་ཐར། །ལྷོ་འཛམ་གླིང་མི་ཡི་རྟེན་མཆོག་ཐོབ། །དུས་སྒྲོན་མེའི་བསྐལ་པ་བཟང་པོ་མཇལ། །དཔལ་དམ་ཆོས་དར་བའི་ཡུལ་དུ་སྐྱེས། །ནང་བློ་རིག་མ་ལྐུགས་དབང་པོ་ཚང༌། །ཆོས་སྡེ་སྣོད་གསུམ་ལ་ངེས་པ་རྙེད། །རྗེ་སངས་རྒྱས་དངོས་འདྲའི་བླ་མ་མཇལ། །ལམ་ཚང་ལ་མ་ནོར་གདམས་ངག་ཐོབ། །ནང་བླང་དོར་འབྱེད་པའི་བློ་གྲོས་གསལ། །བློ་དམ་པའི་ཆོས་ལ་རབ་ཏུ་ཕྱོགས། །ཟས་གོས་ནོར་མཐུན་རྐྱེན་མཐའ་དག་ཚང༌། །དོན་དེ་ཕྱིར་དལ་དང་འབྱོར་པ་ཡི། །ཆོས་བཅོ་བརྒྱད་ཚང་བའི་རྟེན་བཟང་དེ། །མི་བདག་གི་ད་རེས་ཐོབ་ནས་གདའ། །འདི་སྔོན་བསགས་དགེ་བ་རྒྱ་མཚོའི་མཐུ། །
  དལ་འབྱོར་དོན་ཆེ་བ་བསམ་པ་ནི།  རྟེན་དལ་འབྱོར་ཚང་བའི་ལུས་འདི་ནི། །ཞིང་སྟོང་གསུམ་ནོར་བུ་རིན་པོ་ཆེ། །ཡོངས་གང་བ་ཐོབ་པས་དཔེ་ཡིས་ཀྱང༌། །ཆེས་མཚོན་དུ་མེད་པའི་དོན་ཆེ་སྟེ། །དུས་གནས་སྐབས་མངོན་མཐོ་ལྷ་དང་མིའི། །དཔལ་ཕུན་སུམ་ཚོགས་པ་ཅི་འདོད་ཀྱང༌། །གང་བསམས་པ་བཞིན་དུ་རྟེན་བཟང་འདིས། །ཚེགས་དཀའ་བ་མེད་པར་བསྒྲུབ་པར་ནུས། །སྲིད་མངོན་མཐོ་ཙམ་བོར་མ་ཟད་པ། །དཔལ་ངེས་ལེགས་གོ་འཕང་སྒྲུབ་བྱེད་ཀྱི། །རྟེན་རྣམ་སྨིན་ཡོན་ཏན་བརྒྱད་ལྡན་ཞིག །ཐོབ་འདོད་ཀྱང་རྟེན་འདིས་བདེ་བླག་ནུས། །གནས་མ་དག་སྣོད་བཅུད་ལས་འདས་པ། །ཞིང་བདེ་ལ་ཡངས་པ་དགའ་ལྡན་སོགས། །ཡོངས་དག་པའི་ཞིང་ཁམས་གང་ཞིག་ཏུ། །བགྲོད་འདོད་པར་གྱུར་ཀྱང་འདི་ཡིས་ནུས། །དེར་མ་ཟད་སྐྱེ་རྒ་ན་འཆི་སོགས། །སྲིད་འཁོར་བའི་སྡུག་བསྔལ་མ་ལུས་པ། །གཏན་ཉེར་ཞི་ཐར་པའི་བདེ་བ་ཞིག །ཐོབ་འདོད་ཀྱང་རྟེན་བཟང་འདི་ཡིས་འགྲུབ། །སྐྱོན་སྒྲིབ་གཉིས་བག་ཆགས་དང་བཅས་པ། །ཀུན་བྱང་ཞིང་ཡོན་ཏན་མ་ལུས་པ། །ཡོངས་ལྷུན་རྫོགས་སྐུ་གསུམ་གོ་འཕང་ཡང༌། །རྟེན་འདི་ཡིས་བསྒྲུབས་ན་བསྒྲུབ་པར་ནུས། །སྒོས་ཁམས་དྲུག་ལྡན་པའི་རྟེན་འདིས་ནི། །རྒྱུད་རྣལ་འབྱོར་བླ་མེད་ལ་བརྟེན་ནས། །མཆོག་སྐུ་གཉིས་ཟུང་འཇུག་ས་དེ་ཉིད། །དུས་ཚེ་ཐུང་འདི་ལ་ཐོབ་པར་ནུས། །དོན་དེ་ཕྱིར་དལ་འབྱོར་རྟེན་བཟང་འདི། །དོན་གནས་སྐབས་མཐར་ཐུག་གར་ལྟོས་ཀྱང༌། །དོན་ཤིན་ཏུ་ཆེ་ཕྱིར་རྗེ་བླ་མས། །འདི་ཡིད་བཞིན་ནོར་ལས་ལྷག་ཅེས་གསུངས། །རྟེན་འདི་འདྲ་རྙེད་པར་གྱུར་སྐབས་སུ། །ལམ་མཐོ་རིས་ཐར་པ་མི་བསྒྲུབ་པར། །ལས་འབྲས་མེད་ཚེ་འདི་ལ་ཞེན་པ། །འདི་ལེགས་པར་བསམས་ན་སྨྱོན་པ་ཡིན། །འཕྲལ་དོན་གཉིས་ཅི་འདོད་སྒྲུབ་ཆོག་པ། །མགྱོགས་ལ་འུར་བསྒྲུབ་པར་མི་བྱེད་པ། །ཞིང་ནོར་བུའི་གླིང་དུ་སླེབ་གྱུར་ནས། །ནོར་ཡིད་བཞིན་མི་ལེན་པ་དང་མཚུངས། །ད་ཚེ་འདིའི་བྱ་བ་རྒྱང་བསྲིངས་ཏེ། །ཆོས་མཐར་ཐུག་བྱང་ཆུབ་ལམ་རིམ་ལ། །དུས་ཉིན་མཚན་མེད་པར་བློ་སྦྱངས་ནས། །རྟེན་དལ་འབྱོར་ཐོབ་པ་དོན་ཡོད་བྱ། ། ༼འཕྲོ་མུ་མཐུད་འགོད་རྒྱུ།
·རྩོམ་ཡིག་གོང་མ:བོད་ཀྱི་ལྷ་མོའི་འཁྲབ་གཞུང་གི་དོན་བསྡུས།༤
·རྩོམ་ཡིག་འོག་མ:རྒྱལ་ཁབ་དབུལ་ཕྱུག་གི་ཁྱད་པར་འབྱེད་ཆོས།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·ལམ་རིམ་བདུད་རྩི་སྙིངཔོ།༡༥ 2013/5/14 20:43:48
·ལམ་རིམ་བདུད་རྩི་སྙིངཔོ།༡༤ 2013/5/11 17:53:59
·ལམ་རིམ་བདུད་རྩི་སྙིངཔོ།༡༣ 2013/5/5 20:27:58
·ལམ་རིམ་བདུད་རྩི་སྙིངཔོ།༡༣ 2013/4/2 16:19:02
·ལམ་རིམ་བདུད་རྩིའི་སྙིང་པོ་ལས་༡༢ 2013/3/1 19:34:55
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 9:24:45 [来自: 112.5.248.254]

 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 9:24:42 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 12:34:48 [来自: 112.5.248.152]

འབྲེལ་ཡོད་དཔྱད་བརྗོད 49 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།37.11MS