ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་འདུ་ར། >> བློ་སྦྱོང་།
 རྩོམ་ཡིག་ཀློག་པ།

ལམ་རིམ་བདུད་རྩིའི་སྙིང་པོ། ༩

  རྩོམ་པ་པོ:ཀོང་པོ་ཡེ་བརྩོན།ཡོང་ཁུངས:ངེད་དྲ་བ།གཟིགས་གྲངས:2080ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2012/12/24 14:59:29ཚོགས་ཡར་སྤྲོད:admin
༄༅། ། བྱང་ཆུབ་ལམ་གྱི་རིམ་པའི་གདམས་པ་ཟབ་མོ་རྣམས་ཚིགས་སུ་བཅད་པའི་
སྒོ་ནས་ཉམས་སུ་ལེན་ཚུལ་དམ་ཆོས་བདུད་རྩིའི་སྙིང་བོ་
ཞེས་བྱ་བ་བཞུགས་སོ། །༩
 
  འཆི་བའི་ཚེ་ཆོས་མ་གཏོགས་གཞན་གང་གིས་ཀྱང་མི་ཕན་པ་བསམ་ཚུལ་ནི།  དགྲ་འཆི་བདག་དེ་ཡིས་ཟིན་གྱུར་ན། །གནས་ཁམས་གསུམ་སེམས་ཅན་མ་ལུས་པ། །གཉེན་མཛའ་བཤེས་སུ་གྱུར་མཐའ་བསྐོར་ཡང༌། །གྲངས་གཅིག་ཙམ་འཁྲིད་པའི་རང་དབང་མེད། །ཞིང་སྟོང་གསུམ་རིན་ཆེན་སྣ་བདུན་གྱིས། །ཡོངས་བྱུར་བུར་གང་ལ་དབང་ན་ཡང༌། །ནོར་དེ་ལས་ཏིལ་གྱི་འབྲུ་ཙམ་ཞིག །ཚེ་ཕྱི་མར་འཁྱེར་བའི་ཐབས་དང་བྲལ། །དུས་ལྷན་ཅིག་སྐྱེས་པའི་ལུས་འདི་ཡང༌། །གདན་མལ་ཆའི་སྟེང་དུ་ཅམ་བཞག་སྟེ། །སེམས་དགེ་སྡིག་ལས་ཀྱི་རླུང་ཤུགས་ཀྱིས། །གནས་རིགས་དྲུག་ཆ་མེད་ཡུལ་དུ་འཁྱེར། །དོན་དེ་སླད་འཆི་བའི་དུས་ཀྱི་ཚེ། །ལུས་ལོངས་སྤྱོད་གཉེན་གྱིས་གཏན་མི་ཕན། །དུས་དེ་ཚེ་ཕན་པའི་དོན་པོ་ནི། །སྐྱབས་བསླུ་མེད་དམ་ཆོས་ཉིད་ཡིན་པས། །ད་ཚེ་འདིའི་བྱ་བྱེད་དོན་མེད་པར། །རྨི་ལམ་དང་འདྲ་འདིར་རྒྱབ་ཕྱོགས་ནས། །ཆོས་སྙིང་པོ་བྱང་ཆུབ་ལམ་རིམ་གྱིས། །དཔལ་བྱང་ཆུབ་གོ་འཕང་བསྒྲུབ་པར་བྱ། །དོན་དེ་ལྟར་ནུས་པ་བྱིན་གྱིས་རློབས།།
  ཚ་དམྱལ་གྱི་སྡུག་བསྔལ་སྒོམ་ཚུལ་ནི།  ཀྱེ་མ་རྙེད་དཀའ་དོན་ཆེན་རྟེན་འདི་མི་རྟག་མྱུར་དུ་འཇིག་འགྱུར་ལ། །ཤི་ནས་གར་སྐྱེ་རང་དབང་མེད་པར་ལས་ཀྱི་གཞན་དབང་ཅན་ཡིན་ཞིང༌། །ལས་ཀྱང་མི་དགེ་ཤིན་ཏུ་སྟོབས་ཆེ་དགེ་བའི་ལས་ནི་ཉམ་ཆུང་བས། །འཇིགས་རུང་ངན་འགྲོའི་གཡང་སར་ལྷུང་ན་དེ་ཡི་སྡུག་བསྔལ་བཟོད་དམ་ཅི། །འདི་ནས་དཔག་ཚད་དུ་མའི་ས་འོག་སེམས་ཅན་དམྱལ་བ་ཞེས་བྱ་བ། །འོག་ནི་ལྕགས་བསྲེགས་རབ་འབར་ས་གཞི་འོག་རྣམས་ལྕགས་སྲེགས་ར་བས་བསྐོར། །སྟེང་དུ་མེ་ལྕེས་བར་སྣང་ཁྱབ་ཅིང་བྱེ་བྲག་དམྱལ་བར་རེ་རེ་ཡང༌། །ལྕགས་སྲེག་ལས་གྲུབ་རྩིག་པ་དང་ནི་ར་བས་ཡོངས་བསྐོར་སྒོ་བཞིས་བསྡམས། །ཡང་སོས་ན་ནི་སེམས་ཅན་དེ་དག་ཕན་ཚུན་ཤིན་ཏུ་ཁྲོས་གྱུར་ཏེ། །ལས་ལས་བྱུང་བའི་སྣ་ཚོགས་མཚོན་ཆས་གཅིག་ལ་གཅིག་བསྣུན་བརྒྱལ་ནས་འགྱེལ། །མཁའ་ལས་ཁྱེད་རྣམས་སོས་པར་གྱུར་ཅིག་ཅེས་པའི་སྒྲ་འབྱུང་དེ་ཡི་མོད། །སླར་ཡང་སོས་ཤིང་ལངས་པར་གྱུར་ནས་སྔར་བཞིན་སྡུག་བསྔལ་ཁོར་མོར་མྱོང་། །ཐིག་ནག་ན་ནི་གཤིན་རྗེའི་སྐྱེས་བུ་འཇིགས་རུང་མང་པོས་རབ་བཟུང་ནས། །ལྕགས་སྲེགས་འབར་བའི་ས་གཞིར་བསྙལ་ཞིང་ཡན་ལག་འཕྱར་བ་ལྟར་བརྒྱངས་ཏེ། །གཅེས་པའི་ལུས་ལ་ནག་པོའི་ཐིག་ནི་རྒྱ་གྲམ་དུ་མར་བཏབ་ནས་སུ། །དེ་སྟེང་སྣ་ཚོགས་མཚོན་ཆས་གཤེགས་ཤིང་བཏུབས་པའི་སྡུག་བསྔལ་ཉམས་སུ་མྱོང༌། །བསྡུས་འཇོམས་ན་ནི་ལྕགས་ཀྱི་རི་ཆེན་སྟག་སེང་སོགས་ཀྱི་གདོང་འདྲའི་བར། །བསྡུས་ནས་རི་གཉིས་འཐབ་སྟེ་འཚིར་བས་དེ་ཚེ་ཁྲག་གི་ཆུ་ཀླུང་འབབ། །ལྕགས་ཀྱི་འཕྲུལ་འཁོར་ཆེན་པོར་བཅུག་ནས་བུར་ཤིང་བཞིན་དུ་རབ་འཚིར་ལ། །མཁའ་ལས་རྡོ་ཆེན་རི་འདྲ་ལྷུང་བས་མནན་ནས་ཤ་ཁྲག་ཕྱེ་མར་འཐག །ངུ་འབོད་ཞེས་བྱ་སེམས་ཅན་དེ་དག་གནས་ཤིག་འཚོལ་ཕྱིར་འབྲོས་པ་ལས། །ལྕགས་ཁང་མེ་ལྕེ་འབར་བ་དག་ནི་གཅིག་དང་ཉིས་རིམ་ནང་ཚུད་དེ། །དེ་མ་ཐག་ཏུ་སྒོ་ཡང་འགྲིག་ནས་གང་དུའང་ཐར་པའི་གནས་མེད་པར། །མེ་ལྕེས་ལུས་ནི་ཀུན་ཏུ་འཚིག་ཅིང་ངུ་ཞིང་འབོད་པས་ཉིན་མཚན་འདའ། །ཚ་བ་ན་ནི་རབ་འབར་ལྕགས་ཟངས་ཤིན་ཏུ་ཡངས་པར་ཉ་བཞིན་སྲེགས། །མེས་སྲེགས་གསལ་ཤིང་རྩེ་མོ་གཅིག་པས་ཕོངས་ནས་ཕུག་སྟེ་སྤྱི་བོར་འབྱིན། །དེ་ཚེ་དབང་པོའི་སྒོ་རྣམས་ཀུན་ནས་ལྷབ་ལྷུབ་མེ་ལྕེ་རབ་འབར་ཞིང༌། །ལྕགས་ཀྱི་ས་གཞི་རབ་ཏུ་འབར་བར་བསྙལ་ནས་ལྕགས་ཀྱི་ཐོ་བས་བརྡུང༌། །རབ་ཏུ་ཚ་བར་འབར་བའི་གསལ་ཤིང་རྩེ་མོ་གསུམ་པས་འབིགས་བྱེད་ཅིང༌། །ལྕགས་གླེབ་དམར་ཞིང་ཤིན་ཏུ་ཚ་བས་ལུས་ལ་གོས་བཞིན་ཡོངས་སུ་དཀྲི། །ལྕགས་ཟངས་ཆེན་པོ་ཟངས་ཞུན་བསྐོལ་བའི་ནང་དུ་འཚོད་ཅིང་ཤ་རུས་ཀུན། །བྲལ་ཚེ་ཀེང་རུས་ས་གཞིར་འགྲེམ་ཞིང་ཤ་པགས་སྐྱེས་ཚེ་སྔར་བཞིན་ཚོད། །མནར་མེད་ན་ནི་ཕྱོགས་བཞི་ཀུན་ལས་རབ་འབར་མེ་དཔུང་ཆེར་འོངས་ཏེ། །ཤ་པགས་རུས་རྒྱུས་རྐང་ལ་ཐུག་པར་མར་མེའི་སྡོང་བུ་བཞིན་བསྲེགས་པས། །ཉམ་ཐག་ཤུགས་ཀྱིས་སྐད་འབྱིན་པ་ཡིས་སེམས་ཅན་ཉིད་དུ་ཤེས་པ་ཙམ། །ལྕགས་སྲེགས་ཞིབ་མ་ལག་ཏུ་གཏད་དེ་འབར་བའི་མེ་འདག་འཁྲབ་ཏུ་འཇུག །རབ་འབར་མཐོ་བའི་ལྕགས་ཀྱི་རི་ལ་འབབ་ཅིང་སླར་ཡང་འཛེག་འཇུག་ཅིང༌། །ཁ་ནས་ལྕེ་ཕྱུང་རབ་ཏུ་བརྒྱངས་ནས་དེ་སྟེང་ལྕགས་ཀྱི་ཕུར་བུས་འདེབས། །གཤིན་རྗེའི་སྐྱེས་བུས་གན་དུ་བསྒྱེལ་ནས་འབྱེད་སྤྱད་འབར་བས་ཁ་ཕྱེ་སྟེ། །ཐོ་ལུམ་འབར་བ་ཁ་རུ་འཇུག་ཅིང་ཁྲོ་ཆུ་བསྐོལ་བ་ཁ་ནས་བླུད། །
  ཉེ་འཁོར་བའི་སྡུག་བསྔལ་སྒོམ་ཚུལ་ནི།  གཞན་ཡང་ཚ་བའི་དམྱལ་ཁམས་བརྒྱད་པོ་རེ་རེའི་སྒོ་ཡི་ཕྱི་རོལ་དུ། །ཉེ་འཁོར་བ་ཡི་དམྱལ་བ་ཞེས་བྱ་ཤིན་ཏུ་འཇིགས་པ་མང་མཆིས་ཏེ། །མེ་མུར་འོབས་ནི་པུས་མོ་ནུབ་པར་རྐང་པ་བཞག་ཚེ་ཤ་པགས་འཇིག །བཏེག་པའི་ཚེ་ན་དེ་འཕྲལ་སྐྱེས་ནས་སླར་ཡང་དེ་ལྟར་འཁོར་མོར་མྱོང༌། །ཕྱི་སའི་འདམ་ནི་རོ་ལྟར་མནམ་པར་འགྱེལ་ནས་མགྲིན་པ་མན་བྱིང་སྟེ། །འདམ་དེར་གནས་པའི་མཆུ་རྣོན་འབུ་ཡིས་རྐང་ལ་ཐུག་པར་འབྲུ་ཞིང་ཟ། །ཤིན་ཏུ་རྣོ་བའི་རལ་གྲིའི་སོ་ནི་གྱེན་དུ་བལྟ་བས་ལམ་གང་སྟེ། །རྐང་པ་བཞག་ཚེ་དུམ་བུར་གཅོད་ཅིང་བཏེག་ཚེ་ཡང་སྐྱེ་ཁོར་མོར་བྱེད། །རལ་གྲི་ལོ་མའི་ནགས་སུ་སླེབས་ནས་གྲིབ་མར་བསྟེན་ཅིང་འཁོད་པ་ན། །ཤིང་ལས་རྣོ་བའི་རལ་གྲི་མང་ལྷགས་དེ་ཡིས་ཡན་ལག་ཉིང་ལག་གཅོད། །རྨས་ནས་ཉམ་ཐག་ས་ལ་འགྱེལ་ཚེ་ལུས་ཤ་ཁྱི་ཡིས་འཐོག་ཅིང་ཟ། །ཤལ་མ་ལི་ཡི་ནགས་ཚལ་ཞེས་བྱ་ལྕགས་ཀྱི་ཚེར་མ་རབ་གཟིང་བའི། །ལྕགས་ཤིང་སྡོང་པོར་འབབ་འཛེག་བྱེད་འཇུག་འཛེག་ཚེ་ཚེར་ཁ་ཐུར་ཟུག་ཅིང༌། །འབབ་ཚེ་གྱེན་དུ་གཟིངས་པར་གྱུར་པས་ཡན་ལག་དང་ནི་ཉིང་ལག་འབིགས།།ཁྭ་ཏ་ལྕགས་ཀྱི་མཆུ་ཅན་མང་པོས་མགོ་བོར་ཞོན་ནས་མིག་འབྲས་འབྲུ། །ཚ་སྲེག་ཁྲོ་ཆུ་རབ་ཏུ་འབར་བའི་ཆུ་རླུང་རབ་མེད་རྒྱུན་ཆེན་པོ། །ལོང་ལོང་འཁོལ་བའི་ནང་དུ་ལྷུངས་ནས་ཤ་ཁྲག་པགས་པ་ཀུན་འཇིག་ཅིང༌། །ཆུ་ཀླུང་དེ་འགྲམ་དབྱུག་པ་དང་ནི་ལྕགས་ཀྱུ་བཟུང་བའི་སྐྱེས་བུ་ཡིས། །དབྱུག་པས་ཕྱི་རོལ་འབྱུང་དུ་མི་འཇུག་ལྕགས་ཀྱུས་ཕྱིར་འབྱུང་གན་བསྒྱེལ་ནས། །ཅི་འདོད་ཅེས་འདྲི་བཀྲེས་སྐོམ་ཟེར་ན་ཐོ་ལུམ་དང་ནི་ཟངས་ཞུན་སྟེར། །དེ་ལྟར་སེམས་ཅན་དམྱལ་བ་ཆེན་པོའི་སྡུག་བསྔལ་ཤིན་ཏུ་མི་བཟད་ཅིང༌། །དེ་ཡང་ཡུན་ནི་ཐུང་ངུ་ཙམ་མིན་གྲངས་མེད་བསྐལ་པར་མྱོང་གྱུར་ཀྱང༌། །ཇི་སྲིད་མི་དགེ་དེ་ཟད་མ་གྱུར་དེ་སྲིད་སྲོག་དང་མི་འབྲལ་བར། །གསུངས་ན་ཤིན་ཏུ་འཇིགས་སྐྲག་མི་སྐྱེ་ཁྱོད་ཀྱི་སེམས་ནི་བེམ་པོའམ་ཅི།། ༼འཕྲོ་མུ་མཐུད་འགོད་རྒྱུ།
·རྩོམ་ཡིག་གོང་མ:མཁའ་འགྲོ་མ་པདྨ་གཡང་མཚོའི་ཞབས་བརྟན་སྨོན་ལམ།
·རྩོམ་ཡིག་འོག་མ:ཀ་ཕྲེང་སེམས་ཀྱི་རེ་འབོད།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·ལམ་རིམ་བདུད་རྩི་སྙིངཔོ།༡༥ 2013/5/14 20:43:48
·ལམ་རིམ་བདུད་རྩི་སྙིངཔོ།༡༤ 2013/5/11 17:53:59
·ལམ་རིམ་བདུད་རྩི་སྙིངཔོ།༡༣ 2013/5/5 20:27:58
·ལམ་རིམ་བདུད་རྩི་སྙིངཔོ།༡༣ 2013/4/2 16:19:02
·ལམ་རིམ་བདུད་རྩིའི་སྙིང་པོ་ལས་༡༢ 2013/3/1 19:34:55
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:perqwc
3iBKpR , [url=http://ofnxxknnrhyh.com/]ofnxxknnrhyh[/url], [link=http://setfzqjxqpkk.com/]setfzqjxqpkk[/link], http://ytbwhtenpfqr.com/
发表时间:2013-3-16 3:15:30 [来自: 64.124.46.6]

 评论者:lhcqjcmzkh
JaP8Lq , [url=http://sfkeaqthblbk.com/]sfkeaqthblbk[/url], [link=http://fqasptebyord.com/]fqasptebyord[/link], http://fpzozguybofk.com/
发表时间:2013-3-14 2:31:43 [来自: 83.67.44.3]

 评论者:Ahmad
No more s***. All posts of this qautliy from now on
发表时间:2013-3-11 20:41:21 [来自: 137.89.205.251]

འབྲེལ་ཡོད་དཔྱད་བརྗོད 3 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།23.44MS