ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་འདུ་ར། >> བློ་སྦྱོང་།
 རྩོམ་ཡིག་ཀློག་པ།

ལམ་རིམ་བདུད་རྩི་སྙིངཔོ།༡༣

  རྩོམ་པ་པོ:ཡེ་ཤེས་བརྩོན་འགྲུས།ཡོང་ཁུངས:ངེད་དྲ་བ།གཟིགས་གྲངས:2388ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2013/4/2 16:19:02ཚོགས་ཡར་སྤྲོད:admin
༄༅། ། བྱང་ཆུབ་ལམ་གྱི་རིམ་པའི་གདམས་པ་ཟབ་མོ་རྣམས་ཚིགས་སུ་བཅད་པའི་
སྒོ་ནས་ཉམས་སུ་ལེན་ཚུལ་དམ་ཆོས་བདུད་རྩིའི་སྙིང་བོ་
ཞེས་བྱ་བ་བཞུགས་སོ། །༡༣
 
ཀོང་པོ་ཡེ་ཤེས་བརྩོན་འགྲུས།
 
  ལྷ་མ་ཡིན་གྱི་སྡུག་བསྔལ་སྒོམ་ཚུལ་ནི། ལྷ་མིན་རྣམས་ཀྱང་ལྷ་ཡི་དཔལ་འབྱོར་ཕུན་སུམ་ཚོགས་པ་གང་དེ་ཉིད།།སྙིང་ལ་ཚེར་མ་ལྟ་བུར་ཟུག་པའི་ཕྲག་དོག་མེ་ལྕེས་ཡིད་གདུངས་ནས། །ལྷ་དང་འཐབ་ཅིང་འདོད་ལ་བརྟེན་པའི་སྡུག་བསྔལ་མི་བཟད་ཉམས་སུ་མྱོང༌།།ཤེས་རབ་ལྡན་ཡང་རྣམ་སྨིན་སྒྲིབ་པས་ཐར་ལམ་བསྒྲུབ་པའི་སྐལ་བ་བྲལ།།
  འདོད་ལྷའི་སྡུག་བསྔལ་སྒོམ་ཚུལ་ནི། འདོད་པའི་ལྷ་རྣམས་གནས་ལུས་ལོངས་སྤྱོད་ཕུན་སུམ་ཚོགས་པའི་མོད་ཉིད་དུ། །གློ་བུར་ལུས་ཀྱི་གཟི་མདངས་ཉམས་ཤིང་འདུག་པའི་སྟན་ལ་ཡིད་མི་དགའ། །མེ་ཏོག་ཕྲེང་རྙིང་གོས་ལ་དྲི་ཆགས་སྔོན་མེད་ལུས་ལ་རྡུལ་འབྱུང་སོགས། །མྱུར་དུ་འཆི་བའི་ལྟས་ཀྱིས་ཟིན་ཚེ་མི་རྣམས་འཆི་ལྟས་ཀྱིས་ཟིན་ལྟར། །རིན་ཆེན་ལས་གྲུབ་གནས་དང་ཁང་བཟང་བདུད་རྩིའི་ཟས་དང་གྲོགས་ལ་སོགས། །ཆེས་ཆེར་སྙིང་དུ་འབབ་པ་རྣམས་དང་བྲལ་ནས་འཇིག་རྟེན་ཕ་རོལ་ཏུ།།འགྲོ་བར་ཤེས་ཤིང་གང་དུ་སྐྱེ་བའི་གནས་ཀྱང་མངོན་པར་རིག་གྱུར་ནས། །སྡུག་དང་བྲལ་བའི་མྱ་ངན་དྲག་པོ་ཤིན་ཏུ་བཟོད་དཀའ་རིང་དུ་མྱོང༌། །  གཞན་ཡང་ལྷ་མིན་དཔུང་དང་འཐབ་ཚེ་ཡན་ལག་ཉིང་ལག་ཆད་པ་དང༌། །ལུས་ནི་བྲལ་དང་གསོད་པས་སྡུག་བསྔལ་བསོད་ནམས་ཆུང་བའི་ལྷ་དག་ནི། །ལྷ་གཞན་ལོངས་སྤྱོད་རྒྱ་ཆེན་མངའ་བའི་དཔལ་འབྱོར་མཐོང་ཚེ་སྤ་ཡང་བཀོང། །སྟོབས་ལྡན་མཐུ་ཡིས་ཉམས་ཆུང་ལྷ་རྣམས་གནས་ནས་སྤྲོད་སོགས་སྡུག་བསྔལ་ཅན། །མདོར་ན་འདོད་ལ་ལྷག་པར་ཆགས་པས་ལན་ཚྭའི་ཆུ་རྒྱུན་འཐུང་བ་ལྟར། །ངོམས་པ་མེད་པས་རྟག་ཏུ་མནར་ཕྱིར་དེ་ལ་བདེ་བའི་གོ་སྐབས་ཅི། །སེམས་ཀྱི་གླང་ཆེན་འདོད་འདུན་མྱོས་ཆུས་ཆེས་ཆེར་མྱོས་པར་གྱུར་པ་ཡིས། །དམ་ཆོས་ཞི་བའི་ལྕགས་ཀྱུས་འདུལ་བའི་སྐལ་བ་དག་ཀྱང་ཤིན་ཏུ་དམན།།
   ཁམས་གོང་མ་གཉིས་ཀྱི་ལྷའི་སྡུག་བསྔལ་སྒོམ་ཚུལ་ནི།  ཁམས་གོང་གཉིས་ན་སྡུག་བསྔལ་དེ་དག་མངོན་གྱུར་མེད་པར་བག་ཉལཡང༌། །སྡུག་བསྔལ་དང་ནི་ཉེས་པའི་རྩ་བ་ཉོན་མོངས་དང་ལྡན་སྒྲིབ་པར་བཅས། །འཆི་འཕོ་གནས་ལ་རང་དབང་དང་བྲལ་འདུ་བྱེད་སྡུག་བསྔལ་ཟུག་རྔུ་ཆེས། །རྟག་ཏུ་མནར་བའི་རང་བཞིན་ཉིད་ལས་སླར་ཡང་ཕྱིར་ལྟུང་ཡིད་བརྟན་བྲལ། །མདོར་ན་ལྷ་དང་མི་ཡི་རྟེན་བཟང་ཇི་ལྟ་བུ་ཞིག་ཐོབ་གྱུར་ཀྱང༌། །མཁའ་ལ་ལྡིང་བའི་བྱ་ཡི་ཚུལ་བཞིན་དགེ་བའི་ལས་མཐུ་ཟད་པ་ན། །སླར་ཡང་དམྱལ་བ་ཡི་དྭགས་དུད་འགྲོའི་གནས་སུ་ལྷུང་ནས་སྡུག་བསྔལ་ན། །ཀྱེ་མ་མཐོ་རིས་དཔལ་འབྱོར་དེ་ཡང་མི་རྟག་བསླུ་བའི་རང་བཞིན་ཉིད། །
 སྡུག་བསྔལ་དྲུག་བསམ་ཚུལ་ནི།  སྔོན་ཆད་བདག་གིས་ལུས་བླངས་པ་ཡི་ཤ་རུས་མ་དགོད་ལྷུན་པོར་མཉམ། །ཁྲག་དག་ཆུ་སེར་གཅིག་ཏུ་བསྐྱིལ་ན་རྒྱ་མཚོའི་གཏིང་མཐའ་དང་མཚུངས་ཤིང༌། །ཚངས་དང་བརྒྱ་བྱིན་འཁོར་ལོས་བསྒྱུར་དང་ལྷ་མི་ཕལ་པའི་ལུས་བླངས་པའང༌། །བགྲང་བར་དཀའ་ཡང་མ་ལུས་འདོར་ཟིན་ལུས་ཐོབ་པ་ལ་ཡིད་བརྟན་ཅི། །ཚེ་རབས་སྔོན་མའི་མི་བསྲུན་དགྲ་ཡང་ཚེ་འདིའི་གཉེན་གྱུར་ཕན་པ་བསྒྲུབ། །སྔོན་མའི་གཉེན་ཡང་ཚེ་འདིའི་དགྲ་ཡི་དང་མར་གྱུར་ནས་སྲོག་ལའང་རྒོལ། །འདི་ཉིད་དུ་ཡང་དགྲ་དང་གཉེན་རྣམས་ཚེ་ཡི་སྟོད་སྨད་ལོ་ཟླ་དང༌། །ཞག་རེར་སྐད་ཅིག་སྐད་ཅིག་གིས་འགྱུར་ཕན་གནོད་བྱེད་ལ་ཡིད་བརྟན་ཅི། །ཚངས་དབང་འཁོར་བསྒྱུར་སྟོབས་ལ་དབང་བསྒྱུར་ནམ་ཞིག་བྲན་དང་འཁོལ་པོར་གྱུར། །གླིང་བཞིར་སྣང་བྱེད་ཉི་ཟླར་གྱུར་ནས་ནམ་ཞིག་མུན་པའི་ཁུང་བུར་ཉལ། །ལྷ་ཡི་བདུད་རྩིའི་རོ་ལ་སྤྱད་ནས་ནམ་ཞིག་ཟངས་ཞུན་རྣག་ཁྲག་ཟ། །རིན་ཆེན་ཁང་བཟང་ཉིད་དུ་གནས་བཅས་ནམ་ཞིག་ལྕགས་ཁང་འབར་བར་བསྲེགས། །མཐོ་རིས་བུ་མོས་འདོད་ཡོན་གྱིས་བསྟེན་ནམ་ཞིག་དམྱལ་སྲུང་དག་གིས་གཙེ། །ཚེ་སྟོད་སྟོབས་འབྱོར་མངའ་ཐང་གིས་བསྙེམས་ཚེ་སྨད་དབུལ་ཕོངས་ཟས་མི་རྙེད། །རིན་ཆེན་དར་ཟབ་ནོར་གྱིས་ཕྱུག་ཀྱང་འཆི་དུས་གཅེར་བུ་ལག་སྟོང་འགྲོ། །ཀྱེ་ཧུད་འཁོར་བའི་ཕུན་ཚོགས་ཐོབ་ལ་ཡིད་བརྟན་རུང་བ་ཅི་ཞིག་མཆིས། །ཆོས་མཐུན་གྲོགས་དང་བློ་མཐུན་མཛའ་བཤེས་ཡིད་འོང་གཉེན་འཁོར་ལ་སོགས་དང༌། །རིང་དུ་འདྲིས་ཤིང་བཤེས་པར་གྱུར་ནས་ནམ་ཞིག་རང་ཉིད་གཅིག་པུ་རུ། །མར་གྱི་གསེབ་ནས་སྤུ་དྲངས་ཇི་བཞིན་འཇིག་རྟེན་ཕ་རོལ་རྒྱུས་མེད་སར། །འཁྱམས་པར་འགྱུར་ན་འགྲོགས་ཤིང་བཤེས་ལ་ཡིད་བརྟན་རུང་བའི་དངོས་མཆིས་སམ། །སྔོན་ཆད་ལྷ་ཡི་ཁང་བཟང་སྐྱེད་ཚལ་ན་ཆུང་བདུད་རྩིའི་རོར་སྤྱད་དང༌། །མི་ཡི་གནས་ནའང་གོས་བཟང་གྱོན་དང་བཟའ་བཏུང་སྤྱད་དང་གྲོགས་བསྟེན་སོགས། །འདོད་པའི་ཡོན་ཏན་ལྔ་ལ་སྤྱད་པའི་གྲངས་དེ་རྡུལ་དང་རབ་མཚུངས་ཀྱང༌། །སྤྱོད་བཞིན་སྲེད་འཕེལ་སྡུག་བསྔལ་མང་འདྲེན་ངོམས་མེད་སྡུག་བསྔལ་འདི་རེ་སྐྱོ། །དམྱལ་བར་སྐྱེས་ནས་ཟངས་ཞུན་འཐུང་དང་སྲིན་བུར་གྱུར་ནས་ས་ལུད་དང༌། །ཁྱི་ཕག་སོགས་གྱུར་མི་གཙང་ཟོས་གང་སྤུངས་ན་འཇིག་རྟེན་ཁྱོན་འགེངས་ཤིང༌། །སྡུག་བསྔལ་ཤུགས་ཀྱིས་ངུས་པའི་མཆི་མའང་རྒྱ་མཚོའི་ཁྱོན་ལས་མང་གསུངས་ན། །ད་དུང་སྐྱོ་སུན་འཇིགས་པ་མ་སྐྱེ་ཡིད་འདི་ལྕགས་ལས་བྱས་སམ་ཅི། །ས་ཆེན་ཁྱོན་འདི་འཇིམ་པར་བྱས་ནས་དེ་ལས་ཤུག་འབྲུའི་ཆེ་ཆུང་ཙམ། །རི་ལུར་བྱས་པས་རབ་ཏུ་བགྲངས་ཀྱང་སྐྱེ་བ་གཅིག་གི་མ་ཡི་ཡང༌། །ཐོག་མའི་མཐའ་ནི་མི་མངོན་གསུངས་ན་དེས་ན་ཐོག་མ་མེད་པ་ནས། །སྲིད་འདིར་ཉིང་མཚམས་སྦྱར་བའི་མཐའ་ནི་གང་གིས་མངོན་ནུས་ལེགས་པར་སོམས། །
 སྡུག་བསྔལ་གསུམ་བསམ་ཚུལ་ནི།  དེ་ལྟར་སྡུག་བསྔལ་སྡུག་བསྔལ་གྱིས་ནི་ལུས་སེམས་མནར་བ་ཙམ་མ་ཟད། །འཁོར་བའི་གནས་ན་ཟག་བཅས་ཚོར་བ་བདེ་བར་སྣང་བ་ཐམས་ཅད་ཀྱང༌། །སྡུག་བསྔལ་འགགས་ལ་བདེ་བར་སྣང་ལས་ངོ་བོ་ཉིད་ཀྱི་བདེ་མིན་ཞིང༌། །ཁྱད་པར་འདུ་བྱེད་སྡུག་བསྔལ་ཀྱིས་ནི་རྟག་ཏུ་ཟིན་པ་ཉིད་དུ་གསུངས། །མདོར་ན་འདེགས་དཀའི་ཁུར་ཆེན་འཁུར་དགོས་དེ་སྲིད་བདེ་བའི་སྐབས་མེད་བཞིན། །ཉེར་ལེན་ཕུང་འདིའང་ཇི་སྲིད་བཟུང་དགོས་དེ་སྲིད་བདེ་བའི་སྐབས་མེད་དེ། །ཕུང་པོ་འདི་ནི་ལས་དང་ཉོན་མོངས་སྔ་མའི་གཞན་དབང་དུ་གྱུར་ཅིང༌། །ཕྱི་མའི་སྡུག་བསྔལ་ཉོན་མོངས་ཀུན་སྐྱེའི་ས་བོན་རྒྱུན་ཆགས་དང་ལྡན་པས། །ཚེ་རབས་ཕྱི་མའི་སྐྱེ་སྲིད་དང་ནི་སྡུག་བསྔལ་ཀུན་ཀྱང་འདིས་འདྲེན་ཞིང༌། །ཚེ་འདིའི་སྐྱེ་རྒ་ན་འཆི་སོགས་ཀྱི་སྡུག་བསྔལ་ཡོངས་ཀྱི་རྟེན་དུ་གྱུར། །སྡུག་བསྔལ་དང་ནི་འགྱུར་བའི་སྡུག་བསྔལ་ཆུ་ལས་ཆུ་བུར་ཚུལ་གྱིས་བསྐྱེད། །གྲུབ་ཙམ་ཉིད་ནས་ལས་ཉོན་དབང་གྱུར་བདེ་མེད་སྡུག་བསྔལ་རང་བཞིན་ནོ། །དེ་ཕྱིར་ཕུང་པོའི་སྡུག་བསྔལ་ཀུན་ཟད་ཞི་བ་མཆོག་དེ་མ་ཐོབ་ན། །ཁམས་གསུམ་རིགས་དྲུག་གང་དུ་སྐྱེས་ཀྱང་ཚེར་མའི་དོང་དུ་གནས་པ་བཞིན། །སྡུག་བསྔལ་གསུམ་གྱི་རང་བཞིན་ཉིད་ལས་བདེ་བའི་གོ་སྐབས་མ་མཆིས་པས། །ད་ནི་འཁོར་བའི་བཙོན་ར་འདི་ལས་བདག་ནི་ནམ་ཞིག་ཐར་བར་འགྱུར།།  ༼འཕྲོ་མུ་མཐུད་འགོད་རྒྱུ།
·རྩོམ་ཡིག་གོང་མ:གྲགས་ཅན་གསུང་ཚིག༣༧
·རྩོམ་ཡིག་འོག་མ:ཕྲེང་བ།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·ལམ་རིམ་བདུད་རྩི་སྙིངཔོ།༡༥ 2013/5/14 20:43:48
·ལམ་རིམ་བདུད་རྩི་སྙིངཔོ།༡༤ 2013/5/11 17:53:59
·ལམ་རིམ་བདུད་རྩི་སྙིངཔོ།༡༣ 2013/5/5 20:27:58
·ལམ་རིམ་བདུད་རྩིའི་སྙིང་པོ་ལས་༡༢ 2013/3/1 19:34:55
·ལམ་རིམ་བདུད་རྩིའི་སྙིང་པོ་ལས་སྐྱབས་འགྲོ་ལས་འབྲས་སྐོར། 2013/2/2 10:17:08
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 17:54:41 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 22:52:10 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/17 10:14:46 [来自: 112.5.248.229]

འབྲེལ་ཡོད་དཔྱད་བརྗོད 42 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།25.39MS