ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ངག་རིག་འདོད་འཇོ། >> མི་སྣ།
 རྩོམ་ཡིག་ཀློག་པ།

དཔལ་མགོན་འཕགས་པ་ཀླུ་སྒྲུབ་ཀྱི་རྣམ་ཐར་ལུང་རིགས་གཏེར་མཛོད།༢

  རྩོམ་པ་པོ:བཞག་པ་སྤྲུལ་སྐུ།ཡོང་ཁུངས:ནང་རིག་གཏེར་མཛོད།གཟིགས་གྲངས:5875ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2014/11/3 12:04:57ཚོགས་ཡར་སྤྲོད:admin
 
༄༅། །དཔལ་མགོན་འཕགས་པ་ཀླུ་སྒྲུབ་ཀྱི་རྣམ་ཐར་ཆེན་མོ་ལུང་རིགས་རྒྱ་མཚོའི་གཏེར་མཛོད་ཅེས་བྱ་བ་བཞུགས་སོ། །༢
 
ལི་ཐང་བཞག་པ་སྐྱེ་མིང་འཇམ་དབྱངས་མཁས་གྲུབ་ཀྱིས་བརྩམས།
 
གཉིས་པ་གང་དུ་གཏོགས་པའི་རིགས་ནི། བྲམ་ཟེའི་རིགས་སུ་འཁྲུངས་ཤིང༌། ཞེས་གསུངས།
གསུམ་པ་གཞོན་ནུའི་དུས་ནས་མཁས་པའི་སྙན་གྲགས་རྒྱས་པ་ནི། མཐོང་ཚད་མི་བརྗེད་པར་ཞེས་པ་ནས་མངའ་བརྙེས་པར་གྱུར་ཏོ། །ཞེས་གསུངས།
བཞི་པ་གྲོགས་དང་ལྷན་ཅིག་ལུས་མི་སྣང་བའི་རིགས་སྔགས་སྒྲུབ་པ་ནི། ཁོང་ལ་གྲོགས་པོ་གསུམ་ཡོད་ཅིང་ཞེས་པ་ནས་གདམས་ངག་རྫོགས་པར་སྦྱིན་ནོ། །ཞེས་གསུངས།
ལྔ་པ་རིགས་སྔགས་ལ་བརྟེན་ནས་བཙུན་མོའི་ཚོགས་ལ་དགའ་མགུར་སྤྱོད་པས་གྲོགས་རྣམས་རྒྱལ་པོས་བསད་པ་ནི། དེ་ནས་བཞི་པོ་དེ་དག་ཅེས་པ་ནས་དེ་ཉིད་དུ་བསད་དོ། །ཞེས་གསུངས།
དྲུག་པ་འདོད་པ་རྣམས་ནི་སྡུག་བསྔལ་གྱི་རྩ་བར་གཟིགས་ནས་རབ་ཏུ་བྱུང་བར་དམ་བཅས་པ་ནི། ཀླུ་སྒྲུབ་ཉིད་ཅེས་པ་ནས་རང་གིས་རང་ལ་དམ་བཅས་སོ། །ཞེས་གསུངས།
བདུན་པ་ཀླུ་སྒྲུབ་ཁྱིམ་ནས་ཁྱིམ་མེད་པར་རབ་ཏུ་བྱུང་བ་ནི། དེ་ལས་ཐོན་མ་ཐག་ཅེས་པ་ནས་ཡང་དག་པར་བླངས་སོ། །ཞེས་གསུངས།
བརྒྱད་པ་གནས་དེའི་སྡེ་སྣོད་རྣམས་བཀླགས་ཟིན་ནས་ཁ་བ་ཅན་གྱི་རིར་ཕེབས་པ་ནི། དེ་ནས་ཞག་དགུ་བཅུ་ཙམ་ལ་ཞེས་པ་ནས་ཁ་བ་ཅན་གྱི་རིར་ཕྱིན་ཏོ། །ཞེས་གསུངས༌།
དགུ་པ་ཐེག་ཆེན་གྱི་མདོ་སྡེ་རྙེད་ཅིང་དེའི་དོན་རྟོགས་ཀྱང་ཐུགས་མ་འཚེངས་པ་ནི། རི་དེར་མཆོད་རྟེན་ཞིག་ཅེས་པ་ནས་རྟོགས་པར་མ་གྱུར་ཏོ། །ཞེས་གསུངས།
བཅུ་པ་དེར་མ་ཚང་བའི་མདོ་སྡེ་རྣམས་རྒྱལ་ཁམས་ཀུན་ཏུ་བཙལ་ཡང་མ་རྙེད་ཅིང་མུ་སྟེགས་མང་པོ་ཚར་བཅད་པ་ནི། དེ་ནས་རྒྱལ་ཁམས་ཞེས་པ་ནས་རིགས་པས་ཚར་བཅད་པས། ཞེས་གསུངས།
བཅུ་གཅིག་པ་མངོན་པའི་ང་རྒྱལ་སྐྱེས་ཏེ་སངས་རྒྱས་པ་ལས་གཞན་པའི་གྲུབ་མཐའ་འཛུགས་པར་རྩོམ་པ་ནི། ཕྱི་རོལ་པའི་སློབ་མ་ཞིག་ཅེས་པ་ནས་ཆུ་ཤེལ་གྱི་ཁང་པར་བཞུགས་སོ། །ཞེས་གསུངས།
བཅུ་གཉིས་པ་ཀླུ་ཆེན་བྱང་ཆུབ་སེམས་དཔས་ཀླུ་ཡུལ་དུ་གདན་དྲངས་ཏེ་མདོ་སྡེ་རྣམས་གཟིགས་པས་ཟབ་དོན་རྙེད་པ་ནི། དེ་ལྟར་གྱུར་པར་ཞེས་པ་ནས་དཔེར་འཇོག་ཏུ་མ་མཆིས་སོ་ཞེའོ། །ཞེས་གསུངས།
བཅུ་གསུམ་པ་ཟབ་མོའི་དོན་ལ་གཅིག་ཏུ་གཞོལ་བས་མི་སྐྱེ་བའི་ཆོས་ལ་བཟོད་པ་གཉིས་པ་སྟེ་ས་དང་པོ་རབ་ཏུ་དགའ་བ་ཐོབ་པ་ནི། དེ་ནས་ཀླུ་སྒྲུབ་ཀྱིས་ཞེས་པ་ནས་ལྡན་པར་གྱུར་ཏོ། །ཞེས་གསུངས།
བཅུ་བཞི་པ་སླར་འཕགས་ཡུལ་དུ་ཕེབས་ནས་མུ་སྟེགས་ཀྱི་རྒོལ་བ་ཐམས་ཅད་ཚར་བཅད་དེ་བསྟན་པ་ཆེས་ཆེར་སྤེལ་བ་ནི། དེ་ནས་ཀླུས་སླར་ཡང་ཞེས་པ་ནས་དར་བར་བྱས་ཤིང༌། ཞེས་གསུངས།
བཅོ་ལྔ་པ་ཀླུ་སྒྲུབ་ཀྱིས་མཛད་པའི་བསྟན་བཅོས་ཀྱི་མཚན་ཐོ་ནི། ཁྱད་པར་དུ་ཞེས་པ་ནས་དེའི་ནང་ནས་ཕྱུང་ངོ། །ཞེས་གསུངས།
བཅུ་དྲུག་པ་རྒྱལ་པོས་དཔང་པོ་མཛད་དེ་བྲམ་ཟེ་ནུས་ལྡན་ཞིག་རྫུ་འཕྲུལ་གྱིས་བཏུལ་བ་ནི། དེའི་ཚེ་བྲམ་ཟེ་ཞིག་ཅེས་པ་ནས་མུན་པ་བསལ་ཏུ་གསོལ་ཞེའོ། །ཞེས་གསུངས།
བཅུ་བདུན་པ་རྒྱལ་ཁམས་ཆོས་ལ་འགོད་པའི་སླད་དུ་དམག་ལ་ཞུགས་པ་ནི།
ཡང་དེའི་ཚེ་ཞེས་པ་ནས་མ་འཚལ་ཏོ་ཞེའོ། །ཞེས་གསུངས།
བཅོ་བརྒྱད་པ་འཕགས་ཡུལ་ལྷོ་ཕྱོགས་ཀྱི་རྒྱལ་པོ་དང་བྲམ་ཟེ་ཁྲི་ཕྲག་བཅས་པ་ཆོས་ལ་བཀོད་པ་ནི། རྒྱལ་པོས་མདུན་དུ་བཀུག་ནས་ཞེས་པ་ནས་ཡང་དག་པར་བླངས་སོ། །ཞེས་གསུངས།
བཅུ་དགུ་པ་ཐེག་དམན་གྱི་དགེ་སློང་ཞིག་གིས་གསོལ་ནས་ཞི་བར་གཤེགས་པ་ནི། དེའི་ཚེ་ཐེག་པ་དམན་པའི་ཞེས་པ་ནས་ཞི་བར་གཤེགས་ཟིན་ཏོ། །ཞེས་གསུངས།
ཉི་ཤུ་པ་ཀླུ་སྒྲུབ་འདས་ནས་རྣམ་ཐར་འདི་བརྩམས་པའི་བར་ལོ་ཇི་ཙམ་སོང་བ་ནི།
སློབ་དཔོན་འཇིག་རྟེན་འདི་ནས་གཤེགས་ཏེ་ད་ལྟའི་བར་དུ་མི་ལོ་བརྒྱ་ཙམ་སོང་ཡང༌། ཞེས་གསུངས།
ཉེར་གཅིག་པ་ཀླུ་སྒྲུབ་འདས་པའི་རྗེས་སུ་འཕགས་ཡུལ་ལྷོ་ཕྱོགས་ཀྱི་རྒྱལ་ཕྲན་རྣམས་ཀྱིས་དེའི་ལྷ་ཁང་བརྩེགས་ཏེ་བསྙེན་བཀུར་བྱས་པ་ནི། འཕགས་ཡུལ་ལྷོ་ཕྱོགས་ཞེས་པ་ནས་བསྙེན་བཀུར་བར་བྱེད་དོ། །ཞེས་གསུངས།
ཉེར་གཉིས་པ་ཀླུ་སྒྲུབ་ཀྱི་མཚན་གྱི་འབྱུང་ཁུངས་དང་འགྲེལ་ཚུལ་ནི། སློབ་དཔོན་དེ་ཞེས་པ་ནས་ཀླུ་སྒྲུབ་ཅེས་གྲགས་སོ། །ཞེས་གསུངས་སོ། །
སྨྲས་པ།
སྲིད་པའི་སྒྲོན་མེ་དེ་ཉིད་གཞན་བཞུད་དེ༵། །
དེ༵་བར་བརྒྱ་ཕྲག་ལོ་ལས་མ་འདས་གསུ༵ངས། །
གསུ༵ངས་པ་གང་དེར་བདེན་དོན་མང་བར་ངེ༵ས། །
ངེ༵ས་ཤེས་རྙེད་ནས་གུས་པས་འདི་ལོངས་ཤིག །
ཅེས་པ་ནི་བར་སྐབས་ཀྱི་ངལ་གསོ་བའི་ཚིགས་སུ་བཅད་པའོ། །
གཉིས་པ་འཕགས་མཆོག་ཀླུ་སྒྲུབ་འདས་ནས་ལོ་ཉིས་བརྒྱ་བཞི་བཅུ་ཙམ་ལ་ཕེབས་པའི་༼སྤྱི་ལོ་༤༩༠ནས་༥༧༠༽སློབ་དཔོན་ལེགས་ལྡན་འབྱེད་ཀྱི་དུས་སུ་ཇི་ལྟར་གྲགས་པ་ནི། འདིའི་དུས་སུ་བྱུང་བའི་འཕགས་མཆོག་ཀླུ་སྒྲུབ་ཀྱི་རྣམ་ཐར་རྒྱས་པ་ཞིག་མ་རྙེད་ཀྱང༌། ལེགས་ལྡན་འབྱེད་ཀྱིས་ནི་གོང་གི་ས་བཅད་བཅོ་ལྔ་པའི་ནང་གི་སློབ་དཔོན་འཕགས་མཆོག་ཀླུ་སྒྲུབ་ཀྱིས་མཛད་པའི་དབུ་མ་རྩ་བའི་ཚིག་ལེའུ་བྱས་པ་ཤེས་རབ་ཅེས་པ་འདི། ཚུལ་ཇི་ལྟ་བུས་རྩོམ་པ་དང༌། བསྟན་བཅོས་བརྩམས་པའི་བྱེད་ལས་སམ་ནུས་པ་རྣམས་གསུངས་ཏེ། རྩོམ་པའི་ཚུལ་ནི་རྗེས་དཔག་དང་སུན་འབྱིན་གཉིས་ལ་བརྟེན་ནས་རང་བཞིན་གྱིས་གྲུབ་པའི་བདག་འགོག་པར་མཛད་ལ། བསྟན་བཅོས་འདི་བརྩམས་པའི་བྱེད་ལས་སམ་ནུས་པ་ནི་གཞན་ལ་ལམ་མ་ནོར་བར་བསྟན་ནས་སྐལ་ལྡན་རྗེས་སུ་འཛིན་པ་དང༌། ལོག་སྨྲ་ཚར་བཅད་དེ་ལྟ་ངན་གྱི་དྲ་བ་མཐའ་དག་ཞི་བར་བྱེད་པ་དེ་གཉིས་ཡིན་ཏེ། དབུ་མ་རྩ་བའི་འགྲེལ་བ་ཤེས་རབ་སྒྲོན་མ་ལས།
སློབ་དཔོན་གྱི་ཞལ་སྔ་ནས་ཀྱི་ཚིག་ལེའུར་བྱས་པ་དག་ཁོ་ནས་རྗེས་སུ་དཔག་པ་དང༌། སུན་དབྱུང་བའི་གསལ་པ་དང༌། དེ་ཁོ་ན་དག་བསྟན་པ་དང༌། ལྟ་བ་ངན་པའི་དྲ་བ་ཞི་བར་བྱེད་པ་དང་ལྡན་པ་ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་བཀའ་བསྩལ་མོད་ཀྱི། ཞེས་གསུངས་སོ། །དེས་ན་ལེགས་ལྡན་འབྱེད་ཀྱིས་འདིའི་འགྲེལ་བ་བྱེད་པའི་དགོས་པ་ནི། དབུ་མ་རྩ་བ་ཤེས་རབ་ལས་དེ་ཁོ་ན་ཉིད་ཀྱི་དོན་བསྟན་ཀྱང༌། ཚིགས་སུ་བཅད་པའི་ལམ་ནས་བསྟན་པའི་དབང་གིས་ཚངས་པར་མཚུངས་པར་སྤྱོད་པ་ལ་ལས་རྟོགས་དཀའ་བར་གྱུར་པས། དེ་དག་གི་དོན་གོ་སླ་བར་བྱ་བའི་སླད་དུ་ཤེས་རབ་སྒྲོན་མ་བརྩམས་པར་གསུངས་ཏེ། ཡང་ཤེས་རབ་སྒྲོན་མ་ལས། ཚངས་པར་མཚུངས་པར་སྤྱོད་པ་རྣམས་ལས་ཁ་ཅིག་གིས་མི་རྟོགས་པས། དེའི་ཕྱིར་དེ་དག་གིས་རྟོགས་པར་བྱ་བར་འདོད་ནས་ལུང་ཇི་ལྟ་བ་བཞིན་དུ་དབུ་མའི་བསྟན་བཅོས་བཤད་པར་བྱའོ།ཞེས་སོ། །ཡང་ས་བཅད་བཅུ་གསུམ་པ་ཟབ་དོན་ལ་གཅིག་ཏུ་གཞོལ་བས་མི་སྐྱེ་བའི་ཆོས་ལ་བཟོད་པ་གཉིས་པ་སྟེ། ས་དང་པོ་རབ་ཏུ་དགའ་བ་ཐོབ་པའི་སྐོར་གསུངས་པ་ནི། སངས་རྒྱས་ཀྱི་གསུང་གི་སྙིང་པོར་གྱུར་པ། མདོ་ལས་བདེན་པའི་སྐྱེ་བ་མེད་པར་གསུངས་པའི་ཚིག་གི་དོན་དེ་བཞིན་ཉིད་དམ་ཟབ་མོ་སྟོང་པ་ཉིད་དེ་མ་ནོར་བར་རང་ཉིད་ཀྱིས་རྫོགས་པར་ཐུགས་སུ་ཆུད་པས་ཐུགས་སྤྲོ་བ་སྐྱེས་པར་གསུངས་ཏེ། ཤེས་རབ་སྒྲོན་མ་ལས། སློབ་དཔོན་ཀྱང་དེ་བཞིན་གཤེགས་པའི་ཚུལ་སྐྱེ་བ་མེད་པ་ལ་སོགས་པའི་ཚིག་གིས་རབ་ཏུ་བསྟན་པ་མ་ནོར་བར་དེ་བཞིན་ཉིད་ཐུགས་སུ་ཆུད་ནས། ཞེས་གསུངས་སོ། །
ས་བཅད་བཅོ་ལྔ་པ་ཀླུ་སྒྲུབ་ཀྱིས་དབུ་མ་རྩ་བའི་ཚིག་ལེའུ་བྱས་པ་ཤེས་རབ་བརྩམས་པར་གསུངས་པའི་སྐོར་ལས། དབུ་མ་རྩ་བའི་མཆོད་བརྗོད་རྩོམ་པའི་རྒྱུ་མཚན་ནི་ཟབ་མོ་སྟོང་པ་ཉིད་ཀྱི་དོན་དེ་ཐུགས་སུ་ཆུད་པས་སྤྲོ་བ་ཤུགས་དྲག་པོ་སྐྱེས་པ་དང༌། བསྟན་བཅོས་འདི་ཉིད་རྩོམ་པའི་རྒྱུ་མཚན་ནི་འགྲོ་ལ་གཅིག་ཏུ་བརྩེ་བའི་ཐུགས་རྗེ་ཆེན་པོ་དང་ལྡན་པས། འགྲོ་བ་གཞན་རྣམས་ཀྱིས་ཀྱང༌། གཙོ་བོར་རྗེས་སུ་དཔག་པའི་ལམ་ནས་ཟབ་མོ་སྟོང་པ་ཉིད་ཀྱི་དོན་ཐུགས་སུ་ཆུད་པར་བྱ་བའི་སླད་དུ་སངས་རྒྱས་བཅོམ་ལྡན་འདས་ལ་བསྟོད་པ་སྔོན་དུ་བཏང་སྟེ་བསྟན་བཅོས་འདི་མཛད་པར་གསུངས་ཏེ། ཤེས་རབ་སྒྲོན་མ་ལས། དགྱེས་པའི་ཤུགས་དྲག་པོ་ཡང་དག་པར་སྐྱེས་པས། ཇི་ལྟར་ཐུགས་སུ་ཆུད་པའི་ཚུལ་གྱིས་བཅོམ་ལྡན་འདས་ལ་མངོན་པར་བསྟོད་དེ། བསྟན་བཅོས་མཛད་པར་བཞེད་ནས། ཐུགས་རྗེ་ཉིད་ཀྱི་ཆུས་བརླན་པའི་ཐུགས་མངའ་བས་སྐྱེ་བོ་རྗེས་སུ་དཔག་པ་གཙོར་འཛིན་ཅིང་ཁོང་དུ་ཆུད་པར་འདོད་པས་རྟོགས་པར་བཞེད་ནས། ཞེས་སོ། །
སློབ་དཔོན་ལེགས་ལྡན་འབྱེད་ཀྱིས་མཛད་པའི་དབུ་མ་སྙིང་པོའི་འགྲེལ་བ་རྟོག་གེ་འབར་བ་ནི་བོད་དཔེ་ཁོ་ན་ལས་རྒྱ་གར་ནག་གང་གི་ཡི་གེར་ཡང་མི་བཞུགས་པའི་བསྟན་བཅོས་ཤིན་ཏུ་གལ་ཆེན་ཞིག་ཡིན་པས། དེའི་ནང་དུ་ཀླུ་སྒྲུབ་ཀྱི་རྣམ་ཐར་ཐོར་བུ་གསུངས་པ་རྣམས་ཅུང་ཟད་ཞུས་ན།
ས་བཅད་བཅུ་གཉིས་པ་ཀླུ་ཆེན་བྱང་ཆུབ་སེམས་དཔས་ཀླུ་ཡུལ་དུ་གདན་དྲངས་ཏེ་མདོ་སྡེ་རྣམས་གཟིགས་པས་ཟབ་དོན་རྙེད་པའི་སྐོར་ལ་སངས་རྒྱས་འདས་ནས་ཉན་ཐོས་རྣམས་ཀྱིས་མ་བསྡུས་པ་དང༌། ཀླུ་ལ་སོགས་པས་བསྡུས་པ་དང༌། དེ་ནས་ཀླུ་སྒྲུབ་ཀྱིས་གདན་དྲངས་པ་གསུམ་ལས།
དོན་ཚན་དང་པོ་ནི། སངས་རྒྱས་འདས་ནས་འཛམ་གླིང་འདིར་ཉན་ཐོས་ཀྱི་སྡེ་སྣོད་རྣམས་ནི་ཉན་ཐོས་ཆེན་པོ་རྣམས་ནས་རིང་པོར་མ་ལོན་པར་བཀའ་བསྡུ་བྱས་ཀྱང༌། ཐེག་ཆེན་གྱི་གསུང་རབ་རྣམས་ནི་ཉན་ཐོས་དེ་དག་གི་སྣོད་དུ་མ་གྱུར་པས་བཀའ་བསྡུ་བྱེད་མཁན་གྱི་ཉན་ཐོས་ཆེན་པོ་སུ་ཡང་མ་བྱུང་བར་གསུངས་ཏེ། རྟོག་གེ་འབར་བ་ལས། བཅོམ་ལྡན་འདས་ཡོངས་སུ་མྱ་ངན་ལས་འདས་ནས་རིང་པོ་མ་ལོན་པར་ཉན་ཐོས་ལ་སོགས་པ་རང་ལ་གསུངས་པ་ལ་ཡོངས་སུ་ཞེན་ཅིང༌། དེ་ཆེད་དུ་བྱེད་པའི་སྡུད་པ་པོས་ཇི་ལྟར་དབང་བ་བཞིན་དུ་ཡང་དག་པར་བསྡུས་པ་ན། ཐེག་པ་ཆེན་པོའི་གསུང་རབ་ནི་སྣོད་དུ་གྱུར་པ་སུ་ཡང་མེད་པས་གང་གིས་ཀྱང་མ་བསྡུས་ཏེ། ཞེས་སོ། །
དོན་ཚན་གཉིས་པ་ནི། འོན་ཀྱང་སངས་རྒྱས་ལ་དགའ་ཞིང་དད་པའི་ཀླུ་ལ་སོགས་པས་ཐེག་ཆེན་གྱི་བཀའ་རྣམས་བསྡུས་ཏེ་ཀླུ་ཡུལ་དང་ལྷ་ཡུལ་ལ་སོགས་པར་བཞུགས་སུ་གསོལ་བར་གསུངས་ལ། འདིའི་སོགས་སྒྲ་དང་པོས་ལྷ་རྣམས་ཀྱིས་ཀྱང་བསྡུས་པར་གོ་དགོས་པས་ལྷ་ཡི་གནས་སུ་བཞུགས་པའི་བྱང་ཆུབ་སེམས་དཔའ་འཇམ་དཔལ་དང༌། བྱམས་པ་ལ་སོགས་པས་ཐེག་པ་ཆེན་པོའི་བཀའ་རྣམས་བསྡུས་ཏེ་ལྷ་ཡུལ་དུ་བཞུགས་སུ་གསོལ་བ་དག་གོ  །དེ་ཡང་རྟོག་གེ་འབར་བ་ལས། བདེ་བར་གཤེགས་པ་ལ་མངོན་པར་དགའ་བའི་ཀླུ་ལ་སོགས་པ་རྣམས་ཀྱིས་ཡོངས་སུ་བསྡུས་ནས་ཀླུའི་འཇིག་རྟེན་དང་ལྷ་ལ་སོགས་པར་བཞུགས་སུ་གསོལ་བ་ལས་ཞེས་གསུངས་སོ། །
དོན་ཚན་གསུམ་པ་ནི། དེ་ལྟ་བུའི་ཐེག་པ་ཆེན་པོའི་ཆོས་ཟབ་མོའི་སྣོད་དུ་རུང་བ་ནི་དཔལ་མགོན་འཕགས་པ་ཀླུ་སྒྲུབ་ཉིད་ཡིན་ལ། དེས་ནི་ཡོད་མཐའ་དང་མེད་མཐར་ལྷུང་བའི་ལྟ་བ་ངན་པའི་ཕྱོགས་རྣམས་ལྷག་མེད་དུ་འཇིག་ནས། ཟབ་མོ་དབུ་མའི་ལམ་སྲོལ་རྒྱ་ཆེར་ཕྱེ་བར་སངས་རྒྱས་ཀྱིས་དངོས་སུ་ལུང་བསྟན་ཏོ། །དེ་ལྟ་བུའི་སྐྱེས་བུ་འཕགས་མཆོག་ཀླུ་སྒྲུབ་ཀྱིས་ལྷ་ཡུལ་དང་ཀླུ་ཡུལ་རྣམས་ནས་ཐེག་པ་ཆེན་པོའི་སྡེ་སྣོད་ཐོར་བུར་བཞུགས་པ་རྣམས་གཅིག་ཏུ་བསྡུས་ཤིང༌། ཁྱད་པར་དུ་ཡུམ་ཤེར་ཕྱིན་གྱི་མདོ་སྡེ་རིན་པོ་ཆེ་འདི་ཉིད་ཀླུ་ཡུལ་ནས་གདན་དྲངས་པས་ན། ཀླུ་ལ་སོགས་པ་ཞེས་ཀླུ་གཙོ་བོར་སྨྲོས་པའང་དེའི་གནད་ཀྱིས་ཡིན་པར་སེམས་སོ། །དེ་དག་ནི་རྟོག་གེ་འབར་བ་ལས།
དེའི་སྣོད་དུ་གྱུར་པས་སངས་རྒྱས་ཀྱིས་ལུང་བསྟན་པ་འཕགས་པ་ཀླུ་སྒྲུབ་ཀྱིས་དེ་དག་ནས་བསྡུས་ནས་མིའི་འཇིག་རྟེན་དུ་རབ་ཏུ་རྒྱས་པར་མཛད་པ་ཡིན་ནོ། ཞེས་གསུངས་སོ། །
ཡང་དེ་ཉིད་ལས། ས་རབ་ཏུ་བརྙེས་པའི་འཕགས་པ་ཀླུ་སྒྲུབ་ཀྱིས་ཡང་དག་པར་རྟོགས་པའི་ཐེག་པ་ཆེན་པོའི་དོན་གྱི་ལུགས། ཞེས་ཀླུ་སྒྲུབ་དེ་འཕགས་པའི་གོ་འཕང་ཐོབ་པའི་སར་གནས་ཀྱི་བྱང་ཆུབ་སེམས་དཔའ་ཡིན་པ་དང་ཀླུ་སྒྲུབ་ཀྱི་དགོངས་པ་ནི་ཐེག་པ་ཆེན་པོའི་ངེས་དོན་གྱི་ལུགས་མཐར་ཐུག་དེ་ཡིན་པར་གསུངས་སོ། །སངས་རྒྱས་ཀྱིས་མདོ་གང་ལས་ལུང་བསྟན་པ་ནི་འདིར་དངོས་སུ་ལུང་འདྲེན་མ་མཛད་ཀྱང༌། ལང་ཀར་གཤེགས་པའི་མདོ་དང་འཕགས་པ་སྤྲིན་ཆེན་པོའི་མདོ་རྣམས་ཡིན་པར་གསལ་ཏེ། དེའི་རྗེས་ཙམ་ལ་བྱོན་པའི་དཔལ་ལྡན་ཟླ་བ་གྲགས་པ་དང༌། སྤྱན་རས་གཟིགས་བརྟུལ་ཞུགས་གཉིས་ཀྱིས་ལང་ཀར་གཤེགས་པའི་མདོ་དང་འཕགས་པ་སྤྲིན་ཆེན་པོའི་མདོ་གཉིས་པོ་ལུང་འདྲེན་མཛད་ལ། འདིའི་བརྗོད་བྱའི་དོན་ཡང་ལང་གཤེགས་དང་མཐུན་པར་བྱུང་བས་སོ། །
འདིར་ཁོ་བོས་འཕགས་མཆོག་ཀླུ་སྒྲུབ་འདས་ནས་ལོ་ཉིས་བརྒྱ་བཞི་བཅུ་ཙམ་ལ་ཕེབས་པའི་སྤྱི་ལོ་༤༩༠ནས་༥༧༠སློབ་དཔོན་ལེགས་ལྡན་འབྱེད་ཅེས་བཀོད་པ་ལ། ལ་ལ་ན་རེ། སློབ་དཔོན་ལེགས་ལྡན་འབྱེད་དེ་ཀླུ་སྒྲུབ་འདས་ནས་ལོ་ཉིས་བརྒྱ་བཞི་བཅུའི་རྗེས་སུ་ཕེབས་པ་མི་འཐད་དེ། དེ་ཀླུ་སྒྲུབ་ཀྱི་དངོས་སློབ་ཡིན་པའི་ཕྱིར་ཞེས་ཟེར་རོ། །དེ་ལ་ཁོ་བོས་འདི་འདྲི་བར་བྱ་སྟེ། སློབ་དཔོན་ལེགས་ལྡན་འབྱེད་ཀྱིས་རྟོག་གེ་འབར་བ་ལས། ཐེག་པ་ཆེན་པོ་ཉིད་ཀྱི་སློབ་དཔོན་ཐོགས་མེད་དང༌། དབྱིག་གཉེན་ལ་སོགས་པ་གཞན་དག་ནི་དེ་བཞིན་གཤེགས་པས་ལུང་བསྟན་ཅིང༌། ས་རབ་ཏུ་བརྙེས་པའི་འཕགས་པ་ཀླུ་སྒྲུབ་ཀྱིས་ཡང་དག་པར་རྟོགས་པའི་ཐེག་པ་ཆེན་པོའི་དོན་གྱི་ལུགས་གཞན་དུ་འདྲེན་པར་བྱེད་ཅིང་། ངོ་ཚ་དང་ཁྲེལ་དག་གི་དོན་རྣམ་པར་མི་ཤེས་པ་དེ་བཞིན་དུ། རྣམ་པར་ཤེས་ཤིང་མཁས་པར་ང་རྒྱལ་བྱེད་པ་དག་འདི་སྐད་སྨྲ་སྟེ། དེ་ཁོ་ན་ཉིད་ཀྱི་བདུད་རྩིར་འཇུག་པ་སྟེ། རབ་ཏུ་འཇུག་པ་དེ་ནི་བདག་ཅག་ཁོ་ནས་ལེགས་པར་བསྟན་པ་ཡིན་གྱི། དབུ་མར་སྨྲ་བ་པ་རྣམས་ཀྱིས་ནི་མ་ཡིན་ཞེས་ཟེར་རོ། །ཞེས་དང༌། འཕགས་པ་ཐོགས་མེད་ཀྱིས་ནི་དེ་ནི་ལོངས་སྤྱོད་རྫོགས་པའི་སྔ་ཞེས་བསྟན་ལ། ཞེས་འཕགས་པ་ཐོགས་མེད་དང་སློབ་དཔོན་དབྱིག་གཉེན་སོགས་ཀྱིས་མི་ཤེས་བཞིན་དུ་མཁས་པའི་ང་རྒྱལ་གྱིས་ཐེག་ཆེན་གྱི་དོན་ཀླུ་སྒྲུབ་ཀྱི་ལུགས་ལས་གཞན་དུ་འགྲེལ་བར་གསུངས་པ་སོགས་འཕགས་པ་ཐོགས་མེད་ཀྱི་སྐོར། ཐེངས་གཉིས་གསུངས་པ་ནི་རྟོག་གེ་འབར་བར་གཟིགས་ན་མཁྱེན་པར་འགྱུར་ལ། གལ་ཏེ་ལེགས་ལྡན་འབྱེད་ཀླུ་སྒྲུབ་ཀྱི་དངོས་སློབ་ཡིན་ན་ནི་འཕགས་པ་ཐོགས་མེད་མ་ཕེབས་གོང་གི་ཀླུ་སྒྲུབ་ཡབ་སྲས་ཀྱི་དུས་ནས་གང་བཀག་པར་བྱ་བའི་ཐོགས་མེད་དང་དབྱིག་གཉེན་གྱི་ལུགས་ཡོད་པའམ། ཡང་ན་ཀླུ་སྒྲུབ་འདས་ནས་བསྟན་པ་ལ་དགྲ་ལན་གསུམ་བྱུང་བའི་རྐྱེན་གྱིས་བསྟན་པ་ཆེས་ཆེར་ཉམས་པ་ན། ཐོགས་མེད་ཀྱི་ཡུམ་དེས་བསྟན་པ་ཉམས་པ་སེམས་ཀྱིས་མ་བཟོད་ནས། རྒྱལ་རིགས་དང་འདུས་པ་ལས་ཐོགས་མེད་དང་བྲམ་ཟེ་དང་འདུས་པ་ལས་དབྱིག་གཉེན་འཁྲུངས་པ་སོགས་ཇི་ལྟར་འགྱུར་རམ་སོམས་ཤིག གཞན་ཡང་འཕགས་མཆོག་ཀླུ་སྒྲུབ་འདས་པའི་རྗེས་ཀྱི་རིང་པོར་མ་ལོན་པའི་དུས་སུ་རྒྱལ་པོ་བདེ་སྤྱོད་བཟང་པོ་འདས་པ་ནི་རྣམ་ཐར་ཐམས་ཅད་ཞལ་མཐུན་པས། རྒྱལ་པོ་བདེ་སྤྱོད་བཟང་པོ་འདས་ནས་ཐོགས་མེད་དང་དབྱིག་གཉེན་ཕེབས་པའི་བར་དུ་རྒྱལ་རབས་ཇི་ཙམ་སོང་བ་ནི་རྒྱ་གར་གྱི་ལོ་རྒྱུས་ན་ཤིན་ཏུ་གསལ་ལ། ལེགས་ལྡན་འབྱེད་ཀྱིས་ཐོགས་མེད་དང་དབྱིག་གཉེན་གྱི་གྲུབ་མཐའ་བཀག་པས་ན། ལེགས་ལྡན་འབྱེད་དེ་ཐོགས་མེད་དང་དབྱིག་གཉེན་གཉིས་ཀྱི་རྗེས་སུ་བྱུང་བ་ལ་ནི་བསྙོན་མི་ནུས་ལ། དེས་ན་ཀླུ་སྒྲུབ་དང་ལེགས་ལྡན་འབྱེད་གཉིས་རྗེ་བཙུན་འཇམ་པའི་དབྱངས་དང་རྗེ་བླ་མ་གཉིས་བླ་སློབ་ཏུ་གྱུར་པ་ལྟར་ཡིན་ན་ནི་བསམ་གྱིས་མི་ཁྱབ་པའི་གནད་ཡིན་མོད། དེ་ལྟར་མིན་པའི་མིའི་རྟེན་ཅན་གྱི་བླ་སློབ་ནི་ཡིན་པར་མི་སྲིད་དོ། །
སྨྲས་པ།
ལེགས༵་ལྡན་འབྱེད་ཀྱི་ལེགས༵་བཤད་རྒྱ་མཚོ་ལས། །
ལེགས༵་འོངས་ཀླུ་སྒྲུབ་ལེགས༵་མཛད་ཆ་ཤས་འགའ། །
ལེགས༵་བྱས་མཐུ་ལས་ལེགས༵་པར་རྙེད་པ་འདི། །
ལེགས༵་གསུང་འདོད་ལ་ལེགས༵་སྐྱེས་ཚུལ་དུ་འབུལ། །
ཞེས་པ་ནི་བར་སྐབས་ཀྱི་ངལ་གསོ་བའི་ཚིགས་སུ་བཅད་པའོ། ། ༼འཕྲོ་མུ་མཐུད་འགོད་རྒྱུ།
·རྩོམ་ཡིག་གོང་མ:དཔལ་མགོན་འཕགས་པ་ཀླུ་སྒྲུབ་ཀྱི་རྣམ་ཐར་ལུང་རགས་གཏེར་མཛོད།
·རྩོམ་ཡིག་འོག་མ:དཔལ་མགོན་འཕགས་པ་ཀླུ་སྒྲུབ་ཀྱི་རྣམ་ཐར་ལུང་རིགས་གཏེར་མཛོད།༣
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·རྗེ་ལམ་རིམ་པའི་རྣམ་ཐར་མདོར་བསྡུས། 2015/7/12 14:59:21
·འཕགས་པ་ཐོགས་མེད་ཀྱི་རྣམ་ཐར་སྔོན་མེད་ལེགས་བཤད་དགའ་སྟོན། 2015/6/24 11:31:41
·དཔལ་མགོན་འཕགས་པ་ཀླུ་སྒྲུབ་ཀྱི་རྣམ་ཐར་་ལུང་རིགས་གཏེར་མཛོད།༨ 2014/11/19 13:34:06
·དཔལ་མགོན་འཕགས་པ་ཀླུ་སྒྲུབ་ཀྱི་རྣམ་ཐར་ལུང་རིགས་གཏེར་མཛོད་༧ 2014/11/19 13:19:56
·དཔལ་མགོན་འཕགས་པ་ཀླུ་སྒྲུབ་ཀྱི་རྣམ་ཐར་ལུང་རིགས་གཏེར་མཛོད་༥ 2014/11/12 20:48:06
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 9:36:04 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 12:48:16 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 19:03:15 [来自: 112.5.248.229]

འབྲེལ་ཡོད་དཔྱད་བརྗོད 47 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།23.44MS