ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ངག་རིག་འདོད་འཇོ། >> མི་སྣ།
 རྩོམ་ཡིག་ཀློག་པ།

མཛེས་མའི་ཁྱད་པར་མཁའ་འགྲོའི་ཞལ་ལུང་།

  རྩོམ་པ་པོ:ཨེ་མ་ཧོ།ཡོང་ཁུངས:ངེད་དྲ་བ།གཟིགས་གྲངས:3110ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2011/6/8 20:55:24ཚོགས་ཡར་སྤྲོད:admin
༄༅། །མཛངས་བླུན་མཛེས་མའི་ཁྱད་པར་དཔལ་ལྡན་མཁའ་
འགྲོའི་ཞལ་ལུང་ཞེས་བྱ་བ། །
 
ན་མོ་གུ་རུ་དེ་ཝ་ཌྰཀྐི་ཡེ། །
མཁྱེན་བརྩེ་ནུས་པའི་མངའ་བདག་ཆོས་ཀྱི་རྗེ། །
ཕྱོགས་དུས་རྒྱལ་ཀུན་ལས་ལྷག་དྲིན་ཆེན་རྗེ། །
རྗེ་བཙུན་འཕགས་མ་སྒྲོལ་མ་ཐུགས་རྗེ་ཅན། །
རྒྱལ་ཡུམ་དབྱངས་ཅན་ལྷ་མོས་དགེ་ལེགས་སྩོལ། །
རིགས་བཟང་མཁའ་འགྲོར་དུང་བ་འདྲེན་པའི་ཕྱིར། །
མཛེས་མཛངས་བུ་མོའི་རྣམ་ཐར་དྲི་བྲལ་བ། །
རང་བློ་གང་ཤར་གསང་རྒྱ་མ་བྱས་པར། །
རིག་མ་དགྱེས་པའི་མཆོད་སྤྲིན་སྤྲོ་བར་བྱ། །
ལྷན་སྐྱེས་ཆོས་སྐུའི་མཁའ་འགྲོ་ཀུན་ཏུ་བཟང་། །
སྔགས་སྐྱེས་ལོངས་སྐུའི་མཁའ་འགྲོ་སྡེ་ལྔའི་གར། །
ཞིང་སྐྱེས་སྤྲུལ་སྐུའི་མཁའ་འགྲོ་བསམ་ཡས་པར། །
སྐུ་གསུམ་འཕགས་བཞིའི་ཡུམ་ཆེན་ཚོགས་ལ་འདུད། །
གནའ་དུས་བོད་མོ་ངོ་ཚ་བག་ཡོད་གནས། །
ཁྱད་པར་དེང་དུས་བག་མེད་གཅེར་རྒྱུག་མཁན། །
དྲན་ཤེས་བག་ཡོད་ཉམས་པའི་སྣང་མཐོ་ཚོ། །
མ་མེས་རིག་གཞུང་སོམས་ལ་བག་ཡོད་མཛོད། །
སྒྱུ་ལུས་ཕོ་ལས་དམན་པའི་ཟླ་མཚན་ཅན། །
མདོ་ལས་ཉེས་ལྟུང་འབྱུང་སྒོ་བུད་མེད་དང་། །
སྔགས་ལས་ཤེས་རབ་བདེ་བའི་ལྷ་ལྕམ་མོ། །
རྣམ་དཔྱོད་རིག་མའི་ངོ་ལ་ཁྱད་པར་མེད། །
འོན་ཀྱང་ལུས་སེམས་ངག་གི་མཛེས་མ་ལ། །
མི་འདྲ་རིགས་ནི་མང་དུ་མཆིས་ན་ཡང་། །
རིགས་བཞིའི་ནང་དུ་མ་འདུས་མེད་པར་གསུངས། །
པད་རི་ཅན་དང་དུང་ཅན་སྣ་ཚོགས་མ། །
པདྨ་ཅན་ནི་དཀར་གསལ་ཟླ་བའི་མདངས། །
ཞལ་མཛེས་མཛུམ་དྭངས་དབུ་སྐྲ་གནག་སྣུམ་རིང་། །
སྤྱན་ཁྲ་སྨིན་མ་སྟུག་ཅིང་མཚན་དཔེའི་གཟུགས། །
ཐབས་ཤེས་ཕུལ་བྱུང་ཡེ་ཤེས་མཚོ་རྒྱལ་བཞིན། །
རི་མོ་ཅན་ནི་ཐང་ཁའི་ལྷ་མོ་བཞིན། །
མཛེས་སྐུ་འཇམ་ཟླུམ་རྒྱག་སྐེམ་རན་པར་འཚམས། །
ཀུན་དགའི་ངོ་མཚར་གཏམ་དང་རིགས་བྱེད་མཁས། །
འདོད་ཆུང་ཆོག་ཤེས་སྣང་གསལ་འོད་འབུམ་བཞིན། །
དུང་ཅན་མ་ནི་ཕྲ་ལ་རིང་བའི་གཟུགས། །
ལྷན་སྐྱེས་གཟུངས་སྤོབས་བློ་གྲོས་རྒྱ་ཆེ་ཞིང་།
མགྲིན་བཟང་སྨྲ་མཁས་སྦས་གསང་མེད་པར་མཛའ། །
དམ་པ་སངས་རྒྱས་ཡུམ་ཆེན་མ་ཅིག་བཞིན། །
སྣ་ཚོགས་ཅན་མ་བོང་ཐུང་ཡན་ལག་སྦོམ། །
ཁ་སྣ་འཐུག་ཅིང་འཕོང་མགོ་གཞན་ལས་ཆེ། །
རང་འདོད་ཁོ་ནར་གཉེར་བའི་ལས་ལ་བྲེལ། །
འཁོར་འཛིན་རྒྱུད་སྤེལ་ཨ་ཕྱི་ཆོས་སྒྲོན་བཞིན། །
མཁའ་འགྲོ་ཡིན་ཡང་དེ་དག་གོ་རིམ་བཞིན། །
རབ་འབྲིང་ཐ་མ་ཡང་མཐའི་ཚད་དུ་ཡོད། །
ཞི་རྒྱས་དབང་དྲག་མཆོག་གི་མཁའ་འགྲོ་ཞེས། །
ཁམས་དབང་མོས་པའི་གྲངས་བཞིན་འགྲོ་རྣམས་འདུལ། །
བྱམས་བརྩེ་འགྱུར་མེད་ལྡན་པའི་དམ་གཙང་མ། །
དྲང་བདེན་བསླུ་མེད་མཁན་གྱི་མཛེས་མཛངས་མ། །
བཟང་ངན་ཤན་འབྱེད་མཁྱེན་པའི་བློ་ལྡན་མ། །
འཁོར་འདས་ས་ལམ་སྟོན་པའི་གྲོགས་ཀྱི་མཆོག །
དད་གུས་ཚུལ་ཁྲིམས་ལྡན་པའི་རིགས་བཟང་མ། །
དམ་ཆོས་དར་རྒྱས་བརྩོན་པའི་ནུས་ལྡན་མ། །
ཤེས་བྱའི་ལོ་འདས་རྒྱས་པའི་ཤེས་རབ་ཅན། །
མ་ལུས་འགྲོ་ལ་བྱམས་པའི་བྱང་སེམས་མ། །
མ་རབ་བུ་མོའི་འཁོར་དུ་སྐྱེ་བ་ན། །
ཚེ་འདིར་དོན་མེད་མི་ཚེའི་སྙིང་པོ་སྟོང་། །
ཕྱི་མ་དོན་མེད་ངན་སོང་སྡུག་བསྔལ་མྱོང་། །
ཆོས་དང་འཇིག་རྟེན་དབེན་པས་ཨ་ཙ་མ། །
འཁོར་ཞེན་ཆགས་པའི་བུ་མོ་གཡེམ་དགའ་མ། །
གཞན་སྡང་ཁྲོ་བའི་བུ་མོ་དམོད་བདོ་མ། །
མ་རིག་གཏི་མུག་བུ་མོ་གླན་ལྐུགས་མ། །
མིག་སེར་འདྲེ་གཟུགས་བུ་མོ་འཁོན་འཛིན་ཞེས། །
ཆགས་སྲེད་ཁོ་ནར་འདོད་པར་བྱ་འདྲ་བ། །
སྡང་སེམས་རྒྱུན་དུ་འཆང་བ་སྦྲུལ་གདུག་བཞིན། །
རྨོངས་སྤྱོད་ཟ་ཉལ་གཡེང་བར་གསོ་ཕག་ལྟར། །
འདི་ཕྱིར་བརླག་པའི་བུད་མེད་སྤོང་བར་མཛོད། །
སྨད་ཚོང་རེག་དུག་ཀླུ་གདོན་བསླུ་ཁྲིད་མཁན། །
ཁ་སྨྲས་མི་གཙང་ཡུལ་མི་དཀྲུག་ཤིང་མཁན། །
བཟའ་འཛིང་མི་ཚེ་སྡུག་གི་བཙོན་རར་མཁན། །
གཤིས་ངན་འདྲེ་མོའི་རིགས་དག་སྤོང་ན་ལེགས། །
ལྷ་འདྲེའི་བུ་མོ་གཞན་དུ་མ་འཚོལ་བར། །
རིགས་མཐུན་མི་མོའི་བཟང་ངན་ལེགས་མཁྱེན་ན། །
འཁོར་འདས་ལས་ཀྱི་བདེ་སྡུག་དེ་ན་ཡོད། །
རྣམ་དཔྱོད་ལྡན་པའི་གྲོགས་ཀྱིས་བརྟག་པར་འཚལ། །
     ཞེས་པའང་བོད་ཀྱི་བུ་མོའི་མཛེས་མཛངས་ཡིན་མིན་གྱི་དབུ་རྒྱན་དང་ཧིན་སྒོར་ཆ་ཤས་ཀྱི་དོན་དུ་ཡ་རབ་སྲོལ་རྒྱུན་ལྡན་པའི་བོད་རིགས་ཀྱི་བུ་མོ་འགའ་ཞིག་གཅེར་བུ་བྱུང་ནས་རྡར་ས་ནས་དགོན་ཆུང་ཞིག་གི་དབྱར་གནས་ཀྱི་རྒྱང་རྒྱུ་ལྟ་བུ་ཞིག་ཚེས་པ་མཐོང་ནས་ཕ་མེས་གཤིས་བཟང་གི་གོམས་སྲོལ་ཉམས་པར་དྭོགས་ནས་གང་ཤར་དུ་ཤྲྰིས་སྨྱོན་པས་དབྱིན་ཇིའི་རྒྱལ་ས་ལན་དྲོན་ནས་ གླུ་རུ་བླངས་བར་དགེའོ། །
·རྩོམ་ཡིག་གོང་མ:ཚ་བ་མདའ་སྨྱུག་ལ་བྲིས་པ།
·རྩོམ་ཡིག་འོག་མ:གཞས་ཚིག དྲན་ཤིང་གི་ཆུང་དུས།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
འབྲེལ་ཡོད་རྩོམ་ཡིག་མི་འདུག
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/24 5:26:42 [来自: 112.5.248.152]

 评论者:a6TVn6te
https://www.bj-arts.com/index/cate/cid/8.html
https://www.bj-arts.com/index/cate/cid/9.html
https://www.bj-arts.com/article/index.html
https://www.bj-arts.com/index/cate/cid/10.html
https://www.bj-arts.com/index/cate/cid/11.html
发表时间:2018/11/15 17:20:05 [来自: 112.5.248.229]

 评论者:izyaXyHG
https://www.bj-arts.com/index/cate/cid/3.html
https://www.bj-arts.com/index/cate/cid/4.html
https://www.bj-arts.com/index/cate/cid/5.html
https://www.bj-arts.com/index/cate/cid/6.html
https://www.bj-arts.com/index/cate/cid/7.html
发表时间:2018/11/13 6:51:48 [来自: 112.5.248.229]

འབྲེལ་ཡོད་དཔྱད་བརྗོད 42 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།25.39MS