ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ངག་རིག་འདོད་འཇོ། >> ལྗོངས་རྒྱུ།
 རྩོམ་ཡིག་ཀློག་པ།

དབེན་གནས་གངས་རི་ཐོད་དཀར་དང་ཤུག་གསེབ་དགོན།

  རྩོམ་པ་པོ:ངོམ་ཚེ་མགོན།ཡོང་ཁུངས:ངེད་དྲ་བ།གཟིགས་གྲངས:4729ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2010/9/5 13:34:08ཚོགས་ཡར་སྤྲོད:admin

 དབེན་གནས་གངས་རི་ཐོད་དཀར་དང་ཤུག་གསེབ་དགོན། 

     གཟའ་སྤེན་པའི་དུས་ཚོད་བེད་སྤྱད་དེ་ང་དང་གནས་རོགས་ཁ་ཤས་མཉམ་དུ་ལྷ་ས་གཡུ་ཐོག་ལམ་ནས་ཞོགས་པ་ཆུ་ཚོད་༦དང་ཕྱེད་ཀའི་ཐོག་ཤུག་གསེབ་དགོན་པའི་འགྲུལ་འཁོར་ནང་ཞུགས།   ཆུ་ཚོད་༩པ་ཡོལ་ཙམ་ལ་ཤུག་གསེབ་དགོན་འདབས་སུ་འབྱོར།  དེ་ནས་རི་ལྡེབས་སུ་རྐང་ཐང་ལ་སོང་སྟེ་ཤུག་གསེབ་དགོན་པའི་ཟ་ཁང་ནས་ཟ་འཐུང་སྟབས་བདེ་ཞིག་བྱས།   ཞོགས་པ་གནམ་གཤིས་བསིལ་བའི་གོ་སྐབས་དང་བསྟུན་ནས་ཆུ་ཚོད་ཕྱེད་ལྷག་ཙམ་སོང་རྗེས་གངས་རི་ཐོད་དཀར་དུ་སླེབས་སོང་། གངས་རི་ཐོད་དཀར་དང་ཤུག་གསེབ་དགོན་གཉིས་ནི་ད་ལྟའི་ཆུ་ཤུར་རྫོང་གི་ཁོངས་ཚལ་སྣ་ཤང་སྙི་ཕུའི་རི་ངོགས་སུ་གནས་འདུག    

     ཤིང་ལྷ་ཤིང་ཤུག་པའི་ཚལ་གསེབ་ན། །  བྱ་གོང་མོས་མགྲིན་པའི་རྫ་རྔ་འཁྲོལ། །  མ་མཁའ་འགྲོའི་དགོངས་ཀློང་གསང་ཆེན་མཆོག །  སྙིང་གེ་སར་འཛུམ་པའི་ཐིག་ལེར་བཞད། །    ལྷ་ཤུག་དང་སྤ་མ།  གླང་ཚེར། ཚར་པ།  སེ་བའི་ཤིང་གསེབ་ཏུ་བྱ་ཝང་དང་ལྷ་བྱ་གོང་མོ་མི་ལ་མི་འདྲོགས་པར་ཁྱུ་དང་ཆ་བྱེད་ནས་དགོན་པའི་ཉེ་འཁྲིས་སུ་ཅི་དགར་འཚོ་བ་དང་།  བྱེའུ་ཆུང་འཇོལ་མོས་གྲེ་འགྱུར་སྙན་དགུ་འཁྲོལ་བ་སོགས་དངོས་འབྲེལ་ཡིད་སེམས་ལྷོད་ལ་ཕབ་ཐུབ་པའི་དབེན་གནས་ཅི་འདྲའི་བྱིན་ཅན་ཉམས་དགའ་བ་ཞིག་རེད་ལགས། 

 

ལྷ་བྱ་གོང་མོ་གང་འདོད་གཟན་ལ་རོལ།

        ལྔ་རིག་སྣང་བའི་ཉིན་བྱེད་ས་པཎ་རྗེ། །  མདོ་སྔགས་ལེགས་བཤད་འབྱུང་གནས་ཙོང་ཁ་པ། །  ཡོངས་རྫོགས་བསྟན་པའི་མངའ་བདག་ཀློང་ཆེན་ཞབས། །  གངས་ཅན་འཇམ་དཔལ་དབྱངས་དངོས་རྣམ་གསུམ་ཡིན།  ཞེས་བོད་ཀྱི་འཇམ་མགོན་རྣམ་གསུམ་དུ་གྲགས་པའི་ནང་ཚན་སྔ་འགྱུར་རྙིང་མའི་བསྟན་པའི་གསལ་བྱེད་ཆེན་མོ།   ཀུན་མཁྱེན་ཀློང་ཆེན་རབ་འབྱམས་པ་དྲི་མེད་འོད་ཟེར་བསམ་ཡས་མཆིམས་ཕུར་བཞུགས་སྐབས།  ཤུགས་གསེབ་དགོན་གྱི་གནས་བདག་རྡོ་རྗེ་གཡུ་སྒྲོན་མས་སྤྱན་དྲངས་ནས་གངས་རི་ཐོད་དཀར་དུ་ལོ་གསུམ་སྒྲུབ་པ་མཛད།  དེར་མཛོད་ཆེན་བདུན་སོགས་དགོངས་གཏེར་རྣམས་བསྟན་བཅོས་ཀྱི་ཚུལ་དུ་གཏན་ལ་ཕབ་པས། གངས་རི་ཐོད་དཀར་འདི་སྒྲུབ་གནས་ཀུན་གྱི་རྒྱལ་པོར་གྲགས་ཤིང་།  རྣམ་ཐར་གསོལ་འདེབས་ལས་ཀྱང་།   སྒྲུབ་གནས་རྒྱལ་པོ་གངས་རི་ཐོད་དཀར་དུ། བྱོན་ཚེ་བསྟན་མ་ལྷ་རབས་མཆེད་དགུ་ཡིས། བསུ་བ་བསྙེན་བཀུར་སྤྱི་བོས་བཏུད་བཞིན་དུ།  ། ལོ་གསུམ་བསྒྲུབ་པ་མཛད་ལ་གསོལ་བ་འདེབས་ཞེས་གསལ། 

 

གངས་རི་ཐོད་དཀར་སྤྲིན་དཀར་ལ་ཐོད་གསོལ།

       གངས་རི་ཐོད་དཀར་འདི་རྡོ་རྗེ་ཕག་མོའི་གནས་རི་ཡིན་པས། རིའི་དབྱིབས་རྡོ་རྗེ་ཕག་མོའི་རྣམ་པར་གནས་ཤིང་། ཀློང་ཆེན་རབ་འབྱམས་པའི་སྒྲུབ་ཕུག་དེ་སྙིང་ཁར་གནས་ཡོད་པ་དང་།  དེའི་གཡས་གཡོན་ནུ་མ་གཉིས་ཀྱི་ཚོད་དེར་དཔལ་སྒྲོན་དང་འོ་མ་ཆུ་མིག་ཟེར་བའི་ཆུ་མིག་ཁྱད་པར་ཅན་གཉིས་ཡོད།  ཤུག་གསེབ་དགོན་པའི་འགྲམ་དེར་ཆུ་མིག་ཅིག་ཡོད་པ་དེ་རྡོ་རྗེ་ཕག་མོའི་གསང་ཆབ་ཡིན་ཟེར་སྲོལ་འདུག །  གནས་གཙོ་བོ་ཀུན་ཏུ་བཟང་པོའི་ཁང་བཟང་ཟླ་བ་ཆུ་ཤེལ་གཟིམ་ཕུག་ཉམས་སྐྱིད་པོ་དེར་ལྷ་ཁང་ཀ་བཞི་མའི་ནང་དུ།  རྟེན་གཙོ་ཀུན་མཁྱེན་ང་འདྲ་ཕྱག་ནས་མ་སོགས་བཞུགས་སུ་གསོལ།   གངས་རི་ཐོད་དཀར་ཞེས་པ་དེ། སྔོན་རིའི་རྩེ་མོར་དབྱར་དགུན་མི་ཞུ་བའི་ཁ་བས་བརྒྱན་ཡོད་པར་སྣང་ཡང་།  དེང་སང་ནི་དགུན་ཡང་ལ་རྩེར་ཁ་བ་ཆེར་མི་སྣང་བ། ད་ལྟ་རྒྱ་གར་བའི་མི་ཡི་རྗེས་ལ་ཚད་པ་བོད་དུ་སླེབས་རབས་ཟེར་བས་ལན་པར་སྣང་ཞེས་ཀ་ཐོག་སི་ཏུས་དབུས་གཙང་གནས་ཡིག་ཏུ་གསུངས་འདུག  

       ཤུག་གསེབ་ཨོ་རྒྱན་རྫོང་ནི་རྡོ་རྗེ་ཕག་མོའི་གནས་རིའི་རི་སྐེད་མཚམས་སུ་ཆགས་ཤིང་།  དགོན་དེ་ཐོག་མར་ཕག་གྲུའི་ཞལ་སློབ་ཆོས་རྗེ་གྱེར་སྒོམ་ཚུལ་ཁྲིམས་སེང་གེས་ཕྱག་བཏབ་པར་གྲགས།  ཕྱིས་སུ་སེམས་ཉིད་སྟོབས་ལྡན་ཞུ་བའི་གྲུབ་ཐོབ་ཅིག་གནས་དེར་ཕེབས་ནས་བཞུགས་སྐབས།  སྐྱབས་མགོན་དྷརྨ་སེང་གེའི་ཞལ་སློབ་རིག་འཛིན་ཆོས་ཉིད་བཟང་མོས་ཞབས་ལ་གཏུག་སྟེ་སྒྲུབ་བཞུགས་མཛད།  ཁོང་མོས་ཀྱང་ཞལ་སློབ་མང་དུ་བསྐྱངས།   གཙོ་བོ་ཀློང་ཆེན་སྙིང་ཐིག་ཕྱག་བཞེས་མཛད་ཅིང་གང་ཉིད་མ་གཅིག་ལབ་སྒྲོན་གྱི་སྐུ་སྐྱེར་གྲགས་པས་ཞི་བྱེད་གཅོད་རྒྱུད་ཀྱི་ཆོས་འཁོར་ཡང་བསྐོར་བས་མཚན་སྙན་ཁ་བའི་ལྗོངས་ཡོངས་སུ་ཁྱབ།  དགོན་གྱི་རྟེན་གཙོ་གུ་རུ་སྣང་སྲིད་ཟིལ་གནོན་མི་ཚད་ལྷག་ཙམ་དང་།  ཐུགས་རྗེ་ཆེན་པོ་ཕྱག་སྟོང་སྤྱན་སྟོང་།  ཀུན་མཁྱེན་སྐུ།  འཇིགས་མེད་གླིང་པ།  རྗེ་བཙུན་ཆོས་ཉིད་བཟང་མོ་སོགས་ཀྱི་སྐུ་བརྙན་བཞུགས།  ད་ལྟ་འདུ་ཁང་རྒྱ་བསྐྱེད་བསྐྱར་བཞེངས་མཛད་བཞིན་པའི་སྒང་རེད་འདུག

ཤུག་གསེབ་རྗེ་བཙུན་མ་རིག་འཛིན་ཆོས་ཉིད་བཟང་མོ།

      གནས་མཇལ་གྲུབ་མཚམས་ཕྱི་དྲོ་ཆུ་ཚོད་༤པའི་ཐོག་ང་ཚོ་སླར་ཡང་དགོན་པའི་འགྲུལ་འཁོར་དེའི་ནང་ཞུགས་ཏེ་ཚུར་ལྷ་ས་ལ་ཡོང་བ་ཡིན།  དགོན་པའི་འགྲུལ་འཁོར་གྱི་གླ་ཆ་མི་གཅིག་ཕར་ཚུར་བསྡོམས་པས་སྒོར་༣༥རེ་རེད་འདུག ། 

       དེ་ཡང་རང་རེ་ཚོས་གླིང་ག་གཏོང་བ་དང་།  གནས་མཇལ་འགྲོ་བ་ཡིན་ཟེར་ནས་བཟའ་འཐུང་ཚར་བའི་སྙིགས་རོ་དང་འགྱིག་ཤོག་སོགས་སྣང་མེད་ངང་གང་བྱུང་དུ་གཡུགས་པའི་གོམས་གཤིས་ངན་པ་དེ་མཚམས་འཇོག་བྱེད་རན་འདུག   མ་མཐར་ཡང་སོ་སོའི་གད་ཉོབ་རྣམས་སོ་སོས་བསྡུ་ཉར་བྱེད་དེ་ཆེད་མངས་གད་སྙིགས་བླུགས་སར་བླུགས་པ་དང་།  དགོན་པས་ཀྱང་གད་ཉོབ་བླུགས་ས་རེ་ཆེད་མངགས་བཟོ་ནས་གནས་མཇལ་མང་ཚོགས་ལ་གད་སྙིགས་གང་བྱུང་དུ་མི་འདོར་བའི་ཐབས་ཚུལ་བསྟེན་རྒྱུ་གལ་ཆེན་པོ་འདུག     ང་ཚོས་འུར་ཆོམ་གྱིས་གནས་དབེན་པ་དཀྲོགས་ཏེ་མི་སེམས་ཟང་ཟིང་བཟོ་བ་དང་།  གནས་གཙང་མ་དག་བཙོག་སྐྱོན་མི་བཟོ་བར་འབད་ཐབས་བྱ་རྒྱུ་ཧ་ཅང་གལ་ཆེའོ། །    

·རྩོམ་ཡིག་གོང་མ:༄༅།། དབྱངས་ཀྱི་བླ་སྲོག
·རྩོམ་ཡིག་འོག་མ:ལེགས་བཤད་བློ་གསལ་སྙིང་ནོར་ལས།༦
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·བུམ་ཐང་ལྷའི་སྦས་ཡུལ་གྱི་བཀོད་པ་མེ་ཏོག་སྐྱེད་ཚལ། 2011/6/12 11:17:39
·ཡུལ་གནམ་ལུང་དུ་སྐྱོད་པའི་མཐོང་ཐོས། 2011/3/1 22:05:32
·ཟངས་མདོག་དཔལ་རིའི་ཕོ་བྲང་གི་སྐོར་ཚད་དང་ཕན་ཡོན། 2011/2/17 15:37:54
·གནས་མཆོག་རྒྱ་ནག་མ་ཎིའི་དཀར་ཆག 2010/4/28 16:46:42
·གནས་མཆོག་ཁ་བ་དཀར་པོ། 2010/2/7 16:22:30
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 13:44:56 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 17:44:09 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/17 2:51:32 [来自: 112.5.248.229]

འབྲེལ་ཡོད་དཔྱད་བརྗོད 963 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།31.25MS