ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་འདུ་ར། >> རིག་དཔྱད།
 རྩོམ་ཡིག་ཀློག་པ།

བོད་ཀྱི་ལྷ་མོའི་འཁྲབ་གཞུང་གི་དོན་བསྡུས།༥

  རྩོམ་པ་པོ:རྒྱན་འོད།ཡོང་ཁུངས:ངེད་དྲ་བ།གཟིགས་གྲངས:2787ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2012/12/3 19:46:13ཚོགས་ཡར་སྤྲོད:admin

བོད་ཀྱི་ལྷ་མོའི་འཁྲབ་གཞུང་ཆེན་མོ་བརྒྱད་ཀྱི་ནང་དོན་རགས་བསྡུས།༥

      ༥ གཟུགས་ཀྱི་ཉི་མའི་རྣམ་ཐར།  སྔར་རྒྱ་གར་གྱི་གྲོང་ཁྱེར་སེམས་ཀྱི་བློ་གྲོས་ཞེས་པར་རྒྱལ་པོ་ཟླ་བའི་དེད་དཔོན་དང་བཙུན་མོ་ལྷའི་དཔལ་མོ་ལ་སྲས་ཆེ་བ་ཟླ་བའི་སེང་གེ་དང་སྲང་ཆུང་བ་ཟླ་བའི་གཞོན་ནུ་འཁྲུངས་ཤིང༌། རྒྱལ་ཁབ་ཀྱི་སྟོབས་འབྱོར་ཧ་ཅང་རྒྱས། རྗེས་སུ་རྒྱལ་སྲིད་ཡང་སྲས་ཆེ་བ་ཟླ་བའི་སེང་གེར་གནང་བ་དང་ལས་དབང་སྟོབས་ཀྱིས་རིགས་ངན་གྱི་བུ་མོ་ཞིག་བཙུན་མོར་བཞེས། ཉིན་ཞིག་རྒྱལ་པོའི་མེ་ཏོག་ལྡུམ་རའི་ནང་ཕག་རྒོད་ཅིག་ཡོང་ནས་ས་སློག་ཟང་ཟིང་བཟོ་བ་རྔོན་པའི་བུས་མཐོང་བས་མདའ་གཞུ་ཐོགས་ཏེ་དེད་བཞིན་འགྲོ་སྐབས་གླ་བ་ཞིག་དང་འཕྲད། གླ་བ་དེ་དེད་བཞིན་འགྲོ་སྐབས་ཤྭ་བ་ཞིག་དང་འཕྲད། ཤྭ་བ་དེ་དེད་བཞིན་འགྲོ་སྐབས་ནགས་ཚལ་སྟུག་པོའི་ཁྲོད་དུ་སླེབས་ཏེ་ཤར་ནུབ་ཀྱི་ཁ་ཕྱོགས་མི་ཤེས་པར་ལུས་ནས་སྡོད་སྐབས། རབ་མཛེས་བྲམ་ཟེའི་བུ་མོ་ཆབ་བཞེས་པརབཕེབས་པ་དང་མཇལ་བས་ལམ་སྟོན་གྱི་རྩ་ཀུ་ཤ་གནང༌།  རྔོན་པའི་བུས་རྒྱལ་པོ་ཟླ་བའི་སེང་གེ་ལ་གཟུགས་ཀྱི་ཉི་མའི་གནས་ཚུལ་ཞུས་པས་རྒྱལ་པོ་འཁོར་བཅས་རྔོན་པའི་ལམ་སྟོན་འོག་གཟུགས་ཀྱི་ཉི་མ་འཚོལ་བར་ཕེབས་པས་སྒོམ་ཆེན་དང་མཇལ། རྒྱལ་པོས་སྒོམ་ཆེན་གྱི་དྲུང་ནས་སྐྱབས་འགྲོ་སེམས་བསྐྱེད་ཀྱི་བསླབ་བྱ་དང་དགེ་བསྙེན་གྱི་སྡོམ་པ་ཡང་བཞེས། སྒོམ་ཆེན་གྱིས་བུ་མོ་རྒྱལ་པོའི་བཙུན་མོར་གནང་བ་དང་བུ་མོ་ཐོན་ཁར་སྒོམ་ཆེན་གྱི་ཐུགས་དམ་གྱི་རྟེན་མུ་ཏིག་གི་ཕྲེང་བ་གནང་ནས་སྲུང་བ་ཟབ་མོ་དེ་ཚེ་གང་ལུས་དང་འབྲལ་རྒྱུ་མེད་པའི་བསླབ་བྱ་གནང་བ་དང་གྲོང་ཁྱེར་སེམས་ཀྱི་བློ་གྲོས་སུ་ཕེབས་ནས་རྟེན་འབྲེལ་གྱི་མཛད་སྒོ་གཟབ་རྒྱས་ཚོགས་པ་སོགས་བྱས་པས་རིགས་ངན་བུ་མོས་གཙོས་པའི་རྒྱལ་པོའི་སྔར་གྱི་བཙུན་མོ་རྣམས་ཁོང་ཁྲོའི་མེ་ལྕེ་རབ་ཏུ་འབར་ནས། རིགས་ངན་གྱི་བུ་མོའི་ངན་སྐུལ་འོག་གཡོ་སྒྱུ་བསླུ་བྲིད་ལ་མཁས་པའི་ཡ་མ་གན་དེ་བཟང་མོས་རྒྱལ་པོ་དང་གཟུགས་ཀྱི་ཉི་མའི་འཁོར་བཅས་ལ་རྫས་ངན་སུམ་ཅུ་སོ་གཉིས་ལས་གྲུབ་པའི་གཉིད་སྨན་སྟེར་ཡང་སྲུང་བའི་བྱིན་རླབས་ཀྱིས་ཉིན་མཚན་གསུམ་གཉིད་ཁུག་རྒྱུ་ལྟ་ཅི་སྔར་ལས་ཀྱང་རིག་པ་དྭངས་བར་གནས་ཏེ་གཞས་དང་ཞབས་བྲོར་རོལ། གཟུགས་ཀྱི་ཉི་མར་གནོད་འཚེས་མི་ཚུགས་པའི་སྲུང་བ་ཡོད་པ་གན་དེ་བཟང་མོས་ཚོར་ཏེ་ཡུན་རིང་གཟུགས་ཀྱི་ཉི་མའི་གཡོག་བྱེད་ཁུལ་གྱིས་བསྡད། ཉིན་ཞིག་གན་དེ་བཟང་མོས་གཟུགས་ཀྱི་ཉི་མར་མགོ་སྐོར་བསླུ་བྲིད་ཀྱི་སྲུང་བ་རྫུན་མ་ཞིག་བཟོས་ཏེ་ཕྱག་ཏུ་ཕུལ། དེ་ནས་གན་དེ་བཟང་མོས་སླར་ཡང་གཉིད་ཁུགས་པའི་རྫས་ངན་རྒྱལ་པོ་འཁོར་བཅས་ལ་བཏབ་ཏེ་གཉིད་དུ་ཤོར་བའི་རིང༌། གན་དེ་བཟང་མོས་གླང་པོ་ཆེ་རབ་བརྟན་བསད་པ་དང་ཁོག་སྟོད་གཟུགས་ཀྱི་ཉི་མའི་གཡས་སུ་བཞག  ཁོག་སྨད་གཡོན་དུ་བཞག  ནང་འཁྲོལ་རྣམས་གཟུགས་ཀྱི་ཉི་མའི་སྔས་མགོར་སྤུངས། དུར་ཁྲོད་ནས་མི་རོ་བསླངས་ཏེ་གཟུགས་ཀྱི་ཉི་མའི་མདུན་དུ་སྤུངས། དེའི་རྗེས་སུ་རྒྱལ་པོའི་གཅུང་པོ་སྲས་ཟླ་བའི་གཞོན་ནུ་བསད་དེ་ཤ་ཁྲག་རྣམས་གཟུགས་ཀྱི་ཉི་མའི་སྔས་མགོར་སྤུངས། མངོན་ཤེས་ཤོད་པའི་སྨྲ་མཁན་ནེ་ཙོ་ཡང་བསད་པས། རྒྱལ་པོས་རང་ཉིད་མི་ངན་གྱི་མགོ་སྐོར་འོག་ཚུད་པ་མ་ཤེས་པར་གཤེད་མ་གསུམ་བོས་ནས་གཟུགས་ཀྱི་ཉི་མ་དུར་ཁྲོད་དུ་འཁྲིད་ནས་བསད་དགོས་པའི་བཀའ་ཕབ། གཤེད་མ་གསུམ་གྱིས་གཟུགས་ཀྱི་ཉི་མ་ཧ་ཅང་མཛེས་པས་གྲིས་གཤགས་མི་ཕོད་པར་རང་འཇགས་བཞག་སྟེ་སེམས་ཅན་གདུག་པ་ཅན་གྱིས་ཟ་རུ་བཅུག  དེ་ཚོས་ཟ་རྒྱུ་ལྟ་ཅི་གུས་ཤིང་སྤྱི་བོས་བཀུར།  དེ་ནས་རིམ་བཞིན་གཟུགས་ཀྱི་ཉི་མ་རྣལ་འབྱོར་མ་ཆེན་མོར་གྱུར་ཏེ་རྒྱལ་ཁམས་བསྐོར། གྲོང་ཁྱེར་སེམས་ཀྱི་བློ་གྲོས་སུ་ཕེབས་ནས་ཆོས་འཁོར་སྐོར་སྐབས་ཡ་མ་གན་དེ་བཟང་མོས་གཟུགས་ཀྱི་ཉི་མ་ཡིན་པ་མ་ཤེས་པར་སྔར་བྱས་ཀྱི་ལས་ངན་ལ་འགྱོད་གཤགས་བྱས་པ་དང་ཕྱིན་ཆད་ལས་ངན་མི་བྱེད་རྒྱུའི་དམ་བཅའ་བཞག  བློན་པོ་རིག་པ་ཅན་ཨ་བོ་ན་གེས་གཟུགས་ཀྱི་ཉི་མ་ཡིན་པ་ཧ་གོ་ནས་རྒྱལ་པོར་སྙན་གསེང་ཞུས། རྒྱལ་པོས་ཀྱང་སྔར་བྱས་ཀྱི་ལས་ངན་ལ་སྡིག་གཤགས་བྱས་པ་དང་སྔར་བཞིན་རྒྱལ་པོའི་བཙུན་མོ་གནང་དགོས་པའི་ཞུ་བ་ཕུལ། རྣལ་འབྱོར་མས་ཀྱང་ཁས་ལེན་པ་དང་ཡུན་རིང་མ་སོང་བར་སྲས་ཉི་མ་སེང་གེ་འཁྲུངས། རྗེས་སུ་རྒྱལ་སྲིད་སྲས་ཉི་མ་སེང་གེས་བསྐྱངས་ཏེ་རྒྱལ་ཁབ་སྟོབས་འབྱོར་མངའ་ཐང་རྒྱས་པར་གྱུར་ཏོ།།

·རྩོམ་ཡིག་གོང་མ:མཐུན་སྒྲིལ་གྱི་འོད་མདངས།།
·རྩོམ་ཡིག་འོག་མ:གྲགས་ཅན་གསུང་ཚིག༣༤
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·བོད་ཀྱི་ལྷ་མོའི་འཁྲབ་གཞུང་བརྒྱད་ཀྱི་བསྡུས་དོན། 2013/1/22 16:05:55
·བོད་ཀྱི་ལྷ་མོའི་འཁྲབ་གཞུང་གི་དོན་བསྡུས།༧ 2012/12/29 12:19:57
·བོད་ཀྱི་ལྷ་མོའི་འཁྲབ་གཞུང་གི་དོན་བསྡུས།༦ 2012/12/19 23:23:11
·བོད་ཀྱི་ལྷ་མོའི་འཁྲབ་གཞུང་གི་དོནབསྡུས།༢ 2012/11/11 13:31:08
·བོད་ཀྱི་ལྷ་མོའི་འཁྲབ་གཞུང་བརྒྱད་ཀྱི་དོནབསྡུས།༡ 2012/11/9 20:42:27
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 4:19:02 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 6:20:01 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 9:35:22 [来自: 112.5.248.229]

འབྲེལ་ཡོད་དཔྱད་བརྗོད 53 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།39.06MS