ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ངག་རིག་འདོད་འཇོ། >> གླིང་སྒྲུང་།
 རྩོམ་ཡིག་ཀློག་པ།

གླིང་བྲོ་བདེ་ཆེན་རོལ་མོ།

  རྩོམ་པ་པོ:འཇུ་མི་ཕམ་།ཡོང་ཁུངས:ཆོས་སྒྲོན་ཟིན་བྲིས།གཟིགས་གྲངས:2010ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2009/11/23 23:52:55ཚོགས་ཡར་སྤྲོད:ངེད།
 ༅། གླིང་བྲོ་བདེ་ཆེན་རོལ་མོ།
 
འཇུ་མི་ཕམ།
ཕོ་རྣམས་ཀྱིས།  ཨོཾ།
མི་རྗེ་སེང་ཆེན་ལྷ་ཡི་ནོར་བུ། །
དགྲ་ལྷ་ཝེར་མའི་དཔུང་དང་བཅས་ཏེ། །
བག་བྲོ་གཟི་བྱིན་ཐིབས་སེ་བྱོན་ནས། །
གཡས་གྲལ་ལྷ་ཡི་བྲོ་ལ་བཞུགས་ཤོག །
ཕོ་རྒྱུད་དཔའ་བོའི་བྱིན་ཆེན་ཕོབས་ཤོག །
ཨ་ཧོ་ཡ། ཨ་ཧོ་ཡ།
བུ་ཡིས་ཕ་ཆེན་བརྗེད་པ་མི་སྲིད། །
ངས་ནི་མི་བརྗེད་གསོལ་བ་འདེབས་སོ། །
ཡིད་ལ་སེང་ཆེན་རྒྱལ་པོ་དྲན་ནས། །
རྐང་བའི་བྲོ་དང་ལག་པའི་གར་སྟབས། །
ངག་གི་གདུང་དབྱངས་ལྷང་ལྷང་སྒྲོགས་ན། །
མཁྱེན་པའི་ཉི་མ་གསལ་བའི་ལྷ་སྲས། །
བརྩེ་བའི་ཟླ་བ་རྒྱས་པའི་མི་རྗེ། །
བྱིན་རླབས་གློག་ལྟར་མྱུར་བའི་སེང་ཆེན། །
སྐུ་རྗེ་དོན་གྲུབ་ཝེར་མ་དཀར་པོ། །
འཛུམ་པའི་ཞལ་རས་སྟོན་ལ་བྱོན་ཤོག །
སྙན་པའི་གསུང་དབྱངས་སྒྲོགས་ལ་བྱོན་ཤོག །
དགྱེས་པའི་ཐུགས་ཀྱིས་དགོངས་ལ་བྱོན་ཤོག །
བྱིན་རླབས་བརྡ་རྟགས་སྟོན་ལ་བྱོན་ཤོག། །
འཕྲིན་ལས་བྱིན་ཆེན་ཕོབ་ལ་བྱོན་ཤོག །
ཨ་ཧོ་ཡ། ཨ་ཧོ་ཡ།
ལུས་ངག་ཡིད་གསུམ་མཆོད་པ་འབུལ་ན། །
མ་གཡེང་ཐུགས་རྗེས་དགོངས་ཤིག་ནོར་བུ། །
ཕ་ཡིས་བུ་དེ་བརྗེད་པ་མི་སྲིད། །
མ་བརྗེད་ཡོད་ན་ད་ལྟ་ཕེབས་ཤོག །
ཕེབས་ནས་བཀྲ་ཤིས་བྱིན་རླབས་མཛོད་ཅིག །
ཨ་ཧོ་ཡ། ཨ་ཧོ་ཡ།
མོ་རྣམས་ཀྱིས། ཨོཾ།
སྟོང་ཉིད་ལྷ་མོ་ཆོས་ཀྱི་མཚོ་མོ། །
མ་ཚོགས་མཁའ་འགྲོའི་འཁོར་དང་བཅས་ཏེ། །
བག་དྲོ་གཟི་བྱིན་ཐིབས་སེ་བྱོན་ཤོག །
གཡོན་གྲལ་ལྷ་ཡི་བྲོ་ལ་བཞུགས་ཤོག །
མོ་རྒྱུད་མཛེས་པའི་བྱིན་ཆེན་ཕོབ་ཤོག །
བུ་མོས་ཨ་མ་བརྗེད་པ་མི་སྲིད། །
ངས་ནི་མི་བརྗེད་གསོལ་བ་འདེབས་སོ། །
ཡིད་ལ་དྭངས་སྨན་ཌཱ་ཀཱི་དྲན་ནས། །
རྐང་བའི་བྲོ་དང་ལག་པའི་གར་སྟབས། །
ངག་གི་གདུང་དབྱངས་ལྷང་ལྷང་སྒྲོགས་ན། །
མཁྱེན་པའི་ཉི་མ་གསལ་བའི་མཁའ་འགྲོ། །
བརྩེ་བའི་ཟླ་བ་རྒྱས་པའི་ཡུམ་ཆེན། །
བྱིན་རླབས་གློག་ལྟར་མྱུར་བའི་དྭངས་སྨན། །
དགྱེས་ཡུམ་བཀྲ་ཤིས་གསང་བའི་ལྷ་མོ། །
འཛུམ་པའི་ཞལ་རས་སྟོན་ལ་བྱོན་ཤོག །
སྙན་པའི་གསུང་དབྱངས་སྒྲོགས་ལ་བྱོན་ཤོག །
དགྱེས་པའི་ཐུགས་ཀྱིས་དགོངས་ལ་བྱོན་ཤོག །
བྱིན་རླབས་བརྡ་རྟགས་སྟོན་ལ་བྱོན་ཤོག །
འཕྲིན་ལས་བྱིན་ཆེན་ཕོབ་ལ་བྱོན་ཤོག །
ལུས་ངག་ཡིད་གསུམ་མཆོད་པ་འབུལ་ན། །
མ་གཡེལ་ཐུགས་རྗེས་དགོངས་ཤིག་སྒྲོལ་མ། །
མ་ཡིས་བུ་མོ་བརྗེད་པ་མི་སྲིད། །
མ་བརྗེད་ཡོད་ན་ད་ལྟ་ཕེབས་ཤོག །
ཕེབས་ནས་བཀྲ་ཤིས་བྱིན་རླབས་མཛོད་ཅིག །
ཨ་ཧོ་ཡ། ཨ་ཧོ་ཡ།
གླིང་བྲོ་ལན་ཚན་བཞི་བ། །
ཧོཿ
རྩ་གསུམ་ཀུན་འདུས་སེང་ཆེན་རྒྱལ་པོ། །
མཆོག་གསུམ་བཀྲ་ཤིས་སྙན་པའི་ནོར་བུ། །
སྐུ་རྗེ་དོན་གྲུབ་ཝེར་མ་དཀར་པོ། །
བཀྲ་ཤིས་དགེ་ལེགས་ཕུན་སུམ་ཚོགས་མཛོད། །
ཨེ་མ་ཧོ། ཨེ་མ་ཧོ།
སྐུ་ཡི་བཀྲ་ཤིས་ཡིད་འོང་བྱིན་ཆགས། །
ནད་སེལ་བདེ་སྐྱིད་འཕེལ་བའི་རང་བཞིན། །
མི་ནུབ་རྒྱལ་མཚན་ལྟ་བུའི་བཀྲ་ཤིས། །
འདིར་འཚོགས་ཡོངས་ལ་འཛོམས་པར་ཤོག་ཅིག །
ཨེ་མ་ཧོ། ཨེ་མ་ཧོ།
གསུང་གི་བཀྲ་ཤིས་དགའ་སྐྱིད་གླུ་དབྱངས། །
སྙན་གྲགས་ས་སྟེང་ཁྱབ་པར་སྒྲོགས་པ། །
འགག་མེད་དུང་སྒྲ་ལྟ་བུའི་བཀྲ་ཤིས། །
འདིར་ཚོགས་ཡོངས་ལ་འཛོམས་པར་ཤོག་ཅིག །
ཨེ་མ་ཧོ། ཨེ་མ་ཧོ།
ཐུགས་ཀྱི་བཀྲ་ཤིས་ཆོས་ཀྱི་ཞིང་ས། །
བདེ་སྟོང་གསལ་འབར་བག་དྲོ་ལྷུན་ཆགས། །
མི་འགྱུར་ནམ་མཁའ་ལྟ་བུའི་བཀྲ་ཤིས། །
འདིར་ཚོགས་ཡོངས་ལ་འཛོམས་པར་ཤོག་ཅིག །
ཨེ་མ་ཧོ། ཨེ་མ་ཧོ།
ཡོན་ཏན་བཀྲ་ཤིས་དགོས་འདོད་ཀུན་འབྱུང་། །
ཆོས་སྲིད་ཕུན་ཚོགས་བསྟན་པ་དར་རྒྱས། །
བསམ་འཕེལ་ནོར་བུ་ལྟ་བུའི་བཀྲ་ཤིས། །
འདིར་ཚོགས་ཡོངས་ལ་འཛོམས་པར་ཤོག་ཅིག །
ཨེ་མ་ཧོ། ཨེ་མ་ཧོ།
འཕྲིན་ལས་བཀྲ་ཤིས་མཐུ་སྟོབས་དཔལ་འབར། །
ཕྱོགས་ལས་རྣམ་རྒྱལ་དབུ་འཕང་མཐོ་བའི། །
དགུང་ལ་ཉི་ཟླ་ལྟ་བུའི་བཀྲ་ཤིས། །
འདིར་ཚོགས་ཡོངས་ལ་འཛོམས་པར་ཤོག་ཅིག །
ཨེ་མ་ཧོ། ཨེ་མ་ཧོ།
གནས་འདི་མཁའ་སྤྱོད་མཐོང་བ་ཀུན་སྨོན། །
འདིར་ཚོགས་དཔའ་ཐུལ་དང་སྨན་རིག་འཛིན། །
མི་འབྲལ་ཚོམ་བུ་གཅིག་ཏུ་ཚོགས་ནས། །
བདེ་ཆེན་འགྲུབ་པའི་བཀྲ་ཤིས་ཤོག་ཅིག །
ཨེ་མ་ཧོ། ཨེ་མ་ཧོ།
                        མི་ཕམ་གླིང་བྲོ་ལས་བཏུས།
 


·རྩོམ་ཡིག་གོང་མ:ལྟ་ཚུལ་དང་གང་ཟག་གཉིས་ཁ་ཁར་འབྱེད་པའི་བློ་མིག་ཤིན་ཏུ་གལ།
·རྩོམ་ཡིག་འོག་མ:བྱ་གཞུང་དབྱངས་བྷའི་ལྷུག་རྩོམ། རྒྱ་ནག་རི་བོ་རྩེ་ལྔར་ཕྱིན་པ།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·གླིང་བྲོ་བདེ་ཆེན་རོལ་མོའི་སྟངས་སྟབས་དང་བྲོ་ཚན་སྐོར། 2011/10/27 9:36:23
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:wuivacjsnbc
bpWqro  <a href="http://wmowdztiodkg.com/">wmowdztiodkg</a>, [url=http://bvvybrojijzt.com/]bvvybrojijzt[/url], [link=http://zlmjokfvumou.com/]zlmjokfvumou[/link], http://rrlrytxtoeoy.com/
发表时间:2019/1/17 9:06:06 [来自: 31.184.238.151]

 评论者:uvkzss
bv7uyF  <a href="http://gprrxpdqcvof.com/">gprrxpdqcvof</a>, [url=http://npdwshjyfokm.com/]npdwshjyfokm[/url], [link=http://sssybydmbkpe.com/]sssybydmbkpe[/link], http://bhjgfaghtvni.com/
发表时间:2019/1/17 7:32:00 [来自: 31.184.238.87]

 评论者:tcmfyvik
QFUijS  <a href="http://yowwneoybriv.com/">yowwneoybriv</a>, [url=http://mvanrypaksqt.com/]mvanrypaksqt[/url], [link=http://umrmwwsbopof.com/]umrmwwsbopof[/link], http://hxrnnnmtuwfb.com/
发表时间:2019/1/17 7:12:55 [来自: 31.184.238.177]

འབྲེལ་ཡོད་དཔྱད་བརྗོད 60 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།21.48MS