ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་འདུ་ར། >> བསྟོད་གསོལ།
 རྩོམ་ཡིག་ཀློག་པ།

བླ་མའི་རྣལ་འབྱོར་དངོས་གྲུབ་རྒྱ་མཚོ།

  རྩོམ་པ་པོ:དཔལ་དགྱེས་པ་རྡོ་རྗེ།ཡོང་ཁུངས:ངེད་དྲ་བ།གཟིགས་གྲངས:2584ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2011/12/1 11:03:16ཚོགས་ཡར་སྤྲོད:admin

༅༎ །བླ་མའི་རྣལ་འབྱོར་དངོས་གྲུབ་རྒྱ་མཚོ་ཞེས་བྱ་བ་བཞུགས་སོ།


ན་མོ་གུ་རུ་བྷྱཿ
 བརྒྱུད་གསུམ་བླ་མའི་བྱིན་རླབས་ཀུན། །དད་གུས་མོས་པའི་མཐུ་ཡིན་ཕྱིར། །
མི་ཕྱེད་སྒོ་གསུམ་ཆིག་སྒྲིལ་གྱིས། །བླ་མའི་རྣལ་འབྱོར་འདི་ལ་འབད། །
ན་མོཿ རང་རིག་སྐུ་གསུམ་ངོ་བོ་ཉིད། །བླ་མར་ཤེས་པས་སྐྱབས་སུ་མཆི། །
སྟོང་ཉིད་སྙིང་རྗེ་ཆེན་པོའི་ངང་། །འགྲོ་ཀུན་བསྒྲལ་བར་སེམས་བསྐྱེད་དོ། །
ཨཱཿ མ་བཅོས་རིག་སྟོང་ཀུན་བཟང་ལས། །བསམ་བརྗོད་བྲལ་བའི་སྙིང་རྗེའི་ངང་། །
ངེས་དོན་པདྨ་རྒྱལ་པོ་ཉིད། །ཏིང་འཛིན་རྣམ་གསུམ་ལྡན་པས་སྒོམ། །
མདུན་མཁར་འཇའ་སྤྲིན་དྲ་བའི་དབུས། །རྒྱལ་བ་ཀུན་འདུས་བླ་མ་ཉིད། །
ཨོ་རྒྱན་རྗེ་དང་དབྱེར་མེད་ངང་། །མོས་གུས་དད་པས་ལྷམ་མེར་གསལ། །
ལྟ་སྒོམ་མོས་པས་མཇལ་ཕྱག་འཚལ། །སྣང་སྲིད་མཆོད་པའི་ཕྱག་རྒྱ་འབུལ། །
སྡིག་ལྟུང་འདུས་མར་བྱས་པར་བཤགས། །ཚོགས་གཉིས་དགེ་ལ་རྗེས་ཡི་རངས། །
ཐེག་གསུམ་ཆོས་འཁོར་བསྐོར་བར་བསྐུལ། །རྒྱལ་ཀུན་མྱ་ངན་མི་འདར་བཞུགས། །
དགེ་ཚོགས་སྨིན་གྲོལ་ཐོབ་ཕྱིར་བསྔོ། །འགྲོ་ཀུན་སངས་རྒྱས་མྱུར་ཐོབ་ཤོག །
 ཅེས་ཚིག་བདུན་གསོལ་འདེབས་དང་། ཨོཾ་ཨྰཿཧྰུྃ་བཛྲ་གུ་རུ་པདྨ་སིདྡྷི་ཧྰུྃ། ཅི་ནུས་བསགས།
 ཨོཾ་ཛྙྰ་ན་གུ་རུ་བཛྲ་སིདྡྷི་ཧཱུྂཿ ཞེས་ཅི་ནུས་དང་།
གསོལ་འདེབས་ནི།
 ཨེ་མ་ཧོཿ
ཡེ་ནས་མངོན་པར་བྱང་ཆུབ་པའི། །རྒྱལ་དབང་པདྨ་ཀ་ར་དང་། །
གནུབས་ཆེན་སངས་རྒྱས་ཡེ་ཤེས་ལ། །གསོལ་བ་འདེབས་སོ་དངོས་གྲུབ་སྩོལ། །
ལྷ་སྲས་རྒྱལ་བུའི་རྣམ་རོལ་པ། །པདྨ་དྲག་སྔགས་གླིང་པ་དང་། །
རྣལ་འབྱོར་འོད་ཟེར་མཐའ་ཡས་ལ། །གསོལ་བ་འདེབས་སོ་དངོས་གྲུབ་སྩོལ། །
དཀོན་མཆོག་ཀུན་འདུས་བླ་མ་ལ། ། གསོལ་བ་སྙིང་གི་དཀྱིལ་ནས་འདེབས། །
བྱིན་རླབས་མཆོག་ཐུན་དངོས་གྲུབ་སྩོལ། ། གནས་ལུགས་རྟོགས་པར་ཐུགས་རྗེས་བཟུང་། །
 བླ་མའི་གནས་གསུམ་འབྲུ་གསུམ་ལས། །འོད་ཟེར་རིམ་དང་ཅིག་ཆར་བྱུང་། །
རང་གི་གནས་གསུམ་ཐིམ་པའི་མོད། །དབང་བཞི་ཐོབ་ཅིང་སྒྲིབ་བཞི་དག །
ལམ་བཞིར་སྒོམ་པའི་སྣོད་གྱུར་ནས། །སྐུ་བཞིའི་དངོས་གྲུབ་ཐོབ་པར་གྱུར། །
མཐར་ནི་བླ་མ་རང་ལ་ཐིམ། །དབྱེར་མེད་ངང་དུ་བྱིན་རླབས་ནས། །
ཅིར་སྣང་བླ་མའི་རྣམ་རོལ་ཤར། །ཤར་གྲོལ་དམིགས་མེད་ངང་དུ་བཞག །
 
དགེ་བ་འདི་ཡིས་མྱུར་དུ་བདག །དཔལ་མགོན་བླ་མ་འགྲུབ་གྱུར་ནས། །
འགྲོ་བ་གཅིག་ཀྱང་མ་ལུས་པ། །དེའི་ས་ལ་འགོད་པར་ཤོག །
ཅེས་མི་ཕྱེད་དད་པས་སྨོན་འདུན་དམ་བཅའ་གསོལ་བ་འདེབས་པ་དང་མཐུན་འགྱུར་གནང་བར་བསམ་པ་བྱའོ། ། ཞེས་པ་འདིའང་སྐྱེན་པོ་དགོན་གྱི་དབུ་མཛད་འཇམ་དབྱངས་བློ་གྲོས་དང་རྟོགས་ལྡན་གངས་སྐྱབས་དང་མཁན་པོ་འོད་གསལ་མཐའ་ཡས་སོགས་སློབ་ཚོགས་ཀུན་གྱིས་དད་གུས་ཆེན་པོས་བསྐུལ་བས་བླ་མའི་ཐུགས་རྗེས་སྐྱོངས་བའི་སློབ་འབངས་ཐ་ཤལ་པ་ཤྲྰི་ཨ་ནནྟ་བཛྲས་རབ་རྒྱན་ལྕགས་ཡོས་ལྷ་བབས་དུས་ཆེན་ཉིན་མོས་གུས་དད་པའི་སྣང་བའམ་རིག་རྩལ་བདེ་བའི་འཆར་ཆ་བཞིན་དུ་ཝལ་ཡེལ་བོད་བརྒྱུད་ རྣལ་འབྱོར་ཆོས་ཚོགས་ཁང་གི་ཉེ་འགྲམ་ཀུན་བཟང་ཆོས་གླིང་གི་དབེན་ཁྲོད་ནས་བྲིས་པ་ཤྲྰི་སརྦ་བི་ཛ་ཡནྟུ། ། དགེའོ།།
·རྩོམ་ཡིག་གོང་མ:གླུ་པ་ཨ་བསམ།
·རྩོམ་ཡིག་འོག་མ:ཚངས་མགུར་ཤར་ཕྱོགས་རི་བོ་མ།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·དུས་འཁོར་བླ་མའི་རྣལ་འབྱོར་བཞུགས་སོ།། 2012/1/4 22:09:28
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 4:17:56 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 6:18:37 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 9:33:16 [来自: 112.5.248.229]

འབྲེལ་ཡོད་དཔྱད་བརྗོད 48 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།23.44MS