ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་འདུ་ར། >> བསྟོད་གསོལ།
 རྩོམ་ཡིག་ཀློག་པ།

བླ་མ་ཨ་ཁྱུག་གམ་གྲུབ་དབང་ལུང་རྟོགས་རྒྱལ་མཚན་གྱི་རྗེས་དྲན་

  རྩོམ་པ་པོ:ཤིང་རྟ།ཡོང་ཁུངས:ddགཟིགས་གྲངས:1951ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2012/7/18 15:07:09ཚོགས་ཡར་སྤྲོད:admin

བླ་མ་ཨ་ཁྱུག་གམ་གྲུབ་དབང་ལུང་རྟོགས་རྒྱལ་མཚན་གྱི་རྗེས་དྲན་

དད་པའི་ཆུ་རྒྱུན།

ཤིང་རྟ།
 
མ་འདྲིས་འགྲོ་བའི་མཛའ་བཤེས་དྲིན་ཆེན་གྱི་བླ་མས།།
ཕྲ་རགས་ཆོས་ཀྱི་གནས་ལུགས་རྗེན་པ་རུ་གཟིགས་ནས།།
ཟབ་དགུ་ལེགས་བཤད་དད་ལྡན་བགོ་སྐལ་དུ་སྩོལ་མཁན།།
གྲུབ་དབང་ལུང་རྟོགས་རྒྱལ་མཚན་སྙིང་དབུས་ནས་དྲན་ནོ།།
དྲི་མེད་ཐུབ་བསྟན་ཡང་སྙིང་ངེས་གསང་གི་གྲུ་ཆར།།
སྐལ་བཟང་གདུལ་བྱའི་ཡིད་ཀྱི་ཞིང་ས་རུ་ཕབས་པས།།
ཉམས་རྟོགས་འབྲས་བཟང་སྨིན་པའི་དམར་སེར་གྱི་འདུས་སྡེ།།
ས་ཆེན་འགེངས་པའི་མཛད་རྗེས་སྙིང་དབུས་ནས་དྲན་ནོ།།
ཤེས་བྱའི་དེ་ཉིད་རྟོགས་པའི་མཁྱེན་རབ་དེ་རྒྱས་པས།།
མདོ་སྔགས་ཆོས་ཚུལ་འཆད་ལ་ཆགས་ཐོགས་རང་མི་མངའ།།
རབ་འབྱམས་ཤེས་བྱའི་ཟབ་གནད་ཇི་བཞིན་དུ་གཟིགས་ཤིང་།།
ཉོན་མོངས་རང་སར་ཟད་པའི་བཤེས་གཉེན་དེ་དྲན་བྱུང་།།
ཕྱི་ལྟར་བཙུན་པའི་བརྟུལ་ཞུགས་འདུལ་འཛིན་གྱི་རྒྱལ་པོ།།
ནང་ལྟར་རང་དོན་བྲལ་བའི་རྒྱལ་སྲས་ཀྱི་སྤྱོད་པ།།
གསང་བ་རིམ་གཉིས་ལམ་ལ་མངའ་དབང་རང་འབྱོར་བའི།།
སུམ་ལྡན་རྡོ་རྗེ་འཛིན་པ་སྙིང་དབུས་ནས་དྲན་ནོ།།
མཚན་ལྡན་བླ་མའི་བྱིན་རླབས་འོད་ཕུང་དེ་འཁྲིགས་པས།།
དམ་ལྡན་སློམ་མར་དངོས་གྲུབ་རྣམ་གཉིས་དེ་གཏམས་སོང་།།
ལས་ཅན་བུ་སློབ་ཚོགས་ཀྱི་སྐལ་བཟང་དེ་བསམ་ན།།
དད་པའི་འཆི་མ་མི་འཆོར་རང་དབང་ཞིག་མི་འདུག།
བྱམས་དང་སྙིང་རྗེའི་མངའ་བདག་དྲིན་ཅན་གྱི་བླ་མའི།།
གསང་གསུམ་སྐྱེ་འགག་སྤྲོས་པ་གདོད་མ་ནས་བྲལ་ཡང་།།
བདག་དང་བདག་འདྲའི་བློ་ཅན་ལྷ་ཆོས་ལ་བསྐུལ་ཕྱིར།།
དག་པའི་ཞིང་དུ་བཞུད་པའི་ངང་ཚུལ་འདི་སྐྱོ་བ།།
མཐོང་གྲོལ་སྐུ་ཡི་བཀོད་པ་དག་ཞིང་དུ་བསྡུས་སོང་།།
ཐོས་གྲོལ་གསུང་གི་གདངས་སྙན་མཁའ་དབྱིངས་སུ་ཐིམ་སོང་།།
དྲན་གྲོལ་ཐུགས་ཀྱི་ཡོན་ཏན་ཆོས་སྐུ་དང་འདྲེས་སོང་།།
རིག་གྲོལ་གྲུབ་དབང་བླ་མ་སྙིང་དབུས་ནས་དྲན་ནོ།།
མི་བརྟན་རྣམ་རྟོག་རླུང་གི་རྒྱུ་བ་དང་བསྡོངས་ཏེ།།
དད་དུང་དྲག་པོས་རྗེས་དྲན་ཐོལ་བྱུང་དུ་ཤོར་བས།།
མཐའ་བྲལ་བདེ་བ་ཆེན་པོའི་ཀློང་དཀྱིལ་ནས་བཞེངས་ནས།།
མི་བདེན་སྤྲུལ་པའི་ཟློས་གར་མི་ཡུལ་དུ་འཁྲོབས་ཤོག།།
མ་རིག་མུན་པ་མཐུག་པོའི་དོང་ནང་དུ་ལྷུངས་ཤིང་།།
བདག་འཛིན་ལྕགས་སྒྲོགས་དམ་པོས་ལུས་སེམས་ཀུན་བཅིངས་ནས།།
ཆགས་སྡང་དྲྭ་བར་ཚུད་པའི་ཉམ་ཐག་ངར་གཟིགས་ཏེ།།
བདེ་ཆེན་ཐར་པའི་སྒོ་འཕར་མྱུར་བར་ཉིད་ཕྱེས་མཛོད།།
མཚུངས་མེད་བླ་མ་མཆོག་ཞི་བར་བཞུད་ནས་ལོ་གཅིག་འཁོར་རྗེས་སུ་བྲིས་སོ།།
 
ཁ་བརྡ་ཚང་གིས་སྤྱི་ལོ་ ༢༠༡༢ ཟླ་ ༧ ཚེས་ ༡༢ ལ་སྙན་ངག་​གི་གྲས་སུ་བཀོད།

བླ་མ་ཨ་ཁྱུག་གམ་གྲུབ་དབང་ལུང་རྟོགས་རྒྱལ་མཚན་གྱི་རྗེས་དྲན་དད་པའི་ཆུ་རྒྱུན་ཞེས་པའི་སྐོར་ལ་མཆན་ ༢ བཀོད་འདུག

མཁན་ཆེན་གྲུབ་དབང་ལུང་རྟོགས་རིན་པོ་ཆེ་རྗེས་སུ་དྲན་པའི་གདུང་དབྱངས་ མཁའ་མཐའི་ཆུ་འཛིན་ནག་པོའི་མིག་ཆུ།
གྲངས་མེད་བཟོད་དཀའི་རླུང་དམར་དྲག་ཏུ་ལྡང་སྐབས།། དཀའ་སྤྱོད་སྟོང་གི་སྙིང་སྟོབས་ཐུགས་ལ་བཀོད་དེ།། ལྔ་དགུའི་ལོ་ནག་བརྩེགས་མ་ཕྲག་ལ་བསླེབས་ཀྱང་།། སྙིང་སྟོབས་དམ་བཅའི་རི་མོ་ཕོག་ཐུག་མ་བཏང་།། བསྟན་སྲིད་གཤེད་མ་དམར་པོ་ཐད་གར་ལངས་སྐབས།། སྙིང་སྟོབས་བརྒྱ་ཕྲག་དུས་མིའི་གོ་ཆ་བགོས་ཏེ།། བོད་བརྒྱུད་ནང་བསྟན་ཆེན་མོ་སླར་གསོ་བྱས་ཏེ།། བསྟན་པའི་སྒྲོན་མེ་སྤར་བའི་མཛད་བཟང་དྲན་ནོ།། ཕ་གཅིག་འཇིགས་མེད་རྒྱལ་པོའི་ཐུགས་ཀྱི་བུ་ཆེན།། རྟོགས་པའི་གཤོག་རྩལ་རྒྱས་པའི་སྔ་འགྱུར་གདོང་སྲས།། བསྟན་པའི་མཛད་བཟང་སྐྱོང་བའི་སྐྱེ་མཆོག་དམ་པ།། ཞིང་ཁམས་གཞན་ལ་གཤེགས་པའི་སེམས་འདི་སྐྱོ་བ།། ཉེ་བརྒྱུད་བྱིན་རླབས་རྩལ་ཁ་ལྷག་པར་རྣོ་བའི།། བདེན་ཞེན་ཐོལ་གྱིས་གཏོར་བའི་སྐྱེ་མཆོག་དམ་པ།། ཆོས་བརྒྱད་ན་བུན་སྟུག་པོ་ཕ་མཐར་གཡུགས་ཏེ།། ཡ་ཆེན་ཆོས་སྒར་བཞག་ནས་གང་དུ་ཕེབས་སོང་།། འདི་སྣང་ཞེན་ཆགས་བྲལ་བའི་མི་ལས་བརྒྱུད་འཛིན།། ལྟ་བའི་གཤོག་རྩལ་རྒྱས་པའི་ཀློང་ཆེན་གདོང་རྒྱུད།། སྒོམ་པའི་གདེང་ཆེན་རྙེད་པའི་མི་ཕམ་ཟླ་བོ།། བདེ་ལྡན་དག་པའི་ཞིང་ལ་ཕེབས་པ་ཅི་ཡིན།། ལྷག་རླུང་དྲག་ཏུ་ལྡང་བའི་བྱང་མཐའ་འདི་ནས།། སེམས་ཁམས་འཁྱག་གི་བསྡམས་པའི་སྐྱོ་གདུང་རེ་རེ།། དམར་ཆུང་དཀྱིལ་ན་ལྡང་བའི་འཕག་འཚག་རེ་རེ།། མ་བཅོས་སྙིང་ན་རྒྱུ་བའི་སེམས་འདི་གྲང་བ།། སེམས་ཀྱི་སྐྱོ་གདུང་འཕྱུར་བའི་སྙིང་རླུང་དམར་པོ།། བུ་སྡུག་སྨྱོན་པའི་གཟིར་བའི་ལོ་རྒྱུས་ནག་པོ།། ས་མཐར་འཁྱམ་པའི་བུ་སློབ་ང་དང་ང་འདྲ།། ཐུགས་ཆེན་བརྩེ་བའི་མ་འདོར་རྒྱང་རིང་ཉི་མ།། ཡ་ཆེན་ཆོས་གྲྭ་ཆེན་མོའི་སློབ་ཚོགས་རྒྱ་མཚོས།། གདུང་སེམས་རྔམ་ཁའི་ཀློང་ན་དྲན་གདུང་དམར་པོ།། ཉིན་མཚན་བར་མེད་གྱེར་བའི་ལོ་ཟླ་ནག་པོ།། བྲང་གཞུང་བར་ན་བཞུར་བའི་སྐྱོ་གདུང་གྲངས་མེད།། ངེས་དོན་བསྟན་པའི་བདག་པོ་གྲུབ་དབང་ལུང་རྟོགས།། འོད་གསལ་ཐེག་དགུའི་བདག་པོ་ཀློང་ཆེན་གཉིས་པ།། སྙིགས་དུས་བསྟན་པའི་བདག་པོ་མཚོ་འཁྲུངས་རྒྱལ་ཚབ།། མཁའ་སྤྱོད་མཁའ་འགྲོའི་ཞིང་ལ་ཕེབས་པ་སྔ་དྲག།། སྔ་འགྱུར་བསྟན་པའི་གསལ་བྱེད་གྲུབ་དབང་ལུང་རྟོགས། ཉེ་ལམ་འོད་གསལ་ཐེག་དགུའི་ཤིང་རྟ་ཆེན་མོ།། རིག་འཛིན་ཀློང་གསལ་སྙིང་པོའི་ཡང་སྲིད་མ་ནོར།། ཞི་བའི་དབྱིངས་ལ་གཟིམས་པའི་སེམས་འདི་སྐྱོ་བ།། བསྟན་འཛིན་སྟོང་གི་ཐུགས་སྲས་ཕ་གཅིག་འཇིགས་མེད།། ངེས་དོན་སྐྱེ་བུ་དམ་པ་གྲུབ་དབང་ལུང་རྟོགས། གདོད་མིའི་ཕ་ཁྱིམ་དཀར་པོ་ཤུལ་དུ་བཞག་ནས།། ཉི་ཟླ་དུས་གཅིག་ཡལ་བའི་ནག་ཟླ་འདི་རེད།། མཛད་དཀའི་བཀའ་དྲན་དཀར་པོ་སེམས་ལ་འཁྱིལ་སྐབས།། སྐྱོ་བའི་སྣང་ཤེས་གསོན་པོ་ལྷག་ཏུ་ལྡང་སྐབས།། རྗེས་དྲན་སེམས་ཀྱི་མཚོ་མོ་བར་མེད་སྐྱོམ་སྐབས།། ཡའ་འདབ་སོར་མོའི་རྩེ་ནས་ཐོལ་གྱིས་ཤོར་སོང་།། ཕ་ཡུལ་གསེར་ལྡན་ཀླུང་ནས་ལང་ཚོ་འབུས་པའི།། གཞན་ཡུལ་ས་མཐའ་ཞིག་ནས་བག་ཡངས་རྒྱུ་བའི།། གྲུབ་དབང་ལུང་རྟོགས་དྲན་པའི་རྟོག་འགྱུ་དམར་པོ།། གསེར་སྨྱོན་བུ་ངས་ཀང་ར་རྫོང་ནས་བྲིས་སོ།།
ཕ་ཡུལ་གྱི་རི་ཆུ་ལ་བརྩེ་དུངས་ཀྱི་སེམས་དྲོད་ལྷག་པར་ཆེ་བའི་གསེར་རྟ་པ་ བསོད་ནམས་ཕུན་ཚོགས་སམ་དཔལ་ཤུལ་འབྲོས་སྲས་སུ་འབོད་པས་བོད་ཀྱི་རྒྱལ་ས་གཉིས་པ་བཞུགས་སྒར་རྡ་རམ་ས་ནས་སྐྱོ་གདུང་གི་སྣང་ཤེས་གསོན་པོ་ཞིག ་བར་མེད་དྲན་ངོགས་ན་རྒྱུ་སྐབས་རང་ཤག་བསིལ་རླུང་རྒྱུ་སའི་རབ་གསལ་འགྲམ་ནས་སུག་བྲིས་བགྱིས་སོ།། ༢༠༠༡༡ ༩ ༩༩
·རྩོམ་ཡིག་གོང་མ:མཚོ་པད་མ་དང་ཡང་ལེ་ཤོད།
·རྩོམ་ཡིག་འོག་མ:མན་ངག་གི་རྒྱལ་པོ་ལྟ་བའི་ཕྲེང་བ་ཞེས་བྱ་བ་བཞུགས་
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·འཇིག་པ་དང་སྲུང་སྐྱོབ།། 2013/1/15 22:42:25
·སློབ་དཔོན་དགྱེས་དཔལ་རྡོ་རྗེའི་གསོལ་འདེབས་ 2012/11/7 14:12:03
·མ་ཎི་འཁོར་ལོ། 2012/11/6 11:22:45
·རྗེ་བླ་མའི་རྩོམ་གྱི་ཆེ་བ་མདོ་ཙམ་གླེང་བ། 2012/10/23 18:17:41
·སྒྲོལ་མ་ཉེར་གཅིག་བསྡུས་པ་བཞུགས་སོ། 2012/10/14 9:58:08
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/5 21:40:16 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/22 22:41:52 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/15 22:37:28 [来自: 112.5.248.229]

འབྲེལ་ཡོད་དཔྱད་བརྗོད 55 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།23.44MS