ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་འདུ་ར། >> བསྟོད་གསོལ།
 རྩོམ་ཡིག་ཀློག་པ།

བསྟོད་པ་ཉི་ཤུ་པ་ཞེས་བྱ་བ།

  རྩོམ་པ་པོ:སྣ་ཚོགས་གཟུགས་ཅན།ཡོང་ཁུངས:ངེད་དྲ་བ།གཟིགས་གྲངས:1927ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2011/5/12 14:30:10ཚོགས་ཡར་སྤྲོད:admin

༧ སྐྱབས་རྗེ་མཁན་ཆེན་བླ་མ་དཔལ་དགྱེས་པ་རྡོ་རྗེ་ལ་བསྟོད་པ་

ཉི་ཤུ་པ་ཞེས་བྱ་བ།

 

སྙན་ངག་མཁན་སློབ་དཔོན་སྣ་ཚོཊ་གཟུཊ་ཅན།

 

༡༽ ཨོཾ་སྭ་སྟི།

སྐྱེ་དགུའི་ལེགས་བྱས་སྐྱ་རེངས་དཔུང་པ་ཡིས།།

དུས་སུ་དྲངས་པ་དཔལ་ལྡན་སྲིད་ཞིའི་མིག།

མཁྱེན་བརྩེ་ཉི་མ་འབར་བའི་འོད་རླབས་ཅན།།

ལོག་སྨོན་མུན་པའི་དགྲ་རུ་རྒྱལ་ཅིག།

༢༽ རྒྱལ་ཀུན་གསུང་གི་ཡེ་ཤེས་རྡོ་རྗེའི་གར།།

སྣང་མཐའི་སྒྱུ་འཕྲུལ་རོལ་པ་ཨོ་རྒྱན་པ།།

མཚོ་སྐྱེས་བླ་མའི་ཟབ་གཏེར་ཕྲིན་ལས་ཀྱི།།

ཁ་ལོ་བསྒྱུར་བའི་དེད་དཔོན་རྒྱལ་གྱུར་ཅིག།

༣༽ གདོད་ནས་དག་མཉམ་སེངྒེའི་ང་རོ་ཆེས།།

ཐེག་བརྒྱད་སྤྲེའུའི་ཀུ་ཅོ་ཟིན་གནོན་པའི།།

རིག་འཛིན་སྡེ་སྣོད་བཞི་པའི་བཤད་སྒྲུབ་ཀྱི།།

བསྟན་པའི་རྒྱལ་མཚན་འཛིན་པ་རྒྱལ་གྱུར་ཅིག།

༤༽ བྱང་ཕྱོགས་གངས་རིའི་ཁྲོད་ན་མཁས་གྲུབ་ཀྱི།།

སྙན་པ་སྟོང་གི་རྒྱ་མཚོ་མ་ཤོངས་བར།།

ནུབ་ཀྱི་ཕྱོགས་སུ་འཕྱུར་བའི་རྦ་རླབས་ཀྱིས།།

བསྟན་དགྲའི་སྤོབས་པ་འཕྲོག་པ་རྒྱལ་གྱུར་ཅིག།

༥༽ ངེས་དོན་མཁས་བཙུན་གྲུབ་པའི་རྣམ་ཐར་གྱིས།།

ཕ་རོལ་བཤེས་གཉེན་རི་མོའི་མར་མེ་ལ།།

སྐྱབས་སུ་རེ་བ་ཁོངས་ནས་ལྷོད་བྱས་པ།།

སྐྱེ་དགུའི་སྙིང་གི་ཉི་མ་རྒྱལ་གྱུར་ཅིག།

༦༽ ཀྱེ་མ་འགྲོ་འདི་དུས་ཀྱི་རྒུད་པས་ཟོས།།

རྨོངས་པའི་སྐྱེ་བོ་ལོག་པའི་བཤེས་ལ་རེ།།

ལེགས་པར་འདོད་ནས་ཉེས་པར་ཤུགས་ཀྱིས་རྒྱུག།

རྒྱལ་བསྟན་རིན་ཆེན་ཉིན་ནས་ཉིན་བཞིན་རྒུད།།

༧ ༽ ཕྱི་གླིང་ཡུལ་ན་དམ་ཆོས་མི་ཤེས་ཀྱང།།

རྨོངས་པ་ནོར་ལ་རྔམ་པའི་གཡོ་རྒྱུ་ཡིས།།

བྱི་བ་སྟག་ཏུ་བརྫུ་བའི་བླ་གཟུགས་འགས།།

ཕྱག་རྫོགས་གདམས་པའི་ཟབ་གནད་སྟོན་ནོ་ལོ།།

༨༽ སློབ་མའི་ཚོགས་ལ་ངེས་འབྱུང་ཏིལ་འབྲུ་ཙམ།།

མེད་ན་བྱང་ཆུབ་སེམས་སོགས་སྨྲོས་ཅི་དགོས།།

གཅེར་བུར་ཕྱུང་ཞིང་རྐང་ལག་གནམ་དུ་གཡུག།

ཕེམ་དང་ཕཊ་ཀྱིས་སྒྲ་སྒྲོག་སྨྱོས་པ་བཞིན།།

༩༽ ཀྱེ་མ་སྡིག་པའི་བཤེས་གཉེན་སུ་ཞིག་གིས།།

ཡུན་རིང་འབད་པས་བསགས་པའི་ནོར་འཕྲོག་ཏེ།།

དམ་པའི་ཁྲེལ་ཞིང་བྱས་པ་དོན་མེད་པའི།།

ལོག་ལམ་འདི་འདྲ་བསྟན་སྙམ་མཆི་མ་འཁྲུགས།།

༡༠༽ འདི་ལྟར་བསམ་ན་སྡེ་གསུམ་ཀློང་དགུ་ཡི།།

མན་ངག་རྒྱ་མཚོའི་གཏེར་མཛོད་གཅིག་པུ་བ།།

གང་ཁྱོད་གང་དུ་བཞུགས་པའི་ས་ཕྱོགས་དང་།།

འཆག་དང་གཟིམ་པའི་ས་དེའང་སྐལ་བ་བཟང་།།

༡༡༽ རྣམ་དག་ཚུལ་ཁྲིམས་གཙང་མའི་ལང་ཚོ་རྒྱས།།

སྤངས་བླང་བདེན་བཞིའི་འཇུག་ལྡོག་ཚུལ་བཞིན་མཛད།།

བདག་ལྟའི་རི་བོ་ཡེ་ཤེས་རྡོ་རྗེས་བཅོམ།།

འཁོར་ལོ་དང་པོའི་ལམ་ལ་ཁྱོད་མཐར་ཕྱིན།།

༡༢༽ ཀུན་བཏགས་སྒྱུ་མའི་གྲོང་ཁྱེར་རྨང་ནས་བཤིག།

གཞན་དབང་ཟོ་ཆུའི་ཁྱུད་མོ་དུམ་བུར་བཅད།།

ཡོངས་གྲུབ་དག་པའི་ཡེ་ཤེས་མངོན་དུ་བྱས།།

སེམས་ཙམ་བསྟན་པའི་སྙིང་པོ་ཁྱོད་ཀྱིས་བླངས།།

༡༣༽ སྣང་སྟོང་བདེན་གཉིས་ཟབ་མོའི་དེ་ཉིད་རིག།

ཐབས་ཤེས་སྒྲུབ་པས་ལམ་གྱི་གོལ་ས་བཅད།།

སྐུ་གཉིས་ཟུང་འཇུག་དོན་གྱི་རྒྱལ་ཐབས་བརྙེས།།

ངེས་དོན་དབུ་མ་ཆེན་པོའི་མངའ་བདག་ཁྱོད།།

༡༤༽ གཟུགས་སྣང་ལྷ་དང་སྒྲ་གྲགས་སྔགས་སུ་སྨིན།

འཛིན་རྟོག་བདེ་སྟོང་རིག་པའི་གཤིས་སུ་དག།

ཆོས་ཅན་སྣང་བ་ཆོས་ཉིད་ཀློང་དུ་ཟད།།

ཡོ་ག་སྡེ་གསུམ་དགོངས་པའི་ཕ་མཐར་སོན།།

༡༥༽ འདུས་པ་མདོ་དང་སྒྱུ་འཕྲུལ་དྲ་བ་དང་།།

སེམས་ཀློང་མན་ངག་སྡེ་དང་དུས་འཁོར་སོགས།།

གསར་རྙིང་རྒྱུད་སྡེ་རྒྱ་མཚོའི་བསྐྱེད་རྫོགས་ཀྱི།།

ནགས་ཀླུང་འཐིབ་པོར་སེངྒེ་བཞིན་དུ་རྒྱུ།།

༡༦༽ གློ་བུར་ཉོན་མོངས་ཉེས་ཚོགས་དྲི་མའི་སྤྲིན།།

སྤོང་བསྒྱུར་ལམ་ཏུ་བྱེད་ལ་དཔའ་བ་ཡིས།།

གསུམ་ལྡན་རྡོ་རྗེ་འཛིན་པའི་ཁྱུ་མཆོག་ཏུ།།

ཉི་མ་ལྟ་བུར་ལྷམ་ཞེས་མཁས་པས་བསྔགས།།

༡༧ ༽ ཀླུ་དབང་སྟོང་གིས་དྲངས་པར་མ་ནུས་པ།།

རིག་འཛིན་བརྒྱུད་པའི་བཀའ་བབ་ཆུ་བོ་བཞི།།

ནུབ་ཀྱི་ཕྱོགས་སུ་དྲངས་པའི་དགེ་མཚན་གྱིས།།

གནས་གསུམ་མཁའ་འགྲོ་བྱེ་བའི་འཛུམ་དཀར་བསུས།།

༡༨༽ དེ་ལྟ་ནའང་སྦྱངས་པའི་འཕྲོ་མེད་ཅིང་།།

ལྷན་སྐྱེས་ཤེས་རབ་ལྡོང་བའི་དམུས་ལོང་དག།

དམ་པའི་སྐྱེ་བོ་མཐོང་བའི་སྐལ་མེད་པས།།

ཆུ་བོའི་འགྲམ་ཏུ་སྐོམ་ནས་ལན་བརྒྱར་ཤི།

༡༩༽ བདག་ནི་ཐོས་དང་བསམ་དང་བསྒོམ་པ་ཡི།།

ནོར་གྱིས་ཧ་ཅང་དབུལ་བ་མ་ཡིན་པ།།

དེ་ཕྱིར་དམ་པ་རྣམ་པ་དང་དམན་པ་ཡི།།

ཁྱད་པར་མཐོང་བའི་སྤོབས་པ་གཞན་ལས་མཐོ།།

༢༠༽ དེ་བས་སྐྱེ་ཀུན་དཔལ་ལྡན་དང་པོའི་མགོན།།

མི་ཡི་སྒྱུ་འཕྲུལ་རོལ་བ་ཁྱེད་ཉིད་དང་།།

ནམ་ཡང་མི་འབྲལ་རྫོགས་སྨིན་སྦྱངས་པ་གསུམ།།

ཚོམས་བུ་གཅིག་ཏུ་ངེས་པར་མཐར་བྱེད་ཤོག།

             ཅེས་དཔལ་ལྡན་བླ་མ་དམ་པ། ངེས་པ་དོན་གྱི་སྐྱབས་རྗེ་༧མཁན་ཆེན་དཔལ་དགྱེས་པ་རྡོ་རྗེ་མཆོག་གི་ཆེ་བའི་ཡོན་ཏན་གྱི་ཆ་ཙམ་བརྗོད་པ་ཉི་ཤུ་པ་ཞེས་བྱ་བ་འདི་ནི། སྡེ་སྣོད་མང་དུ་ཐོས་པའི་སྙན་ངག་མཁན་སློབ་དཔོན་སྣ་ཚོགས་གཟུགས་ཅན་གྱིས། ཕྱི་ལོ་༢༠༡༡ཟླ་༥ཚེས་༩ཉིན་གུང་དག་པའི་རྨི་ལམ་དགའ་ཞིག་བྱུང་བས་རྐྱེན་བྱས་ཏེ། ཉིན་དེའི་ཕྱི་དྲོར་རང་གནས་ཤེས་རབ་འཕེལ་བའི་ལྡིང་ཁང་ནས་ཤར་མར་སྦྱར་བ་དགེ་ལེགས་སུ་གྱུར་ཅིག། །། །།

·རྩོམ་ཡིག་གོང་མ:དྲ་སྟེང་ན་རྩོམ་པ་པོ་ལས་ཀློག་པ་པོ་དཀོན་ཚུལ།
·རྩོམ་ཡིག་འོག་མ:གཞས་ཚིག རང་དབང་།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·འགོ་ཁྲིད་དང་དཔོན་པོ་མ་ནོར་ཅིག 2016/9/30 16:16:26
·ཀུན་མཁྱེན་ཇོ་ནང་པ་ཆེན་པོའི་བསྟན་པ་རྒྱས་པའི་སྨོན་ལམ། 2016/9/30 16:11:32
·སྐད་ཡིག་དང་ནང་ཆོས་གཅིག་ཏུ་འཁྲུལ་མི་ཉན། 2016/3/7 18:08:42
·རླབས་ཆེན་གྱི་བཞུད་ལམ། 2016/3/7 18:03:51
·སྙིང་གཏམ་བཅོ་ལྔ་པ། 2016/3/7 17:51:57
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 8:05:08 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 10:58:44 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 16:16:32 [来自: 112.5.248.229]

འབྲེལ་ཡོད་དཔྱད་བརྗོད 44 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།23.44MS