ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་འདུ་ར། >> ཞལ་འདོན།
 རྩོམ་ཡིག་ཀློག་པ།

དུས་འཁོར་བླ་མའི་རྣལ་འབྱོར་བཞུགས་སོ།།

  རྩོམ་པ་པོ:དཔལ་ལྡན་ཡེ་ཤེས།ཡོང་ཁུངས:ངད་དྲ་བ།གཟིགས་གྲངས:2727ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2012/1/4 22:09:28ཚོགས་ཡར་སྤྲོད:admin
དུས་འཁོར་བླ་མའི་རྣལ་འབྱོར་བཞུགས་སོ།།
 
   ན་མོ་གུ་རུ་ཀཱ་ལ་ཙཀྲཱ་ཡ།།  རང་ཉིད་ཚེ་འདི་ཉིད་ལ་སྟོང་གཟུགས་ཕྱག་རྒྱ་ཆེན་པོ་མངོན་དུ་བྱེད་པར་འདོད་པས། ཡིད་དང་མཐུན་པའི་གནས་སུ། སྦྱོར་བའི་ཆོས་དྲུག་ལ་སོགས་པ་སྔོན་དུ་བཏང་ནས། སྐྱབས་ཡུལ་རྣམས་ལེགས་པར་གསལ་བཏབ་སྟེ། སངས་རྒྱས་སློབ་དཔོན་དབང་མཆོག་ཐོབ།། དེས་བསྟན་ཐབས་ཤེས་དབྱེར་མེད་ཆོས།། དེར་གནས་དགེ་འདུན་རྣམ་གཉིས་ལ།། རབ་ཏུ་དྭངས་བས་སྐྱབས་སུ་མཆི།། བླ་མ་སངས་རྒྱས་སྲས་བཅས་ལ།། བདག་ཉིད་རྣམ་པ་ཀུན་ཏུ་འབུལ།། ཡོན་གནས་དམ་པ་ཁྱེད་རྣམས་ཀྱིས།། བྲན་དང་འབངས་སུ་བཟུང་དུ་གསོལ།། བདག་གི་དུས་གསུམ་དགེ་བའི་ཚོགས།། རང་དོན་དྲི་མས་མ་གོས་པར།། སྲིད་གསུམ་སེམས་ཅན་མ་ལུས་པ།། སངས་རྒྱས་ཐོབ་པའི་རྒྱུ་རུ་བསྔོ།། དུས་འདི་ནས་བཟུང་བྱང་ཆུབ་བར།། བྱང་ཆུབ་སེམས་ནི་བསྐྱེད་བགྱི་ཞིང་།། བསམ་པ་རྣམ་པར་དག་པ་བསྐྱེད།། བདག་དང་བདག་གིར་འཛིན་པ་སྤངས།། ཞེས་སྐྱབས་འགྲོ་སེམས་བསྐྱེད་ནན་ཏན་དུ་བྱ། དེ་ནས་འདི་ལྟར་བརྗོད་དེ།  བེམ་ཆོས་ཟད་པའི་ལྷ་ལམ་ཡངས་པའི་ངོགས།། ཆུ་སྐྱེས་ཉི་ཟླ་སྒྲ་གཅན་དུས་མེའི་སྟེང་།། རྩ་བའི་བླ་མ་ངོ་བོ་དུས་གསུམ་གྱི།། སངས་རྒྱས་ཀུན་འདུས་དཔལ་ལྡན་དུས་འཁོར་ལོ།། ཞལ་གཅིག་ཕྱག་གཉིས་སྐུ་མདོག་ནམ་མཁའི་མདངས།། རྡོར་དྲིལ་བཟུང་སྟེ་སྣ་ཚོགས་ཡུམ་ལ་འཁྱུད།། སྣ་ཚོགས་ཡུམ་གྱི་ལྷན་ཅིག་སྐྱེས་དགའ་དང་།། སྟོང་གཟུགས་འགོག་མེད་ཐབས་ཤེས་རོ་གཅིག་པ།། སྣ་ཚོགས་ཡུམ་ནི་སྐུ་མདོག་སེར་མོ་སྟེ།། གྲི་གུག་ཐོད་པས་མི་ཤེས་རྨོངས་མུན་ཀུན།། ལྷག་པར་དྲུངས་ཕྱུང་བདེ་བ་ཆེན་པོ་ཡིས།། སེམས་ཅན་ཀུན་ལ་དགེ་ལེགས་སྦྱིན་པར་མཛད།། གཡས་དམར་ཞབས་བརྐྱངས་གཡོན་དཀར་ཞབས་བསྐུམས་པས།། བདུད་དང་དྲག་པོ་བརྫིས་པའི་བཅོམ་ལྡན་གྱི།། སྐུ་ལ་རྡོ་རྗེ་ནོར་བུ་ལ་སོགས་པ།། ཆ་ཚད་རྫོགས་པའི་རྒྱན་མང་འོད་ཀྱིས་བརྗིད།། ཐུགས་ཀ་ནས་སྤྲོས་རྡོ་རྗེ་ཤུགས་ཀྱི་མཐུས།། ཡེ་ཤེས་སྤྱན་དྲངས་དམ་ཚིག་པ་དང་འདྲེས།། དབང་ལྷ་སྤྱན་དྲངས་དེ་ལ་གསོལ་བཏབ་པས།། དབང་ལྷས་དབང་བསྐུར་རིགས་བདག་གིས་རྒྱས་བཏབ།། ཐུན་མོང་བ་དང་ཐུན་མོང་མིན་པ་ཡི།། ཉེར་སྤྱོད་ཕྱི་ནང་གསང་བའི་མཆོད་པའི་སྤྲིན།། རབ་འབྱམས་ནམ་མཁའི་ཁྱོན་ཀུན་གང་བ་ཡིས།། བླ་མ་སྐྱབས་གསུམ་ཀུན་འདུས་མཆོད་པར་བགྱི།། བསྐྱེད་རིམ་ས་བོན་འདེབས་བྱེད་དབང་རྣམས་བདུན།། ཡན་ལ་དྲུག་གི་བག་ཆགས་འཇོག་བྱེད་པ།། གོང་མ་གོང་ཆེན་སྟོང་གཟུགས་ཕྱག་རྒྱ་ཆེ།། འདེབས་བྱེད་བདག་པོ་ཆེན་པོའི་དབང་རྣམས་སྩོལ།། ཞེས་པའི་གསོལ་འདེབས་བླ་མ་ལྷས་གསན་པས།། ཐུགས་ཀ་ནས་སྤྲོས་ནུས་མའི་ཚོགས་རྣམས་དང་།། དེ་བཞིན་གཤེགས་པ་ཁྲོ་བོའི་དབང་པོ་སོགས།། དབང་ལྷ་ནམ་མཁའི་ཁྱོན་ཀུན་གང་བ་ཡིས།། བྱིས་པ་ལྟར་འཇུག་བདུན་དང་གོང་མ་ཡི།། དབང་བཞི་གོང་ཆེན་དབང་བཞི་དབང་གི་མཆོག ། རྡོ་རྗེ་སློབ་དཔོན་ཆེན་མོའི་དབང་ཡང་བསྐུར།། དེ་དག་མཐུ་ལས་ལུས་ཀྱི་རྩ་དང་རླུང་།། ལས་རླུང་རིམ་པ་གཉིས་ཀྱི་བག་ཆགས་ཆེ།། རྒྱུད་ལ་ཐེབས་པས་ཚེ་འདི་ཉིད་ལ་ནི།། ཕྱག་ཆེན་མངོན་དུ་གྱུར་པའི་སྐལ་ལྡན་བྱས།། བླ་མ་དང་པོའི་སངས་རྒྱས་དུས་འཁོར་ལོ།། ཁྱེད་ཀྱིས་བདག་ལ་བྱིན་གྱིས་བརླབ་ཏུ་གསོལ།། འདོད་རྒུའི་ཆར་ཆེན་མྱུར་དུ་ཕབ་ཏུ་གསོལ།། ཞེས་ལན་གང་མང་བརྗོད་མཐར། ཨོཾ་ཨཱཿགུ་རུ་བཛྲ་དྷ་ར་ཝ་གིནྡྲ་སུ་མ་ཏི་ཤཱ་ས་ན་དྷ་ར་ས་མུ་དྲ་ཤྲཱི་བྷ་དྲ་སརྦ་སིདྡྷི་ཧཱུཾ་ཧཱུཾ། ཞེས་བླ་མའི་མཚན་སྔགས་དང་། ཨོཾ་ཨཱཿཧཱུཾ་ཧོ་ཧྐྴྨླྺྲྱ་ཧཱུཾ་ཕཊ། ཅེས་ཡབ་དང་། ཨོཾ་ཕྲེཾ་པི་ཤྲ་མཱ་ཏ་ཧཱུཾ་ཕཊ། ཅེས་ཡུམ་གྱི་སྔགས་བཅས་ཅི་མང་བཟླ་ཞིང་། བླ་མ་ཡབ་ཡུམ་གྱི་སྐུ་ལས་བདུད་རྩིའི་རྒྱུན་བབས་པས་རང་གི་སྤྱི་བོར་ཞུགས་ལུས་ཀྱི་ནང་ཐམས་ཅད་གང་། སྡིག་སྒྲིག་ཐམས་ཅད་སངས་ཀྱིས་དག་པར་བསམ་མོ། དེ་ནས་གདུང་ཤུགས་དྲག་པོས་འདི་ལྟར་གསོལ་བ་གདབ་སྟེ།   ༈ དུས་གསུམ་བདེ་གཤེགས་སྲས་བཅས་ཉན་རང་དང་།། དཔའ་བོ་མཁའ་འགྲོ་ཆོས་སྐྱོང་སྲུང་མའི་ཚོགས།། མ་ལུས་གཅིག་ཏུ་བསྡུས་པའི་ངོ་བོ་ཉིད།། ཐུགས་རྗེ་སྤྱན་ལྡན་ཁྱོད་ཀྱིས་བྱིན་རླབས་སྩོལ།། ཐབས་དང་ཤེས་རབ་ཟུང་དུ་འཇུག་པ་ཡི།། གཤོག་ཡངས་དཀར་པོ་བསྐྱོད་པའི་རྒྱལ་བའི་སྲས།། ངང་པའི་རྒྱལ་པོ་རྣམས་དང་ལྷན་ཅིག་ཏུ།། སྤྱོད་པ་རྒྱ་མཚོའི་ཕ་རོལ་ཕྱིན་པར་ཤོག ། ཁྱད་པར་རྣམ་བཅས་བཞིན་ལག་ཅན་གྱི་སྐུ།། རྣམ་མེད་སྒྱུ་མའི་ཕྱག་རྒྱའི་འོད་ཟེར་བཀྲ།། འཕོ་ཆེན་བཅུ་གཉིས་སྲིད་པའི་རྩ་བ་ཡི།། དྲི་བཞོན་འཇོམས་པའི་གོ་འཕང་སྒོམ་པར་ཤོག །དེ་ནས་ཉི་ཁྲི་ཆིག་སྟོང་དྲུག་བརྒྱ་ཡི།། འགྱུར་མེད་བདེ་ཆེན་དཀར་དམར་རྡུལ་ཕྲ་རབ།། དབུ་མའི་ནང་དུ་བརྩེགས་པའི་ནུས་པ་ཡིས།། བེམ་ཆོས་ཁམས་རྣམས་ཟོས་ཏེ་ཟད་པར་ཤོག །སྟོང་གཟུགས་ཕྱག་རྒྱའི་དབང་པོའི་གཞུའི་དྭངས་མ།། མི་འགྱུར་བདེ་བའི་ཁ་དོག་རྣམ་པ་ལྔ།། དབྱེ་བར་མི་ནུས་གཞོམ་མེད་རྡོ་རྗེའི་སྐུ།། ངེས་དོན་ནཱ་ད་མངོན་དུ་བྱེད་པར་ཤོག །ཆད་པ་མེད་པའི་རྡོ་རྗེའི་ཨེ་ཝཾ་གདངས།། ཆོས་དབྱིངས་མཁའ་ལས་མ་གཡོས་བསྒྲགས་པ་ཡིས།། འགྲོ་བ་འདི་དག་མ་རིག་གཉིད་བསླངས་ཏེ།། དཔལ་ལྡན་དུས་ཀྱི་འཁོར་ལོའི་སར་འགོད་ཤོག །ཡང་ན་བྱང་ཕྱོགས་ནོར་བུའི་གྲོང་ཁྱེར་ཆེ།། དཔལ་ལྡན་ཤམྦྷ་ལ་ཡི་གནས་མཆོག་ཏུ།། གསེར་གྱི་མྱུ་གུ་བཟང་པོའི་སེང་ཁྲི་ལ།། འགྱིང་བའི་རིགས་ལྡན་ཞལ་བཟང་མངོན་འགྱུར་ཤོག །ལོག་པར་ལྟ་བའི་ཀླ་ཀློའི་དཔུང་མང་པོ།། འཐོར་བྱེད་མི་རྗེ་དྲག་པོའི་འཁོར་ལོ་ཆེའི།། ཞབས་རྡུལ་གུར་གུམ་བཀྲ་ཤིས་རི་མོ་ཡིས།། བདག་གི་མགོ་བོའི་ཅོད་པན་མཛེས་གྱུར་ཅིག །དེ་ལྟར་གསོལ་བ་བཏབ་པས་བླ་མ་ལྷ།། དགྱེས་བཞིན་འོད་དུ་ཞུ་ནས་བདག་ཉིད་ཀྱི།། ལུས་ལ་ཐིམ་པས་རང་ཉིད་གདན་ལྔའི་སྟེང་།། དཔལ་ལྡན་དུས་ཀྱི་འཁོར་ལོའི་ངོ་བོར་གྱུར།། ཅེས་དམིགས་པ་བརྟན་པོས་བརྗོད་པར་བྱའོ།། དེ་ནས་བྱང་ཤམྦྷ་ལར་སྐྱེ་བའི་སྨོན་ལམ།
༅།། ན་མོ་གུ་རུ། དཔལ་ལྡན་དང་པོའི་སངས་རྒྱས་རིང་ལུགས་ཆེ།། ཤམ་བྷ་ལ་ཡི་གྲོང་དུ་རྒྱས་མཛད་པའི།། རྗེ་བཙུན་བླ་མ་ཁྱེད་ལ་གསོལ་འདེབསཀྱི།། བདག་གི་བདེན་པའི་ཚིག་དེ་འགྲུབ་པར་མཛོད།། བྱང་སེམས་དུས་འཁོར་སོགས་ཀྱིས་རྟག་བརྟེན་ཅིང་།། དམ་པའི་ཆོས་རྣམས་མཆོག་ཏུ་རྒྱས་པའི་ས།། བྱང་ཕྱོགས་ཀ་ལཱ་པ་ཞེས་བྱ་བའི་གྲོང་།། བརྒྱ་བྱིན་ཁང་བཟང་ལས་ཀྱང་ཆེས་ལྷག་པ།། ཕོ་བྲང་མཆོག་ནི་དཔག་ཚད་བཅུ་གཉིས་ཚད།། གྲུ་བཞི་ལྷམ་ཞིང་རིན་ཆེན་དུ་མས་བརྒྱན།། བྱེ་བ་ཕྲག་ནི་དགུ་བརྒྱའི་གྲོང་གིས་བསྐོར།། སྐྱེད་མོས་ཚལ་མཆོག་ལྷ་ཡུལ་ལས་ལྷག་པར།། དང་པོའི་སངས་རྒྱས་དཀྱིལ་འཁོར་ཆེ་ཆུང་གཉིས།། མཐོང་བའི་མོད་ལ་དངོས་གྲུབ་མཆོག་སྩོལ་གྱི།། རྒྱུ་ནི་རིན་ཆེན་རིན་ཐང་བྲལ་ལས་གྲུབ།། དེ་ཡི་གཡས་གཡོན་ཡིད་འོང་མཚོ་ཆེན་ནི།། ནོར་བུས་གང་ཞིང་དཔག་ཚད་བཅུ་གཉིས་པ།། མི་རྣམས་ནོར་ཕྱུག་ཆོས་ཀྱིས་དུས་འདའི་དབུས།། བླ་མ་ཁྱེད་གཉིས་དེང་དུས་ནས་བཟུང་བའི།། ལོ་ནི་བདུན་བརྒྱ་ཙམ་ཞིག་རྫོགས་པ་ན།། རིགས་ལྡན་དྲག་པོར་གྱུར་ནས་ཀླ་ཀློའི་དཔུང་།། བཅོམ་ནས་རྫོགས་ལྡན་བཞིན་དུ་མཛད་པའི་དུས།། སྔོན་གྱི་ཞལ་བཞེས་དམ་བཅའ་མ་གཡེལ་བར།། བདག་ཀྱང་འཁོར་གྱི་ཐོག་མར་རྗེས་འཛིན་མཛོད།། རྗེ་བཙུན་བླ་མ་དམ་པ་མཆོག་ཁྱེད་ཉིད།། རླུང་གི་ཤུགས་ཅན་རྡོ་ཡི་རྟར་ཆིབས་ནས།། ཕྱག་གི་མདུང་ཐུང་བྱིས་པའི་བློར་བསྣུན་ནས།། ངེས་པར་འཇོམས་ཚེ་བདག་ཀྱང་རྗེས་སུ་བཟུང་།། དམག་དཔུང་བྱེ་བ་ཁ་དོག་སྣ་ཚོགས་པ།། གླང་ཆེན་རིག་བྱེད་ཆང་དྲེགས་བཞི་འབུམ་དང་།། གླང་ཆེན་མྱོས་པ་འབུམ་ཕྲག་བཞི་འབུམ་དང་།། གསེར་གྱི་ཤིང་རྟ་མཚོན་ལྡན་དཔུང་བུ་ཆུང་།། འཇིགས་རུང་དམག་ཚོགས་དབུས་སུ་རབ་ཞུགས་ནས།། རང་གིས་བྱིས་པའི་བློ་ལ་བསྣུན་མཛད་ཅིང་།། རྟར་གནས་ཟླ་བ་ཆེན་བོའི་བུ་ལ་ནི།། ཧ་ནུ་མནྡ་རྣོན་པོའི་མཚོན་གྱིས་བསྣུན།། དྲག་པོ་ལ་སོགས་ལྷ་ཆེན་བཅུ་གཉིས་ཀྱིས།། ལྷ་མིན་ལ་སོགས་ཐམས་ཅད་ཚར་གཅོད་ཅིང་།། གླང་པོ་ཆེ་ཡིས་གླང་པོ་རྣམ་པར་འཇོམས།། རྡོ་ཡི་རྟ་ཡིས་རྟ་རྣམས་གསོད་བྱེད་ཅིང་།། གསེར་གྱི་ཤིང་རྟས་ཤིང་རྟ་ཕྱེ་མར་བྱེད།། ས་སྐྱོང་རྣམས་ཀྱིས་ས་སྐྱོང་འདུལ་བར་མཛད།། ཀླ་ཀློའི་རྒྱུན་ནི་རབ་ཏུ་བཅད་བྱས་ནས།། དང་པོའི་སངས་རྒྱས་ཀྱིས་མཚོན་ཆོས་ཚུལ་ཀུན།། རྒྱས་པར་མཛད་ཚེ་བདག་ཀྱང་རྗེས་སུ་བཟུང་།། དེ་ལྟར་ལོ་ནི་མང་པོར་ཆོས་བསྟན་ནས།། རྟ་ཡི་ལོ་ནི་ཧོར་རྟ་ཟླ་གཉིས་པ་ཡི།། ཉི་ཤུ་གཉིས་ཉིན་དཔའ་བོ་དཔའ་མོ་ཡིས།། རོལ་མོའི་སྒྲ་བཅས་འཁོར་ནི་འབུམ་ཕྲག་བཅས།། བདེ་དུས་ལམ་ལས་འོག་མི་གནས་སུ་ནི།། ལོངས་སྤྱོད་རྫོགས་སྐུ་མངོན་དུ་མཛད་པའི་ཚེ།། བདག་ཀྱང་སངས་རྒྱས་གོ་འཕང་ཐོབ་པར་མཛོད།། ཅེས་དཔལ་དུས་ཀྱི་འཁོར་ལོའི་བླ་མའི་རྣལ་འབྱོར་སྟོང་གཟུགས་བདུད་རྩིའི་བུམ་བཟང་ཞེས་བྱ་བ་འདི་ཉིད་སྒྲུབ་པ་ལ་གཞོལ་བའི་ལབ་བླ་མ་ཡེ་ཤེས་བསྟན་རྒྱན་གྱིས་བསྐུལ་བ་ལྟར་དཔལ་དུས་ཀྱི་འཁོར་ལོའི་རྣལ་འབྱོར་སྤྱོད་པ་ཤཱཀྱའི་དགེ་སློང་བློ་བཟང་དཔལ་ལྡན་ཡེ་ཤེས་ཀྱིས་སྦྱར་བའི་ཡི་གེ་པ་ནི་དགེ་ཚུལ་བློ་བཟང་ཆོས་འཕེལ་ལོ།།
 
·རྩོམ་ཡིག་གོང་མ:གསོལ་འདེབས་སྨོན་ཚིག་བདེན་པའི་རྔ་སྒྲ།
·རྩོམ་ཡིག་འོག་མ:བརྡ་དོན་འཇིགས་བྲལ་ཆོས་ཀྱི་རྔ་སྒྲ་ཞེས་བྱ་བ། །
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·བླ་མའི་རྣལ་འབྱོར་དངོས་གྲུབ་རྒྱ་མཚོ། 2011/12/1 11:03:16
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 9:36:33 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 12:48:47 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 19:04:05 [来自: 112.5.248.229]

འབྲེལ་ཡོད་དཔྱད་བརྗོད 49 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།58.59MS