ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་འདུ་ར། >> ཞལ་འདོན།
 རྩོམ་ཡིག་ཀློག་པ།

ཐུན་དྲུག་བླ་མའི་རྣལ་འབྱོར་བཞུགས་སོ།

  རྩོམ་པ་པོ:མཁས་གྲུབ་རིམ་བྱོན།ཡོང་ཁུངས:ངེད་དྲ་བ།གཟིགས་གྲངས:11023ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2013/5/25 19:02:07ཚོགས་ཡར་སྤྲོད:admin
ཐུན་དྲུག་བླ་མའི་རྣལ་འབྱོར་བཞུགས་སོ། །
 
   དེ་ནས་རྣལ་འབྱོར་རྒྱུད་ཡན་གྱི་དབང་ཐོབ་པ་རྣམས་ཀྱིས་ནི། བོད་ཀྱི་གསེར་ཆོས་སུ་གྲགས་པའི་གདམས་པ་ཟབ་མོ་རྣམས་ཀྱིས་ཀྱང་ཆ་ཙམ་བསྒྲུན་དུ་མེད་པ་ཐུན་དྲུག་གི་རྣལ་འབྱོར་ངེས་པར་བསྐྱང་དགོས་པའི་དེའི་ཚུལ་ནི།
   ༄༅།།  ན་མོ་གུ་རུ་མཉྫུ་གྷོ་ཥཱ་ཡ། རྡོ་རྗེ་འཆང་དབང་དཔལ་ལྡན་བླ་མ་ཡི། །ཞབས་ཀྱི་པདྨོར་གུས་པས་ཕྱག་བྱས་ཏེ། ། དམ་ཚིག་སྡོམ་པ་དག་བྱེད་རྨད་བྱུང་ཐབས། །རྒྱུད་དང་རྗེ་བཙུན་བླ་མའི་གསུང་བཞིན་བཤད། །  དེ་ཡང་རྒྱུད་སྡེ་གོང་མ་གཉིས་ཀྱི་དཀྱིལ་འཁོར་ཆེན་པོའི་དབང་བསྐུར་བ་ལེགས་པར་ཐོབ་པའི་གང་ཟག་རང་རང་གི་ཇི་སྲིད་སྔགས་སྡོམ་རྒྱུད་ལ་ལྡན་པ་དེ་སྲིད་དུ། རྩ་བ་དང་ཡན་ལག་གི་དམ་ཚིག་དང་སྡོམ་པ་རྣམས་ལ་ཉིན་ཞག་རེ་རེའི་ནང་དུ་བསྔོ་བགྲང་བྱེད་ཅིང༌། ཁྱད་པར་རིགས་ལྔའི་དམ་ཚིག་ཐུན་དྲུག་ཏུ་བསྐྱང་དགོས་ཏེ། དེ་ལྟར་མ་བྱས་ན་ཁ་ན་མ་ཐོ་བ་སྦོམ་པོར་འགྱུར་བའི་ཕྱིར་ཏེ།  རྩེ་མོ་ལས། ཉིན་དང་མཚན་མོ་ལན་གསུམ་དུ། །ཉིན་རེ་བཞིན་ནི་བཟླ་བར་བྱ།། གང་ཚེ་ཉམས་གྱུར་རྣལ་འབྱོར་པ།། ཁ་ན་མ་ཐོ་སྤོམ་པོར་གྱུར། ། ཞེས་གསུངས་པའི་ཕྱིར། དེས་ན་བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་སྤྱད་པ་སྤྱོད་པར་འདོད་པ་རྣམས་ཀྱིས་ནི། བསྟེན་པ་དང་བཟའ་བ་དང༌། བསྲུང་བའི་དམ་ཚིག་རྣམས་རྡོ་རྗེ་འཆང་ཆེན་པོས་གསུངས་པ་ལྟར་བསྟེན་དགོས་པས། དེ་དག་གི་ཚུལ་རྒྱས་པར། རྗེ་ཐམས་ཅད་མཁྱེན་པས་བཀའ་བསྩལ་བའི་རྩ་་ལྟུང་རྣམ་བཤད་དང༌། བླ་མ་ལྔ་བཅུ་པའི་རྣམ་བཤད་དང༌། རྣལ་འབྱོར་རོལ་པའི་དགའ་སྟོན། ཐུན་དྲུག་གི་རྣལ་འབྱོར་སོགས་སུ་བལྟ་བར་བྱ་ཞིང༌། འདིར་ནི་དེ་དག་གི་དོན་ལས་དང་པོ་པ་རྣམས་ཀྱིས་ཐུན་དྲུག་ཏུ་ཉམས་སུ་ལེན་ཚུལ་ཁྱེར་བདེ་བའི་ཕྱིར་ཚིགས་སུ་བཅད་པའི་སྒོ་ནས་བརྗོད་པར་བྱའོ། །
  སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། ། བྱང་ཆུབ་བར་དུ་བདག་ནི་སྐྱབས་སུ་མཆི།། བདག་གིས་སྦྱིན་སོགས་བགྱིས་པའི་བསོད་ནམས་ཀྱིས། ། འགྲོ་ལ་ཕན་ཕྱིར་སངས་རྒྱས་འགྲུབ་པརཤོག །ཅེས་པ་ནི་སྐྱབས་འགྲོའི་བསླབ་བྱར་ཉིན་ལན་གསུམ་མཚན་ལན་གསུམ་དུ་སྐྱབས་སུ་འགྲོ་དགོས་པར་གསུངས་པ་དང༌། རྣམ་སྣང་གི་དམ་ཚིག་སངས་རྒྱས་དང་། ཆོས་དང༌། དགེ་འདུན་ལ་སྐྱབས་སུ་འགྲོ་བ་གསུམ་འདིས་ཚང༌།
   སེམས་ཅན་ཐམས་ཅད་ཉེ་རིང་ཆགས་སྡང་དང༌། །བྲལ་བར་བྱའོ་སྙམ་པ་བཏང་སྙོམས་ཚད་མེད་དང༌། མི་འཇིགས་པའི་སྦྱིན་པ་དང༌། ནས་ཁྱད་པར་འཕགས་པའི་བདེ་བ་ཐོབ། །པར་གྱུར་ཅིག་སྙམ་པ་བྱམས་པ་ཚད་མེད་དང་། བྱམས་པའི་སྦྱིན་པ་སྟེ་རིན་འབྱུང་གི་དམ་ཚིག་གཉིས་འདིས་ཚང༌། བཟོད་དཀའི་སྡུག་བསྔལ་རྒྱ་མཚོ་ལས་བསྒྲལ་བར་བྱའོ་སྙམ་པ་སྙིང་རྗེ་ཚད་མེད་དང་། ཏེ། །ཐར་པ་དམ་པའི་བདེ་དང་འབྲལ་བར་མ་གྱུར། ། ཅིག་སྙམ་པ་དགའ་བ་ཚད་མེད་དོ། །འགྲོ་ཀུན་སྲིད་ཞིའི་འཇིགས་པ་ལས་སྒྲོལ་ཕྱིར། །རྫོགས་པའི་བྱང་ཆུབ་ཐོབ་པར་འདོད་པའི་སེམས། །དེང་ནས་བཟུང་སྟེ་སངས་རྒྱས་མ་ཐོབ་བར། །སྲོག་གི་ཕྱིར་ཡང་མི་བཏང་བཟུང་བར་བགྱི། །སྙམ་པ་ནི་སྨོན་སེམས་ཆོ་གས་བཟུང་ཕྱིན་ཉིན་མཚན་ཐུན་དྲུག་ཏུ་སེམས་བསྐྱེད་དགོས་པར་གསུངས་པའོ།།
  འཇུག་སྡོམ་ལེན་འདོད་ན་མདུན་གྱི་སྐྱབས་ཡུལ་རྒྱལ་བ་སྲས་བཅས་ཀྱི་རྗེས་སུ་ཟློས་པར་མོས་ཏེ། བླ་མ་རྒྱལ་བ་སྲས་བཅས་རྣམས། །བདག་ལ་དགོངས་པར་མཛད་དུ་གསོལ། །ཇི་ལྟར་སྔོན་གྱི་བདེ་གཤེགས་ཀྱིས། །བྱང་ཆུབ་ཐུགས་ནི་བསྐྱེད་པ་དང༌། །བྱང་ཆུབ་སེམས་དཔའི་བསླབ་པ་ལ། །དེ་དག་རིམ་བཞིན་གནས་པ་ལྟར།།བདག་ཀྱང་འགྲོ་ལ་ཕན་དོན་དུ། །བྱང་ཆུབ་སེམས་ནི་བསྐྱེད་བགྱི་ཞིང༌། །བྱང་ཆུབ་སེམས་དཔའི་བསླབ་པ་ལ།།དེ་དག་རིམ་བཞིན་གནས་པ་ལྟར།།བདག་ཀྱང་འགྲོ་ལ་ཕན་དོན་དུ།།བྱང་ཆུབ་སེམས་ནི་བསྐྱེད་བགྱི་ཞིང་།།བྱང་ཆུབ་སེམས་དཔའི་བསླབ་པ་ལ།།རིམ་པ་བཞིན་དུ་བསླབ་པར་བགྱི།། ཞེས་ལན་གསུམ་གྱིས་མཇུག་སྡོམ་བླང་ལ་སྐྱབས་ཡུལ་བསྡུའོ། ། དེང་དུས་བདག༌ཚེ་འབྲས་བུ་ཡོད། །མི་ཡི་སྲིད་པ་ལེགས་པར་ཐོབ། །དེ་རིང་སངས་རྒྱས་རིགས་སུ་སྐྱེས། །སངས་རྒྱས་སྲས་སུ་ད་གྱུར་ཏོ། །སྙམ་པ་ནི་སེམས་བསྐྱེད་ཀྱི་མཇུག་ཏུ་དགའ་བ་བསྒོམ་པ་དང༌།ད་ནི་བདག་གིས་ཅི་ནས་ཀྱང༌། །རིགས་དང་མཐུན་པའི་ལས་བརྩམས་ཏེ། །སྐྱོན་མེད་བཙུན་པའི་རིགས་འདི་ལ། །རྙོག་པར་མི་འགྱུར་དེ་ལྟར་བྱ། །སྙམ་པ་ནི་བག་ཡོད་བསྒོམ་པ་སྟེ་འདི་གཉིས་ནི་སྨོན་སེམས་ཀྱི་བསླབ་བྱར་སེམས་བསྐྱེད་ཀྱི་ཕན་ཡོན་ཐུན་དྲུག་ཏུ་བསམ་དགོས་པར་གསུངས་པའོ། །
  མདུན་གྱི་ནམ་མཁར་ཡིད་འཕྲོག་རིན་ཆེན་ཁྲི། །ཆུ་སྐྱེས་ཉི་ཟླ་རྒྱས་པའི་དཀྱིལ་འཁོར་སྟེང༌། །རྩ་བའི་བླ་མ་ཁྱབ་བདག་རྡོ་རྗེ་འཆང༌། །སྐུ་མདོག་སྔོན་པོ་ཞལ་གཅིག་ཕྱག་གཉིས་ཀྱིས། །རྡོར་དྲིལ་བཟུང་ནས་རང་འདྲའི་ཡུམ་ལ་འཁྱུད། །མཚན་དཔེའི་གཟི་འབར་རིན་ཆེན་རྒྱན་མང་འཛིན། །ཡིད་འཕྲོག་ལྷ་རྫས་དར་གྱི་ན་བཟའ་ཅན། །དྲན་པ་ཙམ་གྱིས་གདུང་བ་ཀུན་སེལ་ཅིང༌། །སྐྱབས་མཆོག་མ་ལུས་འདུས་པའི་བདག་ཉིད་དུ། །སྐྱིལ་ཀྲུང་ཚུལ་གྱིས་བཞུགས་པའི་གནས་གསུམ་དུ།།ཡི་གེ་གསུམ་མཚན་ཧཱུཾ་ཡིག་འོད་ཟེར་གྱིས། །རང་བཞིན་གནས་ནས་བླ་མ་རྡོ་རྗེ་འཆང༌། །ཛཿཧཱུཾ་བཾ་ཧོཿ གཉིས་སུ་མེད་པར་གྱུར། །འདི་ནི་མི་བསྐྱོད་པའི་དམ་ཚིག་སློབ་དཔོན་བཟུང་ཚུལ་ལོ།།
   གང་གིས་དྲིན་གྱིས་བདེ་ཆེན་ཉིད། །སྐད་ཅིག་ཉིད་ལ་འཆར་བ་གང༌། །བླ་མ་རིན་ཆེན་ལྟ་བུ་ཡི། །རྡོ་རྗེ་ཅན་ཞབས་པད་ལ་འདུད། །འདི་ནི་བྱང་སེམས་ཀྱི་ཉེས་བྱས་དང་པོ་ལས་སེམས་བསྲུང་ཚུལ་དང་།  བླ་མ་ལྔ་བཅུ་པར། མཆོག་ཏུ་དད་པས་དུས་གསུམ་དུ། །ཞེས་གསུང་པ་ལྟར་ཕྱག་འཚལ་ཚུལ་ལོ།།
   ཨོཾ་བཅོམ་ལྡན་དཔའ་བོའི་དབང་ཕྱུག་ལ་ཕྱག་འཚལ་ཧཱུཾ་ཧཱུཾ་ཕཊ། ། ཨོཾ་བསྐལ་པ་ཆེན་པོའི་མེ་དང་མཉམ་པའི་འོད་ཧཱུཾ་ཧཱུཾ་ཕཊ། །ཨོཾ་རལ་པའི་ཅོད་པན་མི་བཟད་པ་དང་ལྡན་ཧཱུཾ་ཧཱུཾ་ཕཊ། །ཨོཾ་མཆེ་བ་རྣམ་པར་གཙིགས་པ་འཇིགས་པའི་ཞལ་ཧཱུཾ་ཧཱུཾ་ཕཊ། །ཨོཾ་སྟོང་ཕྲག་ཕྱག་ནི་འབར་བའི་འོད་ཟེར་ཅན་ཧཱུཾ་ཧཱུཾ་ཕཊ། ། ཨོཾ་དགྲ་སྟ་ཞགས་གདེངས་མདུང་དང་ཁ་ཊཱཾ་འཛིན་ཧཱུཾ་ཧཱུཾ་ཕཊ། །ཨོཾ་སྟག་གི་པགས་པའི་ན་བཟའ་འཛིན་པ་ཅན་ཧཱུཾ་ཧཱུཾ་ཕཊ། ། ཨོཾ་སྐུ་ཆེན་དུད་ཀ་བགེགས་མཐར་མཛད་ལ་འདུད་ཧཱུཾ་ཧཱུཾ་ཕཊ། ། ཨོཾ་བཅོམ་ལྡན་འདས་མ་རྡོ་རྗེ་ཕག་མོ་ལ་ཕྱག་འཚལ་ཧཱུཾ་ཧཱུཾ་ཕཊ། །ཨོཾ་འཕགས་མ་རིག་མའི་དབང་ཕྱུག་ཁམས་གསུམ་གྱིས་མི་ཐུབ་ཧཱུཾ་ཧཱུཾ་ཕཊ། ། ཨོཾ་འབྱུང་པོའི་འཇིགས་པ་ཐམས་ཅད་རྡོ་རྗེ་ཆེན་པོས་འཇོམས་ཧཱུཾ་ཧཱུཾ་ཕཊ། །ཨོཾ་རྡོ་རྗེ་གདན་བཞུགས་གཞན་གྱིས་མི་ཐུབ་དབང་བྱེད་སྤྱན་ཧཱུཾ་ཧཱུཾ་ཕཊ། ། ཨོཾ་གཏུམ་མོ་ཁྲོ་མོའི་གཟུགས་ཀྱིས་ཚངས་པ་སྐེམ་པར་མཛད་ཧཱུཾ་ཧཱུཾ་ཕཊ། །ཨོཾ་བདུད་རྣམས་སྐྲག་ཅིང་སྐེམ་པས་གཞན་གྱི་ཕྱོགས་ལས་རྒྱལ་ཧཱུཾ་ཧཱུཾ་ཕཊ། ། ཨོཾ་རྨུགས་བྱེད་རེངས་བྱེད་རྨོངས་བྱེད་ཀུན་ལས་རྣམ་པར་རྒྱལ་ཧཱུཾ་ཧཱུཾ་ཕཊ། ། ཨོཾ་རྡོ་རྗེ་ཕག་མོ་སྦྱོར་ཆེན་འདོད་དབང་མ་ལ་འདུད་ཧཱུཾ་ཧཱུཾ་ཕཊ། །འདི་ནི་མ་རྒྱུད་ཀྱི་དབང་ཐོབ་པ་རྣམས་ཀྱིས་ལྷ་དང་བླ་མ་ལ་རྐང་བརྒྱད་ཀྱིས་བསྟོད་པ་བྱ་ཚུལ་ལོ། །
  བདག་པོས་བཟུང་དང་མ་བཟུང་དང༌། །དངོས་བཤམས་ཡིད་ཀྱིས་སྤྲུལ་པ་ལས། །བྱུང་བ་ཕྱི་ནང་གསང་བ་ཡི། །སྣ་ཚོགས་མཆོད་སྤྲིན་རྒྱ་མཚོས་མཆོད། །འདི་ནི་དོན་གྲུབ་ཀྱི་མཆོད་པའི་དམ་ཚིག་བསྐྱང་ཚུལ་ལོ། །
བདག་གཞན་ལུས་ངག་ཡིད་གསུམ་ལོངས་སྤྱོད་དུས་གསུམ་དགེ་ཚོགས་བཅས། །རིན་ཆེན་མནྜལ་བཟང་པོ་ཀུན་བཟང་མཆོད་པའི་ཚོགས་བཅས་པ། །བློ་ཡིས་བླངས་ནས་བླ་མ་ཡི་དམ་དཀོན་མཆོག་གསུམ་ལ་འབུལ། །ཐུགས་རྗེའི་དབང་གིས་བཞེས་ནས་བདག་ལ་བྱིན་གྱིས་བརླབ་ཏུ་གསོལ། །ཨི་དཾ་གུ་རུ་རཏྣ་མནྜལ་ལ་ཀཾ་ནིརྱཱ་ཏ་ཡ་མི། འདི་ནི་བླ་མ་ལྔ་བཅུ་པར་བླ་མ་ལ་མནྜལ་དུས་གསུམ་དུ་འབུལ་བར་གསུང་པའི་བསླབ་བྱའོ། །
དུས་གསུམ་ཕྱོགས་བཅུའི་བདེ་གཤེགས་མ་ལུས་པ། །གང་འདུལ་ཇི་བཞིན་ངུར་སྨྲིག་རྣམ་རོལ་གྱིས། །གྲངས་མེད་ཞིང་དུ་རྒྱལ་བའི་མཛད་པ་ཅན། །བླ་མ་རིན་པོ་ཆེ་ལ་གསོལ་བ་འདེབས། རྡོ་རྗེ་འཆང་གིས་བློ་དམན་བསམ་པའི་ངོར། །རབ་འབྱམས་རྒྱལ་བའི་འཁོར་ལོ་མཐའ་དག་ལས། །ལྷག་པའི་ཞིང་གི་དམ་པར་ལེགས་བསྔགས་པའི། །བླ་མ་རིན་པོ་ཆེ་ལ་གསོལ་བ་འདེབས། །འདིའི་ཚིགས་བཅད་སྔ་མ་ཡོན་ཏན་དྲན་ནས་དད་པ་བསྐྱེད་པ་དང༌། ཕྱི་མ་བཀའ་དྲིན་དྲན་ནས་གུས་པ་བསྐྱེད་པ་སྟེ་བཤེས་གཉེན་བསམ་པས་བསྟེན་ཚུལ་ལོ། །
   མཆོག་དང་ཐུན་མོང་དངོས་གྲུབ་མ་ལུས་ཀུན། །མགོན་ཁྱོད་ཚུལ་བཞིན་བསྟེན་པའི་རྗེས་འགྲོ་བར། །མཐོང་ནས་ལུས་དང་སྲོག་ཀྱང་ཡོངས་བཏང་སྟེ། ཁྱོད་མཉེས་ཁོ་ན་སྒྲུབ་པར་བྱིན་གྱིས་རློབས། །འདི་ནི་སྦྱོར་བས་བསྟེན་ཚུལ་ཏེ་མདོར་ན་བསྟེན་པའི་ཕན་ཡོན་དང༌། མ་བསྟེན་པའི་ཉེས་དམིགས་དྲན་ནས་བསམ་སྦྱོར་གཉིས་ཀྱིས་ཚུལ་བཞིན་བསྟེན་པར་དམ་བཅའ་བ་ནི་བཤེས་གཉེན་བསྟེན་ཚུལ་དང༌། བླ་མ་ལྔ་བཅུ་པའི་དམ་ཚིག་བསྲུང་ཚུལ་གྱི་སྙིང་པོའོ། །
   དེ་ལྟར་གསོལ་བ་བཏབ་པས་བླ་མ་མཆོག །རང་གི་སྤྱི་བོའི་གཙུག་ཏུ་ས་མཱ་ཛཿ སླར་ཡང་དགྱེས་བཞིན་རང་དང་རོ་གཅིག་གྱུར། །ཞེས་རང་ལ་སྟོང་ཉིད་ཀྱི་ངེས་པ་ཇི་ལྟར་ཡོད་པ་གསལ་བཏབ་སྟེ་བདེ་སྟོང་ལ་ཅུང་ཟད་མཉམ་པར་འཇོག་པ་ནི་ངེས་དོན་གྱི་བླ་མའི་རྣལ་འབྱོར་དང་། ཡེ་ཤེས་ཀྱི་ཚོགས་བསགས་པ་དང༌། བསྲུང་བའི་མཆོག་དང་། རྩ་ལྟུང་བཅུ་གཅིག་པ་བསྲུང་ཚུལ་ལོ། །
   བདག་ཉིད་རྡོ་རྗེ་སེམས་དཔའི་ང་རྒྱལ་གྱིས། །ལྷན་སྐྱེས་བདེ་ཆེན་གསང་བའི་རྡོ་རྗེ་དང༌། །རང་བཞིན་སྤྲོས་བྲལ་གསང་བའི་གྷཎ་ཌ་ཡི། །མཚོན་བྱེད་བཟུང་ནས་བཅོམ་ལྡན་འདས་མར་འཁྲུད། །པར་སེམས་པ་ནི་མི་བསྐྱོད་པའི་རྡོ་རྗེ་དང༌། དྲིལ་བུ་དང༌། ཕྱག་རྒྱའི་དམ་ཚིག་གསུམ་བསྲུང་ཚུལ་བླ་མེད་ལྟར་རོ། །
བདག་གི་ལུས་དང་དེ་བཞིན་ལོངས་སྤྱོད་དང༌། །དུས་གསུམ་དགེ་ཚོགས་ཕུང་པོ་ཅི་མཆིས་པ། །མར་གྱུར་སེམས་ཅན་ཀུན་གྱི་དོན་གྱི་ཕྱིར། །དེང་ནས་ཕངས་པ་མེད་པར་བཏང་བར་བྱ། །སྙམ་དུ་གཏོང་སེམས་སྤེལ་བ་ནི་རྒྱལ་སྲས་ཀྱི་སྦྱིན་པའི་ཉམས་ལེན་དང༌། ལུས་ལོངས་སྤྱོད་གཏོང་བ་ཟང་ཟིང་གི་སྦྱིན་པ་དང་། དགེ་རྩ་གཏོང་བ་ཆོས་ཀྱི་སྦྱིན་པ་སྟེ་རིན་འབྱུང་གི་དམ་ཚིག་ལྷག་མ་གཉིས་བསྲུང་ཚུལ་ལོ།།
   མཚམས་འདིར་ལོང་བྱུང་ན་སོ་སོའི་མ་མཐའ་སྡོམ་གྱི་སྒོ་ནས་དམ་ཚིག་དང་སྡོམ་པ་རྣམས་ལ་བསྔོ་བགྲང་བྱེད་གསུངས་པ་ལྟར་སྤྲོ་ན།  དང་པོ་སོ་སོར་ཐར་པ་དགེ་སློང་གི་སྡོམ་ལྡན་ཡིན་ན་བསྔོ་བགྲང་བྱ་བ་ནི། སོ་སོར་ཐར་པའི་ལྟུང་བ་སྡེ་ལྔ་ལས། །ཕམ་པ་བཞི་དང་ལྷག་མ་བཅུ་གསུམ་དང༌། །སྤང་ལྟུང་སུམ་ཅུ་འབའ་ཞིག་དགུ་བཅུ་དང༌། །སོར་བཤགས་བཞི་དང་ཉེས་བྱས་བརྒྱ་བཅུ་གཉིས། །གཞན་ཡང་གཞིས་བསྡུས་ལྟུང་སོགས་སྤང་བར་བགྱི། །
  བྱང་སེམས་ཀྱི་རྩ་ལྟུང་བཅོ་བརྒྱད་ལ་བསྔོ་བགྲང་བྱ་བ་ནི། བདག་བསྟོད་༡གཞན་སྨོད་ཆོས་ནོར་མི་སྟེར་༢ཞིང༌། །བཤགས་༣ཀྱང་མི་ཉན་ཐེག་ཆེན་སྤོང་༤བ་དང༌། །དཀོན་མཆོག་དཀོར་༥འཕྲོག་ཆོས་སྤོང་༦ངུར་སྨྲིག་༧འཕྲོག །མཚམས་མེད་༨ལྔ་དང་ལོག་༩ལྟ་གྲོང་སོགས་༡༠འཇོམས། །མ་སྦྱངས་སྟོང་ཉིད་༡༡བསྟན་དང་རྫོགས་བྱང་༡༢ལྡོག །སོ་ཐར་༡༣སྤོང་དང་ཉན་༡༤སྨོད་ཟབ་བརྫུན་༡༥སྨྲ། །མཆོག་གསུམ་༡༦དཀོར་ལེན་ཁྲིམས་༡༧ངན་འཆའ་སེམས་༡༨གཏོང༌། །ཉེས་༡དམིགས་མི་བལྟ་སྤྱོད་འདོད་མ་༢ལོག་དང༌། །དགའ་མགུ་༣ངོ་ཚ་ཁྲེལ་མེད་ཀུན་དཀྲིས་༤བཞི། །ཚང་དགོས་བཅུ་དྲུག་མི་དགོས་ལོག་ལྟ་དང༌། །སེམས་འདོར་གཉིས་བཅས་རྩ་ལྟུང་བཅོ་བརྒྱད་བསྲུང་། །
  སྔགས་ཀྱི་རྩ་ལྟུང་སོགས་ལ་བསྔོ་བགྲང་བྱ་བ་ནི། བླ་མར་བརྙས་༡སྨོད་བསླབ་བྱར་ཁྱད་༢གསོད་བྱེད། །སྤུན་ལ་སྐྱོན་༣བརྗོད་འགྲོ་ལ་བྱམས་པ་༤སྤོང༌། །སྨོན་འཇུག་སེམས་གཏོང་མདོ་སྔགས་ཆོས་ལ་༦སྨོད། །མ་སྨིན་གསང་སྒྲོག་རང་གི་ཕུང་པོར་༨བརྙས། །སྟོང་པ་ཉིད་༩སྤོང་གདུག་ཅན་མཛའ་བོར་༡༠བསྟེན། །ལྟ་བ་མ་༡༡དྲན་དད་ལྡན་སེམས་སུན་༡༢འབྱིན། །དམ་ཚིག་མི་༡༣བསྟེན་བུད་མེད་སྨོད་༡༤པ་སྟེ། །རྩ་ལྟང་བཅུ་བཞི་སྲོག་དང་བསྡོས་ཏེ་བསྲུང༌།། 
   ཡན་ལག་གི་དམ་ཚིག་ལ་བསྔོ་བགྲང་བྱ་བ་ནི།  ཡན་ལག་རྩ་བཞི་ཆང་དང་བྱ་མིན་སྤོང་།། དམ་པའི་མགོན་བསྟེན་་གྲོགས་ལ་བསྙེན་བཀུར་བྱ།། དགེ་བཅུ་སྐྱོང་ཞིང་ཐེག་ཆེན་ལས་ལྡོག་རྒྱུ།།བརྙས་དང་འགོམ་སྤངས་དམ་ཚིག་མ་ལུས་བསྲུང་།།
   སྦོམ་པོའི་ལྟུང་བའི་དམ་ཚིག་ནི། མཚན་ཉིད་མི་ལྡན་ཕྱག་རྒྱར་བསྟེན་༡དང་འདུ་ཤེས་གསུམ་བྲལ་སྙོམས་༢འཇུག་བྱེད། །སྣོད་མི་རུང་ལ་གསང་རྫས་༣སྟོན་དང་ཚོགས་འཁོར་དུས་སུ་འཐབ་༤རྩོད་བྱེད།། དད་པས་འདྲི་ལ་ལན་ལོག་༥འདེབས་དང་ཉན་ཐོས་ནང་དུ་ཞག་༦བདུན་གནས།། ཡང་དག་མིན་ཡང་རྣལ་འབྱོར་པར་༧རློམ་དད་པ་མེད་ལ་དམ་ཆོས་༨སྟོན།། བསྙེན་སོགས་མ་དག་དཀྱིལ་འཁོར་ལས་༩འཇུག་དགོས་མེད་སོར་བྱང་བསླབ་ལས་༡༠འདས།། བླ་མ་ལྔ་བཅུའི་སྐབས་དང་འགལ་བའི་སྦོམ་པོ་རྣམས་ཀྱང་ཚུལ་བཞིན་བསྲུང་། །
   མ་རྒྱུད་ནས་གསུངས་པའི་ཐུན་མོང་མ་ཡིན་པའི་དམ་ཚིག་གི་སྡོམ་ནི། གཡོན་པའི་ཀུན་སྤྱོད་མི་བརྙས་༡མཆོད། །མཚན་ལྡན་མིན་ལ་སྙོས་འཇུག་༢སྤང༌། །སྦྱོར་ཚེ་ལྟ་དང་འབྲལ་མི་༣བྱ། །ཆགས་ལམ་ལ་མོས་འགྱུར་མེད་༤བྱ། །ཕྱག་རྒྱ་རྣམ་གཉིས་༥འདོར་མི་བྱ། །ཕྱི་ནང་ཐབས་ལ་གཙོ་བོར་༦འབད། །ཀུནྡ་མི་འབྱིན་ཚངས་སྤྱོད་༧བསྟེན། །བྱང་སེམས་ལེན་ཚེ་སྐྱུག་བྲོ་སྤང་། །
   དེ་ལྟར་མ་ལྕོགས་སྐབས་མ་མཐའ་སྡོམ་པ་གསུམ་ག་ལ་དྲན་ཤེས་ཙམ་བསྟེན་ཚུལ་ནི། སོ་ཐར་བྱང་སེམས་རྡོ་རྗེ་ཐེག་པ་ཡི། །རྣམ་དག་བཅས་པའི་བསླབ་པ་ཕྲ་མོ་ལས། །རྨི་ལམ་དུ་ཡང་འདའ་བར་མི་བྱེད་པར། །རྒྱལ་བའི་བཀའ་བཞིན་བདག་གིས་བསྒྲུབ་པར་བྱ། །སྙམ་པ་ནི་སྡོམ་པ་གསུམ་ག་ལ་དྲན་ཤེས་བསྟེན་ཚུལ་མདོར་བསྡུས་དང༌། རྣམ་སྣང་གི་དམ་ཚིག་ཚུལ་ཁྲིམས་གསུམ་གྱིས་ཉེས་སྤྱོད་སྡོམ་པ་དང༌། དོན་གྲུབ་ཀྱི་སྡོམ་པ་ཐམས་ཅད་དང་ལྡན་པ་རྣ་མས་འདིས་འགྲུབ་བོ། །
   ཐེག་པ་གསུམ་དང་རྒྱུད་སྡེ་བཞིས་བསྡུས་པའི། །ལུང་དང་རྟོགས་པའི་དམ་ཆོས་མ་ལུས་པ། །རྒྱལ་བའི་དགོངས་པ་ཇི་བཞིན་ལེགས་བཟུང་སྟེ། །སྙམ་པ་ནི་སྔགས་ཕྱོགས་ཀྱི་ཕྱིའི་ཆོས་བྱ་སྤྱོད་གཉིས་དང། གསང་བའི་ཆོས་རྣལ་འབྱོར་རྒྱུད་དང་བླ་མེད་གཉིས་དང༌། མདོ་ཕྱོགས་ཀྱི་ཐེག་པ་གསུམ་འཛིན་པ་སྟེ་པདྨའི་དམ་ཚིག་གསུམ་དང༌། རྣམ་སྣང་གི་དགེ་བ་ཆོས་སྡུད་རྣམས་འདིས་འགྲུབ་བོ།
   གང་འཚམས་ཐབས་ཀྱིས་འགྲོ་བ་ཡོངས་་སུ་སྒྲོལ། །སྙམ་པ་རྣམ་སྣང་གི་སེམས་ཅན་དོན་བྱེད་ཀྱི་ཚུལ་ཁྲིམས་བསྲུང་ཚུལ་ལོ།།
    དེ་ལྟར་ཐུན་དྲུག་གི་རྣལ་འབྱོར་ཉིན་ལན་གསུམ་མཚན་ལན་གསུམ་དུ་བྱ་བར་གསུངས་པ་དཀྱུས་གཅིག་ཏུ་བྱ་བར་སྤྲོ་ན། མན་ངག་ལུགས་ཀྱི་འདོན་ལུགས་ནི། སངས་རྒྱས་ཆོས་ཚོགས་ནས། ཁྱོད་མཉེས་ཁོ་ན་བསྒྲུབ་པར་བྱིན་གྱིས་རློབས། །བར་ལན་གཅིག  །དེ་ནས་སླར་ཡང་།  སངས་རྒྱས་ཆོས་ཚོགས་ནས། རྙོག་པར་མི་འགྱུར་དེ་ལྟར་བྱ། །དེ་ནས། གང་གི་དྲིན་གྱིས་ནས། བྱིན་གྱིས་རློབས།  བར།   སླར་ཡང་སངས་རྒྱས་ཆོས་ཚོགས་ནས།  བྱིན་གྱིས་རློབས།  བར་དེ་བཞིན་ལན་གཅིག ། རྗེས་མ་འདི་གཉིས་ལ་སངས་རྒྱས་ཆོས་ཚོགས་དང་།  ཇི་ལྟར་སྔོན་གྱི་རྣམས་ལན་རེ་ལས་མི་དགོས། བླ་མ་མདུན་དུ་བསྐྱེད་བསྐྱེད་པ་ཡིན་པས། མདུན་གྱི་ནམ་མཁའ་ནས། གཉིས་སུ་མེད་པར་གྱུར། །ཞེས་པའི་བར་ཡང་མི་དགོས། རྐང་བརྒྱད་ཀྱང་དང་པོ་དེས་ཆོག །དེ་ལྟར་གསོལ་བ་བཏབ་པས་བླ་མ་མཆོག །རང་གི་སྤྱི་བོའི་གཙུག་ཏུ་ས་མཱ་ཛཿཞེས་པ་འདི་ཡང་ལན་གཅིག་གིས་ཆོག །སླར་ཡང་དགྱེས་བཞིན་ནས། ཡོངས་སུ་སྒྲོལ། བར་ལན་གསུམ་དཀྱུས་ལྟར་ལ། སྡོམ་པ་སོ་སོའི་བསྔོ་བགྲང་ལན་དང་པོ་ཉིད་ལས་མི་དགོས། དེ་ལྟར་བསྐྱར་བལྡབ་ལན་གསུམ་སོགས་ཇི་ལྟར་རིགས་པ་ཟིན་ནས་བསྔོ་སྨོན་བྱ་བ་ནི། །  
    འདི་ལས་འོངས་པའི་རྣམ་དཀར་དགེ་བའི་མཐུས། །ཚེ་རབས་ཀུན་ཏུ་རྡོ་རྗེ་འཆང་དབང་གིས། །བཅས་པའི་མཚམས་ལས་ནམ་ཡང་མི་འདའ་བར། །རིམ་གཉིས་ལམ་གྱི་རིམ་པ་མཐར་ཕྱིན་ཤོག །མདོར་ན་འདིས་མཚོན་རྣམ་དཀར་དགེ་བའི་ཚོགས། །ཇི་སྙེད་བསགས་པ་དེ་ཡིས་མྱུར་དུ་བདག །ནོར་བུའི་བང་མཛོད་ཤམྦྷ་ལར་སྐྱེས་ནས། །བླ་མེད་ལམ་གྱི་རིམ་པ་མཐར་ཕྱིན་ཤོག །སྐྱེ་བ་ཀུན་ཏུ་ཡང་དག་བླ་མ་དང༌། །འབྲལ་མེད་ཆོས་ཀྱི་དཔལ་ལ་ལོངས་སྤྱོད་ཅིང༌། །ས་དང་ལམ་གྱི་ཡོན་ཏན་རབ་རྫོགས་ནས། །རྡོ་རྗེ་འཆང་གི་གོ་འཕང་མྱུར་འཐོབ་ཤོག ། །ཅེས་བསྔོ་སྨོན་གྱིས་རྒྱས་འདེབས་བྱ།
  ཐུན་དྲུག་བསྡུས་པ།  བླ་མ་དཀོན་མཆོག་གསུམ་ལ་སྐྱབས་སུ་མཆི། །རང་ཉིད་ལྷར་གསལ་རྡོར་དྲིལ་བཟུང་ནས་མཆོད། །མདོ་སྔགས་ཆོས་བཟུང་ཉེས་སྤྱོད་མཐའ་དག་སྡོམ། །དགེ་ཆོས་ཀུན་སྡུད་སྦྱིན་བཞིས་འགྲོ་དོན་བྱེད། །ཅེས་པ་འདིས་མཚན་མོ་སོགས་སུ་ཐུན་དྲུག་གི་རྣལ་འབྱོར་མདོར་བསྡུས་སུ་གོ་བཅད་ཆོག་པར་གསུངས་ནས། ཚིག་རྐང་གཅིག་ལ་རིགས་ལྔའི་དམ་ཚིག་བཅུ་དགུ་ཚང་བ་སོགས་ཤིན་ཏུ་ངོ་མཚར་ཆེ་མོད།  བླ་མའི་རྣལ་འབྱོར་གྱི་གོ་བཅད་དུ་ཅུང་ཟད་མི་རུང་བ་ལྟར་སྣང་བས།  དེས་ན་ཐུན་དྲུག་རྣལ་འབྱོར་རྒྱས་པ་མི་ལྕོགས་པ་དང༌། འདོན་སྒོམ་མི་ནུས་པའི་བློ་དམན་དག་གིས་ཐུན་དྲུག་གི་རྣལ་འབྱོར་གྱི་གོ་བཅད་དུ་རུང་ཞིང། ཤིན་ཏུ་བསྡུས་པའི་ཚུལ་ཉམས་སུ་ལེན་ཚུལ་དངུལ་ཆུ་རྗེ་དྲུང་བློ་བཟང་བསྟན་འཛིན་གྱིས་མཛད་པ་ནི་འདི་ལྟར།
   དཀོན་མཆོག་གསུམ་ལ་སྙིང་ནས་སྐྱབས་སུ་མཆི། །འགྲོ་ཀུན་གདུང་བསྒྲལ་གཏན་བདེར་འགོད་པར་
བྱ། །འདི་སླད་རྫོགས་བྱང་འཐོབ་ཕྱིར་བྱང་ཆུབ་སེམས། །བསྐྱེད་ནས་རྒྱལ་སྲས་སྤྱོད་ལ་བསླབ་པར་བགྱི། །མདུན་གྱི་ནམ་མཁར་ཁྲི་པད་ཉི་ཟླའི་སྟེང༌། །རྩ་བའི་བླ་མ་ཁྱབ་བདག་རྡོ་རྗེ་འཆང༌། །སྐུ་མདོག་སྔོན་པོ་རྡོར་དྲིལ་བཟུང་ནས་ནི། །དབྱིངས་ཕྱུག་མར་འཁྱུད་ལྷན་སྐྱེས་བདེ་བས་རོལ། །གནས་གསུམ་ཡི་གེ་གསུམ་མཚན་ཧཱུཾ་འོད་ཀྱིས། །ཡེ་ཤེས་པ་རྣམས་སྤྱན་དྲངས་རོ་གཅིག་གྱུར། །རྡོ་རྗེ་ཅན་ཞབས་པདྨོར་ཕྱག་འཚལ་ལོ།། ཕྱི་ནང་གསང་བའི་མཆོད་སྤྲིན་རྒྱ་མཚོས་མཆོད། །རི་གླིང་རིན་ཆེན་གཏེར་བུམ་ཉི་ཟླ་སོགས། །བླ་མེད་ཀུན་ཏུ་བཟང་པོའི་མཆོད་པ་འབུལ། །མཆོག་དང་ཐུན་མོང་དངོས་གྲུབ་མ་ལུས་ཀུན། །མགོན་ཁྱོད་ཚུལ་བཞིན་བསྟེན་པའི་རྗེས་འགྲོ་བར། །མཐོང་ནས་ལུས་དང་སྲོག་ཀྱང་ཡོངས་བཏང་སྟེ། །ཁྱོད་མཉེས་ཁོ་ན་སྒྲུབ་པར་བྱིན་གྱིས་རློབས།། དེ་ལྟར་གསོལ་བ་བཏབ་པས་སྤྱི་བོར་བྱོན། །རང་ལ་ཐིམ་པས་དབྱེར་མེད་རོ་གཅིག་གྱུར། །བདག་ཉིད་རྡོ་རྗེ་སེམས་དཔའ་བཅོམ་ལྡན་མར། །།རྡོར་དྲིལ་བཟུང་འཁྱུད་ལྷན་སྐྱེས་བདེ་བས་རོལ། །གནས་ལུས་ལོངས་སྤྱོད་དུས་གསུམ་དགེ་ཚོགས་རྣམས། །མ་རྣམས་དོན་དུ་ཕངས་མེད་བཏང་བར་བྱ། །སོ་ཐར་བྱང་སེམས་གསང་སྔགས་རྣམ་གསུམ་གྱི། །བཅས་མཚམས་སྲོག་གི་ཕྱིར་ཡང་འདོར་མི་བྱ། །ཐེག་གསུམ་རྒྱུད་སྡེ་བཞིས་བསྡུས་ལུང་རྟོགས་ཆོས། །ལེགས་བཟུང་ཐབས་ཀྱིས་འགྲོ་བ་ཡོངས་སུ་སྒྲོལ། །དགེ་འདིས་དུས་གསུམ་བདེ་གཤེགས་སྲས་བཅས་ཀྱི། །མཛད་སྨོན་འགྲུབ་དང་དམ་ཆོས་འཛིན་ཕྱིར་བསྔོ། །མཆོག་གསུམ་བྱིན་རླབས་རྟེན་འབྲེལ་མི་བསླུའི་མཐུས། །ལེགས་སྨོན་འགྲུབ་ནས་སངས་རྒྱས་མྱུར་ཐོབ་ཤོག །ཅེས་པ་འདི་ཐུན་དྲུག་རྒྱས་པ་ལྟར་གྱི་དམ་ཚིག་གི་གནད་རྣམས་ཚང་ཞིང༌། ཚིག་ཉུང༌། འཇུག་པ་བདེ་བས་འདི་ཉིད་ཉམས་སུ་བླང་བར་བྱའོ། །དེ་ཡང་ཡོངས་གྲགས་ཀྱི་ཐུན་དྲུག་རྣལ་འབྱོར་རྒྱས་པ་འདི་ཡང་ཚིག་ཉུང་འཁྱེར་བདེ་འདི་ལས་བསྡུས་པ་མི་དགོས་པ་ལྟར་ཡང༌། དེང་དུས་གལ་ཆུང་ཆོས་ལ་བྱེད་པའི་སྐབས་འདིར་འདི་ཙམ་འདོན་པ་ཡང་མི་ལྕོགས་པར་བསྐྱུར་བ་མང་ཞིང་། འགའ་ཞིག་དབང་པོ་ཤིན་ཏུ་བརྟུལ་བ་དང་།  རྒས་ཤིང་འཁོགས་པས་ཀློག་པ་ཙམ་ཡང་མི་ཤེས་ལ།  གཟུང་ཡང་མི་ནུས་པས་གཟུངས་སྔགས་འདྲེན་པ་ཙམ་ལ་སྐྱབས་་བྱེད་དགོས་པ་ཡང་མང་དུ་སྣང་བ་རྣམས་རྡོ་རྗེ་དམྱལ་བ་ལས་བསྲུང་ཕྱིར་བརྩེ་བའི་བསམ་པས་བཀོད་པ་ཡིན་པས། རྒྱས་པ་ནུས་བཞིན་དུ་བསྡུས་པའི་སླ་ཆོས་ནི་ནམ་ཡང་མ་མཛད་ཅིག  ཅེས་ཐལ་མོ་སྦྱར་ནས་གསོལ་བ་འདེབས་སོ།།  དེ་ལྟར་ཐུན་དྲུག་གི་རྣལ་འབྱོར་རྒྱས་བསྡུས་ཉམས་སུ་ལེན་ཚུལ་གྱི་མན་ངག་ཆ་ཚང་ཞིང་གསལ་ལ་ནག་འགྲོས་ཀྱི་ཚུལ་དུ་ཕྱོགས་གཅིག་ཏུ་བསྒྲིགས་པ་འགྲོ་དོན་འཕེལ།།
·རྩོམ་ཡིག་གོང་མ:མཆོག་སྤྲུལ་བསྟན་འཛིན་རྒྱ་མཚོ་མཇལ་བའི་དྲན་རྟེན་
·རྩོམ་ཡིག་འོག་མ:༼ ཤིག ༽
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
འབྲེལ་ཡོད་རྩོམ་ཡིག་མི་འདུག
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 6:54:33 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 9:31:47 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 14:09:03 [来自: 112.5.248.229]

འབྲེལ་ཡོད་དཔྱད་བརྗོད 48 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།23.44MS