ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་འདུ་ར། >> ཞལ་འདོན།
 རྩོམ་ཡིག་ཀློག་པ།

རྗེ་ཙོང་ཁ་པ་ཆེན་མོའི་བསྟོད་པ་རྣམ་དག་གངས་རི་མ།

  རྩོམ་པ་པོ:མཁས་གྲུབ་རྗེ།ཡོང་ཁུངས:གངས་ཅན་རིག་མཛོད།གཟིགས་གྲངས:2533ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2010/12/7 17:01:11ཚོགས་ཡར་སྤྲོད:ལྡོང་།
༄༅། །རྗེ་ཙོང་ཁ་པ་ཆེན་མོའི་བསྟོད་པ་
རྣམ་དག་གངས་རི་མ།

 
མཁས་གྲུབ་དགེ་ལེགས་དཔལ་བཟང་གིས་མཛད།
 
 ན་མོ་མཉྫུ་གྷོ་ཥཱ་ཡ།

རྣམ་དག་གངས་རིའི་ཕྲེང་བས་ཡོངས་བསྐོར་བའི། །
ཕྱོགས་འདིར་བདག་ཅག་མགོན་མེད་རྣམས་ཀྱི་མགོན། །
བློ་དམན་བསམ་པའི་ངོ་དང་འཚམས་པའི་སྐུ། །
སྟོན་མཛད་བླ་མ་མཆོག་ལ་བདག་ཕྱག་འཚལ།

ཁྱོད་ནི་སྐུ་ཚེ་དུ་མའི་སྔ་རོལ་ཏུ། །
རྗེ་བཙུན་འཇམ་དབྱངས་སྲས་ཀྱི་ཐུ་བོར་གྱུར། །
གཟུངས་སྤོབས་མངོན་ཤེས་ཏིང་འཛིན་དུ་མ་ལ། །
དབང་འབྱོར་ཆོས་ཀུན་རྣམ་དཔྱོད་སྤྱན་གྱིས་གཟིགས། །

ནམ་ཞིག་དེ་བཞིན་གཤེགས་པ་དབང་པོའི་ཏོག །
རྣམ་མང་འཁོར་གྱི་དབུས་ན་ཐེག་པ་མཆོག །
སྟོན་མཛད་འདུན་ས་ཆེ་དེར་འཇམ་པའི་དབྱངས། །
རྒྱལ་སྲས་རྒྱ་མཚོའི་འཁོར་དང་བཅས་ཏེ་གཤེགས། །

དེ་ཚེ་རྒྱལ་བ་དེ་ཡི་ཚངས་དབྱངས་ཀྱིས། །
རྒྱལ་སྲས་དཔའ་བོ་ལུས་དང་སྲོག་ལ་ཡང༌། །
ལྟོས་པ་མེད་པར་མ་དག་ཞིང་རྣམས་སུ། །
རྡོ་རྗེ་ཐེག་པའི་ལམ་བཟང་འདབ་བརྒྱ་པ། །

ཉིད་གཏམ་གྱི་དྲི་བཟང་རྫོགས་པ་ཡིས། །
ཡོངས་སུ་འགེངས་ལ་བཞུགས་པ་གང་ཡིན་པ། །
དེ་ནི་བྱང་ཆུབ་སེམས་དཔའི་སྤྱོད་ཀུན་གྱི། །
རབ་དང་ཕུལ་ཞེས་རྒྱ་ཆེར་བསྔགས་པ་ལས། །

བདག་ཉིད་ཆེ་ཁྱོད་སྙིང་སྟོབས་འོ་མའི་མཚོ། །
ཆེས་ཆེར་བསྐྱོད་པའི་རླབས་ཕྲེང་གཡོས་པ་ཡིས། །
རྒྱལ་བའི་འཁོར་མང་དབུས་ནས་མྱུར་བར་ལངས། །
མ་ཞུམ་ཤིན་ཏུ་མཐོ་བའི་སྒྲ་དབྱངས་ཀྱིས། །

བདག་ནི་གྲངས་མེད་མ་དག་ཞིང་རྣམས་སུ། །
སྟོང་ཉིད་ལྟ་དང་ཉེར་འབྲེལ་སྔགས་ཀྱི་ལམ། །
ལུས་དང་སྲོག་ལ་མི་ལྟ་འདོམས་པ་ཡིས། །
རྒྱལ་བ་དགྱེས་པའི་ལམ་བཟང་རྒྱས་བྱ་ཞེས། །

དམ་བཅས་སྨོན་ལམ་བཏབ་པའི་མོད་ཉིད་ལ། །
རྒྱལ་བ་དབང་པོའི་ཏོག་དང་ཕྱོགས་བཅུ་ཡི། །
རྒྱལ་བ་མ་ལུས་དབྱངས་དང་མགྲིན་གཅིག་ཏུ། །
ལེགས་སོ་ཁྱོད་ནི་སྙིང་སྟོབས་ཆེན་པོ་ཞེས། །

ཆེས་ཆེར་བསྔགས་ཤིང་ངོ་མཚར་ལྟས་མང་བསྟན། །
དེ་ནས་བརྩམས་ཏེ་སངས་རྒྱས་ཞིང་ཀུན་ཏུ། །
འདི་ཡི་མཚན་ནི་སྙིང་སྟོབས་ཆེན་པོ་ཞེས། །
རྒྱལ་བ་སྲས་བཅས་ཀུན་ལ་མཐུན་པར་གྲགས། །

དེ་ནས་དེར་ནི་བདེ་གཤེགས་དབང་པོའི་ཏོག །
སྐུ་ལས་འོད་ཟེར་བྱེ་བ་འབུམ་འགྱེད་ཅིང༌། །
འཛུམ་ལྡན་ཞལ་གྱིས་བདག་གི་དགེ་བའི་བཤེས། །
སྙིང་སྟོབས་ཆེ་དེ་འདི་ལྟར་ལུང་བསྟན་མཛད། །

ཁྱོད་ནི་དེང་ནས་བརྩམས་ཏེ་མ་དག་པའི། །
གྲངས་མེད་ཞིང་དུ་རྡོ་རྗེ་ཐེག་པའི་ལམ། །
ཟབ་མོ་དབུ་མའི་ལྟ་བས་ཡོངས་བཟུང་བ། །
རྒྱས་བྱེད་རླབས་ཆེན་སྤྱོད་པ་རྫོགས་བྱས་ཏེ། །

སངས་རྒྱས་ཞིང་མང་བརྒལ་བའི་བྱང་ཤར་མཚམས། །
ངོ་མཚར་རྨད་བྱུང་བཀོད་པའི་འཇིག་རྟེན་དུ། །
དེ་བཞིན་གཤེགས་པ་སེང་གེའི་ང་རོ་ཞེས། །
མངོན་པར་རྫོགས་པར་མྱུར་དུ་འཚང་རྒྱ་འགྱུར། །

ཞེས་གསུངས་དེ་ལྟར་འདི་ཉིད་སངས་རྒྱས་པའི། །
རྒྱལ་བ་སེང་གེའི་ང་རོའི་སྐུ་ཚེ་ནི། །
བསྐལ་པ་དཔག་མེད་ཐ་མལ་སྐུ་ཡི་ཚད། །
དཔག་ཚད་གཅིག་པ་མར་གད་མདོག་ལྟ་བུ། །

དཔག་ཚད་དུ་མའི་འོད་ལྡན་ཕྱག་གཡས་ནི། །
ཆོས་འཆད་གཡོན་པ་མཉམ་བཞག་ལ་གནས་པ། །
བདུད་རྩིས་གང་བའི་ལྷུང་བཟེད་དེའི་དབུས་ན། །
བདུད་རྩིའི་འོད་ལྡན་མཆོད་སྡོང་ཆེར་འཕགས་ཤིང༌། །

གྲངས་མེད་འོད་ཟེར་འགྱེད་པ་ལྷང་ངེར་གསལ། །
ཞིང་དེའི་གདུལ་བྱ་དབང་པོ་མཆོག་རྣམས་ཀྱིས། །
སྡོང་དེ་ཉིད་མཐོང་བའི་མོད་ཙམ་ལ། །
ཐེག་མཆོག་ལམ་བཟང་རྒྱུད་ལ་མངོན་དུ་བྱེད། །

འབྲིང་དང་ཐ་མའི་གདུལ་བྱའང་རྒྱལ་བ་དེས། །
སྔགས་ཚུལ་སྟོང་ཉིད་གཏམ་དང་ཉེར་འབྲེལ་བ། །
འདོམས་པའི་གསུང་གི་བདུད་རྩི་འཐུངས་ཙམ་ལས། །
དེ་ཡི་མོད་ལ་ལམ་བཟང་མངོན་དུ་བྱེད།།

ཞིང་དེའི་གདུལ་བྱ་ཀུན་ཀྱང་སྔགས་ཀྱི་ཚུལ། །
ཟབ་མོ་དབུ་མའི་ལྟ་དང་ཉེར་འབྲེལ་བ། །
ཁོང་དུ་ཆུད་པའི་མཐུ་ལས་སྲིད་པ་གཞན། །
ཉིང་མཚམས་མི་སྦྱོར་རྒྱལ་སྲས་ཤ་སྟག་གོ། །

དེ་ལྟར་འཚང་རྒྱ་བདག་ཅག་རྣམས་ཀྱི་སྐྱབས། །
འདྲེན་པ་མཆོག་དེའི་ཐུགས་ཀྱི་བཅུད་ཕྱུང་བ། །
རྒྱུད་སྡེ་རྒྱ་མཚོའི་དེ་ཉིད་ལེགས་རྟོགས་ནས། །
བཀའ་བཞིན་སྒྲུབ་པ་སྙིང་པོར་བྱེད་པར་ཤོག །

སྐྱེ་བ་ཀུན་ཏུ་ལུས་དང་སྲོག་ལ་ཡང༌། །
མི་ལྟ་སྔགས་ཀྱི་ཆོས་ཚུལ་ཀུན་བཟུང་ནས། །
རྒྱལ་བ་སེང་གེའི་ང་རོར་སངས་རྒྱས་པ། །
དེ་ཡི་འཁོར་གྱི་དང་པོར་བདག་གྱུར་ཅིག །

དེ་བཞིན་གཤེགས་པ་ཁྱེད་སྐུ་ཅི་དྲ། །
འཁོར་དང་སྐུ་ཚེའི་ཚད་དང་ཞིང་ཁམས་དང༌། །
ཁྱོད་ཀྱི་མཚན་མཆོག་བཟང་པོ་ཅི་འདྲ་བ། །
དེ་འདྲ་ཁོ་ནར་བདག་སོགས་འགྱུར་བར་ཤོག །

 
·རྩོམ་ཡིག་གོང་མ:འཇུ་མི་ཕམ་འཇམ་དབྱངས་རྣམ་རྒྱལ་རྒྱ་མཚོ།
·རྩོམ་ཡིག་འོག་མ:བྲོ་དང་གླུའི་དོན།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·བསྟོད་པ་བརྒྱ་ལྔ་བཅུ་པ་བཞུགས་སོ། 2015/7/12 17:50:18
·ཆོས་རྒྱལ་གྱི་བསྟོད་པ་བརྐྱང་བསྐུམ་མ། 2014/1/1 17:34:27
·ངེས་དོན་གྱི་སྐྱེས་བུ་དམ་པ་མཁན་པོ་ཚུལ་ཁྲིམས་བློ་གྲོས། 2013/8/3 10:46:24
·ཞུ་འཕྲིན་ཕོ་ཉ་གཞོན་ནུ་དོན་གྲུབ། 2011/7/12 16:13:57
·ཨ་མ་ངོ་ཤེས་ཀྱི་བརྫུན་ཚིག་བྲག་ཆའི་སྒྲ་དབྱངས། 2011/7/12 16:10:59
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/5 21:14:01 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/22 22:11:52 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/15 21:54:36 [来自: 112.5.248.229]

འབྲེལ་ཡོད་དཔྱད་བརྗོད 60 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།23.44MS