ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ཚངས་དབྱངས་འདུ་ར། >> དཔྱད་འགྲེལ།
 རྩོམ་ཡིག་ཀློག་པ།

མདོ་སྡེ་སྤྱིའི་རྣམ་གཞག་ལས་སངས་རྒྱས་ཕལ་པོ་ཆེའི་མདོའི་སྐབས་༢

  རྩོམ་པ་པོ:པད་དཀར་བཟང་པོ།ཡོང་ཁུངས:ངེད་དྲ་བ།གཟིགས་གྲངས:7649ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2013/7/14 11:04:24ཚོགས་ཡར་སྤྲོད:admin
མདོ་སྡེ་སྤྱིའི་རྣམ་གཞག་ལས། སངས་རྒྱས་ཕལ་པོ་ཆེའི་མདོའི་སྐབས་གཉིས་པ་བྱང་ཆུབ་སེམས་པའི་སྡེ་སྣོད་ཀྱི་མདོ།
 
པད་དཀར་བཟང་པོ།
 
    སངས་རྒྱས་ཕལ་པོ་ཆེ་ཞེས་བྱ་བ་ཤིན་ཏུ་རྒྱས་པ་ཆེན་པོའི་མདོ། སྐབས་གཉིས་པ་བྱང་ཆུབ་སེམས་དཔའི་སྡེ་སྣོད་འདི་གསུངས་པའི་གནས་དང་གཞལ་ཡས་ཁང་དང་ཁྲི་རྣམས་ནི་བཅོམ་ལྡན་འདས། ཐོག་མ་མངོན་པར་སངས་རྒྱས་པ། མ་ག་དའི་ཆོས་ཀྱི་དགོན་པའི་སྙིང་པོ་བྱང་ཆུབ་ལ་བཞུགས་ཏེ། བློ་ཤིན་ཏུ་རྣམ་པར་དག་པ་མི་གཉིས་པས་ཡང་དག་པར་སྤྱོད་པའི་མཚན་ཉིད་མེད་པ་ལ་ཤིན་ཏུ་གཞོལ་བ། སངས་རྒྱས་ཀྱི་རྣམ་པར་དཔྱོད་པས་སངས་རྒྱས་ཐམས་ཅད་དང་། མཉམ་པ་ཉིད་བརྙེས་པ། སྒྲིབ་པ་མེད་པས་རྟོགས་པར་ཐུགས་སུ་ཆུད་པ་ཕྱིར་མི་ལྡོག་པའི་ཆོས་ཅན། སྤྱོད་ཡུལ་མི་འཕྲོགས་པ་རྣམ་པར་དགོད་པ་བསམ་གྱིས་མི་ཁྱབ་པ་དུས་གསུམ་མཉམ་པ་ཉིད་ལ་ཤིན་ཏུ་འབྱུང་པ། ཕོ་བྲང་ཀུན་ཏུ་འོད་ན་སེང་གེའི་ཁྲི་པད་མོའི་སྙིང་པོ་ཅན་ལ་བཞུགས་ཏེ་ཞེས་པས་བསྟན་ཏོ། འཁོར་ནི། བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་ཀུན་ཀྱང་སྐྱེ་བ་གཅིག་གིས་ཐོགས་པས་འཇིག་རྟེན་གྱི་ཁམས་གཞན་དང་གཞན་ནས་འདུས་པ་སེམས་ཅན་གྱི་ཁམས་ལ་དཔྱོད་པ། ཆོས་ཀྱི་དབྱིངས་ལ་དཔྱོད་པ། འཇིག་རྟེན་གྱི་ཁམས་ལ་དཔྱོད་པ། མྱ་ངན་ལས་འདས་པའི་དབྱིངས་ལ་དཔྱོད་པ། བསམ་པའི་རྒྱུ་ལ་དཔྱོད་པ། དོན་དང་ཡི་གེ་ལ་དཔྱོད་པ། འཇིག་རྟེན་དང་འཇིག་རྟེན་ལས་འདས་པ་ལ་དཔྱོད་པ། འདུས་བྱས་དང་འདུས་མ་བྱས་ལ་དཔྱོད་པ། འདས་པ་དང་། མ་འོངས་པ་དང། ད་ལྟར་བྱུང་བ་ལ་དཔྱོད་པ་ཤ་སྟག་གོ །ཞེས་པས་བསྟན་ཏོ། ཞུ་བ་པོས་ཇི་ལྟར་ཞུས་པ་ནི། དེ་ནས་བྱང་ཆུབ་སེམས་དཔའ་དེ་དག་འདི་སྙམ་དུ་སེམས་ཏེ། བཅོམ་ལྡན་འདས་ཀྱིས་བདག་ལ་ཐུགས་བརྩེ་བར་དགོངས་ཏེ། བྱང་ཆུབ་སེམས་དཔའ་རྣམས་ཀྱི་བསམ་པ་ཇི་ལྟ་བ་བཞིན་དུ། སངས་རྒྱས་ཀྱི་ཞིང་ཡོངས་སུ་བསྟན་ཀྱང་རུང་། སངས་རྒྱས་ཀྱི་སྤྱོད་པ་ཡོངས་སུ་བསྟན་ཀྱང་རུང་། སངས་རྒྱས་ཀྱི་ཞིང་གི་རྒྱན་ཡོངས་སུ་བསྟན་ཀྱང་རུང་ཞེས་པ་ནས། གོང་དུ་དེ་བཞིན་གཤེགས་པའི་སྐུ་བསྟན་ཀྱང་རུང། གོང་དུ་དེ་བཞིན་གཤེགས་པའི་ཐུགས་བསྟན་ཀྱང་རུང་། གོང་དུ་དེ་བཞིན་གཤེགས་པའི་སྤོབས་པ་བསྟན་ཀྱང་རུང་།གོང་དུ་དེ་བཞིན་གཤེགས་པའི་ཡེ་ཤེས་བསྟན་ཀྱང་རུང་། གོང་དུ་དེ་བཞིན་གཤེགས་པའི་ཁྱུ་མཆོག་གི་མཐུ་བསྟན་ཀྱང་རུང་སྙམ་པ་དང་ཞེས་པའི་བར་གྱིས་བསྟན་ཏོ། སྟོན་པས་ཐུགས་ཀུན་བརྗོད་པའི་ཆོ་འཕྲུལ་གྱིས་གདུལ་བྱའི་བསམ་པ་མཁྱེན་ཅིང་། སྐུ་རྫུ་འཕྲུལ་གྱི་ཆོ་འཕྲུལ་གྱིས་འཁོར་བསྡུས་པ་ནི། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་དེ་དག་གི་སེམས་ཀྱི་ཡོངས་སུ་རྣམ་པར་རྟོག་པ་ཐུགས་ཀྱི་ཐུགས་སུ་ཆུད་ནས། དེ་བཞིན་གཤེགས་པའི་རྫུའཕྲུལ་མངོན་པར་འདུ་བྱ་བ་མངོན་པར་འདུ་མཛད་དོ། ཞེས་པ་ནས་སྟེང་ཕྱོགས་ལོགས་སུ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་འདས་པའི་འཇིག་རྟེན་གྱི་ཁམས་དྲ་བའི་མདོག་ཅེས་བྱ་བའི་དེ་བཞིན་གཤེགས་པ་རིགས་བྱེད་སྣ་ཚོགས་ཀྱི་སངས་རྒྱས་ཀྱི་ཞིང་ནས་བྱང་ཆུབ་སེམས་དཔའ་བཟང་པོའི་དཔལ། བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་ཏུ། བཅོམ་ལྡན་འདས་ག་ལ་བ་དེར་དོང་སྟེ་ཕྱིན་ནས། བཅོམ་ལྡན་འདས་ལ་ཕྱག་འཚལ་ཏེ། སྟེང་གི་ཕྱོགས་སུ་བསྟན་ནས་སེང་གེའི་ཁྲི་པད་མའི་སྙིང་པོ་ཅན་དག་མངོན་པར་སྤྲུལ་ཏེ། སྐྱིལ་མོ་དཀྲུང་བཅས་ཏེ་འཁོད་དོ། ཞེས་པའི་བར་གྱིས་བསྟན་ཏེ། བྱིན་གྱིས་བརླབས་པའི་སྟོན་པ་བྱང་ཆུབ་སེམས་དཔའ་འཇམ་དཔལ་གྱིས་ཆོས་བསྟན་པ་དང་། བྱང་ཆུབ་སེམས་དཔའ་བཟང་པོ་དཔལ་གྱིས་ཆོས་བསྟན་པ་དང་། བྱང་ཆུབ་སེམས་དཔའ་ཆོས་ཀྱི་བློ་གྲོས་ཀྱིས་ཆོས་བསྟན་པ་དང་། བྱང་ཆུབ་སེམས་དཔའ་ཡོན་ཏན་དང་ལྡན་པས་ཆོས་བསྟན་པ་རྣམས་ནི་དེ་ནས་བྱང་ཆུབ་སེམས་དཔའ་འཇམ་དཔལ་གྱིས་སངས་རྒྱས་ཀྱི་བྱིན་བརླབས་ཀྱིས་བྱང་ཆུབ་སེམས་དཔའ་དགེ་འདུན་ཐམས་ཅད་ལ་བལྟས་ཏེ་འདི་སྐད་ཅེས་སྨྲས་སོ་ཞེས་པ་ནས། གཏེར་མི་ཟད་པ་བཅུ་བསྟན་པའི་ལེའུ་སྟེ་ཉི་ཤུ་བདུན་པ་ཞེས་པའི་བར་གྱིས་བསྟན་ཏོ། ཆོས་འདིའི་དགོས་པའི་དོན་ནི། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་གང་ལ་བསླབ་པར་བྱ་བའི་བྱང་ཆུབ་སེམས་དཔའ་སྤྱོད་པ་རླབས་པོ་ཆེ་རྣམ་པ་ཐམས་ཅད་པ་བདེ་བླག་ཏུ་རྟོགས་ཏེ་ཉམས་སུ་བླངས་པས་མྱུར་དུ་མངོན་པར་རྫོགས་པར་སངས་རྒྱ་བའོ། བསྡུས་པའི་དོན་ནི། ལེའུ་བཅུ་དྲུག་ལས། འཇམ་དཔལ་གྱིས་བསྟན་པ་ལ། སངས་རྒྱས་ཀྱི་མཚན་གྱིས་རྣམ་གྲངས་ཤིན་ཏུ་བསྟན་པ་ཞེས་བྱ་སྟེ་ལེའུ་བཅུ་གཉིས་པ་དང་། འཕགས་པའི་བདེན་པའི་ལེའུ་ཞེས་བྱ་སྟེ་བཅུ་གསུམ་པ་དང་། དེ་བཞིན་གཤེགས་པའི་འོད་ཟེར་ལས་རྣམ་པར་སངས་རྒྱས་པའི་ལེའུ་ཞེས་བྱ་སྟེ་བཅུ་བཞི་པ་དང། བྱང་ཆུབ་སེམས་དཔའ་དྲིས་པ་སྣང་པ་ཞེས་བྱ་བའི་ལེའུ་སྟེ་བཅོ་ལྔ་པ་དང་། སྤྱོད་ཡུལ་ཡོངས་སུ་དག་པའི་ལེའུ་ཞེས་བྱ་སྟེ་བཅུ་དྲུག་པ་རྣམས་དང། བྱང་ཆུབ་སེམས་དཔའ་བཟང་པོ་དཔལ་གྱིས་བསྟན་པ་ལ། བཟང་པོ་དཔལ་གྱི་ལེའུ་ཞེས་བྱ་སྟེ་བཅུ་བདུན་པའོ། བྱང་ཆུབ་སེམས་དཔའ་ཆོས་ཀྱི་བློ་གྲོས་ཀྱིས་ཆོས་སྟོན་པའི་གླེང་གཞི་བསྟན་པ་ནི། དེ་བཞིན་གཤེགས་པ་ཐམས་ཅད་ཀྱི་རི་རབ་ཀྱི་རྩེ་མོར་གཤེགས་པའི་ལེའུ་ཞེས་བྱ་སྟེ་བཅོ་བརྒྱད་པ་དང་། རི་རབ་ཀྱི་རྩེར་བྱང་ཆུབ་སེམས་དཔའ་འདུས་པས་ཚིགས་སུ་བཅད་པ་བསྟན་པའི་ལེའུ་ཞེས་བྱ་སྟེ་བཅུ་དགུ་པ་དང་། བྱང་ཆུབ་སེམས་དཔའ་རྣམ་པར་འགོད་པ་བཅུ་བསྟན་པའི་ལེའུ་ཞེས་བྱ་སྟེ་ཉི་ཤུ་པ་དང་། ཚངས་པར་སྤྱོད་པའི་ལེའུ་ཞེས་བྱ་སྟེ་ཉི་ཤུ་རྩ་གཅིག་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སེམས་དང་པོ་བསྐྱེད་པའི་བསོད་ནམས་ཀྱི་ཕུང་པོ་དཔེ་ཡང་དག་པར་བརྩེགས་པ་ཚིགས་སུ་བཅད་པའི་ལེའུ་ཞེས་བྱ་སྟེ་ཉི་ཤུ་རྩ་གཉིས་པ་དང་། ཆོས་སྣང་པའི་ལེའུ་ཞེས་བྱ་སྟེ་ཉི་ཤུ་རྩ་གསུམ་པ་དང་། བྱང་ཆུབ་སེམས་དཔའ་ཡོན་ཏན་ལྡན་པས་ཆོས་སྟོན་པའི་གླེང་གཞི་ནི་རབ་འཚོ་མའི་གནས་ན་བཞུགས་པ་རྣམ་པར་འཕྲུལ་པའི་ལེའུ་ཞེས་བྱ་སྟེ་ཉི་ཤུ་རྩ་བཞི་པ་དང་། རབ་འཚོ་མའི་གནས་སུ་བྱང་ཆུབ་སེམས་དཔའ་འདུས་པས་ཚིགས་སུ་བཅད་པ་བསྟན་པའི་ལེའུ་ཞེས་བྱ་སྟེ་ཉི་ཤུ་རྩ་ལྔ་པ་དང་། ཡོན་ཏན་གྱི་མེ་ཏོག་ཤིན་ཏུ་བརྩེགས་པ་ཞེས་བྱ་བ་བྱང་ཆུབ་སེམས་དཔའི་སྤྱོད་པ་བསྟན་པའི་ལེའུ་ཞེས་བྱ་སྟེ་ཉི་ཤུ་རྩ་དྲུག་པ་དང་། གཏེར་མི་ཟད་པ་བཅུ་བསྟན་པའི་ལེའུ་ཞེས་བྱ་སྟེ་ཉི་ཤུ་རྩ་བདུན་པ་རྣམས་ཀྱིས་བསྟནཔའོ། ཚིག་གི་དོན་ནི་གཞུང་ཇི་ལྟར་བ་བཞིན་ནོ། གྲུབ་མཐའ་ནི་རྣལ་འབྱོར་སྤྱོད་པའི་དབུ་མ་དང་། རིགས་ཤེས་དང་མཉམ་བཞག་ནི་སྣང་བཅས་སོ། ཐེག་པ་ནི་མཐར་ཐུག་གཅིག་གོ །དེ་ལྟར་བསྟན་པས་འགྲོ་བ་ཀུན། བྱང་ཆུབ་སེམས་དཔའི་སྡེ་སྣོད་རྣམས། ཚུལ་བཞིན་ཁོང་དུ་ཆུད་གྱུར་ནས། ཐམས་ཅད་མཁྱེན་པ་ཐོབ་པར་ཤོག །  ༼མུ་འགོད།
·རྩོམ་ཡིག་གོང་མ:མདོ་སྡེ་སྤྱིའི་རྣམ་གཞག་ལས་སངས་རྒྱས་ཕལ་པོ་ཆེའི་སྐོར།
·རྩོམ་ཡིག་འོག་མ:གྲུབ་མཐའི་སྡོམ་ཚིག་ཤེས་རབ་སྒོ་འབྱེད་༣
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
·མདོ་སྡེ་སྤྱིའི་རྣམ་གཞག་ལས་སངས་རྒྱས་ཕལ་པོ་ཆེའི་སྐོར། 2013/7/12 18:56:07
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 8:09:37 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 11:04:05 [来自: 112.5.248.152]

 评论者:a6TVn6te
https://www.bj-arts.com/index/cate/cid/8.html
https://www.bj-arts.com/index/cate/cid/9.html
https://www.bj-arts.com/article/index.html
https://www.bj-arts.com/index/cate/cid/10.html
https://www.bj-arts.com/index/cate/cid/11.html
发表时间:2018/11/14 15:06:18 [来自: 112.5.248.229]

འབྲེལ་ཡོད་དཔྱད་བརྗོད 48 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།24.90MS