ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> རྩོམ་ཡིག་ལྟེ་གནས། >> ངག་རིག་འདོད་འཇོ། >> དམངས་རྩོམ།
 རྩོམ་ཡིག་ཀློག་པ།

ཆང་སྐྱེམས་བསྟོད་པ་བདེ་བ་འབུམ་རྫོགས།

  རྩོམ་པ་པོ:རྟ་མགྲིན་གྱིས་བསྡུས།ཡོང་ཁུངས:མཚོ་སྔོན་མང་ཚོགས་སྒྱུ་རྩལ།གཟིགས་གྲངས:1810ཡིག་གཟུགས:ཡིག་གཟུགས་ཀྱི་མདོག
 ཀློག་དབང་།:འགྲུལ་པའི་ཐོབ་ཐང་།ཚོགས་མའི་གྲོན་དངུལ:0ཞུགས་དུས:2009/11/18 13:29:03ཚོགས་ཡར་སྤྲོད:ངེད།
ཆང་སྐྱེམས་བསྟོད་པ་བདེ་བ་འབུམ་རྫོགས།
···
ད་ངས་ཉི་ཤར་གྱི་རྩེ་མོ་དང༌།  རྟེན་འབྲེལ་གྱི་འགོ་མ་ལ།    ནས་འབྲུ་སྔོན་མོའི་ཉིང་ཁུ།  བདག་གཞི་མགྲོན་གཉིས་ཀྱི་སྤྱི་མ།  གླུ་ཀུ་རེ་གཉིས་ཀྱི་སྒོ་འབྱེད།  ཆང་བདུད་རྩི་འདིར་བཤད་པ་ལན་གསུམ་རེ་བརྗོད་ན། །
ངའི་ལག་གི་བདུད་རྩི་ཆང་དཀར་འདིའི། ། ཁ་ན་མི་འཇིག་གཡུང་དྲུང་ཡོད། །
སྐེད་ན་བཀྲ་ཤིས་རྟགས་བརྒྱད་ཡོད། ། ཞབས་ན་པད་མ་འདབ་བརྒྱད་ཡོད། །
ནང་ན་བདུད་རྩི་ཟིལ་མ་ཡོད། །བདག་གཞི་མགྲོན་གཉིས་ཀྱི་གསོལ་སྐལ་ཡིན་ཟེར་རྒྱུ། །
ད་ངས་བདུད་རྩི་ཆང་འདིའི་བྱུང་སྲོལ་ཚོ་བཤད་ན། ། སྔོན་བསྐལ་བ་དང་པོའི་དུས་སྐབས་སུ། །
མི་མགོ་ནག་རྣམས་ཀྱིས་ནས་འབྲུ་བཙལ། ། དུས་དང་པོར་ལྷ་ཡུལ་ཁམས་ལ་བཙལ། །
དེའི་འཕྲོ་ནས་འཇིག་རྟེན་ཁམས་ལ་བཙལ། ། དུས་མཐའ་མར་ཀླུ་ཡུལ་ཁམས་ནས་རྙེད། །
ས་དོག་མོ་དྲོད་ཀྱིས་དྲོས་དུས་སུ། ། ཆུ་གཙང་བོའི་ཆབ་རོམ་ཞི་དུས་སུ། །
ཞིང་ལུད་རྫས་སྨན་ཆུ་གཏོར་གཏོར་བྱས། ། ནས་སོན་བཟང་ཆར་བ་འབབ་འབབ་བྱས། །
ཆུ་གཙང་བོ་གསོལ་ཇ་འདྲེན་འདྲེན་བྱས། ། ནས་མྱུ་གུ་རྦ་རླབས་འཕྱུར་འཕྱུར་བྱས། །
ཟོར་གོར་མོས་ཐང་མ་སྡུད་སྡུད་བྱས། ། ཆང་བསྙལ་བའི་རྟེན་འབྲེལ་དེ་ནས་འགྲིག །
ལག་ལས་ཀ་ཅན་གྱི་མ་སྲུ་ཚོས། ། ཟངས་སེར་པོའི་འཁར་ཟངས་གོར་མོ་ལ། །
ཆུ་གཙང་མོ་བླུགས་ནས་དག་འཁྲུད་བྱས། ། ཤིང་འབྲུ་ཤུག་བདུགས་ནས་དག་གཙང་བྱས། །
ཐབ་གྲུ་བཞི་གསེར་ཁྲི་སྟེང་དུ་བསྐྱོན། ། ནས་སྔོན་མོ་བླུགས་ནས་རླངས་བཙོ་བྱས། །
སྟོད་རྒྱ་གར་ཡུལ་གྱི་སྨན་རྩི་བསྲེས། ། སྨད་རྒྱ་ནག་ཡུལ་གྱི་ཆང་བཅུད་བསྲེས། །
ཁྱོན་ཡངས་པའི་གཡུ་རྫ་མདོང་མོར་བསྙལ། ། ལོ་ལ་བསྙལ་ནས་ལོ་ཆང་བཙགས། །
ཟླ་ལ་བསྙལ་ནས་ཟླ་ཆང་བཙགས། ། ཞག་ལ་བསྙལ་ནས་ཞག་ཆང་བཙགས། །
ཆང་འགོ་མའི་འགོ་མ་འབབ་དུས་ན། ། ཤིང་ཙན་དན་འདྲ་བའི་དྲི་ཞིག་ཁྱབ། །
ཤེལ་དྭངས་མ་འདྲ་བའི་མདངས་ཤིག་ཤར། ། དེ་བླངས་ནས་ནམ་མཁའི་ལྷ་ལ་མཆོད། །
ལྷ་ཆོས་སྐྱོང་སྲུང་མས་མགོན་སྐྱབས་བྱས། ། མི་མགོ་ནག་སྐྱིད་དོན་དེ་རེད་ཟེར། །
ཆང་བར་མའི་བར་མ་འབབ་དུས་སུ། ། ཟས་སྦྲང་རྩི་འདྲ་བའི་དྲི་ཞིག་ཁྱབ། །
གཡུ་དྭངས་མ་འདྲ་བའི་མདངས་ཤིག་ཤར། ། དེ་བླངས་ནས་གཉེན་པོ་བཙན་ལ་མཆོད། ། 
བཙན་གཉེན་པོ་དགྱེས་ནས་སྡོངས་གྲོགས་མཛད། ། མི་མགོ་ནག་བཙན་དོན་དེ་རེད་ཟེར། །
ཆང་གཞུག་མའི་གཞུག་མ་འབབ་དུས་སུ། ། ཟས་བུ་རམ་འདྲ་བའི་དྲི་ཞིག་ཁྱབ། །
ཆུ་དྭངས་མོ་འདྲ་བའི་མདངས་ཤིག་ཤར། ། དེ་བླངས་ནས་འོག་གི་ཀླུ་ལ་མཆོད། །
ཀླུ་གདེངས་ཅན་དགྱེས་ནས་ཕྱྭ་གཡང་གནང༌། །མི་མགོ་ནག་ཕྱུག་དོན་དེ་རེད་ཟེར། །
ཆང་བྱུང་སྲོལ་བཤད་ན་དེ་འདྲ་རེད་ཟེར་རྒྱུ། ། 
···
ད་ངས་ཆང་བདུད་རྩི་འདིའི་ཆེ་བ་རྣམ་གསུམ་བརྗོད་ན། །
འདི་ལོ་ལ་བསྙལ་བའི་ལོ་ཆང་ཡིན། ། ལོ་ཆང་བདུད་རྩི་ཁམ་པ་ཡིན། །
ཟླ་ལ་བསྙལ་བའི་ཟླ་ཆང་ཡིན། ། ཟླ་ཆང་བདུད་རྩི་ཟིལ་མ་ཡིན། །
ཞག་ལ་བསྙལ་བའི་ཞག་ཆང་ཡིན། ། ཞག་ཆང་བདུད་རྩི་འཁྱིལ་བ་ཡིན། །
གངས་ཅན་ཡུལ་གྱི་ནས་བཅུད་ཡིན། ། འཇིག་རྟེན་སྲིད་པའི་སྒྲུབ་ཆང་ཡིན། །
གེ་སར་རྒྱལ་བོའི་གསོལ་ཆང་ཡིན། ། སྔགས་པ་རྣམས་ཀྱི་བུམ་ཆང་ཡིན། །
མཁས་པ་རྣམས་ཀྱི་གཏམ་ཆང་ཡིན། ། གཉེན་པོ་རྣམས་ཀྱི་སྟོན་ཆང་ཡིན། །
དཔའ་བོ་རྣམས་ཀྱི་དཔའ་ཆང་ཡིན། ། གཞོན་པ་རྣམས་ཀྱི་རྩེད་ཆང་ཡིན། །
ཆེ་རྒན་པ་བཀུར་བའི་འབུལ་བ་ཡིན། །མགྲོན་ཚུར་ཡོང་རྣམས་ཀྱི་བསུ་བ་ཡིན། །
མགྲོན་ཕར་འགྲོ་རྣམས་ཀྱི་རྫོངས་པ་ཡིན། །གྲོགས་བློ་མཐུན་སྒྲིག་པའི་བར་བ་ཡིན། །
གཏམ་ཀུ་རེ་འབྱེད་པའི་ལྡེ་མིག་ཡིན། ། གླུ་རྩེད་རིག་གཉིས་ཀྱི་སྒོ་འབྱེད་ཡིན། །
ཐག་ཉེ་རིང་མེད་པར་གྲོགས་པོ་ཡིན། ། སྨན་ནད་དུག་འཇོམས་པའི་གཉེན་པོ་ཡིན། །
སྐྱིད་མི་ལ་རེ་བའི་བརྔན་པ་ཡིན། ། གཉེན་ཉེ་བོ་སྒྲིག་པའི་ཉེ་རྟགས་ཡིན། །
སྨན་བཟང་བོ་བསྡེབས་པའི་གྲུབ་ཆ་ཡིན། ། སྐྱིད་གནམ་ལོ་གསར་བའི་ཟས་མཆོག་ཡིན། །
སྒོས་རྟགས་ཀ་སྟོན་མོའི་རྒྱན་ཆ་ཡིན། །
ཉིན་དེ་རིང་མགྲོན་པོའི་གསོལ་ཆང་ཡིན་ཟེར་རྒྱུ། །
····
ད་ངས་ཆང་འདིའི་བཟང་བ་རྣམ་གསུམ་རེ་བརྗོད་ན། །
སྟེང་ལྷ་ལ་མཆོད་ན་མགོན་སྐྱབས་གནང༌། ། བར་བཙན་ལ་མཆོད་ན་སྡོངས་གྲོགས་མཛད། །
འོག་ཀླུ་ལ་མཆོད་ན་ཕྱྭ་གཡང་བསྩལ། ། ཕྱི་མགྲོན་པོར་དྲངས་ན་འགྲུལ་ངོ་ལོན། །
ནང་ཕ་ཁུར་དྲངས་ན་ཐུགས་དགོངས་དགྱེས། ། ཕ་ཨ་ཁུས་འཐུངས་ན་དགྲ་ལྷ་འཁོར། །
སྟག་ཤར་བས་འཐུངས་ན་དཔའ་རྩལ་རྒྱས། ། མ་བུ་མོས་འཐུངས་ན་ཟས་ལྷ་འཁོར། །
གཏམ་བཤད་དུས་འཐུངས་ན་ཁ་ལྕེ་བདེ། ། གླུ་ལེན་དུས་འཐུངས་ན་སྐད་ངག་བདེ། །
སེམས་སྐྱིད་དུས་འཐུངས་ན་ཚེ་ཐག་རིང༌། །  ཡིད་སྐྱོ་དུས་འཐུངས་ན་སྤྲོ་བ་འཕེལ། ། 
ཐང་ཆད་དུས་འཐུངས་ན་ངལ་བ་སངས། ། བློ་དུབ་དུས་འཐུངས་ན་རིག་པ་རྒྱས། །
ལུས་གྲང་དུས་འཐུངས་ན་དྲོད་ཤ་སྟེར། ། དགུང་ཉལ་ཁར་འཐུངས་ན་གཉིད་ཀྱང་ཁུག
ལམ་རིང་བོ་བརྒྱུད་དུས་འགྲོ་རོགས་ཉན། ། རང་གཅིག་པུ་ཡིན་དུས་འདུག་རོགས་ཉན། །
གྲོགས་བཟང་པོར་ཐུག་དུས་ལབ་རོགས་ཉན་ཟེར་རྒྱུ། །
····
ད་ངས་ཡོན་ཏན་བརྒྱ་དང་ལྡན་པའི་བདུད་རྩི་འདི། །
དང་བོར་ནམ་མཁའི་ལྷ་ལ་མཆོད། ། མི་མགོ་ནག་རྣམས་ལ་བདེ་སྐྱིད་སྩོལ། །
དེ་ནས་གཉན་པོ་བཙན་ལ་མཆོད། ། མི་མགོ་ནག་རྣམས་ལ་སྡོངས་གྲོགས་མཛད། །
དེ་ནས་གདེངས་ཅན་ཀླུ་ལ་མཆོད། ། མི་མགོ་ནག་རྣམས་ལ་ཕྱྭ་གཡང་སྩོལ། །
དེ་ནས་ཁྲོམ་པའི་གྲལ་ལ་འདྲེན། ། སྐྱིད་ལ་གླུ་ལེན་གར་རྩེ་བྱོས་ཟེར་རྒྱུ།།  །།
       རྟ་མགྲིན་གྱིས་བསྡུས་པ།  མཚོ་སྔོན་མང་ཚོགས་སྒྱུ་རྩལ་༨༥ལོའི་དེབ་༤པ་ལས་བདམས། ། 
·རྩོམ་ཡིག་གོང་མ:ལྷ་ས་འགྲོ་མྱོང་མེད་ན་ངས་གང་བཤད་རེད།
·རྩོམ་ཡིག་འོག་མ:ཉིག་ཡོར་གྱི་ཉིན་ཐོ།
འདྲ་ཕབ། 】 【 པར་འདེབས།
 འབྲེལ་ཡོད་རྩོམ་ཡིག
འབྲེལ་ཡོད་རྩོམ་ཡིག་མི་འདུག
གསལ་བསྒྲགས།:དོ་དམ་པའི་དགོངས་འཁྲོལ་མེད་ཚེ། གང་འདོད་ལྟར་བསྐྱར་བཤུ་རྒྱག་པའམ་བརྒྱུད་འགོད་སོགས་བྱེད་མི་རུང་། གལ་སྲིད་དྲ་ངོས་སུ་ནོར་སྐྱོན་ཡོད་ན་སྐུ་ཉིད་ཀྱིས་འབྲེལ་གཏུགས་གནང་རོགས། ང་ཚོས་མྱུར་དུ་བཟོ་བཅོས་རྒྱག་ངེས།
 འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 15:34:06 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 19:55:20 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/17 6:01:43 [来自: 112.5.248.229]

འབྲེལ་ཡོད་དཔྱད་བརྗོད 74 འདུག,མིག་སྔར་རྩོམ་ཡིག་གསར་པ 3 འདུག    [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།25.39MS