ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> གསར་འགྱུར། >> འཕྲུལ་གྱི་རྒྱང་ཤེལ། >> ཁྲིམས་ལུཊ
  གསར་འགྱུར་ཀློག་པ།

ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས།

[རྩོམ་པ་པོ:རྩ་ཁྲིམས།  ཡོང་ཁུངས:བོད་ཀྱི་སྐད་ཡིག་དྲ་བ་ལས།  དུས་ཚོད:2012/2/11 11:28:05  བཀླགས་ཐེངས:1850][ཡིག་གཟུགས:ཡིག་གཟུགས་མདོག]
    ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས།  ཚན་བཤུས། 
 
བོད་ཀྱི་སྐད་ཡིག་དྲ་བ་ལས།
 
                                          གླེང་གཞི།

    ཀྲུང་གོ་ནི་འཛམ་གླིང་སྟེང་ལོ་རྒྱུས་ཆེས་ཡུན་རིང་ལྡན་པའི་རྒྱལ་ཁབ་ཞིག་ཡིན། ཀྲུང་གོ་མི་རིགས་སོ་སོའི་མི་དམངས་ཀྱིས་ཐུན་མོང་དུ་འོད་སྟོང་འབར་བའི་རིག་གནས་གསར་གཏོར་བྱས་ཡོད་པ་དང༌། གཟི་བརྗིད་ཅན་གྱི་གསར་བརྗེའི་སྲོལ་རྒྱུན་ལྡན་ཡོད།
 ཀྲུང་གོ་མི་དམངས་ཀྱིས་རྒྱལ་ཁབ་གྱི་རང་བཙན་དང༌། མི་རིགས་ཀྱི་བཅིངས་འགྲོལ། དམངས་གཙོ་རང་དབང་བཅས་ཀྱི་ཆེད་དུ་སྔོན་འགྱེལ་རྗེས་མཐུད་གྱིས་དཔའ་ངར་ཆེན་པོ་ངང་འབད་ཐབས་བྱས།
  ཀྲུང་གོ་མི་དམངས་སྤྱི་མཐུན་རྒྱལ་ཁབ་དབུ་བརྙེས་རྗེས། རང་རྒྱལ་གྱི་སྤྱི་ཚོགས་ཏེ་དམངས་གཙོ་རིང་ལུགས་གསར་པ་ནས་རིམ་བཞིན་སྤྱི་ཚོགས་རིང་ལུགས་སུ་བར་བརྒལ་མངོན་དུ་འགྱུར། ཐོན་སྐྱེད་རྒྱུ་ཆ་སྒེར་ལ་དབང་བའི་ལམ་ལུགས་ཀྱི་སྤྱི་ཚོགས་རིང་ལུགས་བསྒྱུར་བཀོད་ལེགས་པ་གྲུབ། མི་མིར་བཤུ་གཞོག་བྱས་པའི་ལམ་ལུགས་རྩ་མེད་དུ་བཏང་ནས་སྤྱི་ཚོགས་རིང་ལུགས་ཀྱི་ལམ་ལུགས་དངོས་སུ་ཚུགས། བཟོ་པ་གྲལ་རིམ་གྱི་མགོ་ཁྲིད་བྱས་པའི་བཟོ་ཞིང་མནའ་འབྲེལ་རྨང་གཞི་བྱས་པའི་མི་དམངས་དམངས་གཙོ་སྲིད་དབང་སྒེར་འཛིན་ཏེ་འབྱོར་མེད་གྲལ་རིམ་གྱི་སྲིད་དབང་སྒེར་འཛིན་སྲ་བརྟན་དང་འཕེལ་རྒྱས་བྱུང༌། ཀྲུང་གོ་མི་དམངས་དང་ཀྲུང་གོ་མི་དམངས་བཅིངས་འགྲོལ་དམག་གིས་བཙན་རྒྱལ་རིང་ལུགས་དང་བཙན་དབང་རིགས་ལུགས་ཀྱིས་བཙན་འཛུལ་དང་གཏོར་བརླག དྲག་པོའི་འཁྲུག་རྐྱེན་ལས་རྣམ་པ་རྒྱལ་བས། རྒྱལ་ཁབ་གྱི་རང་བཙན་དང་བདེ་འཇགས་འགན་སྲུང་བྱས་པ་དང་རྒྱལ་སྲུང་གི་སྟོབས་ཤུགས་ཇེ་ཆེར་བྱུང༌།  དཔལ་འབྱོར་འཛུགས་སྐྲུན་ཐད་གལ་ཆེ་བའི་གྲུབ་འབྲས་ཐོབ། རང་ཚུགས་དང་ཅུང་ཆ་ཚང་བའི་སྤྱི་ཚོགས་རིང་ལུགས་བཟོ་ལས་མ་ལག་གཞི་རྩའི་ཐོག་ནས་གཞིར་ཆགས། ཞིང་ལས་ཐོན་སྐྱེད་མངོན་གསར་མཐོ་འདེགས་བྱུང་བ་དང༌། སློབ་གསོ་དང་ཚན་རིག རིགས་གནས་སོགས་བྱ་བཞག་ལ་འཕེལ་རྒྱས་ཆེན་པོ་བྱུང༌། སྤྱི་ཚོགས་རིང་ལུགས་ཀྱི་བསམ་པའི་སློབ་གསོ་ལ་གྲུབ་འབྲས་མངོན་གསར་ཐོབ། རྒྱ་ཆེ་བའི་མི་དམངས་ཀྱི་འཚོ་བར་ལེགས་སྒྱུར་ཆེན་པོ་བྱུང༌།
   རང་རྒྱལ་ནི་དུས་ཡུན་རིང་པོའི་ནང་སྤྱི་ཚོགས་རིང་ལུགས་དམའ་རིམ་དུས་སྐབས་སུ་གནས་ཤིང་རྒྱལ་ཁབ་ཀྱི་གཞི་རྩའི་ལས་འགན་ནི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་འགྲོ་ལམ་བརྒྱུད་དེ་སྟོབས་ཤུགས་གཅིག་བསྡུས་ཀྱིས་སྤྱི་ཚོགས་རིང་ལུགས་དེར་རབ་ཅན་འཛུགས་སྐྲུན་བྱེད་རྒྱུ། ཀྲུང་གོའི་མི་རིགས་ཁག་གི་མི་དམངས་ཀྱིས་མུ་མཐུད་དུ་ཀྲུང་གོ་གུང་ཁྲན་ཏང་གིས་འགོ་ཁྲིད་འོག མར་ལེན་རིང་ལུགས་དང༌། མོའ་ཙེ་ཏུང་གི་དགོངས་པ། ཏེང་ཞའོ་ཕིང་གི་རིགས་པའི་གཞུང་ལུགས་དང་མཚོན་བྱེད་གསུམ་གྱི་གལ་ཆེ་བའི་བསམ་བློའི་མཛུབ་སྟོན་འོག་མི་དམངས་དམངས་གཙོ་སྲིད་དབང་སྒེར་འཛིན་རྒྱུན་འཁྱོངས་བྱེད་པ་དང༌། སྤྱི་ཚོགས་རིང་ལུགས་ཀྱི་ལམ་ལུགས་རྒྱུན་འཁྱོངས་བྱེད་པ།  བསྒྱུར་བཅོས་སྒོ་འབྱེད་རྒྱུན་འཁྱོངས་བྱེད་དེ་སྤྱི་ཚོགས་རིང་ལུགས་ཀྱི་སྒྲིག་ སྲོལ་རྒྱུན་མི་ཆད་པ་འཐུས་ཚང་དུ་བཏང་བ་དང༌། སྤྱི་ཚོགས་རིང་ལུགས་ཀྱི་ཚོང་རའི་དཔལ་འབྱོར་དང་སྤྱི་ཚོགས་རིང་ལུགས་ཀྱི་དམངས་གཙོ་འཕེལ་རྒྱས་གཏོང་བ་དང༌། སྤྱི་ཚོགས་རིང་ལུགས་ཀྱི་ཁྲིམས་སྲོལ་འཐུས་ཚང་དུ་བཏང་བ། རང་སྟོབས་རང་སྤེལ། དཀའ་སྤྱད་འབད་བརྩོན། བཟོ་ལས་དང་ཞིང་ལས། རྒྱལ་སྲུང༌། ཚན་རིག་ལག་རྩལ་དེར་རབ་ཅན་ཏུ་རིམ་བཞིན་མངོན་ཏུ་གྱུར་ནས་དངོས་པོའི་དཔལ་ཡོན་དང་ཆབ་སྲིད་དཔལ་ཡོན། བསམ་པའི་དཔལ་ཡོན་མཐུན་འཆམ་ངང་སྐུལ་འདེད་གཏོང་ནས་རང་རྒྱལ་ནི་སྟོབས་འབྱོར་དང་དམངས་གཙོ། ཤེས་རིག་ལྡན་པའི་སྤྱི་ཚོགས་རིང་ལུགས་རྒྱལ་ཁབ་ཞིག་འཛུགས་སྐྲུན་བྱེད་རྒྱུ།
 ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ནི་རྒྱལ་ཡོངས་མི་རིགས་སོ་སོའི་མི་དམངས་ཀྱིས་ཐུན་མོང་གསར་འཛུགས་བྱས་པའི་གཅིག་གྱུར་གྱི་མི་རིགས་མང་བའི་རྒྱལ་ཁབ་ཞིག་ཡིན། འདྲ་མཉམ་དང་མཐུན་སྒྲིལ། མཉམ་ལས་ཀྱི་སྤྱི་ཚོགས་རིང་ལུགས་མི་རིགས་ཀྱི་འབྲེལ་བ་ཚུགས་ཡོད་པ་མ་ཟད་ད་དུང་མུ་མཐུད་དུ་ཤུགས་སྣོན་བྱ་རྒྱུ། མི་རིགས་མཐུན་སྒྲིལ་གྱི་འཐབ་རྩོད་འགན་སྲུང་བྱེད་པའི་ཁྲོད་མི་རིགས་ཆེན་པོ་རིང་ལུགས་ལ་ངོ་རྒོལ་བྱེད་དགོས་པ་དང་གཙོ་བོ་རྒྱ་རིགས་ཆེན་པོ་རིང་ལུགས་ལ་ངོ་རྒོལ་བྱེད་དགོས་པ་དང་ས་གནས་མི་རིགས་རིང་ལུགས་ལ་ཡང་ངོ་རྒོལ་བྱེད་དགོས། རྒྱལ་ཁབ་གྱིས་འབད་བརྩོན་གང་ལེགས་བྱས་ཏེ་རྒྱལ་ཡོངས་མི་རིགས་ཁག་ཐུན་མོང་དར་རྒྱས་གོང་འཕེལ་གཏོང་དགོས།
ཀྲུང་གོའི་གསར་བརྗེ་དང་འཛུགས་སྐྲུན་གྱི་གྲུབ་འབྲས་ནི་འཛམ་གླིང་མི་དམངས་ཀྱིས་རྒྱབ་སྐྱོར་དང་བྲལ་ཐབས་མི་རུང་བ་རེད། ཀྲུང་གོའི་མདུན་ལམ་ནི་འཛམ་གླིང་གི་མདུན་ལམ་དང་འབྲེལ་བ་དམ་པོ་ཡོད། ཀྲུང་གོས་རང་ཚུགས་རང་བདག་གི་ཕྱིར་འབྲེལ་སྲིད་ཇུས་རྒྱུན་འཁྱོངས་བྱེད་པ་དང་ཕན་ཚུན་གྱི་བདག་དབང་དང་མངའ་ཁོངས་ཆ་ཚང་ལ་བརྩི་འཇོག་བྱེད་དེ་ཕན་ཚུན་བཙན་གནོད་མི་བྱེད་པ་དང༌། ཕན་ཚུན་ནང་སྲིད་ལ་ཐེ་གཏོགས་མི་བྱེད་པ། འདྲ་མཉམ་གཉིས་ཕན། ཞི་བ་མཉམ་གནས་གྱི་རྩ་དོན་ལྔ་རྒྱུན་འཁྱོངས་བྱེད་པ་དང༌། རྒྱལ་ཁབ་ཁག་བར་གྱི་ཕྱིར་འབྲེལ་གྱི་འབྲེལ་བ་དང་དཔལ་འབྱོར། རིག་གནས་བརྗེ་རེས་བྱེད་རྒྱུ། བཙན་རྒྱལ་རིང་ལུགས་དང་བཙན་དབང་རིགས་ལུགས། མི་སེར་སྤེལ་བའི་རིང་ལུགས་ལ་ངོ་རྒོལ་རྒྱུན་འཁྱོངས་བྱེད་དེ་འཛམ་གླིང་སྟེང་གི་རྒྱལ་ཁབ་སོ་སོ་བར་གྱི་མཐུན་སྒྲིལ་ལ་ཤུགས་སྣོན་བྱེད་དེ་གཉའ་གནོན་མྱོང་བའི་མི་རིགས་དང་འཕེལ་རྒྱས་འགྲོ་བཞིན་པའི་རྒྱལ་ཁབ་གྱི་མི་རིགས་རང་བཙན་འགན་སྲུང་དང་བརྩོན་ལེན། མི་རིགས་དཔལ་འབྱོར་འཕེལ་རྒྱས་བྱེད་པའི་དྲང་བདེན་འཐབ་རྩོད་བཅས་ལ་རྒྱབ་སྐྱོར་བྱེད་དེ་འཛམ་གླིང་ཞི་བདེ་སྲུང་འགན་དང་མིའི་རིགས་ཀྱི་བྱ་བཞག་གོང་འཕེལ་བྱེད་ཆེད་འབད་བརྩོན་བྱེད་རྒྱུ།
རྩ་ཁྲིམས་འདིས་བཅའ་ཁྲིམས་ཀྱི་རྣམ་པ་ལས་ཀྲུང་གོ་མི་རིགས་ཁག་གི་མི་དམངས་ཀྱིས་འབད་ཐབས་བྱེད་པའི་གྲུབ་འབྲས་མཐའ་གཅིག་ཏུ་ངོས་འཛིན་བྱེད་པ་དང༌། རྒྱལ་ཁབ་གྱི་རྩ་བའི་ལམ་ལུགས་དང་གཞི་རྩའི་ལས་འགན་གཏན་ཁེལ་བྱས་པས་རྒྱལ་ཁབ་གྱི་རྩ་བའི་བཅའ་ཁྲིམས་ཡིན། ཆེས་མཐོ་བའི་བཅའ་ཁྲིམས་ཀྱི་ནུས་པ་ལྡན། རྒྱལ་ཡོངས་མི་རིགས་སོ་སོའི་མི་དམངས་དང༌། རྒྱལ་ཁབ་ཀྱི་ལས་ཁུངས་དང་དྲག་ཆས་སྟོབས་ཤུགས། སྲིད་ཏང་ཁག་དང་སྤྱི་ཚོགས་ཚོགས་པ། ཁེ་ལས་ལས་དོན་སྡེ་ཁག་སོགས་ངེས་པར་ཏུ་རྩ་ཁྲིམས་ཏེ་ལས་འགུལ་གྱི་རྩ་བའི་ཚད་གཞི་བྱས་པ་མ་ཟད་རྩ་ཁྲིམས་ཀྱི་ཟིལ་སྙན་ཉམས་མེད་སྲུང་སྐྱོང་བྱེད་པ་དང་རྩ་ཁྲིམས་ལག་བསྟར་འགན་སྲུང་བྱེད་པའི་འགན་འཁྲི་འཁུར་དགོས།
དོན་ཚན་དང་པོ།  ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ནི་བཟོ་པ་གྲལ་རིམ་གྱིས་འགོ་ཁྲིད་བྱེད་པ་ དང་བཟོ་ཞིང་མནའ་འབྲེལ་གྱིས་རྨང་གཞི་བྱེད་པའི་མི ་དམངས་དམངས་གཙོ་སྲིད་དབང་སྒེར་འཛིན་གྱི་སྤྱི་ཚོགས་རིང་ལུགས་ཀྱི་རྒྱལ་ཁབ་ཞིག་ཡིན།
  སྤྱི་ཚོགས་རིང་ལུགས་ཀྱི་ལམ་ལུགས་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ རྩ་བའི་ལམ་ལུགས་ཡིན་པ་དང༌། རྩ་འཛུགས་གང་ཞིག་དང་མི་སུ་ཞིག་གིས་སྤྱི་ཚོགས་རིང་ལུགས་ཀྱི་ལམ་ལུགས་ལ་གཏོར་ བཤིག་གཏོང་བར་བཀག་སྡོམ་བྱེད་དགོས།
དོན་ཚན་གཉིས་པ།  ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་དབང་ཆ་ཚང་མ་མི་དམངས་ལ་དབང་བ་ཡིན།
མི་དམངས་ཀྱིས་རྒྱལ་ཁབ་གྱི་དབང་ཆ་སྤྱོད་པའི་ལས་ཁུངས་ནི་རྒྱལ ་ཡོངས་མི་དམངས་འཐུས་མི་ཚོགས་ཆེན་དང་ས་གནས་རིམ་པ་ཁག་གི་མི་དམངས་འཐུས་མི་ཚོགས་ཆེན་ཡིན།
  མི་དམངས་ཀྱིས་བཅའ་ཁྲིམས་ཀྱི་གཏན་འབེབས་ལྟར་ཐབས་ལམ་དང་བྱེད་སྟངས་སྣ་ཚོགས་ལ་བརྟེན་ནས་རྒྱལ་ཁབ་གྱི་ལས་དོན་དང༌། དཔའ་འབྱོར། རིག་གནས་ཀྱི་བྱ་བཞག སྤྱི་ཚོགས་ལས་དོན་སོགས་ལ་དོམ་དམ་བྱེད་དགོས།
དོན་ཚན་བཞི་པ།  ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་མི་རིགས་ཁག་ཚང་མ་འདྲ་མཉམ་ཡིན།རྒྱལ་ཁབ་ཀྱིས་གྲངས་ཉུང་མི་རིགས་ཁག་གི་ཁྲིམས་མཐུན་ཁེ་དབང་དང་ཁེ་ཕན་འགན་སྲུང་དང༌། མི་རིགས་ཁག་བར་གྱི་འདྲ་མཉམ་དང༌། མཐུན་སྒྲིལ། རོགས་རེས་བཅས་ཀྱི་འབྲེལ་བ་སྲུང་སྐྱོང་དང་གོང་དུ་སྤེལ་དགོས། མི་རིགས་གང་ཞིག་ལའང་མཐོང་ཆུང་དང་གཉའ་གནོན་བྱེད་པའི་རིགས་བཀག་སྡོམ་བྱེད་དགོས། མི་རིགས་མཐུན་སྒྲིལ་ལ་གཏོར་བཤིག་གཏོང་བ་དང་མི་རིགས་ཁ་བྲལ་བའི་བྱ་སྤྱོད་བཀག་སྡོམ་བྱེད་དགོས།      རྒྱལ་ཁབ་ཀྱིས་གྲངས་ཉུང་མི་རིགས་ཁག་གི་ཁྱད་ཆོས་དང་དགོས་མཁོ་གཞིར་བཟུང་སྟེ་གྲངས་ཉུང་མི་རིགས་ས་ཁུལ་ཁག་གི་དཔལ་འབྱོར་དང་རིག་གནས་འཕེལ་ཚད་ཇེ་མགྱོགས་སུ་གཏོང་རོགས་བྱེད་དགོས།      གྲངས་ཉུང་མི་རིགས་འདུས་སྡོད་བྱེད་པའི་ས་གནས་སོ་སོར་ས་ཁོངས་རང་སྐྱོང་ལག་ལེན་བསྟར་ཏེ་རང་སྐྱོང་ལས་ཁུངས་འཛུགས་རྒྱུ་དང་རང་སྐྱོང་དབང་ཆ་སྤྱོད་དགོས། མི་རིགས་རང་སྐྱོང་ས་གནས་ཁག་ཚང་མ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་གྲུབ་ཆར་འབྲལ་དུ་མི་རུང་བ་ཞིག་ཡིན།
  མི་རིགས་ཁག་ཚང་མར་རང་ཉིད་ཀྱི་སྐད་ཆ་དང་ཡི་གེ་སྤྱོད་པ་དང་གོང་དུ་སྤེལ་བའི་རང་དབང་ཡོད་པ་དང༌། ཚང་མར་རང་ཉིད་ཀྱི་ཡུལ་སྲོལ་གོམས་གཤིས་རྒྱུན་འཛིན་ནམ་སྒྱུར་བཅོས་བྱེད་པའི་རང་དབང་ཡོད།      
དོན་ཚན་བཅུ་གསུམ་པ།  སྤྱི་དམངས་ཀྱི་ཁྲིམས་མཐུན་སྒེར་དབང་རྒྱུ་ནོར་ལ་བཙན་མཛུལ་བྱེད་མི་ཆོག རྒྱལ་ཁབ་ཀྱིས་བཅའ་ཁྲིམས་ཀྱི་གཏན་ཁེལ་ལྟར་སྤྱི་དམངས་ཀྱི་སྒེར་དབང་རྒྱུ་ནོར་དབང་ཆ་དང་རྒྱུན་འཛིན་བྱེད་དབང་སྲུང་སྐྱོང་བྱེད་དགོས། རྒྱལ་ཁབ་ཀྱིས་སྤྱི་པའི་ཁེ་ཕན་དོན་དུ་བཅའ་ཁྲིམས་ཀྱི་གཏན་ཁེལ་ལྟར་སྤྱི་དམངས་ཀྱི་སྒེར་དབང་རྒྱུ་ནོར་བསྡུ་ལེན་བྱེད་པ་འམ་བསྡུས་སྤྱོད་བྱེད་ཆོག་པ་དང་སྐྱིན་ཚབ་འཇལ་དགོས།
དོན་ཚན་བཅུ་དགུ་པ།  རྒྱལ་ཁབ་ཀྱིས་སྤྱི་ཚོགས་རིང་ལུགས་ཀྱི་སློབ་གསོའི་བྱ་གཞག་གོང་དུ་སྤེལ་ཏེ་རྒྱལ་ཡོངས་མི་དམངས་ཀྱི་ཚན་རིག་དང་རིག་གནས་ཀྱི་ཆུ་ཚད་མཐོ་རུ་གཏོང་དགོས།        རྒྱལ་ཁབ་ཀྱིས་སློབ་གྲྭ་སྣ་ཚོགས་འཛུགས་གཉེར་བྱས་ཏེ་དམའ་རིམ་འོས་འགན་སློབ་གསོ་ཁྱབ་གདལ་དུ་གཏོང་རྒྱུ་དང༌། འབྲིང་རིམ་སློབ་གསོ་དང༌། ལས་རིགས་སློབ་གསོ། མཐོ་རིམ་སློབ་གསོ་བཅས་གོང་དུ་སྤེལ་བར་མ་ཟད། སློབ་ལོ་མ་ལོན་སྔོན་གྱི་སློབ་གསོའང་གོང་དུ་སྤེལ་དགོས།  རྒྱལ་ཁབ་ཀྱིས་སློབ་གསོའི་སྒྲིག་བཀོད་སྣ་ཚོགས་སྤེལ་བ་དང་འབྲེལ། ཡིག་རྨོངས་སེལ་བ་དང༌། བཟོ་པ་དང་ཞིང་པ། རྒྱལ་ཁབ་ཀྱི་ལས་བྱེད་པ། ངལ་རྩོལ་པ་གཞན་དག་བཅས་ལ་ཆབ་སྲིད་དང༌། རིག་གནས། ཚན་རིག ལག་རྩལ། བྱེད་སྒོ་བཅས་ཀྱི་སློབ་གསོ་གཏོང་རྒྱུ་དང༌། རང་སྦྱོང་ལ་བརྟེན་ནས་ཡོན་ཏན་ཅན་དུ་འགྱུར་བར་སྐུལ་མ་གཏོང་དགོས།      རྒྱལ་ཁབ་ཀྱིས་ཐུན་མོང་དཔལ་འབྱོར་རྩ་འཛུགས་དང༌། རྒྱལ་ཁབ་ཀྱི་ཁེ་ལས་དང་བྱ་ལས་རྩ་འཛུགས།སྤྱི་ཚོགས་ཀྱི་སྟོབས་ཤུགས་གཞན་དག་བཅས་ཀྱིས་བཅའ་ཁྲིམས་ཀྱི་གཏན་འབེབས་ལྟར་སློབ་གསོའི་བྱ་གཞག་སྣ་ཚོགས་འཛུགས་གཉེར་བྱེད་པར་སྐུལ་མ་གཏོང་དགོས།  རྒྱལ་ཁབ་ཀྱིས་རྒྱལ་ཡོངས་སུ་ཐུན་མོང་དུ་སྤྱོད་པའི་སྤྱི་སྐད་དར་ཁྱབ་གཏོང་དགོས།      
དོན་ཚན་སོ་ལྔ་པ།  ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ལ་གཏམ་བརྗོད་དང༌། དཔེ་སྐྲུན། འདུ་ཚོགས།  ཚོགས་པ་འཛུགས་པ། ཁྲོམ་སྐོར། རྔམ་སྟོན་བཅས་བྱེད་པའི་རང་དབང་ཡོད།
དོན་ཚན་སོ་དྲུག་པ།  ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ལ་ཆོས་དད་རང་དབང་ཡོད། རྒྱལ་ཁབ་ཀྱི་ལས་ཁུངས་དང༌།  སྤྱི་ཚོགས་ཀྱི་ཚོགས་པ། མི་སྒེར་བཅས་གང་ཡིན་རུང་བཙན་ཤེད་ཀྱིས་སྤྱི་དམངས་ལ་ཆོས་ལ་དད་མོས་བྱེད་དུ་འཇུག་པའམ་ཆོས་ལ་དད་མོས་བྱེད་དུ་མི་འཇུག་པ་བྱེད་མི་ཆོག ཆོས་ལ་དད་པ་ཡོད་པའི་སྤྱི་དམངས་དང་ཆོས་ལ་དད་པ་མེད་པའི་སྤྱི་དམངས་སུ་ལའང་མཐོང་ཆུང་བྱེད་མི་ཆོག
  རྒྱལ་ཁབ་ཀྱིས་རྒྱུན་ལྡན་ཆོས་ལུགས་ཀྱི་བྱེད་སྒོ་སྲུང་སྐྱོང་བྱེད་པ་ཡིན།  མི་སུ་ཡིན་རུང་ཆོས་ལུགས་ལ་བརྟེན་ནས་སྤྱི་ཚོགས་ཀྱི་སྒྲིག་ལམ་གཏོར་བཤིག་གཏོང་ བ་དང༌།  སྤྱི་དམངས་ཀྱི་ལུས་ཁམས་བདེ་ཐང་ལ་གནོད་འཚེ་གཏོང་བ།  རྒྱལ་ཁབ་ཀྱི་སློབ་གསོའི་ལམ་ལུགས་ལ་འགལ་རྐྱེན་བཟོ་བ་བཅས་ཀྱི་བྱ་བ་བསྒྲུབ་མི་ཆོག 
  ཆོས་ལུགས་ཀྱི་ཚོགསས་པ་དང་ཆོས་ལུགས་ཀྱི་ལས་དོན་ཐད་ཕྱི་རྒྱལ་གྱི་སྟོབས་ཤུགས་ཀྱིས་ཁ་ལོ་བསྒྱུར་མི་ཆོག
དོན་ཚན་སོ་བདུན་པ།  ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ཀྱི་མི་ལུས་རང་དབང་ལ་གནོད་འཚེ་བཏང་མི་ཆོག
  སྤྱི་དམངས་སུ་ཞིག་ཡིན་རུང་མི་དམངས་ཞིབ་དཔྱོད་ཁང་གིས་ཆོག་མཆན་བཀོད་པའམ་ཐག་ གིས་བཅད་པ་དང༌།  ཡང་ན་མི་དམངས་ཁྲིམས་ཁང་གིས་ཐག་གིས་བཅད་དེ་སྤྱི་བདེ་ལས་ཁུངས་ཀྱིས་ལག་བསྟར་བྱས་ན་མ་གཏོགས་འཛིན་བཟུང་བྱེད་མི་རུང༌།
  ཁྲིམས་འགལ་གྱིས་བཀག་སྐྱིལ་བྱེད་པ་དང་བྱེད་ཐབས་གཞན་གྱིས་ཁྲིམས་འགལ་གྱིས་སྤྱི་དམངས་ཀྱི་མི་ལུས་རང་དབང་བཙན་འཕྲོག་བྱེད་པའམ་ཚོད་འཛིན་བྱེད་པ་བཀག་སྡོམ་ དང༌། ཁྲིམས་འགལ་གྱིས་སྤྱི་དམངས་ལ་ལུས་བཤེར་བྱེད་པ་བཀག་སྡོམ་བྱེད་དགོས།
དོན་ཚན་སོ་བརྒྱད་པ།  ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ཀྱི་ མིའི་ཐོབ་ཐང་དང་ལ་རྒྱར་བཙན་གནོད་ཐེབས་མི་ཆོག  སྤྱི་དམངས་ལ་བྱེད་ཐབས་གང་རུང་སྤྱད་ནས་བརྙན་བཅོས་དང་དམའ་འབེབས་བྱེད་པ་དང༌།  སྙོན་འཛུགས་ཞུ་གཏུག་དང་མ་ཉེས་ཁ་གཡོགས་བྱེད་པ་བཀག་སྡོམ་བྱེད་དགོས།
དོན་ཚན་སོ་དགུ་པ།  ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ཀྱི་སྡོད་ཁང་ལ་བཙན་གནོད་ ཐེབས་མི་ཆོག  ཁྲིམས་འགལ་གྱིས་སྤྱི་དམངས་ཀྱི་སྡོད་ཁང་ནང་སྔོག་བཤེར་བྱེད་པའམ་བཙན་འཛུལ་ བྱེད་པ་བཀག་སྡོམ་བྱེད་དགོས།
དོན་ཚན་བཞི་བཅུ་པ།  ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ཀྱི་འཕྲིན་སྐྱེལ་རང་དབང་ དང་འཕྲིན་སྐྱེལ་གསང་དོན་ལ་བཅའ་ཁྲིམས་ཀྱིས་སྲུང་སྐྱོང་བྱེད་པ་ཡིན།  རྒྱལ་ཁབ་ཀྱི་བདེ་འཇགས་སམ་ཉེན་དོན་གྱི་ཉེས་སྤྱོད་རྩད་གཅོད་བྱེད་དགོས་པའི་རྐྱེན་གྱིས་སྤྱི་བདེ་ལས་ཁུངས་སམ་ཞིབ་དཔྱོད་ལས་ཁུངས་ཀྱིས་བཅའ་ཁྲིམས་ཀྱི་གཏན་འབེབས་གོ་རིམ་ལྟར་འཕྲིན་ཡིག་ལ་ཞིབ་བཤེར་བྱེད་རྒྱུད་ཕུད།  རྩ་འཛུགས་གང་ཞིག་དང་མི་སུ་ཞིག་གིས་ཀྱང་རྒྱུན་མཚན་གང་རུང་ཞིག་ལ་ཁ་གཡར་ནས་སྤྱི་དམངས་ཀྱི་འཕྲིན་སྐྱེལ་རང་དབང་དང་འཕྲིན་ཡིག་གི་གསང་དོན་ལ་གནོད་པ་བཏང་མི་ཆོག
དོན་ཚན་ཞེ་གཅིག་པ།  ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ལ་རྒྱལ་ཁབ་ཀྱི་ལས་ཁུངས་ གང་ཞིག་དང་རྒྱལ་ཁབ་ཀྱི་ལས་བྱེད་པ་སུ་ཞིག་ཡིན་ནའང་དེར་སྐྱོན་བརྗོད་དང་བསམ་འཆར་འདོན་པའི་དབང་ཆ་ཡོད་པ་དང༌།  རྒྱལ་ཁབ་ཀྱི་ལས་ཁུངས་གང་ཞིག་དང་རྒྱལ་ཁབ་ཀྱི་ལས་བྱེད་པ་སུ་ཞིག་ཡིན་རུང་ ཁྲིམས་འགལ་འགན་འཛོལ་གྱི་བྱ་སྤྱོད་བྱུང་ན།  རྒྱལ་ཁབ་ཀྱི་འབྲེལ་ཡོད་ལས་ཁུངས་ལ་དེའི་གནས་ལུགས་ཞུ་བ་དང་ཞུ་གཏུག་བྱེད་པའམ་ཉེས་སྐྱོན་འདོན་པའི་ཁེ་དབང་ཡོད། འོན་ཀྱང་དོན་དངོས་རྫུན་བཟོའམ་འཁྱོག་བཤད་བྱས་ནས་གཞན་ལ་སྙོན་འཛུགས་ཞུ་གཏུག་དང་མ་ཉེས་ཁག་གཡོགས་བྱེད་མི་ཆོག
སྤྱི་དམངས་ཀྱིས་གནས་ལུགས་ཞུས་པ་དང་ཞུ་གཏུག་བྱས་པའམ་ཡང་ན་ཉེས་སྐྱོན་བཏོན་པ་ རྣམས་རྒྱལ་ཁབ་ཀྱི་འབྲེལ་ཡོད་ལས་ཁུངས་ཀྱིས་ངེས་པར་དུ་དོན་དངོས་ཞིབ་རྩད་བྱས་ ཏེ་ཐག་གཅོད་བྱེད་དགོས། མི་སུ་ཞིག་གིས་ཀྱང་འགོག་གནོན་དང་རྡུང་རྡེག་འཁོན་སློག་བྱེད་མི་ཆོག
  རྒྱལ་ཁབ་ཀྱི་ལས་ཁུངས་དང་རྒྱལ་ཁབ་ཀྱི་ལས་བྱེད་པས་སྤྱི་དམངས་ཀྱི་ཁེ་དབང་ལ་ བཙན་གནོད་བྱས་པའི་དབང་གིས་གྱོང་གུད་ཕོག་པའི་མི་ལ་བཅའ་ཁྲིམས་ཀྱི་གཏན་འབེབས་ལྟར་སྐྱིན་ཚབ་ལེན་པའི་ཁེ་དབང་ཡོད།
དོན་ཚན་བརྒྱ་དང་བཅུ་དགུ་པ།  མི་རིགས་རང་སྐྱོང་ས་གནས་ཀྱི་རང་སྐྱོང་ལས་ཁུངས་ཀྱིས་ས་གནས་དེ་གའི་སློབ་གསོ་དང༌། ཚན་རིག རིག་གནས། འཕྲོད་བསྟེན།  ལུས་རྩལ་བཅས་ཀྱི་བྱ་གཞག་རྣམས་ལ་རང་བདག་གི་སྒོ་ནས་དོ་དམ་བྱེད་པ་དང༌། མི་རིགས་ཀྱི་རིག་གནས་ཤུལ་བཞག་སྲུང་སྐྱོང་དང་ལེགས་སྒྲིག་བྱེད་པ།  མི་རིགས་ཀྱི་རིག་གནས་འཕེལ་རྒྱས་དང་ཕུན་སུམ་ཚོགས་པར་གཏོང་དགོས།
དོན་ཚན་བརྒྱ་དང་ཉེར་གཅིག་པ།  མི་རིགས་རང་སྐྱོང་ས་གནས་ཀྱི་རང་སྐྱོང་ལས་ཁུངས་ཀྱིས་ལས་འགན་སྒྲུབ་སྐབས།  མི་རིགས་རང་སྐྱོང་ས་གནས་དེ་གའི་རང་སྐྱོང་ཁྲིམས་སྲོལ་གྱི་གཏན་འབེབས་ལྟར་ས་གནས་དེ་གར་ཐུན་མོང་དུ་སྤྱོད་པའི་སྐད་ཡིག་རིགས་གཅིག་གམ་ཁ་ཤས་སྤྱོད་དགོས།
དོན་ཚན་བརྒྱ་དང་སོ་བཞི་པ།  མི་རིགས་ཁག་གི་སྤྱི་དམངས་ཚང་མར་མི་རིགས་རང་ཉིད་ཀྱི་སྐད་ཡིག་ཐོག་ནས་གཏུག་བཤེར་བྱེད་པའི་དབང་ཆ་ཡོད།  མི་དམངས་ཁྲིམས་ཁང་དང་མི་དམངས་ཞིབ་དཔྱོད་ཁང་གིས་ས་གནས་དེ་གའི་ཐུན་མོང་དུ་སྤྱོད་པའི་སྐད་ཡིག་མི་ཤེས་པའི་གཏུག་བཤེར་དུ་ཞུགས་མཁན་རྣམས་ལ་སྐད་སྒྱུར་བྱེད་དགོས།  གྲངས་ཉུང་མི་རིགས་འདུས་སྡོད་བྱེད་སའམ་མི་རིགས་མང་པོ་མཉམ་སྡོད་བྱེད་སའི་ས་ཁུལ་དུ་ས་གནས་དེ་གའི་ཐུན་མོང་དུ་སྤྱོད་པའི་སྐད་ཡིག་གི་ཐོག་ནས་འདྲི་གཅོད་བྱེད་རྒྱུ་དང༌།  གཏུག་ཡིག་དང༌།  བཅད་ཁྲ། རྩ་ཚིག དེ་མིན་གྱི་ཡིག་རིགས་སོགས་དགོས་མཁོ་དངོས་ལ་གཞིགས་ཏེ་ས་གནས་དེའི་ཐུན་མོང་དུ་སྤྱོད་པའི་ཡིག་རིགས་གཅིག་གམ་ཁ་ཤས་ཀྱི་ཐོག་ནས་སྤེལ་དགོས།
·གསར་འགྱུར་གོང་མ:ལྷ་སར་ད་ལོ་ཐལ་རླུང་ཆེ་ཤོས་ཀྱི་གནམ་གཤིས་ཐོན་པ།
·གསར་འགྱུར་འོག་མ:མི་ཆོས་ལྔ་པ། རིཊ་མཐོ་བ་དང་རྒན་པར་བཀུར་སྟི་ཆེ་བ།
འདྲ་ཕབ། 】 【 པར་འདེབས།
  འབྲེལ་ཡོད་གསར་འགྱུར།
མིག་སྔར་གསར་མི་འདུག
ཆེད་ཞུ།:དྲ་ཚིགས་འདིའི་ནང་གི་རྒྱུ་ཆ་ཚང་མ་ནི་ངེད་ཀུང་ཟིས་འཚོལ་བསྡུ་དང་ལེགས་བསྒྲིགས་བྱས་པ་ཡིན་པས། ངེད་ཀུང་ཟིས་དགོངས་འཁྲོལ་མེད་ཚེ་གང་དུ་པར་བཤུས་བརྒྱབ་མི་ཆོག གལ་སྲིད་སྐུ་ཉིད་ཀྱི་ཁེ་ཕན་ལ་གནག་པའི་ཆ་ཡོད་ཚེ། ཁྱེད་ཀྱིསའབྲེལ་གཏུགས་གནང་རོགས།
  འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 4:03:31 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 6:01:36 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 9:07:56 [来自: 112.5.248.229]

འབྲེལ་ཡོད་དཔྱད་བརྗོད 58 ཡོད། མིག་སྔར་གསར་འགྱུར当前显示最新的 3 འདུག   [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།27.34MS