ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> གསར་འགྱུར། >> འཕྲུལ་གྱི་རྒྱང་ཤེལ། >> ཚོང་ལམ
  གསར་འགྱུར་ཀློག་པ།

དབྱར་རྩྭ་དགུན་འབུའི་རིན་ཐང་།

[རྩོམ་པ་པོ:h  ཡོང་ཁུངས:g  དུས་ཚོད:2012/4/20 22:18:41  བཀླགས་ཐེངས:1690][ཡིག་གཟུགས:ཡིག་གཟུགས་མདོག]
དབྱར་རྩྭ་དགུན་འབུའི་རིན་ཐང་།
 
དབྱར་རྩའི་ཐོན་ཁུངས།  དབྱར་རྩྭ་དགུན་འབུ་ནི་དབྱར་ཀ་རྩྭ་དང་དགུན་ཀ་སྲོག་ལྡན་འབུ་ཡི་རིགས་ཤིག་ཡིན་ཞིང་། རིན་ཐང་ཧ་ཅང་ཆེ་བའི་སྨན་རྫས་རྩ་ཆེན་ཞིག་ཡིན།  《འཁྲུངས་དཔེ་དྲི་མེད་ཤེལ་གྱི་མེ་ལོང་》ལས་རྒྱ་མཚོའི་ངོས་ནས་སྨིས༤༣༠༠ནས་༥༠༠༠བར་གྱི་ས་འབབ་མཐོ་སར་སྐྱེ་བར་བཤད་པ་ལྟར་ཧི་མ་ལ་ཡའི་རི་བརྒྱུད་བོད་ས་མཐོའི་རི་མགོ་དང་། སྤང་ལྗོངས་སོགས་སུ་སྐྱེས་ཡོད་ལ། ལྷག་པར་དུ་བདག་གི་ཕ་ཡུལ་ཏེ་རྨ་འབྲི་རྫ་གསུམ་གྱི་འབྱུང་ཡུལ་དུ་མང་པོ་ཡོད། 
《འཁྲུངས་དཔེ་དྲི་མེད་ཤེལ་གྱི་མེ་ལོང་》   ལས་“ལོ་གཅིག་ལ་སྐྱེ་བའི་རྩྭ་རིགས་ཏེ། ཐོག་མར་དགུན་དུས་འབུ་མེ་ལྕེབ་ཕྱེ་ལེབ་རིགས་ཀྱི་འབུ་ཕྲུག་སའི་གཏིང་དུ་ཡོད་པའི་ལུས་ལ་འབུ་ཕྲ་ཞུགས་ནས་ཤི་བའི་ལུས་སླར་ཡང་སྐྱེ་དངོས་ཀྱི་རྩྭ་རུ་གྱུར་ནས་སྐྱེས་པ་ཡིན་པས། ཤ་རྒྱུའི་རྩ་བ་ཕྱི་སེར་ལ་ནང་དཀར་བ་འཕྲེད་གཉེར་དང་ལྡན་པ། མགོ་དང་ཁ་ཡོད་པ་མ་ཟད། ལྟོ་བར་རྐང་ལག་ཆ་བརྒྱད་ཡོད་པ་སོགས་འབུ་ཡི་ལུས་ཇི་ལྟ་བ་ལ། ལྟག་པའི་བརྒྱུད་དུ་སྤུ་ཐུང་ནག་ཞིབ་ཐར་ཐོར་ཡོད་པ། ལུས་ཚད་ཕལ་ཆེར་སྨིས་༠༠༥ནས་༠༠༦ཟིན་པ་སའི་ནང་ཐད་ཀར་ཟུག་པ་དང་། ཟླ་༥ནས་༦ཙམ་ཟིན་པ་ས་ངོས་སུ་སྡོང་པོ་རྫ་སྨུག་གམ། ཁམས་ནག་སྟོད་སྦོམ་ཞིང་སྨད་ཕྲ་བ་ནང་ཤ་དཀར་པོ་ཅན། ཁོག་སྟོད་རིང་ཚད་སྨིས་༠༠༣ནས་༠༠༦ཙམ་ཟིན་པ་མངོན་པ་དེ་འབུ་ལ་རྭ་སྐྱེས་པ་དང་འདྲ་བས། ཕལ་གྱིས་བེའུ་རྭ་ཞེས་ཟེར་ཡང་། དོན་དུ་ཤ་མོའི་རིགས་ཡིན། དེ་རིམ་བཞིན་ཆེ་རུ་རྒྱས་པ་དང་། རྩ་བའི་བཅུད་དམ་ནུས་པ་ཞན་དུ་ཕྱིན་ནས་ཟླ་༧པ་ཙམ་ནས་ཕལ་ཆེར་རྩ་བ་རུལ་ཏེ་མེད་པར་འགྲོ་“ཞེས་པ་ལྟར་དོན་ལ་གནས་པའོ།།
དབྱར་རྩའི་རིན་ཐང་། དབྱར་རྩྭ་དགུན་འབུ་ནི་གནའ་དུས་ནས་བཟུང་རིན་ཐང་ཧ་ཅང་ཆེ་བའི་རྩྭ་སྨན་གྱི་རིགས་ཤིག་ཡིན་ཞིང་། ལྷག་པར་དུ་དུས་རབས་ཉི་ཤུ་པའི་དུས་དཀྱིལ་ཙམ་ནས་སྤྱི་ཚོགས་ནང་དཔལ་འབྱོར་གྱི་རིན་ཐང་ལྡན་པ་ཤེས་རྟོགས་བྱུང་བ་ནས་བཟུང་རིམ་བཞིན་ད་ལྟའི་བར་རིན་གོང་ཇེ་ཆེ་དང་། རིན་ཐང་༼༡ཧ་ཅང་ཆེན་པོར་གྱུར་པ་རེད། དཔེར་ན། སྨན་དང་།- བྱུག་རྫས་སོགས་ལ་ཚན་རིག་གི་ཤེས་བྱ་འཕེལ་རྒྱས་སུ་འགྲོ་བ་དང་བསྟུན་ནས།༼༢བཀོལ་སྤྱོད་ཀྱི་ལག་རྩལ་ཇེ་བཟང་དུ་ཕྱིན་པ་དང་། ཕན་ནུས་༼༣ ཡང་ཚད་མཐོ་པོ་བྱུང་བས། རིན་ཐང་ཧ་ཅང་ཆེན་པོ་ཅན་དུ་གྱུར་པ་རེད་ལ། རྒྱ་ནག་དང་། ཐེ་ཝན། ཧོང་ཀོང་སོགས་ཕྱི་ཕྱོགས་ཀྱི་དཔལ་ཡོན་དར་བའི་ཁྲོམ་ར་དག་ནས་ཕལ་ཆེར་སྤྱི་རྒྱ་རེ་③ལ་རྒྱ་གོར་ཁྲི་༨ནས་༩བར་གྱི་རིན་གོང་ལྡན་ཞིང་། ད་དུང་ཕྱི་ཕྱོགས་ཀྱི་རྒྱལ་ཁབ་དག་དང་ཚོང་འབྲེལ་བྱས་ན་དེ་ལས་ལྷག་པའི་རིན་ཐང་ལྡན་ངེས་ལ། དེ་ལས་ལྷག་པའི་རིན་གོང་ཚད་མཐོན་པོར་སླེབས་ཐུབ་པ་སྨོས་མི་དགོས་སྙམ། གཞན་ཡང་བོད་ཀྱི་ཆེད་མཁས་པ་དང་། ཤེས་ཡོན་ཅན་དུ་རློམ་པ་དག་དོན་དངོས་རང་མི་རང་ལ་ཤ་ཚ་མཁན་ཞིག་ཡིན་ན། རྩྭ་སྨན་འདིའི་རིན་ཐང་དང་། སྤྱོད་ཚུལ་སོགས་ཀྱི་ཤེས་བྱ་ཐན་ཐུན་རེ་རྩོལ་རྒྱུ་འོས་བབས་ཀྱི་འགན་འཁྲི་ཡིན་ལ། དེ་དག་མི་སེར་དཀྱུས་མའི་ཁྲོད་དུ་ཁྱབ་བསྒྲག་བྱེད་རྒྱུ་གལ་ཆེན་དུ་ཁོ་བོའི་སེམས་སོ།།
            
①ད་ལྟ་དབྱར་རྩྭ་ལེགས་གྲས་ལ་ལ་གོར་༨༠ནས་༡༥༠་བར་གྱི་རིན་གོང་ལྡན་ཞིང་། ②དབྱར་རྩྭ་འདི་སྨན་གཞན་དང་འདྲ་བར་སྡེབ་སྦྱོར་མ་བྱས་ཀྱང་ཟོས་ན་ནད་བརྒྱ་འཇོམ་པའི་སྨན་མཆོག་ཏུ་བཤད།
③རྒྱ་མ་རེ་གྲངས་༡༥༠༠ཙམ་འགྲོ་བ།
 དབྱར་རྩྭ་ལེན་ཐབས། དབྱར་རྩ་དགུན་འབུ་འདི་ལོ་ལྟར་ཕྱི་ཟླ་༤་པ་ནས་༧པའི་བར་བོད་རིགས་ཞིང་འབྲོག་མི་དམངས་ཀྱིས་རི་ཀླུང་དང་། སྤང་གཤོང་སོགས་སུ་དབྱར་རྩྭ་འདི་རྐོ་བར་བསྐྱོད་བཞིན་ཡོད་ལ། དབྱར་རྩྭ་ཆེས་ལེགས་པའི་ས་ཁུལ་གཙང་གསུམ་འབྱུང་ཡུལ་སོགས་སུ་མི་གྲངས་ཁྲི་ཕྲག་མང་པོས་དབྱར་རྩྭ་དགུན་འབུ་སྔོག་འདོན་བྱེད་བཞིན་ཡོད། དེས་རང་བྱུང་གི་ཁོར་ཡུག་ལ་གཏོར་བརླག་ཡང་མི་ཉུང་བ་བཟོ་བཞིན་འདུག་གོ། 《མདོ་དབུས་མཐོ་སྒང་གི་སྐྱེ་ཁམས་ཁོར་ཡུག་སྲུང་སྐྱོབ་བྱེད་པའི་སྐོར་་བརྗོད་པ་》ཞེས་པར་མཚོ་སྔོན་མཚོ་ལྷོ་ཁུལ་ཁྲི་ཀ་རྫོང་སྒོམ་མེ་གཡུ་ཚ་སྡེ་བའི་མཐའ་འཁོར་དུ་ཧོང་ཡོན་དང་། ཧོང་ཀྲུང་། ཧྭ་ལུང་གི་ཞིང་པ་རྣམས་ཀྱིས་གུར་༦༠༠ཕུབ་སྟེ། གུར་གཅིག་གི་ནང་ཉུང་མཐར་མི་དྲུག་རེ་ཡོད།
ད་དུང་རྫོང་ཁག་གཞན་ནས་ཡོངས་བའི་མི་སོགས་བསྡོམས་ཉིན་རེར་མི་གྲངས་ཆིག་ཁྲི་ལྷག་གིས་སྒོམ་མེ་གཡུ་ཚའི་ས་ཐོག་ནས་དབྱར་རྩྭ་དགུན་འབུ་རྐོ་བ་དང་། རྩྭ་ཐང་ལ་གཏོར་བཅོམ་གཏོང་གི་ཡོད་ཚུལ་གསལ་བཤད་བྱས་འདུག དེ་བཞིན་ངའི་ཕ་ཡུལ་ཏེ་མཚོ་སྔོན་ཡུལ་ཤུལ་ཁུལ་ནང་ཆེན་རྫོང་ཀ་གཞུང་རྩྭ་ཐང་དུའང་གཞན་ནས་འོང་བའི་(རང་ཡུལ་གྱི་མི་རྣམས་ཕུད)མི་གྲངས་སྟོང་ཕྲག་མང་པོས་དབྱར་རྩྭ་རྐོ་ཞིང་། རི་ཆུ་དང་། རྩྭ་ཐང་ལ་གཏོར་བརླག་མང་པོ་གཏོང་བཞིན་འདུག དེ་དག་ནི་སྐྱེ་ཁམས་རིག་པ་བ་ཚོས་རྩྭ་སྨན་འདིའི་རིགས་ཚད་བརྒལ་གྱིས་རྐོ་བ་དང་། རྩྭ་སར་གཏོར་བཅོམ་བྱེད་པ་སོགས་ཀྱིས་འབྱུང་འགྱུར་དབྱར་རྩྭ་མེད་པར་འགྱུར་བའམ། བྲི་བའི་ཉན་ཁ་ཡོད་པ་དང་། ཆུ་ལོག་རྒྱག་པ་སོགས་ཀྱིས་འཚོ་གནས་ལ་གནོད་པ་བཟོ་བ་སོགས་མ་འོངས་བར་ད་ལྟ་ལས་ལྷག་པའི་གནས་ཚུལ་འབྱུང་རྒྱུ་ཡིན་པའི་ཚོད་དཔག་བྱེད་བཞིན་འདུག དེ་བས་ང་ཚོའི་རིན་ཐང་ཆེ་བའི་དབྱར་རྩྭ་དགུན་འབུ་འདི་དག་རང་བྱུང་ཁམས་ཀྱི་གནོད་འཚེ་ཉུང་ཕྱིར་དང་། མ་འོངས་བར་དབྱར་རྩྭ་ཡུན་རིང་རྐོ་བའི་ཕུགས་བསམ་འཆང་ནས་རྐོ་ཤེས་ལེན་ཤེས་བྱེད་དགོས་པ་རེད། དཔེར་ན། ༡ དབྱར་རྩྭ་རྐོ་བའི་མི་གྲངས་ཚད་བརྒལ་ལ་སྔོན་འགོག་བྱེད་པ་དང་། ༢ དུས་ཚོད་ཀྱིས་དབྱར་རྩྭ་རྐོ་བར་གཏོང་འཛིན་བྱེད་པ།  ༣  དབྱར་རྩྭ་བརྐོས་ཚར་རྗེས་དོང་ཁ་བསུམ་པ།      ༤  ཤོག་ཆག་དང་ཟས་ལྷག་སོགས་གང་སར་མི་གཡུག་པ།  ༥ རྩི་ཤིང་དང་རྩྭ་ཐང་④ལ་གཏོར་བརླག་མི་བྱེད་པ⑤སོགས་རང་བྱུང་ཁམས་ཀྱི་གནོད་འཚེ་ཆེན་པོ་མི་འབྱུང་བ་དང་། དབྱར་རྩྭ་དགུན་འབུ་ཡང་མི་སེར་དཀྱུས་མའི་ཡུན་རིང་འཚོ་བརྟེན་དུ་བསམ་ནས་ཐབས་མཁས་ཀྱིས་དབྱར་རྩྭ་རྐོ་བ་སྒྲིག་གཞི་ཡོད་པའི་སྒོ་ནས་ལག་ལེན་བྱས་ན་བཟང་བར་སྙམ།
གཞན་ཡང་སྐྱེ་ཁམས་ཁོར་ཡུག་སྲུང་སྐྱོབ་སྐོར་གྱི་རྩ་བའི་རྒྱུན་ཤེས་ལ་དོ་སྣང་བྱེད་པ་དང་། དེ་དག་གི་དགེ་སྐྱོན་སོགས་ཀྱི་ཤེས་བྱ་རོང་འབྲོག་གི་མི་སེར་ཁྲོད་དུ་ཁྱབ་བརྡལ་གཏོང་བ་དང་། ཡུལ་ཕྱོགས་དེར་གནས་པའི་ཡུལ་མི་དག་གིས་རྒྱལ་ཁབ་ཀྱི་རྩ་བའི་བཅའ་ཁྲིམས་དང་མཐུན་པའི་ཁོར་ཡུག་སྲུང་སྐྱོབ་སྐོར་གྱི་ཤེས་བྱ་སྦྱོང་བ་གལ་ཆེན་རང་བཞིན་ཡིན་པར་ལྟ་བ་དང་། དེའི་སྐོར་གྱི་རྒྱུན་ཤེས་ཐར་ཐོར་སྦྱོང་བའི་འཛིན་གྲྭ་རེ་སྒྲུབ་ནའང་དགོས་ངེས་ཞིག་རེད། དེ་དག་ནི་འབྱུང་གྱུར་མི་སེར་དག་གི་དཔལ་འབྱོར་དང་། འཚོ་བའི་མཐུན་རྐྱེན་ལ་ཡང་གེགས་སྐྱོན་མི་ཡོང་བ་དང་། རང་བྱུང་ཁམས་ལ་ཡང་གནོད་འཚེ་ཆེན་པོ་མི་འབྱུང
          
④རླངས་འཁོར་དང་འཕྲུལ་རྟ་སོགས་གང་སར་རྒྱུགས་པ་སོགས་ཀྱིས།
⑤འདི་ནི་བདག་གི་བསམ་འཆར་ཙམ་ཡིན། དོན་དུ་ཤེས་ཡོན་ཅན་དང་། ཆེད་མཁས་པ། ལས་བྱེད་མི་སྣ་སོགས་ཀྱིས་འདིའི་སྐོར་འཆར་གཞི་བཀོད་དེ་ཁྱབ་སྒྲགས་བྱེད་པར་སྐུལ་བ་ཡིན།
བའི་ཕྱིར་དུ་ད་ལྟ་ནས་སྔོན་འགོག་བྱེད་པའི་ཐབས་སུ་མཐོང་ངོ་།།
དབྱར་རྩྭ་སྤྱོད་ཚུལ། ལོ་རེར་ཨ་སྒོར་དུང་ཕྱུར་དུ་མའི་ཐོན་བབས་ཡོད་པའི་བོད་ཀྱི་དབྱར་རྩྭ་དགུན་འབུ་བོད་རང་གིས་རིན་ཐང་ཡོད་པའི་སྒོ་ནས་སྤྱོད་ཤེས་པར་མ་བྱས་ན། རིན་ཐང་ཅི་ཡང་མེད་པར་འཕྲོ་བརླག་ཏུ་འགྱུར་བཞིན་ཡོད།
དེ་བས་བོད་ཀྱི་ཆེད་མཁས་པ་དང་། ཤེས་ཡོན་ཅན། ལས་བྱེད། ཚོང་པ་སོགས་རང་མི་རང་ལ་ཤ་ཚ་མཁན་ཞིག་ཡོད་ན། འདིའི་ཕྱོགས་ཀྱི་རིན་ཐང་སྤྱོད་ཚུལ་སྐོར་གྱི་ཤེས་བྱ་སྣ་ཚོགས་དཔྱད་ཞིབ་བྱས་ཏེ་སྤྱི་ཚོགས་ཁྲོད་དུ་ཁྱབ་བརྡལ་བྱེད་རྒྱུ་ཧ་ཅང་སྒྲུབ་དགོས་པའི་བྱ་བ་ཞིག་རེད། ⑥ཆེད་མཁས། ལས་བྱེད་སོགས་སུ་ཞིག་ཡིན་ཡང་གནད་དོན་འདི་ལྟ་བུའི་
ཐོག་ནས་བསམ་བློ་གཏོང་མཁན་དང་། ལག་ལེན་སྟར་མཁན་མེད་ན་དོན་ལ་ཡོད་མེད་འདྲ་འདྲ་རེད། གང་ལགས་ཞེ་ན་ཆུང་ས་ནས་བཤད་ན་མི་སེར་དག་གི་དཔལ་འབྱོར་དང་། འཚོ་བ་ཡར་རྒྱས་ཡོང་བ་དང་། ཆེ་ས་ནས་བོད་ཀྱི་སྤྱི་ཚོགས་ཁྲོད་ཀྱི་དཔལ་འབྱོར་ཡར་རྒྱས་ཡོང་བར་
                   
⑥ཁ་ནས་སྦོམ་པོ་བཤད་མཁན་གྱི་ཤེས་ཡོན་(རྩོམ་ལ་འཇུག་མཁན་)ཅན། 
སྐུལ་འདེད་ཆེན་པོ་ཐེབས་པར་འགྱུར་བའི་ཕྱིར་རོ།།
གཞི་རྩའི་ཆ་ནས་མི་སེར་ཁྲོད་དུ་དབྱར་རྩྭ་རྐོ་བ་དང་། ཉོ་ཚོང་བྱས་པ་ལ་ བརྟེན་ནས་དབུལ་ཕོངས་ཀྱི་མི་སེར་གང་མང་ཞིག་དཔལ་འབྱོར་དང་།  འཚོ་བའི་ཆ་རྐྱེན་སྔོན་ཆད་དང་བསྡུར་ན་ཅུང་བཟང་དུ་ཕྱིན་ཡོད་མོད། འོན་ཀྱང་ད་དུང་ཡིད་ཚིམས་པ་ཞིག་གཏན་ནས་མ་རེད།
རྒྱུ་མཚན་ནི། ⑦ཙཱི་ནའི་ཡུལ་ནས་དར་བའི་དངོས་པོ་རྫུན་མ་དག་ལ་ལོ་རེ་བཞིན་རིན་གོང་ཇེ་མཐོར་འགྲོ་བཞིན་འདུག་ན། བོད་རང་གི་ནང་ཁུལ་ནས་ཐོན་པའི་རྒྱུ་རྫས་(དབྱར་རྩྭ་དགུན་འབུ)དག་མ་དག་ཀྱང་རིན་གོང་ཇེ་མཐོར་འགྲོ་ལུས་དགོས། རིན་ཐང་ཆེ་བའི་དབྱར་རྩྭའི་སྨན་མཆོག་རྩྭ་ཆེན་འདི་རིན་ཐང་ཆེ་རུ་གཏོང་བ་དང་། རིན་གོང་⑧ཇེ་མཐོར་ བྱེད་པ་ནི་རང་མིར་འགན་འཁྲི་ཡོད་པ་བཞིན་འདི་ཕྱོགས་ལ་ནུས་པ་འདོན་དགོས་པ་སྨོས་ཅི་དགོས། རྒྱལ་ཁབ་ཕྱི་ནང་གི་ཆེད་མཁས་པ་མང་པོས་དབྱར་རྩྭ་འདི་བོད་ས་མཐོའི་ཡུལ་གྲུར་མ་གཏོགས་གཞན་ན་མེད་པའི་རྩྭ་སྨན་རྩ་ཆེན་ཞིག་ཡིན་པའི་རིན་ཐང་རྟོགས་ཡོད་ཀྱང་། བོད་
            
⑦སྔོན་ཐོན་མི་རིགས་དག་དང་བསྡུར་ན་ཧ་ཅང་རྒྱང་ཐག་རིང་བའི་རྗེས་སུ་ལུས་ཡོད་པས་ན།   དེ་ལྟར་ཡིད་ཚིམས་ནས་ཆོག་ཤེས་བྱེད་ཆོག་པའི་དུས་ཚོད་མ་རེད་སྙམས།
⑧དབྱར་རྩྭའི་རིན་ཐང་དང་།  རིན་གོང་འཕར་ཐབས་མེད་པ་ནི་ཤིན་ཏུ་སྐྱོ་འོས་པ་ཞིག་མ་ཡིན་ནམ།
རང་གིས་འདི་ཡི་རིན་ཐང་རྟོགས་ཡོད་པ་མ་རེད།  ⑨མི་སེར་ཚོས་དཀའ་སྡུག་སྣ་ཚོགས་རྒྱབ་རྒྱབ་པའི་རྗེས་སུ་ཐོབ་པའི་དབྱར་རྩྭ་དེ་དག་དུས་རྒྱུན་གཡོ་ལེན་བྱེད་པའི་ཚོང་པ་སྐོར་ཞིག་གིས་གཡོ་ལེན་བྱེད་བཞིན་གཞན་རིགས་ལ་རིན་གོང་སླ་མོས་འཚོང་བཞིན་ཡོད་པ་སོགས་རིན་ཐང་ཅི་ཡང་མི་ལོན་པའི་གནས་ཚུལ་ཡ་ང་བ་འདི་དག་བྱུང་བ་རེད།
ང་རང་ཉིད་མི་སེར་དཀྱུས་མའི་ཁྲོད་དུ་སྐྱེས་པའི་མི་བུ་ཉམས་ཆུང་ཞིག་ཡིན་པའི་ཆ་ནས། མི་སེར་དཀྱུས་མའི་བདེ་སྡུག་མཐོང་ཐོས་མྱོང་གསུམ་ལ་བརྟེན། གནས་ཚུལ་འདི་དག་བརྗོད་པའི་ངལ་བ་བྱས་པ་ཡིན།
རང་རིགས་ཀྱི་ཆེད་མཁས་པ་དང་། ཤེས་ཡོན་ཅན། ལས་བྱེད་མི་སྣ། ཚོང་པ་སོགས་སྐོར་ཞིག་མཉམ་འབྲེལ་བྱས་ཏེ་རང་རྒྱུ་རང་གིས་རིན་ཐང་ལྡན་པའི་སྒོ་ནས་སྤྱོད་ཐུབ་པའི་ཕྱིར་དུ་གྲོས་མོལ་དང་། འཆར་གཞི་བཀོད་དེ་ལག་ལེན་དུ་བཏབ་པ་ཡིན་ན་འབངས་མི་ཉམ་ཆུང་དག་གི་དབྱར་རྩྭ་དགུན་འབུ་འདི་དོན་མེད་འཕྲོ་བརླག་མི་འགྱུར་བར་རིན་ཐང་ཡོད་པའི་སྒོ་ནས་སྤྱོད་ཐུབ་ངེས་སོ།།
             
⑨ད་ལྟ་དབྱར་རྩྭའི་རིན་གོང་རྒྱ་མ་གང་ལ་གོར་ཁྲི་༣ནས་༤ཡས་མས་མ་གཏོགས་མི་འདུག 
དབྱར་རྩའི་རིན་ཐང་ཁྱབ་བསྒྲག ཉེ་ལམ་གསར་ཤོག་ག་གེ་མོ་ཞིག་ཏུ་དབྱར་རྩྭའི་རིན་ཐང་གླེང་བར་དབྱར་རྩྭ་གཅིག་ལས་ཤ་མོ་གཅིག་ཕན་ནུས་ཆེ་བར་(དངོས་སུ་མ་མཐོང་།)བཤད་ཚུལ་ཐོས། དེ་ནི་དབྱར་རྩྭའི་རིན་ཐང་མེད་པར་བཟོ་བའི་ཀུན་སློང་དང་། ཉམ་ཆུང་མི་སེར་དག་གི་ལག་ནས་དབྱར་རྩྭ་གཡོ་ལེན་བྱེད་པའི་ཐབས་ཇུས་ངན་པ་ཞིག་རེད། དུས་རྟག་ཏུ་རང་མིའི་བདེ་སྡུག་ལ་སེམས་ཁུར་བྱེད་མཁན་དུ་འདོད་པའི་ཆེད་མཁས་པར་རློམ་པ་དག་དང་། རྩོམ་པ་པོ། ལས་བྱེད་མི་སྣ་སོགས་ཀྱིས་འདིའི་ཕྱོགས་ལ་བསམ་གཞིག་རེ་མི་བྱེད་པ་དང་། འདིའི་ཕྱོགས་ལ་བྱ་བ་རེ་མི་སྒྲུབ་པ་ནི་ཁ་ཡིས་བཤད་པ་མ་གཏོགས་དོན་དངོས་ཐོག་དེ་ལྟར་མེད་པ་ལུས་ཡིན།  ཁ་བཤད་དོན་ལ་ཡོད་པའི་མི་བུ་ཞིག་ཡོད་ན་ངེས་པར་དུ་མི་སེར་དཀྱུས་མའི་བདེ་སྡུག་ལ་བསམ་ནས། རྩོམ་སྟེགས་སུ་དབྱར་རྩྭའི་རིན་ཐང་དང་སྤྱོད་ཚུལ་གླེང་བ་དང་། རྒྱང་བསྒྲོག་བརྙན་འཕྲིན་སོགས་ལས་དབྱར་རྩྭའི་རིན་ཐང་ཁྱབ་བསྒྲག་བྱེད་པ་སོགས་ཟུར་ངོས་གང་རུང་ནས་ཉམས་ཆུང་མི་སེར་དག་གི་བདེ་སྡུག་ལ་ཉེ་བར་གཅར་ཐུབ་ན།  ཆེད་མཁས་པ། རྩོམ་མཁན། ལས་བྱེད་པ་སོགས། སུ་ཞིག་ཡིན་ཡང་དོན་ལ་དེ་ནི་མི་རིགས་ཀྱི་སྒལ་ཚིགས་དང་སྲོག་ཤིང་ཡིན་པར་མ་ཟད། དེ་འདྲ་ཞིག་ཡོད་ན་ད་ལྟ་འཛམ་གླིང་གི་མི་རིགས་ཡོངས་རྫོགས་སྔོན་ཐོན་གྱི་གྲྭལ་དུ་བསྐྱོད་བཞིན་པའི་སྐབས་འདིར་རང་རིགས་ལ་ཡང་འབྱུང་འགྱུར་རེ་བ་དང་ཡིད་ཆེས་ཅུང་ཟད་རེ་ཡོད་པ་མ་ཡིན་ནམ།
 
 
 
·གསར་འགྱུར་གོང་མ:རྩོམ་བརྡའི་སྐུལ་ཡིག་འཕྲིན་ཐུང་།
·གསར་འགྱུར་འོག་མ:དེང་རབས་ཀྱི་བཟའ་བཏུང་གི་འཕྲོད་བསྟེན་བྱ་ཚུལ།༧
འདྲ་ཕབ། 】 【 པར་འདེབས།
  འབྲེལ་ཡོད་གསར་འགྱུར།
·དགེ་བཅུའི་ལུཊ་སྲོལ་གྱི་དངོས་ཡོད་དགེ་མཚན། 2012/6/28 15:57:53
·སྐྱེ་ཁམས་ཁོར་ཡུག་སྲུང་སྐྱོབ་སྐོར་གྱི་དུས་དེབ་ཅིག་གི་རྩོམ་བརྡ། 2012/5/14 7:11:22
·འཇར་པན་ལ་བསྐུར་པའི་སེམས་པ ། 2011/3/16 9:09:52
·རིས་མེད་བསྟན་རྒྱས་སྨོན་ལམ། 2010/12/15 20:43:53
ཆེད་ཞུ།:དྲ་ཚིགས་འདིའི་ནང་གི་རྒྱུ་ཆ་ཚང་མ་ནི་ངེད་ཀུང་ཟིས་འཚོལ་བསྡུ་དང་ལེགས་བསྒྲིགས་བྱས་པ་ཡིན་པས། ངེད་ཀུང་ཟིས་དགོངས་འཁྲོལ་མེད་ཚེ་གང་དུ་པར་བཤུས་བརྒྱབ་མི་ཆོག གལ་སྲིད་སྐུ་ཉིད་ཀྱི་ཁེ་ཕན་ལ་གནག་པའི་ཆ་ཡོད་ཚེ། ཁྱེད་ཀྱིསའབྲེལ་གཏུགས་གནང་རོགས།
  འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 7:08:23 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 9:48:17 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 14:34:37 [来自: 112.5.248.229]

འབྲེལ་ཡོད་དཔྱད་བརྗོད 54 ཡོད། མིག་སྔར་གསར་འགྱུར当前显示最新的 3 འདུག   [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།19.53MS