ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> གསར་འགྱུར། >> འཕྲུལ་གྱི་རྒྱང་ཤེལ། >> ཚོང་ལམ
  གསར་འགྱུར་ཀློག་པ།

ཇ་ཡག་ཅིག་གི་ངོ་སྤྲོད།

[རྩོམ་པ་པོ:སྣ་ཚོགས་གཟུགས་ཅན  ཡོང་ཁུངས:dd  དུས་ཚོད:2012/7/14 10:31:33  བཀླགས་ཐེངས:1602][ཡིག་གཟུགས:ཡིག་གཟུགས་མདོག]
ཇ་ཡག་ཅིག་གི་ངོ་སྤྲོད།
 
 
སློབ་དཔོན་སྣ་ཚོགས་གཟུགས་ཅན།
 དྲ་གྲོགས་རྣམ་པ། ང་ལ་མཚོན་ན་སེམས་སྐྱིད་སྐབས་དང་། སེམས་སྡུག་སྐབས། དཔེ་བལྟས་བྱེད་སྐབས། རྩོམ་འབྲི་སྐབས། ངལ་གསོ་སྐབས། མི་གཞན་དང་ཐུག་ནས་ཉམས་བསྟན་ཏེ་སྐད་ཆ་བཤད་སྐབས་སོགས་ལ་ཇ་ནི་མེད་དུ་མི་རུང་བ་ཞིག་ཏུ་གྱུར་ཡོད་པས། ངས་ཇ་འཐུང་བ་ནི་དུ་འཐེན་ཞིག་གིས་དུ་བ་འཐེན་རྒྱུ་དང་གཅིག་པ་གཅིག་ཀྱང་ཡོད་སྟབས་གྲོགས་པོ་ལ་ལས་ང་ལ་༼ཇ་དགའ་༽ཞེས་པའི་མིང་ཡང་བཏགས་མྱོང་། འོན་ཀྱང་མངར་ཇ་དང་། མར་ཇའམ...་བོད་ཇ་ལ་དེ་ཙམ་དགའ་གི་མེད། རྒྱུ་མཚན་ནི་མངར་ཇ་མང་པོ་འཐུང་ན་ལྕེ་ཐོག་ཏུ་མངར་སྙིགས་ཆགས་ཤིང་། བོད་ཇའི་ནང་དུ་མར་མང་བས་མང་པོ་འཐུང་ན་ཞེ་མེར་ལངས་ཤིང་མགོ་ཡུ་འཁོར། དེར་བརྟེན་ང་དགའ་ཤོས་ནི་ཨམ་ཇའམ་མགོ་ལོག་སོགས་ན་བེད་སྤྱོད་བྱེད་བཞིན་པའི་འོ་ཇ་ཡིན། རྒྱ་གར་དུ་སྡོད་སྐབས་བོད་ཇ་ཉོ་རྒྱུ་ཡོད་པས་ཨམ་ཇ་ཞིམ་པོ་འཐུང་རྒྱུ་ལ་ཐོགས་པ་མེད། འོན་ཀྱང་ཨ་རིར་སླེབས་རྗེས་བོད་ཇ་ཉོ་རྒྱུ་རག་དཀའ་བས་ཡུན་རིང་ཞིག་ལ་ཨམ་ཇ་ཞིམ་པོ་ཞིག་རག་མ་སོང་། ཨ་རིར་སླེབས་ནས་ལོ་བཅུ་གྲངས་འགོར་ཟིན་པའི་གྲོགས་པོ་༼ཇ་དགའ་༽སྐོར་ཞིག་གིས་ཇ་དུ་མ་ཞིག་ངོ་སྤྲོད་བྱས་སོང་མོད་། ཇ་དེ་ཚོ་ཡང་ཐབས་ཆག་སྡུག་ཐུག་ཏག་ཏག་རེད། རྒྱ་ནག་གི་ཚོང་ཁང་ཁག་ན་གནའ་སྔ་མོའི་གློ་རྡེབ་རྟགས་ཅན་གྱི་ཇ་མང་པོ་འཚོང་རྒྱུ་ཡོད་པར་མ་ཟད་གོང་ཡང་ཧ་ཅང་ཆེ་རུང་བྲོ་བ་དེ་ཙམ་མི་འདུག Wu long tea ཟེར་བ་དང་། Jesmin tea ཟེར་བའི་རྒྱ་ཇ་ཡག་པོ་སྐོར་ཞིག་འདུག་ཀྱང་ཨམ་ཇ་བཟོ་བྱེད་ཀྱི་རྒྱུ་ཆ་ལ་ཡག་པོ་མེད་པ་གོང་གི་དེ་དག་དང་མཚུངས། རྒྱ་གར་ནས་ཐོན་པའི་ Taj mahal tea དང་། Teany དང་། Tata tea སོགས་ལ་ཇ་ཁུ་ཡག་པོ་འབུད་རྒྱུ་ཡོད་རུང་ཇ་ལ་རྒོད་དྲི་མི་བྲོ་བས་ཨམ་ཇ་ངོ་མ་ཞིག་གི་བྲོ་བ་མེད། དེར་བརྟེན་ངས་ཡུན་རིང་ཞིབ་འཇུག་བྱས་པའི་ཐ་མར་ཨམ་ཇ་དང་མཚམས་ཤོས་ཀྱི་ཇ་ཡག་པོ་འདྲ་ཞིག་རྙེད་པ Lipton ཟེར་བ་འདི་ཡིན་ཞིང་། Black tea དང་། English Black tea ཟེར་བ་གཉིས་ཀྱང་ཤུབ་མི་འདྲ་བ་ལས་དོན་ལ་ Lipton དང་གཅིག་པ་འདྲ་བོ་རེད། འོན་ཀྱང་ཉེ་ཆར་རྒྱ་གར་དང་བོད་ལ་ཡུན་རིང་སྡོད་མྱོང་བའི་མགོ་སེར་མ་ཞིག་གིས་ངོ་སྤྲོད་བྱས་པ་བརྒྱུད་ནས་ཨམ་ཇ་བཟོ་བྱེད་ལ་ཇ་ཡི་རྒྱལ་པོ་གཅིག་རག་སོང་། ཇ་དེ་ནི་པར་འདིའི་ནང་དུ་ཡོད་པའི་ Pu Erh Tea ཟེར་བ་དེ་རེད། ཇ་ཁུ་ཧ་ཅང་ཡག་པོ་འབུད་རྒྱུ་ཡོད་པར་མ་ཟད་རྒོད་དྲི་བྲོ་བས་ཇ་མིད་པར་ཕྱིན་པའི་རྗེས་སུ་ཡང་ཁ་ནང་དུ་རྒོད་དྲི་འཁྱིལ་ཞིང་། ཇ་སྐོལ་སྐབས་ཐབ་ཚང་ནང་དུ་ཡང་ཇ་དྲི་ཞིམ་པོ་འཁྱིལ། འཐུང་གིན་འཐུང་གིན་ཞིམ་དུ་ཞིམ་དུ་འགྲོ་བས་མཚམས་འཇོག་མི་ཤེས།  ཇ་འདི་རྒྱ་ནག་གི་ཚོང་ཁག་ནས་བདེ་བླག་ཏུ་རྙེད་ཐུབ་པས་དྲ་གྲོགས་ཨམ་ཇ་ལ་འགའ་མཁན་ཚོས་ཚོད་བལྟ་ཐེངས་གཅིག་བྱོས་དང་། ཕ་ཡུལ་གྱི་སྤང་ལྗོངས་སྟེང་ན་གུར་ཕུབ་ཅིང་། ནོར་གནག་གི་ངུར་སྒྲ་ལ་ཉན་བཞིན་འོ་ཇ་མངར་མོར་ཧུབ་འཐུང་བྱེད་པའི་ཚོར་སྣང་ཞིག་ཡོང་ངེས།
·གསར་འགྱུར་གོང་མ:སློབ་དཔོན་ཆེན་པོ་པདྨ་འབྱུང་གནས་ཀྱི་རྣམ་ཐར་ཡིད་ཆེས་གསུམ་ལྡན།༢
·གསར་འགྱུར་འོག་མ:མཁན་པོ་ཚུལ་ཁྲིམས་བློ་གྲོས་ཀྱིས་མཛད་པའི་ཆོས་སྲིད་ཟུང་འཇུག་ལ་དཔྱད་པ།
འདྲ་ཕབ། 】 【 པར་འདེབས།
  འབྲེལ་ཡོད་གསར་འགྱུར།
·སྤགས་གཡོ་སྟངས་དང་འབྲེལ་བའི་གཏམ། 2014/12/24 19:54:00
·ཨ་རིའི་ཕུལ་བྱུང་དགེ་རྒན་ཞིག་གིས་ཁྱིམ་བདག་ལ་བཏོན་པའི་བསམ་འཆར་བཅུ། 2014/12/24 19:45:55
·དུས་རབས་ཉེར་གཅིག་པའི་ཀུན་སྤྱོད་ལག་དེབ། 2014/2/19 17:50:11
·དགེ་རྒན་གྱི་སློབ་གསོ།༡ 2013/6/28 16:27:42
·༼མང་ཚོགས་རྒྱུན་ཤེས༽ཐེངས་གསུམ་པའི་བརྡ་སྦྱོར། 2013/6/22 9:45:39
ཆེད་ཞུ།:དྲ་ཚིགས་འདིའི་ནང་གི་རྒྱུ་ཆ་ཚང་མ་ནི་ངེད་ཀུང་ཟིས་འཚོལ་བསྡུ་དང་ལེགས་བསྒྲིགས་བྱས་པ་ཡིན་པས། ངེད་ཀུང་ཟིས་དགོངས་འཁྲོལ་མེད་ཚེ་གང་དུ་པར་བཤུས་བརྒྱབ་མི་ཆོག གལ་སྲིད་སྐུ་ཉིད་ཀྱི་ཁེ་ཕན་ལ་གནག་པའི་ཆ་ཡོད་ཚེ། ཁྱེད་ཀྱིསའབྲེལ་གཏུགས་གནང་རོགས།
  འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 15:20:26 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 19:38:39 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/17 5:37:53 [来自: 112.5.248.229]

འབྲེལ་ཡོད་དཔྱད་བརྗོད 47 ཡོད། མིག་སྔར་གསར་འགྱུར当前显示最新的 3 འདུག   [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།21.48MS