ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> གསར་འགྱུར། >> གཏེར་གྱི་བུམ་བཟང་། >> མི་ཆོས
  གསར་འགྱུར་ཀློག་པ།

མཁས་དབང་མཁྱེན་རབ་འོད་གསལ་གྱི་བསླབ

[རྩོམ་པ་པོ:མཁྱེན་རབ་འོད་གསལ།  ཡོང་ཁུངས:ངེད་  དུས་ཚོད:2012/7/17 22:46:20  བཀླགས་ཐེངས:1629][ཡིག་གཟུགས:ཡིག་གཟུགས་མདོག]
ཐོར་བུའི་ཚིགས་བཅད་ཀྱི་ལམ་ནས་བདེན་དོན་འཚོལ་བའི་ལམ་བུ།
 
                                       ཉན་ཤུལ་མཁྱེན་རབ་འོད་གསལ།

   འཛམ་གླིང་འགྱུར་བ་ནམ་མཁའི་གློག་ལྟར་མྱུར། །བོད་མིའི་བསམ་པ་རི་བོ་བཞིན་དུ་བརྟན། །འགྱུར་བའི་རང་བཞིན་བཟློག་མེད་ཆོས་ཉིད་དུ། །མ་རྟོགས་བོད་མིའི་གྱོང་རྒུད་བསམ་མི་ཁྱབ། །འཇིག་རྟེན་འགྱུར་བ་དུས་བཞིའི་འགྲོས་དང་མཚུངས། །དེ་ལ་ཡ་མཚན་སྐྱེ་བའི་གནས་མེད་ཀྱང་། །རང་ཡུལ་ཀུན་གྱི་རྗེས་སུ་ལུས་པ་དེ། །མ་རྟོགས་སྙིང་གི་ནད་ལ་སངས་དུས་མེད། །སྐྱེ་བོ་ཕལ་ཆེར་སྙན་ཚིག་གཏམ་ལ་དགའ། །བོད་མི་ཕལ་ཆེར་སྒྲོ་བཏགས་གཏམ་ལ་དགའ། །དཔྱོད་ལྡན་རྒན་པོ་དངོས་མའི་གཏམ་ལ་དགའ། །བྱིས་པ་ཆུང་སུ་སྒྲུང་གཏམ་ཉན་ལ་དགའ། །ཤ་མེད་རུས་གོང་དཀར་པོ་དེ། །ཐོབ་རེ་ཤོར་གྱིས་དོགས་པ་ཡིས། །ལོ་སྟོང་འདས་པའི་ཁྱི་འཛིང་དེས། །གཡོན་ཅན་སྙིང་ལ་དགའ་བ་སྟེར། །རེ་འགའ་འཛུམ་པའི་མདངས་སྟོན་ཞིང་། །རེ་འགའ་ཁྲོ་བའི་སྡང་མིག་ལྟ། །གཡོན་ཅན་གཅིག་ཏུ་མ་ངེས་པའི། །མིག་འཕྲུལ་རྙིང་བ་དུས་ལས་ཡོལ། །མཐོང་དང་ཐོས་པའི་རྒྱ་ཁྱོན་རང་ཡུལ་ཙམ། །ཕུགས་ཀྱི་བསམ་པ་ཧྲིལ་པོ་སྒེར་གྱི་དོན། །ཁ་ནས་བཤད་ཚད་སེམས་ཅན་ཀུན་གྱི་དོན། །འགྱུར་བ་ཐམས་ཅད་དུས་ངན་རྟགས་སུ་འདོད། །མི་གང་དགའ་བའི་དངོས་པོ་གང་ཡིན་པ། །དེ་ཡིས་དེ་ཉིད་དབང་དུ་མ་འདུས་མེད། །རེ་ཞིག་རང་འདོད་བཞིན་དུ་སྒྲུབ་པ་ཡི། །གཡོན་ཅན་ལས་ལ་མགོ་བོ་མ་འཁོར་ཞིག །བདག་ལས་གཞན་གཅེས་དམ་པའི་ལྷ་ཆོས་དང་། །དགྲ་འདུལ་གཉེན་སྐྱོང་འཇིག་རྟེན་མི་ཆོས་གཉིས། །མི་མཐུན་ཟུང་དུ་སྦྲེལ་བའི་བྱ་བ་དེ། །མེ་ཆུ་སྣོད་གཅིག་བཞག་དང་ཁྱད་ཅི་མཆིས། །སྐད་བརྒྱ་ཤེས་ཀྱང་མང་བའི་སྐྱོན་མེད་ཀྱང་། །ཕ་མས་བསླབས་པའི་རང་སྐད་དོར་བ་འདི། །མ་འོངས་རིགས་ཀྱི་སྲོག་རྩ་ཕྲ་མོ་དེ། །འཆད་པའི་སྔ་ལྟས་ཡིན་པ་ཤེས་པར་གྱིས། །བོད་མི་ཕལ་ཆེར་གཤིས་དྲང་དཔའ་ངར་ལྡན། །ཐོག་མར་གཤིབ་དཀའ་འདྲིས་ན་ཨ་གསར་ཆུང་། །ལས་འབྲས་བརྩི་ཞིང་དམན་ལ་སྙིང་རྗེ་ཆེ། །ལྷག་པར་ཆོས་ལ་སྙིང་ནས་དད་ཞེན་ཆེ། །རེ་བ་སྟོང་པས་རང་མགོ་བསྐོར་བ་དང་། །སྲིད་ཀྱི་རང་མདོག་ཆོས་ཀྱིས་ཁ་བསྒྱུར་ཏེ། །མགོ་བོ་བསྐོར་བ་གྲངས་ཀྱིས་ག་ལ་ཆོད། །དེས་ན་ལོ་སྟོང་རིང་གི་ཉམས་མྱོང་རྣམས། །ཁ་ཙམ་མིན་པར་སེམས་ལ་ལེགས་བཞག་སྟེ། །རུས་དཀར་བདུད་མོའི་སྤྲུལ་བསྒྱུར་ཟློས་གར་ལ། །ཐང་ཟན་བཞིན་དུ་མགོ་བོ་མ་འཁོར་ཅིག །སེམས་ཀྱི་འཆར་སྒོ་གཅིག་ཏུ་མི་མཐུན་ཀྱང་། །གཞན་གྱིས་བཤད་པར་མ་རེད་བརྗོད་པ་ལས། །གང་བཤད་རེད་ཅེས་བརྗོད་པ་ཤིན་ཏུ་སྙན། །རང་གི་འདོད་པ་རང་གི་སེམས་ལ་ཞོག །དམ་པའི་ཆོས་སྒོར་ཞུགས་པའི་ཉིང་དགོས་ནི། །རང་གཞན་ཐར་ལམ་འཚོལ་བ་ཁོ་ནའི་དོན། །ཆོས་བརྒྱད་དང་དུ་ལེན་པ་སྲིད་ཀྱི་ལུགས། །དམ་པའི་ཆོས་དང་ཟུང་དུ་ཇི་ལྟར་སྦྲེལ། །ཕ་ཡུལ་ཕ་སྐད་བརྗེད་པའི་གོམས་གཤིས་དང་། །ཕ་མ་བཙོག་པར་ལྟ་བའི་འདུ་ཤེས་དང་། །རང་རིགས་རྒྱབ་ཏུ་བསྐྱུར་བའི་བསམ་པ་སྟེ། །འདི་གསུམ་འཛོམས་པ་ཕྱུགས་ཀྱི་རང་གཟུགས་ཡིན། །འཇིག་རྟེན་གསར་བཏོད་བྱས་པའི་བྱས་རྗེས་དང་། །གོ་ལ་བཙོག་པར་བཟོས་པའི་ཉེས་པ་གཉིས། །གང་ལ་མེད་པའི་བོད་མི་ཉམ་ཆུང་དག །དབེན་པའི་གནས་སུ་གདོད་མའི་འཚོ་བར་རོལ། །མི་གྲངས་རྫོགས་མཐའ་མེད་པའི་གཟི་བརྗིད་དང་། །སྐྱེ་རྒྱུན་འགོག་ལ་བརྩོན་པའི་བྲེལ་ཟིང་གཉིས། །གང་ལ་མེད་པའི་བོད་མི་གླེན་པ་དག །རང་སྣང་སྐྱིད་པའི་གཏམ་ལ་རང་མགོ་འཁོར། །དཔལ་འབྱོར་ཡར་རྒྱས་ཕྱིན་པའི་སྤྲོ་ཉམས་དང་། །ཡར་རྒྱས་ཚད་ལས་བརྒལ་བའི་ཉེན་ཁ་གཉིས། །གང་ལ་མེད་པའི་བོད་མི་དབུལ་པོ་དག །རེ་བའི་ངང་ནས་རང་གི་མི་ཚེ་སྐྱེལ། །བཟའ་བཏུང་རྒྱ་མཚོར་བཤོ་བའི་ཡོད་ཉམས་དང་། །གཅེར་བུར་སྲང་ལམ་ཉལ་བའི་སྐྱོ་ཉམས་གཉིས། །གང་ལ་མི་ལྡན་བོད་མི་བསམ་མེད་ཚོས། །རང་གི་ཡུལ་དུ་རང་འཐབ་རང་གསོད་བྱེད། །ཆོས་ལྡན་རྒྱལ་ཁབ་འཇིག་རྟེན་ཀུན་ཏུ་ཡོད། །ཆོས་སྲིད་ཟུང་འབྲེལ་བོད་ཀྱི་ཡུལ་དུ་དར། །ཆོས་ལྡན་ཙམ་གྱིས་རྒྱལ་ཁབ་མི་ཉམས་ཀྱང་། །ཟུང་དུ་སྦྲེལ་བས་གཉིས་ཀའི་ནུས་པ་ཤོར། །བླ་བྲང་རྒྱུ་ནོར་འཛོམས་པ་དང་། །བླ་སྤྲུལ་སྐུ་ཤ་རྒྱས་པ་དང་། །གསང་ཡུམ་དབང་ཆེན་རྒྱན་དང་ལྡན། །བསྟན་པ་རྒྱས་པའི་རྟགས་ཡིན་ནམ། །བླ་བྲང་བྲག་ཕུག་སྟོང་པ་དང་། །མི་ལ་སྐུ་ཤ་རིད་པ་དང་། །རྒྱུ་ནོར་ཁོག་མ་གཟར་བུ་བཅས། །བསྟན་པ་རྣམ་དག་རྒྱས་པའི་རྟགས། །འཁོར་བ་རྒྱབ་ཏུ་བསྐྱུར་བའི་ཆོས་བྱེད་དང་། །འཇིག་རྟེན་ཆོས་བརྒྱད་སྒྲུབ་པའི་ཆོས་པ་གཉིས། །ཕྱི་ཚུལ་ཆོས་ཀྱི་གཟུགས་བརྙན་འདྲ་ན་ཡང་། །དོན་ལ་སྨན་དང་དུག་གི་ཁྱད་པར་ཙམ། །ཚེ་གང་དབེན་པའི་རི་སུལ་འགྲིམ་པ་ཡི། །ཆོས་པ་རྣམ་དག་སྲིད་པའི་རྒྱན་རབ་ཡིན། །འདུ་འཛིའི་ཁྲོད་ན་ཚོང་པ་དང་འདྲ་བའི། །ཆོས་པའི་གཟུགས་བརྙན་འབུམ་གྱིས་དོ་ཟླ་མིན། །ཐབས་མཁས་སྤྱོད་པས་གཞན་དོན་སྒྲུབ་པའི་ཚེ། །ལྟར་སྣང་ཆོས་པའི་གཟུགས་དང་མི་མཐུན་ཡང་། །འགྲོ་མང་བདེ་ལ་འགོད་པའི་རྒྱུ་ཡིན་ན། །ཉེས་པ་མེད་པར་འགྲོ་བ་འདྲེན་པས་གསུངས། །དངོས་པོའི་འཚོ་བ་ཕྱི་ཡི་བདེ་སྐྱིད་ཙམ། །དོན་དམ་བདེ་བ་རང་སེམས་སྐྱིད་པ་ཡིན། །བདེ་སྐྱིད་སེམས་ཀྱི་རྩ་བ་རང་དབང་སྟེ། །དེས་ན་རང་དབང་རིན་ཐང་གཞལ་དུ་མེད། །སྔོན་བསྐྱོད་རྗེས་ལུས་མིང་གི་ཐ་སྙད་གཉིས། །ཕན་ཚུན་ལྟོས་གྲུབ་ཡིན་གྱི་བདེན་གྲུབ་མིན། །ཡེ་ནས་སྔོན་བསྐྱོད་ཡིན་པའི་སྤྱི་ཚོགས་དང་། །གཏན་དུ་རྗེས་ལུས་ཡིན་པའང་ག་ལ་ཡོད། །ལྷག་བསམ་དག་པས་ཡིན་ནམ་མིན་ཡང་རུང་། །སྔོན་ཐོན་མཁན་གྱིས་རང་ལ་གཤེ་བའི་ཚེ། །དེ་ལ་རྒྱུ་མཚན་ཡོད་མེད་མི་དཔྱོད་པར། །འཕྲལ་དུ་ཁྲོ་བ་བླུན་པོའི་རང་རྟགས་ཡིན། །གལ་ཏེ་གཞན་གྱིས་རང་ལ་གང་སྨྲས་པའི། །མི་སྙན་གཏམ་དེ་སྨ་འབེབ་ཡིན་ཡང་རུང་། །རེ་ཞིག་དེ་ལ་ཁྲོ་བ་སྤང་བྱས་ཏེ། །རང་ཉིད་ཡོན་ཏན་ལྡན་ལ་བརྩོན་པར་མཛོད། །དྲང་པོ་མེས་པོའི་ཚངས་ཐིག་ཅེས་པ་ཞིག །གལ་ཏེ་ག་ཤེད་ཡོད་ན་དེ་ཙམ་ལས། །དེ་མིན་ས་གཞི་ཧྲིལ་པོ་འདི་ཡི་སྟེང་། །ལྷད་མེད་དྲང་བདེན་ཡོད་མེད་དཔྱད་པའི་ཡུལ། །གནམ་འོག་དབང་དུ་བསྡུ་བའི་ཧམ་སེམས་དང་། །འཛམ་གླིང་ཞི་བདེར་འབོད་པའི་ཁ་ཕོ་གཉིས། །གཅིག་ཤོས་བདེན་ན་གཅིག་ཤོས་རྫུན་ཡིན་པས། །སུ་ལ་ཡིད་ཆེས་གང་ལ་བདེན་པར་འཛིན། །སློང་མོའི་ཟས་ཀྱིས་འཚོ་བའི་རང་དབང་དང། །ཅི་དགར་ལོངས་སུ་སྤྱོད་པའི་གཞན་དབང་གཉིས། །བདེ་བ་དམ་པ་གང་གི་ཐོག་ཏུ་གནས། །དཔྱོད་ལྡན་རྣམས་ཀྱིས་དོན་འདི་འཚོལ་བར་རིགས། །སྣང་ཚུལ་སྒྱུ་མའི་སྤྲུལ་པ་སྣ་ཚོགས་ཀྱང་། །གནས་ཚུལ་རྟོགས་པས་མགོ་བོ་མི་འཁོར་ཞིང་། །རིགས་ཀྱི་བསམ་པ་རང་གི་སྲོག་ལྟར་གཅེས། །དེ་འདྲའི་བོད་གཞོན་བོད་ཡུལ་ཀུན་ཏུ་ཁྱབ། །འོན་ཀྱང་གསེར་གྱི་ནང་དུ་བྱེ་མ་ལྟར། །མདོ་མེད་མགོ་སྟོང་བོད་ཀྱི་གཞོན་ནུ་འགས། །ཉིན་མཚན་བར་མེད་མྱོས་བྱེད་ཆང་ལ་རོལ། །ཁ་ནས་སྟོང་པའི་གཏམ་གྱི་འུར་སྒྲ་སྒྲོག །ལག་གི་ཁུ་ཚུར་ཕྱི་ནང་ཀུན་ལ་ཕྱར། །མཚན་མོ་ཁྱི་རྒན་བཞིན་དུ་ཀུན་ཏུ་རྒྱུ། །དེ་འདྲའི་གཞོན་ནུ་བོད་ཀྱི་ཞབས་འདྲེན་ཡིན། །སྔོན་ཆད་རེ་ཞིག་བག་མེད་དབང་གྱུར་ཀྱང་། །ཕྱིས་ནས་བག་དང་ལྡན་པར་གྱུར་པ་གང་། །ཟླ་བ་སྤྲིན་དང་བྲལ་བར་མཚུངས་སོ་ཞེས། །ཀླུ་ཡི་དབང་པོས་གསུངས་པ་ཐུགས་ལ་ཆོངས།
 
       ཉན་ཤུལ་མཁྱེན་རབ་འོད་གསལ་ནི་མདོ་ཁམས་མི་ཉག་རབ་སྒང་གི་ས་ཡི་ཆར་ ༡༩༢༥ ལོར་འཁྲུངས། དགུང་ན་ཕྲ་སྐབས་ནས་རང་གི་ཡབ་དམ་པ་དང་། གཅེན་པོ་དཀོན་མཆོག་རྣམ་རྒྱལ་གཉིས་ཀྱི་མདུན་ནས་བོད་ཡིག་འབྲི་ཀློག་ གཉིས་ལ་བྱང་ཆུབ་པར་སྦྱངས་རྗེས་རྫོགས་ཆེན་བཤད་གྲྭ་རུ་གཞུང་ཆེན་ཁག་ལ་ཐོས་བསམ་རྒྱ་ཆེར་གནང་། ༡༩༤༦ ལོར་ལྷ་སར་ཕེབས་ཏེ་བོད་ཀྱི་སྐད་ཡིག་ཞིབ་འཇུག་ཁང་དུ་ ༡༩༥༩ ལོ་བར་དུ་ཕྱག་ལས་གནང་བཞིན་བཞུགས། དུས་ཕྱིས་སུ་ཀྲུང་དབྱང་མི་རིགས་ སློབ་གྲྭ་ཆེན་མོ་དང་། ལྷོ་ནུབ་མི་རིགས་སློབ་གྲྭ་ཆེན་མོ། སི་ཁྲོན་ཞིང་ཆེན་བོད་ཡིག་སློབ་གྲྭ དར་མདོ་དགེ་འོས་ཆེད་སྦྱོང་སློབ་གྲྭ་སོགས་ཀྱིས་གདན་ཞུས་ལྟར་བོད་ཀྱི་རིག་གནས་འཆད་་ཁྲིད་ཀྱི་ཕྱག་ལས་ཡུན་རིང་གནང་། དེ་དང་དུས་མཚུངས་སུ ༼ བོད་རྒྱ་ཚིག་མཛོད་ཆེན་མོ ༽རྩོམ་སྒྲིག་གི་གཙོ་གྲས་སུ་བཞུགས་ཤིང་། ༼སུམ་ཅུ་པའི་རྣམ་བཤད་གཟུར་གནས་དགྱེས་པའི་གཏམ༽དང་། ༼ རྟགས་ཀྱི་འཇུག་པའི་དཀའ་འགྲེལ་གནད་ཀྱི་སྒྲོན་མེ ༽ ༼ བོད་རིག་པའི་བྱུང་བ་དང་འབྱུང་འགྱུར་སྐོར་མདོ་ཙམ་བཤད་པ༽ ༼མགར་བའི་རིགས་རྒྱུད་ལ་དཔྱད་པ༽ ༼གཞོན་ནུའི་སྲོག་སྐྱོབ་བདུད་རྩིའི་ཐིགས་པ༽ ༼གངས་ཅན་ཀུན་བཟོད་སྒེག་མོའི་བཞད་སྒྲ༽སོགས་གསུང་ རྩོམ་དུ་མ་བརྩམས་མཐར་ ༡༩༩༧ ལོར་སྐུ་ཞི་བར་གཤེགས་ཡོད། ཁོང་ནི་བོད་ཀྱི་བརྡ་སྤྲོད་རིག་པ་བ་དང་། བསམ་བློ་བ། ལོ་རྒྱུས་སྨྲ་བ་བོ། སློབ་གསོ་བ་བཅས་ཐད་ནས་མིག་དཔེར་འོས་པ་ཞིག་ཡིན་ཞིང་། ཁྱད་པར་དུ་བོད་ཀྱི་སྐད་ཡིག་དང་། སྤྱི་སྐད་ཐད་ལ་ཕྱག་ལས་ཤུགས་ཆེན་གནང་་མཁན་ཞིག་ཡིན།
·གསར་འགྱུར་གོང་མ:མཁན་པོ་ཚུལ་ཁྲིམས་བློ་གྲོས་ཀྱིས་མཛད་པའི་ཆོས་སྲིད་ཟུང་འཇུག་ལ་དཔྱད་པ།
·གསར་འགྱུར་འོག་མ:འཚོ་བྱེད་རྣམས་ལ་སྙིང་ནས་བརྩེ་བའི་མན་ངག་འཕྲུལ་ཡིག་
འདྲ་ཕབ། 】 【 པར་འདེབས།
  འབྲེལ་ཡོད་གསར་འགྱུར།
·དྲག་པོ་སྔགས་ཀྱི་རྣལ་འབྱོར་གྱི་ཚུལ་མདོ་ཙམ་བརྗོད་པ། 2010/12/14 9:32:00
ཆེད་ཞུ།:དྲ་ཚིགས་འདིའི་ནང་གི་རྒྱུ་ཆ་ཚང་མ་ནི་ངེད་ཀུང་ཟིས་འཚོལ་བསྡུ་དང་ལེགས་བསྒྲིགས་བྱས་པ་ཡིན་པས། ངེད་ཀུང་ཟིས་དགོངས་འཁྲོལ་མེད་ཚེ་གང་དུ་པར་བཤུས་བརྒྱབ་མི་ཆོག གལ་སྲིད་སྐུ་ཉིད་ཀྱི་ཁེ་ཕན་ལ་གནག་པའི་ཆ་ཡོད་ཚེ། ཁྱེད་ཀྱིསའབྲེལ་གཏུགས་གནང་རོགས།
  འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 14:41:17 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 18:51:31 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/17 4:31:04 [来自: 112.5.248.229]

འབྲེལ་ཡོད་དཔྱད་བརྗོད 44 ཡོད། མིག་སྔར་གསར་འགྱུར当前显示最新的 3 འདུག   [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།27.34MS