ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> གསར་འགྱུར། >> འཕྲུལ་གྱི་རྒྱང་ཤེལ། >> སྒྲ་སྒྱུར
  གསར་འགྱུར་ཀློག་པ།

ཨིན་བོད་ཀྱི་འགྱུར་འདི་གཉིས་བསྡུར་ནས་གཟིགས་དང་།

[རྩོམ་པ་པོ:དགེ་རབ་  ཡོང་ཁུངས:d  དུས་ཚོད:2012/9/19 8:53:18  བཀླགས་ཐེངས:1633][ཡིག་གཟུགས:ཡིག་གཟུགས་མདོག]
                   ཨེ་མ། ཨིན་བོད་ཀྱི་འགྱུར་འདི་གཉིས་བསྡུར་ནས་གཟིགས་དང་།

‪བུ་རམ་ཤིང་བར་མཐུ་མཉམ་བུ་རམ་ཤིང་བའི་རྒྱུད།།
ཐུབ་དཀའ་ཤཱཀྱ་རྣམས་ལ་སྤྱོད་པ་རྣམ་དག་པ།།
འཕྲོག་བྱེད་ཟླ་བ་ལྟ་བུར་སྐྱེ་དགུ་རྣམས་ལ་སྡུག།
རྒྱལ་པོ་ཟས་གཙང་ཞེས་བྱའི་མིང་ཅན་བྱུང་བར་གྱུར།།
In ikshvaku’s line, equal to ikshvaku in might,
Among the invincible Shakyas, was born a king,
Loved by his people like the autumn moon,
pure in conduct, Shuddhodana by name.
དབང་པོ་དང་མཚུངས་དེ་ཡི་བདག་པོ་ལྡན་མ་ཡིན།།
ནུས་མཐུ་རྗེས་མཚུངས་གཟི་བརྗིད་ལྷ་མོ་བདེ་སོགས་དང་།།
པདྨོ་ཅན་འདྲ་ཕུན་སུམ་ཚོགས་པ་ས་བཞིན་བརྟན།།
སྒྱུ་མ་ཆེན་མོ་ཞེས་བྱ་དཔེ་མེད་སྒྱུ་འདྲ་བྱུང་།།
That equal of Indra had a wife like Shachi herself;
her splendor paralleled his might;
she was as pretty as Padma, as steadfast as the earth,
Maya by name, like the peerless Maya herself.
དགེ་རབ་ཀྱིས་སྤྱི་ལོ་ ༢༠༡༢ ཟླ་ ༩ ཚེས་ ༡༣ ལ་ འགྱུར་རྩོམ་​གྱི་གྲས་སུ་བཀོད། 
 
རྗེས་འདེད། URI | མཆན་བུ། RSS
ཨེ་མ། ཨིན་བོད་ཀྱི་འགྱུར་འདི་གཉིས་བསྡུར་ནས་གཟིགས་དང་ཞེས་པའི་སྐོར་ལ་མཆན་ ༧ བཀོད་འདུག
༡༽ ཅོག་རོང་གི་མྱི་ནས།
སྤྱི་ལོ་ ༢༠༡༢ ཟླ་ ༩ ཚེས་ ༡༣ གི་ཆུ་ཚོད་ ༢༣ སྐར་མ་ ༢༠
འདིར་ཡ་མཚན་རྒྱུ་ཅང་མེད་ཀི་་།་་གནའ་དེང་མ་བོད་འགྱུར་རྒྱ་འགྱུར་གྱི་སྐབས་སུའང་འདི་འདྲ་མང་པོ་བྱུང་ཡོད་རེད།་་དེ་ཕྱིར་སྙན་དངགས་ཀྱི་འགྱུར་ལ་སྐད་གཉིས་སམ་གསུམ་ནང་བྱན་མ་ཆུད་པར་དུ་ུའགྱུར་ལ་བྲོ་བ་མྱོང་རྒྱུ་མེད་པ་འདྲ།
༢༽ དགེ་རབ་ནས།
སྤྱི་ལོ་ ༢༠༡༢ ཟླ་ ༩ ཚེས་ ༡༣ གི་ཆུ་ཚོད་ ༢༣ སྐར་མ་ ༢༨
ངས་གསལ་བཤད་ཅིག་ཞུ་རྒྱུ་ཆད་པ་འདྲ། བོད་འགྱུར་ནི་སྡེ་དགེ་བསྟན་འགྱུར་སྐྱེས་རབས་གེ་རུ་འཁོད་པའི་སངས་རྒྱས་ཀྱི་སྤྱོད་པའི་དབུའི་ཚིགས་བཅད་གཉིས་རེད། སྟོན་པའི་ཡབ་ཡུམ་སྟོན་པའི་ཚིགས་བཅད་རེད། ཨིན་འགྱུར་དེ་ནི་ ༢༠༠༧ ལོར་བསྒྱུར་པ་ཞིག་རེད་འདུག བསྒྱུར་ཚུལ་ནི་གཉིས་ཀས་ལེགས་སྦྱར་སྐད་ནས་ཐད་ཀར་བསྒྱུར་པ་ཞིག་རེད། འགྱུར་འདི་གཉིས་ལ་སྔ་ཕྱིའི་བར་ཁྱད་ནི་ལོ་ངོ་ ༧༥༠ ཙམ་ཡོད་པ་རེད།
༣༽ ཀརྡོ་གཉེར་ཕྱག་པ་ནས།
སྤྱི་ལོ་ ༢༠༡༢ ཟླ་ ༩ ཚེས་ ༡༣ གི་ཆུ་ཚོད་ ༢༣ སྐར་མ་ ༣༤
རྒན་འཇམ་དཔལ་ལ་སོགས་ཀྱིས།
གོང་གི་ཚིགས་བཞི་མ་གཉིས་ཀྱི་རྒྱ་གར་ལེགས་སྦྱར་དེ་ཡང་། ཁ་བརྡར་གདན་འདྲེན་ཐུབ་ན་དཔྱད་པ་བྱེད་བདེ་རུ་འགྲོ་ངེས་འདུག་པས་་་་་
༤༽ དགེ་བཤེས་ནས།
སྤྱི་ལོ་ ༢༠༡༢ ཟླ་ ༩ ཚེས་ ༡༣ གི་ཆུ་ཚོད་ ༢༣ སྐར་མ་ ༤༠
དགེ་རབ་རང་གིས་གཅིག་བསྒྱུར་ན་གང་འདྲ་འདུག སངས་རྒྱས་ཀྱི་དཔའ་གཏུལ་ཞེས་པ་ལྟར་ཡང་སངས་རྒྱས་ཀྱི་དཔའ་རྩལ་་ཞེས་མ་སྒྱུར་རོགས
༥༽ ཟུར་གནས་ནས།
སྤྱི་ལོ་ ༢༠༡༢ ཟླ་ ༩ ཚེས་ ༡༤ གི་ཆུ་ཚོད་ ༠ སྐར་མ་ ༠༡
ཨིན་འགྱུར་དང་བོད་འགྱུར་དབར་ལ་ཁྱད་པར་འདུག། བོད་འགྱུར་ལྟར་ན། ཨིན་འགྱུར་དེ་ལྟར་འགྱུར་ན་ཨེ་འགྲིག
བུ་རམ་ཤིང་བར་མཐུ་མཉམ་བུ་རམ་ཤིང་བའི་རྒྱུད།།
ཐུབ་དཀའ་ཤཱཀྱ་རྣམས་ལ་སྤྱོད་པ་རྣམ་དག་པ།།
འཕྲོག་བྱེད་ཟླ་བ་ལྟ་བུར་སྐྱེ་དགུ་རྣམས་ལ་སྡུག།
རྒྱལ་པོ་ཟས་གཙང་ཞེས་བྱའི་མིང་ཅན་བྱུང་བར་གྱུར།།
Mighty like the ikshvaku, his lineage belongs to ikshvaku
The invincible Shakyas are known by their pure conduct,
Like the autumn moon, he loved his people
He is known by Shuddhodana.
༦༽ ལ་དྭགས་བློ་བཟང་འཇམ་དཔལ་ནས།
སྤྱི་ལོ་ ༢༠༡༢ ཟླ་ ༩ ཚེས་ ༡༤ གི་ཆུ་ཚོད་ ༠ སྐར་མ་ ༢༢
ཛམ་གླིང་ཡོངས་གྲགས། སངས་རྒྱས་ཀྱི་སྤྱོད་པ་ཞེས་བྱ་བའི་སྙན་དངགས་ཆེན་པོ། ཚིགས་བཅད་ཟུང་། ཨིན་འགྱུར་བཅས་མཇལ་བས་དགའབ་སྐྱེས། སྙན་དངས་ཆེན་མོ་འདི་ལ་ལེའུ་ཉེར་བརྒྱད་མཆིས། མགོ་ན་ཚིགས་བཅད་དྲུག་བདུན་ཙམ་དང་ལེའུ་བཅུ་བཞི་མན་ཆད་ལེགས་སྦྱར་རྩ་བ་འཐོར་ནས་མ་རྙེད། རྒྱ་ནག་དང་བོད་སྐད་གཞིར་བཟུང་སླར་མཁས་པ་རྣམས་ཀྱིས་ལེགས་སྦྱར་ཧིནྡ་ཨིན་སྐད་སོགས་སུ་བསྐྲུན་ཡོད། བོད་འགྱུར་གྱི་སྒྱུར་བྱང་གཤམ་གསལ་ལ་གཟིགས།།
ཡུལ་ཤཱ་སེ་ཏ་ཀའི་གསེར་མིག་མའི་བུ་དགེ་སློང་སློབ་དཔོན་སྙན་དངགས་མཁན་ཆེན་པོ། །སྨྲ་བ་དང་ལྡན་པ་ཕྱོགས་སུ་རྣམ་པར་གྲགས་པ། བཙུན་པ་རྟ་དབྱངས་ཀྱིས་མཛད་པའི། སངས་རྒྱས་ཀྱི་སྤྱོད་པ་ཞེས་བྱ་བའི་སྙན་དངགས་ཆེན་པོ་ལས་སྐུ་གདུང་རྣམ་པར་བགོ་བའི་ལེའུ་སྟེ་ཉི་ཤུ་རྩ་བརྒྱད་པ་ཡོངས་སུ་རྫོགས་སོ།། །།ས་སྟེངས་རྒྱ་མཚོའི་མཐར་ཐུག་བསྟན་པའི་བདག་པོ་མཆོག །ཡོན་ཏན་མཚུངས་མེད་ཕུལ་བྱུང་དུ་མའི་གཏེར་ཆེན་པོ། །མཁས་པ་རྣམས་ཀྱི་བླ་མ་སྐྱེ་དགུ་རྣམས་ཀྱི་དཔལ། ། བླ་མ་དམ་པ་ཆོས་ཀྱི་རྒྱལ་པོའི་བཀའ་ལུང་གིས། །འཇིག་རྟེན་ཀུན་ན་ཟླ་བྲལ་སྐྱེས་མཆོག་དེ་ཉིད་ཀྱི། །ཕྲིན་ལས་སྒྲུབ་པ་སྙེ་བའི་ཐུགས་དགོངས་རྣམ་དག་དང༌། །མི་རྗེ་ལྷ་སྲས་གུང་ཐང་རྒྱལ་མོ་ཡུམ་སྲས་དང༌། །ཆོས་ལ་གཅིག་ཏུ་དཀར་བའི་ལྷ་གཅིག་ཀུན་དགའ་འབུམ། །མང་ཡུལ་
@103B སྐྱི་རོང་བཟང་མོ་ཡོན་ཏན་སྐྱིད་ལ་སོགས། །ཆོས་ལྡན་དམ་པ་རྣམས་ཀྱིས་སྦྱིན་བདག་བགྱིས་པའི་ངོར། །འཕགས་པ་རྟ་དབྱངས་ཀྱིས་མཛད་ཐུབ་པའི་མཛད་པ་འདི། །ས་དབང་བཟང་པོ་དང་ནི་བློ་གྲོས་རྒྱལ་པོས་བསྒྱུར། །འདི་བསྒྱུར་བསོད་ནམས་རྒྱལ་པོ་གང་དེས་ཕ་མ་དང༌། །འགྲོ་རྣམས་ལམ་གྱི་རྒྱལ་པོ་དམ་པ་འདིར་ཞུགས་ཏེ། །ཉེས་ཚོགས་ཚང་ཚིང་ཀུན་དང་བདུད་བཞིའི་རྒྱལ་པོ་རྣམས། །བཅོམ་ནས་ཆོས་ཀྱི་རྒྱལ་པོ་དམ་པ་ཐོབ་པར་ཤོག། །།
༧༽ སྦྲ་ནག་གཡག་སྙིང་ནས།
སྤྱི་ལོ་ ༢༠༡༢ ཟླ་ ༩ ཚེས་ ༡༤ གི་ཆུ་ཚོད་ ༣ སྐར་མ་ ༥༢
དབྱིན་འགྱུར་མའི་དེབ་འདི་ན་ནིང་གྲོགས་པོ་ཞིག་ལ་ལོ་སྐལ་ལ་བྱིན་པ་ཡིན། ཐེངས་གཅིག་ཀློག་པ་ཡིན། སྙན་མོ་གདའ། དབྱིན་འགྱུར་གཞན་ཞིག་ལའང་མིག་བཤེར་ཞིག་བྱས་པ་ཡིན། ཡག་མོ་གདའ། ཡིན་ནའང་བོད་འགྱུར་དེ་ག་འདྲ་ཞིག་ཡོད་ན་བསམ་བསྡད་ཡོད། བོད་འགྱུར་ལ་དེ་རིང་བར་མཇལ་མ་ཐུབ་མོད། ཚིགས་བཅད་འདི་གཉིས་ལ་བལྟས་ན་དབྱིན་འགྱུར་ལས་སྙན་ས་རེད་བསམ་བསམ་ཞིག་འདུག སངས་རྒྱས་ཀྱི་སྤྱོད་པ་ཆ་ཚང་འདིར་བཀོད་ཐུབ་ན་ཕན་ས་རེད། དགེ་རབ་ལགས། ཁ་དྲོ།
·གསར་འགྱུར་གོང་མ:གངས་ཆབ་ཟེཊ་མའི་འགྱུར་ཁུག་སྐབས་བཞི་བའི་རིག་རྩལ་ལེ་ཚན་བསྡུ་བའི་བརྡ་སྦྱོར།
·གསར་འགྱུར་འོག་མ:སློབ་ཆུང་དག་ཡིག་བཞུགས།
འདྲ་ཕབ། 】 【 པར་འདེབས།
  འབྲེལ་ཡོད་གསར་འགྱུར།
·སྤགས་གཡོ་སྟངས་དང་འབྲེལ་བའི་གཏམ། 2014/12/24 19:54:00
·ཨ་རིའི་ཕུལ་བྱུང་དགེ་རྒན་ཞིག་གིས་ཁྱིམ་བདག་ལ་བཏོན་པའི་བསམ་འཆར་བཅུ། 2014/12/24 19:45:55
·དུས་རབས་ཉེར་གཅིག་པའི་ཀུན་སྤྱོད་ལག་དེབ། 2014/2/19 17:50:11
·དགེ་རྒན་གྱི་སློབ་གསོ།༡ 2013/6/28 16:27:42
·༼མང་ཚོགས་རྒྱུན་ཤེས༽ཐེངས་གསུམ་པའི་བརྡ་སྦྱོར། 2013/6/22 9:45:39
ཆེད་ཞུ།:དྲ་ཚིགས་འདིའི་ནང་གི་རྒྱུ་ཆ་ཚང་མ་ནི་ངེད་ཀུང་ཟིས་འཚོལ་བསྡུ་དང་ལེགས་བསྒྲིགས་བྱས་པ་ཡིན་པས། ངེད་ཀུང་ཟིས་དགོངས་འཁྲོལ་མེད་ཚེ་གང་དུ་པར་བཤུས་བརྒྱབ་མི་ཆོག གལ་སྲིད་སྐུ་ཉིད་ཀྱི་ཁེ་ཕན་ལ་གནག་པའི་ཆ་ཡོད་ཚེ། ཁྱེད་ཀྱིསའབྲེལ་གཏུགས་གནང་རོགས།
  འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 10:46:16 [来自: 112.5.248.254]

 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/6 10:45:58 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 14:11:55 [来自: 112.5.248.152]

འབྲེལ་ཡོད་དཔྱད་བརྗོད 51 ཡོད། མིག་སྔར་གསར་འགྱུར当前显示最新的 3 འདུག   [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།23.44MS