ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> གསར་འགྱུར། >> གཏེར་གྱི་བུམ་བཟང་། >> མི་ཆོས
  གསར་འགྱུར་ཀློག་པ།

མི་ཚེའི་སྐྱ་ཡ།

[རྩོམ་པ་པོ:སོག་མདའ།  ཡོང་ཁུངས:ངེད་དྲ།  དུས་ཚོད:2012/12/30 21:39:57  བཀླགས་ཐེངས:1150][ཡིག་གཟུགས:ཡིག་གཟུགས་མདོག]
མི་ཚེའི་སྐྱ་ཡ།

སོག་མདའ།
 
བརྩེ་དུང་དར་གྱི་མདུད་པ་མཉམ་གཅིག་ལ་སྒྲིལ་བའི།།
ན་མཉམ་ཁྱིམ་གཅིག་བཞུགས་པའི་ཚེ་གང་གི་སྐྱ་ཡ།།
སེམས་ཀྱི་ཟབ་གསལ་ངང་ནས་བརྩི་འཇོག་ཞིག་བྱས་ནས།།
ཐོད་རུས་མ་འཐོར་བར་དུ་བདེ་སྐྱིད་གང་འཚོ་རོགས།།
 
སྐྱིད་སྡུག་འདྲེས་པའི་འཁོར་བའི་ངང་ཚུལ་གྱི་ནང་ལ།།
བསགས་ན་ཚར་རྒྱུ་མེད་པའི་རང་གཤིས་ནི་ཡིན་ཀྱང་།
གང་འཛོམས་རང་གིས་རྙེད་པའི་རྒྱུ་ནོར་གྱི་རིགས་ཀུན།།
མཉམ་གཅིག་ལོངས་སུ་སྤྱོད་པའི་ཐབས་བཟང་ལ་བརྩོན་རོགས།།
 
ཞིམ་པོ་ཟས་ཞིག་ཡོད་ན་མཉམ་གཅིག་ལ་ཟ་ཞིང་།།
སྡུག་པའི་མིག་ཆུ་ཡོད་ན་མཉམ་གཅིག་ལ་བཏང་ནས།།
ལོ་ཟླའི་འཁོར་འགྲོས་རིང་མོ་འདི་ལྟར་དུ་བགྲོད་ན།།
ཁྱིམ་གྱི་བཟའ་ཚང་ཡིན་པའི་དོན་གོ་དེ་ཆོད་རེད།།
 
ཁྱོ་ག་སྙན་གྲགས་མེད་ཀྱང་ཆུང་མ་ཡིས་གཅེས་དགོས།།
ཆུང་མ་མོ་སྒོ་མེད་ཀྱིང་ཁྱོ་ག་ཡིས་བྱམས་དགོས།།
གཙོ་བོ་སེམས་ཀྱི་བརྩེ་བ་དམ་པོ་དེས་བཅིངས་ན།།
ཕྱི་ཡི་རྣམ་པ་ཙམ་ནི་དེ་འདྲ་རང་མི་གཙོ།།
 
སྒོར་གྱིས་ཉོས་པའི་ཆུང་མས་རང་ཉིད་ལ་མི་ཕན།།
དབང་གིས་བླངས་བའི་ཁྱོ་ག་འགྱུར་ལྡོག་དེ་སླ་བས།།
བརྩེ་བ་སེམས་ནས་བཞད་བའི་བཟའ་ཟླ་དེ་རྙེད་ན།།
མི་ཚེ་རིང་མོ་འདི་ཡི་བདེ་སྐྱིད་ནི་དེ་ཡིན།།
 
ཁྱིམ་གྱི་དོན་དག་གནད་གྱིས་སྒྲུབ་དགོས་རེ་ཡོད་ན།།
བཟའ་ཚང་མཉམ་ཏུ་གྲོས་ཁ་གོ་བསྡུར་རེ་བྱེད་རོགས།།
བསམ་ཕྱོགས་མཐུན་པའི་གྲོས་གཞི་གཅིག་སྟེང་ལ་ཕབ་ན།།
རྗེས་སུ་འགྱོད་པ་མེད་པའི་ལུགས་མཐུན་གྱི་གནས་རེད།།
 
སྐྱེས་པའི་བུ་ལོ་སྙིང་གི་ཟེའུ་འབྲུ་ལྟར་ཉར་ནས།།
རྣམ་དཔྱོད་རིག་པའི་སློབ་གླིང་རྩེན་པ་ཡི་དོ་ར།།
ཤེས་བྱའི་འདབ་ལག་རྒྱས་པའི་གཅེས་ཕྲུག་ཞིག་བསྐྱངས་ན།
དྲིན་ཆེན་ཕ་མ་ཡིན་པའི་དོན་གོ་དེ་ཆོད་རེད།།
 
སྐྱེས་པ་ཁོག་རྒྱ་ཡངས་པོའི་བསམ་གཞིགས་དེ་དགོས་གལ།།
སྐྱེས་མ་འགྱུར་ཆོག་མེད་པའི་རང་གཤིས་དེ་མཁོ་གི།།
བཟའ་ཚང་མི་ཚེའི་གཅིག་གི་འདུག་རོགས་དེ་ཡིན་པས།།
ཕན་ཚུན་བརྩེ་བས་བསྐྱངས་ནས་གུས་བཀུར་ལ་རེམས་དགོས།།
 
ཁྱོ་གས་དགའ་རོགས་བཙལ་ན་ཆུང་མ་ལ་གནོད་འགྲོ།།
ཆུང་མས་ཟུར་རོགས་བཙལ་ན་ཁྱོ་ག་ཁོང་ཕམ་འགྲོ།།
དྲང་བདེན་རང་ལུགས་མེད་པའི་ལྐོག་ལྐོག་གི་བྱ་བ།།
ཕན་ཚུན་སེམས་ལ་གནོད་པས་དུས་ཀུན་ཏུ་འཛེམས་དགོས།།
 
ཆུང་མ་ཁྲོས་པའི་ངར་སྐད་འབྲུག་བཞིན་དུ་ལྡིར་ཀྱང་།།
ཁྱོ་གའི་ཐབས་ཀྱི་སྒོ་ནས་འཇགས་ཐབས་ལ་བརྩོན་དགོས།།
མཉམ་ཏུ་རླུང་གི་རྐྱལ་བ་ཆེས་ཆེར་དེ་རྒྱས་ན།།
བཟའ་ཚང་མི་མཐུན་བྱེད་པའི་གཡབ་མོ་དེས་ལོག་འགྲོ།།
 
ཆུང་ཆུང་དོན་དག་ཙམ་གྱི་གནད་ཁ་ལ་ཐུག་དུས།།
ཆེ་ཆེ་ཁྱོད་ངར་ང་ངར་དཔུང་རྩོད་དེ་མ་གནང་།།
བཟོད་སྒོམ་ངང་ནས་བྱས་པའི་ནོར་འཁྲུལ་ལ་གཟབ་ཞོར།།
སྔར་ཡང་འགྲིག་པའི་གནས་ལ་འབད་པའི་ངང་བརྩོན་རོགས།།
 
བྱམས་ལྡན་དྲིན་གྱི་ཕ་མ་ཕ་རོལ་ལ་བཞག་ནས།།
བརྩེ་བའི་འཁྱིལ་ཞགས་རིང་པའི་ཁྱེད་མཉམ་ཏུ་བསྡད་པ།།
ཐུང་ཐུང་ཉིན་ཞག་གཅིག་གི་གསོལ་སྟོན་ནི་མ་རེད།
རིང་མོ་མི་ཚེ་གཅིག་གི་ཚེ་གང་གི་སྐྱ་ཡ།།
༢༠༡༢་༡༢་༣་ཉིན་རང་ཤག་ནས་བྲིས།།
·གསར་འགྱུར་གོང་མ:བྱང་ཆུབ་སེམས་དཔའ་ཡེ་ཤུའི་འཁྲུངས་སྐར་དུས་ཆེན་སྐྱིད་པོར་རོལ།
·གསར་འགྱུར་འོག་མ:གཟིགས་རིན་ཡོད་པའི་གློག་བརྙན་ཞིག
འདྲ་ཕབ། 】 【 པར་འདེབས།
  འབྲེལ་ཡོད་གསར་འགྱུར།
·བོད་ཀྱི་ཆ་འཕྲིན་ལག་རྩལ་གྱི་ཆེད་མཁས་དགེན་བཀྲ་ཤིས་རྒྱལ་ལ་མྱ་ངན་ཞུ། 2016/11/6 15:52:45
·བི་ཀྲ་མ་ཤཱི་ལ། 2016/4/8 15:44:09
·མདོ་ཁམས་ས་ཡི་ཐིག་ལེ་བྲག་གཡབ་ལྗོངས་ཀྱི་གནས་ལུགས་མདོ་ཙམ་བརྗོད་པ། 2016/3/7 18:22:43
·ཨ་དཀོན་རིན་པོ་ཆེའི་གཞན་ཕན་དགེ་ལས་མུ་མཐུད་ནས་མཇུག་སྐྱོང་གནང་རྒྱུ་ཡིན་པ། 2016/2/24 23:13:06
·གཅེས་ཕྲུག་ཤེས་རབ་ཟླ་བ་ལ་སྤྲིངས་པ། 2015/10/28 12:35:46
ཆེད་ཞུ།:དྲ་ཚིགས་འདིའི་ནང་གི་རྒྱུ་ཆ་ཚང་མ་ནི་ངེད་ཀུང་ཟིས་འཚོལ་བསྡུ་དང་ལེགས་བསྒྲིགས་བྱས་པ་ཡིན་པས། ངེད་ཀུང་ཟིས་དགོངས་འཁྲོལ་མེད་ཚེ་གང་དུ་པར་བཤུས་བརྒྱབ་མི་ཆོག གལ་སྲིད་སྐུ་ཉིད་ཀྱི་ཁེ་ཕན་ལ་གནག་པའི་ཆ་ཡོད་ཚེ། ཁྱེད་ཀྱིསའབྲེལ་གཏུགས་གནང་རོགས།
  འབྲེལ་ཡོད་དཔྱད་བརྗོད།
 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/24 4:48:40 [来自: 112.5.248.152]

 评论者:a6TVn6te
https://www.bj-arts.com/index/cate/cid/8.html
https://www.bj-arts.com/index/cate/cid/9.html
https://www.bj-arts.com/article/index.html
https://www.bj-arts.com/index/cate/cid/10.html
https://www.bj-arts.com/index/cate/cid/11.html
发表时间:2018/11/15 16:21:27 [来自: 112.5.248.229]

 评论者:izyaXyHG
https://www.bj-arts.com/index/cate/cid/3.html
https://www.bj-arts.com/index/cate/cid/4.html
https://www.bj-arts.com/index/cate/cid/5.html
https://www.bj-arts.com/index/cate/cid/6.html
https://www.bj-arts.com/index/cate/cid/7.html
发表时间:2018/11/12 18:36:23 [来自: 112.5.243.142]

འབྲེལ་ཡོད་དཔྱད་བརྗོད 40 ཡོད། མིག་སྔར་གསར་འགྱུར当前显示最新的 3 འདུག   [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།31.25MS