ཁྱེད་ཀྱི་གནས་ཡུལ: ཚངས་དབྱངས་དྲ་ཚིགས >> གསར་འགྱུར། >> འཕྲུལ་གྱི་རྒྱང་ཤེལ། >> ཆེད་དོན
  གསར་འགྱུར་ཀློག་པ།

སངས་རྒྱས་འཁྲུངས་སྐར་ལ་བཀྲ་ཤིས་བདེ་ལེགས།

[རྩོམ་པ་པོ:ཤྲྰི་ཨ་ནནྟ་  ཡོང་ཁུངས:ངེད་  དུས་ཚོད:2013/5/15 23:57:38  བཀླགས་ཐེངས:2412][ཡིག་གཟུགས:ཡིག་གཟུགས་མདོག]
༄༅། །སངས་རྒྱས་འཁྲུངས་སྐར་ལ་བཀྲ་ཤིས་བདེ་ལེགས། །
 
ན་མོ་གུ་རུ་བུདྡྷ་ཛྙྰ་ན་ཤྰཀྱ་མུ་ན་ཡེ། །
ཀ་མ་ལ་ལྟར་ཐུགས་བསྐྱེད་མཚུངས་མེད་བསྐལ་བཟང་སངས་རྒྱས་སྟོང་ལས་ལྷག །
ཁ་ཡེ་ལ་སོགས་མཐར་འཛིན་ལྟ་བས་འགྲན་པའི་ཟླ་མེད་དམ་ཆོས་གསུངས། །
ག་བུར་དབང་ལྟར་ཞི་བསིལ་དཔག་མེད་འཕགས་ཚོགས་རྒྱུ་སྐར་དབུས་ན་མཛེས། །
ང་ཅག་འགྲོ་བར་བཀའ་དྲིན་ཟླ་མེད་ཤྰཀྱ་སེངྒེས་དུས་ཀུན་སྐྱོང་། །
ཅ་ཅོ་བྲེད་མོའི་གཡོ་རྫུན་མེད་པར་བདེན་བཞི་བླང་དོར་སྟོན་མཛད་པའི། །
ཆ་མཉམ་མཐའ་གཉིས་ཕྱོགས་སློང་ཀུན་བྲལ་རྟག་ཆད་མེད་པའི་ལམ་བཟང་བསྟན། །
ཇ་ཆང་འདོད་ཡོན་ཞགས་པས་མ་འཆིང་ཤྰཀྱའི་རྒྱལ་པོའི་རྒྱལ་སྲས་མཆོག །
ཉ་གང་ཟླ་གཞོན་མཁའ་ལ་མཛེས་ལྟར་སྟོན་པ་གཞན་ལས་ཁྱད་པར་འཕགས། །
ཏ་ཐྰ་ག་ཏའི་བསྟན་པ་རིན་ཆེན་འཇིག་རྟེན་ཁམས་སུ་འདྲེན་པའི་མགོན། །
ཐ་དག་རིག་གནས་ཀུན་མཁྱེན་མངའ་བས་ཡང་དག་རྒྱལ་བ་རྫོགས་སངས་རྒྱས། །
ད་དུང་བསྟན་འགྲོར་ཕན་བདེའི་ཕྲིན་ལས་བརླབ་ཆེན་རབ་འབྱམས་ཞིང་ཀུན་མཉམ། །
ན་མོ་དད་གུས་མི་ཕྱེད་འདུད་པས་ཚེ་རབས་གཏན་གྱི་སྐྱབས་སུ་བསྟེན། །
པ་ར་མི་ཏའི་བྱང་ཆུབ་སྤྱོད་འཇུག་རྒྱལ་སྲས་ཐེག་པའི་ས་ལམ་དང་། །
ཕ་མའི་རྒྱུད་སྡེ་ཀུན་འདུས་དགོངས་གནད་གསང་ཆེན་སྔགས་ཀྱི་ཐེག་པ་གསུངས། །
བ་རྒན་འདྲ་བའི་འགྲོ་བ་རྣམས་ལ་ལམ་སྣ་སྟོན་པའི་དེད་དཔོན་མཆོག །
མ་རིག་མུན་སེལ་ཐུགས་རྗེའི་རྣམ་ཐར་བཅུ་གཉིས་མངོན་སུམ་རྒྱན་ཏུ་བཞུགས། །
ཙ་ར་མེད་པའི་རྟོག་སྒྲུང་མ་ཡིན་འགྲོ་དྲུག་སྣང་བར་མངོན་རྗེས་བཀྲ། །
ཚ་གྲང་སྡུག་བསྔལ་ནད་རིགས་ཀུན་སེལ་སྨན་མཆོག་བརྒྱད་ཁྲི་བཞི་སྟོང་ཤིས། །
ཛ་དྲག་གནོད་པའི་འཇིགས་བསྐུལ་མ་ཡིན་འདི་ཕྱིའི་ཚེ་སྲོག་ཕན་ཞིང་བདེ། །
ཝ་ལེར་གསལ་བའི་རྒྱལ་བསྟན་ཉི་མ་ཞིང་འདིར་འཆར་བར་ཀུན་ཏུ་ལེགས། །
ཞ་གོས་རིགས་རུས་ཁྱད་པར་མི་བལྟར་སེམས་རྒྱུད་འདུལ་བའི་ཐབས་ཤེས་གང་། །
ཟ་ཧོར་མཁན་ཆེན་མཆོག་ལས་བརྒྱུད་པའི་སྡེ་སྣོད་འཛིན་པའི་དགེ་འདུན་དང་། །
འ་ཅག་ཆོས་རྒྱལ་བཀའ་དྲིན་ཅན་གྱིས་དགེ་ཁྲིམས་དམ་པའི་ལམ་བཟང་ཀུན། །
ཡ་རབས་ཕ་མེས་བརྒྱུད་པའི་སྲོལ་བཟང་འཛིན་སྐྱོང་སྤེལ་བའི་གངས་ཅན་རྒྱལ། །
ར་བ་གངས་དཀར་རི་བོའི་མཚར་སྡུག་ཤེལ་དཀར་ཕྲེང་ལྟར་ཡོངས་སུ་བསྐོར། །
ལ་ལུང་དྲི་མེད་རང་བཞིན་རྣམ་དག་འཁོར་ཡུག་གཙང་བདེ་ཆོས་ལྡན་ཞིང་། །
ཤ་ཚ་སྙིང་རྗེ་ལྷན་སྐྱེས་མངའ་བའི་འཕགས་ཡུལ་བསིལ་ལྗོངས་སྣོད་བཅུད་ཀུན། །
ས་ཐོབ་སེམས་དཔའི་འབྱུང་གནས་གང་དེར་སྲས་བཅས་རྒྱལ་བས་བསྔགས་པར་འོས། །
ཨ་ལ་ལ་ཧོ་སངས་རྒྱས་འཁྲུངས་སྐར་བཀྲ་ཤིས་བདེ་ལེགས་འཚམས་འདྲི་བཅས། །
ཧ་ཤང་རྒན་པོའི་རྣལ་འབྱོར་ལྡན་པའི་དཔལ་དགྱེས་རྡོ་རྗེས་གུས་ཕྱག་མཆོད། །
གནའ་དེང་ཟུང་གྱི་རྣམ་དཔྱོད་ལྡན་པའི་མཁས་གྲུབ་རྒྱལ་བའི་སྲས་པོ་རྣམས། །
ཚོགས་གཉིས་རྒྱ་མཚོའི་དཔལ་ཡོན་རོལ་བའི་ཆོས་གྲོགས་ཡོངས་ལ་རྟེན་འབྲེལ་སྨོན། །
འཇིག་རྟེན་ཡང་དག་དགེ་བཅུའི་དཔལ་ཡོན་སྐྱེ་རྒུ་རྣམས་ཀྱིས་ལེགས་སྤྱོད་ཅིང་། །
མངོན་མཐོ་ངེས་ལེགས་ཐར་བའི་གོ་འཕང་དཀའ་ཚེགས་མེད་ལེགས་འགྲུབ་ནས། །
བྱང་ཆུབ་སེམས་དང་སྣང་སྲིད་དག་པའི་ལྷ་ལམ་ཡངས་པར་མྱུར་བགྲོད་པའི། །
རྒྱལ་བསྟན་མདོ་སྔགས་བཤད་སྒྲུབ་ཕྲིན་ལས་ཀུན་གསལ་ཁྱོན་ཀུན་ཁྱབ་གྱུར་ཅིག །
ཅེས་པ་འདི་ཡང་རབ་རྒྱན་ཆུ་སྦྲུལ་ས་གྷ་ཟླ་བའི་ཡར་ཚེས་ནས་བདག་ཅག་གི་སྟོན་པ་ཐབས་མཁས་ལ་ཐུགས་རྗེ་ཆེན་པོ་ལྡན་པ་རྫོགས་པའི་སངས་རྒྱས་བཅོམ་ལྡན་འདས་དེ་བཞིན་གཤེགས་པ་ཤྰཀྱ་ཐུབ་པའི་འཁྲུངས་སྐར་དུས་ཆེན་ཞིག་བོད་རྒྱལ་ཁབ་ཆེན་པོའི་མཉམ་ཚེས་ཀྱི་སྲི་ཞི་དགོས་པའི་འབོད་བསྐུལ་དུ་དུས་རབས་ཉེར་གཅིག་ཚེས་ནས་བཟུང་ཀླུ་སྒྲུབ་གཉིས་པ་ཀླུ་སྨྱོན་ཧེ་རུ་ཀས་ཡང་ཡང་ བདག་ཅག་གི་སྟོན་པའི་འཁྲུངས་སྐར་ཕྱག་ལེན་གྱི་ཤིང་རྟའི་སྲོལ་ཆེན་ཕྱེས་ཤིང་།ཡུལ་ཟླ་རྒྱུད་ཀྱི་མཁན་ཆེན་རྫ་ཚེ་རིང་བཀྲ་ཤིས་ཀྱིས་འཁྲུངས་སྐར་བདེ་ལེགས་རྒྱུད་འཛིན་དུ་དཔལ་ལྡན་ཟླ་བ་གྲགས་པ་ལྟ་བུས་རྩོམ་སྐུལ་གནང་བའི་རྐྱེན་ལས་ཆོས་མཆེད་དམ་པའི་ཕྱག་ལས་ལ་ཡི་རང་དང་དུས་ཆེན་སུམ་འཛོམས་ལ་དགེ་བསྐུལ་ལ་ཤྲྰི་ཨ་ནནྟ་བཛྲས་ཅི་དྲན་དུ་དབྱིན་ཡུལ་ཨེ་ཝྃ་རྫོགས་ཆེན་ཆོས་ཚོགས་ཁང་ངམ་བཀའ་གཏེར་གླེགས་བམ་བརྩེགས་པའི་གུར་ཁང་ནས་བྲིས་པ་དོན་དང་ལྡན་པར་སྨོན་ནོ། ། ། །
·གསར་འགྱུར་གོང་མ:གྱོད་ཀྱི་རྣམ་བཤད།
·གསར་འགྱུར་འོག་མ:འཁྲུངས་སྐར་སྐོར་གྱི་པར་རིས་གསར་འགྱུར་
འདྲ་ཕབ། 】 【 པར་འདེབས།
  འབྲེལ་ཡོད་གསར་འགྱུར།
·བོད་ཀྱི་ཆ་འཕྲིན་ལག་རྩལ་གྱི་ཆེད་མཁས་དགེན་བཀྲ་ཤིས་རྒྱལ་ལ་མྱ་ངན་ཞུ། 2016/11/6 15:52:45
·བི་ཀྲ་མ་ཤཱི་ལ། 2016/4/8 15:44:09
·མདོ་ཁམས་ས་ཡི་ཐིག་ལེ་བྲག་གཡབ་ལྗོངས་ཀྱི་གནས་ལུགས་མདོ་ཙམ་བརྗོད་པ། 2016/3/7 18:22:43
·ཨ་དཀོན་རིན་པོ་ཆེའི་གཞན་ཕན་དགེ་ལས་མུ་མཐུད་ནས་མཇུག་སྐྱོང་གནང་རྒྱུ་ཡིན་པ། 2016/2/24 23:13:06
·གཅེས་ཕྲུག་ཤེས་རབ་ཟླ་བ་ལ་སྤྲིངས་པ། 2015/10/28 12:35:46
ཆེད་ཞུ།:དྲ་ཚིགས་འདིའི་ནང་གི་རྒྱུ་ཆ་ཚང་མ་ནི་ངེད་ཀུང་ཟིས་འཚོལ་བསྡུ་དང་ལེགས་བསྒྲིགས་བྱས་པ་ཡིན་པས། ངེད་ཀུང་ཟིས་དགོངས་འཁྲོལ་མེད་ཚེ་གང་དུ་པར་བཤུས་བརྒྱབ་མི་ཆོག གལ་སྲིད་སྐུ་ཉིད་ཀྱི་ཁེ་ཕན་ལ་གནག་པའི་ཆ་ཡོད་ཚེ། ཁྱེད་ཀྱིསའབྲེལ་གཏུགས་གནང་རོགས།
  འབྲེལ་ཡོད་དཔྱད་བརྗོད།
 评论者:uFTTnEa0
<a href="https://www.bj-arts.com/">�ۻ���</a>
<a href="https://www.hxxx.net/">��˿������</a>
<a href="https://www.xinhushi.com/">�����ع�</a>
<a href="https://www.job114.net.cn/">����������</a>
<a href="https://www.qqhru.net/">����������</a>
发表时间:2018/12/5 23:40:37 [来自: 112.5.248.254]

 评论者:m.bj-arts.com
�ۻ���https://m.bj-arts.com
��˿������https://www.hxxx.net
ȯ֮��https://www.daxiangjiao1234.com
发表时间:2018/11/23 0:56:31 [来自: 112.5.248.152]

 评论者:9GrMysGs
https://www.hxxx.net/
https://www.qqhru.net/
https://www.bj-arts.com/index/cate/cid/12.html
https://www.bj-arts.com/index/cate/cid/13.html
https://www.bj-arts.com/index/cate/cid/14.html
https://www.xinhushi.com/
https://www.fs118.com/
发表时间:2018/11/16 1:53:33 [来自: 112.5.248.229]

འབྲེལ་ཡོད་དཔྱད་བརྗོད 57 ཡོད། མིག་སྔར་གསར་འགྱུར当前显示最新的 3 འདུག   [དཔྱད་བརྗོད་མང་པོར་བལྟ་བ།] [དཔྱད་བརྗོད་སྤེལ་བ།]  
འབྲེལ་གཏུག་བྱ་ཡུལ། | ཐོ་འགོད་གསལ་བཤད། | མཛའ་འབྲེལ། | འགྲུལ་པའི་ཆེམས།
པར་དབང་། Copyright © 2007-2008 ཚངས་དབྱངས་དྲ་ཚིགས All Rights Reserved.
བོདICPཨང་།    ལག་བསྟར་དུས་ཚོད།21.48MS